കാസര്‍ഗോഡ്: ജില്ലയില്‍ 108 പേര്‍ക്ക് കൂടി കോവിഡ്-19 പോസിറ്റീവായി. സമ്പര്‍ക്കത്തിലൂടെ 104 പേര്‍ക്കും വിദേശത്ത് നിന്നെത്തിയ നാലുപേര്‍ക്കുമാണ് കോവിഡ് സ്ഥിരീകരിച്ചത്. 33 പേര്‍ രോഗമുക്തരായി.
കോവിഡ് സ്ഥിരീകരിച്ചവരുടെ തദ്ദേശസ്ഥാപനം തിരിച്ചുള്ള കണക്ക്: കുറ്റിക്കോല്‍- 18, കാഞ്ഞങ്ങാട്- 14, നീലേശ്വരം, മടിക്കൈ-എട്ട്, കള്ളാര്‍-ഏഴ്, കിനാനൂര്‍-കരിന്തളം-ആറ്, ഉദുമ-അഞ്ച്, ബളാല്‍, കോടോം-ബേളൂര്‍, കാസര്‍ഗോഡ്, പള്ളിക്കര-നാല്, പിലിക്കോട്, മുളിയാര്‍-മൂന്ന്, ഈസ്റ്റ് എളേരി, ചെമ്മനാട്, മധൂര്‍, മംഗല്‍പ്പാടി-രണ്ട്, പനത്തടി, അജാനൂര്‍, കയ്യൂര്‍-ചീമേനി, പടന്ന, ചെങ്കള,
കാറഡുക്ക, മൊഗ്രാല്‍-പുത്തൂർ, പുത്തിഗെ-ഒന്ന്. വീടുകളില്‍ 7,584 പേരും സ്ഥാപനങ്ങളില്‍ 436 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 8,020 പേരാണ്. പുതിയതായി 561 പേരെ കൂടി നിരീക്ഷണത്തിലാക്കി. സെന്‍റിനല്‍ സര്‍വേയടക്കം പുതിയതായി 1,288 സാമ്പിളുകള്‍ കൂടി പരിശോധനയ്ക്ക് അയച്ചു. 290 പേരുടെ പരിശോധനാഫലം ലഭിക്കാനുണ്ട്. 519 പേര്‍ നിരീക്ഷണ കാലയളവ് പൂര്‍ത്തിയാക്കി. 83 പേരെ ആശുപത്രികളിലും കോവിഡ് കെയര്‍ സെന്‍ററുകളിലുമായി പ്രവേശിപ്പിച്ചു.
22,091 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്.
ഇതില്‍ 1,058 പേര്‍ വിദേശത്ത് നിന്നെത്തിയവരും 828 പേര്‍ ഇതരസംസ്ഥാനത്ത് നിന്നെത്തിയവരും 20,205 പേര്‍ക്ക് സമ്പര്‍ക്കത്തിലൂടെയുമാണ് രോഗം സ്ഥിരീകരിച്ചത്. 20,764 പേര്‍ക്ക് ഇതുവരെ കോവിഡ് നെഗറ്റീവായി. കോവിഡ് ബാധിച്ച് മരിച്ചവരുടെ എണ്ണം 234 ആയി. നിലവില്‍ 1,093 പേരാണ് ജില്ലയില്‍ കോവിഡ് ചികിത്സയിലുള്ളത്.