പാ​ലാ: ദി​വ​സേ​ന നൂ​റു​ക​ണ​ക്കി​ന് രോ​ഗി​ക​ളും കൂ​ട്ടി​രി​പ്പു​കാ​രും പൊ​തു​ജ​ന​ങ്ങ​ളും എ​ത്തു​ന്ന പാ​ലാ ജ​ന​റ​ല്‍ ആ​ശു​പ​ത്രി പ​രി​സ​ര​ത്ത് അ​പ​ക​ട​ഭീ​ഷ​ണി ഉ​യ​ര്‍​ത്തി വ​ന്‍ മ​രം. ശ​ക്ത​മാ​യ മ​ഴ​യി​ലും കാ​റ്റി​ലും ഏ​തു സ​മ​യ​ത്തും ക​ട​പു​ഴ​കി​വീ​ഴു​ക​യോ ശാ​ഖ​ക​ള്‍ ഒ​ടി​ഞ്ഞു​വീ​ഴു​ക​യോ ചെ​യ്യാ​വു​ന്ന നി​ല​യി​ലു​ള്ള വാ​ക​മ​രം വെ​ട്ടി​മാ​റ്റ​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. പൊ​തു​പ്ര​വ​ര്‍​ത്ത​ക​നാ​യ അ​നൂ​പ് ബോ​സ് ഇ​തു​സം​ബ​ന്ധി​ച്ച് ആ​ശു​പ​ത്രി സൂ​പ്ര​ണ്ടി​നും മ​റ്റ് അ​ധി​കൃ​ത​ര്‍​ക്കും പ​രാ​തി ന​ല്‍​കി​യി​ട്ടു​ണ്ട്.

മ​ര​ത്തി​ന് സ​മീ​പ​ത്താ​യി മെ​ഡി​ക്ക​ല്‍ സ്റ്റോ​റു​ക​ളും കെ​ട്ടി​ട​ങ്ങ​ളും ന​ട​പ്പാ​ത​യും ഓ​ട്ടോ​റി​ക്ഷാ സ്റ്റാ​ൻ​ഡും ആം​ബു​ല​ന്‍​സ് സ്റ്റാ​ൻ​ഡും ബാ​ങ്ക് കെ​ട്ടി​ട​വും പേ ​വാ​ര്‍​ഡും പ്ര​വ​ര്‍​ത്തി​ക്കു​ന്നു​ണ്ട്. ഇ​തി​നു പു​റ​മേ 11 കെ​വി വൈ​ദ്യു​തി ലൈ​നും സ​മീ​പ​ത്തു​കൂ​ടി ക​ട​ന്നു​പോ​കു​ന്നു​ണ്ട്. മ​ര​ത്തി​ന്‍റെ ശാ​ഖ​ക​ള്‍ വൈ​ദ്യു​തി ലൈ​നി​ലേ​ക്ക് പ​തി​ക്കു​ന്ന​തും അ​പ​ക​ട​സാ​ധ്യ​ത വ​ര്‍​ധി​പ്പി​ക്കു​ന്നു. ജീ​വ​ഹാ​നി​ക്കും ഗു​രു​ത​ര​മാ​യ പ​രു​ക്കു​ക​ള്‍​ക്കും വ​ന്‍ നാ​ശ​ന​ഷ്ട​ങ്ങ​ള്‍​ക്കും ഇ​ട​യാ​ക്കാ​വു​ന്ന സാ​ഹ​ച​ര്യം ഒ​ഴി​വാ​ക്കാ​ന്‍ മു​ന്‍​ക​രു​ത​ല്‍ ന​ട​പ​ടി ക​ള്‍ സ്വീ​ക​രി​ക്ക​ണ​മെ​ന്നാ​ണ് പ​രാ​തി​യി​ലെ ആ​വ​ശ്യം.

കൈ​യേ​റ്റം ഒ​ഴി​പ്പി​ക്കു​ന്ന​തി​നു​ള്ള ന​ട​പ​ടി​ക​ളും മ​ര​ത്തി​ന്‍റെ അ​പ​ക​ടാ​വ​സ്ഥ പ​രി​ഹ​രി​ക്കു​ന്ന​തും വ്യ​ത്യ​സ്ത വി​ഷ​യ​ങ്ങ​ളാ​യി പ​രി​ഗ​ണി​ച്ച് അ​ടി​യ​ന്ത​ര ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ആ​വ​ശ്യം. അ​ധി​കൃ​ത​ര്‍ അ​ടി​യ​ന്ത​ര​മാ​യി ഇ​ട​പെ​ടു​മെ​ന്ന പ്ര​തീ​ക്ഷ​യാ​ണ് നാ​ട്ടു​കാ​ര്‍​ക്കു​ള്ള​ത്.

Tags :