പ്രതീകാത്മക ചിത്രം
വടകര: തിരുവള്ളൂര് പഞ്ചായത്തിലെ കണ്ണമ്പത്ത്കര റോഡില് തുമ്പൂളിമുക്ക് കാഞ്ഞിരോളി നമ്പ്യാര് വീടിന് സമീപം പുലിയെ കണ്ടതായി അഭ്യൂഹം. വനംവകുപ്പ് ഉദ്യോഗസ്ഥര് സ്ഥലത്തെത്തി പരിശോധന നടത്തി. വന്യജീവിയുടെ സാന്നിധ്യം സ്ഥിരീകരിച്ചു. ഇതോടെ പ്രദേശം ഭീതിയിലായി. റോഡിലൂടെയും സമീപ പ്രദേശങ്ങളിലൂടെയും സഞ്ചരിക്കുന്നവര് ജാഗ്രത പാലിക്കണമെന്ന് വനംവകുപ്പ് ഉദ്യോഗസ്ഥര് നിര്ദേശിച്ചു. രാത്രികാലങ്ങളില് ഒറ്റയ്ക്ക് പുറത്തിറങ്ങുന്നത് ഒഴിവാക്കണമെന്നും കുട്ടികളെ വീടിന് പുറത്തേക്ക് വിടുമ്പോള് പ്രത്യേകം ശ്രദ്ധിക്കണമെന്നും ബന്ധപ്പെട്ടവര് അറിയിച്ചു.
തിങ്കളാഴ്ച രാത്രിയാണ് പുലിയോട് സാമ്യമുള്ള വന്യജീവിയെ കണ്ടത്. വന്യജീവിയെ വീണ്ടും കാണുകയോ സാന്നിധ്യം സംബന്ധിച്ച് വിശ്വാസയോഗ്യമായ വിവരം കിട്ടുകയോ ചെയ്താല് വനംവകുപ്പിനെ അറിയിക്കണം, സ്വയം വന്യജീവിയെ പിന്തുടരാനോ അടുത്തെത്തി പരിശോധിക്കാനോ ശ്രമിക്കരുതെന്നും വനപാലകര് അറിയിച്ചു.
കുമ്മങ്കോട് ഉള്പ്പെടെയുള്ള സമീപ പ്രദേശങ്ങളില് നേരത്തെ വന്യജീവി സാന്നിധ്യം സംബന്ധിച്ച് ആശങ്ക നിലനില്ക്കുന്നതിനിടെയാണ് തിരുവള്ളൂര് കണ്ണമ്പത്ത്കരയിലും പുലിയെ കണ്ടതായി വിവരം ലഭിച്ചത്.
Tags : Nattuvishesham DistrictNews DeepikaNews