ന്യൂ​ഡ​ൽ​ഹി: കാ​ഷ്മീ​രി​ന്‍റെ വി​ധി മാ​റ്റി​യ നി​യ​മ​നി​ർ​മാ​ണ​ത്തി​നു പി​ന്നാ​ലെ മ​ണ്ഡ​ല​ങ്ങ​ളു​ടെ എ​ണ്ണ​വും കൂ​ട്ടു​ന്നു.

ല​ഡാ​ക്ക് ഉ​ൾ​പ്പെ​ടെ നി​ല​വി​ലു​ണ്ടാ​യി​രു​ന്ന ജ​മ്മു​കാ​ഷ്മീ​രി​ൽ 87 നി​യ​മ​സ​ഭാ സീ​റ്റു​ക​ളി​ലേ​ക്കാ​ണ് തെ​ര​ഞ്ഞെ​ടു​പ്പ് ന​ട​ന്നി​രു​ന്ന​ത്. ല​ഡാ​ക്കി​ൽ നാ​ല് സീ​റ്റു​ക​ളാ​ണു​ള്ള​ത്. മ​ണ്ഡ​ല പു​ന​ർ​നി​ർ​ണ​യ​ത്തി​നു​ശേ​ഷം ഏ​ഴു സീ​റ്റു​ക​ൾ കാ​ഷ്മീ​രി​ൽ വ​ർ​ധി​ക്കും. ഇ​നി ല​ഡാ​ക്കിലെ നാലു സീറ്റ് ഒ​ഴി​വാ​ക്കിയാലും ജമ്മു കാഷ്മീരിൽ 90 സീ​റ്റു​ക​ളുണ്ടായിരിക്കും.

ജ​മ്മു​കാ​ഷ്മീ​ർ മേ​ഖ​ല​യി​ൽ മൂ​ന്ന് സീ​റ്റു​ക​ൾ കൂ​ട്ടാ​നു​ള്ള സ​ർ​ക്കാ​ർ തീ​രു​മാ​ന​ത്തത്തു​ട​ർ​ന്നാ​ണി​ത്. ഇ​തി​ന്‍റെ തു​ട​ർ ന​ട​പ​ടി​ക​ൾ തെ​ര​ഞ്ഞെ​ടു​പ്പ് ക​മ്മീ​ഷ​ൻ നി​ർ​ണ​യി​ക്കും. നി​ല​വി​ൽ ജ​മ്മു​കാ​ഷ്മീ​രി​ൽ 111 നി​യ​മ​സ​ഭാ സീ​റ്റു​ക​ളും 13 ലോ​ക്സ​ഭാ സീ​റ്റു​ക​ളു​മാ​ണ് ഭ​ര​ണ​ഘ​ട​നാ​പ്ര​കാ​ര​മു​ണ്ടാ​യി​രു​ന്ന​ത്.ഇ​തി​ൽ പാ​ക് അ​ധീ​ന കാ​ഷ്മീ​രി​നാ​യി ജ​മ്മു​കാ​ഷ്മീ​ർ നി​യ​മ​സ​ഭ​യി​ലേ​ക്ക് 24 സീ​റ്റു​ക​ളും ലോ​ക്സ​ഭ​യി​ലേ​ക്ക് ഏ​ഴ് സീ​റ്റു​ക​ളു​മാ​ണ് നീ​ക്കി​വ​ച്ചി​രി​ക്കു​ന്ന​ത്.


നി​ല​വി​ലു​ണ്ടാ​യി​രു​ന്ന ജ​മ്മു​കാ​ഷ്മീ​ർ നി​യ​മ​സ​ഭ​യു​ടെ അം​ഗ​സം​ഖ്യ 113ആ​ണ്. ഇ​തി​ൽ 87 സീ​റ്റു​ക​ളി​ലേ​ക്ക് തെ​ര​ഞ്ഞെ​ടു​പ്പ് ന​ട​ക്കു​ന്നു. ര​ണ്ടു​പേ​ർ നാമ​നി​ർ​ദേ​ശം ചെ​യ്യ​പ്പെ​ടു​ന്നു. ബാ​ക്കി 24 സീറ്റ് പാ​ക് അ​ധീ​ന കാ​ഷ്മീ​രിനായി നീക്കിവച്ചിരി ക്കുകയാണ്.

ഭ​ര​ണ​ഘ​ട​ന​പ്ര​കാ​രം ലോ​ക്സ​ഭ​യി​ൽ അം​ഗ​സം​ഖ്യ 552 ആ​ണ്. ഇ​തി​ൽ തെ​ര​ഞ്ഞെ​ടു​പ്പ് ന​ട​ക്കു​ന്ന​ത് 543 മ​ണ്ഡ​ല​ങ്ങ​ളി​ലേ​ക്ക്. ര​ണ്ടു​പേ​ർ നാ​മ​നി​ർ​ദേ​ശം ചെ​യ്യ​പ്പെ​ടു​ന്നു. ബാ​ക്കി ഏ​ഴു​ സീറ്റ് പാ​ക് അ​ധീ​ന കാ​ഷ്മീ​രിനായി നീക്കിവച്ചിരിക്കുകയാണ്. ഇ​പ്പോ​ൾ നി​യ​മ​സ​ഭാ സീ​റ്റു​ക​ൾ കൂ​ട്ടു​മ്പോ​ൾ ലോ​ക്സ​ഭാ സീ​റ്റി​ൽ മാ​റ്റം​വ​രി​ല്ല.