ആ​ന​ക്കൂ​ട്ടം വീ​ണ്ടും നെ​യ്യം​ക​യ​ത്ത് ; പാ​ല​ത്തി​നു മു​ക​ളി​ല്‍ രാ​ത്രി കാ​വ​ലി​രു​ന്ന് ക​ര്‍​ഷ​ക​ര്‍
Thursday, May 13, 2021 12:43 AM IST
മു​ളി​യാ​ര്‍: ക​ര്‍​ണാ​ട​ക വ​ന​ത്തി​ല്‍​നി​ന്നും വീ​ണ്ടും പു​ലി​പ്പ​റ​മ്പി​ലെ സൗ​രോ​ര്‍​ജ​വേ​ലി ത​ക​ര്‍​ത്തെ​ത്തി​യ കാ​ട്ടാ​ന​ക്കൂ​ട്ടം പ​യ​സ്വി​നി പു​ഴ​യു​ടെ വൃ​ഷ്ടി​പ്ര​ദേ​ശ​മാ​യ നെ​യ്യം​ക​യ​ത്ത് നി​ല​യു​റ​പ്പി​ച്ച​തോ​ടെ എ​രി​ഞ്ഞി​പ്പു​ഴ പാ​ല​ത്തി​നു മു​ക​ളി​ല്‍ രാ​ത്രി മു​ഴു​വ​ന്‍ കാ​വ​ലു​മാ​യി ക​ര്‍​ഷ​ക​ര്‍.

പു​ഴ ക​ട​ന്ന് ആ​ന​ക്കൂ​ട്ടം മു​ളി​യാ​ര്‍ വ​ന​ത്തി​ലെ​ത്തി​യാ​ല്‍ വീ​ണ്ടും ജ​ന​വാ​സ​കേ​ന്ദ്ര​ങ്ങ​ളി​ലി​റ​ങ്ങു​മെ​ന്നും പി​ന്നീ​ട് ഇ​വ​യെ തു​ര​ത്തു​ന്ന​ത് ഏ​റെ പ്ര​യാ​സ​ക​ര​മാ​യി​രി​ക്കു​മെ​ന്നു​മു​ള്ള മു​ന്‍​കാ​ല അ​നു​ഭ​വ​ങ്ങ​ളു​ടെ വെ​ളി​ച്ച​ത്തി​ലാ​ണ് ക​ര്‍​ഷ​ക​രു​ടെ കാ​വ​ല്‍. പാ​ല​ത്തി​നു മു​ക​ളി​ല്‍ നി​ന്ന് ശ​ബ്ദ​മു​ണ്ടാ​ക്കി​യും താ​ഴേ​ക്ക് പ​ട​ക്ക​ങ്ങ​ള്‍ ക​ത്തി​ച്ചെ​റി​ഞ്ഞു​മാ​ണ് ഇ​വ​ര്‍ ആ​ന​ക​ള്‍ പു​ഴ ക​ട​ക്കു​ന്ന​തി​നെ പ്ര​തി​രോ​ധി​ക്കു​ന്ന​ത്.

വേ​ന​ല്‍​മ​ഴ​യെ തു​ട​ര്‍​ന്ന് പു​ഴ​യി​ല്‍ നീ​രൊ​ഴു​ക്ക് വ​ര്‍​ധി​ച്ചി​രി​ക്കു​ന്ന​തി​നാ​ല്‍ മു​ന്‍​കാ​ല​ങ്ങ​ളി​ലേ​തു​പോ​ലെ ആ​ളു​ക​ള്‍ക്ക് പ​ന്തം ക​ത്തി​ച്ച് പു​ഴ​യി​ലി​റ​ങ്ങി ആ​ന​ക​ളെ പ്ര​തി​രോ​ധി​ക്കാ​നാ​വു​ന്നി​ല്ല. എ​ന്നാ​ല്‍ നീ​രൊ​ഴു​ക്ക് വ​ര്‍​ധി​ച്ച​ത് ആ​ന​ക്കൂ​ട്ട​ത്തി​ന് പു​ഴ​ക​ട​ക്കാ​ന്‍ പ്ര​യാ​സ​മൊ​ന്നും ഉ​ണ്ടാ​ക്കു​ന്നി​ല്ലെ​ന്നാ​ണ് ക​ര്‍​ഷ​ക​രു​ടെ അ​നു​ഭ​വം.

സ​മീ​പ​കാ​ല​ത്ത് മൂ​ന്നു​ത​വ​ണ​യാ​ണ് എ​രി​ഞ്ഞി​പ്പു​ഴ ക​ട​ന്ന് കാ​ട്ടാ​ന​ക്കൂ​ട്ടം മു​ളി​യാ​റി​ലെ​ത്തി​യ​ത്. ദ​ശ​ല​ക്ഷ​ക്ക​ണ​ക്കി​ന് രൂ​പ​യു​ടെ കൃ​ഷി​നാ​ശ​മാ​ണ് അ​ന്നെ​ല്ലാം മു​ളി​യാ​റി​ലും സ​മീ​പ പ​ഞ്ചാ​യ​ത്തു​ക​ളി​ലും ഉ​ണ്ടാ​യ​ത്. ആ​റ​ള​ത്തു​നി​ന്നും വ​യ​നാ​ട്ടി​ല്‍ നി​ന്നു​മെ​ത്തി​യ വി​ദ​ഗ്ധ സം​ഘം ഉ​ള്‍​പ്പെ​ടെ​യു​ള്ള വ​ന​പാ​ല​ക​രും നാ​ട്ടു​കാ​രും ആ​ഴ്ച​ക​ള്‍ നീ​ണ്ട അ​ക്ഷീ​ണ പ്ര​യ​ത്‌​ന​ത്തി​നൊ​ടു​വി​ലാ​ണ് ആ​ന​ക​ളെ തി​രി​ച്ച് പു​ഴ​ക​ട​ത്തി വി​ട്ട​ത്. എ​ന്നാ​ല്‍ പു​ലി​പ്പ​റ​മ്പ് വ​നാ​തി​ര്‍​ത്തി​യി​ലെ സൗ​രോ​ര്‍​ജ​വേ​ലി ആ​ന​ക്കൂ​ട്ട​ത്തെ പ്ര​തി​രോ​ധി​ക്കാ​ന്‍ പ​ര്യാ​പ്ത​മാ​കാ​ത്ത​തി​നാ​ല്‍ പി​ന്നെ​യും ദി​വ​സ​ങ്ങ​ള്‍​ക്ക​കം ആ​ന​ക​ള്‍ തി​രി​ച്ചെ​ത്തു​ക​യാ​ണ്.

ആ​ന​ക​ള്‍ പു​ഴ ക​ട​ക്കു​ന്ന​ത് ത​ട​യാ​നാ​യി എ​രി​ഞ്ഞി​പ്പു​ഴ പാ​ല​ത്തി​നു താ​ഴെ തൂ​ക്കു വൈ​ദ്യു​ത​വേ​ലി സ്ഥാ​പി​ക്കു​മെ​ന്ന് നേ​ര​ത്തേ വ​നം​വ​കു​പ്പ് ഉ​റ​പ്പു​ന​ല്‍​കി​യി​രു​ന്നെ​ങ്കി​ലും അ​ത് വെ​റും​വാ​ക്കാ​യി മാ​റു​ക​യാ​യി​രു​ന്നു. പു​ഴ​ക്ക​ര​യി​ല്‍ മ​റ്റി​ട​ങ്ങ​ളി​ലെ​ല്ലാം വൈ​ദ്യു​ത​വേ​ലി സ്ഥാ​പി​ച്ചി​ട്ടു​ള്ള​തി​നാ​ല്‍ പാ​ല​ത്തി​നു കീ​ഴി​ലൂ​ടെ മാ​ത്ര​മാ​ണ് ആ​ന​ക​ള്‍​ക്ക് പു​ഴ​ക​ട​ക്കാ​നാ​വു​ന്ന​ത്.

കോ​വി​ഡ് രോ​ഗ​ഭീ​തി​യും ലോ​ക്ക്ഡൗ​ണു​മു​ള്ള​തി​നാ​ല്‍ മു​ന്‍​കാ​ല​ങ്ങ​ളി​ലേ​തു​പോ​ലെ ക​ര്‍​ഷ​ക​ര്‍​ക്ക് കൂ​ട്ട​മാ​യി ഇ​റ​ങ്ങി ആ​ന​ക​ളെ തു​ര​ത്താ​നാ​കു​ന്നി​ല്ലെ​ന്ന പ്ര​ശ്‌​ന​വു​മു​ണ്ട്. എ​ങ്കി​ലും സ്വ​ന്തം ര​ക്ഷ​യ്ക്കാ​യി മാ​സ്‌​ക് ധ​രി​ച്ച് സാ​മൂ​ഹി​ക അ​ക​ലം പാ​ലി​ക്കു​ന്ന​തി​നൊ​പ്പം ന​ട്ടു​വ​ള​ര്‍​ത്തി​യ കാ​ര്‍​ഷി​ക​വി​ള​ക​ളു​ടെ സം​ര​ക്ഷ​ണ​ത്തി​നാ​യി രാ​ത്രി മു​ഴു​വ​ന്‍ കാ​വ​ലി​രി​ക്കു​ക കൂ​ടി ചെ​യ്യേ​ണ്ട അ​വ​സ്ഥ​യി​ലാ​ണ് മു​ളി​യാ​റി​ലെ ക​ര്‍​ഷ​ക​ര്‍.