പാ​ലാ: കെ.​എം. മാ​ണി സ്മാ​ര​ക ഗ​വ. ജ​ന​റ​ല്‍ ആ​ശു​പ​ത്രി​യി​ല്‍ ഇ-​ഹെ​ല്‍​ത്ത് പ​ദ്ധ​തി ന​ട​പ്പാ​ക്കി. രോ​ഗി​ക​ള്‍ ഒ​പി ചീ​ട്ട് എ​ടു​ക്കു​വാ​ന്‍ വ​ള​രെ​യേ​റെ സ​മ​യം കാ​ത്തു​നി​ല്‍​ക്കേ​ണ്ടി വ​ന്നി​രു​ന്ന സാ​ഹ​ച​ര്യ​മാ​ണ് ഇ​തോ​ടെ ഒ​ഴി​വാ​കു​ന്ന​ത്. പ​ക​ര്‍​ച്ച​പ്പ​നി​യു​ള്‍​പ്പെ​ടെ വ്യാ​പ​ക​മാ​കു​മ്പോ​ള്‍ ദി​വ​സേ​ന നി​ര​വ​ധി​പ്പേ​രാ​ണ് ചി​കി​ത്സ​തേ​ടി എ​ത്തു​ന്ന​ത്. ഒ​പി ര​ജി​ട്രേ​ഷ​നു​വേ​ണ്ടി കൗ​ണ്ട​റി​നു മു​ന്നി​ല്‍ വ​ലി​യ ക്യൂ​വാ​ണ് പ​ല​പ്പോ​ഴും ഉ​ണ്ടാ​വു​ന്ന​ത്. ഇ​തി​നു പ​രി​ഹാ​ര​മാ​ണ് ഇ-​ഹെ​ല്‍​ത്ത് ര​ജി​സ്‌​ട്രേ​ഷ​ന്‍ സം​വി​ധാ​നം.

നേ​രി​ട്ടും വെ​ബ് സൈ​റ്റ് വ​ഴി​യും ഡോ​ക്ട​റു​മാ​യു​ള്ള കൂ​ടി​കാ​ഴ്ച്ച​യ്ക്കു സ​മ​യം മു​ന്‍​കൂ​ര്‍ നി​ശ്ച​യി​ക്കാം. ചി​കി​ത്സാ​രേ​ഖ​ക​ള്‍ കൊ​ണ്ടു ന​ട​ക്കേ​ണ്ട​തു​മി​ല്ല.​മെ​ഡി​ക്ക​ല്‍ കോ​ള​ജ് ആ​ശു​പ​ത്രി മു​ത​ല്‍ ഇ-​ഹെ​ല്‍​ത്ത് സൗ​ക​ര്യം ല​ഭ്യ​മാ​യ എ​ല്ലാ സ​ര്‍​ക്കാ​ര്‍ ആ​ശു​പ​ത്രി​ക​ളി​ലേ​ക്കും വീ​ട്ടി​ലി​രു​ന്ന് ഒ​പി ടി​ക്ക​റ്റ് എ​ടു​ത്ത് സ​മ​യം മു​ന്‍​കൂ​ര്‍ നി​ശ്ച​യി​ക്കാം. ഇ​തി​നാ​യി ഏ​കീ​കൃ​ത ആ​രോ​ഗ്യ തി​രി​ച്ച​റി​യ​ല്‍ ന​മ്പ​ര്‍ (യു​എ​ച്ച്‌​ഐ​ഡി) ല​ഭ്യ​മാ​ക്കേ​ണ്ട​തു​ണ്ട്.

ഇ-​ഹെ​ല്‍​ത്ത് കേ​ര​ള വെ​ബ്സൈ​റ്റ് വ​ഴി​യും യു​എ​ച്ച്‌​ഐ​ഡി ന​മ്പ​ര്‍ എ​ടു​ക്കാം. ചി​കി​ത്സാ രേ​ഖ​ക​ളും രോ​ഗി​ക​ള്‍​ക്ക് ഇ​തു​വ​ഴി എ​ടു​ക്കു​വാ​ന്‍ ക​ഴി​യും.

മ​ഴ​ക്കാ​ലം ആ​രം​ഭി​ച്ച​തോ​ടെ പ​നി​ബാ​ധി​ത​രു​ടെ എ​ണ്ണം വ​ര്‍​ധി​ച്ച​തു​വ​ഴി ആ​ശു​പ​ത്രി​യി​ല്‍ ചി​കി​ത്സ തേ​ടു​ന്ന​വ​രു​ടെ എ​ണ്ണം വ​ര്‍​ധി​ക്കു​ക​യും ഒ​പി ടി​ക്ക​റ്റി​നാ​യു​ള്ള കാ​ത്തി​രി​പ്പ് നീ​ളു​ക​യും ചെ​യ്യു​ന്ന സാ​ഹ​ച​ര്യ​ത്തി​ല്‍ അ​ടി​യ​ന്തി​ര ഇ​ട​പെ​ട​ല്‍ ആ​വ​ശ്യ​പ്പെ​ട്ട് ന​ഗ​ര​സ​ഭാ ചെ​യ​ര്‍​മാ​ന്‍ ഷാ​ജു തു​രു​ത്ത​ന്‍, കൗ​ണ്‍​സി​ല​ര്‍​മാ​രാ​യ ബി​ജി ജോ​ജോ, ബൈ​ജു കൊ​ല്ലം​പ​റ​മ്പി​ല്‍, മാ​നേ​ജിം​ഗ് ക​മ്മി​റ്റി അം​ഗ​ങ്ങ​ളാ​യ ബി​ജു പാ​ലൂ​പ​ട​വി​ല്‍, ജ​യ്‌​സ​ണ്‍ മാ​ന്തോ​ട്ടം, ഷാ​ര്‍​ളി മാ​ത്യു എ​ന്നി​വ​ര്‍ ആ​ശു​പ​ത്രി അ​ധി​കൃ​ത​രു​മാ​യി ച​ര്‍​ച്ച ന​ട​ത്തി​യി​രു​ന്നു.

ര​ണ്ടു വ​ര്‍​ഷ​മാ​യി ഇ-​ഹെ​ല്‍​ത്ത് പ​ദ്ധ​തി ന​ട​പ്പാ​ക്കു​ന്ന​തി​നു​ള്ള ന​ട​പ​ടി​ക​ള്‍ ന​ട​ന്നു​വ​രി​ക​യാ​യി​രു​ന്നു.​നാ​ല്പ​തി​ല്‍​പ്പ​രം കം​പ്യൂ​ട്ട​റു​ക​ളാ​ണ് വി​വി​ധ വി​ഭാ​ഗ​ങ്ങ​ളി​ല്‍ ഇ​തി​നാ​യി സ​ജ്ജീ​ക​രി​ച്ചി​രി​ക്കു​ന്ന​ത്. ഫാ​ര്‍​മ​സി​യും ലാ​ബും ഈ ​സം​വി​ധാ​ന​ത്തി​ല്‍ ഉ​ള്‍​പ്പെ​ടു​ത്തി​യി​ട്ടു​ണ്ട്. പ​രീ​ക്ഷ​ണാ​ര്‍​ഥ​മാ​ണ് ഇ​പ്പോ​ള്‍ ഇ​തി​ന്‍റെ പ്ര​വ​ര്‍​ത്ത​നം. ഈ ​സം​വി​ധാ​ന​വു​മാ​യി എ​ല്ലാ വി​ഭാ​ഗം ജീ​വ​ന​ക്കാ​രും പ​രി​ച​യ​പ്പെ​ടേ​ണ്ട​തു​ണ്ട്. കെ​ല്‍​ട്രോ​ണാ​ണ് ഇ​തി​നു​ള്ള നെ​റ്റ്‌​വ​ര്‍​ക്ക് സം​വി​ധാ​നം സ്ഥാ​പി​ച്ച​ത്.

ആ​ശു​പ​ത്രി​യി​ല്‍ ര​ജി​സ്‌​ട്രേ​ഷ​ന് സൗ​ക​ര്യം

ജ​ന​റ​ല്‍ ആ​ശു​പ​ത്രി​യി​ല്‍ ചി​കി​ത്സ തേ​ടു​ന്ന എ​ല്ലാ രോ​ഗി​ക​ള്‍​ക്കും ഇ-​ഹെ​ല്‍​ത്ത് സൗ​ക​ര്യ​ത്തി​നു​ള്ള യു​ണീ​ക് ഹെ​ല്‍​ത്ത് ഐ​ഡി ന​മ്പ​റി​നാ​യി (യു​എ​ച്ച്‌​ഐ​ഡി) ര​ജി​സ്റ്റ​ര്‍ ചെ​യ്യു​ന്ന​തി​ന് ഒ​പി കൗ​ണ്ട​റി​ല്‍ സൗ​ക​ര്യം ല​ഭ്യ​മാ​ക്കി​യി​ട്ടു​ള്ള​താ​യി ആ​ശു​പ​ത്രി സൂ​പ്ര​ണ്ട് ഡോ. ​ടി.​പി. അ​ഭി​ലാ​ഷ് അ​റി​യി​ച്ചു.

ആ​ധാ​ര്‍ ന​മ്പ​രും ഇ​തു​മാ​യി ലി​ങ്ക് ചെ​യ്ത ഫോ​ണു​മാ​യി ഒ​പി കൗ​ണ്ട​റി​ല്‍ എ​ത്തി​യാ​ല്‍ യു​എ​ച്ച്‌​ഐ​ഡി ന​മ്പ​ര്‍ ഏ​വ​ര്‍​ക്കും ല​ഭ്യ​മാ​ക്കും. വി​വി​ധ ചി​കി​ത്സാ വി​ഭാ​ഗ​ങ്ങ​ളി​ല്‍ സേ​വ​നം ഉ​റ​പ്പു​വ​രു​ത്തു​ന്ന​തി​നാ​യി ആ​ര്‍​എം​ഒ​മാ​രാ​യ ഡോ. ​എം. അ​രു​ണ്‍, ഡോ. ​രേ​ഷ്മ എ​ന്നി​വ​രു​ടെ നേ​തൃ​ത്വ​ത്തി​ല്‍ നി​രീ​ക്ഷ​ണ​വും ഏ​ര്‍​പ്പെ​ടു​ത്തി​യി​ട്ടു​ണ്ട്.