കോ​മ​ണ്‍​വെ​ല്‍​ത്ത് നെ​യ്ത്ത് ഫാ​ക്ട​റി​യി​ല്‍ സാ​മൂ​ഹ്യ വി​രു​ദ്ധ​രു​ടെ "നെ​യ്ത്ത് '
Tuesday, May 17, 2022 11:52 PM IST
സ്വ​ന്തം ലേ​ഖ​ക​ന്‍

കോ​ഴി​ക്കോ​ട്: ഒ​രു കാ​ല​ത്ത് കോ​ഴി​ക്കോ​ടി​ന്‍റെ പ്രൗ​ഢി​യാ​യി നി​ല കൊ​ണ്ടി​രു​ന്ന മാ​നാ​ഞ്ചി​റ​യി​ലെ കോ​മ​ണ്‍​വെ​ല്‍​ത്ത് നെ​യ്ത്ത് ഫാ​ക്ട​റി കെ​ട്ടി​ടം ഇ​പ്പോ​ള്‍ മോ​ഷ്ടാ​ക്ക​ളു​ടെ​യും സാ​മൂ​ഹ്യ വി​രു​ദ്ധ​രു​ടെ​യും താ​വ​ളം.

കെ​ട്ടി​ടം ശ​രി​ക്കും സാ​മൂ​ഹ്യ വി​രു​ദ്ധ​രു​ടെ അ​ധോ​ലോ​ക​മാ​യി മാ​റി​യി​രി​ക്കു​ക​യാ​ണ്. നേ​രം ഇ​രു​ട്ടി​യാ​ല്‍ കെ​ട്ടി​ട​ത്തി​ന്‍റെ പി​റ​ക് വ​ശ​ത്തു​കൂ​ടി ന​ട​ന്നു​പോ​കാ​ന്‍ പോ​ലും പ​ല​ര്‍​ക്കും പേ​ടി​യാ​ണ്. കെ​ട്ടി​ട​ത്തി​ന്‍റെ കി​ഴ​ക്ക് ഭാ​ഗ​ത്തു​ള്ള നെ​യ്ത് ശാ​ല പ്ര​വ​ര്‍​ത്തി​ച്ച കെ​ട്ടി​ടം ഏ​താ​ണ്ട് പൂ​ര്‍​ണ്ണ​മാ​യി ന​ശി​ച്ച് ക​ഴി​ഞ്ഞു.

മ​ര​ത്തി​ന്‍റെ കൂ​റ്റ​ന്‍ ഭീ​മു​ക​ള്‍ ഉ​പ​യോ​ഗി​ച്ചാ​യി​രു​ന്നു നെ​യ്ത്ത് ശാ​ല​യു​ടെ ഷെ​ഡു​ക​ള്‍ നി​ര്‍​മി​ച്ചി​രു​ന്ന​ത്.​അ​തി​ല്‍ ബ​ഹു​ഭൂ​രി​ഭാ​ഗം മ​ര​ങ്ങ​ളും മോ​ഷ്ടാ​ക്ക​ള്‍ ക​ട​ത്തി കൊ​ണ്ടു​പോ​യി. ബാ​ക്കി​യു​ള്ള​ത് മ​ഴ കൊ​ണ്ട് ന​ശി​ക്കു​ക​യാ​ണ്. മോ​ഷ്ടാ​ക്ക​ളു​ടെ നി​ര​ന്ത​ര​മാ​യ ശ​ല്യ​ത്തി​ന് എ​തി​രേ നി​ര​വ​ധി ത​വ​ണ പോ​ലീ​സി​ല്‍ പ​രാ​തി​പ്പെ​ട്ടി​ട്ടു​ണ്ടെ​ങ്കി​ലും പ​രി​ഹാ​രം അ​ക​ലെ​യാ​ണെ​ന്നാ​ണ് കോം​ട്ര​സ്റ്റ് സ​മ​ര​സ​മി​തി ജ​ന​റ​ല്‍ ക​ണ്‍​വീ​ന​ര്‍ ഇ.​സി.​സ​തീ​ശ​ന് പ​റ​യാ​നു​ള്ള​ത് . മോ​ഷ്ടാ​ക്ക​ളെ ഇ​വി​ടെ നി​ന്നും തു​ര​ത്തു​ന്ന​തി​ന് വേ​ണ്ടി ജീ​വ​ന്‍ വ​രെ പ​ണ​യം വ​ച്ച് അ​വ​രോ​ട് ഏ​റ്റ്മു​ട്ടി​യി​ട്ടു​ണ്ടെ​ന്നും അ​ദ്ദേ​ഹം പ​റ​ഞ്ഞു.

2009 ഫെ​ബ്ര​വ​രി മാ​സം പൂ​ട്ടി​യി​ട്ട​താ​ണ് ഈ ​ക​മ്പ​നി. പൂ​ട്ടി​യ​ത് മു​ത​ല്‍ സ​മ​ര സ​മി​തി സ​മ​ര​ത്തി​ലാ​ണ്. 13 വ​ര്‍​ഷ​മാ​യി സ​മ​രം ചെ​യ്യ്തി​ന്‍റെ ഫ​ല​മാ​യി സ​ര്‍​ക്കാ​റി​നെ കൊ​ണ്ട് കോം​ട്ര​സ്റ്റ് ഭൂ​മി ഏ​റ്റെ​ടു​പ്പി​ക്കാ​ന്‍ സാ​ധി​ച്ച​തും, പ്ര​സ്തു​ത ഓ​ര്‍​ഡി​ന​ന്‍​സി​ല്‍ രാ​ഷ്ട്ര​പ​തി ഒ​പ്പി​ട്ട​തും സ​മ​ര​സ​മി​തി​യു​ടെ പോ​രാ​ട്ടം കൊ​ണ്ട് മാ​ത്ര​മാ​ണ്. ഏ​റ്റെ​ടു​ത്തെ​ങ്കി​ലും സ​ര്‍​ക്കാ​ര്‍​പി​ന്നീ​ട് ഇ​തി​ന് വേ​ണ്ടി യാ​തൊ​ന്നും ചെ​യ്യ്തി​ല്ല.​അ​തി​നാ​ലാ​ണ് കെ​ട്ടി​ട​വും ഭൂ​മി​യും ഇ​ന്ന​ത്തെ നി​ല​യി​ല്‍ ജീ​ര്‍​ണ്ണാ​വ​സ്ഥ​യി​ലാ​യ​ത്. ഇ​ത് വ​രെ പി​ന്നാ​മ്പു​റ​ത്തു​ള്ള കെ​ട്ടി​ട ഭാ​ഗ​ങ്ങ​ളാ​ണ് ന​ശി​ച്ച​തെ​ങ്കി​ല്‍ താ​മ​സി​യാ​തെ ത​ന്നെ മു​ന്‍​ഭാ​ഗ​വും ഇ​ടി​ഞ്ഞ് പൊ​ളി​ഞ്ഞ് വീ​ഴു​ന്ന അ​വ​സ്ഥ​യാ​ണ്. ഈ ​മ​ഴ​ക്കാ​ല​ത്തു​ത​ന്നെ അ​തു​ണ്ടാ​കു​മെ​ന്ന ഭീ​തി​യാ​ണു​ള്ള​ത്.
Copyright @ 2022 , Rashtra Deepika Ltd.