മാങ്ങോട് ക്ഷേത്രത്തിനു സമീപത്തെ വളവുപാത
പുതുനഗരം: പല്ലശ്ശന, നൊച്ചൂർപാതയിൽ മാങ്ങോട് ചിങ്ങച്ചംവീട് ക്ഷേത്രത്തിനു സമീപത്തെ വളവുപാതയിൽ റിഫ്ലക്റ്റീവ് മിറർ സ്ഥാപിക്കണമെന്ന ആവശ്യം ശക്തം.
എതിർവശത്തെ വാഹനങ്ങൾ തിരിച്ചറിയാനാകാത്തതിനാൽ അപകടങ്ങൾ എപ്പോൾ വേണമെങ്കിലും സംഭവിക്കാം. റിഫ്ലക്റ്റീവ് മിററുകളും അറിയിപ്പ് ബോർഡുകളും സ്ഥാപിച്ചാൽ അപകടസാധ്യത ഏറെ കുറയ്ക്കാം. രാത്രികാലങ്ങളിൽ അപകടസാധ്യത കൂടുതലാണ്. ഇവിടെ പലതവണ ഇരുചക്രവാഹനങ്ങൾ കൂട്ടിയിടിച്ച് അപകടങ്ങളുണ്ടായിട്ടുണ്ട്. പല്ലശനക്കാവിലേക്ക് പ്രതിദിനം നിരവധി വാഹനങ്ങൾ കടന്നുപോകുന്ന റോഡിലാണ് ഈ അപകടവളവ്.
Tags : NattuVishesham DistrictNews