മാനന്തവാടി: കേരള സംസ്ഥാന മണ്ണ് പര്യവേക്ഷണ മണ്ണ് സംരക്ഷണ വകുപ്പിന്റെ നേതൃത്വത്തിൽ വയനാട് സോഷ്യൽ സർവീസ് സൊസൈറ്റിയുടെ സഹകരണത്തോടെ നബാർഡ് പുലിക്കാട് നീരുറവ സംരക്ഷണ പ്രദേശത്തു ലോക മണ്ണ് ദിനാചരണവും മൊബൈൽ മണ്ണ് പരിശോധനയും നടന്നു.
\ദിനാചരണം മാനന്തവാടി ബ്ലോക്ക് പഞ്ചായത്ത് പ്രസിഡന്റ് മീനാക്ഷി രാമൻ ഉദ്ഘാടനം ചെയ്തു. ജില്ലാ പഞ്ചായത്ത് അംഗം ജിൽസണ് തൂപ്പുംകര അധ്യക്ഷത വഹിച്ചു. നബാർഡ് ജില്ലാ മാനേജർ ആർ. ആനന്ദ് മുഖ്യ സന്ദേശം നൽകി.
വയനാട് സോഷ്യൽ സർവീസ് സൊസൈറ്റി എക്സിക്യുട്ടീവ് ഡയറക്ടർ ഫാ. ജിനോജ് പാലത്തടത്തിൽ, ജില്ലാ മണ്ണ് പര്യവേക്ഷണ മണ്ണ് സംരക്ഷണ വകുപ്പ് സീനിയർ സയന്റിസ്റ്റ് എം. രവി, എടവക ഗ്രാമപ്പഞ്ചായത്ത് അംഗങ്ങളായ ഷിൽസണ് മാത്യു, ജെസി വർഗീസ്, വയനാട് സോഷ്യൽ സർവീസ് സൊസൈറ്റി പ്രോഗ്രാം ഓഫീസർ പി.എ. ജോസ്, ജില്ലാ മണ്ണ് പര്യവേക്ഷണ മണ്ണ് സംരക്ഷണ വകുപ്പ് റിസർച്ച് അസോസിയേറ്റ് പി. അഖിൽ, ഫീൽഡ് അസോസിയേറ്റ് പി.പി. ആന്റണി, പുലിക്കാട് നീർത്തട വികസന സമിതി പ്രസിഡന്റ് കെ.ജെ. വർഗീസ്, സെക്രട്ടറി പി.ജെ. സിനോജ് എന്നിവർ പ്രസംഗിച്ചു. തുടർന്ന് നടന്ന ക്ലാസുകൾക്ക് കൃഷിവകുപ്പ് റിട്ട. ഡെപ്യൂട്ടി ഡയറക്ടർ കെ. മമ്മൂട്ടി, മധുവനം ഫാർമേഴ്സ് പ്രൊഡ്യൂസർ കന്പനി ചെയർമാൻ എൻ.ജെ. ചാക്കോ എന്നിവർ നേതൃത്വം നൽകി.
നബാർഡ് പുലിക്കാട് നീർത്തട പ്രദേശത്തെ നൂറോളം കർഷകരുടെ മണ്ണ് സാംപിളുകൾ പരിശോധനയ്ക്കായി സമാഹരിച്ചു. വയനാട് സോഷ്യൽ സർവീസ് സൊസൈറ്റി പ്രോജക്ട് കോഓർഡിനേറ്റർമാരായ ദീപു ജോസഫ്, ജാൻസി ജിജോ, അശ്വിൻ പീറ്റർ എന്നിവർ നേതൃത്വം നൽകി.