സു​ര​ക്ഷി​ത​ത്വ​വും ശ​മ്പ​ള​വു​മി​ല്ലാ​തെ ഇ​വ​ർ പൊ​രു​തു​ക​യാ​ണ് കൊ​റോ​ണ വൈ​റ​സി​നോ​ട്
Tuesday, April 7, 2020 10:25 PM IST
പ്ര​ദീ​പ് ചാ​ത്ത​ന്നൂ​ർ

ചാ​ത്ത​ന്നൂ​ർ: സു​ര​ക്ഷി​ത​ത്വ​വും ശ​മ്പ​ള​വു​മി​ല്ലാ​തെ കൊ​റോ​ണ വൈ​റ​സി​നോ​ട് പൊ​രു​തു​ക​യാ​ണ് പാ​രി​പ്പ​ള്ളി ഗ​വ.​മെ​ഡി​ക്ക​ൽ കോ​ളേ​ജി​ലെ ഒ​രു വി​ഭാ​ഗം ജീ​വ​ന​ക്കാ​ർ. ക​രാ​ർ ജീ​വ​ന​ക്കാ​രാ​യ 175 പേ​രാ​ണ് ഈ ​ദു​രി​ത​കാ​ല​ത്തും ശ​മ്പ​ളം കി​ട്ടാ​തെ ക​ഠി​ന പ്ര​യ​ത്നം ചെ​യ്യു​ന്ന​ത്. ആ​രോ​ഗ്യ വ​കു​പ്പ് ജീ​വ​ന​ക്കാ​ർ എ​ട്ട് മ​ണി​ക്കൂ​ർ ജോ​ലി ചെ​യ്യു​മ്പോ​ൾ ക​രാ​ർ ജീ​വ​ന​ക്കാ​ർ പ​ത്ത് മ​ണി​ക്കൂ​റാ​ണ് ജോ​ലി ചെ​യ്യേ​ണ്ട​ത്.​
ക​ഴി​ഞ്ഞ 31-ന് ​മു​മ്പ് ശ​മ്പ​ളം ന​ൽകു​മെ​ന്ന് പ്ര​ഖ്യാ​പി​ച്ചി​രു​ന്നെ​ങ്കി​ലും ക​രാ​ർ ജീ​വ​ന​ക്കാ​രു​ടെ തു​ച്ഛ​മാ​യ ശ​മ്പ​ളം ഇ​തു​വ​രെ കൊ​ടു​ത്തി​ട്ടി​ല്ല. ആ​രു​ടെ കൈ​യ്യി​ലും പ​ണ​മി​ല്ലാ​ത്ത ഇ​ക്കാ​ല​ത്ത് വ​ള​രെ ബു​ദ്ധി​മു​ട്ടി​യും ദു​രി​തം അ​നു​ഭ​വി​ച്ചുമാണ് ഇ​വ​ർ ജോ​ലി​യ്ക്കെ​ത്തു​ന്ന​ത്.
കൊ​റോ​ണ വൈ​റ​സി​ന്‍റെ സാ​മൂ​ഹി​ക വ്യാ​പ​ന​ത്തി​ന്, യാ​തൊ​രു സു​ര​ക്ഷി​ത​ത്വ​വു​മി​ല്ലാ​തെ ജോ​ലി ചെ​യ്യു​ന്ന ഇ​വ​ർ നി​മി​ത്ത​മാ​കു​മോ എ​ന്ന ആ​ശ​ങ്ക വ​ലു​താ​ണ്.
കോവി​ഡ്- 19 രോ​ഗി​ക​ളെ ചി​കി​ത്സി​ക്കു​ന്ന ഐസ​്വലേ​ഷ​ൻ വാ​ർ​ഡി​ൽ പോ​ലും ജോ​ലി ചെ​യ്യു​ന്ന ഇ​വ​ർ​ക്ക് രോ​ഗം പ​ക​രാ​നു​ള്ള സാ​ധ്യ​ത ത​ള്ളി​ക്ക​ള​യാ​നാ​വി​ല്ല. പ​ത്ത് മ​ണി​ക്കൂ​ർ ഡ്യൂ​ട്ടി ക​ഴി​ഞ്ഞ് ഏ​തെ​ങ്കി​ലും വാ​ഹ​ന​ത്തി​ലാ​ണ് ഇ​വ​ർ വീ​ട്ടി​ലേ​യ്ക്ക് പോ​കു​ന്ന​ത്.​ പി​ന്നീ​ട് കു​ടും​ബാം​ഗ​ങ്ങ​ളു​മാ​യി ഇ​ട​പ​ഴ​കി​യ ശേ​ഷം വീ​ണ്ടും ഡ്യൂ​ട്ടി​യി​ലേ​ക്ക്.
ഐ​സ്വലേ​ഷ​ൻ വാ​ർ​ഡി​ൽ പോ​ലും ഡ്യൂ​ട്ടി ചെ​യ്യു​ന്ന ഇ​വ​ർ​ക്ക് മ​തി​യാ​യ സം​ര​ക്ഷ​ണം ഇ​ല്ലെ​ന്ന് മാ​ത്ര​മ​ല്ല, സ​മൂ​ഹ വ്യാ​പ​ന​ത്തി​നു​ള്ള അ​വ​സ​രം സൃ​ഷ്ടി​ക്കു​ന്നു​വെ​ന്ന ഗു​രു​ത​ര​മാ​യ പ്ര​ശ്ന​വു​മു​ണ്ട്. പ​ത്ത് ഡ്യൂ​ട്ടി ചെ​യ്ത ശേ​ഷം 14 ദി​വ​സം ഗൃ​ഹ നി​രീ​ക്ഷ​ണ​ത്തി​ൽ ക​ഴി​യാ​നാ​ണ് ഇ​വ​ർ​ക്ക് ആ​ശു​പ​ത്രി​അ​ധി​കൃ​ത​ർ ന​ല്കി​യി​രി​ക്കു​ന്ന നി​ർ​ദേശം.
കോ​വി​ഡ്- 19 രോ​ഗി​ക​ളോ​ടും നി​രീ​ക്ഷ​ണ​ത്തി​ൽ ക​ഴി​യു​ന്ന​വ​രോ​ടും ഇ​ട​പെ​ടു​ന്ന ജീ​വ​ന​ക്കാ​രെ ആ​ശു​പ​ത്രി​യി​ൽ നി​ന്നും പു​റ​ത്തു പോ​കാ​ൻ അ​നു​വ​ദി​ക്കാ​ൻ പാ​ടി​ല്ലാ​ത്ത​താ​ണ്. ഇ​വ​ർ​ക്ക് ഒ​രു ടേം ​ഡ്യൂ​ട്ടി ക​ഴി​യു​ന്ന​ത് വ​രെ ആ​ശു​പ​ത്രി​യി​ൽ ത​ന്നെ താ​മ​സി​പ്പി​ക്കു​ക​യും ഭ​ക്ഷ​ണ​മു​ൾ​പ്പെ​ടെ​യു​ള്ള​സൗ​ക​ര്യ​ങ്ങ​ൾ ഒ​രു​ക്കി ന​ല്കേ​ണ്ട​തു​മാ​ണെ​ന്ന് ആ​രോ​ഗ്യ​രം​ഗ​ത്ത് പ്ര​വ​ർ​ത്തി​ക്കു​ന്ന​വ​ർ ത​ന്നെ അ​ഭി​പ്രാ​യ​പ്പെ​ട്ടു.
കൊ​റോ​ണ വൈ​റ​സ് ബാ​ധ​യേ​റ്റാ​ൽ ത​ന്നെ ദി​വ​സ​ങ്ങ​ൾ ക​ഴി​ഞ്ഞേ രോ​ഗ​ല​ക്ഷ​ണം പ്ര​ക​ട​മാ​വു​ക​യു​ള്ളൂ. ഈ ​കാ​ല​യ​ള​വി​ൽ ഇ​വ​ർ കു​ടും​ബാം​ഗ​ങ്ങ​ൾ ഉ​ൾ​പ്പെ​ടെ പ​ല​രു​മാ​യി ബ​ന്ധ​പ്പെ​ടു​ക​യും വൈ​റ​സ് ബാ​ധി​ച്ചി​ട്ടു​ണ്ടെ​ങ്കി​ൽ​ വ്യാ​പ​ന​ത്തി​നു​ള്ള സാ​ധ്യ​ത ത​ള്ളി​ക്ക​ള​യാ​നു​മാ​വി​ല്ല. ഇ​വ​ർ​ക്ക് ആ​വ​ശ്യ​മാ​യ താ​മ​സ സൗ​ക​ര്യം ഉ​ൾ​പ്പെ​ടെ ചെ​യ്തു കൊ​ടു​ക്കേ​ണ്ട​ത് ആ​ശു​പ​ത്രി അ​ധി​കൃ​ത​രാ​ണ്. ആ​ശു​പ​ത്രി അ​ധി​കൃ​ത​രു​മാ​യി പ​ല​ത​വ​ണ ഫോ​ണി​ൽ​ബ​ന്ധ​പ്പെ​ടാ​ൻ ദീ​പി​ക ശ്ര​മി​ച്ചെ​ങ്കി​ലും അ​ധി​കൃ​ത​ർ സം​സാ​രി​ക്കാ​ൻ ത​യാ​റാ​യി​ല്ല.
ഐ​സ​ലേ​ഷ​ൻ വാ​ർ​ഡി​ൽ ജോ​ലി ചെ​യ്യു​ന്ന നേ​ഴ് സിം​ഗ് അ​സി​സ്റ്റ​ന്‍റ് മാ​ർ, ക്ലീ​നിം​ഗ്, ഹൗ​സ് കീ​പ്പിം​ഗ്, ഒ​പി, കാ​ഷ് കൗ​ണ്ട​ർ, ഓ​പ്പ​റേ​ഷ​ൻ തീ​യേ​റ്റ​ർ തു​ട​ങ്ങി ആ​ശു​പ​ത്രി​യി​ലെ വി​വി​ധ മേ​ഖ​ല​ക​ളി​ൽ ജോ​ലി ചെ​യ്യു​ന്ന ക​രാ​ർ തൊ​ഴി​ലാ​ളി​ക​ൾ​ക്കാ​ണ് ശ​മ്പ​ളം മു​ട​ങ്ങി​യ​ത്. മു​മ്പും ഇ​ത് പോ​ലെ ശ​മ്പ​ളം മു​ട​ക്കി​യി​ട്ടു​ണ്ട്.​ മാ​സ​ങ്ങ​ൾ ക​ഴി​ഞ്ഞാ​ണ് പി​ന്നീ​ട് ശ​മ്പ​ളം നൽകി​യി​ട്ടു​ള്ള​ത്.