9

മു​ക്കം: എ​ല്ലാ വ​ർ​ക്കും ശു​ദ്ധ​ജ​ല​മെ​ത്തി​ക്കു​ക എ​ന്ന ല​ക്ഷ്യ​ത്തോ​ടെ​യാ​രം​ഭി​ച്ച അ​മൃ​ത് - ര​ണ്ട് പ​ദ്ധ​തി​യു​ടെ ഭാ​ഗ​മാ​യി റോ​ഡ് വെ​ട്ടി​പ്പൊ​ളി​ച്ച​തോ​ടെ സു​ര​ക്ഷി​ത​മാ​യ യാ​ത്ര മാ​ർ​ഗ​മി​ല്ലാ​തെ നി​ര​വ​ധി കു​ടും​ബ​ങ്ങ​ൾ.

മു​ക്കം ന​ഗ​ര​സ​ഭ​യി​ലെ കു​റ്റി​പ്പാ​ല - പ​മ്പ് ഹൗ​സ് - മാ​മ്പൊ​യി​ൽ റോ​ഡി​നെ ആ​ശ്ര​യി​ക്കു​ന്ന നൂ​റി​ൽ പ​രം കു​ടും​ബ​ങ്ങ​ളാ​ണ് ക​ടു​ത്ത യാ​ത്രാ ദു​രി​ത​മ​നു​ഭ​വി​ക്കു​ന്ന​ത്.
എ​ട്ട് മാ​സം മു​മ്പ് പൊ​ളി​ച്ചി​ട്ട റോ​ഡി​ൽ ഓ​രോ ദി​വ​സം ക​ഴി​യും​തോ​റും അ​പ​ക​ട സാ​ധ്യ​ത​യും വ​ർ​ധി​ക്കു​ന്നു. നി​ല​വി​ൽ ഇ​രു​ച​ക്ര​വാ​ഹ​ന​ങ്ങ​ൾ അ​ട​ക്കം മ​റി​ഞ്ഞ് അ​പ​ക​ടം നി​ത്യ സം​ഭ​വ​മാ​ണി​വി​ടെ.​പു​ഴ​യോ​രം റ​സി​ഡ​ൻ​സ് ഭാ​ര​വാ​ഹി​ക​ൾ നി​ര​വ​ധി ത​വ​ണ പ​രാ​തി​ക​ൾ അ​റി​യി​ച്ചി​ട്ടും വാ​ട്ട​ർ അ​തോ​റി​റ്റി​യു​ടെ ഭാ​ഗ​ത്ത് നി​ന്ന് യാ​തൊ​രു ന​ട​പ​ടി​യും സ്വീ​ക​രി​ക്കു​ന്നി​ല്ല.

കൊ​യി​ലാ​ണ്ടി - എ​ട​വ​ണ്ണ സം​സ്ഥാ​ന പാ​ത​യു​മാ​യി ബ​ന്ധി​പ്പി​ക്കു​ന്ന റോ​ഡാ​യ​തി​നാ​ൽ മെ​യി​ൽ റോ​ഡി​ൽ എ​ന്തെ​ങ്കി​ലും ത​ര​ത്തി​ൽ ഗ​താ​ഗ​ത ത​ട​സ​മു​ണ്ടാ​യാ​ൽ യാ​ത്ര​ക്കാ​ർ ബൈ​പാ​സാ​യി ഉ​പ​യോ​ഗി​ക്കു​ന്ന റോ​ഡു​കൂ​ടി​യാ​ണി​ത്.

700 മീ​റ്റ​ർ നീ​ള​ത്തി​ലും നാല് മീ​റ്റ​ർ വീ​തി​യി​ലു​മുള്ള റോ​ഡ് പ​ല ഭാ​ഗ​ത്തും മു​ഴു​വ​നാ​യും ചി​ല സ്ഥ​ല​ങ്ങ​ളി​ൽ പ​കു​തി​യി​ല​ധി​കം ഭാ​ഗ​വും വെ​ട്ടി​പ്പൊ​ളി​ച്ചി​ട്ടി​രി​ക്കു​ക​യാ​ണ്.
ജി​ല്ല​യി​ലെ വി​വി​ധ വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ പ​ഠി​ക്കു​ന്ന കു​ട്ടി​ക​ളും ജീ​വ​ന​ക്കാ​രും താ​മ​സി​ക്കു​ന്ന ഫ്ലാ​റ്റു​ക​ൾ ഉ​ൾ​പ്പെ​ടെ ഈ ​ഭാ​ഗ​ത്തു​ണ്ട്. സ​ത്രീ​ക​ൾ ഉ​ൾ​പ്പെ​ടെ നി​ര​വ​ധി പേ​ർ പ്ര​ഭാ​ത​സ​വാ​രി​ക്കാ​രാ​യി ഉ​ണ്ടാ​യി​രു​ന്ന​ങ്കി​ലും റോ​ഡി​ലെ അ​പ​ക​ടാ​വ​സ്ഥ മൂ​ലം അ​തും നി​ർ​ത്തി​വെ​ച്ചി​രി​ക്കു​ക​യാ​ണ്.

എ​ത്ര​യും പെ​ട്ടെ​ന്ന് പ്ര​ശ്ന പ​രി​ഹാ​ര​മാ​യി​ല്ല​ങ്കി​ൽ ശ​ക്ത​മാ​യ പ്ര​ക്ഷോ​ഭ​ത്തി​ന് ഒ​രു​ങ്ങു​ക​യാ​ണ് നാ​ട്ടു​കാ​ർ.

Tags : travel NattuVishasham DistrictNews