1

ഇ​ടു​ക്കി: ജി​ല്ല​യി​ലെ മ​നു​ഷ്യ-​വ​ന്യ​ജീ​വി സം​ഘ​ര്‍​ഷം ല​ഘൂ​ക​രി​ക്കു​ന്ന​തി​ന് മാ​സ്റ്റ​ർ പ്ലാ​ൻ ത​യാ​റാ​ക്കാ​ൻ ജ​ന​പ്ര​തി​നി​ധി​ക​ളു​ടെ​യും ഉ​ദ്യോ​ഗ​സ്ഥ​രു​ടെ​യും സം​യു​ക്ത യോ​ഗം തീ​രു​മാ​നി​ച്ചു. ഡീ​ന്‍ കു​ര്യാ​ക്കോ​സ് എം​പി, ചീ​ഫ് വി​പ്പ് അ​പു ജോ​ണ്‍ ജോ​സ​ഫ്, എം​എ​ല്‍​എ​മാ​രാ​യ റോ​യ് കെ. ​പൗ​ലോ​സ്, സി​റി​യ​ക് തോ​മ​സ്, സേ​നാ​പ​തി വേ​ണു, എ​ഫ്. രാ​ജ എ​ന്നി​വ​രു​ടെ നേ​തൃ​ത്വ​ത്തി​ല്‍ ജി​ല്ലാ ക​ള​ക്ട​ര്‍ ഡോ. ​ദി​നേ​ശ​ന്‍ ചെ​റു​വാ​ട്ടി​ന്‍റെ അ​ധ്യ​ക്ഷ​ത​യി​ല്‍ ചേ​ര്‍​ന്ന വ​നം​വ​കു​പ്പ് ഉ​ദ്യോ​ഗ​സ്ഥ​രു​ടെ യോ​ഗ​ത്തി​ലാ​ണ് ഇ​തു സം​ബ​ന്ധി​ച്ച് തീ​രു​മാ​ന​മെ​ടു​ത്ത​ത്.

ജ​ന​ജാ​ഗ്ര​താ സ​മി​തി, റാ​പ്പി​ഡ് റെ​സ്‌​പോ​ണ്‍​സ് ടീം, ​പ്രൈ​മ​റി റെ​സ്‌​പോ​ണ്‍​സ് ടീം ​എ​ന്നി​വ​യു​ടെ​യും പ്ര​വ​ര്‍​ത്ത​നം ശ​ക്ത​മാ​ക്കും. സം​ഘ​ര്‍​ഷസാ​ധ്യ​ത കൂ​ടി​യ മേ​ഖ​ല​ക​ളി​ല്‍ പ്ര​ദേ​ശ​വാ​സി​ക​ള്‍​ക്കാ​യി ബോ​ധ​വ​ത്ക​ര​ണ ക്ലാ​സു​ക​ള്‍ സം​ഘ​ടി​പ്പി​ക്കും. ട്ര​ഞ്ച് നി​ര്‍​മാ​ണം പോ​ലു​ള്ള പ്ര​തി​രോ​ധ പ്ര​വ​ര്‍​ത്ത​ന​ങ്ങ​ള്‍ കൂ​ടു​ത​ൽ ശ​ക്ത​മാ​ക്കും. വ​ന​മേ​ഖ​ല​ക​ളി​ലെ അ​ന​ധി​കൃ​ത വേ​ലി​ക​ളും കൈ​യേ​റ്റ​ങ്ങ​ളും ഒ​ഴി​പ്പി​ക്കും. അ​ടി​യ​ന്ത​ര ഘ​ട്ട​ത്തി​ല്‍ വി​നി​യോ​ഗി​ക്കു​ന്ന​തി​നാ​യി എ​മ​ര്‍​ജ​ന്‍​സി ഫ​ണ്ട് ല​ഭ്യ​മാ​ക്കു​ന്ന​ത് സം​ബ​ന്ധി​ച്ച് സ​ര്‍​ക്കാ​രി​ന്‍റെ ശ്ര​ദ്ധ​യി​ല്‍​പ്പെ​ടു​ത്തും.

ദേ​വി​കു​ളം ആ​സ്ഥാ​ന​മാ​യു​ള്ള പ്ര​ധാ​ന ആ​ര്‍​ആ​ര്‍​ടി​ക്ക് പു​റ​മേ ചി​ന്ന​ക്ക​നാ​ല്‍ ആ​സ്ഥാ​ന​മാ​ക്കി മ​റ്റൊ​രു ആ​ര്‍​ആ​ര്‍​ടി കൂ​ടി വേ​ണ​മെ​ന്ന് വ​നം​വ​കു​പ്പ് നി​ർ​ദേ​ശി​ച്ചു. 64 ആ​ര്‍​ആ​ര്‍​ടി​ക​ളി​ലാ​യി 649 പേ​രാ​ണ് മൂ​ന്നാ​ര്‍ മേ​ഖ​ല​യി​ല്‍ പ്ര​വ​ര്‍​ത്തി​ക്കു​ന്ന​ത്. തൊ​ടു​പു​ഴ, അ​റ​ക്കു​ളം മേ​ഖ​ല​യി​ലും ആ​ര്‍​ആ​ര്‍​ടി​യു​ടെ സേ​വ​നം ല​ഭ്യ​മാ​ക്ക​ണം. ഇ​ടു​ക്കി പാ​ക്കേ​ജി​ൽ ഉ​ൾ​പ്പെ​ട്ട ഫെ​ന്‍​സിം​ഗ് നി​ർ​മാ​ണ​ത്തി​ന് ക​രാ​റു​കാ​രെ ല​ഭി​ക്കാ​ത്ത സാ​ഹ​ച​ര്യ​മു​ണ്ടെ​ന്നും ഉ​ദ്യോ​ഗ​സ്ഥ​ര്‍ ‌യോ​ഗ​ത്തി​ൽ അ​റി​യി​ച്ചു.

കാ​ട് മൂ​ടി​ക്കി​ട​ക്കു​ന്ന എ​സ്റ്റേ​റ്റു​ക​ള്‍ വെ​ട്ടി​ത്തെ​ളി​ക്കു​ന്ന​തി​ന് ഉ​ട​മ​ക​ള്‍​ക്ക് നോ​ട്ടീ​സ് ന​ല്‍​കും. ഉ​പ്പു​ത​റ​യി​ല്‍ ഫെ​ന്‍​സിം​ഗ് ചി​ല​ര്‍ ന​ശി​പ്പി​ക്കു​ന്ന​തു​മാ​യി ബ​ന്ധ​പ്പെ​ട്ട് ക​ര്‍​ശ​ന നി​യ​മ​ന​ട​പ​ടി സ്വീ​ക​രി​ക്കാ​ന്‍ ജി​ല്ലാ ക​ള​ക്ട​ര്‍ നി​ര്‍​ദേ​ശി​ച്ചു. വ​ന്യ​ജീ​വി സം​ഘ​ര്‍​ഷ മേ​ഖ​ല​ക​ളി​ല്‍ ഡ്രോ​ണ്‍ നി​രീ​ക്ഷ​ണം ശ​ക്ത​മാ​ക്കും.

ജി​ല്ലാ ക​ള​ക്ട​റു​ടെ ചേം​ബ​റി​ല്‍ ചേ​ര്‍​ന്ന യോ​ഗ​ത്തി​ല്‍ ചീ​ഫ് ക​ണ്‍​സ​ര്‍​വേ​റ്റ​ര്‍ ഓ​ഫ് ഫോ​റ​സ്റ്റ് ഡി.​കെ. വി​നോ​ദ്, അ​ഡീ​ഷ​ണ​ല്‍ ജി​ല്ലാ മ​ജി​സ്‌​ട്രേ​റ്റ് എ​സ്. ശ്രീ​ജി​ത്ത്, വ​നം​വ​കു​പ്പ് ഉ​ദ്യോ​ഗ​സ്ഥ​ര്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.

Tags : Master plan Nattuvishesham District News