29

വൈ​ക്കം:​ ത​രി​ശു​നി​ല​ങ്ങ​ൾ വെ​ട്ടിത്തെ​ളി​ച്ച് കൃ​ഷി​യോ​ഗ്യ​മാ​ക്കി കൃ​ഷി​യി​റ​ക്കു​ന്ന നി​ർ​ധ​ന​രാ​യ പാ​ട്ട​ക​ർ​ഷ​ക​ർ​ക്ക് കൃ​ഷി​യി​ട​ങ്ങ​ളി​ൽ ജ​ല​സേ​ച​നം ന​ട​ത്താ​ൻ കു​പ്പി​യി​ലും ക​ന്നാ​സി​ലും പെ​ട്രോ​ൾ ല​ഭി​ക്കാ​ത്ത​ത് ക​ന​ത്ത പ്ര​ഹ​ര​മാ​കു​ന്നു.100, 200 രൂ​പയ്ക്ക് പെ​ട്രോ​ൾ വാ​ങ്ങി കൃ​ഷി​യി​ട​ത്തി​ൽ മോ​ട്ടോ​റി​ന്‍റെ സ​ഹാ​യ​ത്തോ​ടെ ജ​ല​സേ​ച​നം ന​ട​ത്തിവ​രു​ന്ന പാ​ട്ട​ക​ർ​ഷ​ക​ർ​ക്ക് സ​ർ​ക്കാ​ർ നി​ർ​ദേശ​ത്തെ തു​ട​ർ​ന്ന് പ​മ്പു​കാ​ർ കു​പ്പി​ക​ളിലും ക​ന്നാ​സി​ലും പെ​ട്രോ​ൾ ന​ൽ​കു​ന്നി​ല്ല. ഇ​പ്പോ​ൾ പെ​ട്രോ​ളി​ന് ന​ൽ​കു​ന്ന​തി​ന്‍റെ ഇ​ര​ട്ടി​ തു​ക വാ​ഹ​ന കൂ​ലി ന​ൽ​കി ക​ർ​ഷ​ക​ർ എ​ൻ‌ജിൻ പ​മ്പി​ലെ​ത്തി​ച്ച് പെ​ട്രോ​ൾ നി​റ​ച്ചു വ​രി​ക​യാ​ണ്.

കു​പ്പി​ക്കും ക​ന്നാ​സി​നും പ​ക​ര​മാ​യി ലോ​ഹ​നി​ർ​മി​ത​മാ​യ ക​ന്നാ​സി​ൽ ക​ർ​ഷ​ക​ർ പെ​ട്രോ​ൾ വാ​ങ്ങ​ണ​മെ​ന്നാ​ണ് അ​ധി​കൃ​ത​ർ പ​റ​യു​ന്ന​തെ​ന്ന് ക​ർ​ഷ​ക​ർ ആ​രോ​പി​ക്കു​ന്നു. എ​ന്നാ​ൽ ലോ​ഹ​ത്തി​ൽ നി​ർ​മി​ച്ച ക​ന്നാ​സി​ന് 7000 രൂ​പ ചെ​ല​വു വ​രും.

200 രൂ​പ​യ്ക്ക് പെ​ട്രോ​ൾ വാ​ങ്ങാ​ൻ 7000 രൂ​പ മു​ട​ക്കാ​ൻ നി​ർ​ധ​ന​രാ​യ പാ​ട്ട ക​ർ​ഷ​ക​ർ​ക്ക് ക​ഴി​യി​ല്ല.​ മ​റ​വ​ൻ​തു​രു​ത്ത് കു​ല​ശേ​ഖ​ര​മം​ഗ​ലം കൊ​ടു​പ്പാ​ടം, ചെ​മ്മ​നാ​ക​രി തു​ട​ങ്ങി​യ സ്ഥ​ല​ങ്ങ​ളി​ലെ പാ​ട്ട​ക​ർ​ഷ​ക​ർ 200 രൂ​പ​യ്ക്ക് പെ​ട്രോ​ൾ വാ​ങ്ങാ​ൻ 200 രൂ​പ വാ​ഹ​ന​കൂ​ലി ന​ൽ​ക​ണം. ര​ണ്ട് ലി​റ്റ​ർ പെ​ട്രോ​ൾ ഉ​പ​യോ​ഗി​ച്ച് ര​ണ്ടു ദി​വ​സം കൃ​ഷി​യി​ടം ന​ന​യ്ക്കാ​നാ​കും.

മ​ഴ ല​ഭി​ക്കു​ന്ന മാ​സം 10 ത​വ​ണ​യും മ​ഴ​ ല​ഭി​ക്കാ​ത്ത മാ​സം 15 ദി​വ​സ​വും എൻജിൻ പ​മ്പി​ലെ​ത്തി​ച്ച് പെ​ട്രോ​ൾ നി​റ​യ്ക്കേ​ണ്ട സ്ഥി​തി​യി​ലാ​ണ് ക​ർ​ഷ​ക​ർ. ക​ർ​ഷ​ക​ർ​ക്ക് പു​റ​മെ ഹൗ​സ് ബോ​ട്ടു​കാ​ർക്കും എ​ൻജിൻ ഘ​ടി​പ്പി​ച്ച വ​ള്ളങ്ങ​ളി​ൽ മ​ത്സ്യ ബ​ന്ധ​ന​ത്തി​നും ക​ക്കാ വാ​രാ​നും പോ​കു​ന്ന തൊ​ഴി​ലാ​ളി​ക​ൾ​ക്കും കു​പ്പി​ക​ളി​ലും ക​ന്നാ​സി​ലും പെ​ട്രോ​ൾ ല​ഭി​ക്കാ​ത്ത​ത് വ​ലി​യ പ്ര​തി​സ​ന്ധി​യു​ണ്ടാ​ക്കു​ന്നു​ണ്ട്. ക​ർ​ഷ​ക​ർ​ക്കും മത്സ്യ ക​ക്കാ തൊ​ഴി​ലാ​ളി​ക​ൾ​ക്കും വി​നോ​ദ സ​ഞ്ചാ​ര​മേ​ഖ​ല​യി​ലു​ള്ള​വ​ർ​ക്കും ബ​ന്ധ​പ്പെ​ട്ട വ​കു​പ്പ് ത​ല ഉ​ദ്യോ​ഗ​സ്ഥ​രു​ടെ അ​നു​മ​തി പ​ത്ര​ത്തി​ന്‍റെ അ​ടി​സ്ഥാ​ന​ത്തി​ൽ കു​പ്പി​യി​ലും ക​ന്നാ​സി​ലും പെ​ട്രോ​ൾ ല​ഭ്യ​മാ​ക്കു​ന്ന​തി​ന് സ​ർ​ക്കാ​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.

Tags : farmers in crisis NattuVishasham DistrictNews