എംഎ ജേർണലിസം സീറ്റൊഴിവ്
കണ്ണൂർ സർവകലാശാലയുടെ മാങ്ങാട്ടുപറമ്പ് കാമ്പസിൽ പ്രവർത്തിക്കുന്ന ജേർണലിസം ഡിപ്പാർട്ട്മെന്‍റിൽ എംഎ ജേർണലിസം ആൻഡ് മാസ് കമ്യൂണിക്കേഷൻ കോഴ്സിൽ എസ്‌സി, എസ്ടി
വിഭാഗങ്ങളിൽ ഓരോ സീറ്റു‌വീതം ഒഴിവുണ്ട്. യോഗ്യരായവർ സർട്ടിഫിക്കറ്റുകളും ജാതി തെളിയിക്കുന്ന സർട്ടിഫിക്കറ്റുകളും സഹിതം നാളെ രാവിലെ പത്തിന് മാങ്ങാട്ടുപറമ്പ് എംസിജെ ഡിപ്പാർട്ട്മെന്‍റിൽ എത്തിച്ചേരണം. ഫോൺ: 9496329717.
പരീക്ഷാഫലം
ഒൻപതാം സെമസ്റ്റർ ബിഎ എൽഎൽബി റഗുലർ/സപ്ലിമെന്‍ററി (നവംബർ 2019) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 26ന് വൈകുന്നേരം അഞ്ചുവരെ അപേക്ഷിക്കാം.
അഞ്ചാം സെമസ്റ്റർ ബിഎ എൽഎൽബി റഗുലർ/സപ്ലിമെന്‍ററി (നവംബർ 2019) പരീക്ഷാഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും പകർപ്പിനും 27ന് വൈകുന്നേരം അഞ്ചുവരെ അപേക്ഷിക്കാം.
ബിരുദ പ്രവേശനം: എസ്‌സി/എസ്ടി അലോട്ട്മെന്‍റ്
202021 അധ്യയനവർഷത്തെ ബിരുദ പ്രവേശനത്തിനുള്ള എസ്‌സി/എസ്ടി വിദ്യാർഥികളുടെ അലോട്ട്മെന്‍റ് http://www.admission.kannuruniversity.ac.in/ എന്ന വെബ്‌സൈറ്റിൽ ലഭ്യമാണ്. അപേക്ഷകർ ആപ്ലിക്കേഷൻ നമ്പറും പാസ്‌വേഡും ഉപയോഗിച്ച് ലോഗിൻ ചെയ്ത് തങ്ങളുടെ അലോട്ട്മെന്‍റ് പരിശോധിക്കേണ്ടതാണ്. അലോട്ട്മെന്‍റ് ലഭിച്ചവർ ഇന്നുതന്നെ എസ്ബിഐ കളക്ട് വഴി അഡ്മിഷൻ ഫീസ് അടച്ച് അലോട്ട്മെന്‍റ് മെമ്മോയുമായി കോളജിൽ പ്രവേശനം നേടേണ്ടതാണ്.
ബിഎഡ് അഡ്മിഷന്: തെറ്റ് തിരുത്തുന്നതിന് ഹാജരാകണം
ബിഎഡ് അഡ്മിഷന് സമർപ്പിച്ച ഓൺലൈൻ അപേക്ഷകളിൽ തെറ്റുകൾ വരുത്തിയ അപേക്ഷകർ തിരുത്തുന്നതിന് സർവകലാശാലയിൽ നേരിട്ട് ഹാജരാകേണ്ടതാണ്. തെറ്റുകൾ കണ്ടെത്തിയ അപേക്ഷകരുടെ ലിസ്റ്റും അവർ തിരുത്തുന്നതിന് ഹാജരാകേണ്ട തീയതിയും വെബ്‌സൈറ്റിൽ നൽകിയിട്ടുണ്ട്. തിരുത്തുന്നതിനായി 200/ രൂപ എസ്ബിഐ കളക്ട് വഴി admission miscellaneous എന്ന കാറ്റഗറിയിൽ അടയ്ക്കേണ്ടതാണ്.
എസ്‌സി/എസ്ടി വിദ്യാർഥികൾക്ക് അപേക്ഷിക്കുന്നതിന് അവസരം
ഇതുവരെ അപേക്ഷിക്കാത്ത എസ്‌സി/എസ്ടി വിദ്യാർഥികൾക്ക് യുജി കോഴ്‌സുകളിലേക്ക് അപേക്ഷിക്കുന്നതിന് ഇന്ന് അവസരമുണ്ടായിരിക്കും. വിശദാംശങ്ങൾ അഡ്മിഷൻ വെബ്‌സൈറ്റിൽ ലഭ്യമാണ്.