27

അ​യി​ലൂ​ർ: നെ​ന്മാ​റ-​ഒ​ലി​പ്പാ​റ പൊ​തു​മ​രാ​മ​ത്ത് റോ​ഡി​ൽ വ​ഴി​വി​ള​ക്ക് സ്ഥാ​പി​ച്ചി​ട്ടും റോ​ഡി​ലേ​ക്ക് വെ​ളി​ച്ചം ല​ഭി​ക്കാ​ത്ത സ്ഥി​തി​യെ​ന്ന് പ​രാ​തി. വ​ഴി​വി​ള​ക്ക് പോ​സ്റ്റു​ക​ൾ​ക്ക് ചു​റ്റും കാ​ടും വ​ള്ളി​ക​ളും പ​ട​ർ​ന്നു​ക​യ​റി​യ​തോ​ടെ രാ​ത്രി​കാ​ല യാ​ത്ര​ക്കാ​ർ​ക്ക് പ്ര​യോ​ജ​ന​പ്പെ​ടേ​ണ്ട വെ​ളി​ച്ചം റോ​ഡി​ലെ​ത്താ​ത്ത അ​വ​സ്ഥ​യാ​ണ്.

പ​ല സ്ഥ​ല​ങ്ങ​ളി​ലും വ​ള്ളി​ക​ൾ പോ​സ്റ്റി​ൽ പ​ട​ർ​ന്ന് താ​ഴെ​വ​രെ എ​ത്തി​യി​ട്ടു​ണ്ട്.

വൈ​ദ്യു​തി പ്ര​വ​ഹി​ക്കു​ന്ന പോ​സ്റ്റു​മാ​യി വ​ള്ളി​ക​ൾ​ക്കും മ​റ്റും സ​മ്പ​ർ​ക്ക​മു​ണ്ടാ​കാ​നു​ള്ള സാ​ഹ​ച​ര്യം നി​ല​നി​ൽ​ക്കു​ന്ന​തി​നാ​ൽ വൈ​ദ്യു​താ​ഘാ​ത​ത്തി​നു​ള്ള സാ​ധ്യ​ത​യും ഉ​ണ്ടെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു. വൈ​ദ്യു​തി ല​ഭ്യ​ത​യി​ൽ​ത​ന്നെ പ​ല​പ്പോ​ഴും ത​ട​സ​ങ്ങ​ൾ നേ​രി​ടു​ന്ന സാ​ഹ​ച​ര്യ​ത്തി​ൽ ല​ഭി​ക്കു​ന്ന വൈ​ദ്യു​തി ഉ​പ​യോ​ഗി​ച്ച് പ്ര​വ​ർ​ത്തി​ക്കു​ന്ന വ​ഴി​വി​ള​ക്കു​ക​ൾ പോ​ലും കാ​ടു​ക​യ​റി​യ​തി​നാ​ൽ പ്ര​യോ​ജ​ന​പ്പെ​ടാ​ത്ത​ത് അ​ധി​കൃ​ത​രു​ടെ അ​ടി​യ​ന്ത​ര ശ്ര​ദ്ധ ആ​വ​ശ്യ​പ്പെ​ടു​ന്ന വി​ഷ​യ​മാ​ണെ​ന്നും നാ​ട്ടു​കാ​ർ പ​റ​യു​ന്നു.

നെ​ന്മാ​റ മു​ത​ൽ ഒ​ലി​പ്പാ​റ വ​രെ​യു​ള്ള പൊ​തു​മ​രാ​മ​ത്ത് റോ​ഡി​ന്‍റെ ഇ​രു​വ​ശ​ങ്ങ​ളി​ലു​മു​ള്ള തെ​രു​വു​വി​ള​ക്ക് പോ​സ്റ്റു​ക​ൾ പ​രി​ശോ​ധി​ച്ച് പോ​സ്റ്റു​ക​ളി​ലും വി​ള​ക്കു​ക​ളി​ലും പ​ട​ർ​ന്നു​ക​യ​റി​യ വ​ള്ളി​ക​ളും കാ​ടു​ക​ളും അ​ടി​യ​ന്ത​ര​മാ​യി വെ​ട്ടി​മാ​റ്റ​ണ​മെ​ന്നാ​ണ് ആ​വ​ശ്യം. അ​പ​ക​ട​സാ​ധ്യ​ത ഒ​ഴി​വാ​ക്കു​ന്ന​തി​നാ​യി വൈ​ദ്യു​തി ലൈ​നു​ക​ളോ​ടും പോ​സ്റ്റു​ക​ളോ​ടും ചേ​ർ​ന്നു​ള്ള സ​സ്യ​വ​ള​ർ​ച്ച ശാ​സ്ത്രീ​യ​മാ​യി നീ​ക്കം ചെ​യ്യ​ണ​മെ​ന്നും ആ​വ​ശ്യ​മു​യ​ർ​ന്നി​ട്ടു​ണ്ട്.
പ്ര​ദേ​ശ​ത്തെ വ​ഴി​വി​ള​ക്കു​ക​ൾ റോ​ഡി​ന് യ​ഥാ​ർ​ഥ​ത്തി​ൽ പ്ര​യോ​ജ​ന​പ്പെ​ടു​ന്ന ത​ര​ത്തി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്തു​ക​യും അ​പ​ക​ട​സാ​ധ്യ​ത​യു​ള്ള വ​ള്ളി​ക​ളും മ​റ്റും നീ​ക്കം ചെ​യ്യു​ക​യും ചെ​യ്യ​ണ​മെ​ന്ന് സി​പി​ഐ അ​യി​ലൂ​ർ ലോ​ക്ക​ൽ ക​മ്മി​റ്റി അം​ഗ​ങ്ങ​ളാ​യ കു​ട്ട​ൻ മ​ണ​ലാ​ടി, വി. ​വി​ജ​യ​ൻ എ​ന്നി​വ​ർ ആ​വ​ശ്യ​പ്പെ​ട്ടു.

വി​ഷ​യം സം​ബ​ന്ധി​ച്ച് പ​ഞ്ചാ​യ​ത്ത് പ്ര​സി​ഡ​ന്‍റി​ന്‍റെ​യും കെ​എ​സ്ഇ​ബി അ​ധി​കൃ​ത​രു​ടെ​യും ശ്ര​ദ്ധ​യി​ൽ രേ​ഖാ​മൂ​ലം പെ​ടു​ത്തി​യ​താ​യും ഇ​വ​ർ അ​റി​യി​ച്ചു.

Tags : NattuVishesham DistrictNews