സ്രോതസിൽ നികുതി-റിട്ടേണുകൾക്ക് പ്രാധാന്യം നൽകണം : Deepika.com Tax Special

Home |

Editorial |

Latest News |

Local News |

സ്രോതസിൽ നികുതി-റിട്ടേണുകൾക്ക് പ്രാധാന്യം നൽകണം

2019 ഒക്ടോബർ മാസം 1 മുതൽ ഡിസംബർ മാസം 31 വരെ നടക്കുന്ന ഇടപാടുകൾക്ക് സ്ത്രോതസിൽ പിടിച്ച് അടച്ച നികുതിയുടെ റിട്ടേണ്‍ ഫോമുകൾ (2019 -20 സാന്പത്തികവർഷത്തിലെ മൂന്നാമത്തെ ത്രൈമാസ റിട്ടേണ്‍) 2020 ജനുവരി മാസം 31 ന് മുന്പ് ഫയൽ ചെയ്യേണ്ടതാണ്.

റിട്ടേണുകൾ ഫയൽ ചെയ്യുന്നതിന് കാലതാമസമോ വീഴ്ചയോ വരുത്തിയാൽ ആദായനികുതി നിയമം വകുപ്പ് 234 ഇ അനുസരിച്ച് നിർദിഷ്ട തീയതി ആയ ജനുവരി 31 മുതൽ താമസിക്കുന്ന ഓരോ ദിവസത്തിനും പ്രതിദിനം 200 രൂപ എന്ന നിരക്കിൽ ലെവി ഈടാക്കുന്നതാണ്. പ്രസ്തുത ലെവി തുക അടച്ചിരിക്കുന്ന നികുതിതുകയോളം ആയി ലിമിറ്റ് ചെയ്തിട്ടുണ്ട്.

സ്രോതസിൽ നിന്നും പിടിച്ച നികുതി നിശ്ചിതസമയത്തിനുള്ളിൽ അടക്കുകയും അതിനുള്ള ത്രൈമാസ റിട്ടേണുകൾ യഥാസമയം ഫയൽ ചെയ്യുകയും ചെയ്താൽ മാത്രമേ നികുതിദായകന് അടച്ചിരിക്കുന്ന നികുതിയുടെ ക്രെഡിറ്റ് യഥാസമയം ലഭിക്കുകയുള്ളൂ. താഴെപ്പറയുന്ന റിട്ടേണ്‍ ഫോമുകളാണ് വിവിധതരത്തിൽ സ്രോതസിൽ നിന്നും നികുതി പിടിക്കുന്പോൾ ഉപയോഗിക്കേണ്ടത്. ശന്പളത്തിൽ നിന്നുള്ള നികുതിക്ക് ഫോം നന്പർ 24 ക്യുവും ശന്പളം ഒഴികെയുള്ള റെസിഡന്‍റിന് നൽകുന്ന മറ്റ് വരുമാനത്തിൽ നിന്നും പിടിക്കുന്ന നികുതിക്ക് 26 ക്യുവും നോണ്‍ റെസിഡന്‍റിന് പലിശയും ഡിവിഡന്‍റും ഉൾപ്പെടെ ഏതു വരുമാനത്തിൽ നിന്നും പിടിക്കുന്ന നികുതിക്ക് ഫോം നന്പർ 27 ക്യുവും വസ്തു വില്പനയുടെ സമയത്ത് സ്രോതസിൽ നിന്നും നിർബന്ധിതമായി പിടിക്കുന്ന തുകക്ക് 26ക്യു.ബി.യും ടിസിഎസിന് 27 ഇക്യുവും ആണ് ഉപയോഗിക്കേണ്ടത്.

സ്രോതസിൽ പിടിക്കേണ്ട നികുതി തുക പിടിക്കാതിരുന്നാൽ പ്രസ്തുത തുകക്ക് ഒരു ശതമാനം നിരക്കിൽ പലിശ നൽകേണ്ടി വരും. അതുപോലെ തന്നെ നികുതി പിടിച്ചതിന് ശേഷം നിർദിഷ്ട തീയതിക്കുള്ളിൽ അടച്ചില്ലെങ്കിൽ പ്രതിമാസം 1.5% എന്ന നിരക്കിൽ പലിശയും നൽകേണ്ടതായി വരും.

റിട്ടേണുകൾ ഫയൽ ചെയ്യുന്നതിൽ വീഴ്ച വരുത്തിയാൽ പിഴ ഈടാക്കാം

സ്രോതസിൽ പിടിച്ച നികുതിയുടെ റിട്ടേണുകൾ ഫയൽ ചെയ്തിട്ടില്ലെങ്കിൽ നികുതി ഉദ്യോഗസ്ഥന് 10000 രൂപ മുതൽ 1,00,000/- രൂപ വരെയുള്ള തുക പിഴയായി ഈടാക്കുവാൻ അധികാരമുണ്ട്. എന്നാൽ, താഴെപ്പറയുന്ന വ്യവസ്ഥകൾ പാലിക്കപ്പെട്ടിട്ടുണ്ടെങ്കിൽ പിഴ ഈടാക്കുന്നതല്ല. 1) പിടിച്ച നികുതി ഗവണ്‍മെന്‍റിൽ അടച്ചിരിക്കുന്നു. 2) താമസിച്ച് ഫയൽ ചെയ്തതിനുള്ള ലെവിയും പലിശയും അടച്ചിരിക്കുന്നു. 3) റിട്ടേണുകൾ ഫയൽ ചെയ്യേണ്ടിയിരുന്ന നിർദിഷ്ട തീയതി കഴിഞ്ഞ് ഒരു വർഷത്തിനുള്ളിൽ റിട്ടേണുകൾ ഫയൽ ചെയ്തിരിക്കുന്നു. മേൽ പറഞ്ഞ 3 വ്യവസ്ഥകളും പാലിക്കപ്പെട്ടിട്ടുണ്ടെങ്കിൽ നികുതി ഉദ്യോഗസ്ഥൻ പിഴ ഈടാക്കുന്നതല്ല. എന്നാൽ, തക്കതായ കാരണങ്ങൾ നിമിത്തം ആണ് റിട്ടേണുകൾ ഫയൽ ചെയ്യുവാൻ കാലതാമസം നേരിട്ടതെങ്കിൽ 1 വർഷത്തിൽ കൂടുതൽ കാലതാമസം വന്നിട്ടുള്ള സാഹചര്യങ്ങളിൽ ഇൻകം ടാക്സ് കമ്മീഷണർക്ക് പരാതി നൽകാമെങ്കിൽ പിഴ കുറവുചെയ്ത് ലഭിക്കും.

പ്രോസിക്യൂഷൻ നടപടികൾ

നികുതി തുക പിടിച്ചതിനുശേഷം അടക്കാതിരിക്കുന്ന സാഹചര്യങ്ങളിൽ ആദായനികുതി നിയമം 276 ബി/276 ബിബി എന്നീ വകുപ്പുകളനുസരിച്ച പ്രസ്തുത വ്യക്തിയുടെ മേൽ പ്രോസിക്യൂഷൻ നടപടികൾ സ്വീകരിക്കാം. തുക അടക്കുന്നത് മനഃപൂർവം വീഴ്ച വരുത്തിയതാണെങ്കിൽ തുകയുടെ വലുപ്പം അനുസരിച്ച് മൂന്നു മാസം മുതൽ ഏഴു വർഷം വരെയുള്ള കഠിനതടവിന് ശിക്ഷിക്കപ്പെടാവുന്നതാണ്. ഒരു ലക്ഷം രൂപയിൽ കൂടുതൽ നികുതി തുക ഉൾപ്പെട്ടിട്ടുണ്ടെങ്കിൽ നിർബന്ധമായും പ്രോസിക്യൂഷൻ നടപടികൾ എടുക്കുന്നതാണ്. 25,000 രൂപ മുതൽ ഒരു ലക്ഷം രൂപ വരെ ആണ് വീഴ്ച വരുത്തിയതെങ്കിൽ സാഹചര്യങ്ങൾക്കനുസരിച്ച് പ്രോസിക്യൂഷൻ നടപടികൾ സ്വീകരിച്ചേക്കാം. എന്നാൽ, നടപടിക്കുമുന്പ് കാരണം കാണിക്കൽ നോട്ടീസ് ലഭിക്കുന്നതാണ്.

സബ്‌ലെറ്റിംഗിൽനിന്നു ലഭിക്കുന്ന വരുമാനം ഹൗസ് പ്രോപ്പർട്ടിയിൽനിന്നുള്ള വാടക ആകില്ല

കെട്ടിടം വാടകയ്ക്ക് കൊടുക്കുന്പോൾ ഉടമസ്ഥനു ലഭിക്കുന്ന വാടക ഹൗസ്പ്രോപ്പർട്ടിയിൽനിന്നുള്ള വരുമാനം ആയിട്ടാണ് ആദായനികുതിനിയമത്തിൽ കണക്കാക്കുന്നത്. എന്ന

ക്യാഷ് ഇടപാടുകൾക്ക് ആദായനികുതി നിയമത്തിൽ നിയന്ത്രണങ്ങൾ
കറൻസി വിതരണം കുറയ്ക്കുന്നതിനും സാന്പത്തിക രംഗത്ത് ഡിജിറ്റൈസേഷൻ പ്രോത്സാഹിപ്പിക്കുന്നതിനും അതുവഴി കള്ളപ്പണത്തിന്‍റെ ഇടപാടുക

മുതിർന്ന പൗരന്മാർക്ക് ആദായനികുതിനിയമത്തിൽ ആനുകൂല്യങ്ങൾ

മുതിർന്ന പൗരന്മാർക്ക് ഇന്ത്യയിൽ ആദായനികുതിനിയമത്തിൽ ആനുകൂല്യങ്ങളുണ്ട്. റെയിൽവേയിലും മറ്റും മുതിർന്ന പൗരന്മാർക്ക് ടിക്കറ്റ് നിരക്കിൽ ഇന്ത്യയിൽ റിബേറ്റ് അ

ആദായനികുതി വകുപ്പിൽനിന്നു പെരുപ്പിച്ച നോട്ടീ
ഉയർന്ന മൂല്യമുള്ളതും നികുതി റിട്ടേണിൽ കാണിക്കാത്തതും എന്ന പേരിൽ ചില നികുതിദായകർക്ക് ഇ-കാ

എല്ലാ മത/ധർമ സ്ഥാപനങ്ങളും റീ രജിസ്റ്റർ ചെയ്യ
നിലവിൽ ആദായനികുതി നിയമം അനുസരിച്ച് രജിസ്ട്രേഷൻ ലഭിച്ചിട്ടുള്ള എല്ലാ മത/ധർമസ്ഥാപ

ബിലേറ്റഡ് റിട്ടേണുകൾ 31 വരെ ഫയൽ ചെയ്യാം
നിർബന്ധിത ഓഡിറ്റ് ആവശ്യമുള്ള നികുതിദായകരും പങ്ക് വ്യാപാരസ്ഥാപനങ്ങളാണ് അവയെങ്കിൽ അവയുടെ പങ്കുകാരും കന്പനികളും ആദായനി

2 കോടി രൂപയുടെ ടേണോവറുള്ള വ്യാപാരികൾക്ക് 8% / 6% വരുമാനം വെളിപ്പെ
ആദായനികുതി നിയമം 44 എ.ഡി. വകുപ്പനുസരിച്ച് ചുരുക്കം ചില ബിസിനസ്‌സും ചില നികുതിദായകരും ഒഴികെയുള്ള എല്ലാ വ്യാപാരികൾക്കും അവ

റെസിഡന്‍റ്സ് വെൽഫെയർ അസോസിയേഷനുകൾക്ക് ജിഎസ്ടി ബാധകമോ?
റെസിഡന്‍റ്സ് വെൽഫെയർ അസോസിയേഷന്‍റെ വാർഷിക വരവ് 20 ലക്ഷം രൂപയിൽ താഴെയാണെങ്കിൽ പ്രസ്തുത സ്ഥാപനത്തിന് ജിഎസ്ടി രജിസ്ട്രേഷന്‍റെ ആ

മുൻകൂർ നികുതിയുടെ അവസാനഗഡു മാർച്ച് 15നു മുന്പ്
ആദായനികുതി നിയമം അനുസരിച്ച് എല്ലാ നികുതിദായകരും നാലു തവണകളായി മുൻകൂർ നികുതി അട

ജിഎസ്ടി കുറഞ്ഞുപോയാൽ റിട്ടേണ്‍ ഫയൽ ചെയ്യാൻ സഹായിച്ച പ്രഫഷണലിന്‍റെ സ്വത്തുക്ക
ജിഎസ്ടി കുറഞ്ഞുപോയാൽ റിട്ടേണ്‍ ഫയൽ ചെയ്യാൻ സഹായിച്ച പ്രഷഷണലിനെ കുടുക്കുമോ? ചില ഉത്തരേന്ത്യൻ പത്രങ്ങളിൽ വൻ വാർത്താ പ്രാധാന്

പ്രൊവിഡന്‍റ് ഫണ്ടിൽ കൂടുതൽ നിക്ഷേപിച്ചാൽ പലിശയ്ക്ക് നികുതി
ഉയർന്ന വരുമാനക്കാരായ നികുതിദായകർ എളുപ്പത്തിൽ നികുതിയിൽനിന്ന് ഒഴിവുനേടിയിരുന്ന ഒരു നിക്ഷേപാവസരം ആയിരുന്നു പ്രൊവിഡ

കേന്ദ്രബജറ്റ് 2021 : ആദായനികുതിനിയമത്തിൽ വന്ന മാറ്റങ്ങൾ
കോവിഡിന്‍റെ പശ്ചാത്തലത്തിൽ ആദായനികുതിയിൽ ഇളവുകൾ പ്രതീക്ഷിച്ചിരുന്ന സാധാരണക്കാരായ നികുതിദായകർക്കു കാര്യമായി ഒന്നും കേന

ഫോം 26 എഎസ് ആദായനികുതി റിട്ടേണ്‍ ഫയലിംഗിലെ പ്രധാന ഡോക്യുമെന്‍റ്

നികുതിദായകന്‍റെ പേരിൽ അദ്ദേഹത്തിന്‍റെ പാനിനെ അടിസ്ഥാനമാക്കി അടക്കുന്ന നികുതിയുടെ വാർഷികസ്റ്റേറ്റ്മെന്‍റാണ് ഫോം 26 എ.എസ്. ഇത് ആദായനികുതിയുടെ വെബ്സൈറ്റിൽ നി

ആദായനികുതി നിയമത്തിൽ രണ്ടുതരം നിരക്കുകൾ
2020ലെ ബജറ്റ് അനുസരിച്ച് ആദായനികുതി നിയമത്തിൽ പുതുതായി 115 ബിഎസി എന്നൊരു വകുപ്പു കൂട്ടിച്ചേർത്ത്, വ്യക്തികൾക്കും ഹിന്ദു കൂട്ടു

വിദ്യാഭ്യാസ സ്ഥാപനത്തിലേക്കുള്ള കുട്ടികളുടെ ട്യൂഷൻ ഫീസിന് നികുതിയിളവ്

വിദ്യാഭ്യാസത്തെ പ്രോത്സാഹിപ്പിക്കുന്നതിനായി കുട്ടികൾക്ക് വിദ്യാഭ്യാസസ്ഥാപനത്തിലേക്ക് നൽകുന്ന ട്യൂഷൻ ഫീസിന് ഗവണ്‍മെന്‍റ് നികുതിയിളവ് നൽകുന്നുണ്ട്. ജോലിക