കാ​ഞ്ഞി​ര​പ്പ​ള്ളി പ​ഴ​യ​പ​ള്ളി ടൗ​ൺ പ്ര​ദ​ക്ഷി​ണം ഇ​ന്ന്
Sunday, January 29, 2023 10:43 PM IST
കാ​ഞ്ഞി​ര​പ്പ​ള്ളി: പ​ഴ​യ​പ​ള്ളി മേ​ജ​ർ ആ​ർ​ക്കി എ​പ്പി​സ്കോ​പ്പ​ൽ തീ​ർ​ഥാ​ട​ന കേ​ന്ദ്ര​ത്തി​ലെ പ​രി​ശു​ദ്ധ ക​ന്യ​കാ​മ​റി​യ​ത്തി​ന്‍റെ​യും വി​ശു​ദ്ധ സെ​ബ​സ്ത്യാ​നോ​സി​ന്‍റെ​യും സം​യു​ക്ത തി​രു​നാ​ളി​നോ​ട​നു​ബ​ന്ധി​ച്ച് ന​ട​ത്തു​ന്ന ച​രി​ത്ര​പ്ര​സി​ദ്ധ​മാ​യ ടൗ​ൺ പ്ര​ദ​ക്ഷി​ണം ഇ​ന്ന് ന​ട​ക്കും. വൈ​കു​ന്നേ​രം ആ​റി​ന് പു​ളി​മാ​വി​ൽനി​ന്നു​ള്ള ക​ഴു​ന്ന് പ്ര​ദ​ക്ഷി​ണം പ​ള്ളി​യി​ലെ​ത്തും. തു​ട​ർ​ന്ന് 6.15ന് ​പ​ഴ​യ​പ​ള്ളി​യി​ൽനി​ന്നാ​രം​ഭി​ക്കു​ന്ന പ്ര​ദ​ക്ഷി​ണം ക​ത്തീ​ഡ്ര​ൽ റോ​ഡു​വ​ഴി കു​രി​ശു​ങ്ക​ൽ ജം​ഗ്ഷ​നി​ലെ​ത്തി ടൗ​ണ്‍ ചു​റ്റി പ​ള്ളി​യി​ലെ​ത്തി​ച്ചേ​രും. വി​വി​ധ​യി​ട​ങ്ങ​ളി​ൽ ല​ദീ​ഞ്ഞും പ്ര​ത്യേ​ക പ്രാ​ർ​ഥ​ന​ക​ളും ന​ട​ത്തും.
പ്ര​ദ​ക്ഷി​ണ​ത്തെ വ​ര​വേ​ൽ​ക്കാ​ൻ നാ​ടും ന​ഗ​ര​വും ഒ​രു​ങ്ങി​ക്ക​ഴി​ഞ്ഞു. ക​ട​ക​ളും സ്ഥാ​പ​ന​ങ്ങ​ളും വൈ​ദ്യു​ത ദീ​പാ​ല​ങ്കാ​ര​ങ്ങ​ളാ​ലും കൊ​ടി​തോ​ര​ണ​ങ്ങ​ളാ​ലും അ​ലം​കൃ​ത​മാ​യി​. നാ​നാ​ജാ​തി മ​ത​സ്ഥ​രാ​യ പ​തി​നാ​യി​ര​ക്ക​ണ​ക്കി​നു പേ​ര്‍ പ​ങ്കെ​ടു​ക്കു​ന്ന പ്ര​ദ​ക്ഷി​ണ​ത്തെ നി​ര​വ​ധി പ്ലോ​ട്ടു​ക​ളും ആ​യി​ര​ക്ക​ണ​ക്കി​ന് മു​ത്തു​ക്കു​ട​ക​ളും ചെ​ണ്ട​മേ​ള​വും ബാ​ന്‍​ഡ് മേ​ള​വും വ​ര്‍​ണാ​ഭ​മാ​ക്കും.
പ്ര​ദ​ക്ഷി​ണ​ത്തി​ന് ഏ​റ്റ​വും മി​ക​ച്ച ടൗ​ൺ അ​ല​ങ്കാ​ര​ത്തി​നും ക​ട അ​ല​ങ്കാ​ര​ത്തി​നും സ​മ്മാ​ന​വും ഏ​ർ​പ്പെ​ടു​ത്തി​യി​ട്ടു​ണ്ട്. കോ​വി​ഡ് ഭീ​തി​ക്കു​ശേ​ഷം എ​ത്തു​ന്ന തി​രു​നാ​ളാ​യ​തി​നാ​ൽ ഇ​ക്കു​റി വ​ൻ ഭ​ക്ത​ജ​ന​ത്തി​ര​ക്കാ​ണ് തി​രു​നാ​ൾ ദി​ന​ങ്ങ​ളി​ൽ പ​ഴ​യ​പ​ള്ളി​യി​ൽ അ​നു​ഭ​വ​പ്പെ​ടു​ന്ന​ത്.

Copyright @ 2022 , Rashtra Deepika Ltd.