മങ്കൊമ്പ്: കേരള കോൺഗ്രസ്-എം കുട്ടനാട് നിയോജക മണ്ഡലം കമ്മിറ്റിയുടെ ആഭിമുഖ്യത്തിൽ പ്രമുഖ കർഷകനേതാവും കുട്ടനാട്ടിലെ എംഎൽഎയും മന്ത്രിയുമായിരുന്ന ഇ. ജോൺ ജേക്കബ്് അനുസ്മരണം നടത്തി. 44-ാം ചരമവാർഷികദിനത്തോടനുബന്ധിച്ചു നടന്ന സമ്മേളനം കേരള കോൺഗ്രസ്-എം ജില്ലാ പ്രസിഡന്‍റ് വി.സി. ഫ്രാൻസിസ് ഉദ്ഘാടനം ചെയ്തു.
നെല്ലിന്‍റെ നിലവിലുള്ള ഹാൻഡ്‌ലിംഗ് ചാർജ് 12 രൂപയിൽനിന്ന് 150 രൂപയായി വർധിപ്പിക്കണമെന്ന് അദ്ദേഹം ആവശ്യപ്പെട്ടു. നിയോജക മണ്ഡലം പ്രസിഡന്‍റ് ജോണി പത്രോസ് അധ്യക്ഷത വഹിച്ചു. ബിനു ഐസക് രാജു, ജോസഫുകുട്ടി തുരുത്തേൽ, ജോസഫ് കെ. നെല്ലുവേലി, എം.എ. ചാക്കോ, ജോണിച്ചൻ മണലിൽ, ജോജി ജെ. വയലപ്പള്ളി, കെ.പി. കുഞ്ഞുമോൻ തുടങ്ങിയവർ പ്രസംഗിച്ചു.
പേവിഷ പ്രിരോധ വാക്‌സിൻ ക്യാമ്പ്
മങ്കൊമ്പ്: മുട്ടാർ പഞ്ചായത്തിൽ വീടുകളിൽ വളർത്തുന്ന നായ്ക്കൾക്കുള്ള പ്രതിരോധ വാക്‌സിൻ കുത്തിവയ്പ് ഇന്നുമുതൽ നടക്കും. വിവിധ വാർഡുകളിലെ വാക്‌സിനേഷൻ കേന്ദ്രങ്ങളും തീയതിയും. 28ന് -വാർഡ് ഒന്ന്, രണ്ട്, മൂന്ന്, 11, 12, 13 മിത്രക്കരി ദേവിക്ഷേത്രത്തിനു സമീപം. 29ന്- വാർഡ് നാല്, അഞ്ച്, ആറ്, ഏഴ്, എട്ട്, ഒൻപത്, 10 മുട്ടാർ വെറ്റിനറി ഡിസ്പൻസറി. രാവിലെ 10.30 മുതൽ ഒന്നു വരെയാകും കേന്ദ്രങ്ങൾ പ്രവർത്തിക്കുക.