ആദായനികുതി നിർണയം ; 40,000രൂപ സ്റ്റാൻഡേർഡ് ഡിഡക്‌‌ഷൻ സെസ് 4% ആയി ഉയർത്തി
2018-19 സാന്പത്തിക വർഷത്തിൽ ആദായനികുതി നിരക്കുകളിൽ ചെറിയൊരു മാറ്റം വരുത്തിയത് നികുതിദായകർക്ക് ആശ്വാസമാകും. നികുതി ഘടനയിൽ മാറ്റമില്ലെങ്കിലും നികുതി നിരക്കിലും സ്റ്റാൻഡേർഡ് ഡിഡക്‌ ഷനിലും നേരിയ വ്യത്യാസം വരുത്തിയിരിക്കുന്നു. ടാക്സബിൾ ഇൻകം (Taxable Income Or Total Income) രണ്ടര ലക്ഷം മുതൽ അഞ്ചു ലക്ഷം രൂപ വരെ ഈ സാന്പത്തിക വർഷവും അഞ്ചു ശതമാനം നികുതിയാണ്. അഞ്ചു ലക്ഷത്തിനു മുകളിൽ പത്തുലക്ഷം വരെ 20 ശതമാനവും പത്തു ലക്ഷത്തിന് മുകളിൽ 30 ശതമാനവുമാ ണ് നികുതി.
ടാക്സബിൾ ഇൻകം മൂന്നര ലക്ഷം രൂപയിൽ താഴെയുള്ളവർക്കു മാത്രമേ 87എ പ്രകാരമുള്ള ഇളവ് ലഭിക്കൂ. അതും പരമാവധി 2500രൂപ. കുറഞ്ഞ വരുമാനക്കാർക്ക് ഇതിന്‍റെ പ്രയോജനം ലഭിക്കും.
ജീവനക്കാരുടെ ആദായനികുതി കണക്കാക്കുന്നതിനു ജീവന ക്കാരുടെ ആകെ വരുമാനം, ലഭിക്കാവുന്ന ഇളവുകൾ, നികുതി നിരക്ക് കണ്ടുപിടിക്കുന്ന രീതികൾ എന്നിവയാണ് ഇവിടെ പ്രതിപാദിക്കുന്നത്.
(ഫോം നന്പർ 16ന്‍റെ ക്രമനന്പരാണ് താഴെ സ്വീകരിച്ചിരിക്കുന്നത്)
1. വാർഷിക മൊത്തശന്പളം (Gross Salary Income)
1-4-2018 മുതൽ 31-3-2019 വരെയുള്ള സാന്പത്തിക വർഷത്തിൽ ജീവനക്കാരനു ലഭിച്ച/ അർഹമായ ആകെ ശന്പളം. അടിസ്ഥാന ശന്പളം (Basic Pay+ ക്ഷാമബത്ത (DA)+ വീട്ടുവാടക ബത്ത (HR A)+CCA. കൂടാതെ ഓവർടൈം അലവൻസ്, സ്പെഷൽ അലവൻസുകൾ, ലീവ് സറണ്ടർ ശന്പളം, ശന്പള കുടിശിക, ഡിഎ കുടിശിക, ശന്പള പരിഷ്കരണ കുടിശിക ഇവയെല്ലാം ഉൾപ്പെടുത്തേണ്ടതാണ്. എന്നാൽ യാത്രാബത്ത (TA/ TransferTA), യൂണിഫോം അലവൻസ്, എൽടിസി, ടെര്‌മിനൽ സറണ്ടർ, ഗ്രാറ്റുവിറ്റി, കമ്യൂട്ടേഷൻ, ഹിൽ അലവൻസ് എന്നിവ ഒഴിവാക്കണം.
കിഴിവുകൾ
2. സെക്‌‌ഷൻ 10 പ്രകാരമുള്ള കിഴിവുകൾ
ജീവനക്കാരൻ താമസസൗകര്യത്തിനായി വീട്ടുവാടക നൽകിയിട്ടുണ്ടെങ്കിൽ ശന്പളത്തിന്‍റെ ഭാഗമായി വാങ്ങിയ എച്ച്ആർഎയിൽ സെക്‌‌ഷൻ 10 പ്രകാരം വാർഷിക മൊത്തവരുമാനത്തിൽനിന്ന് വ്യവസ്ഥകൾക്കു വിധേയമായി കുറവു വരുത്താവുന്നതാണ്. വാടക വീട്ടി ൽ താമസിക്കുന്ന ജീവനക്കാർക്കു മാത്രമേ ഈ ആനുകൂല്യം ലഭിക്കൂ.
4. സെക്‌‌ഷൻ 16 പ്രകാരമുള്ള കിഴിവുകൾ
(b)സെക്‌‌ഷൻ 16 (iii) തൊഴിൽ നികുതി (Professional Tax). തദ്ദേശ സ്വയംഭരണ സ്ഥാപനങ്ങൾക്ക് നൽകുന്ന തൊഴിൽ നികുതി പൂർണമായും ശന്പളത്തിൽനിന്നു കുറവു ചെയ്യാം.
7. വീട് നിർമാണത്തിനായി എടുത്ത വായ്പയുടെ
പലിശ (Housing Loan Interest-Section 24b)
സ്വന്തം താമസത്തിനായി വീട് വാങ്ങിയതിനോ നിർമിച്ചതിനോ അറ്റകുറ്റപ്പണികൾ നടത്തുന്നതിനോ അംഗീകൃത സ്ഥാപനത്തിൽ നിന്നു വായ്പ എടുത്ത തുകയുടെ പലിശമാത്രം. 1-4-1999നു മുന്പ് വാങ്ങിയ വായ്പയാണെങ്കിൽ പരമാവധി 30,000രൂപ വരെയും 1-4-1999നുശേഷം വാങ്ങിയ വായ്പയാണെങ്കിൽ പരമാവധി രണ്ടു ലക്ഷം രൂപ വരെയും കിഴിവ് അനുവദിക്കും. വായ്പ എടുക്കുന്ന സ്ഥാപനത്തിൽ നിന്നു വായ്പത്തുക, പലിശ, വായ്പയുടെ ഉദ്ദേശ്യം എന്നിവ സാക്ഷ്യപ്പെടുത്തുന്ന സർട്ടിഫിക്കറ്റ് ഹാജരാക്കണം. വീടിന്‍റെ ഉടമസ്ഥാവകാശം ഉള്ളവർക്കു മാത്രമേ ഈ ഇളവ് ലഭിക്കൂ. മുകളിൽ പറഞ്ഞ പ്രകാരം ഇളവ് അനുഭവിക്കുന്നവർ വായ്പ എടുത്ത സാന്പത്തിക വർഷം മുതൽ മൂന്നു വർഷത്തിനുള്ളിൽ വീടിന്‍റെ നിർമാണം പൂർത്തിയാക്കിയിരിക്കണം. എന്നാൽ വീടിന്‍റെ അറ്റകുറ്റപ്പണി, മോടി പിടിപ്പിക്കൽ എന്നിവയ്ക്കായി എടുക്കുന്ന വായ്പകളിന്മേലുള്ള പലിശയിൽ പരമാവധി 30,000രൂപ വരെ ഇളവ് ലഭിക്കും.
9A ചാപ്റ്റർ VIA പ്രകാരമുള്ള പ്രധാന കിഴിവുകൾ (പരമാവധി ഒന്നരലക്ഷം)
ചാപ്റ്റർ VIA യിലെ 80c, 80ccc, 80ccd പ്രകാരം പരമാവധി ഒന്നര ലക്ഷം രൂപ വരെ കിഴിവ് അനുവദിക്കും.
9A(a) 80c പ്രകാരമുള്ള കിഴിവുകൾ
1. ജീവനക്കാരന്‍റെ പ്രൊവിഡന്റ് ഫണ്ടിൽ അടയ്ക്കുന്ന മാസവരി സംഖ്യ (വായ്പാ തിരിച്ചടവ് പാടില്ല), നിക്ഷേപിച്ച കുടിശികയും.
2. GIS, FBS, SLI, GPAIS (ഗ്രൂപ്പ് േപഴ്സണൽ ആക്സിഡന്‍റ് ഇൻഷ്വറൻസ് സ്കീം) എന്നിവയുടെ പേരിൽ അടച്ച തുകകൾ.
3. ജീവനക്കാരന്‍റെ ഭാര്യ/ഭർത്താവ്/കുട്ടികൾ എന്നിവരുടെ പേരിൽ അടച്ച എൽഐസി പ്രീമിയം. 1-4-2012നു മുന്പ് ചേർന്ന എൽഐസി പോളിസിയെങ്കിൽ പ്രീമിയം പോളിസി തുകയുടെ 20 ശതമാനത്തിൽ കൂടാൻ പാടില്ല. എന്നാൽ 1-4-2012നുശേഷം ചേർന്ന എൽഐസി പോളിസിയെങ്കിൽ പ്രീമിയം പോളിസി തുകയുടെ 10 ശതമാനത്തിൽ അധികരിക്കുവാൻ പാടില്ല.
4. മുഴുവൻ സമയ കോഴ്സിൽ പഠിക്കുന്ന കുട്ടികൾക്ക് ട്യൂഷൻ ഫീസിനത്തിൽ അടച്ച തുക (പരമാവധി രണ്ടു കുട്ടികൾ വരെ).
5. വീടുനിർമാണ വായ്പയുടെ തിരിച്ചടവ് തുക (Housing Loan Principal). (80 സി പ്രകാരം പരമാവധി ഒന്നരലക്ഷം രൂപ വരെ കിഴിവ് അനുവദിക്കും)
6. അഞ്ചുവർഷമോ അതിൽ കൂടുതലോ കാലയളവിലേക്ക് ഷെഡ്യൂൾഡ് /നാഷണലൈസ്ഡ് ബാങ്കിൽ പ്രത്യേക പദ്ധതി പ്രകാരം ഉള്ള സ്ഥിരനിക്ഷേപങ്ങൾ.
7. അഞ്ചുവർഷ കാലാവധിയുള്ള പോസ്റ്റ് ഓഫീസ് ടേം ഡിപ്പോസിറ്റ് സ്കീമിൽ ഉള്ള നിക്ഷേപം. 9A(a)7/RD ഉള്ള നിക്ഷേപം - പോസ്റ്റ് ഓഫീസിലെ RD നിക്ഷേപം കിഴിവിന് പരിഗണിക്കില്ല.
8. വീടു വാങ്ങുന്നതുമായി ബന്ധപ്പെട്ട സ്റ്റാന്പ് ഡ്യൂട്ടി, രജിസ്ട്രേഷൻ ഫീസ്, മറ്റു ചെലവുകൾ.
9. ഇൻഫ്രാസ്ട്രക്ചർ ബോണ്ടിലെ നിക്ഷേപങ്ങൾ.
10. യുണിറ്റ് ലിങ്ക്ഡ് ഇൻഷ്വറൻസ് പ്ലാനിലെ (ULIP) നിക്ഷേപം.
9A(b)80 സിസിസി പ്രകാരമുള്ള
കിഴിവുകൾ
എൽഐസിയുടെ ജീവൻ നിധി, ജീവൻ സുരക്ഷ തുടങ്ങിയ പെൻഷൻ പോളിസികൾ. മറ്റ് അംഗീകൃത കന്പനികളുടെ പെൻഷൻ പോളിസികൾ എന്നിവയിലെ നിക്ഷേപം.
9A(c)80 സിസിഡി പ്രകാരമുള്ള കിഴിവുകൾ
NPS പെൻഷൻ പദ്ധതിയിലേക്കുള്ള ജീവനക്കാരുടെ വിഹിതം.
മുകളിൽ പ്രതിപാദിച്ച 80c, 80ccc, 80ccd പ്രകാരം ഒന്നര ലക്ഷം രൂപവരെ കിഴിവ് ലഭിക്കും.
താഴെപ്പറയുന്നവ മുകളിലെ ഒന്നര ലക്ഷത്തിൽ ഉൾപ്പെടാൻ പാടില്ല.
9(B)Sec.80 ഡി പ്രകാരമുള്ള കിഴിവുകൾ
കുടുംബാംഗങ്ങളുടെ പേരിൽ എടുക്കുന്ന മെഡിക്കൽ ഇൻഷ്വറൻസ് പ്രീമിയം. ഇതു പരമാവധി 25,000 രൂപയാണ്. ജീവനക്കാരനോ, ഭാര്യക്കോ, മക്കൾക്കോ, മാതാപിതാക്കൾക്കോ നടത്തിയ പ്രിവന്‍റീവ് ഹെൽത്ത് ചെക്കപ്പിനായി നൽകിയ പരമാവധി 5000രൂപ വരെ 80ഡി പ്രകാരം കിഴിവിന് അർഹതയുണ്ട്. മെഡിക്കൽ ഇൻഷ്വറൻസ് പ്രീമിയം 25,000 അവകാശപ്പെടുന്നവർക്ക് 5000രൂപയുടെ പ്രയോജനം ലഭിക്കില്ല.
Sec. 80 ഡിഡി പ്രകാരമുള്ള കിഴിവുകൾ
സർക്കാർ ജീവനക്കാരനെ ആശ്രയിച്ചു കഴിയുന്ന ശാരീരിക/ മാനസിക/വൈകല്യമുള്ള ബന്ധുവിന്‍റെ ചികിത്സാച്ചെലവിനായി ഉപയോഗിക്കുന്ന തുക പരമാവധി 75,000രൂപ. വൈകല്യം 80 ശതമാനത്തിൽ കൂടുതൽ ആണെന്നുള്ള സർട്ടിഫിക്കറ്റ് ഹാജരാക്കിയാൽ ഈ ഇനത്തിൽ 1,25,000രൂപ വരെ ഇളവ് അനുവദിക്കുന്നതാണ്. മെഡിക്കൽ സർട്ടിഫിക്കറ്റുകൾ ഹാജരാക്കണം.
Sec.80 യു പ്രകാരമുള്ള കിഴിവുകൾ
ജീവനക്കാരനുതന്നെ അംഗവൈകല്യമുണ്ടെങ്കിൽ സാധാരണ ഗതിയിൽ 75,000രൂപയും കടുത്ത വൈകല്യമുണ്ടെങ്കിൽ ഒന്നേകാൽ ലക്ഷം രൂപയുടെയും കിഴിവ് അനുവദിച്ചു ലഭിക്കുന്നതാണ്.
80 DDB പ്രകാരമുള്ള കിഴിവുകൾ
ജീവനക്കാരനോ, ജീവനക്കാരനെ ആശ്രയിച്ചു കഴിയുന്ന ബന്ധുക്കൾക്കോ കാൻസർ, ന്യൂറോളജിക്കൽ രോഗങ്ങൾ, ഗുരുതരമായ വൃക്കരോഗങ്ങൾ, ഹീമോഫീലിയ, എയ്ഡ്സ്, തലൈസിമിയ തുടങ്ങിയ മാരകരോഗങ്ങൾക്ക് ചികിത്സയ്ക്കായി ചെലവഴിച്ച തുക പരമാവധി 40,000രൂപ വരെ ഇളവു ലഭിക്കും. എന്നാൽ 60 വയസിനു മുകളിൽ പ്രായമുള്ള ആശ്രയിച്ചു കഴിയുന്ന ബന്ധുവിന്‍റെ മാരകരോഗങ്ങൾക്കുള്ള ചികിത്സയ്ക്കായി പരമാവധി ഒരുലക്ഷം രൂപ വരെ ഇളവു ലഭിക്കും.
ഫിനാൻസ് ആക്ട് പ്രകാരം സെക്‌‌ഷൻ 80 CCG, 80 13B, 80 E, 80 EE, 80 CG, 80 TTA അടിസ്ഥാനത്തിലുള്ള കിഴിവുകൾ ലഭിക്കുന്നതാണ്.
Form 16ലെ 2(a), Section 87(A) പ്രകാരമുള്ള കിഴിവ് ടാക്സബിൾ ഇൻകം(Total Income Or Taxable Income) മൂന്നരലക്ഷം രൂപയോ അതിൽ കുറവോ ആണെങ്കിൽ നികുതി തുകയിൽനിന്നും 2500രൂപയുടെ ഇളവ് ലഭിക്കും.
Form Serial No.11ലെ Total Income Or Taxable Income ത്തിന്‍റെ അഞ്ചു ശതമാനം നികുതി കണക്കാക്കിയതിനുശേഷം ആ തുകയിൽനിന്നും 2500രൂപ കുറവ് ചെയ്യണം. ബാക്കി തുകയും ആ തുകയുടെ നാലു ശതമാനം വിദ്യാഭ്യാസ സെസും കൂട്ടുന്നതാണ് ആ സാന്പത്തിക വർഷം അടയ്ക്കേണ്ട നികുതിത്തുക. Total Income Or Taxable Income മൂന്നരലക്ഷം രൂപയിൽ കൂടുതലാണെങ്കിൽ ഈ ഇളവ് ലഭിക്കുകയില്ല.