രാമങ്കരി: കുട്ടനാട് എംഎൽഎ തോമസ് കെ. തോമസ് തനിക്കെതിരേ പണ്ടും രാഷ്ട്രിയഗൂഢാലോചന നടത്തിയിട്ടുണ്ടെന്ന് യുഡിഎഫ് കുട്ടനാട് നിയോജകമണ്ഡലം സ്ഥാനാർഥി റെജി ചെറിയാൻ പറഞ്ഞു. ചന്പക്കുളം കല്ലന്പള്ളി ക്ഷേത്ര ആഡിറ്റോറിയത്തിൽ യുഡിഎഫ് പ്രവർത്തകർ നൽകിയ സ്വീകരണത്തിന് ശേഷം മാധ്യമപ്രവർത്തകരോട് സംസാരിക്കുകയായിരുന്നു അദ്ദേഹം. തിരഞ്ഞെടുപ്പിൽ തോല്പ്പി ക്കാൻ കഴിയാത്തതുകൊണ്ടാണോ പത്രിക തള്ളിക്കാൻ ശ്രമം നടത്തിയതെന്ന ചോദ്യത്തിന് തീർച്ചയായിട്ടും അതേ എന്നും അദ്ദേഹം പ്രതികരിക്കുകയുണ്ടായി.
കഴിഞ്ഞ 10 വർഷം ഇവിടെ ഇടതുപക്ഷം കുട്ടനാടിന് വേണ്ടി എന്താണ് ചെയ്തതെന്ന് പറയണം. കുട്ടനാട്ടിൽ എന്തെങ്കിലും വികസനം നടന്നിട്ടുണ്ടെങ്കിൽ അത് ജീ. സുധാകരൻ കൊണ്ടുവന്നതാണ്. അദ്ദേഹമിപ്പോൾ യു ഡി എഫി നൊപ്പമാണ്. 100ൽ കൂടുതൽ സീറ്റ് വാങ്ങിക്കൊണ്ട് ടീം യുഡിഎഫ് ഇപ്രാവശ്യം ഭരണത്തിൽ വരും.
കഴിഞ്ഞ ഇരുപത് വർഷമായി കുടിക്കാൻ വെള്ളം തരൂ എന്ന് പറഞ്ഞാൽ വെള്ളം എവിടെ എന്ന് അങ്ങോട്ട് ചോദിക്കുന്ന ഒരു എംഎൽഎ യാണ് ഉണ്ടായിരുന്നത്. ഇവിടെ വലിയ മാറ്റം വരാൻ പോകുന്നുവെന്ന് എംഎൽഎയ്ക്കും, എൻസിപി യെന്ന വലിയ പ്രസ്ഥാനത്തിനും മനസ്സിലായി. അതിന്റെ വെപ്രാളമാണ് ഇപ്പോൾ കാണുന്നതെന്നും അദ്ദേഹം പറയുകയുണ്ടായി.
Tags : nattu vishesham Kuttanad MLA Reggie Cherian