Deepika
ADVERTISEMENT
വിദ്യാര്ഥികളുടെ നേതൃത്വത്തില് ഒരുക്കിയ നാട്ടുചന്ത.
കോട്ടയം: സ്കൂള് വരാന്തയില് ഓലമേഞ്ഞ ചെറിയ കടകള്, കടയ്ക്കുള്ളില് ചേനയും ചേമ്പും കാച്ചിലും നാടന് വാഴക്കുലകളും കോഴിയും താറാവും മുട്ടയുമുണ്ട്. കുട്ടികള് ഓരോരോ സാധനങ്ങള് വാങ്ങുകയാണ്.
എംഡി സെമിനാരി സ്കൂളിലെ ഇക്കോ ക്ലബ്ബിന്റെ ആഭിമുഖ്യത്തില് സംഘടിപ്പിച്ച ‘കന്നിക്കൊയ്ത്തും വിളവെടുപ്പും നാട്ടുചന്തയും’ പരിപാടിയുടെ ഭാഗമായിട്ടാണ് സ്കൂള് മുറ്റം നാട്ടുചന്തയായി മാറിയത്. വിദ്യാര്ഥികളില് കാര്ഷികസംസ്കാരം വളര്ത്തുകയെന്ന ലക്ഷ്യത്തോടെ നടപ്പിലാക്കിയ ‘’ഒരു കര്ഷകന്’’ പദ്ധതിയുടെ പൂര്ത്തീകരണത്തോടനുബന്ധിച്ചായിരുന്നു പരിപാടി.
സ്കൂളിലെ ഇക്കോ ക്ലബ്ബിന്റെ ആഭിമുഖ്യത്തില് ക്ലബ് അംഗങ്ങളായ കുട്ടികള്ക്ക് പച്ചമുളക്, വഴുതന, വെണ്ട, തക്കാളി, പയര് എന്നീ അഞ്ച് കൂട്ടം പച്ചക്കറികളുടെ തൈകള് വീട്ടില് കൃഷി ചെയ്യുന്നതിനായി നല്കി. ഈ കൃഷിയുടെ വിളവെടുപ്പില് ലഭിച്ച പച്ചക്കറികള് കുട്ടികള് സ്കൂളില് കൊണ്ടുവന്നു വില്ക്കുകയായിരുന്നു. ഇതിനൊപ്പം കുട്ടികളുടെ വീടുകളില് വിളവെടുത്ത മറ്റു പച്ചക്കറികളും നാടന് ഭക്ഷ്യസാധനങ്ങളും എത്തിച്ചു.
വാഴച്ചുണ്ട്, കാന്താരി, കപ്പളങ്ങ, മാങ്ങ, പേരയ്ക്ക തുടങ്ങിയവയും നാടന് ഭക്ഷ്യവിഭവങ്ങളായ ഇലയട, കൊഴുക്കട്ട, അവല് നനച്ചത്, ഉണ്ണിയപ്പം, അച്ചാറുകള്, ചമ്മന്തിപ്പൊടി എന്നിവയും ഉണ്ടായിരുന്നു. അലങ്കാരപ്പക്ഷികള്, മണ്പാത്രങ്ങള്, നാടന് അലങ്കാരവസ്തുക്കള് എന്നിവയും വില്പനക്കെത്തിച്ചു.
പൊതുവിപണിയേക്കാള് വില കുറച്ചാണ് ഇവ വിറ്റഴിച്ചത്. രാവിലെ തുടങ്ങിയ നാട്ടുചന്തയില് ഉച്ചയോടെ മുഴുവന് സാധനങ്ങളും വിറ്റുതീര്ന്നു. വില്പനയിലൂടെ ലഭിച്ച തുക പച്ചക്കറികള് എത്തിച്ച കുട്ടികള്ക്ക് നല്കി. മികച്ച രീതിയില് കൃഷി ചെയ്ത ആഞ്ജനേയന് റിനു, അശ്വിത്ത് റിനു, ശ്രീഹരി രമേശ്, ആരുഷ് ഗോപി അലന് തോമസ് എന്നിവരെ മികച്ച കുട്ടിക്കര്ഷകരായും തെരഞ്ഞെടുത്തു.
രാവിലെ നടന്ന സമ്മേളനത്തില് നാട്ടകം സുരേഷ് എംഎല്എ, ആബ്ടെക് എംഡി കെ.ജെ. ജേക്കബ് കൊച്ചേട്ട്, ജില്ലാ വിദ്യാഭ്യാസ ഓഫീസര് ഹണി ജി. അലക്സാണ്ടര്, പ്രിന്സിപ്പല് ഡോ. ജേക്കബ് ജോണ്, ഹെഡ്മാസ്റ്റര് തോമസ് ഏബ്രഹാം, പിടിഎ പ്രസിഡന്റ് മധു മോഹന്, ഇക്കോ ക്ലബ് കണ്വീനര് പ്രീതി കോശി എന്നിവര് പങ്കെുടത്തു. ‘ഒരു കര്ഷകന് ’പദ്ധതിയുടെ രണ്ടാം ഘട്ടമായി സ്കൂള് മുറ്റത്ത് ശീതകാല പച്ചക്കറി കൃഷി ഉടന് ആരംഭിക്കും. കൂടാതെ ജൈവ വൈവിധ്യ പാര്ക്കും തയാറാക്കുന്നുണ്ട്.
ADVERTISEMENT
ADVERTISEMENT
ADVERTISEMENT
ADVERTISEMENT
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN
Email
Facebook
Whatsapp
Linked In
Telegram