3

ചേ​ർ​ത്ത​ല: ചേ​ർ​ത്ത​ല ന​ഗ​ര​ത്തി​ൽ ദേ​ശ​സാ​ത്കൃ​ത ബാ​ങ്കി​ന്‍റെ വ്യാ​ജ രേ​ഖ​ക​ൾ ഉ​ണ്ടാ​ക്കി ത​ട്ടി​പ്പ് ന​ട​ത്തി​യ സം​ഭ​വ​ത്തി​ല്‍ ചേ​ര്‍​ത്ത​ല പൊ​ലീ​സ് അ​ന്വേ​ഷ​ണം ഊ​ര്‍​ജി​ത​മാ​ക്കി. ര​ണ്ടു​കോ​ടി​ക്കു​മേ​ല്‍ ത​ട്ടി​പ്പ് ന​ട​ന്ന​താ​യാ​ണ് അ​റി​യു​ന്ന​ത്. കൂ​ടു​ത​ല്‍ പേ​ര്‍​ക്ക് പ​ണം ന​ഷ്ട​പ്പെ​ട്ട​താ​യാ​ണ് വി​ല​യി​രു​ത്ത​ല്‍.

ഇ​തു​വ​രെ മൂ​ന്നു സ്ത്രീ​ക​ളാ​ണ് പ​രാ​തി ന​ൽ​കി​യി​ട്ടു​ള്ള​ത് ഇ​വ​രി​ൽ​നി​ന്ന് 27 ല​ക്ഷ​മാ​ണ് ത​ട്ടി​യെ​ടു​ത്ത​ത്. കൂ​ടു​ത​ല്‍ ആ​ളു​ക​ള്‍ ത​ട്ടി​പ്പി​ല്‍ ഉ​ള്‍​പ്പെ​ട്ടി​ട്ടു​ണ്ടോ​യെ​ന്ന് പൊ​ലീ​സ് പ​രി​ശോ​ധി​ക്കു​ന്നു​ണ്ട്. പ​ണം ന​ഷ്ട​പ്പെ​ട്ട പ​ല​രും യു​വ​തി​യോ​ട് അ​ടു​പ്പ​മു​ള്ള​വ​രും ബ​ന്ധു​ക്ക​ളു​മാ​ണെ​ന്നാ​ണ് വി​വ​രം. വാ​ര​നാ​ട്, ക​ട​ക്ക​ര​പ്പ​ള്ളി എ​ന്നി​വി​ട​ങ്ങ​ളി​ലു​ള്ള​വ​രാ​ണ് പ​രാ​തി​യു​മാ​യി എ​ത്തി​യി​ട്ടു​ള്ള​വ​രി​ൽ ഭൂ​രി​പ​ക്ഷ​വും. പ​ണം ന​ൽ​കി​യി​രു​ന്ന​വ​ർ​ക്ക് സം​ശ​യം തോ​ന്നാ​തി​രി​ക്കാ​ൻ കൃ​ത്യ​മാ​യി ബാ​ങ്കി​ന്‍റെ വ്യാ​ജ രേ​ഖ​ക​ൾ ന​ൽ​കി​യി​രു​ന്നു. അ​ടു​ത്തി​ടെ നി​ക്ഷേ​പം തി​രി​കെ കി​ട്ടാ​ൻ ബാ​ങ്കി​നെ സ​മീ​പി​ച്ച​തോ​ടെ​യാ​ണ് ത​ട്ടി​പ്പു പു​റ​ത്താ​യ​ത്.

ബാ​ങ്കി​ന്‍റെ കോ​ട​തി ക​വ​ല​യ്ക്കു സ​മീ​പ​മു​ള്ള ശാ​ഖ​യി​ൽ ക​രാ​ർ ഏ​ജ​ൻ​സി നി​യോ​ഗി​ച്ച ശു​ചീ​ക​ര​ണ തൊ​ഴി​ലാ​ളി​യാ​യ യു​വ​തി​ക്കെ​തി​രേ​യാ​ണ് പ​രാ​തി​ക​ൾ ഉ​യ​ര്‍​ന്ന​ത്. ഇ​വ​ർ ബാ​ങ്കി​ന്‍റെ ജീ​വ​ന​ക്കാ​രി​യാ​ണെ​ന്നു തെ​റ്റി​ദ്ധ​രി​പ്പി​ച്ച് ഉ​യ​ർ​ന്ന പ​ലി​ശ വാ​ഗ്ദാ​നം ചെ​യ്ത് നി​ര​വ​ധി​യാ​ളു​ക​ളി​ല്‍​നി​ന്നു ബാ​ങ്കി​ന്‍റെ പേ​രി​ൽ നി​ക്ഷേ​പം സ്വീ​ക​രി​ക്കു​ക​യാ​യി​രു​ന്നു. ഇ​തി​നാ​യി ബാ​ങ്കി​ന്‍റെ ഉ​ദ്യോ​ഗ​സ്ഥ​രു​ടെ ഒ​പ്പും സീ​ലും ര​സീ​തും സ്ഥി​ര​നി​ക്ഷേ​പ രേ​ഖ​ക​ളും വ്യാ​ജ​മാ​യി ത​യാ​റാ​ക്കി ന​ൽ​കി​യി​രു​ന്നു.

ആ​രോ​പ​ണ വി​ധേ​യ​യാ​യ യു​വ​തി ഓ​ഗ​സ്റ്റ് 12 മു​ത​ൽ ബാ​ങ്കി​ൽ വ​ന്നി​രു​ന്നി​ല്ല. ആ​രോ​പ​ണ​ങ്ങ​ൾ ശ്ര​ദ്ധ​യി​ൽ​പ്പെ​ട്ട​തോ​ടെ 21ന് ​ഇ​വ​രെ മാ​റ്റി പ​ക​രം ആ​ളെ ത​രാ​ൻ ബാ​ങ്ക് അ​ധി​കൃ​ത​ര്‍ ഏ​ജ​ൻ​സി​ക്കു നി​ർ​ദേ​ശം ന​ൽ​കി​യി​രു​ന്നു. ചേ​ർ​ത്ത​ല വാ​ര​നാ​ട് സ്വ​ദേ​ശി​നി​യാ​യ യു​വ​തി ഇ​പ്പോ​ൾ ഒ​ളി​വി​ലാ​ണെ​ന്നാ​ണ് വി​വ​രം.

ദേ​ശ​സാ​ത്കൃ​ത ബാ​ങ്കി​ന്‍റെ പേ​രി​ൽ വ്യാ​ജ രേ​ഖ​ക​ൾ ച​മ​ച്ച​താ​യ പ​രാ​തി​യി​ൽ ചേ​ര്‍​ത്ത​ല പൊ​ലീ​സ് ബാ​ങ്ക് മാ​നേ​ജ​രു​ടെ മൊ​ഴി​യെ​ടു​ത്തു.

പ​ണം ന​ഷ്ട​പ്പെ​ട്ട​വ​രു​ടെ പ​രാ​തി​യി​ലും ഘ​ട്ടം​ഘ​ട്ട​മാ​യി ഒ​രോ​രു​ത്ത​രു​ടെ​യും മൊ​ഴി​യേ​ടു​ത്ത് പൊ​ലീ​സ് കേ​സെ​ടു​ക്കും.

Tags : Nattuvishesham DistrictNews