29

കൊച്ചി: ഓപ്പറേഷന്‍ തൂഫാന്‍റെ ഭാഗമായി പിടികൂടിയ ലഹരി വസ്തുക്കള്‍ ബ്രഹ്മപുരം മാലിന്യ പ്ലാന്‍റില്‍ കൂട്ടിയിട്ട് കത്തിച്ചു. കഴിഞ്ഞ ഒരു വര്‍ഷത്തിനിടെ കൊച്ചി സിറ്റിയില്‍ നിന്നു മാത്രം പിടികൂടിയ 750 കിലോ കഞ്ചാവ്, മൂന്നു കിലോ എംഡിഎംഎ, നൈട്രാസെപാം ഗുളികകള്‍ ഹാഷിഷ് ഓയില്‍, ബ്രൗണ്‍ ഷുഗര്‍ ഉള്‍പ്പെടെയുള്ള ലഹരി വസ്തുക്കളാണ് കത്തിച്ചു നശിപ്പിച്ചത്.

കൊച്ചി മേയര്‍ വി.കെ. മിനിമോള്‍, കൊച്ചി സിറ്റി പോലീസ് കമ്മിഷണര്‍ കാളിരാജ് മഹേ് കുമാര്‍, ഡിസിപി അടക്കമുള്ളവരുടെ നേതൃത്വത്തിലാണ് ലഹരി വസ്തുക്കള്‍ ബ്രഹ്മപുരത്ത് എത്തിച്ച് കത്തിച്ചു കളഞ്ഞത്.

കോടതി നടപടികള്‍ പൂര്‍ത്തിയാക്കി, എഫ്എസ്എല്‍ റിപ്പോര്‍ട്ട് കിട്ടിയ ശേഷം കോടതിയുടെ അനുമതിയോടെയാണ് ഇന്‍സിനറേറ്റര്‍ വഴി ലഹരി വസ്തുക്കള്‍ കത്തിച്ചത്.

Tags : Narcotics Seized Kochi OperationToofan