ഡോണൾഡ് ട്രംപ്
വാഷിംഗ്ടൺ: ആർട്ടിഫിഷ്യൽ ഇന്റലിജൻസ് അഥവാ 'എഐ' എന്ന പദത്തിന് പകരം ഇനി മുതൽ ഔദ്യോഗിക രേഖകളിൽ 'സൂപ്പർ ഇന്റലിജൻസ്' എന്ന് ഉപയോഗിക്കുമെന്ന് യുഎസ് പ്രസിഡന്റ് ഡോണൾഡ് ട്രംപ് . യുഎൻ പൊതുസമ്മേളനത്തിൽ നടത്തിയ പ്രസംഗത്തിലാണ് അദ്ദേഹം ഈ ചരിത്രപരമായ പ്രഖ്യാപനം നടത്തിയത്.
'ആർട്ടിഫിഷ്യൽ' (കൃത്രിമം) എന്ന വാക്ക് ഈ സാങ്കേതികവിദ്യയ്ക്ക് കൃത്രിമമോ വ്യാജമോ ആയ ഒരു പ്രതീതി ഉണ്ടാക്കുന്നുണ്ടെന്നും, ഇത് തികച്ചും അത്ഭുതകരമായ ഒരു സാങ്കേതികവിദ്യയാണെന്ന യാഥാർത്ഥ്യം ഉൾക്കൊണ്ടാണ് പുതിയ മാറ്റമെന്നുമാണ് ട്രംപ് വ്യക്തമാക്കിയത്.
വ്യാവസായിക വിപ്ലവത്തേക്കാൾ വലുതായി വളരാൻ പോകുന്ന ഈ മേഖലയുടെ വളർച്ചയെ ഒരു തരത്തിലും തടസപ്പെടുത്തില്ലെന്നും ആഗോളതലത്തിലുള്ള കർശന നിയന്ത്രണങ്ങളോട് താത്പര്യമില്ലെന്നും അദ്ദേഹം വ്യക്തമാക്കിയിട്ടുണ്ട്.
തുടർന്ന് യു.എസ് ഫെഡറൽ സർക്കാർ രേഖകളിലും ഔദ്യോഗിക നയങ്ങളിലും ഈ പേരുമാറ്റം നടപ്പിലാക്കിക്കൊണ്ടുള്ള ഉത്തരവുകളിൽ അദ്ദേഹം ഒപ്പുവെക്കുകയായിരുന്നു.
Tags : DonaldTrump executiveorder ArtificialIntelligence Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash