തെ​ര​ഞ്ഞെ​ടു​പ്പി​ൽ സ​ജീ​വ ച​ർ​ച്ച​യാ​കാതെ ചു​രം ബ​ദ​ൽ പാ​ത​ക​ൾ
Sunday, April 28, 2024 6:30 AM IST
ക​ൽ​പ്പ​റ്റ: താ​മ​ര​ശേ​രി ചു​രം ഒ​ഴി​വാ​ക്കി വ​യ​നാ​ടി​നെ കോ​ഴി​ക്കോ​ടു​മാ​യി ബ​ന്ധി​പ്പി​ക്കു​ന്ന പാ​ത​ക​ൾ ലോ​ക്സ​ഭാ തെ​ര​ഞ്ഞ​ടു​പ്പി​ൽ സ​ജീ​വ ച​ർ​ച്ച​യാ​യി​ല്ല.

ബ​ദ​ൽ പാ​ത​ക​ൾ എ​ന്ന ജ​ന​ങ്ങ​ളു​ടെ ആ​വ​ശ്യ​ത്തോ​ട് ഒ​ഴു​ക്ക​ൻ മ​ട്ടി​ലാ​ണ് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​നി​ടെ മൂ​ന്നു മു​ന്ന​ണി​ക​ളു​ടെ​യും നേ​താ​ക്ക​ളും സ്ഥാ​നാ​ർ​ഥി​ക​ളും പ്ര​തി​ക​രി​ച്ച​ത്. ഇ​തി​ൽ പ്ര​തി​ഷേ​ധം വ്യാ​പ​ക​മാ​ണ്. ബ​ദ​ൽ പാ​ത വി​ഷ​യ​ത്തി​ൽ രാ​ഷ്ട്രീ​യ പാ​ർ​ട്ടി നേ​താ​ക്ക​ൾ വ്യ​ക്ത​ത​യു​ള്ള പ്ര​ഖ്യ​പ​നം ന​ട​ത്തു​മെ​ന്ന പ്ര​തീ​ക്ഷ​യി​ലാ​യി​രു​ന്നു ജ​ന​ങ്ങ​ളി​ൽ ന​ല്ലൊ​രു പ​ങ്കും.

റോ​ഡ് ഇ​ത​ര ഗ​താ​ഗ​ത സം​വി​ധാ​ന​ങ്ങ​ൾ ഇ​ല്ലാ​ത്ത ജി​ല്ല​യാ​ണ് വ​യ​നാ​ട്. കോ​ഴി​ക്കോ​ടി​നും വ​യ​നാ​ടി​നും ഇ​ട​യി​ൽ ച​ര​ക്കു​നീ​ക്ക​ത്തി​നും ചി​കി​ത്സ ആ​വ​ശ്യ​ത്തി​നും വി​നോ​ദ​സ​ഞ്ചാ​ര​ത്തി​നും മ​റ്റും മു​ഖ്യ​മാ​യും താ​മ​ര​ശേ​രി ചു​രം വ​ഴി വാ​ഹ​ന​ങ്ങ​ൾ ഓ​ട​ണം. ചു​ര​ത്തി​ൽ മ​ഴ​ക്കാ​ല​ത്തും വി​നോ​ദ​യാ​ത്രാ​സം​ഘ​ങ്ങ​ൾ ഒ​ഴു​കു​ന്ന വേ​ള​ക​ളി​ലും ഗ​താ​ഗ​ത​ക്കു​രു​ക്ക് പ​തി​വാ​ണ്.

ദേ​ശീ​യ​പാ​ത 766ന്‍റെ ഭാ​ഗ​മാ​യ ചു​ര​ത്തി​ൽ കു​ടു​ങ്ങി പ​ല​പ്പോ​ഴും മ​ണി​ക്കൂ​റു​ക​ളാ​ണ് യാ​ത്ര​ക്കാ​ർ ദു​രി​തം അ​നു​ഭ​വി​ക്കു​ന്ന​ത്. എ​ന്നി​ട്ടും എ​ളു​പ്പം ഒ​രു​ക്കാ​വു​ന്ന ബ​ദ​ൽ പാ​ത​ക​ളു​ടെ കാ​ര്യ​ത്തി​ൽ മെ​ല്ലെ​പ്പോ​ക്കി​ലാ​ണ് അ​ധി​കാ​ര​വൃ​ന്ദം.

തു​ര​ങ്ക​പാ​ത​യി​ൽ അ​വ്യ​ക്ത​ത

കോ​ഴി​ക്കോ​ടു ഭാ​ഗ​ത്തു​നി​ന്നു വ​യ​നാ​ട്ടി​ലേ​ക്കും തി​രി​ച്ചും യാ​ത്ര സു​ഗ​മ​മാ​ക്കു​ന്ന​തി​ന് ആ​ന​ക്കാം​പൊ​യി​ൽ-​ക​ള്ളാ​ടി-​മേ​പ്പാ​ടി തു​ര​ങ്ക പാ​ത പ​ദ്ധ​തി സം​സ്ഥാ​ന സ​ർ​ക്കാ​ർ ആ​സൂ​ത്ര​ണം ചെ​യ്തി​ട്ടു​ണ്ടെ​ങ്കി​ലും യാ​ഥാ​ർ​ഥ്യ​മാ​കു​മോ എ​ന്ന​തി​ൽ വ്യ​ക്ത​ത​യി​ല്ല. പ​ദ്ധ​തി​ക്കെ​തി​രാ​യ നീ​ക്ക​ങ്ങ​ളും അ​ണി​യ​റ​യി​ൽ ശ​ക്ത​മാ​ണ്.

കോ​ട​ഞ്ചേ​രി പ​ഞ്ചാ​യ​ത്തി​ലെ സ്വ​ർ​ഗം​കു​ന്നു മു​ത​ൽ മേ​പ്പാ​ടി പ​ഞ്ചാ​യ​ത്തി​ലെ ക​ള്ളാ​ടി വ​രെ നീ​ളു​ന്ന തു​ര​ങ്കം ഉ​ൾ​പ്പെ​ടു​ന്ന​താ​ണ് ആ​ന​ക്കാം​പൊ​യി​ൽ-​മേ​പ്പാ​ടി റോ​ഡ് പ​ദ്ധ​തി. ഇ​തി​നു പ്രാ​ഥ​മി​ക(​സ്റ്റേ​ജ് വ​ണ്‍)​അ​നു​മ​തി കേ​ന്ദ്ര വ​നം​പ​രി​സ്ഥി​തി മ​ന്ത്രാ​ല​യം ന​ൽ​കി​യി​ട്ടു​ണ്ട്. റോ​ഡ് നി​ർ​മാ​ണ​ത്തി​നു വി​നി​യോ​ഗി​ക്കു​ന്ന വ​ന​ഭൂ​മി​ക്കു പ​ക​രം 17.263 ഹെ​ക്ട​റി​ൽ വ​ന​വ​ത്ക​ര​ണം ന​ട​ത്ത​ണ​മെ​ന്ന നി​ർ​ദേ​ശ​ത്തോ​ടെ​യാ​ണി​ത്.

പാ​ത​യു​ടെ ഭാ​ഗ​മാ​യി 8.735 കി​ലോ​മീ​റ്റ​ർ തു​ര​ങ്ക​മാ​ണ് നി​ർ​മി​ക്കേ​ണ്ട​ത്. നി​ര​വ​ധി പ​രി​സ്ഥി​തി സം​ഘ​ട​ന​ക​ൾ തു​ര​ങ്ക പാ​ത പ​ദ്ധ​തി​ക്കെ​തി​രേ രം​ഗ​ത്തു​ണ്ട്. പ​ശ്ചി​മ​ഘ​ട്ട​ത്തി​ലെ അ​തീ​വ ദു​ർ​ബ​ല​വും ജൈ​വ വൈ​വി​ധ്യ സ​ന്പ​ന്ന​വു​മാ​യ മ​ല​നി​ര​ക​ളു​ടെ​യും വ​യ​നാ​ടി​ന്‍റെ​യും ത​ക​ർ​ച്ച​യ്ക്കു കാ​ര​ണ​മാ​കു​ന്ന​താ​ണ് തു​ര​ങ്ക പാ​ത​യെ​ന്നാ​ണ് പ​രി​സ്ഥി​തി രം​ഗ​ത്തു​ള്ള​വ​രു​ടെ പ​ക്ഷം. തു​ര​ങ്ക പാ​ത​യു​ണ്ടാ​ക്കു​ന്ന പ​രി​സ്ഥി​തി​ത്ത​ക​ർ​ച്ച​യും ജൈ​വ​വൈ​ധ്യ നാ​ശ​വും വി​ദ​ഗ്ധ​സം​ഘം അ​ന്വേ​ഷി​ച്ച​ശേ​ഷ​മേ അ​ന്തി​മാ​നു​മ​തി ന​ൽ​കാ​വൂ എ​ന്ന് പ​രി​സ്ഥി​തി സം​ഘ​ട​ന​ക​ൾ കേ​ന്ദ്ര മ​ന്ത്രാ​ല​യ​ത്തോ​ട് ആ​വ​ശ്യ​പ്പെ​ട്ടി​ട്ടു​ണ്ട്. ദേ​ശീ​യ ഹ​രി​ത ട്രി​ബ്യൂ​ണ​ലി​നും പ​രാ​തി പോ​യി​ട്ടു​ണ്ട്.

ബ​ദ​ൽ പാ​ത നി​ർ​ദേ​ശ​ങ്ങ​ൾ​ക്കു വ​ർ​ഷ​ങ്ങ​ളു​ടെ പ​ഴ​ക്കം

താ​മ​ര​ശേ​രി ചു​ര​ത്തി​നു ബ​ദ​ലാ​യി ചി​പ്പി​ലി​ത്തോ​ട്-​മ​രു​തി​ലാ​വ്-​ത​ളി​പ്പു​ഴ, ആ​ന​ക്കാം​പൊ​യി​ൽ-​ക​ള്ളാ​ടി-​മേ​പ്പാ​ടി, പെ​രു​വ​ണ്ണാ​മൂ​ഴി-​പൂ​ഴി​ത്തോ​ട്-​പ​ടി​ഞ്ഞാ​റ​ത്ത​റ, കു​ഞ്ഞോം-​വി​ല​ങ്ങാ​ട്, മേ​പ്പാ​ടി-​ചൂ​ര​ൽ​മ​ല-​പോ​ത്തു​ക​ല്ല്-​നി​ല​ന്പൂ​ർ പാ​ത​ക​ളു​ടെ നി​ർ​ദേ​ശം വ​ർ​ഷ​ങ്ങ​ൾ മു​ന്പേ ഉ​യ​ർ​ന്ന​താ​ണ്.

ഈ ​പാ​ത​ക​ളി​ൽ കു​റ​ച്ചു​ഭാ​ഗം വ​ന​ത്തി​ലൂ​ടെ​യാ​ണ് നി​ർ​മി​ക്കേ​ണ്ട​ത്. എ​ന്നാ​ൽ പ്ര​വൃ​ത്തി​ക്കാ​വ​ശ്യ​മാ​യ വ​ന​ഭൂ​മി കേ​ന്ദ്ര സ​ർ​ക്കാ​ർ വി​ട്ടു​കൊ​ടു​ക്കു​ന്നി​ല്ല. ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​രും പി​ടി​പാ​ടു​ള്ള രാ​ഷ്ട്രീ​യ പാ​ർ​ട്ടി​ക​ളും കേ​ന്ദ്ര​ത്തി​ൽ വേ​ണ്ട​വി​ധം സ​മ്മ​ർ​ദം ചെ​ലു​ത്തു​ന്നി​ല്ല.

ബ​ദ​ൽ പാ​ത​ക​ളി​ൽ പ്ര​ധാ​ന​പ്പെ​ട്ട​താ​ണ് വ​യ​നാ​ട്ടി​ലെ പ​ടി​ഞ്ഞാ​റ​ത്ത​റ​യെ കോ​ഴി​ക്കോ​ട് ജി​ല്ല​യി​ലെ പൂ​ഴി​ത്തോ​ടു​മാ​യി ബ​ന്ധി​പ്പി​ക്കു​ന്ന വ​ഴി. 30 വ​ർ​ഷം മു​ന്പ് സം​സ്ഥാ​ന സ​ർ​ക്കാ​ർ അം​ഗീ​ക​രി​ച്ച ഈ ​പാ​ത​യു​ടെ സ​ർ​വേ 1992ൽ ​ന​ട​ന്ന​താ​ണ്. 1994ൽ ​പ്ര​വൃ​ത്തി ഉ​ദ്ഘാ​ട​നം ന​ട​ന്നു. എ​ന്നാ​ൽ ഇ​ന്നോ​ളം പ​ദ്ധ​തി യാ​ഥാ​ർ​ഥ്യ​മാ​യി​ല്ല. പ​ടി​ഞ്ഞാ​റ​ത്ത​റ​യി​ൽ​നി​ന്നു പു​ഴി​ത്തോ​ടു വ​രെ 27 കി​ലോ​മീ​റ്റ​റാ​ണ് റോ​ഡ് ദൈ​ർ​ഘ്യം.

70 ശ​ത​മാ​നം പ്ര​വൃ​ത്തി ന​ട​ത്തി​യെ​ങ്കി​ലും വ​ന​ഭൂ​മി വി​ട്ടു​കി​ട്ടാ​ത്ത​തി​നാ​ൽ നി​ർ​മാ​ണം പൂ​ർ​ത്തി​യാ​ക്കാ​നാ​യി​ല്ല. വ​ന​ത്തി​ലൂ​ടെ 8.25 കി​ലോ​മീ​റ്റ​ർ റോ​ഡാ​ണ് നി​ർ​മി​ക്കേ​ണ്ട​ത്. ഇ​തി​നു ഏ​ക​ദേ​ശം 52 ഏ​ക്ക​ർ ഭൂ​മി​യാ​ണ് ആ​വ​ശ്യം. പ​ക​രം 104 ഏ​ക്ക​ർ സ്ഥ​ലം ഗു​ണ​ഭോ​ക്തൃ പ​ഞ്ചാ​യ​ത്തു​ക​ൾ വ​നം വ​കു​പ്പി​ന് കൈ​മാ​റി​യി​ട്ടും വ​ന​ഭൂ​മി ഉ​പ​യോ​ഗ​പ്പെ​ടു​ത്തു​ന്ന​തി​നു കേ​ന്ദ്രാ​നു​മ​തി ല​ഭി​ച്ചി​ല്ല. രാ​ഹു​ൽ​ഗാ​ന്ധി എം​പി​യു​ടെ ശ്ര​മം പോ​ലും പ്ര​വൃ​ത്തി പൂ​ർ​ത്തി​യാ​ക്കു​ന്ന​തി​ലെ ത​ട​സം നീ​ക്കു​ന്ന​തി​നു ഉ​ത​കി​യി​ല്ല.

കാ​ട്ടി​ലു​ടെ റോ​ഡ് വെ​ട്ടു​ന്ന​തി​നു അ​നു​കൂ​ല​മ​ല്ല വ​നം അ​ധി​കാ​രി​ക​ൾ.​റോ​ഡി​ന് ഉ​പ​യോ​ഗ​പ്പെ​ടു​ത്തേ​ണ്ട​ത് ആ​ന​ത്താ​ര ഉ​ൾ​പ്പെ​ടു​ന്ന റി​സ​ർ​വ് വ​ന​മാ​ണെ​ന്ന വാ​ദ​മാ​ണ് വ​നം വ​കു​പ്പി​ന്. എ​ന്നാ​ൽ റോ​ഡി​ന് ഉ​പ​യോ​ഗ​പ്പെ​ടു​ത്തേ​ണ്ട​തി​ൽ ആ​ന​ത്താ​ര ഇ​ല്ലെ​ന്നും കൂ​ടു​ത​ലും നി​ക്ഷി​പ്ത വ​ന​മാ​ണെ​ന്നു​മാ​ണ് ജ​നം ചൂ​ണ്ടി​ക്കാ​ട്ടു​ന്ന​ത്. പ​ടി​ഞ്ഞാ​റ​ത്ത​റ-​പൂ​ഴി​ത്തോ​ട് റോ​ഡ് നി​ർ​മാ​ണം പൂ​ർ​ത്തി​യാ​ക്ക​ണ​മെ​ന്ന ആ​വ​ശ്യ​വു​മാ​യി മാ​സ​ങ്ങ​ളാ​യി ന​ട​ന്നു​വ​രി​ക​യാ​ണ് പ്ര​ക്ഷോ​ഭം.

വ​ന​ത്തി​ലൂ​ടെ റോ​ഡ് വെ​ട്ടാ​ൻ അ​നു​മ​തി കി​ട്ടു​ന്നി​ല്ല

2011ൽ ​യു​ഡി​എ​ഫ് സ​ർ​ക്കാ​ർ അ​ധി​കാ​ര​ത്തി​ലെ​ത്തി​യ​തി​നു പി​ന്നാ​ലെ പ്ര​ഖ്യാ​പി​ച്ച​താ​ണ് ചി​പ്പി​ലി​ത്തോ​ട്മ​രു​തി​ലാ​വ്-​ത​ളി​പ്പു​ഴ ചു​രം ബ​ദ​ൽ പാ​ത. പ​ക്ഷേ, വ​ന​ഭൂ​മി​യി​ലൂ​ടെ റോ​ഡ് നി​ർ​മി​ക്കു​ന്ന​തി​നു ആ​വ​ശ്യ​മാ​യ അ​നു​മ​തി കേ​ന്ദ്ര മ​ന്ത്രാ​ല​യ​ത്തി​ൽ​നി​ന്നു നേ​ടി​യെ​ടു​ക്കാ​ൻ സ​ർ​ക്കാ​രി​നു ക​ഴി​ഞ്ഞി​ല്ല.

കോ​ഴി​ക്കോ​ട് ജി​ല്ല​യി​ലെ കോ​ട​ഞ്ചേ​രി, പു​തു​പ്പാ​ടി, വ​യ​നാ​ട്ടി​ലെ വൈ​ത്തി​രി പ​ഞ്ചാ​യ​ത്തു​ക​ളി​ലൂ​ടെ​യാ​ണ് ഈ ​റോ​ഡ് ക​ട​ന്നു​പോ​കേ​ണ്ട​ത്. താ​മ​ര​ശേ​രി ചു​ര​ത്തി​ലെ ര​ണ്ടാം​വ​ള​വ് മു​ത​ൽ മ​രു​തി​ലാ​വ് വ​രെ 5.4 കി​ലോ​മീ​റ്റ​ർ സ്വ​കാ​ര്യ ഭൂ​മി​യാ​ണ്. ഇ​വി​ടെ നി​ന്ന് 3.3 കി​ലോ​മീ​റ്റ​ർ കോ​ഴി​ക്കോ​ട് ഡി​വി​ഷ​ൻ പ​രി​ധി​യി​ലെ റി​സ​ർ​വ് വ​ന​മാ​ണ്.

8.74 കി​ലോ​മീ​റ്റ​റി​ൽ തു​ട​ങ്ങി 14.44 വ​രെ​യു​ള്ള ഭാ​ഗ​മാ​ണ് വൈ​ത്തി​രി പ​ഞ്ചാ​യ​ത്തി​ൽ. ഇ​തി​ൽ മൂ​ന്നു കി​ലോ​മീ​റ്റ​ർ റി​സ​ർ​വ് വ​ന​വും 2.6 കി​ലോ​മീ​റ്റ​ർ നി​ക്ഷി​പ്ത വ​ന​വു​മാ​ണ്. പാ​ത​യി​ൽ 8.940 കി​ലോ​മീ​റ്റ​റാ​ണ് ആ​കെ വ​ന​ഭൂ​മി​യി​ലൂ​ടെ നി​ർ​മി​ക്കേ​ണ്ട​ത്. 12 ഹെ​ക്ട​ർ സ്വ​കാ​ര്യ​സ്ഥ​ല​വും റോ​ഡി​നാ​യി ഏ​റ്റെ​ടു​ക്കേ​ണ്ട​തു​ണ്ട്.

വ​യ​നാ​ടി​നെ കോ​ഴി​ക്കോ​ട്, ക​ണ്ണൂ​ർ ജി​ല്ല​ക​ളു​മാ​യി ബ​ന്ധി​പ്പി​ക്കു​ന്ന കു​ഞ്ഞോം-​വി​ല​ങ്ങാ​ട് ബ​ദ​ൽ റോ​ഡ് പ​ദ്ധ​തി​യും അ​വ​ഗ​ണ​യി​ലാ​ണ്. വ​ന​ത്തി​ലൂ​ടെ എ​ഴു കി​ലോ​മീ​റ്റ​ർ റോ​ഡ് നി​ർ​മി​ക്കാ​ൻ കേ​ന്ദ്ര മ​ന്ത്ര​ലാ​യ​ത്തി​ന്‍റെ അ​നു​മ​തി ല​ഭി​ക്കാ​ത്ത​താ​ണ് പാ​ത യാ​ഥാ​ർ​ഥ്യ​മാ​ക്കു​ന്ന​തി​നു വി​ഘാ​തം.

നി​ല​വി​ൽ കോ​ഴി​ക്കോ​ട് ജി​ല്ല​യി​ലെ വി​ല​ങ്ങാ​ട് പാ​നോം വ​നാ​തി​ർ​ത്തി വ​രെ റോ​ഡു​ണ്ട്. വ​യ​നാ​ട് ഭാ​ഗ​ത്ത് കു​ഞ്ഞോം കു​ങ്കി​ച്ചി​റ പൈ​ത്യ​ക മ്യൂ​സി​യം വ​രെ ടാ​ർ ചെ​യ്ത പാ​ത​യു​ണ്ട്. ഇ​തി​നി​ട​യി​ലാ​ണ് ഏ​ഴ് കി​ലോ​മീ​റ്റ​ർ റി​സ​ർ​വ് വ​നം. പാ​രി​സ്ഥി​തി​ക പ്ര​ശ്ന​ങ്ങ​ൾ കു​റ​ഞ്ഞ​താ​ണ് നി​ർ​ദി​ഷ്ട പാ​ത.

Copyright @ 2022 , Rashtra Deepika Ltd.