3

അടി​മാ​ലി: സ​ഞ്ചാ​ര​യോ​ഗ്യ​മാ​യ റോ​ഡ്, സു​ര​ക്ഷി​ത​മാ​യ പാ​ലം, എ​ല്ലാ വീ​ടു​ക​ളി​ലും വൈ​ദ്യു​തി ഇ​താ​ണ് ഇ​ട​മ​ല​ക്കു​ടി​ക്കാ​രു​ടെ സ്വ​പ്നം. ഗ​താ​ഗ​ത​മാ​ർ​ഗം ഇ​ല്ലാ​ത്ത​തി​നാ​ൽ വീ​ണ്ടും ഇ​ട​മ​ല​ക്കു​ടി​യി​ൽ രോ​ഗി​യെ ചു​മ​ന്ന് കാ​ടും മ​ല​യും താ​ണ്ടി ആ​ശു​പ​ത്രി​യി​ൽ എ​ത്തി​ച്ചു. ഒ​രു മാ​സ​ത്തി​നി​ടെ നാ​ലാം ത​വ​ണ​യാ​ണ് ഇ​ത്ത​രം സം​ഭ​വം ആ​വ​ർ​ത്തി​ക്കു​ന്ന​ത്. വ​ന​ത്തി​ലെ ദു​ർ​ഘ​ട​പാ​ത​യി​ലൂ​ടെ രോ​ഗി​യെ ചു​മ​ന്ന് ആ​ശു​പ​ത്രി​യി​ലേ​ക്കു​ള്ള ഇ​ട​മ​ല​കൂ​ടി​ക്കാ​രു​ടെ ദു​രി​ത​യാ​ത്ര തീ​രു​ന്നി​ല്ല.

പ​നി മൂ​ർ​ച്ഛി​ച്ച യു​വ​തി​യെ ഏ​ഴു കി​ലോ​മീ​റ്റ​ർ ചു​മ​ന്നാ​ണ് തി​ങ്ക​ളാ​ഴ്ച ആ​ശു​പ​ത്രി​യി​ൽ എ​ത്തി​ച്ച​ത്. ഇ​ട​മ​ല​ക്കു​ടി പ​റ​പ്പി​യാ​ർ​കു​ടി​യി​ലെ സു​മ​തി​യെ​യാ​ണ് മ​ര​ക്കൊ​മ്പി​ൽ തു​ണി​കെ​ട്ടി​യു​ണ്ടാ​ക്കി​യ മ​ഞ്ച​ലി​ൽ സാ​ഹ​സി​ക​മാ​യി വ​ന​ത്തി​ലൂ​ടെ ചു​മ​ന്ന് ആ​ശു​പ​ത്രി​യി​ൽ എ​ത്തി​ച്ച​ത്. കാ​ട്ടാ​ന​ക​ൾ ഉ​ൾ​പ്പെ​ടെ ഉ​പ​ദ്ര​വ​കാ​രി​ക​ളാ​യ വ​ന്യ​മൃ​ഗ​ങ്ങ​ളു​ടെ​യും അ​ട്ട​ക​ളെ​യും അ​തി​ജീ​വി​ച്ചാ​ണ് തോ​ടും പു​ഴ​യും താ​ണ്ടി ഈ ​ര​ക്ഷാ​പ്ര​വ​ർ​ത്ത​നം ന​ട​ത്തു​ന്ന​ത്.

ഇ​ട​മ​ല​ക്കു​ടി സൊ​സൈ​റ്റി കു​ടി​യി​ൽ പ്രൈ​മ​റി ഹെ​ൽ​ത്ത് സെന്‍റ​ർ ഉ​ണ്ടെ​ങ്കി​ലും പ്ര​വ​ർ​ത്ത​നം കാ​ര്യ​ക്ഷ​മ​മ​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി. പ്ര​ദേ​ശ​ത്തേ​ക്കു​ള്ള റോ​ഡി​നാ​യു​ള്ള പ്രൊ​പ്പോ​സ​ൽ പ​ഞ്ചാ​യ​ത്തി​ൽനി​ന്നു ന​ൽ​കി​യി​ട്ടു​ണ്ട്. ഇ​തി​നാ​യു​ള്ള എ​ൻഒസി ​ല​ഭി​ക്കാ​ത്ത​താ​ണ് റോ​ഡ് നി​ർ​മാ​ണം വൈ​കു​ന്ന​തി​ന് കാ​ര​ണം. ഇ​നി​യും റോ​ഡ് നി​ർ​മാ​ണം വൈ​കി​യാ​ൽ ദേ​ശീ​യ​പാ​ത ഉ​പ​രോ​ധി​ക്കു​ന്ന​ത​ട​ക്ക​മു​ള്ള സ​മ​ര​മാ​ർ​ഗ​ങ്ങ​ൾ സ്വീ​ക​രി​ക്കേ​ണ്ടിവ​രു​മെ​ന്ന് മു​തു​വാ​ൻ സ​മു​ദാ​യ സം​ഘ​ട​ന സം​സ്ഥാ​ന പ്ര​സി​ഡ​ന്‍റ് പാ​ൽ​രാ​ജ് പ​റ​ഞ്ഞു.

ആം​ബു​ല​ൻ​സ് വ​ഴി​യ​രി​ക​ൾ
തു​രു​മ്പെ​ടു​ത്തു ന​ശി​ക്കു​ന്നു

അ​ടി​മാ​ലി: കേ​ര​ള​ത്തി​ലെ ഏ​ക ഗോ​ത്ര​വ​ർ​ഗ പ​ഞ്ചാ​യ​ത്താ​ണ് ഇ​ട​മ​ല​ക്കു​ടി. ഗോ​ത്ര​വ​ർ​ഗ പ​ഞ്ചാ​യ​ത്ത് എ​ന്ന​ത് പേ​രി​നു മാ​ത്ര​മാ​ണ് ഉ​പ​ക​രി​ക്കു​ന്ന​ത്. ഇ​ട​മ​ല​ക്കു​ടി​യ​ലെ ആ​ളു​ക​ൾ​ക്ക് സ​ഞ്ച​രി​ക്കാ​ൻ ആ​വ​ശ്യ​മാ​യ റോ​ഡോ പാ​ല​ങ്ങ​ളോ ഒ​ന്നും ഈ ​പ​ഞ്ചാ​യ​ത്തി​ൽ ഇ​ല്ല. രോ​ഗി​ക​ളു​മാ​യി ആ​ശു​പ​ത്രി​യി​ൽ എ​ത്ത​ണ​മെ​ങ്കി​ൽ കി​ലോ​മീ​റ്റ​ർ രോ​ഗി​യെ ചു​മ​ന്നു വേ​ണം ചി​കി​ത്സ ല​ഭ്യ​മാ​ക്കാ​ൻ.

വ​ർ​ഷ​ങ്ങ​ൾ​ക്കു മു​മ്പ് പെ​ട്രോ​നെ​റ്റ് എ​ൽ​എ​ൻ​ജി ലി​മി​റ്റ​ഡി​ന്‍റെ സി​എ​സ്ആ​ർ ഫ​ണ്ട് ഉ​പ​യോ​ഗി​ച്ച് ഇ​ട​മ​ല​ക്കു​ടി ഗ്രാ​മ​പ​ഞ്ചാ​യ​ത്തി​നാ​യി ഒ​രു ആം​ബു​ല​ൻ​സ് ന​ൽ​കി​യി​രു​ന്നു. എ​ന്നാ​ൽ, ഇ​ത് കാ​ല​ങ്ങ​ളാ​യി മെ​യി​ന്‍റ​ന​ൻ​സ് ന​ട​ത്താ​തെ അ​ടി​മാ​ലി കൂ​മ്പ​ൻപാ​റ​യ്ക്ക് സ​മീ​പം തു​രു​മ്പെ​ടു​ത്തു ന​ശി​ക്കു​ക​യാ​ണ്. എ​ത്ര​യും വേ​ഗം വാ​ഹ​നം ഗ​താ​ഗ​ത യോ​ഗ്യ​മാ​ക്ക​ണ​മെ​ന്നാ​ണ് പ്ര​ദേ​ശ​വാ​സി​ക​ളു​ടെ ആ​വ​ശ്യം.

Tags : Nattuvishesham Districtnews Deepikanews