ലോക ആയുർവേദ ദിനാചരണത്തിന്റെ ഭാഗമായി ക്രൈസ്റ്റ് നഗർ സെൻട്രൽ സ്കൂളിൽ സംഘടിപ്പിച്ച മെഡിക്കൽ ക്യാന്പിനോടനുബന്ധിച്ച് സ്കൂൾ പ്രിൻസിപ്പൽ ഫാ. സിറിയക്ക് കാനായിൽ സിഎംഐ, ഗവ.
തിരുവനന്തപുരം: ലോക ആയുർവേദ ദിനാചരണത്തിന്റെ ഭാഗമായി ക്രൈസ്റ്റ് നഗർ സെൻട്രൽ സ്കൂളിൽ ആയുർവേദ മെഡിക്കൽ ക്യാമ്പ് സംഘടിപ്പിച്ചു. സ്കൂളിലെ ഫോറസ്ട്രീ ക്ലബ്, നേച്ചർ ക്ലബ്, സീഡ് ക്ലബ് എന്നിവയുടെ സഹകരണത്തോടെ ഗവ. ആയുർവേദ കോളജിന്റെ നേതൃത്വത്തിലാണ് ക്യാമ്പ് സംഘടിപ്പിച്ചത്.
സ്കൂൾ പ്രിൻസിപ്പൽ ഫാ. സിറിയക്ക് കാനായിൽ സിഎംഐ, ഗവ. ആയുർവേദ കോളജിലെ അസോസിയേറ്റ് പ്രഫസറും എച്ച്ഒഡിയുമായ ഡോ. സിമി രവീന്ദ്രൻ, ആയുർവേദ കോളജിലെ ഡോക്ടർമാർ, വിദ്യാർഥികൾ എന്നിവർചേർന്നു ശതാവരി ചെടിയുടെ തൈ നട്ടുകൊണ്ടാണ് മെഡിക്കൽ ക്യാമ്പിന്റെ ഉദ്ഘാടനം നിർവഹിച്ചത്. ക്യാമ്പിന്റെ ഭാഗമായി അർഹരായവർക്ക് സൗജന്യമായി മരുന്നുകൾ വിതരണം ചെയ്യുകയും വിവിധ ഔഷധസസ്യങ്ങളുടെ തൈകൾ നൽകുകയും ചെയ്തു.
ഡോ. സിമി രവീന്ദ്രൻ, ഡോ. അമ്പിളി കൃഷ്ണ, ഡോ. എസ്. സുബിന, ഡോ. ഷിൽപ, ഡോ. ഇ.ജെ. അതുല്യ, ഡോ. സി.എസ്. അഞ്ജലി, ഡോ. യു. അഞ്ജന, ഡോ. പി.കെ. നിഹാല ഷെറിൻ, ഡോ. പി.സി. പൂജ, ഡോ. പ്രമീള ഗജകോശ്, ഡോ. അശ്ന രവി, ഡോ. ടോം ബെന്നി, ഡോ. എസ്. ആനന്ദ് ജയൻ, ഡോ. എസ്. അൽഫിയ എന്നിവർ ക്യാമ്പിനു നേതൃത്വം നൽകി. സ്കൂൾ പ്രിൻസിപ്പൽ ഫാ. സിറിയക്ക് കാനായിൽ സിഎംഐ ഡോക്ടർമാർക്ക് സ്നേഹോപഹാരം സമർപ്പിച്ചു. വൈസ് പ്രിൻസിപ്പൽ ജയ ജേക്കബ് കോശി ചടങ്ങിൽ പങ്കെടുത്തു. സ്റ്റുഡന്റ് കോ- ഓർഡിനേറ്റർ മിന്നാ രഞ്ജിത്ത് ചടങ്ങിൽ സ്വാഗതവും റിയ ജോസ് നന്ദിയും പറഞ്ഞു.
ബസ് സ്റ്റോപ്പ് മാറ്റി സ്ഥാപിച്ചു
പോത്തൻകോട്: ഗതാഗതകുരുക്കു രൂക്ഷമായതിനെ തുടർന്നു പോത്തൻകോട് മേലേമുക്കിലെ കെഎസ്ആർടിസി ബസ് സ്റ്റോപ്പ് മാറ്റി സ്ഥാപിച്ചു. നിലവിലുള്ള സ്റ്റോപ്പിൽനിന്നും 100 മീറ്റർ മാറി ജല അതോറിറ്റിയുടെ വാട്ടർടാങ്കിനു സമീപത്താണ് പുതിയ സ്റ്റോപ്പ്. പോത്തൻകോട്- പൗഡിക്കോണം റൂട്ടിലെ ബസുകൾ മേലേമുക്കിൽ നിർത്തുന്നതിനാൽ ഗതാഗത കുരുക്കുണ്ടാകുന്നതിനെ തുടർന്നായിരുന്നു നടപടി. പോത്തൻകോട് സ്റ്റേഷനിൽനിന്നും പൗഡിക്കോണം റൂട്ടിലേക്കു പോകുന്ന ബസുകൾ മേലേമുക്കിൽ നിന്നും വളവ് തിരിഞ്ഞാണ് പോകുന്നത്. പഴയ ബസ് സ്റ്റോപ്പിനു മുൻപിൽ പൊലിസ് ഇന്നലെ നോ പാർകിംഗ് ബോർഡ് സ്ഥാപിച്ചു.