യുവാവിനെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ ഒരാള്‍ അറസ്റ്റില്‍ : Deepika.com Nattu Visesham

KOTTAYAM

യുവാവിനെ ആക്രമിച്ച് കൊലപ്പെടുത്താന്‍ ശ്രമിച്ച കേസില്‍ ഒരാള്‍ അറസ്റ്റില്‍

Wednesday, May 8, 2024 7:21 AM IST

ചങ്ങനാശേരി: ബാറിൽവച്ച് യുവാവിനെ കമ്പിവടി കൊണ്ട് ആക്രമിച്ചു കൊലപ്പെടുത്താന്‍ ശ്രമിച്ച കേസില്‍ ഒരാളെ പോലീസ് അറസ്റ്റ് ചെയ്തു. ചെത്തിപ്പുഴ വെരൂര്‍ റെയില്‍വേ ക്രോസ് ഭാഗത്ത് പുതുശേരി വീട്ടില്‍ പി.ജെ. ജയേഷി (31) നെയാണ് ചങ്ങനാശേരി പോലീസ് അറസ്റ്റ് ചെയ്തത്.

ഇയാള്‍ കഴിഞ്ഞ ദിവസം രാത്രി 10ന് പാലാത്തറ ഭാഗത്ത് പ്രവര്‍ത്തിക്കുന്ന ബാറില്‍ എത്തിയ പെരുന്ന സ്വദേശിയായ യുവാവിനെ ചീത്തവിളിക്കുകയും കൈയില്‍ കരുതിയിരുന്ന കമ്പിവടി കൊണ്ട് തലയ്ക്കും കാലിനും അടിച്ച് കൊലപ്പെടുത്താന്‍ ശ്രമിക്കുകയുമായിരുന്നു.

ഒരാഴ്ച മുന്‍പ് ഇതേ സ്ഥലത്തുവച്ച് ഇരുവരും തമ്മില്‍ വാക്കുതര്‍ക്കം നടന്നിരുന്നു. ഇതിന്‍റെ തുടര്‍ച്ചയെന്നോണമാണ് യുവാവിനെ ആക്രമിച്ചതെന്ന് പോലീസ് പറഞ്ഞു. സംഭവത്തിനുശേഷം ഇയാള്‍ സ്ഥലത്തുനിന്ന് കടന്നു കളയുകയും ചെയ്തു. പരാതിയെത്തുടര്‍ന്ന് ചങ്ങനാശേരി പോലീസ് കേസ് രജിസ്റ്റര്‍ ചെയ്യുകയും ഇയാളെ അറസ്റ്റ് ചെയ്യുകയുമായിരുന്നു.

ചങ്ങനാശേരി സ്റ്റേഷന്‍ എസ്‌ഐ എം. ജയകൃഷ്ണന്‍, എഎസ്‌ഐ പി.എസ്. രതീഷ്, സിപിഒ മാരായ ഡെന്നി ചെറിയാന്‍, ബി. അനില്‍കുമാര്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.