19

പ​ത്ത​നം​തി​ട്ട: വ​ര​ൾ​ച്ച​യി​ൽ കാ​ടി​റ​ങ്ങി​യ കാ​ട്ടു​മൃ​ഗ​ങ്ങ​ൾ നാ​ട്ടു​കാ​ർ​ക്ക് വി​ന​യാ​യി. മ​ല​യോ​ര മേ​ഖ​ല​യി​ൽ കാ​ടു​വി​ട്ടി​റ​ങ്ങി​യ മൃ​ഗ​ങ്ങ​ൾ പ്ര​ദേ​ശ​വാ​സി​ക​ളു​ടെ ഉ​റ​ക്കം കെ​ടു​ത്തു​ക​യാ​ണ്. ത​ണ്ണി​ത്തോ​ട്, അ​രു​വാ​പ്പു​ലം, തേ​ക്കു​തോ​ട് ഭാ​ഗ​ങ്ങ​ളി​ൽ കാ​ട്ടാ​ന​ക​ൾ തി​രി​കെ പോ​കാ​ത്ത​തും ദു​രി​ത​മാ​യി മാ​റി. കാ​ടു​വി​ട്ടി​റ​ങ്ങി​യ കാ​ട്ടാ​ന​ക​ൾ വ​ൻ കൃ​ഷി​നാ​ശ​മാ​ണ് ഈ ​പ്ര​ദേ​ശ​ങ്ങ​ളി​ൽ ക​ഴി​ഞ്ഞ​ദി​വ​സ​ങ്ങ​ളി​ൽ വ​രു​ത്തി​യ​ത്.

കാ​ടി​നു​ള്ളി​ൽ ഭ​ക്ഷ​ണ​ത്തി​ന്‍റെ​യും വെ​ള്ള​ത്തി​ന്‍റെ​യും ല​ഭ്യ​ത​ക്കു​റ​വി​ലാ​ണ് മൃ​ഗ​ങ്ങ​ൾ പു​റ​ത്തേ​ക്ക് വ​രു​ന്ന​ത്. കാ​ട്ടാ​ന, മ​ല​യ​ണ്ണാ​ൻ, കു​ര​ങ്ങ് എ​ന്നി​വ​യാ​ണ് സ്ഥി​രം ശ​ല്യ​ക്കാ​രാ​യി മാ​റി​യി​രി​ക്കു​ന്ന​ത്. കാ​ട്ടു​പ​ന്നി നാ​ട്ടി​ൽ ത​ന്നെ സ്ഥി​ര​വാ​സി​യാ​യി മാ​റി​ക്ക​ഴി​ഞ്ഞു. കാ​ട്ടാ​ന​യു​ടെ സാ​ന്നി​ധ്യം പ​ക​ൽ പോ​ലും മ​ല​യോ​ര മേ​ഖ​ല​യി​ലെ റോ​ഡു​ക​ളി​ലു​ണ്ടാ​കു​ന്നു​ണ്ട്. വ​നാ​തി​ർ‌​ത്തി​ക​ളി​ൽ നി​ന്നും കി​ലോ​മീ​റ്റ​റു​ക​ൾ​ക്ക​പ്പു​റ​ത്തേ​ക്ക് കാ​ട്ടാ​ന​ക​ൾ വ​രു​ന്നു​മു​ണ്ട്. വ​ട​ശേ​രി​ക്ക​ര ടൗ​ണി​നു സ​മീ​പം​വ​രെ കാ​ട്ടാ​ന​യു​ടെ ശ​ല്യം നേ​രി​ട്ടു​വ​രി​ക​യാ​ണ്. കാ​ട്ടാ​ന​യെ തി​രി​കെ​യോ​ടി​ക്കാ​ൻ വ​നം​വ​കു​പ്പ് ന​ട​ത്തു​ന്ന ശ്ര​മ​ങ്ങ​ളും പ​രാ​ജ​യ​പ്പെ​ടു​ക​യാ​ണ്.

കൃ​ഷി​യി​ട​ങ്ങ​ൾ ത​ക​ർ​ത്തു

കാ​ട്ടാ​ന​യു​ടെ സ്ഥി​രം സാ​ന്നി​ധ്യം കാ​ര​ണം​ഏ​റെ ബു​ദ്ധി​മു​ട്ടി​ലാ​യ​ത് ക​ർ​ഷ​ക​രാ​ണ്. വ​ൻ​തോ​തി​ൽ ഏ​ത്ത​വാ​ഴ, തെ​ങ്ങ് എ​ന്നി​വ ന​ശി​പ്പി​ച്ചി​രി​ക്കു​ക​യാ​ണ്. ഇ​ഷ്ട​ഭ​ക്ഷ​ണ​മാ​യ ച​ക്ക തേ​ടി​യാ​ണ് ഇ​വ വി​ദൂ​ര​ങ്ങ​ളി​ലേ​ക്ക് എ​ത്തു​ന്ന​തെ​ന്നു പ​റ​യു​ന്നു. കാ​ടി​നോ​ടു ചേ​ർ​ന്ന പ്ര​ദേ​ശ​ങ്ങ​ളി​ലെ പ്ലാ​വു​ക​ളി​ലെ ച​ക്ക ഉ​ട​മ​ക​ൾ ത​ന്നെ അ​റു​ത്തു​മാ​റ്റി.

ത​ണ്ണി​ത്തോ​ട് എ​ലി​മു​ള്ളും​പ്ലാ​ക്ക​ൽ ജ​ന​വാ​സ മേ​ഖ​ല​യി​ൽ ക​ഴി​ഞ്ഞ​ദി​വ​സം രാ​ത്രി കാ​ട്ടാ​ന വ​ൻ​നാ​ശ​ന​ഷ്ട​മാ​ണ് ഉ​ണ്ടാ​ക്കി​യ​ത്. പ​ടി​ഞ്ഞാ​റെ എ​ലി​മു​ള്ളും​പ്ലാ​ക്ക​ൽ ച​രി​വു​പു​ര​യി​ട​ത്തി​ൽ ജോ​സ് ജോ​ർ​ജ്, ച​രി​വു​പു​ര​യി​ട​ത്തി​ൽ സി.​എ​സ്. മ​ത്താ​യി, പു​ത്ത​ൻ​പു​ര​യ്ക്ക​ൽ പി.​എ​സ്. മ​ത്താ​യി എ​ന്നി​വ​രു​ടെ കൃ​ഷി​യി​ട​ങ്ങ​ളി​ൽ കാ​ട്ടാ​ന വ​ൻ നാ​ശം വി​ത​ച്ചു.
ജോ​സ് ജോ​ർ​ജി​ന്‍റെ പു​ര​യി​ട​ത്തി​ലെ കു​ല​ച്ച​തും കു​ല​യ്ക്കാ​ത്ത​തു​മാ​യ 40 മൂ​ട് ഏ​ത്ത​വാ​ഴ​യാ​ണ് ന​ശി​പ്പി​ച്ച​ത്. കൈ​ത​ക്കൃ​ഷി​യും പൂ​ർ​ണ​മാ​യി ന​ശി​പ്പി​ച്ചു. സി.​എ​സ്. മ​ത്താ​യി​യു​ടെ പു​ര​യി​ട​ത്തി​ലെ ക​മു​കു​ക​ളും ന​ശി​പ്പി​ച്ചു. വീ​ട്ടു​മു​റ്റ​ത്തെ​ത്തി​യ ശേ​ഷ​മാ​ണ് കാ​ട്ടാ​ന കൃ​ഷി​യി​ട​ത്തി​ലേ​ക്കു ക​യ​റു​ന്ന​ത്. ഇ​തോ​ടെ വീ​ടു​ക​ൾ​ക്കു​ള്ളി​ൽ ക​ഴി​യു​ന്ന​വ​രും ഭീ​തി​യി​ലാ​യി.

Tags : nattu vishesham Wild animals forest during