രാ​ജ​ൻ ഒ​രു അ​വ​സാ​ന​മ​ല്ല ഓ​ർ​മപ്പെ​ടു​ത്ത​ലാ​ണ്, ഇ​വി​ടെ സി​സ്റ്റം ഇ​ങ്ങ​നെ​യൊ​ക്കെ​യാ​ണ് എ​ന്ന്. ഓ​ർ​മ​പ്പെ​ടു​ത്ത​ൽ. അ​ധി​കാ​ര​വും അ​ഹ​ന്ത​യും ഒ​രു ഭാ​ഗ​ത്തു തി​ള​ച്ചു മ​റി​യു​മ്പോ​ൾ സാ​ധാ​ര​ണ​ക്കാ​ര​ൻ നീ​തി തേ​ടി കോ​ട​തി മു​റി​ക​ൾ ക​യ​റി ഇ​റ​ങ്ങു​ന്ന അ​വ​സ്ഥ.

ചോ​ദ്യം ചോ​ദി​ക്കു​ന്ന​വ​നെ നി​ശ​ബ്ദ​രാ​ക്കു​ന്ന സി​സ്റ്റം. പ​ക്ഷേ ഈ ​സി​സ്റ്റ​ത്തി​നെ​തി​രേ പോ​രാ​ടി​യ ഒ​ര​ച്ഛ​നു​ണ്ട്. ആ ​അ​ച്ഛ​ന് ന​ഷ്ട​പ്പെ​ട്ട മ​ക​നു​ണ്ട്.. കാ​ല​മെ​ത്ര ക​ഴി​ഞ്ഞാ​ലും കേ​ര​ള​ത്തി​ന്‍റെ മ​നു​ഷ്യ​ത്വം ന​ഷ്ട​പ്പെ​ടാ​ത്ത മ​ന​സുക​ളി​ൽ തീ​രാ നോ​വാ​ണ് രാ​ജ​നും അ​ച്ഛ​ൻ ഈ​ച്ച​ര വാ​ര്യ​രും.

കേ​ര​ളം പോ​ലീ​സ് ക​സ്റ്റ​ഡി മ​ർ​ദനങ്ങ​ളു​ടെ പു​തി​യ ക​ഥ​ക​ൾ കേ​ട്ടു​ണ​രു​മ്പോ​ൾ കേ​ര​ള​ത്തി​ന്, പ്ര​ത്യേ​കി​ച്ച് തൃ​ശൂ​രി​ന് മ​റ​ക്കാ​നാ​കി​ല്ല രാ​ജ​ൻ എ​ന്ന ചെ​റു​പ്പ​ക്കാ​ര​നെ​യും നീ​തി തേ​ടി വ​ർ​ഷ​ങ്ങ​ൾ കോ​ട​തി ക​യ​റി​യി​റ​ങ്ങി വ്യ​വ​ഹാ​രം ന​ട​ത്തി​യ രാ​ജ​ന്‍റെ അ​ച്ഛ​ൻ ഈ​ച്ച​ര വാ​ര്യ​രെ​യും.

ഓ​രോ അ​ടി​യ​ന്ത​രാ​വ​സ്ഥ ദി​നം വ​രു​മ്പോ​ഴും അ​ടി​യ​ന്ത​രാ​വ​സ്ഥ​യു​ടെ ഭീ​ക​ര​ത​യു​ടെ പ്ര​തീ​ക​മാ​യി രാ​ജ​ൻ കേ​സ് പ​ല​പ്പോ​ഴും ഓ​ർ​മി​ക്ക​പ്പെ​ടാ​റു​ണ്ട്. ഇ​പ്പോ​ൾ കേ​ര​ള​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ​നി​ന്ന് വ​ന്നു​കൊ​ണ്ടി​രി​ക്കു​ന്ന പോ​ലീ​സ് ക​സ്റ്റ​ഡി മ​ർ​ദ​ന​ങ്ങ​ളു​ടെ ഭീ​ക​ര​ത വീ​ണ്ടും രാ​ജ​ൻ കേ​സും ഈ​ച്ച​ര വാ​ര്യ​രു​ടെ പോ​രാ​ട്ട​വും ഓ​ർ​മിപ്പി​ക്കു​ക​യാ​ണ്.

കോ​ഴി​ക്കോ​ട് റീ​ജി​യ​ണ​ൽ എ​ഞ്ചി​നീ​റി​ങ് കോ​ള​ജി​ലെ (ഇ​ന്ന​ത്തെ എ​ൻ​ഐ​റ്റി) വി​ദ്യാ​ർ​ഥി​യാ​യി​രു​ന്ന പി. ​രാ​ജ​ൻ വാ​ര്യ​രെ പോ​ലീ​സ് പി​ടി​ച്ചു​കൊ​ണ്ടു പോ​കു​ന്ന​തോ​ടെ​യാ​ണ് ഏ​റെ കോ​ളി​ള​ക്ക​വും വേ​ദ​ന​യും നൊ​മ്പ​ര​വും സൃ​ഷ്ടി​ച്ച രാ​ജ​ൻ കേ​സ് ആ​രം​ഭി​ക്കു​ന്ന​ത്.

അ​ടി​യ​ന്ത​രാ​വ​സ്ഥ ക​ഴി​ഞ്ഞ് ആ​ദ്യ​മാ​യി കോ​ട​തി​യി​ൽ സ​മ​ർ​പ്പി​ച്ച ഹേ​ബി​യ​സ് കോ​ർ​പ്പ​സ് ഹ​ർ​ജി ഈ ​സം​ഭ​വ​ത്തി​ൽ ആ​യി​രു​ന്നു​വെ​ന്ന​തും ച​രി​ത്രം. ന​ക്സ​ലു​ക​ളെ പി​ടി​ക്കു​ന്ന​തി​നാ​യി പ്ര​വ​ർ​ത്തി​ച്ചു​വ​ന്ന ക​ക്ക​യം പോ​ലീ​സ് ക്യാ​മ്പി​ൽ വ​ച്ച് രാ​ജ​ൻ ക്രൂ​ര​മാ​യ പോ​ലീ​സ് മ​ർ​ദന​ത്തി​ന് ഇ​ര​യാ​യി.

അ​ടി​യ​ന്ത​രാ​വ​സ്ഥ​യ്ക്കു ശേ​ഷം ഈ ​കേ​സി​ൽ കോ​ട​തി​യി​ൽ വ്യാ​ജ​സ​ത്യ​വാ​ങ്മൂ​ലം ന​ൽ​കി​യ​തി​ന്‍റെ പേ​രി​ൽ കെ. ​ക​രു​ണാ​ക​ര​നു മ​ന്ത്രി​സ​ഭ​യൊ​ഴി​യേ​ണ്ടി വ​ന്ന​തും കേ​ര​ള രാ​ഷ്ട്രീ​യ​ത്തി​ലെ മ​റ്റൊ​രു ച​രി​ത്ര സം​ഭ​വം.

ആ​രും അ​ധി​കം ക​ണ്ടി​ട്ടി​ല്ലെ​ങ്കി​ലും കേ​ട്ട​റി​വു​ക​ളി​ലും പ​റ​ഞ്ഞു കേ​ട്ട​തി​ലും കേ​ര​ളം ക​ണ്ട ഏ​റ്റ​വും ക്രൂ​ര​മാ​യ പോ​ലീ​സ് ക​സ്റ്റ​ഡി മ​ർ​ദന​മാ​ണ് രാ​ജ​ന് ഏ​ൽ​ക്കേ​ണ്ടി വ​ന്ന​ത്. എ​സ്ഐ പു​ലി​ക്കോ​ട​ൻ നാ​രാ​യ​ണ​ന്‍റെ നേ​തൃ​ത്വ​ത്തി​ൽ ന​ട​ന്ന ക്രൂ​ര​മ​ർ​ദത്തി​ലും ഉ​രു​ട്ട​ലി​ലും ആ​ണ് രാ​ജ​ൻ കൊ​ല്ല​പ്പെ​ട്ട​തെ​ന്ന് അ​ക്കാ​ല​ത്ത് ക്യാ​മ്പി​ൽ ഇ​തേ രീ​തി​യി​ൽ പി​ടി​ച്ചു​കൊ​ണ്ടു വ​ന്ന മ​റ്റു​ള്ള​വ​ർ പ​ല​യി​ട​ത്തും പ​റ​ഞ്ഞി​ട്ടു​ണ്ട്.


പു​ലി​ക്കോ​ട​നൊ​പ്പം വേ​ലാ​യു​ധ​ൻ, ജ​യ​രാ​ജ​ൻ, ലോ​റ​ൻ​സ് എ​ന്നീ പോ​ലീ​സു​കാ​രാ​ണ് രാ​ജ​നെ ഉ​രു​ട്ടി​ക്കൊ​ണ്ടി​രു​ന്ന​തെ​ന്നും, ബീ​രാ​ൻ എ​ന്ന പോ​ലീ​സു​കാ​ര​ൻ ശ​ബ്ദം പു​റ​ത്തു​വ​രാ​തി​രി​ക്കാ​ൻ വാ​യ തു​ണി​യു​പ​യോ​ഗി​ച്ച് അ​ട​ച്ചു​പി​ടി​ച്ചി​രു​ന്നു​വെ​ന്നും കു​റേ സ​മ​യം ഉ​രു​ട്ട​ലി​നു വി​ധേ​യ​മാ​ക്കി​യ രാ​ജ​നെ വി​ട്ട് ബീ​രാ​ൻ എ​ഴു​ന്നേ​റ്റു​വെ​ന്നും എ​ന്തോ കു​ഴ​പ്പ​മു​ണ്ടെ​ന്ന് മ​ന​സി​ലാ​ക്കി​യ മ​റ്റു​ള്ള​വ​ർ ഉ​രു​ട്ട​ൽ നി​ർ​ത്തി​യെ​ന്നും സ​ഹ​ത​ട​വു​കാ​ര​ൻ വെ​ളി​പ്പെ​ടു​ത്തി​യി​രു​ന്നു.

പോ​ലീ​സി​ന്‍റെ ക​സ്റ്റ​ഡി​യി​ൽ ക്രൂ​ര​മാ​യ മ​ർ​ദ​ന​ത്തി​ന് ഇ​ര​യാ​യി കൊ​ല്ല​പ്പെ​ട്ട രാ​ജ​ന്‍റെ മൃ​ത​ദേ​ഹം എ​ന്തു ചെ​യ്തു എ​ന്ന​തി​ന് വ്യ​ക്ത​മാ​യ ഉ​ത്ത​രം കി​ട്ടി​യി​ട്ടി​ല്ല. രാ​ജ​ന്‍റെ മൃ​ത​ദേ​ഹം പോ​ലീ​സ് ജീ​പ്പി​ലി​ട്ട് എ​ങ്ങോ​ട്ടോ കൊ​ണ്ടു​പോ​യെ​ന്ന് പ​റ​യ​പ്പെ​ടു​ന്നു.

രാ​ജ​ന്‍റെ മൃ​ത​ദേ​ഹം പൊ​ങ്ങി​വ​രാ​തി​രി​ക്കാ​ൻ വ​യ​ർ കീ​റി പു​ഴ​യി​ലി​ട്ടു​വെ​ന്നും, പ​ഞ്ച​സാ​ര​യി​ട്ട് പൂ​ർ​ണമാ​യി ക​ത്തി​ച്ചു​വെ​ന്നു​മൊ​ക്കെ പ​റ​യ​പ്പെ​ടു​ന്നു​ണ്ട്. മൃ​ത​ദേ​ഹം ആ​ദ്യം കു​റ്റ്യാ​ടി​പ്പു​ഴ​യി​ലെ ക​ക്ക​യം ഡാ​മി​ന​ടു​ത്ത് ഉ​ര​ക്കു​ഴി വെ​ള്ള​ച്ചാ​ട്ട​ത്തി​ന്‍റെ തൊ​ട്ട​ടു​ത്ത് കു​ഴി​ച്ചി​ട്ടെ​ന്നും പി​ന്നീ​ട് പു​റ​ത്തെ​ടു​ത്ത് പെ​ട്രോ​ളൊ​ഴി​ച്ചു ക​ത്തി​ച്ച് അ​വ​ശി​ഷ്ടം ഉ​ര​ക്കു​ഴി വെ​ള്ള​ച്ചാ​ട്ട​ത്തി​ലെ​റി​ഞ്ഞ് തെ​ളി​വു​ക​ൾ ന​ശി​പ്പി​ച്ചെ​ന്നും ചി​ല​ർ പ​റ​യു​ന്നു.

രാ​ജ​നെ കൂ​ത്താ​ട്ടു​കു​ളം മീ​റ്റ് പ്രൊ​ഡ​ക്റ്റ്സ് ഓ​ഫ് ഇ​ന്ത്യ​യി​ൽ കൊ​ണ്ടു​വ​രി​ക​യും അ​വി​ടു​ത്തെ ശീ​തീ​ക​ര​ണ​മു​റി​യി​ൽ പൂ​ട്ടി​യി​ട്ട് കൊ​ല​പ്പെ​ടു​ത്തു​ക​യും, മൃ​ത​ദേ​ഹം പു​റ​ത്തെ​ടു​ത്ത് കൊ​ത്തി​നു​റു​ക്കി അ​ര​ച്ച് പ​ന്നി​ക​ൾ​ക്ക് ഭ​ക്ഷ​ണ​മാ​യി ന​ൽ​കി​യി​ട്ടു​ണ്ടാ​കാം എ​ന്ന വാ​ദ​വും അ​ടു​ത്തി​ടെ പു​റ​ത്തു​വ​ന്നി​രു​ന്നു.

എ​ന്തു​ത​ന്നെ​യാ​യാ​ലും മ​ക​ന്‍റെ മ​ര​ണ​കാ​ര​ണ​വും മ​റ്റും അ​ന്വേ​ഷി​ച്ച പി​താ​വ് ഈ​ച്ച​ര വാ​ര്യ​ർ ന​ട​ത്തി​യ നി​യ​മ പോ​രാ​ട്ടം കേ​ര​ള രാ​ഷ്ട്രീ​യ​ത്തെ പി​ടി​ച്ചു കു​ലു​ക്കി​യ​പ്പോ​ൾ ഇ​ന്ത്യ​ൻ നീ​തി​ന്യാ​യ വ്യ​വ​സ്ഥ​യു​ടെ ച​രി​ത്ര​ത്തി​ൽ ഇ​ടം​പി​ടി​ച്ചു.

എ​ന്‍റെ മ​ക​നെ ഒ​രി​ക്ക​ലും തി​രി​ച്ചു​കി​ട്ടി​ല്ല എ​ന്നെ​നി​ക്ക​റി​യാം. എ​ന്നാ​ൽ മ​റ്റൊ​രു പി​താ​വി​നും എ​ന്‍റെ ഗ​തി വ​ര​രു​ത്. ഈ ​അ​ച്ഛ​നോ​ട് ദ​യ​തോ​ന്ന​ണം - എ​ന്ന ഈ​ച്ച​ര വാ​ര്യ​രു​ടെ വാ​ക്കു​ക​ൾ കേ​ര​ള​ത്തി​ൽ ഇ​പ്പോ​ഴും പോ​ലീ​സ് ക​സ്റ്റ​ഡി​യി​ൽ മ​ർ​ദ​ന​മേ​റ്റ് പു​ള​യു​ന്ന മ​ക്ക​ളു​ടെ അ​ച്ഛ​ൻ​മാ​ർ ഓ​ർ​ക്കു​ന്നു​ണ്ട്.

ക​സ്റ്റ​ഡി മ​ർ​ദ്ദ​ന​ങ്ങ​ളു​ടെ പു​തി​യ ക​ഥ​ക​ൾ ഓ​രോ ദി​വ​സ​വും കേ​ൾ​ക്കു​മ്പോ​ൾ കേ​ര​ള​ത്തി​ന്‍റേ​യും തൃ​ശൂ​രി​ന്‍റേ​യും ഓ​ർ​മക​ളി​ൽ രാ​ജ​നും ഈ​ച്ച​ര വാ​ര്യ​രും മാ​യാ​തെ ക്ലാ​വ് പി​ടി​ച്ചു നി​ൽ​ക്കു​ക​യാ​ണ്.