മൂന്നാം വർഷ ബിഫാം ഡിഗ്രി റെഗുലർ/സപ്ലിമെന്ററി (2010 & 2012 സ്കീം) പരീക്ഷാഫലം പ്രസിദ്ധീകരിച്ചു. റീടോട്ടലിംഗ്, ഉത്തരക്കടലാസുകളുടേയും സ്കോർഷീറ്റിന്റേയും ഫോട്ടോകോപ്പി എന്നിവയ്ക്ക് അപേക്ഷിക്കുന്നവർ നിശ്ചിത ഫീസടച്ച് കോളജ് പ്രിൻസിപ്പൽമാർ മുഖേന ഓൺലൈനായി 25നകം അപേക്ഷിക്കണം.
റീടോട്ടലിംഗ് ഫലം
ഫൈനൽ ബിഡഎസ് പാർട്ട് 2 സപ്ലിമെന്ററി പരീക്ഷാ റീടോട്ടലിംഗ് ഫലം പ്രസിദ്ധീകരിച്ചു.
തിയറി പരീക്ഷാ തിയതി
2019 നവംബർ ഒന്നു മുതൽ ആരംഭിക്കുന്ന അവസാന വർഷ എംഡി/എംഎസ് ആയുർവേദ ഡിഗ്രി റെഗുലർ (2016 സ്കീം) തിയറി പരീക്ഷാ ടൈംടേബിൾ പ്രസിദ്ധീകരിച്ചു.
പരീക്ഷ പുനഃക്രമീകരിച്ചു
ഒന്നാം വർഷ പോസ്റ്റ് ബേസിക് ബിഎസ്സി നഴ്സിംഗ് ഡിഗ്രി റെഗുലർ/സപ്ലിമെന്ററി തിയറി പരീക്ഷ, ഉപതെരഞ്ഞെടുപ്പു പ്രമാണിച്ചു നവംബർ ഒന്നിലേക്കു മാറ്റി പുനഃക്രമീകരിച്ചു.
പ്രവേശന പരീക്ഷാ തിയതി
23നും എംഫിൽ ഇൻ ക്ലിനിക്കൽ എപ്പിഡെമിയോളജി (പാർട്ട് ടൈം) കോഴ്സിന്റെ പ്രവേശന പരീക്ഷ രാവിലെ 9.30 മുതൽ 12.30 വരെ തിരുവനന്തപുരം സ്കൂൾ ഓഫ് ഹെൽത്ത് പോളിസി ആൻഡ് പ്ലാനിങ്ങിൽവച്ച് നടത്തും. അഡ്മിറ്റ് കാർഡ് വെബ് സൈറ്റിൽനിന്ന് 16 മുതൽ ഡൗൺലോഡ് ചെയ്യാം.