15

പാ​ണ​ത്തൂ​ർ: പാ​ണ​ത്തൂ​ർ-​സു​ള്ള്യ അ​ന്ത​ർ​സം​സ്ഥാ​ന പാ​ത​യി​ലെ ക​ല്ല​പ്പ​ള്ളി പ്ര​ദേ​ശ​ത്ത് വീ​ണ്ടും കാ​ട്ടാ​ന​യി​റ​ങ്ങി ജ​ന​ങ്ങ​ൾ ഭീ​തി​യി​ൽ. ഇ​ന്ന​ലെ വൈ​കു​ന്നേ​ര​ത്തോ​ടെ​യാ​ണ് റോ​ഡി​നോ​ട് ചേ​ർ​ന്നു​ള്ള പ്ലാ​ന്‍റേ​ഷ​ൻ ഭാ​ഗ​ത്ത് കാ​ട്ടാ​ന​യെ​യും കു​ട്ടി​യെ​യും ക​ണ്ട​ത്.

മു​മ്പൊ​ക്കെ രാ​ത്രി​കാ​ല​ങ്ങ​ളി​ൽ വ​ന​ത്തി​ന് വെ​ളി​യി​ൽ ഇ​റ​ങ്ങു​ന്ന ആ​ന​ക​ൾ ഇ​ന്ന​ലെ പ​ക​ൽ​വെ​ളി​ച്ച​ത്തി​ൽ ത​ന്നെ റോ​ഡ​രി​കി​ൽ നി​ല​യു​റ​പ്പി​ച്ച​ത് യാ​ത്ര​ക്കാ​രെ​യും നാ​ട്ടു​കാ​രെ​യും ഒ​രു​പോ​ലെ പേ​ടി​പ്പെ​ടു​ത്തി. ക​ഴി​ഞ്ഞ അ​ഞ്ചാം തീ​യ​തി​യും ക​ല്ല​പ്പ​ള്ളി-​മാ​മ്പ​ള റോ​ഡി​ന് സ​മീ​പം പ​ക​ൽ സ​മ​യ​ത്ത് കാ​ട്ടാ​ന​യെ ക​ണ്ടി​രു​ന്നു.

ഈ ​മേ​ഖ​ല​യി​ൽ കാ​ട്ടാ​ന​ശ​ല്യം അ​തി​രൂ​ക്ഷ​മാ​യ സാ​ഹ​ച​ര്യ​ത്തി​ൽ ഇ​തി​ന് ശാ​ശ്വ​ത പ​രി​ഹാ​രം കാ​ണ​ണ​മെ​ന്ന് ആ​വ​ശ്യ​പ്പെ​ട്ട് വ​ന​സം​ര​ക്ഷ​ണ സ​മി​തി പ്ര​സി​ഡ​ന്‍റ് എ​ൻ.​കെ. ജ​യ​പ്ര​കാ​ശും മു​ൻ ബ്ലോ​ക്ക് പ​ഞ്ചാ​യ​ത്തം​ഗം അ​രു​ൺ രം​ഗ​ത്തു​മ​ല​യും ഒ​രാ​ഴ്ച മു​മ്പ് ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റി​ന് നി​വേ​ദ​നം ന​ൽ​കി​യി​രു​ന്നു.

ഈ ​നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ൽ ജ​ന​പ്ര​തി​നി​ധി​ക​ളും വ​ന​പാ​ല​ക​രും ക​ഴി​ഞ്ഞ​ദി​വ​സം സ്ഥ​ലം സ​ന്ദ​ർ​ശി​ച്ചു. ഈ ​സ​മ​യ​ത്ത് സോ​ളാ​ർ വേ​ലി​ക​ളു​ടെ അ​റ്റ​കു​റ്റ​പ്പ​ണി​ക​ൾ ഉ​ട​ൻ പൂ​ർ​ത്തി​യാ​ക്കാ​നും കാ​ട്ടാ​ന​ക​ളെ പ്ര​തി​രോ​ധി​ക്കാ​നു​ള്ള മ​റ്റു ന​ട​പ​ടി​ക​ൾ വേ​ഗ​ത്തി​ലാ​ക്കാ​നും തീ​രു​മാ​നി​ച്ചി​രു​ന്നു.

പ്ലാ​ന്‍റേ​ഷ​ൻ ഭാ​ഗ​ങ്ങ​ളി​ൽ ആ​ന​ക​ൾ നി​ല​യു​റ​പ്പി​ക്കു​ന്ന​ത് പ​തി​വാ​ണ്. ഇ​വ ജ​ന​വാ​സ മേ​ഖ​ല​യി​ലേ​ക്കും കൃ​ഷി​യി​ട​ങ്ങ​ളി​ലേ​ക്കും ഇ​റ​ങ്ങു​ന്ന​ത് ത​ട​യാ​ൻ വ​നം​വ​കു​പ്പി​ന്‍റെ ക​ർ​ശ​ന നി​രീ​ക്ഷ​ണം വേ​ണ​മെ​ന്ന​താ​ണ് നാ​ട്ടു​കാ​രു​ടെ ആ​വ​ശ്യം.

Tags : Nattuvishesham Local News forest Kallappally