സ്വ​ത​ന്ത്ര ഇ​ന്ത്യ​യി​ൽ കോ​ട​തി​ക​ളും ന്യാ​യാ​ധി​പ​രും ഇ​ത്ര വി​മ​ർ​ശി​ക്ക​പ്പെ​ട്ടൊ​രു കാ​ല​മി​ല്ല. പ്ര​തി​പ​ക്ഷ​വും മാ​ധ്യ​മ​ങ്ങ​ളു​മൊ​ക്കെ കോ​ട​തി​യ​ല​ക്ഷ്യ​മെ​ന്ന സം​ര​ക്ഷ​ണ​ത്തെ, ആ​ഘാ​ത​മേ​റ്റേ​ക്കാ​വു​ന്ന വൈ​ദ്യു​ത​വേ​ലി​പോ​ലെ ക​ണ്ടു മാ​റി​നി​ൽ​ക്ക​വേ​യാ​ണ് ന്യാ​യാ​ധി​പ​ർ ച​രി​ത്ര​പ​ര​മാ​യ ചു​മ​ത​ല ഏ​റ്റെ​ടു​ത്ത​ത്.

അ​വ​രു​ടെ വി​മ​ർ​ശ​ന​ങ്ങ​ളു​ടെ ചു​രു​ക്കം, ഇ​ന്ത്യ​യി​ലെ നീ​തി​പീ​ഠ​ങ്ങ​ളു​ടെ നി​ഷ്പ​ക്ഷ​ത​യെ ഭ​ര​ണ​കൂ​ട​ത്തി​ന്‍റെ ഇ​ട​പെ​ട​ലു​ക​ൾ സം​ശ​യ​ത്തി​ലാ​ക്കി​യി​രി​ക്കു​ന്നു എ​ന്ന​തു​ത​ന്നെ​യാ​ണ്. ജ​സ്റ്റീ​സു​മാ​രാ​യ ജെ. ​ചെ​ല​മേ​ശ്വ​ർ, മ​ദ​ൻ ബി. ​ലോ​ഖു​ർ, കു​ര്യ​ൻ ജോ​സ​ഫ്, ഉ​ജ്വ​ൽ ഭൂ​യാ​ൻ, അ​ഡ്വ. ദു​ഷ്യ​ന്ത് ദ​വേ, മു​ൻ സു​പ്രീം​കോ​ട​തി ജ​ഡ്ജി ജ​സ്റ്റീ​സ് സ​ഞ്ജ​യ് കി​ഷ​ൻ കൗ​ൾ, ഡ​ൽ​ഹി ഹൈ​ക്കോ​ട​തി റി​ട്ട. ജ​ഡ്ജി ജ​സ്റ്റീ​സ് രേ​ഖ ശ​ർ​മ... തു​ട​ങ്ങി​യ​വ​ർ, കോ​ട​തി​യ​ല​ക്ഷ്യ​ത്തെ​ക്കു​റി​ച്ച് ഓ​ർ​മി​പ്പി​ക്കു​ന്ന​വ​രെ ഭ​ര​ണ​ഘ​ട​നാ അ​ല​ക്ഷ്യ​ത്തെ​ക്കു​റി​ച്ച് ഓ​ർ​മി​പ്പി​ച്ചു​കൊ​ണ്ടേ​യി​രി​ക്കു​ന്നു.

അ​തി​ൽ സ​ർ​ക്കാ​രി​നു​ള്ള സ​ന്ദേ​ശ​മു​ണ്ട്. ജ​നാ​ധി​പ​ത്യ​ത്തോ​ടു വി​യോ​ജി​ക്കു​ന്ന സ​ർ​ക്കാ​രി​നേ കോ​ട​തി​യെ നി​യ​ന്ത്രി​ക്കേ​ണ്ട ആ​വ​ശ്യ​മു​ള്ളൂ. കോ​ട​തി​ക​ൾ​ക്കും ജ​ന​ങ്ങ​ൾ​ക്കു​മു​ള്ള സ​ന്ദേ​ശ​വു​മു​ണ്ട്; സ​ർ​ക്കാ​ർ നി​യ​ന്ത്ര​ണ​ത്തി​നു കോ​ട​തി പൂ​ർ​ണ​മാ​യും വ​ഴ​ങ്ങി​യാ​ൽ ജ​നാ​ധി​പ​ത്യ​ത്തി​ന്‍റെ കൊ​ടി​യി​റ​ക്ക​മാ​യി. ഭ​ര​ണ​ഘ​ട​നാ അ​ല​ക്ഷ്യ​ത്തി​ന്‍റെ ന്യാ​യാ​ധി​പ വി​സ്താ​ര​ങ്ങ​ൾ തു​ട​രു​ക​യാ​ണ്.

വോ​ട്ട​ർ​പ​ട്ടി​ക​യി​ൽ​നി​ന്ന് 13 കോ​ടി പേ​രു​ക​ൾ നീ​ക്കം ചെ​യ്തി​ട്ടും സു​പ്രീം​കോ​ട​തി​യു​ടെ ഭാ​ഗ​ത്തു​നി​ന്ന് അ​ർ​ഥ​വ​ത്താ​യ ഇ​ട​പെ​ട​ലു​ക​ളൊ​ന്നും ഉ​ണ്ടാ​യി​ട്ടി​ല്ലെ​ന്ന് ഡ​ൽ​ഹി ഹൈ​ക്കോ​ട​തി റി​ട്ട. ജ​ഡ്ജി ജ​സ്റ്റീ​സ് രേ​ഖ ശ​ർ​മ തു​റ​ന്ന​ടി​ച്ച​താ​ണ് ഈ ​പ​ര​ന്പ​ര​യി​ൽ ഏ​റ്റ​വും പു​തി​യ​ത്. കാ​മ്പ​യി​ൻ ഫോ​ർ ജു​ഡീ​ഷ്യ​ൽ അ​ക്കൗ​ണ്ട​ബി​ലി​റ്റി ആ​ൻ​ഡ് റി​ഫോം​സ് സം​ഘ​ടി​പ്പി​ച്ച ച​ട​ങ്ങി​ൽ സം​സാ​രി​ക്ക​വെ​യാ​ണ് രൂ​ക്ഷ വി​മ​ർ​ശ​നം.

ഇ​തു​കൂ​ടി കേ​ൾ​ക്കാം: “തെ​ര​ഞ്ഞെ​ടു​പ്പു ക​മ്മി​ഷ​നെ​തി​രേ സ​മാ​ധാ​ന​പ​ര​മാ​യ മാ​ർ​ച്ച് ന​ട​ത്തി​യ വി​ദ്യാ​ർ​ഥി​ക​ളെ​യും സാ​ധാ​ര​ണ​ക്കാ​രെ​യും മ​ർ​ദി​ച്ച് പൊ​ലി​സ് വാ​നു​ക​ളി​ൽ ക​യ​റ്റി​ക്കൊ​ണ്ടു​പോ​യ​ത്, സാ​ധാ​ര​ണ​ക്കാ​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കാ​ൻ ഭ​ര​ണ​ഘ​ട​ന ചു​മ​ത​ല​പ്പെ​ടു​ത്തി​യ പ​ര​മോ​ന്ന​ത കോ​ട​തി​യു​ടെ ക​ൺ​മു​ന്നി​ലാ​ണ്. സ​ർ​ക്കാ​ർ നേ​തൃ​ത്വ​ത്തി​ലു​ള്ള നി​യ​മ​ന​ങ്ങ​ളി​ലെ പ​ക്ഷ​പാ​ത ആ​ശ​ങ്ക​ക​ളെ​ത്തു​ട​ർ​ന്നാ​ണു ജ​ഡ്ജി​മാ​രെ നി​യ​മി​ക്കാ​നു​ള്ള അ​ധി​കാ​രം സു​പ്രീം​കോ​ട​തി ഏ​റ്റെ​ടു​ത്ത​ത്. എ​ന്നാ​ൽ, സ​ർ​ക്കാ​ർ നി​യ​മ​ന​ങ്ങ​ൾ ന​ട​ത്തി​യി​രു​ന്ന അ​തേ രീ​തി​യി​ലാ​ണു കൊ​ളീ​ജി​യം ഇ​പ്പോ​ൾ പ്ര​വ​ർ​ത്തി​ക്കു​ന്ന​ത്.”

കൊ​ളീ​ജി​യം യോ​ഗം ചേ​രു​ന്ന​തി​നു മു​ന്പു​ത​ന്നെ ജ​ഡ്ജി​മാ​രു​ടെ നി​യ​മ​ന​ത്തി​ൽ സു​പ്രീം​കോ​ട​തി മു​ൻ ചീ​ഫ് ജ​സ്റ്റീ​സ് ഡി.​വൈ. ച​ന്ദ്ര​ചൂ​ഡ് കേ​ന്ദ്ര​സ​ർ​ക്കാ​രി​ന്‍റെ അം​ഗീ​കാ​രം തേ​ടാ​ൻ ശ്ര​മി​ച്ചി​രു​ന്നെ​ന്നാ​ണ് മു​ൻ സു​പ്രീം​കോ​ട​തി ജ​ഡ്ജി ജ​സ്റ്റീ​സ് സ​ഞ്ജ​യ് കി​ഷ​ൻ കൗ​ൾ ര​ചി​ച്ച ‘വി​ത്തൗ​ട്ട് ഫി​യ​ർ ഓ​ർ ഫേ​വ​ർ’ എ​ന്ന ഓ​ർ​മ​ക്കു​റി​പ്പി​ലെ തു​റ​ന്നു​പ​റ​ച്ചി​ൽ. കൊ​ളീ​ജി​യ​ത്തി​ൽ ചീ​ഫ് ജ​സ്റ്റീ​സി​നു തൊ​ട്ടു​താ​ഴെ​യു​ള്ള മു​തി​ർ​ന്ന ജ​ഡ്ജി​യാ​യി​രു​ന്നു അ​ദ്ദേ​ഹം.

ന്യൂ​ന​പ​ക്ഷ വി​ഭാ​ഗ​ത്തി​ൽ​പെ​ട്ട ഒ​രു ജ​ഡ്ജി​യെ നി​യ​മി​ക്കു​മ്പോ​ൾ കു​ടും​ബ​ത്തി​ന്‍റെ ജാ​തി​യെ​ക്കു​റി​ച്ചു​ള്ള സ​ർ​ക്കാ​രി​ന്‍റെ ചോ​ദ്യം ചീ​ഫ് ജ​സ്റ്റീ​സ് കൊ​ളീ​ജി​യ​ത്തി​ൽ പ​ങ്കു​വ​ച്ചു. ചീ​ഫ് ജ​സ്റ്റീ​സി​ന്‍റെ അ​മി​ത​വി​ധേ​യ​ത്വ​ത്തി​ൽ പ്ര​തി​ഷേ​ധി​ച്ച് താ​ൻ ഒ​രി​ക്ക​ൽ കൊ​ളീ​ജി​യം യോ​ഗ​ത്തി​ൽ​നി​ന്ന് ഇ​റ​ങ്ങി​പ്പോ​യെ​ന്നും ജ​സ്റ്റീ​സ് കൗ​ൾ എ​ഴു​തി. ഒ​രു ജ​ഡ്ജിനി​യ​മ​ന​ത്തി​ൽ സ​ർ​ക്കാ​രി​ന്‍റെ നി​ല​പാ​ട​റി​യാ​ൻ യോ​ഗ​ത്തി​നി​ടെ ഫോ​ൺ വി​ളി​ക്കാ​ൻ ചീ​ഫ് ജ​സ്റ്റീ​സ് തു​നി​ഞ്ഞ​പ്പോ​ൾ ത​നി​ക്ക് അ​തു ത​ട​യേ​ണ്ടി വ​ന്നെ​ന്നു​പോ​ലും ജ​സ്റ്റീ​സ് കൗ​ൾ കു​റി​ച്ചു.

2023 ഫെ​ബ്രു​വ​രി 19ന് ‘​ജു​ഡീ​ഷ്യ​ൽ നി​യ​മ​ന​ത്തി​ൽ സ​ർ​ക്കാ​രി​ന്‍റെ ഇ​ട​പെ​ട​ൽ’ എ​ന്ന വി​ഷ​യ​ത്തി​ലെ ഒ​രു ഓ​ൺ​ലൈ​ൻ ച​ർ​ച്ച​യി​ൽ സു​പ്രീം​കോ​ട​തി​യി​ലെ മു​തി​ർ​ന്ന അ​ഭി​ഭാ​ഷ​ക​ൻ ദു​ഷ്യ​ന്ത് ദ​വേ പ​റ​ഞ്ഞ​ത്, ഏ​ഴെ​ട്ടു വ​ർ​ഷ​ങ്ങ​ൾ​ക്കി​ടെ രാ​ജ്യ​ത്തെ ഹൈ​ക്കോ​ട​തി​ക​ളി​ലു​ട​നീ​ളം ഒ​രു പ്ര​ത്യേ​ക പ്ര​ത്യ​യ​ശാ​സ്ത്ര​ത്തി​ന്‍റെ ജ​ഡ്ജി​മാ​രെ നി​യ​മി​ച്ചി​ട്ടു​ണ്ടെ​ന്നും ഈ ​സാ​ഹ​ച​ര്യ​ത്തെ മ​റി​ക​ട​ക്കാ​ൻ ക​ഴി​യു​മെ​ന്ന് താ​ൻ ക​രു​തു​ന്നി​ല്ലെ​ന്നു​മാ​ണ്.

ഏ​താ​ണ് ദ​വേ സൂ​ചി​പ്പി​ച്ച ആ ​ഏ​ഴെ​ട്ടു വ​ർ​ഷ​മെ​ന്നു ക​ണ​ക്കു​കൂ​ട്ടി​യാ​ൽ അ​ത് 2014ൽ ​ന​രേ​ന്ദ്ര​ മോ​ദി അ​ധി​കാ​ര​ത്തി​ലെ​ത്തി​യ​തി​നു ശേ​ഷ​മു​ള്ള കാ​ല​മാ​ണ്. സ​ർ​ക്കാ​ർ നി​യ​മി​ക്കു​ന്ന ന്യാ​യാ​ധി​പ​രെ​ക്കൊ​ണ്ട് കോ​ട​തി​ക​ൾ നി​റ​ഞ്ഞാ​ൽ ഏ​കാ​ധി​പ​ത്യ​ത്തി​ലെ​ന്ന​പോ​ലെ നീ​തി സ​ർ​ക്കാ​രി​ന്‍റെ വി​ത​ര​ണാ​വ​കാ​ശ​മാ​യി മാ​റും. സു​പ്രീം​കോ​ട​തി ചീ​ഫ് ജ​സ്റ്റീ​സ് ആ​യി​രു​ന്ന ദീ​പ​ക് മി​ശ്ര പ്ര​ത്യേ​ക കേ​സു​ക​ൾ നി​ശ്ചി​ത ജ​ഡ്ജി​മാ​രു​ടെ ബെ​ഞ്ചു​ക​ൾ​ക്കു മാ​ത്രം ന​ൽ​കു​ന്ന​തി​നെ​തി​രേ, 2018 ജ​നു​വ​രി 12നു ​പ​ത്ര​സ​മ്മേ​ള​നം ന​ട​ത്തി​യ ജ​സ്റ്റീ​സു​മാ​രാ​യ ജെ. ​ചെ​ല​മേ​ശ്വ​ർ, ര​ഞ്ജ​ൻ ഗൊ​ഗോ​യ്, മ​ദ​ൻ ബി. ​ലോ​ഖു​ർ, കു​ര്യ​ൻ ജോ​സ​ഫ് എ​ന്നി​വ​ർ പ​റ​ഞ്ഞ​ത്, രാ​ജ്യ​ത്തെ ജു​ഡീ​ഷ്യ​റി​യും ജ​നാ​ധി​പ​ത്യ​വും വ​ലി​യ ഭീ​ഷ​ണി നേ​രി​ടു​ന്നു എ​ന്നാ​യി​രു​ന്നു.

ഇ​ക്ക​ഴി​ഞ്ഞ ദി​വ​സം, ഗാ​ന്ധി​ന​ഗ​ർ അ​ഡീ​ഷ​ണ​ൽ സെ​ഷ​ൻ​സ് കോ​ട​തി ജ​ഡ്ജി ബി.​ആ​ർ. ര​ജ്പു​ത്, ഗോ​ഹ​ത്യ കേ​സി​ൽ മൂ​ന്നു​പേ​ർ​ക്കു ജീ​വ​പ​ര്യ​ന്ത​വും ത​ട​വും വി​ധി​ച്ചു​കൊ​ണ്ടു ന​ട​ത്തി​യ പ​രാ​മ​ർ​ശ​വും കേ​ൾ​ക്കേ​ണ്ട​താ​ണ്. “മ​നു​സ്മൃ​തി പ്ര​കാ​രം പ​ശു എ​ന്ന​ത് കേ​വ​ലം മൃ​ഗം മാ​ത്ര​മ​ല്ല, ധ​ർ​മ​ത്തി​ന്‍റെ ഒ​രു പ്ര​ധാ​ന തൂ​ണാ​ണ്.” ഹി​ന്ദു​രാ​ഷ്‌​ട്ര​ത്തി​ന്‍റെ ഭ​ര​ണ​ഘ​ട​ന​യാ​യി ചി​ല​രെ​ങ്കി​ലും ക​രു​തു​ന്ന​താ​ണ്, പ​രി​ഷ്കൃ​ത​ലോ​കം അ​പ​രി​ഷ്കൃ​ത​മാ​യി ക​ണ​ക്കാ​ക്കു​ന്ന മ​നു​സ്മൃ​തി! ജാ​തി​വ്യ​വ​സ്ഥ​യു​ടെ​യും അ​സ​മ​ത്വ​ത്തി​ന്‍റെ​യും ഇ​രു​ണ്ട​ കാ​ല​ത്തെ നി​യ​മ​സം​ഹി​ത!

നീ​തി​പീ​ഠ​ങ്ങ​ളെ ഭ​ര​ണ​ഘ​ട​ന​യു​ടെ ശ്രീ​കോ​വി​ലി​ൽ​നി​ന്നു ഭ​ര​ണ​കൂ​ട​ത്തി​ന്‍റെ കൂ​ടാ​ര​ത്തി​ലെ​ത്തി​ക്കാ​നു​ള്ള ശ്ര​മ​ത്തി​നെ​തി​രേ വി​ര​ൽ ചൂ​ണ്ടു​ന്ന​ത് വി​ശ്വാ​സ്യ​ത​യു​ള്ള ന്യാ​യാ​ധി​പ​രാ​ണ്. അ​ത് ആ​ശ്വാ​സ​മാ​ണെ​ങ്കി​ലും, ജ​നാ​ധി​പ​ത്യ​ത്തി​ന്‍റെ മൂ​ന്നാം തൂ​ണി​ന് ഇ​ട​ർ​ച്ച​യു​ണ്ടാ​ക്കാ​നു​ള്ള സ​ർ​ക്കാ​ർ നീ​ക്ക​ത്തെ ത​ട​യാ​ൻ ഏ​താ​നും ന്യാ​യാ​ധി​പ​ർ​ക്കു ക​ഴി​യു​മോ​യെ​ന്ന ആ​ശ​ങ്ക​യു​മു​ണ്ട്. കാ​ര​ണം, ഇ​ക്കാ​ല​മ​ത്ര​യും സ​ർ​ക്കാ​രി​നെ ഭ​യ​പ്പെ​ടാ​തെ ജ​നം സ്വ​ത​ന്ത്ര​രാ​യി നി​ല​നി​ന്ന​ത് ത​ങ്ങ​ൾ​ക്കു കോ​ട​തി​യു​ണ്ടെ​ന്ന ആ​ത്മ​വി​ശ്വാ​സ​ത്തി​ലാ​ണ്. അ​ത് ഇ​ല്ലാ​താ​ക​രു​ത്.

ഭ​രി​ക്കു​ന്ന​വ​രും പ്ര​തി​പ​ക്ഷ​ത്തു​ള്ള​വ​രും പ​രാ​ജ​യ​പ്പെ​ട്ട​പ്പോ​ൾ, ഇ​ന്ത്യ​ൻ ജ​നാ​ധി​പ​ത്യം അ​തി​ന്‍റെ നി​ല​പാ​ടു​ത​റ​യാ​യ ഭ​ര​ണ​ഘ​ട​ന​യെ സം​ര​ക്ഷി​ക്കാ​ൻ പു​റ​ത്തെ​ടു​ത്ത ‘പ്ലാ​ൻ ബി’ ​ആ​യി ജെ​ൻ സി ​മു​ന്നേ​റ്റ​ത്തെ അ​തി​ശ​യോ​ക്തി ക​ല​ർ​ത്തി​യാ​ണെ​ങ്കി​ലും നി​രീ​ക്ഷി​ക്കാ​വു​ന്ന​താ​ണ്. അ​തേ ജ​നാ​ധി​പ​ത്യ​മാ​യി​രി​ക്കാം കോ​ട​തി​യ​ല​ക്ഷ്യ​ത്തി​ന്‍റെ ഭീ​ഷ​ണി​യെ അ​തി​ജീ​വി​ച്ച് നീ​തി​യെ സം​ര​ക്ഷി​ക്കാ​ൻ ന്യാ​യാ​ധി​പ​രെ​ത്ത​ന്നെ ഇ​റ​ക്കു​ന്ന​ത്.

സ്വാ​ത​ന്ത്ര്യ​സ​മ​രം മാ​ത്ര​മ​ല്ല, ഇ​ന്ത്യ​ൻ ജ​നാ​ധി​പ​ത്യ​വും എ​ക്കാ​ല​വും ലോ​ക​ത്തി​നു മാ​തൃ​ക​യാ​ണ്. പ​ക്ഷേ, കൈ​യും കെ​ട്ടി നോ​ക്കി​യി​രു​ന്ന​വ​ര​ല്ല അ​തൊ​ക്കെ നി​വ​ർ​ത്തി​ച്ച​ത്. ന​മു​ക്കും ഉ​ത്ത​ര​വാ​ദി​ത്വ​മു​ണ്ട്.

Tags : Deepika Editorial Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash