നെ​ടു​മ​ങ്ങാ​ട്: റ​വ​ന്യൂ ട​വ​റി​നു പി​ന്നി​ൽ ശു​ചി​മു​റി മാ​ലി​ന്യ പൈ​പ്പ് പൊ​ട്ടി​യൊ​ലി​ക്കു​ന്ന​തു പൊ​തു​ജ​ന​ങ്ങ​ളെ​യും വ്യാ​പാ​രി​ക​ളേ​യും ‎ദു​രി​ത​ത്തി​ലാ​ക്കു​ന്നു. റ‎​വ​ന്യൂ ട​വ​റി​നു സ​മീ​പ​ത്തു കോ​ട​തി​യും ട്ര​ഷ​റി​യും വി​ല്ലേ​ജ് ഓ​ഫീ​സും  എ​ൽ​പി സ്കൂ​ളും പ്ര​വ​ർ​ത്തി​ക്കു​ന്നു​ണ്ട്.

സ​ദാ​സ​മ​യ​വും ആ​ളു​ക​ൾ തി​ങ്ങി​നി​റ​യു​ന്ന ഇ​ത്ര​യും പ്ര​ധാ​ന​പ്പെ​ട്ട സ്ഥ​ല​ത്തു ഗു​രു​ത​ര​മാ​യ പ്ര​ശ്ന​മു​ണ്ടാ​യി​ട്ടും അ​ധി​കൃ​ത​ർ തി​രി​ഞ്ഞു​നോ​ക്കാ​ത്ത​ത് വ​ലി​യ പ്ര​തി​ഷേ​ധ​ത്തി​ന് ഇ​ട​യാ​ക്കി​യി​ട്ടു​ണ്ട്.‎ പ്ര​ദേ​ശ​ത്ത് അ​സ​ഹ​നീ​യ​മാ​യ ദു​ർ​ഗ​ന്ധ​മാ​ണു​ള്ള​ത്. എ​ൽ​പി​എ​സി​ലെ കൊ​ച്ചു​കു​ട്ടി​ക​ളും കോ​ട​തി​യി​ലേ​ക്ക് എ​ത്തു​ന്ന നൂ​റു​ക​ണ​ക്കി​നു വ്യ​വ​ഹാ​രി​ക​ളും വി​വി​ധ ഓ​ഫി​സു​ക​ളി​ലെ​ത്തു​ന്ന സാ​ധാ​ര​ണ​ക്കാ​രു​മാ​ണ് ദി​വ​സേ​ന ഈ ​ദു​രി​തം​പേ​റു​ന്ന​ത്. ഓ​ഫി​സു​ക​ളി​ൽ ജോ​ലി ചെ​യ്യു​ന്ന ജീ​വ​ന​ക്കാ​ർ​ക്കു​പോ​ലും ഇ​വി​ടെ ഇ​രി​ക്കാ​നാ​കാ​ത്ത അ​വ​സ്ഥ​യാ​ണ്.‎ മാ​ലി​ന്യം കെ​ട്ടി​ക്കി​ട​ക്കു​ന്ന​തു​മൂ​ലം പ്ര​ദേ​ശ​ത്തെ ക​ച്ച​വ​ടം പൂ​ർ​ണ​മാ​യി നി​ല​ച്ചു. ദു​ർ​ഗ​ന്ധം​മൂ​ലം ഉ​പ​ഭോ​ക്താ​ക്ക​ൾ ക​ട​ക​ളി​ലേ​ക്ക് ക​യ​റാ​ൻ മ​ടി​ക്കു​ന്ന​ത് വ്യാ​പാ​രി​ക​ളെ ക​ടു​ത്ത പ്ര​തി​സ​ന്ധി​യി​ലാ​ക്കി​യി​ട്ടു​ണ്ട്.

സ്കൂ​ളി​നും കോ​ട​തി​ക്കും സ​മീ​പം മാ​ലി​ന്യം ക​വി​ഞ്ഞൊ​ഴു​കു​ന്ന​ത് പ​ക​ർ​ച്ച​വ്യാ​ധി​ക​ൾ പ​ട​രു​മോ​യെ​ന്ന ഭീ​തി​യും ഉ​യ​ർ​ത്തി​യി​രി​ക്കു​ന്നു. ‎ പൊ​ട്ടി​ക്കി​ട​ക്കു​ന്ന മാ​ലി​ന്യ പൈ​പ്പ് അ​ടി​യ​ന്ത​ര​മാ​യി മാ​റ്റി​സ്ഥാ​പി​ക്ക​ണ​മെ​ന്നും കെ​ട്ടി​ട​വും പ​രി​സ​ര​വും അ​ണു​വി​മു​ക്ത​മാ​ക്കി ശു​ചീ​ക​രി​ക്ക​ണ​മെ​ന്നു​മാ​ണ് വ്യാ​പാ​രി​ക​ളു​ടെ​യും നാ​ട്ടു​കാ​രു​ടെ​യും ആ​വ​ശ്യം.

Tags : Nattuvishesham DistrictNews DeepikaNews