സാങ്കേതിക തടസമാണെങ്കിൽ പരിഹരിക്കപ്പെടും : Deepika.com Tax News

Services & Questions

സാങ്കേതിക തടസമാണെങ്കിൽ പരിഹരിക്കപ്പെടും

എയ്ഡഡ് സ്കൂളിൽനിന്ന് 1997 ഏപ്രിലിൽ എച്ച് എസ്എ ആയി വിരമിച്ചു. വിരമിക്കുന്പോൾ 30 വർഷം സർവീസ് ഉണ്ടായിരുന്നെങ്കിലും 28 വർഷമേ പെൻഷനുള്ള യോഗ്യതാ കാലമായി കണക്കാക്കിയുള്ളൂ. രണ്ടു വർഷ സർവീസ് ചില സാങ്കേതിക കാരണങ്ങൾ പറഞ്ഞു ഒഴിവാ ക്കുകയുണ്ടായി. എന്നാൽ, ഈ രണ്ടുവർഷംകൂടി കണക്കാക്കിയാണ് എനിക്കു ഹയർഗ്രേഡ് നൽകിയിരുന്നത്. അന്നൊന്നും തടസങ്ങൾ ഉന്നയിച്ചിരുന്നില്ല. സാംഗ്ഷനിംഗ് അതോറിറ്റിയുടെ എന്തോ സംശയങ്ങളാണ് ഇതിനു കാരണമായത്. ഈ പ്രശ്നം ഇപ്പോൾ പരിഹരിക്കാൻ സാധിക്കുമോ?
രാജ്മോഹൻ, കൊല്ലം

സാങ്കേതികമായ തടസങ്ങളാണെങ്കിൽ പരിഹരിക്കപ്പെടാവുന്നതാണ്. സാധാരണ പെൻഷൻ പാസാക്കുന്പോൾ ഇതുപോലെയുള്ള എന്തെങ്കിലും പ്രശ്നങ്ങൾ ഉണ്ടെങ്കിൽ അക്കൗണ്ടന്‍റ് ജനറൽ ചൂണ്ടിക്കാട്ടാറുണ്ട്. അപ്പോയിന്‍റിംഗ് അതോറിറ്റിയും കൺ ട്രോളിംഗ് അതോറിറ്റിയും എച്ച്എസ്എ ആയതിനാ ൽ ഡിഇഒയും ഈ പ്രശ്നം ചൂണ്ടിക്കാണിച്ചിട്ടില്ലെങ്കിൽ തർക്കത്തിനു കാരണമില്ലാത്തതാണ്. എന്തായാലും പിപിഒ നന്പർ സഹിതം അക്കൗണ്ടന്‍റ് ജനറൽ ഓഫീസിൽ വിശദമായ വിവരങ്ങൾ സഹിതം കൈവശമുള്ള രേഖകൾ ഉൾപ്പെടുത്തിക്കൊണ്ട് അപേക്ഷ സമർപ്പിക്കുക. 10 -08 -2018 നു മുന്പ് സർവീസിൽനിന്നു വിരമിച്ചയാളുടെ പ്രശ്നമായതുകൊണ്ട് പരിഹരിക്കപ്പെടേണ്ടതാണ്.