ഇറ്റാലിയന് ഭാഷയിലേക്ക് സമ്പൂര്ണ ബൈബിള് പകര്ത്തിയെഴുതിയ പിലാത്തറയിലെ വിജയകുമാറിനെ കണ്ണൂര് ബിഷപ് ഡോ. അലക്സ് വടക്കുംതല അനുമോദിക്കുന്നു.
പിലാത്തറ: അഞ്ചുദിവസങ്ങളായി നടന്ന കൃപാഭിഷേകം ബൈബിള് കണ്വന്ഷന് സമാപിച്ചു. കണ്ണൂര് രൂപത ബിഷപ് ഡോ. അലക്സ് വടക്കുംതലയുടെ സമാപനാശീര്വാദത്തോടെയാണ് പിലാത്തറ മേരിമാതാ സ്കൂള് ഗ്രൗണ്ടില് നടത്തിവന്ന ബൈബിള് കണ്വന്ഷന് സമാപിച്ചത്.
തുടക്കം മുതല് കണ്വന്ഷന് നടക്കുന്ന സ്കൂള് ഗ്രൗണ്ട് വിശ്വാസികളാല് നിറഞ്ഞിരുന്നു. സമാപന ദിവസമായ തിങ്കളാഴ്ച ജനനിബിഡമായി. പരിശുദ്ധാത്മാ അഭിഷേക പ്രാര്ഥനയോടെയായിരുന്നു സമാപനദിവസത്തിന് തുടക്കമായത്. കണ്വന്ഷന് നേതൃത്വം നല്കുന്ന ഫാ. ഡൊമിനിക് വാളന്മനാലിന്റെ മുഖ്യകാര്മികത്വത്തില് അര്പ്പിച്ച ബന്ധനമോചന ദിവ്യബലിയില് ആയിരങ്ങളാണ് പങ്കെടുത്തത്.
ബൈബിളിന്റെ ഇറ്റാലിയന് കൈയെഴുത്ത്
പ്രതിയുമായി വിജയകുമാര്
ഇറ്റാലിയന് ഭാഷയിലേക്ക് പകര്ത്തിയെഴുതിയ സമ്പൂര്ണ ബൈബിളുമായാണ് സമാപന ദിവസം മുന് കെഎസ്ഇബി ജീവനക്കാരന് പിലാത്തറയിലെ വിജയകുമാര് എത്തിയത്. കഴിഞ്ഞ വര്ഷങ്ങളിലായി മലയാളം, ഹിന്ദി, ഇംഗ്ലീഷ് ഭാഷകളിലേക്ക് സമ്പൂര്ണ ബൈബിള് പകര്ത്തി എഴുതിയിരുന്ന ഇദ്ദേഹം ഒന്നരവര്ഷത്തെ പരിശ്രമത്തിലൂടെയാണ് ഇറ്റാലിയന് ഭാഷയിലേക്ക് ബൈബിള് പകര്ത്തിയെഴുതിയത്.
ഇംഗ്ലീഷ് അക്ഷരങ്ങളാണെങ്കിലും ഉച്ചാരണം തികച്ചും വ്യത്യസ്തമായ ഇറ്റാലിയന് ഭാഷയിലേക്ക് ബൈബിള് എഴുതി തീര്ക്കാന് കഴിഞ്ഞത് ദൈവാനുഗ്രഹം കൊണ്ടാണെന്ന് വിജയകുമാര് പറഞ്ഞു. ബൈബിള് കണ്വന്ഷന് വേദിയില് വിജയകുമാറിനെ കണ്ണൂര് രൂപത ബിഷപ് ഡോ. അലക്സ് വടക്കുംതല ആദരിച്ചു.
Tags : Bible Convention nattuvishesham local news