ക​ൽ​പ്പ​റ്റ: ദൂ​ര​വ്യാ​പ​ക​മാ​യ പാ​രി​സ്ഥി​തി​ക പ്ര​ത്യാ​ഘാ​ത​ങ്ങ​ൾ​ക്ക് കാ​ര​ണ​മാ​കു​ന്ന ആ​ന​ക്കാം​പൊ​യി​ൽ-​ക​ള്ളാ​ടി തു​ര​ങ്ക​പാ​ത പ​ദ്ധ​തി ഉ​പേ​ക്ഷി​ക്ക​ണ​മെ​ന്ന ആ​വ​ശ്യ​വു​മാ​യി പ​ശ്ചി​മ​ഘ​ട്ട സം​ര​ക്ഷ​ണ​സ​മി​തി​യു​ടെ നേ​തൃ​ത്വ​ത്തി​ൽ പ​രി​സ്ഥി​തി പ്ര​വ​ർ​ത്ത​ക​ർ പ​രി​സ്ഥി​തി ദി​ന​ത്തി​ൽ ക​ള​ക്ട​റേ​റ്റ് പ​ടി​ക്ക​ൽ ധ​ർ​ണ ന​ട​ത്തി.

വ​യ​നാ​ട് പ്ര​കൃ​തി സം​ര​ക്ഷ​ണ സ​മി​തി പ്ര​സി​ഡ​ന്‍റ് എ​ൻ. ബാ​ദു​ഷ ഉ​ദ്ഘാ​ട​നം ചെ​യ്തു. വ​യ​നാ​ടി​ന്‍റെ മാ​ത്ര​ല്ല, കേ​ര​ള​ത്തി​ന്‍റെ​യാ​കെ ജാ​ത​കം തി​രു​ത്തി​യെ​ഴു​തു​ന്ന പ്ര​കൃ​തി​ദു​ര​ന്ത​ങ്ങ​ൾ​ക്ക് വ​ഴി​യൊ​രു​ക്കു​ന്ന​താ​ണ് പ​ശ്ചി​മ​ഘ​ട്ട​ത്തി​ലെ ഏ​റ്റ​വും ദു​ർ​ബ​ല പ്ര​ദേ​ശ​ത്തു​കൂ​ടി നി​ർ​മി​ക്കു​ന്ന തു​ര​ങ്ക​പാ​ത​യെ​ന്ന് അ​ദ്ദേ​ഹം പ​റ​ഞ്ഞു. ജി​ല്ലാ ഭ​ര​ണ​കൂ​ട​മോ ജ​ന​പ്ര​തി​നി​ധി​ക​ളോ സം​ഘ​ട​ന​ക​ളോ ആ​വ​ശ്യ​പ്പെ​ട്ട​ത​ല്ല തു​ര​ങ്ക​പാ​ത പ​ദ്ധ​തി. ത​ത്പ​ര​ക​ക്ഷി​ക​ൾ പ​ദ്ധ​തി ജ​ന​ങ്ങ​ളി​ൽ അ​ടി​ച്ചേ​ൽ​പ്പി​ക്കാ​നാ​ണ് ശ്ര​മി​ക്കു​ന്ന​ത്.

തെ​റ്റാ​യ വി​വ​ര​ങ്ങ​ൾ ന​ൽ​കി​യാ​ണ് പ​ദ്ധ​തി​ക്ക് കേ​ന്ദ്ര പ​രി​സ്ഥി​തി മ​ന്്ര​ത്രാ​ല​യ​ത്തി​നു കീ​ഴി​ലെ വി​ദ​ഗ്ധ സ​മി​തി​യു​ടെ അ​നു​മ​തി നേ​ടി​യ​ത്. അ​നു​മ​തി​ക്കാ​യി സ​മ​ർ​പ്പി​ച്ചി​തി​ൽ തെ​റ്റാ​യ വി​വ​ര​ങ്ങ​ൾ ഉ​ണ്ടെ​ന്നു ക​ണ്ടെ​ത്തി​യാ​ൽ പ്രോ​ജ​ക്ട് റ​ദ്ദാ​ക്കു​മെ​ന്ന് വി​ദ​ഗ്ധ സ​മി​തി വ്യ​ക്ത​മാ​ക്കി​യി​ട്ടു​ണ്ട്. പ​ദ്ധ​തി​യു​മാ​യി ബ​ന്ധ​പ്പെ​ട്ട് സൗ​ത്ത് വ​യ​നാ​ട്, കോ​ഴി​ക്കോ​ട് ഡി​വി​ഷ​ൻ ഫോ​റ​സ്റ്റ് ഓ​ഫീ​സ​ർ​മാ​ർ സ​മ​ർ​പ്പി​ച്ച റി​പ്പോ​ർ​ട്ടു​ക​ളി​ലേ​ത​ട​ക്കം തെ​റ്റാ​യ വി​വ​ര​ങ്ങ​ൾ ഉ​ത്ത​ര​വാ​ദ​പ്പെ​ട്ട അ​ധി​കാ​രി​ക​ളു​ടെ മു​ന്പി​ൽ എ​ത്തി​ക്കു​ന്ന​തി​ന് പ്ര​കൃ​തി സം​ര​ക്ഷ​ണ സ​മി​തി ഇ​ട​പെ​ട​ൽ ന​ട​ത്തി​വ​രി​ക​യാ​ണെ​ന്നും ബാ​ദു​ഷ പ​റ​ഞ്ഞു.

പ​രി​സ്ഥി​തി പ്ര​വ​ർ​ത്ത​ക​ൻ പി.​ജി. മോ​ഹ​ൻ​ദാ​സ് അ​ധ്യ​ക്ഷ​ത വ​ഹി​ച്ചു. പ​ശ്ചി​മ​ഘ​ട്ട സം​ര​ക്ഷ​ണ സ​മി​തി പ്ര​സി​ഡ​ന്‍റ് വ​ർ​ഗീ​സ് വ​ട്ടേ​ക്കാ​ട്ടി​ൽ മു​ഖ്യ​പ്ര​ഭാ​ഷ​ണം ന​ട​ത്തി. പ​ശ്ചി​മ​ഘ​ട്ട​ത്തി​ലെ പ്ര​കൃ​തി വി​ഭ​വ​ങ്ങ​ളി​ലേ​ക്ക് കോ​ർ​പ​റേ​റ്റു​ക​ൾ​ക്ക് പ്ര​വേ​ശി​ക്കാ​നു​ള്ള ക​വാ​ട​മെ​ന്ന നി​ല​യി​ലാ​ണ് തു​ര​ങ്ക​പാ​ത പ​ദ്ധ​തി കെ​ട്ടി​യി​റ​ക്കി​യ​തെ​ന്ന് അ​ദ്ദേ​ഹം പ​റ​ഞ്ഞു.

ദു​ർ​ബ​ല പ്ര​ദേ​ശ​ങ്ങ​ളി​ൽ ഖ​ന​ന​ത്തി​നും നി​ർ​മാ​ണ​ങ്ങ​ൾ​ക്കും നി​യ​ന്ത്ര​ണ​ങ്ങ​ൾ ബാ​ധ​ക​മാ​ക്കി 2019ൽ ​വ​യ​നാ​ട് ജി​ല്ലാ ദു​ര​ന്ത നി​വാ​ര​ണ അ​ഥോ​റി​റ്റി ചെ​യ​ർ​മാ​ൻ എ​ന്ന നി​ല​യി​ൽ ക​ള​ക്ട​ർ പു​റ​പ്പെ​ടു​വി​ച്ച ഉ​ത്ത​ര​വ് തു​ര​ങ്ക​പാ​ത​യ്ക്കും ബാ​ധ​ക​മാ​ണെ​ന്ന് വ​ർ​ഗീ​സ് പ​റ​ഞ്ഞു. ബ​ഷീ​ർ ആ​ന​ന്ദ് ജോ​ണ്‍, ബാ​ബു മൈ​ല​ന്പാ​ടി, എം.​കെ. ഷി​ബു, മാ​ത്യൂ​സ് വൈ​ത്തി​രി, സു​നി​ൽ ജോ​സ​ഫ്, അ​ബു പൂ​ക്കോ​ട്, ന​സീ​മ കോ​ഴി​ക്കോ​ട്, ബി​ജി ലാ​ലി​ച്ച​ൻ എ​ന്നി​വ​ർ പ്ര​സം​ഗി​ച്ചു.