4

വാ​ഷിം​ഗ്ട​ൺ: ഇ​ന്ത്യ​ൻ സോ​ളാ​ർ ഉ​ത്പ്പ​ന്ന​ങ്ങ​ൾ​ക്ക് അ​മേ​രി​ക്ക​ൻ വാ​ണി​ജ്യ മ​ന്ത്രാ​ല​യം 126 ശ​ത​മാ​നം നി​കു​തി ചു​മ​ത്തി. അ​ദാ​നി ഗ്രൂ​പ്പി​ന് കീ​ഴി​ലു​ള്ള ര​ണ്ട് ക​മ്പ​നി​ക​ൾ സ​ബ്സി​ഡി സം​ബ​ന്ധി​ച്ച അ​ന്വേ​ഷ​ണ​വു​മാ​യി സ​ഹ​ക​രി​ക്കാ​ത്ത​തും വി​വ​ര​ങ്ങ​ൾ കൈ​മാ​റാ​ത്ത​തു​മാ​ണ് ഈ ​ക​ടു​ത്ത ന​ട​പ​ടി​ക്ക് കാ​ര​ണ​മാ​യ​ത്. അ​ദാ​നി ഗ്രൂ​പ്പ് ക​മ്പ​നി​ക​ളാ​യ 'മു​ന്ദ്ര സോ​ളാ​ർ എ​ന​ർ​ജി', 'മു​ന്ദ്ര സോ​ളാ​ർ പി​വി എ​ന്നി​വ അ​ന്വേ​ഷ​ണ ന​ട​പ​ടി​ക​ളി​ൽ നി​ന്ന് ഏ​ക​പ​ക്ഷീ​യ​മാ​യി പി​ന്മാ​റി.

നി​ർ​ബ​ന്ധ​മാ​യും മ​റു​പ​ടി ന​ൽ​കേ​ണ്ട ക​മ്പ​നി​ക​ൾ വി​വ​ര​ങ്ങ​ൾ ന​ൽ​കാ​തി​രു​ന്ന​തോ​ടെ ക​ടു​ത്ത ശി​ക്ഷാ​ന​ട​പ​ടി​യി​ലേ​ക്ക് യു​എ​സ് മ​ന്ത്രാ​ല​യം ക​ട​ക്കു​ക​യാ​യി​രു​ന്നു. സ​ഹ​ക​രി​ക്കാ​ത്ത​തി​നെ​ത്തു​ട​ർ​ന്ന് സോ​ളാ​ർ ഉ​ൽ​പ്പ​ന്ന​ങ്ങ​ൾ​ക്ക് 125.9 ശ​ത​മാ​നം (ഏ​ക​ദേ​ശം 126%) പ്രാ​ഥ​മി​ക തീ​രു​വ ചു​മ​ത്താ​ൻ യു​എ​സ് തീ​രു​മാ​നി​ച്ചു. ഇ​ത് ഇ​ന്ത്യ​ൻ സോ​ളാ​ർ മേ​ഖ​ല​യെ മൊ​ത്ത​ത്തി​ൽ ബാ​ധി​ക്കും.

ഇ​ന്ത്യ​ൻ സോ​ളാ​ർ ഉ​ത്പ്പ​ന്ന​ങ്ങ​ൾ ചൈ​ന​യി​ൽ നി​ന്നു​ള്ള ഇ​റ​ക്കു​മ​തി​യെ അ​മി​ത​മാ​യി ആ​ശ്ര​യി​ക്കു​ന്നു​വെ​ന്നും യു​എ​സ് റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു. ചൈ​നീ​സ് നി​ക്ഷേ​പം വി​വി​ധ രാ​ജ്യ​ങ്ങ​ളി​ലൂ​ടെ ഇ​ന്ത്യ​യി​ലെ സോ​ളാ​ർ നി​ർ​മാ​ണ മേ​ഖ​ല​യി​ലേ​ക്ക് എ​ത്തു​ന്നു​വെ​ന്ന പ​രാ​തി​യും യു​എ​സ് ഉ​ന്ന​യി​ച്ചു. ഇ​ന്ത്യ​യു​ടെ സോ​ളാ​ർ മൊ​ഡ്യൂ​ൾ ക​യ​റ്റു​മ​തി​യു​ടെ 90 ശ​ത​മാ​ന​വും അ​മേ​രി​ക്ക​യി​ലേ​ക്കാ​ണ് പോ​കു​ന്ന​ത്.

2024-ൽ ​മാ​ത്രം 792.6 ദ​ശ​ല​ക്ഷം ഡോ​ള​റി​ന്‍റെ സോ​ളാ​ർ ഇ​റ​ക്കു​മ​തി​യാ​ണ് ഇ​ന്ത്യ​യി​ൽ നി​ന്ന് അ​മേ​രി​ക്ക​യി​ലേ​ക്ക് ന​ട​ന്ന​ത്. പു​തി​യ നി​കു​തി ന​ട​പ്പി​ലാ​ക്കു​ന്ന​തോ​ടെ ഇ​ന്ത്യ​ൻ സോ​ളാ​ർ ക​മ്പ​നി​ക​ൾ​ക്ക് അ​മേ​രി​ക്ക​ൻ വി​പ​ണി​യി​ൽ വ​ലി​യ തി​രി​ച്ച​ടി​യു​ണ്ടാ​കും. അ​ദാ​നി ഗ്രൂ​പ്പി​ന് പു​റ​മെ വാ​രി എ​ന​ർ​ജീ​സ് പോ​ലു​ള്ള മ​റ്റ് ഇ​ന്ത്യ​ൻ ക​മ്പ​നി​ക​ൾ അ​ന്വേ​ഷ​ണ​ത്തി​ൽ പ​ങ്കെ​ടു​ത്തു​വെ​ങ്കി​ലും നി​ല​വി​ലെ ഉ​ത്ത​ര​വ് അ​നു​സ​രി​ച്ച് അ​വ​രും ഈ ​ഉ​യ​ർ​ന്ന നി​കു​തി നി​ര​ക്ക് ന​ൽ​കേ​ണ്ടി വ​രും.

Tags : Adani Solar