17

രാ​മ​ങ്ക​രി: ടാ​റിം​ഗ് ജോ​ലി​ക​ൾ വൈ​കു​ന്ന​തോ​ടെ വേ​ഴ​പ്ര- താ​യ​ങ്ക​രി റോ​ഡ് കു​ണ്ടും കു​ഴി​യു​മാ​യി. റോ​ഡി​ൽ കാ​ൽ​ന​ട​യാ​ത്ര പോ​ലും ബു​ദ്ധി​മു​ട്ടി​ലാ​യി​ട്ട് ഒ​ന്ന​ര വ​ർ​ഷ​ത്തോ​ള​മാ​യി.

വേ​ഴ​പ്ര, കൊ​ടു​പ്പു​ന്ന, താ​യ​ങ്ക​രി, എ​ട​ത്വ തു​ട​ങ്ങി നി​ര​വ​ധി പ്ര​ദേ​ശ​ങ്ങ​ളി​ലെ നൂ​റ് ക​ണ​ക്കി​ന് യാ​ത്ര​ക്കാ​രാ​ണ് ഇ​തോ​ടെ ക​ടു​ത്ത യാ​ത്രാ​ദു​രി​തം നേ​രി​ടു​ന്ന​ത്.

ഇ​തി​നി​ടെ പ​ല പ്രാ​വ​ശ്യം പ്ര​ദേ​ശ​വാ​സി​ക​ളു​ടെ​യും രാ​ഷ്ട്രീ​യ നേ​താ​ക്ക​ളു​ടെ​യും നേ​തൃ​ത്വ​ത്തി​ൽ അ​ടി​യ​ന്ത​ര​മാ​യി റോ​ഡ് ടാ​ർ ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് നി​ര​വ​ധി പ്ര​തി​ഷേ​ധ​ങ്ങ​ൾ ഉ​യ​ർ​ന്നെ​ങ്കി​ലും ഇ​തു​വ​രെ പ​രി​ഹാ​രം കാ​ണാ​ൻ അ​ധി​കാ​രി​ക​ൾ ത​യാ​റാ​യി​ല്ല.

പൊ​തു​മ​രാ​മ​ത്ത് വ​കു​പ്പി​ൽ നി​ന്ന് പ​ണം അ​നു​വ​ദി​ച്ച​തി​നെ​ത്തു​ട​ർ​ന്നാ​യി​രു​ന്നു റോ​ഡ് ന​വീ​ക​ര​ണ​ത്തി​ന് തു​ട​ക്കം. തൊ​ട്ടു​പി​ന്നാ​ലെ കാ​ല​വ​ർ​ഷ​വും ആ​രം​ഭി​ച്ചു. ഇ​തോ​ടെ ന​വീ​ക​ര​ണ​ജോ​ലി​ക​ൾ നി​ർ​ത്തി​വ​ച്ചു. വേ​ന​ൽ ശ​ക്തി​പ്പെ​ട്ട​തോ​ടെ ജോ​ലി​ക​ൾ വീ​ണ്ടും ആ​രം​ഭി​ച്ചെ​ങ്കി​ലും ഗ്രാ​വ​ലും മെ​റ്റ​ലു​മി​ട്ട് റോ​ഡ് ഉ​യ​ർ​ത്തു​ക മാ​ത്ര​മാ​ണ് ചെ​യ്ത​ത്.

പി​ന്നീ​ട് മെ​റ്റ​ൽ ഉ​റ​യ്ക്കു​വാ​നാ​യി കാ​ത്തു​നി​ന്ന​തോ​ടെ ദു​രി​തം അ​തേ​പ​ടി ഇ​പ്രാ​വ​ശ്യ​വും ആ​വ​ർ​ത്തി​ച്ചു. മ​ഴ മാ​റി വീ​ണ്ടും ചൂ​ട് കൂ​ടിത്തു​ട​ങ്ങി​യ​തോ​ടെ റോ​ഡി​ലെ പൊ​ടി​ശ​ല്യ​വും രൂ​ക്ഷ​മാ​യി​ട്ടു​ണ്ട്.

ആ​ല​പ്പു​ഴ -ച​ങ്ങ​നാ​ശേ​രി റോ​ഡും, തി​രു​വ​ല്ല- അ​ന്പ​ല​പ്പു​ഴ റോ​ഡു​മാ​യി ബ​ന്ധി​പ്പി​ക്കു​ന്ന പ്ര​ധാ​ന​പാ​ത കൂ​ടി​യാ​ണി​ത്.

റോ​ഡി​ന്‍റെ നി​ർ​മാ​ണം നീ​ണ്ടു​പോ​യ​തോ​ടെ സ്കൂ​ൾ കോ​ള​ജ് വി​ദ്യാ​ർ​ഥി​ക​ള​ട​ക്കം നൂ​റ് ക​ണ​ക്കി​ന് യാ​ത്ര​ക്കാ​രാ​ണ് ബു​ദ്ധി​മു​ട്ട് അ​നു​ഭ​വി​ക്കു​ന്ന​ത്.
ക​രാ​റു​കാ​രും ഉ​ദ്യോ​ഗ​സ്ഥ​രും ത​മ്മി​ലു​ള്ള അ​വി​ഹി​ത​കൂ​ട്ടു​കെ​ട്ടാ​ണ് ജോ​ലി അ​ന​ന്ത​മാ​യി നീ​ണ്ടു​പോ​കു​ന്ന​തി​ന് പി​ന്നി​ലെ​ന്നും ആ​ക്ഷേ​പം ശ​ക്ത​മാ​ണ്.

അ​സം​ബ്ലി തെ​ര​ഞ്ഞെ​ടു​പ്പ് ക​ഴി​ഞ്ഞാ​ലു​ട​ൻ ഇ​വി​ട​ത്തെ യാ​ത്രാ​ക്ലേ​ശ​ത്തി​ന് പ​രി​ഹാ​രം കാ​ണു​മെ​ന്ന് വി​വി​ധ രാ​ഷ്ട്രി​യ​പാ​ർ​ട്ടി​ക​ളു​ടെ നേ​താ​ക്ക​ൾ വ്യ​ക്ത​മാ​ക്കി​യി​രു​ന്നെ​ങ്കി​ലും തെ​ര​ഞ്ഞെ​ടു​പ്പ് ക​ഴി​ഞ്ഞ​തോ​ടെ ആ ​വാ​ഗ്ദാ​ന​വും മ​റ​ന്നമ​ട്ടാ​ണ്.

രാ​മ​ങ്ക​രി, ച​ന്പ​ക്കു​ളം കൃ​ഷി​ഭ​വ​നു​ക​ൾ​ക്ക് കീ​ഴി​ലാ​യി ഏ​ക്ക​റു ക​ണ​ക്കി​ന് വ​രു​ന്ന തെ​ക്കേ​തൊ​ള്ളാ​യി​രം പാ​ട​ശേ​ഖ​ര​ത്തി​ന്‍റെ കി​ഴ​ക്ക് വ​ശം ചേ​ർ​ന്നു എ​ട​ത്വ വ​രെ നീ​ളു​ന്ന റോ​ഡി​ന്‍റെ നി​ർ​മാ​ണം അ​ന​ന്ത​മാ​യി നീ​ട്ടി​ക്കൊ​ണ്ടു പോ​കാ​തെ അ​ടി​യ​ന്ത​ര​മാ​യി പൂ​ർ​ത്തി​ക​രി​ക്കു​വാ​നു​ള്ള ന​ട​പ​ടി​ക​ൾ സ്വീ​ക​രി​ക്കാ​ൻ അ​ധി​കൃ​ത​ർ ത​യാ​റാ​ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

Tags : NattuVishesham DistrictNews