സ്വീകരണവും സര്‍വകലാശാലാ ജഴ്‌സി പ്രകാശനവും
ഒഡീഷ കലിംഗ ഇന്‍സ്റ്റിറ്റ്യൂട്ട് ഓഫ് സോഷ്യല്‍ സയന്‍സില്‍ നടന്ന അഖിലേന്ത്യാ അന്തര്‍ സര്‍വകലാശാല ടഗ് ഓഫ് വാര്‍ മല്‍സരത്തില്‍ വനിത, പുരുഷവനിതാ വിഭാഗങ്ങളില്‍ ചാമ്പ്യന്‍മാരും പുരുഷ വിഭാഗത്തില്‍ റണ്ണറപ്പും ബീച്ച് ടഗ് ഓഫ് വാര്‍ മല്‍സരത്തില്‍ വനിതാ വിഭാഗം ചാമ്പ്യന്‍മാരും പുരുഷവനിത, പുരുഷ വിഭാഗങ്ങളില്‍ മൂന്നാം സ്ഥാനവും കരസ്ഥമാക്കിയ കാലിക്കട്ട് സര്‍വകലാശാലാ ടീമിനെ 11ന് രാവിലെ 10.30ന് സര്‍വകലാശാലാ സെമിനാര്‍ കോംപ്ലക്‌സില്‍ ആദരിക്കും. 201920 വര്‍ഷത്തെ കാലിക്കട്ട് സര്‍വകലാശാലയുടെ ജഴ്‌സിയുടെ ഓദ്യോഗിക പ്രകാശനവും അന്ന് നടത്തുമെന്ന് കായിക പഠനവിഭാഗം ഡയറക്ടര്‍ ഡോ.വി.പി.സക്കീര്‍ ഹുസൈന്‍ അറിയിച്ചു.
അഭിമുഖം
സിഡിഎം.ആര്‍പിയിലെ ഡിസെബിലിറ്റി മാനേജ്‌മെന്‍റ് ഓഫീസര്‍ , ഡവലപ്‌മെന്‍റല്‍ സൈക്കോ തെറാപ്പിസ്റ്റ് (ക്ലിനിക്കല്‍ സൈക്കോളജി), സ്പീച്ച് ലാംഗ്വേജ് പാത്തോളജിസ്റ്റ് ആൻഡ് ഓഡിയോളജിസ്റ്റ്, ഒക്യുപേഷണല്‍ തെറാപ്പിസ്റ്റ്, ക്ലിനിക്കല്‍ അറ്റന്‍ഡന്‍റ് തസ്തികകളില്‍ അപേക്ഷിച്ചവര്‍ക്കുള്ള അഭിമുഖം 15ന് രാവിലെ പത്തിന് സര്‍വകലാശാലാ ഭരണവിഭാഗത്തില്‍ നടക്കും. യോഗ്യരായവരുടെ വിവരങ്ങളും അഭിമുഖ ഷെഡ്യൂളും വെബ്‌സൈറ്റില്‍ .
അപേക്ഷ ക്ഷണിച്ചു
ലൈഫ് ലോംഗ് ലേണിംഗ് ആന്‍ഡ് എക്സ്റ്റന്‍ഷന്‍ വകുപ്പ് നടത്തുന്ന ഫോട്ടോഗ്രഫി കോഴ്‌സിന് അപേക്ഷ ക്ഷണിച്ചു. കോഴ്‌സ് ഫീസ് : 10,000 രൂപ . സര്‍വകലാശാലാ വെബ്‌സെറ്റില്‍ നിന്നും ഡൗണ്‍ലോഡ് ചെയ്ത് പൂരിപ്പിച്ച അപേക്ഷ, ബയോഡാറ്റ, 100 രൂപ ചലാന്‍ എന്നിവ സഹിതം
20നകം ലൈഫ് ലോംഗ് വിഭാഗത്തില്‍ ലഭിക്കണം. ക്ലാസുകള്‍ ശനിയാഴ്ചകളിലും തെരഞ്ഞെടുത്ത ചില അവധി ദിവസങ്ങളിലുമായിരിക്കും. ഫോണ്‍ : 9496459276.
ബിടെക് നാലാം സെമസ്റ്റര്‍ പരീക്ഷാ കേന്ദ്രം
ഒക്‌ടോബര്‍ 16 മുതല്‍ ആരംഭിക്കുന്ന നാലാം സെമസ്റ്റര്‍ ബിടെക് പരീക്ഷയ്ക്ക് താഴെ കൊടുത്ത കോളജുകളില്‍ അപേക്ഷിച്ചവര്‍ ബ്രാക്കറ്റില്‍ കാണുന്ന കേന്ദ്രത്തില്‍ പരീക്ഷയ്ക്ക് ഹാജരാകണം.
പാലക്കാട്, മുതുമട പിസാറ്റ് എന്‍ജിനിയറിംഗ് കോളജ് (പാലക്കാട് എന്‍എസ്എസ് എന്‍ജിനിയറിംഗ് കോളജ്), പാലക്കാട്, മുണ്ടൂര്‍ ആര്യനെറ്റ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി (പാലക്കാട്, ഷൊര്‍ണൂര്‍ അല്‍ അമീന്‍ എൻജിനിയറിംഗ് കോളജ്), മഞ്ചേരി ഏറനാട് നോളജ് സിറ്റി കോളജ് ഓഫ് എന്‍ജിനിയറിംഗ് (മലപ്പുറം, പട്ടിക്കാട് എംഇഎ എന്‍ജിനിയറിംഗ് കോളജ്), പാലക്കാട്, കൊടുമ്പ് പ്രൈം കോളജ് ഓഫ് എന്‍ജിനിയറിംഗ് (പാലക്കാട്, മങ്കര അമ്മിണി കോളജ് ഓഫ് എന്‍ജിനിയറിംഗ്).
ബിടെക് ഇന്‍റെണല്‍ ഇംപ്രൂവ്‌മെന്‍റ പരീക്ഷാ കേന്ദ്രം
കാലിക്കട്ട് സര്‍വകലാശാല ബിടെക് ഇന്‍റേണല്‍ ഇംപ്രൂവ്‌മെന്‍റ് പരീക്ഷയ്ക്ക് താഴെ കൊടുത്ത കോളജുകള്‍ പരീക്ഷാ കേന്ദ്രമായി അപേക്ഷിച്ചവര്‍ താഴെ കാണുന്ന കേന്ദ്രത്തില്‍ പരീക്ഷയ്ക്ക് ഹാജരാകണം.
ആര്യാനെറ്റ് ഇന്‍സ്റ്റിറ്റ്യൂട്ട് ഓഫ് ടെക്‌നോളജി (കുളപ്പുള്ളി അല്‍ അമീന്‍ എന്‍ജിനിയറിംഗ് കോളജ്), ഏറനാട് നോളജ് സിറ്റി ടെക്‌നിക്കല്‍ കാമ്പസ് (പെരിന്തല്‍മണ്ണ എംഇഎ എൻജിനിയറിംഗ് കോളജ്), പ്രൈം കോളജ് ഓഫ് എന്‍ജിനിയറിംഗ് (അമ്മിണി കോളജ് ഓഫ് എന്‍ജിനിയറിംഗ്), പാലക്കാട് ഇന്‍സ്റ്റിറ്റ്യൂട്ട് ഓഫ് സയന്‍സ് ആൻഡ് ടെക്‌നോളജി (പാലക്കാട് എൻഎസ്എസ് എന്‍ജിനിയറിംഗ് കോളജ്).