ന്യൂഡൽഹി: മുതിർന്ന ഉദ്യോ​ഗസ്ഥരെ സ്ഥലം മാറ്റിയതിനെതിരെ പൊലിസുകാർ പ്രതിഷേധിച്ച സംഭവം ഇന്ന് ഡൽഹി ലെഫ്. ​ഗവർണർ തരൺജിത് സിം​ഗ് സന്ധു ചർച്ച ചെയ്യും. കിം​ഗ്സ്‌വേ കാംപിലുള്ള ഉത്സവ് സദനിൽ ഇന്ന് വൈകുന്നേരം നാലിനാണ് ​ഗവർണർ പൊലിസുകാരുമായുള്ള യോ​ഗം വിളിച്ചിരിക്കുന്നത്.

പരസ്യ പ്രതിഷേധത്തിന് നേതൃത്വം നൽകിയ എസിപി മാനസ്വി വസിഷ്ഠയെ സർവീസിൽ നിന്ന് സസ്പെൻഡ് ചെയ്തതിന്‍റെ കൂടി പശ്ചാത്തലത്തിലാണ് യോ​ഗം.

‌ലെഫ്. ​ഗവർണർ നേരത്തെ വിളിച്ചുകൂട്ടിയിരുന്ന യോ​ഗത്തിന്‍റെ പശ്ചാത്തലത്തിലാണ് ഡൽഹി പൊലിസിന്‍റെ പ്രതിഷേധമുണ്ടാകുന്നത്. കോൺസ്റ്റബിൾ റാങ്ക് മുതൽ ഇൻസ്പെക്ടർ റാങ്ക് വരെയുള്ള ഉദ്യോ​ഗസ്ഥരുമായാണ് ​ഗവർണർ സംവദിക്കാനിരുന്നത്.

എന്നാൽ ഡൽഹി പൊലിസിന്‍റെയുള്ളിൽത്തന്നെയുള്ള പ്രതിഷേധം ഇന്നത്തെ യോ​ഗത്തിൽ പങ്കെടുക്കാനിരിക്കുന്ന പൊലിസ് സ്പെഷൽ കമ്മീഷണർമാർ, ജോയിന്‍റ് കമ്മീഷണർമാർ‌, അഡീഷണൽ കമ്മീഷണർമാർ, ഡെപ്യൂട്ടി കമ്മീഷണർമാർ എന്നിവർ പങ്കെടുക്കുന്ന യോ​ഗത്തിൽ ചർച്ച ചെയ്യാമെന്ന് ​ഗവർണർ ഇന്നലെ അറിയിച്ചിരുന്നു.

Tags : DelhiPolice Protest NewDelhi LieutenantGovernor Meeting