28

മ​ല​പ്പു​റം: ആ​റു​വ​രി ദേ​ശീ​യ​പാ​ത​യി​ല്‍ ല​ഹ​രി​ക്ക​ട​ത്ത് ത​ട​യാ​നു​ള്ള സം​വി​ധാ​ന​ങ്ങ​ള്‍ ഒ​രു​ക്കു​ന്ന​തി​ല്‍ അ​വ്യ​ക്ത​ത. നി​യ​മ​ലം​ഘ​നം ന​ട​ത്തു​ന്ന വാ​ഹ​ന​ങ്ങ​ള്‍ ക​ണ്ടെ​ത്താ​നും പി​ഴ​ ചു​മ​ത്താ​നും പു​തി​യ ഡി​ജി​റ്റ​ല്‍ സാ​ങ്കേ​തി​ക സം​വി​ധാ​ന​ങ്ങ​ള്‍ സ​ജീ​ക​രി​ക്കു​ന്നു​ണ്ടെ​ങ്കി​ലും ല​ഹ​രി​ക്ക​ട​ത്ത് ത​ട​യാ​നു​ള്ള സം​വി​ധാ​ന​ങ്ങ​ളെ​ക്കു​റി​ച്ച് ഇ​തു​വ​രെ​യും വ്യ​ക്ത​ത​യാ​യി​ട്ടി​ല്ല.

സാ​ധാ​ര​ണ റോ​ഡു​ക​ളി​ലേ​തു​പോ​ലെ വാ​ഹ​ന​ങ്ങ​ള്‍ ത​ട​ഞ്ഞു​ള്ള പ​രി​ശോ​ധ​ന​യി​ല്ലാ​ത്ത​ത് ദേ​ശീ​യ​പാ​ത​യി​ലൂ​ടെ ല​ഹ​രി​ക്ക​ട​ത്ത് കൂ​ടാ​നി​ടാ​ക്കും. ഈ​യൊ​രു സാ​ഹ​ച​ര്യ​ത്തി​ലാ​ണ് സം​വി​ധാ​നം സ​ജീ​ക​രി​ക്കു​ന്ന​ത് സം​ബ​ന്ധി​ച്ച ചോ​ദ്യം ഉ​യ​രു​ന്ന​ത്. ദേ​ശീ​യ​പാ​ത അ​ഥോ​റി​റ്റി ഓ​ഫ് ഇ​ന്ത്യ, മോ​ട്ടോ​ര്‍ വാ​ഹ​ന വ​കു​പ്പ്, പൊ​ലീ​സ്, എ​ക്‌​സൈ​സ് എ​ന്നീ വി​ഭാ​ഗ​ങ്ങ​ള്‍​ക്കാ​ണ് ദേ​ശീ​യ​പാ​ത​യി​ലെ പ​രി​ശോ​ധ​നാ ചു​മ​ത​ല.

ട്രാ​ഫി​ക് നി​യ​മം തെ​റ്റി​ക്കു​ന്ന​ത് ക​ണ്ടു​പി​ടി​ക്കാ​ന്‍ എ​ഐ കാ​മ​റ​ക​ള​ട​ക്ക​മു​ണ്ടാ​കും. എ​ന്നാ​ല്‍ വാ​ഹ​ന​ങ്ങ​ളി​ല്‍ കൊ​ണ്ടു​പോ​കു​ന്ന എം​ഡി​എം​എ, ക​ഞ്ചാ​വ് തു​ട​ങ്ങി​യ ല​ഹ​രിക​ള്‍ തി​രി​ച്ച​റി​യാ​ന്‍ ഇ​വ​യി​ലൂ​ടെ ക​ഴി​യി​ല്ലെ​ന്നാ​ണ് മോ​ട്ടോ​ര്‍ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍ പ​റ​യു​ന്ന​ത്.

വാ​ഹ​നം നി​ര്‍​ത്തി​യു​ള്ള പ​രി​ശോ​ധ​ന​യി​ലൂ​ടെ​യും ഒ​റ്റു​കാ​ര്‍ ന​ല്‍​കു​ന്ന വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലു​മാ​ണ് ഇ​പ്പോ​ള്‍ ഇ​ത്ത​രം ല​ഹ​രി​ക്ക​ട​ത്ത് ക​ണ്ടെ​ത്തു​ന്ന​ത്. ഇ​തി​ല്‍ ഒ​റ്റു​കാ​രു​ടെ വി​വ​ര​ത്തെത്തു​ട​ര്‍​ന്നു​ള്ള പി​ടി​ച്ചെ​ടു​ക്ക​ലാ​ണ് ദേ​ശീ​യ​പാ​ത​യി​ല്‍ ന​ട​ക്കു​ക. അ​ത്ത​രം വാ​ഹ​ന​ങ്ങ​ള്‍ നി​രീ​ക്ഷി​ച്ചു പി​ടി​ക്കേ​ണ്ടി​വ​രും. വ​ലി​യ വേ​ഗ​ത്തി​ലോ​ടു​ന്ന പു​തു​ത​ല​മു​റ വാ​ഹ​ന​ങ്ങ​ളെ സ​ര്‍​ക്കാ​ര്‍ വാ​ഹ​ന​ങ്ങ​ള്‍​കൊ​ണ്ട് പി​ന്തു​ട​ര്‍​ന്ന് ക​സ്റ്റ​ഡി​യി​ലെ​ടു​ക്കു​ക​യെ​ന്ന​ത് സാ​ഹ​സി​ക​മാ​ണെ​ന്നും ഉ​ദ്യോ​ഗ​സ്ഥ​ര്‍ പ​റ യു​ന്നു.

എ​ന്‍​ട്രി, എ​ക്സി​റ്റ് പോ​യി​ന്‍റു​ക​ളി​ലെ പ​രി​ശോ​ധ​ന​യി​ലൂ​ടെ ക​ണ്ടെ​ത്താ​നാ​കു​മെ​ന്നാ​ണ് എ​ക്‌​സൈ​സ്, പൊ​ലീ​സ് വ​കു​പ്പു​ക​ള്‍ പ​റ​യു​ന്ന​ത്.

മൂ​ന്നു​വ​ര്‍​ഷം മു​ന്‍​പ് തു​ട​ങ്ങി​യ ബെം​ഗ​ളൂ​രു-​മൈ​സൂ​രു എ​ക്‌​സ്പ്ര​സ് പാ​ത​യി​ല്‍ ക​ള്ള​ക്ക​ട​ത്തി​ന്‍റെ 80 ശ​ത​മാ​നം പി​ടി​ക്കു​ന്ന​തും ഈ ​രീ​തി​യി​ലാ​ണെ​ന്ന് പൊ​ലീ​സ് വ്യ​ക്ത​മാ​ക്കു​ന്ന​ത്. തി​രു​വ​ന​ന്ത​പു​രം മു​ത​ല്‍ കാ​സ​ര്‍​കോ​ട് വ​രെ ഏ​റെ എ​ന്‍​ട്രി, എ​ക്സി​റ്റ് പോ​യി​ന്‍റുകളു​ണ്ടാ​കു​മ്പോ​ള്‍ ഇ​തെ​ങ്ങ​നെ ക​ഴി​യു​മെ​ന്ന​തി​ലും വ്യ​ക്ത​യു​ണ്ടാ​കേ​ണ്ട​തു​ണ്ട്.
കേ​ര​ള​ത്തി​ലേ​ക്ക് എം​ഡി​എം​എ ഉ​ള്‍​പ്പെ​ടു​ന്ന ല​ഹ​രി​വ​സ്തു​ക്ക​ള്‍ കൂ​ടു​ത​ലു​മെ​ത്തു​ന്ന സ്ഥ​ല​ങ്ങ​ളി​ലൊ​ന്നാ​ണ് ബെം​ഗ​ളൂ​രു. വി​ദ്യാ​ഭ്യാ​സ​ത്തി​നും ജോ​ലി​ക്കു​മാ​യി ബെം​ഗ​ളൂ​രു​വി ലെ​ത്തു​ന്ന യു​വാ​ക്ക​ളാ​ണ് ഭൂ​രി​ഭാ​ഗം ല​ഹ​രി ക്ക​ട​ത്തി​ലും കാ​രി​യ​ര്‍​മാ​രെ​ന്നാ​ണ് പൊ​ലീ​സ് പ​റ​യു​ന്ന​ത്.

പെ​ട്ടെ​ന്ന് സം​ശ​യി​ക്കി​ല്ല എ​ന്ന​തി​നാ​ല്‍ 70 ശ​ത​മാ​ന​ത്തി​ല​ധി​കം ല​ഹ​രി​ക്ക​ട​ത്തി​ലും യുവ​തി​ക​ളെ​യാ​ണ് ഉ​പ​യോ​ഗി​ക്കു​ന്ന​ത്. സാ​നി​റ്റ​റി പായ്ക്ക​ള്‍​ക്കു​ള്ളി​ലും മെ​ന്‍​സ്ട്രു​വ​ല്‍ ക​പ്പി​ലു​മാ​ണ് ഇ​വ​ര്‍ ല​ഹ​രി​വ​സ്തു ഒ​ളി​പ്പി​ക്കു​ന്ന​ത്. ഈ ​രീ​തി കൂ​ടി​വ​ന്ന​തോ​ടെ ഇ​ത്ത​രം കേ​സു​ക​ളി​ല്‍ ഉ​ള്‍​പ്പെ​ടു​ന്ന​വ​രെ നി​രീ​ക്ഷി​ക്കാ​ന്‍ തു​ട​ങ്ങി. വ​നി​താ പൊ​ലീ​സു​കാ​രെ ഉ​ള്‍​പ്പെ​ടു​ത്തി​യു​ള്ള പ​രി​ശോ​ധ​ന​ക​ളാ​ണ് നി​ല​വി​ല്‍ തു​ട​രു​ന്ന​ത്.

Tags : Nattuvishesham DistrictNews DeepikaNews