27

ഗു​രു​വാ​യൂ​ർ: സാ​യാ​ഹ്ന സ​വാ​രി​ക്കി​ടെ റോ​ഡി​ൽ​നി​ന്ന് ല​ഭി​ച്ച ര​ണ്ടു​പ​വ​ൻ സ്വ​ർ​ണ​മാ​ല ഉ​ട​മ​യെ ക​ണ്ടെ​ത്തി തി​രി​ച്ചുന​ൽ​കി സ​ത്യ​സ​ന്ധ​ത​യു​ടെ മാ​തൃ​ക​യാ​കു​ക​യാ​ണ് യു​വ​തി​ക​ൾ.

ഗു​രു​വാ​യൂ​ർ പ​ടി​ഞ്ഞാ​റെ​ന​ട ക​മ്പി​പ്പാ​ലം ചാ​രു​പ​ടി​ക്ക​ൽ സി​ജി​ത്തി​ന്‍റെ ഭാ​ര്യ സ​നൂ​ജ, കു​ർ​ക്ക​പ്പ​റ​മ്പി​ൽ ദി​നേ​ശി​ന്‍റെ ഭാ​ര്യ ഷൈ​ന​യു​മാ​ണ് നാ​ടി​ന്‍റെ അ​ഭി​മാ​ന​മാ​യ​ത്. പ​തി​വ് സാ​യാ​ഹ്ന​സ​വാ​രി​ക്കി​ടെ​യാ​ണ് കഴിഞ്ഞ ദിവസം വൈ​കീട്ട് മ​മ്മി​യൂ​ർ മ​ഹി​ളാ സ​മാ​ജം ലേ​ഡീ​സ് ഹോ​സ്റ്റ​ലി​ന് മു​ന്നി​ൽ നി​ന്നാ​ണ് സ്വ​ർ​ണ​മാ​ല ല​ഭി​ച്ച​ത്. ഗു​രു​വാ​യൂ​ര​പ്പ​ന്‍റെ ലോ​ക്ക​റ്റോ​ടു​കൂ​ടി​യ മാ​ല​യാ​യി​രു​ന്നു.

മാ​ല ല​ഭി​ച്ച വി​വ​രം മ​മ്മി​യൂ​രി​ലെ മു​ൻ കൗ​ൺ​സി​ല​റും മ​മ്മി​യൂ​ർ എ​ൻ​എ​സ്എ​സ് മ​ഹി​ളാ സ​മാ​ജം പ്ര​സി​ഡ​ന്‍റു​മാ​യ രേ​ണു​ക ശ​ങ്ക​റി​നെ അ​റി​യി​ക്കു​ക​യാ​യി​രു​ന്നു. തു​ട​ർ​ന്ന് വി​വ​രം വാ​ർ​ഡ് ഗ്രൂ​പ്പി​ൽ പ​ങ്കു​വ​യ്ക്കു​ച്ചു.
ഇ​തി​നി​ടെ മാ​ല ന​ഷ്ട​പ്പെ​ട്ട വി​വ​രം പ​ടി​ഞ്ഞാ​റെ​ന​ട രോ​ഹി​ത് നി​വാ​സി​ൽ രോ​ഹി​ത് വീ​ട്ടി​ലെ​ത്തി അ​റി​യി​ച്ചി​രു​ന്നു. ജോ​ലി ക​ഴി​ഞ്ഞു മ​ട​ങ്ങു​ന്ന​തി​നി​ടെ​യാ​ണ് രോ​ഹി​ത്തി​ന് മാ​ല കൊ​ളു​ത്ത് അ​ഴി​ഞ്ഞ് ന​ഷ്ട​പ്പെ​ട്ട​തെ​ന്ന് ക​രു​തു​ന്നു.
വാ​ർ​ഡ് ഗ്രൂ​പ്പി​ലെ സ​ന്ദേ​ശം ക​ണ്ട രോ​ഹി​ത്തി​ന്‍റെ വീ​ട്ടു​കാ​ർ രേ​ണു​ക​യു​മാ​യി ബ​ന്ധ​പ്പെ​ടു​ക​യും, തെ​ളി​വു​ക​ളും വി​വ​ര​ങ്ങ​ളും പ​രി​ശോ​ധി​ച്ച് ഉ​റ​പ്പു​വ​രു​ത്തി രേ​ണു​ക​യു​ടെ സാ​നി​ധ്യ​ത്തി​ൽ സ​നൂ​ജ​യും, ഷൈ​ന​യും മാ​ല രോ​ഹി​ത്തി​ന് കൈ​മാ​റു​ക​യാ​യി​രു​ന്നു.

Tags : NattuVishesham DistrictNews