ADVERTISEMENT

ADVERTISEMENT

ദീപിക തീവ്രപ്രചാരണം : ഡിഎഫ്‌സി തൃക്കൊടിത്താനം ഫൊറോനാതല ഉദ്ഘാടനം നടത്തി

തൃക്കൊടിത്താനം: സമുദായ ശക്തീകരണ വര്‍ഷാചരണത്തിന്‍റെ ഭാഗമായി ദീപിക തീവ്രപ്രചാരണത്തിന്‍റെ ഡിഎഫ്‌സി തൃക്കൊടിത്താനം ഫൊറോനാ തല ഉദ്ഘാടനം ഡയറക്ടര്‍ ഫാ. ജോമോന്‍ കടപ്രാക്കുന്നേലും അതിരൂപത പ്രസിഡന്‍റ് ആന്‍റണി തോമസ് മലയിലും ചേര്‍ന്ന് ദീപിക പത്രം ജോജി പുതുക്കളത്തിന് നല്‍കി നിര്‍വഹിച്ചു.

ഫൊറോന പ്രസിഡന്‍റ് ജോഷി കൊല്ലാപുരം അധ്യക്ഷത വഹിച്ചു. ആനിമേറ്റര്‍ സിസ്റ്റര്‍ ലിന്‍സിയ സിഎംസി, വനിത പ്രസിഡന്‍റ് സാലിമ്മ ജോസഫ്, സെക്രട്ടറിമാരായ കെ.എം. തോമസ്, സിസി അമ്പാട്ട്, കെ.എ. ജോര്‍ജ്, റീന സാബു, ജോളി ജോസഫ്, കെ.ടി. മാത്യു, ജോജോ ജോസഫ്, ബിജിമോള്‍ ജോണ്‍കുട്ടി, പി.പി. ജോസഫ്, അമല്‍ സാബു എന്നിവര്‍ പ്രസംഗിച്ചു.

ADVERTISEMENT

സങ്കേതം ഓഡിറ്റോറിയം നാടിനു സമര്‍പ്പിച്ചു

കൂനന്താനം: വാഴപ്പള്ളി പഞ്ചായത്ത് 2021-22 പദ്ധതിയില്‍ 13 ലക്ഷം രൂപ മുടക്കി നിര്‍മാണം പൂര്‍ത്തിയാക്കിയ സങ്കേതം ഓഡിറ്റോറിയത്തിന്‍റെ ഉദ്ഘാടനം പ്രസിഡന്‍റ് മിനി വിജയകുമാര്‍ നിര്‍വഹിച്ചു. വാര്‍ഡ് മെമ്പര്‍ പി.എസ്. ഷാജഹാന്‍ അധ്യക്ഷത വഹിച്ചു. വൈസ് പ്രസിഡന്‍റ് സഷിന്‍ തലക്കുളം മുഖ്യപ്രഭാഷണം നടത്തി. ലാലിമ്മ ടോമി, ഷേര്‍ളി തോമസ്, ബിനു മൂലയില്‍, ജസ്റ്റിന്‍ തോമസ്, സെക്രട്ടറി എം.ജി. ബിനോയി എന്നിവര്‍ പ്രസംഗിച്ചു.

കാട്ടുപന്നിശല്യം: മാടപ്പള്ളി പഞ്ചായത്ത് ഓഫീസിനു മുമ്പില്‍ കര്‍ഷക ഉപരോധം

മാടപ്പള്ളി: മാടപ്പള്ളി പഞ്ചായത്തിലെ കൃഷിയിടങ്ങള്‍ നശിപ്പിക്കുന്ന കാട്ടുപന്നികളെ വകവരുത്താന്‍ പഞ്ചായത്ത് നടപടി സ്വീകരിക്കണമെന്നാവശ്യപ്പെട്ട് മാടപ്പള്ളി വികസന സമിതിയുടെ നേതൃത്വത്തില്‍ പഞ്ചായത്ത് പടിക്കല്‍ നടന്ന പ്രതിഷേധ ധര്‍ണ കേരളകോണ്‍ഗ്രസ് ഉന്നതാധികാരസമിതിയംഗം വി.ജെ. ലാലി ഉദ്ഘാടനം ചെയ്തു. കൃഷികള്‍ നശിപ്പിക്കുന്ന പന്നികളെ തുരത്താന്‍ പഞ്ചായത്ത് അടിയന്തര നടപടി സ്വീകരിക്കണമെന്ന് അദ്ദേഹം ആവശ്യപ്പെട്ടു. സമിതി പ്രസിഡന്‍റ് ബാബു കുട്ടന്‍ചിറ അധ്യക്ഷത വഹിച്ചു. പി.എച്ച്. നാസര്‍, മിനി കെ. ഫിലിപ്പ്, സൈന തോമസ്, വി.വി. വിനയകുമാര്‍, ജിന്‍സണ്‍ മാത്യു, ജോര്‍ജുകുട്ടി കൊഴുപ്പക്കുളം, ജയിംസ് പതാരംചിറ, ഷിബു എഴുപുഞ്ചയില്‍, റോസ്‌ലിന്‍ ഫിലിപ്പ്, സോമിനി ബാബു, സേവ്യര്‍ ജേക്കബ്, സെലിന്‍ ബാബു, ജോമി ജോസഫ്, കെ.എന്‍ രാജന്‍, അഭിഷേക് ബിജു എന്നിവര്‍ പ്രസംഗിച്ചു.

ചങ്ങനാശേരി നഗരത്തില്‍ സിഎന്‍ജി പ്ലാന്‍റിനു പദ്ധതി

ചങ്ങനാശേരി: നഗരസഭയുടെ നേതൃത്വത്തില്‍ ഫാത്തുമാപുരം മാലിന്യസംസ്‌കരണ പ്ലാന്‍റിനു സമീപം സിഎന്‍ജി പ്ലാന്‍റ് സ്ഥാപിക്കുന്ന നടപടികള്‍ പുരോഗതിയില്‍. പ്ലാന്‍റിന് ലോകബാങ്കിന്‍റെ അന്തിമ അംഗീകാരം ലഭിച്ചു. ഇനി പദ്ധതിയുടെ ടെന്‍ഡര്‍ നടപടികളിലേക്കു നീങ്ങും. ലോകബാങ്കിന്‍റെ സഹായത്തോടെ കേരള സോളിഡ് വേസ്റ്റ്മാനേജ്മെന്‍റ് പ്രോജക്ട് മുഖാന്തിരമാണ് പദ്ധതി നടപ്പാക്കുന്നത്. ദിനംപ്രതി മുപ്പതു ടണ്‍ ജൈവമാലിന്യം സംസ്‌കരിച്ച് ഇന്ധനമാക്കാവുന്ന സംഭരണശേഷിയോടുകൂടിയ പ്ലാന്‍റിനുള്ള പദ്ധതിയാണ് വിഭാവനം ചെയ്യുന്നത്. നഗരപരിധിയിലെ വീടുകള്‍, ഹോട്ടലുകള്‍, മറ്റ് വ്യാപാരസ്ഥാപനങ്ങള്‍ എന്നിവിടങ്ങളില്‍നിന്നു പ്ലാന്‍റിലെത്തിക്കുന്ന ജൈവമാലിന്യം സംസ്‌കരിച്ച് കംപ്രസ്ഡ് നാച്യുറല്‍ ഗ്യാസും(സിഎന്‍ജി) വളവുമാക്കി മാറ്റുന്ന പദ്ധതിയാണിത്. പൂന മുനിസിപ്പല്‍ കോര്‍പറേഷനില്‍ ചങ്ങനാശേരി നഗരസഭാ ചെയര്‍പേഴ്സന്‍ കൃഷ്ണകുമാരി രാജശേഖരന്‍, വൈസ്‌ചെയര്‍മാന്‍ മാത്യൂസ് ജോര്‍ജ് എന്നിവരുടെ നേതൃത്വത്തിലുള്ള സംഘം സന്ദര്‍ശിച്ച് പഠനറിപ്പോര്‍ട്ട് ലോകബാങ്ക് പ്രതിനിധികള്‍ക്കു കൈമാറിയിട്ടുണ്ട്. 23.75കോടി രൂപയുടെ പദ്ധതിയാണ്. വായ്പയെടുക്കുന്നതിനായി ലോകബാങ്കിന്‍റെ അംഗീകാരത്തിനായി പ്രോജക്ടും സമര്‍പ്പിച്ചിട്ടുണ്ട്. ഫാത്തിമാപുരത്ത് രണ്ടര ഏക്കര്‍ സ്ഥലം പദ്ധതിക്കായി നഗരസഭ വിട്ടുകൊടുക്കും. സിഎൻജി വില്പനയിലൂടെ വരുമാന പ്രതീക്ഷ ഉത്പാദിപ്പിക്കപ്പെടുന്ന ബയോ കംപ്രസ്ഡ് നാച്യുറല്‍ ഗ്യാസ് വാഹനങ്ങള്‍ക്ക് ഇന്ധനമായി വില്പന നടത്തി വലിയ വരുമാനം നഗരസഭ പ്രതീക്ഷിക്കുന്നു. ഉപഉത്പന്നമായ ജൈവവളം കര്‍ഷകര്‍ക്ക് കുറഞ്ഞ വിലയില്‍ ലഭ്യമാക്കാനും ലക്ഷ്യമിടുന്നു. നഗരസഭ ജൈവമാലിന്യം തികയാതെ വന്നാല്‍ മാടപ്പള്ളി, തൃക്കൊടിത്താനം, പായിപ്പാട്, കുറിച്ചി, വാഴപ്പള്ളി പഞ്ചായത്തുകളില്‍നിന്നു മാലിന്യം സംഭരിക്കാന്‍ നഗരസഭ പദ്ധതിയിട്ടിട്ടുണ്ട്. കൃഷ്ണകുമാരി രാജശേഖരന്‍ ചങ്ങനാശേരി മുനിസിപ്പല്‍ ചെയര്‍പേഴ്സണ്‍ 23.75 കോടി രൂപയുടെ പദ്ധതി 23.75കോടി രൂപ ചെലവു പ്രതീക്ഷിക്കുന്ന പദ്ധതിയില്‍നിന്ന് 4.75കോടി രൂപ വാര്‍ഷിക വരുമാനം പ്രതീക്ഷിക്കുന്നുണ്ട്. പദ്ധതി നിര്‍വഹണത്തിന് ആവശ്യമായ തുകമുഴുവന്‍ ലോകബാങ്കില്‍നിന്നു വായ്പയെടുക്കും. ബില്‍ഡ് ആൻഡ് ഓപ്പറേറ്റിംഗ് സംവിധാനത്തില്‍ നടപ്പിലാക്കാനാണ് ഉദ്ദേശ്യം. മാത്യൂസ് ജോര്‍ജ് മുനിസിപ്പല്‍ വൈസ്ചെയര്‍മാന്‍ ചങ്ങനാശേരി നഗരസഭ ചങ്ങനാശേരിക്ക് അഭിമാനാർഹമായ പദ്ധതി നഗരത്തിലെ ജൈവമാലിന്യ സംസ്‌കരണത്തിനൊപ്പം ബയോ കംപ്രസ്ഡ് നാച്യുറല്‍ ഗ്യാസ് ഉത്പാദനവും സാക്ഷാത്കരിക്കപ്പെടും. സിഎന്‍ജി നടപ്പായാല്‍ ചങ്ങനാശേരിക്ക് അഭിമാനാര്‍ഹമായ പദ്ധതിയാകും. എല്‍സമ്മ ജോബ് ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍പേഴ്‌സണ്‍ ഫാത്തിമാപുരം നിവാസികള്‍ക്ക് ആശങ്ക നഗരസഭയുടെ നേതൃത്വത്തില്‍ ഫാത്തിമാപുരത്ത് സിഎന്‍ജി പ്ലാന്‍റ് സ്ഥാപനം സംബന്ധിച്ച് വാര്‍ഡ് കൗണ്‍സിലര്‍ എന്ന നിലയില്‍ അറിയിച്ചിട്ടില്ല. ജനസാന്ദ്രത കൂടുതലുള്ളതും ആളുകള്‍ തിങ്ങിവസിക്കുന്നതുമായ സ്ഥലമാണ്. പ്ലാന്‍റ് സംബന്ധിച്ച് ജനങ്ങളുടെ ആശങ്ക നഗരസഭാ സെക്രട്ടറിയെ കത്തിലൂടെ അറിയിച്ചിട്ടുണ്ട്. പദ്ധതി സംബന്ധിച്ച് ബോധവത്കരണം നടത്തി ജനങ്ങളുടെ ആശങ്ക ദുരീകരിക്കണം. സിഎന്‍ജി പ്ലാന്‍റിന്‍റെ പ്രവര്‍ത്തനത്തിന് ദിനംപ്രതി മുപ്പതു ടണ്ണോളം മാലിന്യംവേണം. പദ്ധതി കാര്യക്ഷമമമായി പ്രവര്‍ത്തിച്ചില്ലെങ്കില്‍ നഗരസഭ ഉദ്ദേശിക്കുന്ന ലക്ഷ്യം കാണാനാവില്ലെന്നു മാത്രമല്ല ഫാത്തിമാപു രം ഡമ്പിംഗ് കേന്ദ്രവുമാകും. മോളമ്മ സെബാസ്റ്റ്യന്‍ 16-ാം വാര്‍ഡ് (ഫാത്തിമാപുരം നോര്‍ത്ത്) കൗണ്‍സിലര്‍ ചങ്ങനാശേരി നഗരസഭ

വാര്‍ധക്യത്തില്‍ ഒറ്റപ്പെട്ട തങ്കമ്മയ്ക്കു നിത്യസഹായകന്‍റെ അമ്മവീട്

കടുത്തുരുത്തി: വാര്‍ധക്യത്തില്‍ ഒറ്റപ്പെട്ടുപോയ തങ്കമ്മയ്ക്കു സഹായമൊരുക്കി നിത്യസഹായകന്‍റെ അമ്മവീട്. കല്ലറ പഞ്ചായത്തിലെ രണ്ടാം വാര്‍ഡില്‍ എടാട്ടുപറമ്പില്‍ വീട്ടിലെ താമസക്കാരിയായ തങ്കമ്മ (85) വാര്‍ധക്യസഹജമായ അസുഖങ്ങളാല്‍ ഒറ്റപ്പെട്ട അവസ്ഥയിലായിരുന്നു. ആരും സംരക്ഷിക്കാനും നോക്കാനുമില്ലാത്തതിനാല്‍ തങ്കമ്മ തന്‍റെ ദൈന്യാവസ്ഥ പഞ്ചായത്ത് പ്രസിഡന്‍റ് ജോണി തോട്ടുങ്കലിനെ അറിയിച്ചു. ഈ വിവരങ്ങള്‍ നിത്യസഹായകന്‍ അധികാരികളെ അറിയിച്ച പഞ്ചായത്ത് അധികാരികള്‍ തങ്കമ്മയെ അമ്മവീട്ടില്‍ ഏറ്റെടുക്കാമോയെന്ന അഭ്യര്‍ഥന നിത്യസഹായകന്‍ സ്വീകരിച്ചു. തങ്കമ്മയെ നാട്ടുകാരുടെ സാന്നിധ്യത്തില്‍ പ്രസിഡന്‍റ് ജോണി തോട്ടുങ്കലില്‍നിന്നു നിത്യസഹായകന്‍ പ്രസിഡന്‍റ് അനില്‍ ജോസഫ്, അമ്മവീട് സെക്രട്ടറി വി.കെ. സിന്ധു, രക്ഷാധികാരി തോമസ് അഞ്ചില്‍ എന്നിവരുടെ നേതൃത്വത്തില്‍ സ്വീകരിച്ചു. അര്‍ജുന്‍ തൈക്കൂട്ടത്തില്‍, കെ.കെ. സുരേന്ദ്രന്‍, ക്ലാരമ്മ ബാബു, റൂബി തോമസ് കുര്യന്തടം, വിജു നായര്‍, വി.കെ. രാജപ്പന്‍ എന്നിവരും തങ്കമ്മയെ ഏറ്റെടുക്കാനെത്തിയിരുന്നു. അമ്മവീട്ടിലെത്തിയ തങ്കമ്മയെ നഴ്സിംഗ് ചാര്‍ജുമാരായ റീത്ത ജയ്‌സണ്‍, സൗമ്യ, ജയശ്രീ സുരേന്ദ്രന്‍ എന്നിവര്‍ പൂച്ചെണ്ട് നല്‍കി സ്വീകരിച്ചു.

ഇടത്തിൽതോട് നവീകരണത്തിന് 20 ലക്ഷം: മന്ത്രി റോഷി അഗസ്റ്റിൻ

വൈക്കം: വൈക്കം നഗരസഭ എട്ടാം വാർഡിലെ ഇടത്തിൽതോട് ആഴംകൂട്ടി സംരക്ഷണഭിത്തി നിർമിക്കുന്നതിന് 20 ലക്ഷം രൂപ അനുവദിച്ചു. ഒന്നാംഘട്ട പ്രവർത്തനങ്ങൾക്കാണ് ഈ തുക അനുവദിച്ചത്. നിർമാണപ്രവർത്തനങ്ങൾ ഉടൻ ആരംഭിക്കും. വാർഡ് കൗൺസിലർ ‌ഏബ്രഹാം പഴയകടവന്‍റെ നേതൃത്വത്തിൽ കേരള കോൺഗ്രസ്-എം വൈക്കം മണ്ഡലം കമ്മിറ്റി മന്ത്രി റോഷി അഗസ്റ്റിന് നൽകിയ നിവേദനത്തെത്തുടർന്നാണ് തുക അനുവദിച്ചത്. രണ്ടാം ഘട്ടത്തിൽ നിർമാണപ്രവർത്തികൾക്കായി കൂടുതൽ തുക അനുവദിക്കുമെന്നും മന്ത്രി ഉറപ്പു നൽകി. പദ്ധതി യാഥാർഥ്യമാകുന്നതോടെ നിരവധി കുടുംബങ്ങളെ വെള്ളക്കെട്ടിൽനിന്നു രക്ഷിക്കാൻ കഴിയും. മഴക്കാലമായൽ പ്രദേശത്തെ നിരവധി വീടുകൾ മാസങ്ങളോളം വെള്ളത്തിലാണ്. മന്ത്രിയുടെ നിർദേശപ്രകാരം എക്സിക്യൂട്ടീവ് എൻജിനിയർ സുമേഷ്, അസിസ്റ്റന്‍റ് എക്സിക്യൂട്ടീവ് എൻജിനിയർ മനോജ്, അസിസ്റ്റന്‍റ് എൻജിനിയർ എന്നിവരുടെ നേതൃത്വത്തിലുള്ള സംഘം ഇടത്തിൽതോട് സന്ദർശിച്ച് പ്രവർത്തികൾ വേഗത്തിൽ പൂർത്തീകരിക്കുന്നതിന് ആവശ്യമായ നിർദേശങ്ങൾ നൽകി.

കനാല്‍വശങ്ങള്‍ കയര്‍ഭൂവസ്ത്രം ധരിപ്പിക്കുന്ന പദ്ധതിക്കു തുടക്കം

കുറുപ്പന്തറ: ഓമല്ലൂര്‍ കനാല്‍ സൗന്ദര്യവത്കരണ പദ്ധതിയുടെ ഭാഗമായി മാഞ്ഞൂര്‍ പഞ്ചായത്ത് നടപ്പിലാക്കുന്ന കനാല്‍ വശങ്ങള്‍ കയര്‍ ഭൂവസ്ത്രം ധരിപ്പിക്കുന്ന പദ്ധതിക്കു തുടക്കമായി. കനാല്‍ വശങ്ങളിലുള്ള മണ്ണൊലിപ്പു തടഞ്ഞുകൊണ്ട് കനാല്‍ നീരൊഴുക്ക് സുഗമമാക്കുന്നതിനുള്ള പദ്ധതിയുടെ ഭാഗമായാണ് കനാലിന്‍റെ വശങ്ങളില്‍ കയര്‍ഭൂവസ്ത്രം ധരിപ്പിക്കുന്നത്. 1.25 കിലോ മീറ്റര്‍ ദൈര്‍ഘ്യമുള്ള പദ്ധതിപ്രദേശത്തിന്‍റെ 500 മീറ്ററോളം വരുന്ന കനാല്‍ വശങ്ങളാണ് കയര്‍ ഭൂവസ്ത്രം ചെയ്യുന്നത്. സമ്മര്‍ഗ്രീന്‍ എന്നു പേരിട്ടിരിക്കുന്ന കനാല്‍ ടൂറിസ സൗന്ദര്യവത്കരണ പദ്ധതികള്‍ ഏകോപിപ്പിക്കുന്നത് പ്രദേശവാസികളുടെ കൂട്ടായ്മയായ വീ ക്യാന്‍ സര്‍വീസ് ആന്‍ഡ് ചാരിറ്റബിള്‍ ഫൗണ്ടേഷന്‍ സംഘടനയാണ്. കയര്‍ ഭൂവസ്ത്ര പദ്ധതിയുടെ പ്രവര്‍ത്തന ഉദ്ഘാടനം, വീ ക്യാന്‍ സര്‍വീസ് ആൻഡ് ചാരിറ്റബിള്‍ ഫൗണ്ടേഷന്‍ വൈസ് പ്രസിഡന്‍റ് പ്രഫ. ഡോ. ജെയ്സണ്‍ പി. ജേക്കബിന്‍റെ അധ്യക്ഷതയില്‍ മാഞ്ഞൂര്‍ പഞ്ചായത്തംഗങ്ങളായ ചാക്കോ മത്തായിയും ലിസി ജോസും സംയുക്തമായി നടത്തി. മാഞ്ഞൂര്‍ പഞ്ചായത്ത് അസിസ്റ്റന്‍റ് എൻജിനിയര്‍ മിനി, ഓവര്‍സിയര്‍ ആതിര എന്നിവരാണ് പ്രവര്‍ത്തികള്‍ക്കു മേല്‍നോട്ടം വഹിക്കുന്നത്. കനാല്‍ പരിസരത്തു നടന്ന യോഗത്തില്‍ ഫൗണ്ടേഷന്‍ ഭാരവാഹികളായ ജോയ് പാറക്കാല, ജോണി വെങ്ങിണിക്കപ്പറമ്പില്‍, തമ്പി പുല്‍പ്ര എന്നിവര്‍ പ്രസംഗിച്ചു.

ആയാംകുടി മലപ്പുറം പള്ളിയില്‍ വിശുദ്ധ അമ്മത്രേസ്യയുടെ തിരുനാളിന് ഇന്നു കൊടിയേറും

കടുത്തുരുത്തി: ആയാംകുടി മലപ്പുറം പള്ളിയില്‍ വിശുദ്ധ അമ്മത്രേസ്യയുടെ തിരുനാളിന് ഇന്നു കൊടിയേറും. വൈകുന്നേരം 4.30ന് ജപമാല, തുടര്‍ന്ന് തിരുനാൾ കൊടിയേറ്റ്, വിശുദ്ധ കുര്‍ബാന, നൊവേന - മോണ്‍. ഡോ. ജോസഫ് കണിയോടിക്കല്‍. 6.30ന് വാഹനസമര്‍പ്പണം. നാളെ വൈകുന്നേരം 4.30ന് ജപമാല. അഞ്ചിന് സുറിയാനി പാട്ടുകുര്‍ബാന - ഫാ. സിറില്‍ തോമസ് തയ്യില്‍, സെമിത്തേരി സന്ദര്‍ശനം, ഒപ്പീസ്, സ്‌നേഹവിരുന്ന്. 7.30 ന് നാടകം - ജീവിതത്തിന് ഒരു ആമുഖം. 18ന് വൈകുന്നേരം 5.30ന് ജപമാല, ആറിന് വിശുദ്ധ കുര്‍ബാന, ലദീഞ്ഞ്-ഫാ. മാത്യു ചെന്നകുടി എസ്‌വിഡി. ആറിന് ലദീഞ്ഞ്-ഫാ. പോള്‍ ചാലാവീട്ടില്‍. തുടര്‍ന്ന് പ്രദക്ഷിണം. 8.40ന് പ്രസംഗം-റവ.ഡോ. ഏബ്രഹാം പാലയ്ക്കാതടത്തില്‍. ഒമ്പതിന് വിശുദ്ധ കുര്‍ബാനയുടെ ആശീര്‍വാദം. 19ന് രാവിലെ 5.30ന് ജപമാല, വിശുദ്ധ കുര്‍ബാന, ലദീഞ്ഞ്-ഫാ. തോമസ് ചില്ലയ്ക്കല്‍. 7.30ന് വിശുദ്ധ കുര്‍ബാന, ലദീഞ്ഞ്-റവ.ഡോ. ജോസഫ് മഠത്തിപ്പറമ്പില്‍, പത്തിന് തിരുനാള്‍ റാസ-ഫാ. സെബാസ്റ്റ്യന്‍ വേലംപറമ്പില്‍, ഫാ. മാത്യു ചെന്നകുടി എസ്‌വിഡി, സന്ദേശം-ഫാ. ജോസഫ് അരിമുറ്റത്ത്, 12.30ന് പ്രദക്ഷിണം, സമാപനാശീര്‍വാദം, തിരുശേഷിപ്പ് ചുംബനം, ആറിന് കൊടിയിറക്കല്‍. 20 മുതല്‍ 31 വരെ തീയതികളില്‍ രാവിലെ 5.30ന് ജപമാല, വിശുദ്ധ കുര്‍ബാന. 31ന് രാവിലെ ഏഴിന് അഖണ്ഡ ജപമാല. വൈകുന്നേരം 5.30ന് വിശുദ്ധ കുര്‍ബാന, ഏഴിന് ജപമാല പ്രദക്ഷിണം, തുടര്‍ന്ന് നവീകരിച്ച വെബ്‌സൈറ്റിന്‍റെ പ്രകാശനവും കംപ്യൂട്ടറൈസേഷന്‍ ഉദ്ഘാടനവും-ഫാ. സിറിയക് കൊച്ചുകൈപ്പെട്ടിയില്‍. എട്ടിന് സ്‌നേഹവിരുന്ന്. തിരുനാളിന്‍റെ ഒരുക്കങ്ങള്‍ പൂര്‍ത്തിയായതായി വികാരി ഫാ. തോമസ് ചില്ലയ്ക്കല്‍ അറിയിച്ചു.

വഴി കെട്ടിയടയ്ക്കൽ; തറവട്ടത്ത് സംഘർഷം

വൈക്കം: മത്സ്യത്തൊഴിലാളികൾ തലമുറകളായി ഉപയോഗിച്ചുവരുന്ന കായലോരത്തെ വഴിയും ജില്ലാ പഞ്ചായത്ത് ഫണ്ടു‌പയോഗിച്ചു നിർമിച്ച കൽക്കെട്ടും റിസോർട്ട് അധികൃതർ കെട്ടിയടയ്ക്കാൻ ശ്രമിച്ചെന്നാരോപിച്ചു ചെമ്പ് തറവട്ടത്തു സംഘർഷം. മറവൻതുരുത്ത് പഞ്ചായത്തിലെ തറവട്ടത്ത് കായലോരത്ത് കഴൂന്നിൽ തോടിനു കുറുകെയുള്ള കക്കാപ്പാലം സമീപറോഡിന്‍റെ കൽക്കെട്ടു കൈയേറിയെന്നാണ് പരാതി. ഇവിടെ റിസോർട്ട് അധികൃതർ കോൺക്രീറ്റ് ചെയ്തു വഴി അടച്ചുകെട്ടാൻ ശ്രമിച്ചത് പഞ്ചായത്ത് അംഗം വി.ആർ. അനിരുദ്ധന്‍റെ നേതൃത്വത്തിൽ തടഞ്ഞു. തുടർന്നു റിസോർട്ട് ഉടമയുമായി വാക്കേറ്റമുണ്ടായി. പ്രദേശത്തെ മത്സ്യ-കക്ക തൊഴിലാളികൾ കൂട്ടമായെത്തി പ്രതിഷേധിച്ചതോടെ റിസോർട്ട് അധികൃതർ നിർമാണം നിർത്തിവച്ചു. കൈയേറിയെന്നു പരാതി രണ്ടു വർഷം മുമ്പ് ജില്ലാ പഞ്ചായത്ത് ഫണ്ട് ഉപയോഗിച്ചു നിർമിച്ച 75 മീറ്റർ കരിങ്കൽക്കെട്ടിലെ കായലിനോടു ചേരുന്ന ഭാഗം റിസോർട്ടുകാർ മതിൽ കെട്ടിയതോടെ ഈ ഭാഗത്തുകൂടി മത്സ്യത്തൊഴിലാളികൾക്കു പോകാനാവാത്ത സ്ഥിതിയായെന്നാണ് ഇവരുടെ പരാതി. ജില്ലാ പഞ്ചായത്ത് ഫണ്ട് ഉപയോഗിച്ചു കെട്ടിയ കൽക്കെട്ട് കൈയേറിയെന്ന് ആരോപിച്ച് ഗ്രാമശ്രീ പുരുഷ സ്വയം സഹായ സംഘം നിരവധി തവണ പഞ്ചായത്തിൽ പരാതി നൽകിയിട്ടും നടപടി ഉണ്ടായില്ലത്രേ. ഇതിനിടയിലാണ് മത്സ്യത്തൊഴിലാളികൾ വള്ളമടുപ്പിച്ച് കക്കയും മത്സ്യവും വലയുമൊക്കെ കരയിലിറക്കി ട്രോളിയിലേറ്റി കൊണ്ടുപോകുന്ന വഴി കെട്ടിയടയ്ക്കാൻ ശ്രമം ഉണ്ടായതെന്നും ഇവർ പറയുന്നു. വാങ്ങിയതെന്ന് റിസോർട്ടുകാർ ചെമ്പ് കയർ സംഘത്തിന്‍റെ ഉടമസ്ഥതയിലുണ്ടായിരുന്ന സ്ഥലം തങ്ങൾ വിലയ്ക്കു വാങ്ങിയെന്നും മത്സ്യത്തൊഴിലാളികൾക്കു കടവിലെത്തി വള്ളത്തിൽ കയറാനായി ഒരു മീറ്റർ നടപ്പാത അനുവദിക്കാമെന്നുമാണ് റിസോർട്ട് അധികൃതർ പറയുന്നത്. എന്നാൽ, കുറഞ്ഞത് ഒന്നര മീറ്റർ വീതിയിൽ വഴി ലഭിച്ചാലേ തങ്ങൾക്കു കക്കയും മറ്റും നിറച്ച ട്രോളി തള്ളിക്കൊണ്ടുപോകാൻ കഴിയൂയെന്നാണ് തൊഴിലാളികളുടെ വാദം. ചെമ്പ് പഞ്ചായത്തിലെ മത്തുങ്കൽ, വാക്കശേരി, മറവൻതുരുത്തിലെ വാഴേകാട്, മേക്കര, തറവെട്ടം, ചാത്തനാട് ഭാഗങ്ങളിലെ ആയിരത്തോളം മത്സ്യ, കക്ക തൊഴിലാളികൾ ഈ കടവുമായി ബന്ധപ്പെട്ടാണ് മത്സ്യബന്ധനത്തിനു പോകുന്നത്. ഒരു മാസം കഴിയുമ്പോൾ കായലിൽ ലവണാംശമേറും. വള്ളക്കടവിനോടു ചേർന്ന കക്കാപാലത്തിനു മുന്നിൽ ഓരുമുട്ട് സ്ഥാപിക്കുന്നതോടെ ഉൾപ്രദേശത്തുള്ളവരുടെ വളളങ്ങളുംകൂടി എത്തുന്നതോടെ വളളക്കടവുമുതൽ കായലോരംവരെ വള്ളങ്ങളുടെ നീണ്ട നിര ഉണ്ടാകും. തലമുറകളായുള്ള വഴി തലമുറകളായി മത്സ്യബന്ധനത്തിനു പോകുന്ന വഴിയാണിത്.‌ ചെമ്പ്, മറവൻതുരുത്ത് പഞ്ചായത്തുകളിലെ കായലോര മേഖലയിലുള്ളവർ മരണാനന്തര ചടങ്ങിന്‍റെ ഭാഗമായി പിണ്ഡം മുങ്ങാനായി കായലിലേക്കു പോകുന്ന കൽക്കെട്ട് റിസോർട്ടുകാർ മതിൽ കെട്ടി. ഇതോടെ വഴി അടഞ്ഞു. റിസോർട്ടിന്‍റെ സ്ഥലം അളന്നുതിരിച്ച് വഴി പുനഃസ്ഥാപിക്കണമെന്നാണ് മത്സ്യത്തൊഴിലാളികളുടെ ആവശ്യം. വി.ആർ. അനിരുദ്ധൻ പഞ്ചായത്ത് അംഗം മറവൻതുരുത്ത്

കോണത്താറ്റ് പാലം തുറന്നതോടെ ഗതാഗതക്കുരുക്ക് രൂക്ഷം

കുമരകം: കോണത്താറ്റ് പാലം തുറന്നതോടെ കുമരകം ചന്തക്കവലയിൽ ഗതാഗതക്കുരുക്ക് രൂക്ഷമായി. ചന്തക്കവലയിലെ ബസ് കാത്തിരിപ്പുകേന്ദ്രത്തിൽ ബസ് നിർത്തരുതെന്ന അധികൃതരുടെ തീരുമാനം സ്വകാര്യ ബസുകൾ നടപ്പാക്കാതിരുന്നതാണ് ഗതാഗതക്കുരുക്കിന് കാരണമായത്. അട്ടിപ്പീടിക, കൊഞ്ചുമട റൂട്ടിലെ സ്വകാര്യ ബസുകൾ ചന്തക്കവലയിലെ വെയ്റ്റിംഗ് ഷെഡിനു മുന്നിൽ ബസ് നിർത്തിയതോടെ ചേർത്തല, വൈക്കം തുടങ്ങിയ സ്ഥലങ്ങളിൽനിന്നുള്ള സർവീസുകളും ഇവിടെത്തന്നെ നിർത്തി. ഇതോടെയാണ് ഗതാഗതക്കുരുക്ക് രൂക്ഷമായത്. തുടർന്ന് പഞ്ചായത്ത് പ്രസിഡന്‍റ് ധന്യ സാബു യോഗം വിളിക്കുകയും ഒരു ബസും തത്ക്കാലത്തേക്ക് ചന്തക്കവലയിൽ നിർത്താൻ പാടില്ലെന്നും എല്ലാ ബസുകളും ബസ് ബേയിൽ എത്തി യാത്രക്കാരെ കയറ്റുകയും ഇറക്കുകയും ചെയ്യണമെന്ന് തീരുമാനിക്കുകയും ചെയ്തു. ചന്തക്കവലയിലെ പഴയ ബസ് കാത്തിരിപ്പ് കേന്ദ്രം ഇന്നലെത്തന്നെ അടച്ചുപൂട്ടി പോലീസ് നിരീക്ഷണവും ശക്തമാക്കി. ബസ് ബേയിൽ കയറാതെ പഴയ രീതിയിൽ ചന്തക്കവലയിലെ ബസ് സ്റ്റോപ്പിൽ നിർത്തുന്ന ബസുകൾക്കെതിരേ കർശന നടപടി സ്വീകരിക്കുമെന്ന് കുമരകം എസ്‌എച്ച്‌ഒ കെ. ഷിജി അറിയിച്ചു.

നിയന്ത്രണംവിട്ട കാർ രണ്ടു വാഹനങ്ങളിൽ ഇടിച്ചു

ഏറ്റുമാനൂർ: നിയന്ത്രണംവിട്ട കാർ രണ്ടു വാഹനങ്ങളിൽ ഇടിച്ചു. എംസി റോഡിൽ പട്ടിത്താനത്ത് ബുധനാഴ്ച രാത്രി ഒന്നോടെയായിരുന്നു അപകടം. പട്ടിത്താനത്തിനും പട്ടിത്താനം റൗണ്ടാനയ്ക്കുമിടയിലുള്ള ഇറക്കത്തിൽ നിയന്ത്രണം നഷ്ടപ്പെട്ട കാറാണ് റോഡരികിൽ പാർക്ക് ചെയ്തിരുന്ന ഒരു കാറിലും ഒരു പെട്ടി ഓട്ടോറിക്ഷയിലും ഇടിച്ചത്. പാർക്ക് ചെയ്തിരുന്ന കാർ ഇടിയുടെ ആഘാതത്തിൽ റോഡരികിലെ മതിലിലേക്ക് ഇടിച്ചുകയറി. അപകടത്തിന് കാരണമായ കാറിന്‍റെ ചക്രം ഊരിതെറിച്ചു. കാറുകളിലെ യാത്രക്കാർക്ക് സാരമായ പരിക്കുണ്ട്. ഏറ്റുമാനൂർ പോലീസ് അപകട സ്ഥലത്തെത്തി മേൽനടപടികൾ സ്വീകരിച്ചു.

കളക്ടറേറ്റിൽ ഇന്ന് അഗ്‌നിസുരക്ഷാ മോക്ഡ്രിൽ

കോട്ടയം: അന്താരാഷ്‌ട്ര ദുരന്ത ലഘൂകരണ ദിനാചരണവുമായി ബന്ധപ്പെട്ട് കോട്ടയം കളക്ടറേറ്റിൽ ഇന്ന് അഗ്‌നി സുരക്ഷാ മോക്ഡ്രിൽ നടത്തും. രാവിലെ 10.30 മുതൽ 11.30 വരെയാണ് ജില്ലാ ദുരന്ത നിവാരണ അഥോറിറ്റിയുടെ നേതൃത്വത്തിലുള്ള മോക്ഡ്രിൽ. തീപിടിത്തമുണ്ടായാൽ സ്വീകരിക്കേണ്ട അടിയന്തര ദുരന്ത പ്രതികരണ നടപടികൾ സംബന്ധിച്ച് ഉദ്യോഗസ്ഥരെയും പൊതുജനങ്ങളെയും ബോധവത്കരിക്കുകയാണ് ലക്ഷ്യം. കളക്ടറേറ്റിലെ രണ്ടാംനിലയിലെ ഒരു ഭാഗത്ത് തീപിടിത്തമുണ്ടാകുന്നതും തുടർന്നുള്ള രക്ഷാപ്രവർത്തനങ്ങളുമാണ് മോക് ഡ്രില്ലിൽ ഉൾപ്പെടുത്തിയിരിക്കുന്നത്. അഡീഷണൽ ജില്ലാ മജിസ്ട്രേറ്റ് എസ്. ശ്രീജിത്തിന്‍റെ അധ്യക്ഷതയിൽ ചേർന്ന യോഗം മുന്നൊരുക്കങ്ങൾ വിലയിരുത്തി. മോക് ഡ്രിൽ സമയത്ത് വിവിധ ആവശ്യങ്ങൾക്കായി കളക്ടറേറ്റിലെത്തുന്നവർ പരിഭ്രാന്തരാകേണ്ടതില്ലെന്ന് അദ്ദേഹം അറിയിച്ചു. ജില്ലാ ഫയർ ഓഫീസർ എസ്.കെ. ബിജുമോൻ, ഹസാർഡ് അനലിസ്റ്റ് സുസ്മി സണ്ണി എന്നിവർ നടപടികൾ വിശദീകരിച്ചു.

തെരുവുനായ ആക്രമണം : പോലീസ് ഉദ്യോഗസ്ഥര്‍ അടക്കം നാലുപേര്‍ക്ക് കടിയേറ്റു

കോട്ടയം: കീഴുക്കുന്നില്‍ എആര്‍ ക്യാമ്പിനു സമീപം തെരുവുനായ ആക്രമണം. പോലീസ് ഉദ്യോഗസ്ഥര്‍ അടക്കം നാലു പേര്‍ക്ക് കടിയേറ്റു. ഓടി നടന്ന് നാട്ടുകാരെയും മൃഗങ്ങളെയും അടക്കം ആക്രമിച്ച നായ ഇന്നലെ ഉച്ചയോടെ ചാവുകയും ചെയ്തതോടെ നാട്ടുകാര്‍ പരിഭ്രാന്തിയിലായി. നായയുടെ കടിയേറ്റ് നാലോളം പൂച്ചകളും നായ്ക്കളും ചത്തതായും വിവരം ഉണ്ട്. കഴിഞ്ഞ ദിവസമാണ് പ്രദേശത്ത് പേ വിഷബാധ ലക്ഷണങ്ങളുമായി നായ അലഞ്ഞുതിരിയുന്നത് നാട്ടുകാര്‍ കണ്ടത്. ഈ നായ എആര്‍ ക്യാമ്പിലെ രണ്ട് പോലീസ് ഉദ്യോഗസ്ഥരെയാണ് ആദ്യം കടിച്ചത്. ഇത് കൂടാതെ നാട്ടുകാരായ രണ്ടു പേരെയും ആക്രമിച്ചു. തുടര്‍ന്നാണ് പ്രദേശത്ത് പൂച്ചകളെയും നായ്ക്കളെയും ആക്രമിക്കുകയും കടിച്ചു കൊല്ലുകയും ചെയ്തത്. ഇതേത്തുടര്‍ന്ന് നാട്ടുകാര്‍ കടുത്ത ഭീതിയിലായിരുന്നു. ഇതിനിടെയാണ് ഇന്നലെ ഉച്ചയോടെ നായ ചത്തത്.

നഴ്സുമാർക്ക് വിദേശജോലിക്ക് അവസരമൊരുക്കി കോട്ടയം തിരുഹൃദയ നഴ്‌സിംഗ് കോളജ്

‌കോട്ടയം: കോട്ടയം തിരുഹൃദയ നഴ്‌സിംഗ് കോളജ് ഇംഗ്ലണ്ട് കേന്ദ്രമാക്കി പ്രവര്‍ത്തിക്കുന്ന യൂണികോണ്‍ സ്റ്റഡി എബ്രോഡുമായി ചേര്‍ന്നു വിദ്യാര്‍ഥികള്‍ക്കു മികച്ച പരിശീലനം നല്കുന്നതിനുള്ള പുതിയ സംരംഭത്തിനു ധാരണാപത്രം കൈമാറി. ഇതോടെ നഴ്‌സിംഗ് പാസാകുന്ന വിദ്യാര്‍ഥികള്‍ക്കു യുഎസ്എ, യുകെ, അയര്‍ലൻഡ്, ഓസ്‌ട്രേലിയ, സ്‌കോട്ട്‌ലൻഡ്, യുഎഇ തുടങ്ങിയ വിവിധ രാജ്യങ്ങളിലേക്ക് ജോലി നേടിക്കൊടുക്കാന്‍ യൂണികോണ്‍ സ്റ്റഡി എബ്രോഡ് തിരുഹൃദയ കോളജ് ഓഫ് നഴ്‌സിംഗുമായി സഹകരിക്കും. തിരുഹൃദയ കോളജ് ഓഫ് നഴ്‌സിംഗിലെ വിദ്യാര്‍ഥികള്‍ക്ക് ഇതുവഴി വലിയ അവസരങ്ങളാണ് തുറക്കുന്നതെന്ന് പ്രിന്‍സിപ്പല്‍ സിസ്റ്റര്‍ ആലീസ് മണിയങ്ങാട്ട് എസ്എച്ച് പറഞ്ഞു. കോളജില്‍ നടന്ന പരിപാടിയില്‍ യൂണികോണ്‍ സിഇഒ സെലസ് മരിയ രാജന്‍ കോളജ് പ്രിന്‍സിപ്പല്‍ സിസ്റ്റര്‍ ആലീസ് മണിയങ്ങാട്ട് എസ്എച്ചിന് ഇതു സംബന്ധിച്ചുള്ള ധാരണാപത്രം കൈമാറി.

വിശ്വാസ സംരക്ഷണ ജാഥയ്ക്ക് നാളെ ഏറ്റുമാനൂരിൽ സ്വീകരണം

ഏറ്റുമാനൂർ: ശബരിമലയിലെ സ്വർണക്കൊള്ളയ്ക്കും വിശ്വാസ വഞ്ചനയ്ക്കുമെതിരേ കെപിസിസിയുടെ നേതൃത്വത്തിൽ കെ. മുരളീധരൻ നയിക്കുന്ന വിശ്വാസ സംരക്ഷണ ജാഥയ്ക്ക് നാളെ ഏറ്റുമാനൂരിൽ സ്വീകരണം നൽകും. രാവിലെ 10ന് നടക്കുന്ന സ്വീകരണ സമ്മേളനം തിരുവഞ്ചൂർ രാധാകൃഷ്ണൻ എംഎൽഎ ഉദ്ഘാടനം ചെയ്യും. ഡിസിസി ജനറൽ സെക്രട്ടറി എം. മുരളി, കെ.ജി. ഹരിദാസ്, ബ്ലോക്ക് കോൺഗ്രസ് പ്രസിഡന്‍റ് ജോറാേയി പൊന്നാറ്റിൽ, മണ്ഡലം പ്രസിഡന്‍റ് ജോയ് പൂവംനിൽക്കുന്നതിൽ, ഏറ്റുമാനൂർ നഗരസഭ മുൻ ചെയർമാൻ ജയിംസ് തോമസ് തുടങ്ങിയവർ നേതൃത്വം നൽകും. വിളംബര ജാഥ നടത്തി ഏറ്റുമാനൂർ: വിശ്വാസ സംരക്ഷണ ജാഥയുടെ പ്രചാരണാർഥം ഏറ്റുമാനൂർ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ വിളംബര ജാഥ നടത്തി. ബ്ലോക്ക് കോൺഗ്രസ് പ്രസിഡന്‍റ് ജോറോയി പൊന്നാറ്റിൽ വിളംബര ജാഥ നയിച്ചു. നീണ്ടൂരിൽനിന്ന് ആരംഭിച്ച വിളംബര ജാഥ കെപിസിസി സെക്രട്ടറി കുഞ്ഞ് ഇല്ലമ്പള്ളി ഉദ്ഘാടനം ചെയ്തു. നീണ്ടൂർ മണ്ഡലം പ്രസിഡന്‍റ് സിനു ജോൺ അധ്യക്ഷത വഹിച്ചു. എം. മുരളി, ജൂബി ഐക്കരക്കുഴി, കെ.ജി. ഹരിദാസ് എന്നിവർ പ്രസംഗിച്ചു. സമാപന സമ്മേളനത്തിൽ ഏറ്റുമാനൂർ മണ്ഡലം പ്രസിഡന്‍റ് ജോയി പൂവംനിൽക്കുന്നതിൽ അധ്യക്ഷത വഹിച്ചു. ബിജു പുന്നന്താനം ഉദ്ഘാടനം ചെയ്തു.

അവകാശ സംരക്ഷണ ജാഥ: സ്വാഗതസംഘം രൂപീകരിച്ചു

അതിരമ്പുഴ: കത്തോലിക്കാ കോൺഗ്രസ് അവകാശ സംരക്ഷണ ജാഥക്ക് 22ന് രാവിലെ 8.45ന് ഏറ്റുമാനൂരിൽ സ്വീകരണം നൽകും. അതിരമ്പുഴ ഫൊറോനാ തല സ്വീകരണത്തിനായി സ്വാഗതസംഘം രൂപീകരിച്ചു. യോഗം കത്തോലിക്ക കോൺഗ്രസ് അതിരൂപത ഡയറക്ടർ റവ.ഡോ. സാവിയോ മാനാട്ട് ഉദ്ഘാടനം ചെയ്തു. അതിരമ്പുഴ പള്ളിയിൽ ചേർന്ന യോഗത്തിൽ ഫൊറോനാ പ്രസിഡന്‍റ് ജോയി പാറപ്പുറം അധ്യക്ഷത വഹിച്ചു. ഫൊറോനാ ഡയറക്ടർ ഫാ. ജോസഫ് ആലുങ്കൽ, ഫാ. അലൻ മാലിത്തറ, അതിരൂപത ജനറൽ സെക്രട്ടറി ബിനു ഡൊമിനിക്, അതിരൂപത വൈസ് പ്രസിഡന്‍റ് സി.ടി. തോമസ്, അതിരൂപത സെക്രട്ടറിമാരായ സെബാസ്റ്റ്യൻ പുല്ലാട്ടുകാല, കെ.എസ്. ആന്‍റണി, ജോബി ചൂരക്കുളം, ഫൊറോനാ ജനറൽ സെക്രട്ടറി ബിജോ തുളിശേരിൽ, ട്രഷറർ റോബിൻ ജോസഫ്, വനിതാ കോ-ഓർഡിനേറ്റർ ലൂസി സിബി എന്നിവർ പ്രസംഗിച്ചു. ജോർജ് കാരക്കാട്ട്, ജോബി ചൂരക്കുളം, റോബിൻ ജോസഫ്, ബിൻസി കുഴിന്തൊട്ടിയിൽ, ലൂസി സിബി, ബോബി വടാശേരി, ജോയി കാരിക്കൊമ്പിൽ, ബീന വടക്കേടം എന്നിവർ കൺവീനർമാരായി വിവിധ കമ്മിറ്റികൾ രൂപീകരിച്ചു.

എകെസിസി സമുദായ ശക്തീകരണ വര്‍ഷം യൂണിറ്റ്തല ഉദ്ഘാടനം

വില്ലൂന്നി: കത്തോലിക്കാ കോണ്‍ഗ്രസിന്‍റെ ആഭിമുഖ്യത്തില്‍ സമുദായ ശാക്തീകരണ വര്‍ഷത്തിന്‍റെ പ്രാരംഭഘട്ട പ്രവര്‍ത്തനപരിപാടികളുടെ വില്ലൂന്നി യൂണിറ്റ് തല ഉദ്ഘാടനം സംഘടിപ്പിച്ചു. കത്തോലിക്കാ കോണ്‍ഗ്രസ് ചങ്ങനാശേരി അതിരൂപത ഡയറക്ടര്‍ ഫാ. സാവിയോ മാനാട്ട് ഉദ്ഘാടനം ചെയ്തു. അവകാശ സംരക്ഷണ സെമിനാര്‍ യൂണിറ്റ് ഡയറക്ടര്‍ ഫാ. ജോസഫ് കളരിക്കല്‍ ഉദ്ഘാടനം ചെയ്തു. മാര്‍ഗരേഖ പ്രകാശനം അതിരൂപത പ്രസിഡന്‍റ് ബിജു സെബാസ്റ്റ്യന്‍ നിര്‍വഹിച്ചു. യൂണിറ്റ് പ്രസിഡന്‍റ് ക്രിസ്പിന്‍ മാമ്പറ അധ്യക്ഷത വഹിച്ചു. ഫാ. ജോസഫ് കളരിക്കല്‍, അതിരൂപത പ്രസിഡന്‍റ് ബിജു സെബാസ്റ്റ്യന്‍, ഫാ. അനൂപ് തത്തപ്പള്ളി, അതിരൂപത സെക്രട്ടറി കുഞ്ഞ് കളപ്പുര, ഫ്രാന്‍സീസ് തടത്തില്‍, ബാബു കാട്ടൂപ്പാറ, സി.ജെ. കുര്യന്‍ ചാമക്കാല, ഷീലാ ജോസഫ് കാട്ടൂപ്പാറ, സണ്ണി മുര്യങ്കരി, തോമസ് മാത്യു, ഷൈനി മാത്യു തുടങ്ങിയവര്‍ പ്രസംഗിച്ചു.

കോട്ടയ്ക്കുപുറം സെന്‍റ് ജൂഡ്സ് ‌ചാപ്പലിൽ

അതിരമ്പുഴ: കോട്ടയ്ക്കുപുറം സെന്‍റ് ജൂഡ്സ് ചാപ്പലിൽ വിശുദ്ധ യൂദാ ശ്ലീഹായുടെ തിരുനാൾ 18 മുതൽ 28 വരെ നടക്കും. തിരുനാൾ ദിവസങ്ങളിൽ രാവിലെ അഞ്ചിനും ഏഴിനും 11നും വൈകുന്നേരം നാലിനും ജപമാലയും ദിവ്യകാരുണ്യ ആരാധനയും മധ്യസ്ഥ പ്രാർഥനയും വിശുദ്ധ കുർബാനയും ഉണ്ടായിരിക്കും. 26ന് വൈകുന്നേരം നാലിന് ചങ്ങനാശേരി അതിരൂപത വികാരി ജനറാൾ മോൺ. മാത്യു ചങ്ങങ്കരി വിശുദ്ധ കുർബാന അർപ്പിച്ച് വചനസന്ദേശം നൽകും. തുടർന്ന് വലിയ പള്ളിയിലേക്ക് ആഘോഷമായ തിരുനാൾ പ്രദക്ഷിണം. പ്രധാന തിരുനാൾ ദിനമായ 28ന് രാവിലെ ഏഴിന് അതിരമ്പുഴ ഫൊറോന വികാരി ഫാ. മാത്യു പടിഞ്ഞാറേക്കുറ്റ് വിശുദ്ധ കുർബാന അർപ്പിച്ച് സന്ദേശം നൽകും. തുടർന്ന് ആഘോഷമായ തിരുനാൾ കുർബാന, സന്ദേശം - ഫാ. മാത്യു അഞ്ചിൽ. ഉച്ചയ്ക്ക് 12ന് കൊടിയിറക്കിനു ശേഷം വിശുദ്ധ യൂദാശ്ലീഹായുടെ നാമത്തിലുള്ള ഊട്ടു നേർച്ച നടക്കും. വികാരി ഫാ. സോണി തെക്കുംമുറിയിൽ, സഹവികാരി ഫാ. ജെറിൻ കാവനാട്, കൈക്കാരന്മാർ, കമ്മിറ്റി അംഗങ്ങൾ തുടങ്ങിയവർ തിരുനാളിന് നേതൃത്വം നൽകും.

അയര്‍ക്കുന്നം വിശുദ്ധ കൊച്ചുത്രേസ്യയുടെ തിരുശേഷിപ്പ് പള്ളിയിൽ തിരുനാള്‍

അയര്‍ക്കുന്നം: വിശുദ്ധ കൊച്ചുത്രേസ്യയുടെ തിരുശേഷിപ്പു പള്ളിയിൽ വിശുദ്ധ കൊച്ചുത്രേസ്യയുടെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാള്‍ നാളെ മുതല്‍ 26 വരെ ആഘോഷിക്കും. നാളെ വൈകുന്നേകം 5.15നു കൊടിയേറ്റ്, വിശുദ്ധ കുര്‍ബാന, ഫാ. ജോസഫ് മീനായിക്കോടത്ത്. 18നു വൈകുന്നേരം 5.30നു വിശുദ്ധ കുര്‍ബാന, നൊവേന ഫാ. തോമസ് പഴുവക്കാട്ടില്‍. 19നു രാവിലെ എട്ടിനു വിശുദ്ധ കുര്‍ബാന, നൊവേന പ്രസംഗം ഫാ. ജോണി കാഞ്ഞിരംപറമ്പില്‍, 20 മുതല്‍ 25 വരെ വൈകുന്നേരം 5.30നു വിശുദ്ധ കുര്‍ബാന, നൊവേന, പ്രസംഗം എന്നിവയുണ്ടായിരിക്കും. ഫാ. ഡൊമിനിക് സാവിയോ, ഫാ. ഷാജി പല്ലാട്ടു മഠത്തില്‍, ഫാ. റൊണാള്‍ഡ് മാത്യു പുത്തന്‍പറമ്പില്‍, ഫാ. അഗസ്റ്റിന്‍ കല്ലറയ്ക്കല്‍, ഫാ ആന്റണി കിഴക്കേവീട്ടില്‍, ഫാ. വില്‍സന്‍ കപ്പാട്ടില്‍ എന്നിവര്‍ വിവിധ ദിവസങ്ങളിലെ ശുശ്രൂഷകള്‍ക്കു നേതൃത്വം നല്കും. 24നു വൈകുന്നേരം നാലിനു കഴുന്നു പ്രദക്ഷിണവും രാത്രി ഏഴിനു കുട്ടികളുടെ കലാപരിപാടികളുമുണ്ടായിരിക്കും. 25നു വൈകുന്നേരം വിശുദ്ധ കുര്‍ബാനയ്ക്കുശേഷം അയര്‍ക്കുന്നം കുരിശടിയിലേയ്ക്ക് പ്രദക്ഷിണം. 26നു രാവിലെ 10.30നു തിരുനാള്‍ കുര്‍ബാന ഫാ. റോണി മഠത്തില്‍പറമ്പില്‍, പ്രസംഗം ഫാ. അനില്‍ തൊണ്ടംപള്ളില്‍ തുടര്‍ന്നു ദിവ്യ കാരുണ്യ പ്രദക്ഷിണം, കൊടിയിറക്ക്, നേര്‍ച്ച. തിരുനാള്‍ ശുശൂഷകള്‍ക്കു വികാരി ഫാ. ജോണി കാഞ്ഞിരംപറമ്പില്‍ നേതൃത്വം നല്കും.

പഞ്ചായത്തുകളിലെ സംവരണ വാര്‍ഡുകള്‍ നറുക്കെടുപ്പ് ഇന്നു പൂര്‍ത്തിയാകും

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ പഞ്ചായത്തുകളിലെ സംവരണ വാര്‍ഡുകള്‍ നിശ്ചയിക്കുന്നതിനുള്ള നറുക്കെടുപ്പ് ഇന്നു പൂര്‍ത്തിയാകും. 16 പഞ്ചായത്തുകളിലെ നറുക്കെടുപ്പ് നടന്നു. ഈരാറ്റുപേട്ട, പാമ്പാടി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളാണ് ഇന്നലെ ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നിര്‍ണയിച്ചത്. ഇതോടെ ജില്ലയിലെ 53 പഞ്ചായത്തുകളിലെ നറുക്കെടുപ്പ് പൂര്‍ത്തിയായി. വാഴൂര്‍, പള്ളം, കാഞ്ഞിരപ്പള്ളി ബ്ലോക്കുകളില്‍ ഉള്‍പ്പെട്ട 18 പഞ്ചായത്തുകളിലെ നറുക്കെടുപ്പ് ഇന്നു കളക്ടറേറ്റ് വിപഞ്ചിക ഹാളില്‍ നടക്കും. ജില്ലയിലെ നഗരസഭകളിലെ സംവരണനറുക്കെടുപ്പ് ഇന്ന് കളക്ടറേറ്റിലെ തൂലിക ഹാളിലാണ്. കൂരോപ്പട പട്ടികജാതി സംവരണം: മാടപ്പാട് (6). സ്ത്രീ സംവരണം: കണ്ണാടിപ്പാറ (3), എരുത്തുപുഴ (4), ഇടയ്ക്കാട്ടുകുന്ന് (7), പാനാപ്പളളി (8), നടേപ്പീടിക (9), പുത്തന്‍കണ്ടം (10), കോത്തല (11), കുപ്പത്താനം (13), പങ്ങട (14), കൂരോപ്പട ടൗണ്‍ (18). മണര്‍കാട് പട്ടികജാതി സംവരണം: വെണ്ണാശേരി (14). സ്ത്രീ സംവരണം: കോട്ടമുറി (2), നടയ്ക്കല്‍ (3), മാലം (4), ചേലകുന്ന് (5), പാണ്ഡവര്‍കളരി (9), ഐടിസി (11), മണര്‍കാട് (15), ഐരാറ്റുനട (16), നിരമറ്റം (17), കണിയാംകുന്ന് (19). പാമ്പാടി പട്ടികജാതി സംവരണം: പത്താഴക്കുഴി (21). സ്ത്രീ സംവരണം: ഗ്രാമറ്റം (1), പുറകുളം (2), പൊന്നപ്പന്‍സിറ്റി (4), കാട്ടാംകുന്ന് (5), താന്നിമറ്റം (6), പോരാളൂര്‍ (7), ഓര്‍വയല്‍ (9), കയത്തുങ്കല്‍ (14), പറക്കാവ് (15), കുറിയന്നൂര്‍ക്കുന്ന് (17), പള്ളിക്കുന്ന് (18). പള്ളിക്കത്തോട് പട്ടികജാതി സംവരണം: പള്ളിക്കത്തോട് സെന്‍ട്രല്‍ (14). സ്ത്രീ സംവരണം: ആനിക്കാട് (4), വേരുങ്കല്‍പാറ (5), കയ്യൂരി (8), മന്ദിരം (9), കൊമ്പാറ (11), മൈലാടിക്കര (12), മുക്കാലി (13), കല്ലാടംപൊയ്ക (15). കിടങ്ങൂര്‍ പട്ടികജാതി സംവരണം: പിറയാര്‍ (16). സ്ത്രീ സംവരണം: പടിഞ്ഞാറേ കൂടല്ലൂര്‍ (1), കുമ്മണ്ണൂര്‍ (5), പെരിങ്ങോറ്റി (7), ചെമ്പിളാവ് (8), എന്‍ജിനിയറിംഗ് കോളജ് (10), കിടങ്ങൂര്‍ സൗത്ത് (11), ശിവക്കുളങ്ങര (14), പുഞ്ചപ്പാടം (15). മീനടം പട്ടികജാതി സംവരണം: ചീരംകുളം (1). സ്ത്രീ സംവരണം: തകിടി (3), മുണ്ടിയാക്കല്‍ (4), മഞ്ഞാടി (6), സ്പിന്നിംഗ് മില്‍ (1), പിഎച്ച്‌സി (11), പഞ്ചായത്ത് ഓഫീസ് (13), ഞണ്ടുകുളം (14). അകലക്കുന്നം പട്ടികജാതി സംവരണം: മണല്‍ (15). സ്ത്രീ സംവരണം: പട്യാലിമറ്റം (1), കരിമ്പാനി (4), ഇടമുള (5), കാഞ്ഞിരമറ്റം (7), ക്‌ടാക്കുഴി (8), ചെങ്ങളം (9), തെക്കുംതല (10), മറ്റക്കര (14).

ജില്ലാ സ്കൂൾ ഒളിന്പിക്സ്: ലോഗോ തയാറാക്കിയത് അമേയ അനീഷ്

പാലാ: കോട്ടയം ജില്ലാ സ്കൂൾ ഒളിമ്പിക്സ് മത്സരത്തിനുള്ള ലോഗോ മത്സരത്തിൽ ഒന്നാം സ്ഥാനം നേടിയത് അമേയ അനീഷ്. പാലാ സെന്‍റ് മേരീസ് ജിഎച്ച്എസ്എസിലെ പത്താം ക്ലാസ് വിദ്യാർഥിനിയാണ്. ഭാവിയുടെ പ്രതീക്ഷയും കൗമാരത്തിന്‍റെ കുതിപ്പും പ്രതിഫലിപ്പിക്കുന്ന ലോഗോ വരച്ചാണ് അമേയ ഒന്നാമതെത്തിയത്. ലിറ്റിൽ കൈറ്റ്സ് അംഗം കൂടിയായ അമേയ വെബ് ഡിസൈനിംഗിലും മറ്റും തത്പരയാണ്. വലവൂർ ചന്ദ്രാലയം അനീഷ് ചന്ദ്രൻ-അനീഷ ദന്പതികളുടെ മകളാണ്. അനന്യ, അനൈത് എന്നിവർ സഹോദ രങ്ങളാണ്.

പഞ്ചായത്തുകളിലെ സംവരണ വാര്‍ഡുകള്‍: നറുക്കെടുപ്പ് ഇന്നു പൂര്‍ത്തിയാകും

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ പഞ്ചായത്തുകളിലെ സംവരണ വാര്‍ഡുകള്‍ നിശ്ചയിക്കുന്നതിനുള്ള നറുക്കെടുപ്പ് ഇന്നു പൂര്‍ത്തിയാകും. ഇന്നലെ 16 പഞ്ചായത്തുകളിലെ നറുക്കെടുപ്പ് നടന്നു. ഈരാറ്റുപേട്ട, പാമ്പാടി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളാണ് ജില്ലാ കളക്ടര്‍ ചേതന്‍ കുമാര്‍ മീണയുടെ നേതൃത്വത്തില്‍ നിര്‍ണയിച്ചത്. ഇതോടെ ജില്ലയിലെ 53 പഞ്ചായത്തുകളിലെ നറുക്കെടുപ്പ് പൂര്‍ത്തിയായി. വാഴൂര്‍, പള്ളം, കാഞ്ഞിരപ്പളളി ബ്ലോക്കുകളില്‍ ഉള്‍പ്പെട്ട 18 പഞ്ചായത്തുകളിലെ നറുക്കെടുപ്പ് ഇന്നു കളക്‌ടറേറ്റ് വിപഞ്ചിക ഹാളില്‍ നടക്കും. ജില്ലയിലെ നഗരസഭകളിലെ സംവരണനറുക്കെടുപ്പ് ഇന്നു കളക്‌ടറേറ്റിലെ തൂലിക ഹാളിലാണ്. മേലുകാവ് പട്ടികവര്‍ഗ സ്ത്രീ സംവരണം: കിഴക്കന്‍മറ്റം (10), കുരിശിങ്കല്‍ (13). പട്ടികജാതി സംവരണം: ചാലമറ്റം (12). പട്ടികവര്‍ഗ സംവരണം: കൈലാസം (9), പയസ്മൗണ്ട് (11). സ്ത്രീ സംവരണം: വടക്കുംഭാഗം (2), മേലുകാവുമറ്റം (5), കോണിപ്പാട് (6), വാകക്കാട് (7), കുളത്തിക്കണ്ടം (14). തീക്കോയി പട്ടികജാതി സംവരണം: വേലത്തുശേരി (9). സ്ത്രീ സംവരണം: അറുകോണ്‍മല (1), തീക്കോയി ടൗണ്‍ (2), മംഗളഗിരി (3), വെള്ളികുളം (7), മലമേല്‍ (8), ചേരിമല (11), പഞ്ചായത്ത് ജംഗ്ഷന്‍ (13). മൂന്നിലവ് പട്ടികവര്‍ഗ സ്ത്രീ സംവരണം: വാളകം (2), നരിമറ്റം (7) പട്ടികവര്‍ഗ സംവരണം: മങ്കൊമ്പ് (6), തഴയ്ക്കവയല്‍ (12). സ്ത്രീ സംവരണം: മേച്ചാല്‍ (3), പഴുക്കാക്കാനം (4), വെള്ളറ (5), പുതുശേരി (11), മൂന്നിലവ് (13). പൂഞ്ഞാര്‍ പട്ടികജാതി സംവരണം: നെല്ലിയ്ക്കച്ചാല്‍ (5). സ്ത്രീ സംവരണം: പെരുന്നിലം ഈസ്റ്റ് (2), തണ്ണിപ്പാറ (7), പുളിയ്ക്കപ്പാലം (8), വളതൂക്ക് (10), ചേന്നാട് (11), നെടുന്താനം (12), മണിയംകുളം (14). പൂഞ്ഞാര്‍ തെക്കേക്കര പട്ടികജാതി സംവരണം: കുന്നോന്നി (8). സ്ത്രീ സംവരണം: പൂഞ്ഞാര്‍ ടൗണ്‍ (1), കല്ലേക്കുളം (2), പെരിങ്ങളം (3), ആറ്റിനാല്‍ (6), പാതാമ്പുഴ (9), ചോലത്തടം (10), കടൂപ്പാറ (14), പാലത്തിങ്കല്‍ (15). തിടനാട് പട്ടികജാതി സംവരണം: അമ്പാറനിരപ്പേല്‍ (1). സ്ത്രീ സംവരണം: കൊണ്ടൂര്‍ (2), വെയില്‍കാണാംപാറ (4), വാരിയാനിക്കാട് (8), ചേറ്റുതോട് (9), ചേരാനി (12), മാടമല (14), തിടനാട് (15), മൂന്നാംതോട് (16). തലപ്പലം പട്ടികജാതി സംവരണം: കഴമ്പാറ (12). സ്ത്രീ സംവരണം: അഞ്ഞൂറ്റിമംഗലം (2), പൂവത്താനി (4), ഇളപ്പുങ്കല്‍ (5), ഇടകിളമറ്റം (6), ഇഞ്ചോലിക്കാവ് (8), പനയ്ക്കപ്പാലം (9), മേലമ്പാറ (11). തലനാട് പട്ടികവര്‍ഗ സ്ത്രീ സംവരണം: തലനാട് സെന്‍റര്‍ (14). പട്ടികജാതി സംവരണം: വടക്കുംഭാഗം (13). പട്ടികവര്‍ഗ സംവരണം: തീക്കോയി എസ്റ്റേറ്റ് (9). സ്ത്രീ സംവരണം: ഇലവുംപാറ (2), മേലടുക്കം (4), വെള്ളാനി (7), അട്ടിക്കളം (8), മരവിക്കല്ല് (10), അയ്യമ്പാറ (12). അകലക്കുന്നം പട്ടികജാതി സംവരണം: മണല്‍ (15). സ്ത്രീ സംവരണം: പട്യാലിമറ്റം (1), കരിമ്പാനി (4), ഇടമുള (5), കാഞ്ഞിരമറ്റം (7), ക്‌ടാക്കുഴി (8), ചെങ്ങളം (9), തെക്കുംതല (10), മറ്റക്കര (14). എലിക്കുളം പട്ടികജാതി സംവരണം: ഉരുളികുന്നം (2). സ്ത്രീ സംവരണം: ഞണ്ടുപാറ (1), വട്ടന്താനം (3), വഞ്ചിമല (8), പനമറ്റം (9), വെളിയന്നൂര്‍ (10), രണ്ടാംമൈല്‍ (12), മഹാത്മാനഗര്‍ (13), ഇളങ്ങുളം (16), മടുക്കക്കുന്ന് (17). പള്ളിക്കത്തോട് പട്ടികജാതി സംവരണം: പള്ളിക്കത്തോട് സെന്‍ട്രല്‍ (14). സ്ത്രീ സംവരണം: ആനിക്കാട് (4), വേരുങ്കല്‍പാറ (5), കയ്യൂരി (8), മന്ദിരം (9), കൊമ്പാറ (11), മൈലാടിക്കര (12), മുക്കാലി (13), കല്ലാടംപൊയ്ക (15). കിടങ്ങൂര്‍ പട്ടികജാതി സംവരണം: പിറയാര്‍ (16). സ്ത്രീ സംവരണം: പടിഞ്ഞാറെ കൂടല്ലൂര്‍ (1), കുമ്മണ്ണൂര്‍ (5), പെരിങ്ങോറ്റി (7), ചെമ്പിളാവ് (8), എന്‍ജിനീയറിംഗ് കോളജ് (10), കിടങ്ങൂര്‍ സൗത്ത് (11), ശിവക്കുളങ്ങര (14), പുഞ്ചപ്പാടം (15).

മാറ്റിനിര്‍ത്തപ്പെട്ടവരുടെ ഹൃദയങ്ങളെ കുഞ്ഞച്ചന്‍ ഇളക്കിമറിച്ചു: മാര്‍ കൊല്ലംപറമ്പില്‍

രാമപുരം: ദൈവം അയച്ച കാപട്യമില്ലാത്ത മനുഷ്യനായിരുന്നു വാഴ്ത്തപ്പെട്ട കുഞ്ഞച്ചനെന്നും മാറ്റിനിര്‍ത്തപ്പെട്ടവരുടെ ഹൃദയങ്ങളെ ഇളക്കിമറിച്ച് അവരെ സമൂഹത്തിലേക്കും ദൈവത്തിലേക്കും കൊണ്ടുവരാന്‍ കുഞ്ഞച്ചന് കഴിഞ്ഞെന്നും ഷംഷാദാബാദ് രൂപത സഹായമെത്രാന്‍ മാര്‍ ജോസഫ് കൊല്ലംപറമ്പില്‍. വാഴ്ത്തപ്പെട്ട കുഞ്ഞച്ചന്‍റെ തിരുനാളിനോടനുബന്ധിച്ചു കുഞ്ഞച്ചന്‍റെ കബറിട ദേവാലയത്തില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. റവ.ഡോ. ജോസഫ് മുത്തനാട്ട്, ഫാ. ജോണ്‍ മണാങ്കല്‍, റവ. ഡോ. ജോസഫ് അരിമറ്റം, ഫാ. ജോസ് തറപ്പേല്‍, മോണ്‍. സെബാസ്റ്റ്യന്‍ വേത്താനത്ത്, ഫാ. മാത്യു വെള്ളായപ്പിള്ളില്‍ എന്നിവര്‍ ഇന്നലെ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കി. കരിസ്മാറ്റിക് പ്രേഷിതസംഗമം, സെന്‍റ് മര്‍ത്താസ് കോണ്‍ഗ്രിഗേഷന്‍റെ കുഞ്ഞച്ചന്‍ തീര്‍ഥാടനം, എസ്എംവൈഎം തീര്‍ഥാടനം, തിരുസ്വരൂപ പ്രതിഷ്ഠ, പുറത്തുനമസ്‌കാരം, പ്രദക്ഷിണം എന്നിവയും ഇന്നലെ നടന്നു. കെഎസ്ആര്‍ടിസി പ്രത്യേക സര്‍വീസ് നടത്തും തിരുനാള്‍ ദിനമായ ഇന്ന് രാമപുരത്തുനിന്നു സമീപപ്രദേശങ്ങളിലേക്ക് കെഎസ്ആര്‍ടിസി പ്രത്യേക സര്‍വീസുകള്‍ നടത്തും. മാര്‍ സ്ലീവാ മെഡിസിറ്റി, മരിയന്‍ മെഡിക്കല്‍ സെന്‍റര്‍, ഗവണ്‍മെന്‍റ് ആശുപത്രി രാമപുരം എന്നിവിടങ്ങളില്‍നിന്നു മെഡിക്കല്‍ സംഘവും ആംബുലന്‍സ് സൗകര്യവും ഏര്‍പ്പെടുത്തിയിട്ടുണ്ട്. രാമപുരം പഞ്ചായത്തിന്‍റെ നേതൃത്വത്തില്‍ കുടിവെള്ളം വിതരണം ചെയ്യും. നേര്‍ച്ചയപ്പം വിതരണത്തിനും കബറിടത്തിങ്കല്‍ പ്രാര്‍ഥിക്കുന്നതിനും നേര്‍ച്ചകാഴ്ചകള്‍ അര്‍പ്പിക്കുന്നതിനുമായി വിപുലമായ ക്രമീകരണങ്ങളും ഏര്‍പ്പെടുത്തിയിട്ടുണ്ട്. സേവന പ്രവര്‍ത്തനങ്ങള്‍ക്കായി 501 അംഗ വോളന്‍റിയര്‍ സംഘവും തീര്‍ഥാടനകേന്ദ്രത്തില്‍ പ്രവര്‍ത്തിക്കുന്നു.

ശബരിമലയിലെ സ്വര്‍ണക്കൊള്ള സര്‍ക്കാര്‍ ഒത്താശയോടെ: തിരുവഞ്ചൂര്‍ രാധാകൃഷ്ണന്‍

പാലാ: ഈശ്വരവിശ്വാസികള്‍ അയ്യപ്പന് സമര്‍പ്പിച്ച സ്വര്‍ണവും പണവും സംരക്ഷിക്കേണ്ടവര്‍ തന്നെ കൊള്ളയടിച്ചു എന്നത് ഏറെ അപമാനകരമാണെന്നും ഈശ്വരവിശ്വാസം ഇല്ലായെന്ന് പറഞ്ഞവര്‍ ഇപ്പോള്‍ അയ്യപ്പസംഗമം നടത്തുന്നത് ക്ഷേത്രങ്ങളിലെ പൊന്നും പണവും കണ്ടുകൊണ്ടാണെന്നും തിരുവഞ്ചൂര്‍ രാധാകൃഷ്ണന്‍ എംഎല്‍എ ആരോപിച്ചു. ബെന്നി ബഹനാന്‍ എംപി നയിക്കുന്ന വിശ്വാസ സംരക്ഷണയാത്രക്ക് പാലായില്‍ നല്‍കിയ സ്വീകരണം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. സ്വാഗതസംഘം ചെയര്‍മാന്‍ ടോമി കല്ലാനി അധ്യക്ഷത വഹിച്ചു. ജാഥാ ക്യാപ്റ്റന്‍ ബെന്നി ബഹനാന്‍, ആന്‍റോ ആന്‍റണി എംപി, ജോസഫ് വാഴയ്ക്കൻ, ജാഥാ വൈസ് ക്യാപ്റ്റന്‍ വി.ടി. ബെല്‍റാം, വി.പി. സജീന്ദ്രന്‍, പി.എ. സലിം, നാട്ടകം സുരേഷ്, അബ്ദുള്‍ മുത്തലിബ്, ഫില്‍സണ്‍ മാത്യൂസ്, ഫിലിപ്പ് ജോസഫ്, തോമസ് കല്ലാടന്‍ തുടങ്ങിയവര്‍ പ്രസംഗിച്ചു.

വീടിന് ഭീഷണിയായി വൻ വൃക്ഷം

കുന്നോന്നി: വീടിന് അപകടഭീഷണിയായി കൂറ്റൻ ആഞ്ഞിലിമരം. പൂഞ്ഞാർ തെക്കേക്കര പഞ്ചായത്ത് എട്ടാം വാർഡിൽപ്പെട്ട കുന്നോന്നി ഹരിജൻ കോളനി വക സ്ഥലത്തു നിൽക്കുന്ന നൂറ് ഇഞ്ചിന് മുകളിൽ വണ്ണമുള്ള ആഞ്ഞിലിയാണ് മണ്ഡപത്തിക്കുന്നേൽ കുട്ടിയച്ചന്‍റെ വീടിന് അപകടഭീഷണിയായി നിൽക്കുന്നത്. മരം വെട്ടിമാറ്റണമെന്ന് ആവശ്യ പ്പെട്ട് പാലാ ആർഡിഒ, വില്ലേജ്, പഞ്ചായത്ത് അധികൃതർ മുൻപാകെ പരാതികൾ നൽകിയിട്ടും പരിഹാരമായില്ല. ശക്തമായ കാറ്റും മഴയും വരുമ്പോൾ വീട്ടിലുള്ളവർ ഭയത്തോടു കൂടിയാണ് കഴിയുന്നത്. നിലവിൽ അതിരിലുള്ള കെട്ടിൽ നിൽക്കുന്ന വൃക്ഷത്തിന്‍റെ ചുവട്ടിലെ മണ്ണ് ഒലിച്ചുപോയതുമൂലം എതു നിമിഷവും മറിഞ്ഞുവീഴുവാൻ സാധ്യതയേറെയാണ്. അപകട സാധ്യതയുള്ള വൻ വൃക്ഷം അടിയന്തരമായി വെട്ടിമാറ്റി വീടിനുംവീട്ടിൽ താമസിക്കുന്നവർക്കും സുരക്ഷ ഒരുക്കണമെന്നാണ് വീട്ടുകാരുടെ ആവശ്യം.

അഞ്ഞൂറിലേറെ കുടുംബങ്ങളിലേക്ക് കത്തയച്ച് വിദ്യാലയമുത്തശി

കുറവിലങ്ങാട്: അഞ്ഞൂറിലേറെ കുടുംബങ്ങളിലേക്ക് കത്തയച്ച് വിദ്യാർഥിക്കൂട്ടം. നാടിന്‍റെ വിദ്യാലയ മുത്തശിയായ സെന്‍റ് മേരീസ് ഹയർ സെക്കൻഡറി സ്‌കൂളിലാണ് വേറിട്ട തപാൽദിനാഘോഷം നടത്തിയത്. മക്കളുടെ വടിവൊത്ത അക്ഷരങ്ങളിൽ നിറഞ്ഞ് തപാൽകാർഡുകൾ വീടുകളിലെത്തിയത് രക്ഷിതാക്കൾക്കും ഏറെ സന്തോഷമായി. ലഹരിവിരുദ്ധ സന്ദേശങ്ങളുൾക്കൊള്ളിച്ചാണ് തപാൽ കാർഡ് ഒരുക്കിയത്. ഓർമകളുടെ തേരിലേറിയ പ്രവർത്തനത്തിൽ വിദ്യാർഥികളും അധ്യാപകരും മാതാപിതാക്കളും ചേർന്നാണ് നേതൃത്വം നൽകിയത്. ആഘോഷങ്ങൾക്ക് പൂർണ പിന്തുണ പ്രഖ്യാപിച്ച് സ്‌കൂൾ മാനേജ്‌മെന്‍റും രംഗത്തെത്തി. സ്‌കൂൾ മാനേജർ ആർച്ച്പ്രീസ്റ്റ് റവ.ഡോ. തോമസ് മേനാച്ചേരി, അഡാർട്ട് പാലാ ഡയറക്ടർ ഫാ. ജയിംസ് പൊരുന്നോലിൽ, സ്‌കൂൾ അസി. മാനേജർ ഫാ. ആന്‍റണി വാഴക്കാലായിൽ, ഫാ. ജോസഫ് ചൂരക്കൽ, പ്രിൻസിപ്പൽ സിജി സെബാസ്റ്റ്യൻ, ഹെഡ്മാസ്റ്റർ കെ.എം. തങ്കച്ചൻ, പിടിഎ പ്രസിഡന്‍റ് ബിജു താന്നിക്കത്തറപ്പിൽ, പഞ്ചായത്തംഗം ജോയ്‌സ് അലക്‌സ്, ജിജോ ജോസഫ് എന്നിവർ പ്രസംഗിച്ചു.

ആൻസ് ട്രോഫി ബാസ്കറ്റ്ബോൾ തുടങ്ങി

കുര്യനാട്: ആൻസ് ട്രോഫിക്കു വേണ്ടിയുള്ള 25-ാമത് അഖില കേരള ഇന്‍റർ സ്‌കൂൾ ബാസ്‌കറ്റ്‌ബോൾ ടൂർണമെന്‍റിന് തുടക്കമായി. ജോസ് കെ. മാണി എംപി ഉദ്ഘാടനം ചെയ്തു. സ്‌കൂൾ മാനേജർ ഫാ. സ്റ്റാൻലി ചെല്ലിയിൽ സിഎംഐ അധ്യക്ഷത വഹിച്ചു. മരങ്ങാട്ടുപിള്ളി പഞ്ചായത്ത് പ്രസിഡന്‍റ് ബെൽജി ഇമ്മാനുവൽ കായികതാരങ്ങൾക്ക് ജേഴ്‌സി കൈമാറി. പ്രിൻസിപ്പൽ ഫാ. ജോബി മാത്തംകുന്നേൽ സിഎംഐ, വൈസ് പ്രിൻസിപ്പൽ ജാൻസി തോമസ്, ഫാ. വർക്കി ചക്കാലയിൽ സിഎംഐ, സിബി കുര്യൻ എന്നിവർ പ്രസംഗിച്ചു. വിവിധ ജില്ലകളിൽനിന്നുള്ള ഇരുപതോളം ടീമുകൾ വിവിധ വിഭാഗങ്ങളിലായി മാറ്റുരയ്ക്കുന്നുണ്ട്. ഉദ്ഘാടന മത്സരത്തിൽ 16 വയസിൽ താഴെയുള്ള ആൺകുട്ടികളുടെ വിഭാഗത്തിൽ ആതിഥേയരായ കുര്യനാട് സെന്‍റ് ആൻസ് ഹയർ സെക്കൻഡറി സ്‌കൂൾ നെടുങ്കുന്നം സെന്‍റ് ജോൺ ദ ബാപ്റ്റിസ്റ്റ് സ്‌കൂളിനെ തോൽപ്പിച്ചു.

നഴ്സുമാർക്ക് വിദേശജോലിക്ക് അവസരമൊരുക്കി കോട്ടയം തിരുഹൃദയ നഴ്‌സിംഗ് കോളജ്

കോട്ടയം: കോട്ടയം തിരുഹൃദയ നഴ്‌സിംഗ് കോളജ് ഇംഗ്ലണ്ട് കേന്ദ്രമാക്കി പ്രവര്‍ത്തിക്കുന്ന യൂണികോണ്‍ സ്റ്റഡി എബ്രോഡുമായി ചേര്‍ന്നു വിദ്യാര്‍ഥികള്‍ക്കു മികച്ച പരിശീലനം നൽകുന്നതിനുള്ള പുതിയ സംരംഭത്തിനു ധാരണാപത്രം കൈമാറി. ഇതോടെ നഴ്‌സിംഗ് പാസാകുന്ന വിദ്യാര്‍ഥികള്‍ക്കു യുഎസ്എ, യുകെ, അയര്‍ലൻഡ്, ഓസ്‌ട്രേലിയ, സ്‌കോട്ട്‌ലൻഡ്, യുഎഇ തുടങ്ങിയ വിവിധ രാജ്യങ്ങളിലേക്ക് ജോലി നേടിക്കൊടുക്കാന്‍ യൂണികോണ്‍ സ്റ്റഡി എബ്രോഡ് തിരുഹൃദയ കോളജ് ഓഫ് നഴ്‌സിംഗുമായി സഹകരിക്കും. തിരുഹൃദയ കോളജ് ഓഫ് നഴ്‌സിംഗിലെ വിദ്യാര്‍ഥികള്‍ക്ക് ഇതുവഴി വലിയ അവസരങ്ങളാണ് തുറക്കുന്നതെന്ന് പ്രിന്‍സിപ്പല്‍ സിസ്റ്റര്‍ ആലീസ് മണിയങ്ങാട്ട് എസ്എച്ച് പറഞ്ഞു. കോളജില്‍ നടന്ന പരിപാടിയില്‍ യൂണികോണ്‍ സിഇഒ സെലസ് മരിയ രാജന്‍ കോളജ് പ്രിന്‍സിപ്പല്‍ സിസ്റ്റര്‍ ആലീസ് മണിയങ്ങാട്ട് എസ്എച്ചിന് ഇതു സംബന്ധിച്ചുള്ള ധാരണാപത്രം കൈമാറി.

അപകടത്തിലായ മതിൽ പൊളിച്ചുനീക്കി

എരുമേലി: കഴിഞ്ഞ ദിവസം ഏതാനും ഭാഗം ഇടിഞ്ഞുവീണ മതിൽ ഇന്നലെ പൂർണമായും പൊളിച്ചു നീക്കി ബിഎസ്എൻഎൽ അധികൃതർ. എരുമേലിയിൽ ബിഎസ്എൻഎൽ ഓഫീസിന്‍റെ മതിൽക്കെട്ടാണ് കുറെ ഭാഗം പൊളിഞ്ഞ നിലയിൽ അപകടത്തിലായിരുന്നത്. ഏതു സമയത്തും മതിൽ റോഡിലേക്ക് ഇടിഞ്ഞുവീഴുന്ന നിലയിലാണെന്ന് ദീപിക വാർത്ത പ്രസിദ്ധീകരിച്ചിരുന്നു. അപകടം ഒഴിവാക്കാൻ മതിൽ പൊളിച്ചു മാറ്റണമെന്ന് ഡിവൈഎഫ്ഐ മേഖല കമ്മിറ്റി ആവശ്യപ്പെട്ടിരുന്നു. തുടർന്നാണ് ഇന്നലെ ബിഎസ്എൻഎൽ എൻജിനിയറിംഗ് വിഭാഗം ഉദ്യോഗസ്ഥർ സ്ഥലം സന്ദർശിച്ച് മതിൽ പൊളിച്ചു നീക്കുന്നതിന് നടപടികൾ കൈക്കൊണ്ടത്. എരുമേലി പഞ്ചായത്ത്‌ ഓഫീസിനടുത്ത് റോഡരികിലാണ് ബിഎസ്എൻഎൽ ഓഫീസ്. ഇതിന് മുമ്പിൽ 20 അടിയോളം ഉയരത്തിലുള്ള പഴക്കമേറിയ ചുറ്റുമതിൽ മരങ്ങളുടെ വേരുകൾക്കിടയിൽപ്പെട്ട് പിളർന്ന് റോഡിലേക്ക് ചെരിഞ്ഞ നിലയിലായിരുന്നു. യാത്രക്കാരും വാഹനങ്ങളും നിറയുന്ന റോഡിൽ അപകടത്തിലായിരുന്ന മതിൽ പൊളിച്ചുമാറ്റിയതോടെ അപകടഭീതി ഒഴിഞ്ഞു.

ഉപജില്ലാ കായികമേള: ഇഞ്ചിയാനി ഹോളിഫാമിലി ഹൈസ്കൂളിന് ജൂണിയർ വിഭാഗം ഓവറോൾ

കാഞ്ഞിരപ്പള്ളി: ഉപജില്ലാ സ്കൂൾ കായികമേളയിൽ ജൂണിയർ വിഭാഗം ഓവറോൾ നേടി ഇഞ്ചിയാനി ഹോളിഫാമിലി ഹൈസ്കൂൾ. ജൂണിയർ ആൺകുട്ടികൾ, ജൂണിയർ പെൺകുട്ടികൾ വിഭാഗങ്ങളിലാണ് ഓവറോൾ നേടിയത്. മാനേജർ ഫാ. ജോസഫ് കല്ലൂപ്പറന്പത്തിന്‍റെ നേതൃത്വത്തിൽ ഹൈറേഞ്ച് സ്പോർട്സ് അക്കാദമിയിലെ സന്തോഷ്, വിനോദ എന്നിവരാണ് കുട്ടികൾക്ക് കായികപരിശീലനം നൽകുന്നത്.

ബ്ലോക്കുതല ക്ഷീരകര്‍ഷക സെമിനാറും സൗജന്യ കാലിത്തീറ്റ വിതരണവും

കാഞ്ഞിരപ്പള്ളി: മണിമല ക്ഷീരസംഘത്തില്‍ നടന്ന ബ്ലോക്കുതല ക്ഷീരകര്‍ഷക സെമിനാറും സൗജന്യ കാലിത്തീറ്റ വിതരണവും ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് ഉദ്ഘാടനം ചെയ്തു. കാര്‍ഷിക മേഖലയില്‍ പ്രത്യേകിച്ച് ക്ഷീരകര്‍ഷകര്‍ക്ക് 40 ലക്ഷം രൂപയുടെ അനുകൂല്യങ്ങള്‍ നല്‍കുമെന്നും 2025-26 വാര്‍ഷിക പദ്ധതിയില്‍ ബ്ലോക്ക് പഞ്ചായത്ത് വഴി പത്തു ലക്ഷം രൂപയുടെ കാലിത്തീറ്റയും 20 ലക്ഷം രൂപയുടെ മില്‍ക്ക് ഇന്‍സെന്‍റീവും പത്തു ലക്ഷം രൂപയുടെ കാര്‍ഷിക യന്ത്രോപകരണങ്ങളും ക്ഷീരകര്‍ഷകര്‍ക്ക് മാത്രമായി നല്‍കുമെന്ന് അജിത രതീഷ് പറഞ്ഞു. ബ്ലോക്ക് പഞ്ചായത്ത് വൈസ് പ്രസിഡന്‍റ് ജോളി മടുക്കക്കുഴി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി ഷാജന്‍ മുഖ്യപ്രഭാഷണം നടത്തി. ബ്ലോക്ക് പഞ്ചായത്തംഗം കെ.എസ്. എമേഴ്സണ്‍ കൊള്ളിക്കുളവില്‍, ക്ഷീര വികസന ഓഫീസര്‍ ടി.എസ്. ഷിഹാബുദീന്‍, കണ്ണന്‍ എസ്. പിള്ള, ജോമോന്‍ പി. ജോസ്, ഷേര്‍ളി ജോയി, മധു കെ. മാത്യു തുടങ്ങിയവര്‍ പ്രസംഗിച്ചു.

അധ്യാപകന്‍റെ അറുപതിലധികം വാഴകൾ കാറ്റിൽ ഒടിഞ്ഞുവീണു

മണിമല: കഴിഞ്ഞ ദിവസമുണ്ടായ ശക്തമായ മഴയിലും കാറ്റിലും മണിമല സെന്‍റ് ജോർജ് ഹൈസ്കൂളിലെ അധ്യാപകനായ മനോജ് ചാക്കോ വടക്കേമുറിയുടെ അറുപതിലധികം വാഴകൾ ഒടിഞ്ഞുവീണു. അരലക്ഷം രൂപയ്ക്കടുത്ത് നഷ്ടം സംഭവിച്ചതായി മനോജ് പറഞ്ഞു. മണിമല കൃഷി ഓഫീസർ സ്ഥലം സന്ദർശിച്ചു. അധ്യാപനത്തിനൊപ്പം കൃഷിയോടും അടുപ്പമുള്ള മനോജ് സ്കൂൾസമയം കഴിഞ്ഞ് വീട്ടുവളപ്പിലാണ് കൃഷി ചെയ്യുന്നത്. കൃഷിയോടുള്ള സ്‌നേഹം കൊണ്ട് വീണ്ടും വാഴകൃഷി ആരംഭിക്കുമെന്ന് മനോജ് പറഞ്ഞു.

മഴ, കാറ്റ്: ചിറക്കടവ് പഞ്ചായത്തിൽ 30 ലക്ഷത്തിന്‍റെ കൃഷിനാശം

കാഞ്ഞിരപ്പള്ളി: കഴിഞ്ഞ ദിവസം പെയ്ത കനത്ത മഴയിലും വീശിയടിച്ച കാറ്റിലും ചിറക്കടവ് പഞ്ചായത്തിൽ വ്യാപക കൃഷിനാശം. 30 ലക്ഷം രൂപയുടെ കൃഷിനാശമാണ് പഞ്ചായത്തിലുണ്ടായിരിക്കുന്നതെന്ന് അധികൃതർ പറഞ്ഞു. പഞ്ചായത്തിലെ നാല്, ആറ്, ഏഴ്, എട്ട്, 12, 14 വാർഡുകളിലാണ് നാശം. ഇതിൽ ആറ്, എട്ട് വാർഡുകളിലാണ് കൂടുതൽ കൃഷിനാശമുണ്ടായിരിക്കുന്നത്. കുലച്ച 2500 വാഴകൾ, കുലയ്ക്കാത്ത 1000 വാഴകൾ, കായ്ക്കുന്ന 500 ജാതി, ടാപ്പ് ചെയ്യുന്ന 350 റബർ മരങ്ങൾ, ടാപ്പ് ചെയ്യാത്ത 150 റബർ മരങ്ങൾ, 20000 കപ്പ, 100 പൈനാപ്പിൾ, കായ്ക്കുന്ന 50 തെങ്ങ്, കായ്ക്കാത്ത 25 തെങ്ങ് എന്നിങ്ങനെയാണ് നശിച്ചിരിക്കുന്നത്. ചിറക്കടവ് കൃഷി ഓഫീസർ പ്രജിത പ്രകാശ്, കൃഷി അസിസ്റ്റന്‍റ് ശ്രീജ മോഹൻ തുടങ്ങിയവർ കൃഷിയിടങ്ങൾ സന്ദർശിച്ച് നഷ്ടം വിലയിരുത്തി. കൃഷിഭവനുകളിൽ ലഭിച്ച വിവരപ്രകാരമുള്ള കണക്കാണ് ഇതെങ്കിലും യാഥാർഥ്യം ഇതിലേറെയാണ്. കൃഷിഭവനുകളിൽ കൃഷിനാശം റിപ്പോർട്ട് ചെയ്യാത്ത കർഷകരുമുണ്ട്.

പഞ്ചായത്തുകളിലെ സംവരണ വാര്‍ഡുകള്‍; നറുക്കെടുപ്പ് ഇന്നു പൂര്‍ത്തിയാകും

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ പഞ്ചായത്തുകളിലെ സംവരണ വാര്‍ഡുകള്‍ നിശ്ചയിക്കുന്നതിനുള്ള നറുക്കെടുപ്പ് ഇന്നു പൂര്‍ത്തിയാകും. ഇന്നലെ 16 പഞ്ചായത്തുകളിലെ നറുക്കെടുപ്പ് നടന്നു. ഈരാറ്റുപേട്ട, പാമ്പാടി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളാണ് ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നിര്‍ണയിച്ചത്. ഇതോടെ ജില്ലയിലെ 53 പഞ്ചായത്തുകളിലെ നറുക്കെടുപ്പ് പൂര്‍ത്തിയായി. വാഴൂര്‍, പള്ളം, കാഞ്ഞിരപ്പള്ളി ബ്ലോക്കുകളില്‍ ഉള്‍പ്പെട്ട 18 പഞ്ചായത്തുകളിലെ നറുക്കെടുപ്പ് ഇന്നു കളക്‌ടറേറ്റ് വിപഞ്ചിക ഹാളില്‍ നടക്കും. ജില്ലയിലെ നഗരസഭകളിലെ സംവരണ നറുക്കെടുപ്പ് ഇന്നു കളക്‌ടറേറ്റിലെ തൂലിക ഹാളിലാണ്. എലിക്കുളം പട്ടികജാതി സംവരണം: ഉരുളികുന്നം (2). സ്ത്രീ സംവരണം: ഞണ്ടുപാറ (1), വട്ടന്താനം (3), വഞ്ചിമല (8), പനമറ്റം (9), വെളിയന്നൂര്‍ (10), രണ്ടാംമൈല്‍ (12), മഹാത്മാനഗര്‍ (13), ഇളങ്ങുളം (16), മടുക്കക്കുന്ന് (17). പള്ളിക്കത്തോട് പട്ടികജാതി സംവരണം: പള്ളിക്കത്തോട് സെന്‍ട്രല്‍ (14). സ്ത്രീ സംവരണം: ആനിക്കാട് (4), വേരുങ്കല്‍പാറ (5), കയ്യൂരി (8), മന്ദിരം (9), കൊമ്പാറ (11), മൈലാടിക്കര (12), മുക്കാലി (13), കല്ലാടംപൊയ്ക (15). അകലക്കുന്നം പട്ടികജാതി സംവരണം: മണല്‍ (15). സ്ത്രീ സംവരണം: പട്യാലിമറ്റം (1), കരിമ്പാനി (4), ഇടമുള (5), കാഞ്ഞിരമറ്റം (7), ക്ടാക്കുഴി (8), ചെങ്ങളം (9), തെക്കുംതല (10), മറ്റക്കര (14).

ചാക്കുകണക്കിനു പാൻമസാല; കൈയോടെ പൊക്കി എക്സൈസ്

മുണ്ടക്കയം: കൂട്ടിക്കൽ കാവാലിയിൽനിന്നു വൻതോതിൽ നിരോധിത പാൻമസാല ഉത്പന്നങ്ങൾ എക്സൈസ് പിടികൂടി. നെടുമ്പാശേരി-മുപ്പത്തഞ്ചാംമൈൽ സംസ്ഥാന പാതയിൽ കൂട്ടിക്കലിനും പറത്താനത്തിനുമിടയിൽ കാവാലി വ്യൂ പോയിന്‍റിനു സമീപമാണ് കാട്ടിൽ ഒളിപ്പിച്ച നിലയിൽ പത്തു ചാക്ക് നിരോധിത പുകയില ഉത്പന്നങ്ങൾ എക്സൈസ് കണ്ടെത്തിയത്. പത്തു ചാക്കുകളിലായി 8000ലധികം പാൻമസാല പായ്ക്കറ്റുകളാണ് ഉണ്ടായിരുന്നത്. വിപണിയിൽ ഒരു പായ്ക്കറ്റ് 50 രൂപയ്ക്കാണ് കച്ചവടം. നാലു ലക്ഷത്തിലധികം രൂപ വില വരുന്ന ഉത്പന്നങ്ങളാണ് എക്സൈസ് പിടികൂടിയത്. തെരഞ്ഞെടുപ്പിനു മുന്നോടിയായി മേഖലയിൽ എക്സൈസ് പരിശോധന ഊർജിതമാക്കിയിരുന്നു. ഇതിനു പിന്നാലെയാണ് നിരോധിത പുകയില ഉത്പന്നങ്ങൾ കണ്ടെത്തിയത്. എക്സൈസ് ഇൻസ്പെക്ടർ സുധി കെ. സത്യപാലൻ, പ്രവന്‍റീവ് ഓഫീസർ കെ.എൻ. സുരേഷ് കുമാർ, പ്രിവന്‍റീവ് ഓഫീസർ ഗ്രേഡ് പി.എസ്. രതീഷ്, സിവിൽ എക്സൈസ് ഓഫീസർമാരായ പി.എ. ഷൈജു, സനൽ മോഹൻദാസ് എന്നിവരുടെ നേതൃത്വത്തിലാണ് പരിശോധന നടത്തിയത്. വിദ്യാർഥികളെ നോട്ടമിട്ട് കൂട്ടിക്കൽ, മുണ്ടക്കയം, ഏന്തയാർ, ഇളങ്കാട് അടക്കമുള്ള മേഖലയിലെ സ്കൂൾ വിദ്യാർഥികളെയും ചെറുകിട കച്ചവടക്കാരെയും ലക്ഷ്യമിട്ടാണ് പാൻമസാല എത്തിച്ചതെന്നാണ് എക്സൈസ് വിലയിരുത്തൽ. പാൻമസാല ചാക്കിൽകെട്ടി ഈ ഭാഗത്ത് ഉപേക്ഷിച്ചതാണോ അതോ ആവശ്യാനുസരണം ഇവിടെനിന്നെടുത്ത് ആളുകൾക്ക് എത്തിച്ചുകൊടുക്കാൻ സൂക്ഷിച്ചിരുന്നതാണോയെന്നും എക്സൈസ് ഉദ്യോഗസ്ഥർ അന്വേഷിക്കുന്നുണ്ട്. പ്രതികൾക്കായി അന്വേഷണം ഊർജിതമാക്കിയതായും എക്സൈസ് ഉദ്യോഗസ്ഥർ പറഞ്ഞു. ആളൊഴിഞ്ഞ മേഖല നെടുമ്പാശേരി-മുപ്പത്തഞ്ചാംമൈൽ സംസ്ഥാന പാതയാണിത്. എറണാകുളം ഭാഗത്തുനിന്ന് ഈരാറ്റുപേട്ട വഴി പറത്താനം, കൂട്ടിക്കൽ, മുണ്ടക്കയം, ഏന്തയാർ മേഖലകളിലേക്കു വളരെ വേഗത്തിൽ എത്താവുന്ന റോഡ്. ബിഎം ആൻഡ് ബിസി നിലവാരത്തിൽ ആധുനിക രീതിയിലാണ് റോഡ് നവീകരിച്ചിരിക്കുന്നത്. എന്നാൽ, റോഡിലൂടെ വാഹനയാത്രികരുടെ എണ്ണം തീർത്തും കുറവാണ്. അതുകൊണ്ടുതന്നെ ലഹരിക്കടത്ത് സംഘങ്ങളും നികുതി അടയ്ക്കാതെ സാധനങ്ങൾ കൊണ്ടുപോകുന്ന വാഹനങ്ങളുമെല്ലാം പ്രധാനമായും തെരഞ്ഞെടുക്കുന്ന പാതകൂടിയാണിതെന്നും പറയപ്പെടുന്നു.

അഭിരുചികൾക്കനുസൃതമായ സോഫ്റ്റ്‌വെയർ പഠനം: അരുവിത്തുറ കോളജിൽ സെമിനാർ

അരുവിത്തുറ: സെന്‍റ് ജോർജ് കോളജ് സെൽഫ് ഫിനാൻസ് ബിസിഎ വിഭാഗത്തിന്‍റെ ആഭിമുഖ്യത്തിൽ അഭിരുചികൾക്കനുസരിച്ച് സോഫ്റ്റ്‌വെയർ പഠനം എന്ന വിഷയത്തിൽ സെമിനാർ സംഘടിപ്പിച്ചു. സെമിനാറിന്‍റെ ഉദ്ഘാടനം ചൂണ്ടച്ചേരി സെന്‍റ് ജോസഫ് എൻജിനിയറിംഗ് കോളജ് സോഫ്റ്റ്‌വെയർ വിഭാഗം മേധാവി ഡോ. രാഹുൽ ഷാജൻ നിർവഹിച്ചു. തങ്ങളുടെ അഭിരുചികൾക്ക് അനുസൃതമായ സോഫ്റ്റ്‌വെയറുകൾ നിർമിക്കുമ്പോഴാണ് സോഫ്റ്റ്‌വെയർ പഠനം കൂടുതൽ ആസ്വാദ്യകരമാകുന്നതെന്ന് അദ്ദേഹം പറഞ്ഞു. കോളജ് പ്രിൻസിപ്പൾ പ്രഫ.ഡോ. സിബി ജോസഫ് അധ്യക്ഷത വഹിച്ച ചടങ്ങിൽ സെൽഫ് ഫിനാൻസ് ബിസിഎ വിഭാഗം മേധാവി ബിൻസി മൈക്കിൾ, അസോസിയേഷൻ കോഓർഡിനേറ്റർ നീരജ സെബാസ്റ്റ്യൻ, അസോസിയേഷൻ പ്രസിഡന്‍റ് തോബിത്ത് ചാർലി തുടങ്ങിയവർ സംസാരിച്ചു.

കാറും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു

ചങ്ങനാശേരി: കാറും ബൈക്കും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരനായ യുവാവ് മരിച്ചു. മല്ലപ്പള്ളി വായ്പൂര് വേങ്ങമഠത്തിൽ കള്ളിപ്പാറ സുരേഷിന്‍റെ മകൻ ആദിത്യൻ (19) ആണ് മരിച്ചത്. തൃക്കൊടിത്താനം കുന്നുംപുറത്തിന് സമീപം മാടത്തെരുവി ഭാഗത്തായിരുന്നു അപകടം. ബൈക്കിൽ കൂടെയുണ്ടായിരുന്ന സമീർ പരിക്കുകളോടെ രക്ഷപ്പെട്ടു. മല്ലപ്പള്ളി ഭാഗത്തുനിന്ന് തൃക്കൊടിത്താനത്തെ ജോലി സ്ഥലത്തേക്ക് വരുമ്പോഴായിരുന്നു അപകടം. മല്ലപ്പള്ളി ഭാഗത്തേക്ക് പോകുകയായിരുന്നു കാറും യുവാക്കൾ സഞ്ചരിച്ചിരുന്ന ബൈക്കും തമ്മിൽ കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു. മറ്റൊരു സ്കൂട്ടറും അപകടത്തിൽപെട്ടു. ഇതിലെ യാത്രക്കാരനായ തൃക്കൊടിത്താനം കാലായിൽ ഷാജിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. ആദിത്യന്‍റെ സംസ്കാരം പിന്നീട്. അമ്മ: അമ്പിളി. സഹോദരി: ചിത്തിര.

കാറ്റിലും മഴയിലും നെടുംകുന്നം മേഖലയിൽ ലക്ഷങ്ങളുടെ നഷ്ടം

നെടുംകുന്നം: ശക്തമായി തുടരുന്ന തുലാവർഷത്തിൽ നെടുംകുന്നം മേഖലയിൽ വീടുകൾ തകർന്നും കൃഷിനശിച്ചും വൈദ്യുതി പോസ്റ്റുകൾ നിലംപതിച്ചും ലക്ഷങ്ങളുടെ നഷ്ടം. ശക്തമായ കാറ്റിലും മഴയിലും നെടുംകുന്നത്ത് 30ഉം കങ്ങഴയിൽ 10ഉം വീടുകളും തകർന്നു. കഴിഞ്ഞ ദിവസത്തെ കാറ്റിൽ നെടുംകുന്നം ഇടമുറിയിൽ കെ.ജെ. ജോണിന്‍റെ വീടിനു മുകളിൽ മരം വീണു മേൽക്കൂര തകർന്നു. കങ്ങഴ പാറയ്ക്കൽ പൊന്നമ്മയുടെ വീടിന്‍റെ മേൽക്കൂര കാറ്റിൽ തകർന്നു. പൊങ്ങൻപാറയിൽ അനീഷിന്‍റെ വീടിനു മുകളിൽ മരംവീണ് മേൽക്കൂര തകർന്നു. കങ്ങഴ പടലുങ്കൽ കാരുവാക്കൽ വിജയന്‍റെ വീടിനു മുകളിൽ മരം വീണ് മേൽക്കൂര ഭാഗികമായി നശിച്ചു. നിരവധി ഇടങ്ങളിൽ തേക്ക്, ആഞ്ഞിലി, പ്ലാവ്, റബർ തുടങ്ങിയ മരങ്ങൾ കടപുഴകി വീണ് വൈദ്യുത പോസ്റ്റുകളും ലൈനും നശിച്ചു. നാട്ടുകാരും കെഎസ്ഇബിയും അഗ്നിരക്ഷാസേനയും ചേർന്നാണ് മരങ്ങൾ വെട്ടിമാറ്റുന്നത്. കെഎസ്ഇബി കറുകച്ചാൽ, ഇടയിരിക്കപ്പുഴ സെക്‌ഷനുകൾക്ക് 60 ലക്ഷം രൂപയുടെ നാശനഷ്ടം സംഭവിച്ചതായി കണക്കാക്കുന്നു. ഇടയിരിക്കപ്പുഴയിൽ 50 ലക്ഷം രൂപയുടെയും കറുകച്ചാൽ സെക്‌ഷൻ പരിധിയിൽ 10 ലക്ഷം രൂപയുടെയും നഷ്ടമാണ് ഉണ്ടായത്. കറുകച്ചാൽ സെക്‌ഷൻ പരിധിയിൽ 32 ഇടത്ത് മരം വീണ് വൈദ്യുതി കമ്പികൾ പൊട്ടിവീണു. എട്ട് എൽടി വൈദ്യുതി പോസ്റ്റുകൾ ഒടിഞ്ഞു. ഇടയിരിക്കപ്പുഴ സെക‌്ഷനിൽ 15 എൽടി വൈദ്യുതപോസ്റ്റുകളും, അഞ്ച് എച്ച്ടി വൈദ്യുതി പോസ്റ്റുകളും തകർന്നു. കങ്ങഴ, കോവേലി, ആര്യാട്ടുകുഴി, ചാരംപറമ്പ്, അഞ്ചാനി, ഇടയിരിക്കപ്പുഴ, പത്തനാട് എന്നിവിടങ്ങളിലും വെള്ളാവൂർ പഞ്ചായത്തിലെ വിവിധ പ്രദേശങ്ങളിലും ഉൾപ്പെടെ 200ലധികം സ്ഥലങ്ങളിലാണ് മരങ്ങൾ വീണ് വൈദ്യുത കമ്പികൾ തകർന്നത്. നിരവധി കർഷരുടെ റബർ, കപ്പ, വാഴ, തുടങ്ങിയവ നശിച്ചു. നെടുംകുന്നം പഞ്ചായത്തിലെ വിവിധ ഭാഗങ്ങളിൽ ആയിരത്തോളം ഏത്തവാഴകളും നൂറിലേറെ റബർമരങ്ങളും നശിച്ചു. നെടുംകുന്നം വീരന്മല തങ്കച്ചന്‍റെ വാഴക്കൃഷിയും പുതുപ്പള്ളിപ്പടവ് തൊട്ടിക്കൽ അജിയുടെ കപ്പയും ഏത്തവാഴകളും കാറ്റിൽ നശിച്ചു.

പതിനേഴുകാരി പ്രസവിച്ചു; അമ്മ സംഭവം ഒളിപ്പിക്കാൻ ശ്രമിച്ചെന്ന് നാട്ടുകാര്‍

ചിങ്ങവനം: കടുവാക്കുളത്ത് പതിനേഴുകാരി പ്രസവിച്ചു. ഗര്‍ഭിണിയാണെന്ന വിവരം മറച്ചുവച്ച അമ്മയ്‌ക്കെതിരേ ആരോപണവുമായി നാട്ടുകാര്‍ രംഗത്തെത്തി. ഇന്നലെ രാവിലെ വിവരമന്വേഷിച്ചു ചാന്നാനിക്കാട് ഹെല്‍ത്ത് സെന്‍ററിലെ നഴ്സുമാരും വാര്‍ഡ് മെംബറുംകൂടി വീട്ടിലെത്തിയപ്പോള്‍ പെണ്‍കുട്ടിയെ ഉടന്‍ ആശുപത്രിയില്‍ പ്രവേശിപ്പിക്കേണ്ട സ്ഥിതിയിലായിരുന്നു. ആംബുലന്‍സ് വിളിച്ചു വരുത്തി ജില്ലാ ആശുപത്രിയില്‍ പ്രവശിപ്പിക്കുകയും താമസിയാതെ ആണ്‍കുട്ടിക്കു ജന്മം നല്‍കുകയുമായിരുന്നു. നേരത്തെ നാട്ടുകാര്‍ വിവരം ധരിപ്പിച്ചതനുസരിച്ചു വാര്‍ഡ് മെംബര്‍ ഹെല്‍ത്ത് സെന്‍ററില്‍ ഡോക്ടറെ അറിയിച്ചിരുന്നു. തുടര്‍ന്നാണ് ഇന്നലെ രാവിലെ വിവരമന്വേഷിക്കാനായെത്തിയത്. പെണ്‍കുട്ടി ഗര്‍ഭിണിയാണെന്ന കാര്യം അമ്മ മറച്ചുവച്ചിരിക്കുകയായിരുന്നുവെന്നാണ് നാട്ടുകാരുടെ ആരോപണം. കിഡ്‌നി സംബന്ധമായ അസുഖം മൂലമാണ് വയർവീര്‍ത്തിരിക്കുന്നതെന്നാണ് ആരോഗ്യ പ്രവര്‍ത്തകരോടു പറഞ്ഞിരുന്നത്. തുടര്‍ന്ന് സ്‌കാന്‍ ചെയ്ത റിപ്പോര്‍ട്ടും ഇവര്‍ കാണിച്ചിരുന്നു. ഈ റിപ്പോര്‍ട്ട് ഡോക്‌ടറെ കാണിച്ചപ്പോഴാണ് പൂര്‍ണ ഗര്‍ഭിണിയാണെന്ന വിവരം ആരോഗ്യപ്രവര്‍ത്തകര്‍ അറിയുന്നത്. പെണ്‍കുട്ടിയുടെ പെരുമാറ്റത്തിലുള്ള അസ്വാഭാവികതയാണ് ഉടന്‍ ആശുപത്രിയില്‍ എത്തിക്കാന്‍ പ്രേരണയായത്. ഈസ്റ്റ് പോലീസിൽ അറിയിച്ചിട്ടുണ്ട്. പെൺകുട്ടിയുടെ മൊഴി രേഖപ്പെടുത്തിയ ശേഷം കൂടുതൽ നടപടികളിലേക്കു കടക്കുമെന്നു പോലീസ് അറിയിച്ചു.

ചങ്ങനാശേരി ഉപജില്ലാ കായികമേള: കുറുമ്പനാടം സെന്‍റ് പീറ്റേഴ്‌സ് ജേതാക്കള്‍

ചങ്ങനാശേരി: ചങ്ങനാശേരി ഉപജില്ലാ കായികമേളയില്‍ കുറുമ്പനാടം സെന്‍റ് പീറ്റേഴ്‌സ് ഹയര്‍ സെക്കന്‍ഡറി സ്‌കൂള്‍ 365 പോയിന്‍റ് നേടി ഓവറോള്‍ ചാമ്പ്യന്മാരായി. 77 പോയിന്‍റുമായി ചങ്ങനാശേരി എസ്ബി ഹയര്‍ സെക്കന്‍ഡറി സ്‌കൂള്‍ രണ്ടാംസ്ഥാനവും 72 പോയിന്‍റുമായി സെന്‍റ് ആന്‍സ് ഹൈസ്‌കൂള്‍ മൂന്നാം സ്ഥാനവും കരസ്ഥമാക്കി. സബ്ജൂണിയര്‍ ആണ്‍കുട്ടികള്‍ വിഭാഗത്തില്‍ ഏബല്‍ വര്‍ഗീസ് ബെന്നി, സബ് ജൂണിയര്‍ പെണ്‍കുട്ടികള്‍ ദിയ ആന്‍ തോമസ്, റൊസാന്‍ മേരി ടാല്‍സീനോ, ജൂണിയര്‍ ബോയ്‌സ് എഡ്‌വിന്‍ വര്‍ക്കി പ്രിന്‍സ്, ജൂണിയര്‍ ഗേള്‍സ് ആന്‍മേരി ജോസഫ്, സീനിയര്‍ ഗേള്‍സ് ബെസിമോള്‍ മാത്യു (എല്ലാവരും കുറുമ്പനാടം സെന്‍റ് പീറ്റേഴ്‌സ് സ്‌കൂള്‍) വ്യക്തിഗത ചാമ്പ്യന്മാരായി. സീനിയര്‍ ആണ്‍കുട്ടികളുടെ വിഭാഗത്തില്‍ പി.എ. അഭിജിത്ത് (ജെഎംഎച്ച്എസ്എസ് വാകത്താനം) വ്യക്തിഗത ചാമ്പ്യനായി. സമാപന സമ്മേളനം ജില്ലാ സ്‌പോര്‍ട്‌സ് ഓര്‍ഗനൈസര്‍ ബിജു ആന്‍റണി ഉദ്ഘാടനം ചെയ്തു. സബ്ജില്ലാ സെക്രട്ടറി സെബിന്‍ മാത്യു പ്രസംഗിച്ചു.

വിശുദ്ധ കാര്‍ലോ അക്കുത്തിസിന്‍റെ തിരുശേഷിപ്പ് ചങ്ങനാശേരിയിൽ

ചങ്ങനാശേരി: സാമൂഹ്യ മാധ്യമങ്ങളും സൈബര്‍ ലോകവും സുവിശേഷപ്രഘോഷണത്തിനുള്ള മാര്‍ഗമാക്കി മാറ്റിയ വിശുദ്ധ കാര്‍ലോ അക്കുത്തിസിന്‍റെ തിരുശേഷിപ്പ് ചങ്ങനാശേരി ആര്‍ച്ച്ബിഷപ്‌സ് ഹൗസിലെത്തിച്ചു. ഇറ്റലിയിലെ ഒര്‍വിയത്തോ രൂപതയുടെ ചാന്‍സലറും ഔര്‍ ലേഡി ഓഫ് ലൈറ്റ് കമ്യൂണിറ്റിയുടെ ജനറല്‍ കൗണ്‍സിലറുമായ ഫാ. ജറി കെല്ലിയില്‍നിന്ന് ആര്‍ച്ച്ബിഷപ് മാര്‍ തോമസ് തറയില്‍ ഏറ്റുവാങ്ങി. മുഖ്യവികാരി ജനറാള്‍ മോണ്‍. ആന്‍റണി എത്തയ്ക്കാട്ട്, മീഡിയ വില്ലേജ് എക്‌സിക്യൂട്ടീവ് ഡയറക്ടര്‍ ഫാ. ജോഫി പുതുപ്പറമ്പില്‍, റോമില്‍നിന്നുമെത്തിയ പ്രതിനിധികള്‍ എന്നിവരുടെ സാന്നിധ്യത്തിലായിരുന്നു തിരുശേഷിപ്പ് കൈമാറിയത്. അതിരൂപതയുടെ മാധ്യമപ്രേഷിത വിഭാഗമായ മീഡിയ വില്ലേജില്‍ നവംബര്‍ 16ന് മീഡിയ വില്ലേജിന്‍റെ നേതൃത്വത്തില്‍ യുവദീപ്തി-എസ്‌വൈഎമ്മിന്‍റെ സഹകരണത്തോടെ പരമാവധി യുവജനങ്ങളെ പങ്കെടുപ്പിച്ച് ആഘോഷമായ പ്രതിഷ്ഠ നടത്താനാണ് പദ്ധതിയിട്ടിരിക്കുന്നതെന്ന് അതിരൂപതാ കേന്ദ്രം അറിയിച്ചു.

എസ്ബി കോളജ് കുട്ടനാട് പഠന-ഗവേഷണ കേന്ദ്രത്തില്‍ 22ന് ഏകദിന പരിശീലനം

ചങ്ങനാശേരി: എസ്ബി കോളജിലെ കുട്ടനാട് പഠന-ഗവേഷണ കേന്ദ്രത്തില്‍ 22ന് ഏകദിന പരിശീലനം നടക്കും. കാര്‍ഷിക അടിസ്ഥാനസൗകര്യ വികസന നിധിയില്‍നിന്നുള്ള സഹായത്തോടുകൂടി വ്യക്തികള്‍ക്കും കര്‍ഷക കൂട്ടായ്മകള്‍ക്കും 40% മുതല്‍ 80% വരെ സബ്‌സിഡിയോടു കൂടിയും ബാക്കി വായ്പയ്ക്ക് ഫലത്തില്‍ 4% മാത്രം പലിശയോടും രണ്ടു കോടി രൂപ വരെ ലഭിക്കുന്ന പദ്ധതികള്‍ പ്രയോജനപ്പെടുത്താനുള്ള പരിശീലനമാണ് പ്ലാന്‍ ചെയ്തിരിക്കുന്നത്. ഒരു മികച്ച സംരംഭകനാകാന്‍ ആഗ്രഹിക്കുന്നുവെങ്കില്‍ പങ്കെടുക്കാം. കുട്ടനാട് കേന്ദ്രമായി ആരംഭിക്കുന്ന ഫാര്‍മര്‍ പ്രൊഡ്യൂസേഴ്‌സ് ഓര്‍ഗനൈസേഷനുകളില്‍ അംഗമാകാന്‍ ആഗ്രഹിക്കുന്നവര്‍ക്കും പകെടുക്കാം. മികച്ച വ്യക്തിഗത സംരംഭകരെയും കര്‍ഷക കൂട്ടായ്മകളെയും പരിചയപ്പെടുത്തും. കുമരകം കൃഷിവിജ്ഞാന്‍ കേന്ദ്ര ഹെഡ് ഡോ. ജി. ജയലക്ഷ്മിയാണ് പരിശീലനം നയിക്കുന്നത്. നബാര്‍ഡ്, നാബ് കോണ്‍, ലീഡ് ബാങ്ക് തുടങ്ങിയവയുടെ പ്രതിനിധികള്‍ വായ്പാ പദ്ധതി, തെരഞ്ഞെടുക്കാവുന്ന ഇനങ്ങള്‍, പ്രോജക്ട് റിപ്പോര്‍ട്ട് തയാറാക്കല്‍, മാനേജീരിയല്‍ സ്‌കില്‍സ് വിപണന തന്ത്രങ്ങള്‍ തുടങ്ങിയവയെക്കുറിച്ച് ക്ലാസുകള്‍ നയിക്കും. ഡോ. റൂബിന്‍ ഫിലിപ്പ്, പ്രോജക്ട് കോ-ഓര്‍ഡിനേറ്റര്‍, ഫോണ്‍: 8547829482

19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മാടപ്പള്ളി ബ്ലോക്കിലെ പഞ്ചായത്തുകൾ വാഴപ്പള്ളി പട്ടികജാതി സംവരണം: പറാല്‍ (22). സ്ത്രീ സംവരണം: മുളയ്ക്കാംതുരുത്തി (1), പുന്നമൂട് (4), പുതുച്ചിറക്കുഴി (8), ഏനാച്ചിറ (9), ലിസ്യു (10), ചീരഞ്ചിറ (11), പുതുച്ചിറ (12), ഐഇ നഗര്‍ (14), കടമാന്‍ചിറ (15), വലിയകുളം (16), പുത്തന്‍കുളങ്ങര (20). പായിപ്പാട് പട്ടികജാതി സ്ത്രീ സംവരണം: ഹോമിയോ ഹോസ്പിറ്റല്‍ (5). പട്ടികജാതി സംവരണം: മച്ചിപ്പള്ളി (8) സ്ത്രീ സംവരണം: അംബേദ്കര്‍ (1), വേഷ്ണാല്‍ (2), നാലുകോടി (3), പിഎച്ച്‌സി (4), സിഎംഎസ് എല്‍പിഎസ് (7), ബൈബിള്‍ കോളജ് (10), മാര്‍ക്കറ്റ് (12), പൂവം (17). മാടപ്പള്ളി പട്ടികജാതി സ്ത്രീ സംവരണം: പങ്കിപ്പുറം (13), കല്ലുവെട്ടം (16). പട്ടികജാതി സംവരണം: കണിച്ചുകുളം (6) സ്ത്രീ സംവരണം: ചൂരനോലി (5), ഇല്ലിമൂട് (8), മാമ്മൂട് (9), വെങ്കോട്ട (12), കരിക്കണ്ടം (14), ചിറക്കുഴി (15), മാടപ്പള്ളി (17), തലക്കുളം (19), തെങ്ങണ (20). തൃക്കൊടിത്താനം പട്ടികജാതി സ്ത്രീ സംവരണം: ചേരിക്കല്‍ (2). പട്ടികജാതി സംവരണം: ആശുപത്രി വാര്‍ഡ് (16) സ്ത്രീ സംവരണം: കൊടിനാട്ടുകുന്ന് (5), കോട്ടമുറി (11), ചെമ്പുംപുറം (12), അമരപുരം തെക്ക് (14), ചാഞ്ഞോടി (15), കിളിമല (18), ഓഫീസ് വാര്‍ഡ് (19), ആരമല (20), മുക്കാട്ടുപടി (21), കൊട്ടശേരി (22) വാകത്താനം പട്ടികജാതി സംവരണം: ഞാലിയാകുഴി (4). സ്ത്രീ സംവരണം: കൊടൂരാര്‍വാലി (2), കാടമുറി (3), അമ്പലക്കവല (8), ഇരവുചിറ (10), മുടിത്താനം (12), ഉണ്ണാമറ്റം (14), പാണ്ടന്‍ചിറ (15), കാരക്കാട്ടുകുന്ന് (16), നാലുന്നാക്കല്‍ (17), പുത്തന്‍ചന്ത (18), ജറുസലേം മൗണ്ട് (19).

നിയമസഭയില്‍ സബ്മിഷന്‍ : വേണം, ചങ്ങനാശേരിയില്‍ അഡീഷണല്‍ ഒന്നാം ക്ലാസ് മജിസ്‌ട്രേറ്റ് കോടതി

ബെന്നി ചിറയിൽ ചങ്ങനാശേരി: ചങ്ങനാശേരിയില്‍ അഡീഷണലായി ഒന്നാം ക്ലാസ് മജിസ്‌ട്രേറ്റ് കോടതി ആരംഭിക്കണമെന്ന് ജോബ് മൈക്കിള്‍ എംഎല്‍എ നിയമസഭയില്‍ സബ്മിഷനിലൂടെ ആവശ്യപ്പെട്ടു. കോട്ടയം ജില്ലയിലെ പ്രധാന നഗരമായ ചങ്ങനാശേരിയില്‍ നൂറുവര്‍ഷത്തിലധികം പഴക്കമുള്ള ഒരു മുന്‍സിഫ് കോടതിയും മജിസ്‌ട്രേറ്റ് കോടതിയും അഡീഷണല്‍ സെഷൻസ് ഫാസ്റ്റ് ട്രാക്ക് (പോക്‌സോ) കോടതിയുമാണ് നിലവിലുള്ളത്. രണ്ടു പുതിയ കോടതികള്‍കൂടി സ്ഥാപിക്കുവാന്‍ പര്യാപ്തമായ ആധുനിക സൗകര്യങ്ങളോടു കൂടിയ കോര്‍ട്ട് കോംപ്ലക്‌സ് ചങ്ങനാശേരിയിലുണ്ട്. 2016 ലെ മുന്‍ഗണനാ ലിസ്റ്റില്‍ ചങ്ങനാശേരിക്ക് അഡീഷണല്‍ മജിസ്‌ട്രേറ്റ് കോടതിക്ക് അനുമതി ലഭിച്ചിരുന്നുവെങ്കിലും അതു ഫലപ്രാപ്തിയില്‍ എത്തിയില്ല. ചങ്ങനാശേരി മജിസ്‌ട്രേറ്റ് കോടതിയുടെ അധികാരപരിധി നിലനിര്‍ത്തുന്നതിനും കേസുകളുടെ അതിവേഗ തീര്‍പ്പിനും പൊതുജനങ്ങളുടെ സൗകര്യം പരിഗണിച്ചും ഒരു അഡീഷണല്‍ മജിസ്‌ട്രേറ്റ് കോടതി ചങ്ങനാശേരിയില്‍ അത്യന്താപേക്ഷിതമാണ്. 106 ദിവസം നീണ്ടുനിന്ന അഭിഭാഷക, ക്ലാര്‍ക്ക് സമരം കറുകച്ചാല്‍ പോലീസ് സ്റ്റേഷന്‍ പരിധി കാഞ്ഞിരപ്പള്ളി കോടതിയിലേക്കു മാറ്റിയത് പുനഃപരിശോധിച്ച് ചങ്ങനാശേരി മജിസ്‌ട്രേറ്റ് കോടതി അധികാരപരിധിയില്‍ നിലനിര്‍ത്തണമെന്നാവശ്യപ്പെട്ട് കറുകച്ചാല്‍, കങ്ങഴ, നെടുംകുന്നം പഞ്ചായത്തു ഭരണസമിതികള്‍ ഐകകണ്‌ഠ്യേന പ്രമേയം പാസാക്കി സര്‍ക്കാരിനും ഹൈക്കോടതിക്കും സമര്‍പ്പിച്ചിരുന്നു. ഈ വിഷയം ഉന്നയിച്ച് ചങ്ങനാശേരിയിലെ അഭിഭാഷകരും ക്ലാര്‍ക്കുമാരും 106 ദിവസം തുടര്‍ച്ചയായി സമരം ചെയ്തിരുന്നു. പുതിയ കോടതി വന്നാല്‍ കറുകച്ചാല്‍ പോലീസ് പരിധി ചങ്ങനാശേരിയില്‍ തിരികെയെത്തും ചങ്ങനാശേരി മജിസ്‌ട്രേറ്റ് കോടതിയുടെ അധികാരപരിധിയില്‍ നിലനിന്നിരുന്ന കറുകച്ചാല്‍ പോലീസ് സ്റ്റേഷന്‍ കാഞ്ഞിരപ്പള്ളി മജിസ്‌ട്രേറ്റ് കോടതിയുടെ അധികാരപരിധിയിലേക്ക് മാറ്റിയതു സംബന്ധിച്ച് പൊതുജനങ്ങള്‍ക്കിടയില്‍ വന്‍ പ്രതിഷേധം ഉയര്‍ന്നിരുന്നു. വാകത്താനം, ചിങ്ങവനം, കറുകച്ചാല്‍ പോലീസ് സ്റ്റേഷനുകള്‍ ഉള്‍പ്പെടുത്തി ചങ്ങനാശേരിയില്‍ ഒരു അഡീഷണല്‍ മജിസ്‌ട്രേറ്റ് കോടതി സ്ഥാപിക്കണമെന്നാണ് നിയമസഭയില്‍ ആവശ്യപ്പെട്ടത്. അനുഭാവപൂര്‍വം ഈ വിഷയം പരിഗണിക്കാമെന്ന് മുഖ്യമന്ത്രി നിയമസഭയില്‍ ഉറപ്പു നല്‍കി. അഡീഷണല്‍ കോടതി ആരംഭിക്കുന്നതോടെ ചങ്ങനാശേരിയില്‍നിന്നു വിട്ടുപോയ കറുകച്ചാല്‍ പോലീസ് സ്റ്റേഷന്‍ പരിധി തിരികെ ലഭിക്കും. ജോബ് മൈക്കിള്‍ എംഎല്‍എ കെട്ടിക്കിടക്കുന്ന കേസുകള്‍ വേഗത്തില്‍ തീര്‍പ്പാക്കാനാകും ചങ്ങനാശേരിയില്‍ മജിസ്‌ട്രേറ്റ് കോടതിയിലെ കേസുകളുടെ ബാഹുല്യം മൂലമാണ് കറുകച്ചാല്‍ പോലീസ് പരിധിയിലെ കേസുകള്‍ കാഞ്ഞിരപ്പള്ളി മജിസ്‌ട്രേറ്റ് കോടതിയിലേക്ക് നീക്കിയത്. അഡീഷണലായി ഒന്നാം ക്ലാസ് മജിസ്‌ട്രേറ്റ് കോടതി അനുവദിച്ചാല്‍ കേസുകളുടെ ബാഹുല്യം കുറക്കാനാകും. അഡ്വ.കെ. മാധവന്‍പിള്ള പ്രസിഡന്‍റ് ചങ്ങനാശേരി ബാര്‍ അസോ. കുടുംബക്കോടതികൂടിചങ്ങനാശേരിയിൽ വേണം ചങ്ങനാശേരിയില്‍ ഒരു കുടുംബക്കോടതികൂടി ആവശ്യമാണ്. കുടുംബക്കോടതി സംബന്ധിച്ച ചങ്ങനാശേരിയിലെ കേസുകള്‍ ഏറ്റുമാനൂര്‍ കുടുംബക്കോടതിയിലാണ് കൈകാര്യം ചെയ്യുന്നത്. കേസ് അവധി ദിവസങ്ങളില്‍ ചങ്ങനാശേരി താലൂക്കിലെ ആളുകള്‍ക്ക് ഏറ്റുമാനൂരില്‍ പോകേണ്ടിവരുന്നത് ബുദ്ധിമുട്ടാണ്. ഈ സാഹചര്യത്തില്‍ കുടുംബക്കോടതി ചങ്ങനാശേരിയില്‍ അത്യാവശ്യമാണ്. പോക്‌സോ കോടതിയിലെ ജഡ്ജിക്ക് അധികാരം നല്‍കിയാല്‍ എംഎസിടി കേസുകള്‍കൂടി കൈകാര്യം ചെയ്യാനാകും. അഡ്വ. റോയി തോമസ് മുതിര്‍ന്ന അഭിഭാഷകന്‍ കറുകച്ചാല്‍ പോലീസ് പരിധി കാഞ്ഞിരപ്പള്ളിയിലേക്കു മാറ്റിയത് ദുരിതമായി കറുകച്ചാല്‍, നെടുംകുന്നം, കങ്ങഴ പഞ്ചായത്തുകളിലെ കേസുകള്‍ കറുകച്ചാല്‍ പോലീസ് സ്റ്റേഷന്‍ അധികാരപരിധിക്കുള്ളിലാണ്. ചങ്ങനാശേരി കോടതിയുടെ രൂപീകരണകാലം മുതല്‍ ചങ്ങനാശേരി താലൂക്ക് പ്രദേശം പൂര്‍ണമായും ചങ്ങനാശേരി മുനിസിഫ് കോടതി പരിധിക്കുള്ളിലാണ്. പോക്‌സോ ഫാസ്റ്റ് ട്രാക്ക് കോടതിയും കറുകച്ചാല്‍ പോലീസ് സ്റ്റേഷന്‍ വരെ ഉള്‍പ്പെടുന്ന ഡിവൈഎസ്പി ഓഫീസും താലൂക്കിലെ 12 സര്‍ക്കാര്‍ ഓഫീസുകളും ചങ്ങനാശേരിയിലാണ് പ്രവര്‍ത്തിക്കുന്നത്. കറുകച്ചാല്‍ പോലീസ് പരിധി കാഞ്ഞിരപ്പള്ളി കോടതിയിലേക്കു മാറ്റിയതുമൂലം കഴിഞ്ഞ മാര്‍ച്ച് 19 മുതല്‍ ആളുകള്‍ ദുരിതത്തിലാണ്. അഡ്വ.സി.കെ. ജോസഫ്, മുന്‍ പ്രസിഡന്‍റ് ചങ്ങനാശേരി ബാര്‍ അസോ. മുൻ പ്രസിഡന്‍റ്് കങ്ങഴ പഞ്ചായത്ത്

റോഡുപണി തുടങ്ങിയില്ല; പഞ്ചായത്ത് ഓഫീസ് ഉപരോധിച്ചു

തലയാഴം: അംഗപരിമിതരായ ദമ്പതികളുടെ വീട്ടിലേക്ക് തൊഴിലുറപ്പിൽപ്പെടുത്തി വഴി നിർമിക്കുന്നതുമായി ബന്ധപ്പെട്ട് ദമ്പതികളിൽനിന്ന് 20,000 രൂപ മുൻകൂട്ടി വാങ്ങിയിട്ടും റോഡുപണി ആരംഭിക്കാത്തതിനെച്ചൊല്ലി പഞ്ചായത്തിൽ നടന്ന തർക്കം സംഘർഷത്തിന്‍റെ വക്കോളമെത്തി. പഞ്ചായത്തിലെ തോട്ടകം അമ്പാനപ്പള്ളി കാട്ടുതറ രമേശനും ഭാര്യ കുഞ്ഞുമണിക്കും കരിയാറിന്‍റെ തീരത്തുള്ള വീട്ടിലേക്കു വഴിയൊരുക്കാനാണ് പദ്ധതി വിഭാവനം ചെയ്തത്. വീൽചെയറിൽ സഞ്ചരിക്കുന്ന രമേശനും കാഴ്ചപരിമിതിയുള്ള കുഞ്ഞുമണിയും 20,000 രൂപ മുൻകൂറായി നൽകിയിട്ടും പണി തുടങ്ങാത്തത് സമൂഹമാധ്യമങ്ങളിൽ ചർച്ചയായിരുന്നു. ഇന്നലെ വൈകുന്നേരം സിപിഐ, എഐവൈഎഫ് പ്രവർത്തകർ ഇക്കാര്യം പഞ്ചായത്തിലെത്തി പ്രസിഡന്‍റിനോടും അംഗങ്ങളോടും ചോദിച്ചതാണ് സംഘർഷത്തിനിടയാക്കിയത്. സിപിഐ പ്രവർത്തകർ പഞ്ചായത്ത് ഓഫീസ് ഉപരോധിച്ചു. പോലീസ് എത്തിയാണ് രംഗം ശാന്തമാക്കിയത്. തുടർന്ന് നടന്ന ചർച്ചയിൽ 17-ന് റോഡുപണി ആരംഭിക്കാമെന്ന് ധാരണയായി.

അക്കരപ്പാടം പാലം നാടിന് സമർപ്പിച്ചു

ഉദയനാപുരം: സംസ്ഥാന സര്‍ക്കാര്‍ കിഫ്ബിവഴി 16.89 കോടി രൂപ ചെലവഴിച്ചു നിര്‍മിച്ച വൈക്കം അക്കരപ്പാടം പാലം പൊതുമരാമത്ത് -ടൂറിസം വകുപ്പ് മന്ത്രി പി.എ. മുഹമ്മദ് റിയാസ് നാടിന് സമര്‍പ്പിച്ചു. അഞ്ചുവര്‍ഷം കൊണ്ടു നൂറ് പാലങ്ങള്‍ തീർക്കാൻ സര്‍ക്കാർ ലക്ഷ്യമിട്ടതെങ്കിലും 150 പാലങ്ങളുടെ നിര്‍മാണം പൂര്‍ത്തിയാക്കാൻ കഴിഞ്ഞതായി ഓൺലൈനായി പാലത്തിന്‍റെ ഉദ്ഘാടനം നിർവഹിച്ച് മന്ത്രി പറഞ്ഞു. പാലത്തിനു സമീപം നടന്ന ഉദ്ഘാടന സമ്മേളനം പ്രദേശവാസികളുടെ വൻപങ്കാളിത്തത്താൽ ഉത്സവ സാന്ദ്രമായി. സി.കെ. ആശ എംഎല്‍എഅധ്യക്ഷത വഹിച്ചു. കെ. ഫ്രാന്‍സിസ് ജോര്‍ജ് എംപി, വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്ദവല്ലി, ബ്ലോക്ക് പഞ്ചായത്ത് വൈസ് പ്രസിഡന്‍റ് പി.ആര്‍. സലില, പഞ്ചായത്ത് വൈസ്പ്രസിഡന്‍റ് സി.പി.അനൂപ്, കെആര്‍എഫ്പി എക്‌സിക്യൂട്ടീവ് എന്‍ജിനിയര്‍ സി.ബി. സുഭാഷ്കുമാര്‍, ജില്ലാ പഞ്ചായത്തംഗം പി.എസ്. പുഷ്പമണി, ബ്ലോക്ക് പഞ്ചായത്തംഗം ഗോപിനാഥന്‍ കുന്നത്ത്, പഞ്ചായതത്ത് അംഗങ്ങളായ ഗിരിജ പുഷ്‌കരന്‍, ടി. പ്രസാദ്, ടി.പി. രാജലക്ഷ്മി, പാലം നിര്‍മാണ കമ്മിറ്റി പ്രസിഡന്‍റ് അക്കരപ്പാടം ശശി, പാലം നിര്‍മാണ കമ്മിറ്റി സെക്രട്ടറി എ.പി. നന്ദകുമാര്‍, രാഷ്ട്രീയ പാര്‍ട്ടി പ്രതിനിധികളായ പി. ശശിധരന്‍, അഡ്വ. കെ.പി. ശിവജി തുടങ്ങിയവര്‍ പങ്കെടുത്തു.

ബസ് മതിലിലിടിച്ച് വിദ്യാര്‍ഥികള്‍ക്കു പരിക്ക്

കടുത്തുരുത്തി: സ്വകാര്യ ബസ് നിയന്ത്രണംവിട്ട് മതിലിലിടിച്ചു നിരവധി വിദ്യാര്‍ഥികള്‍ക്ക് പരിക്ക്. പരിക്കേറ്റ വിദ്യാര്‍ഥികളെ കടുത്തുരുത്തി സഹകരണ ആശുപത്രിയില്‍ പ്രവേശിപ്പിച്ചു. കടുത്തുരുത്തി ബ്ലോക്ക് ജംഗ്ഷന് സമീപം ഇന്നലെ രാവിലെ ഒമ്പതോടെയാണ് അപകടം. ഞീഴൂര്‍ മാവേലില്‍തടത്തില്‍ എം.പി. ലിബിയ (33), കടുത്തുരുത്തി സെന്‍റ് മൈക്കിള്‍സ് സ്‌കൂളിലെ വിദ്യാര്‍ഥികളായ കെഎസ് പുരം നിരപ്പേല്‍ ജോയല്‍ ജോസ് (17), കീഴൂര്‍ താന്നിച്ചുവട്ടില്‍ ബിജോമോന്‍ സജീവന്‍ (15), വെള്ളൂര്‍ തച്ചകുഴിയില്‍ ഗോപികമോള്‍ (16), ഞീഴൂര്‍ മാലോലായില്‍ അലന്‍ ബിജു (15), മേവെള്ളൂര്‍ കോനേത്തുവമ്പേല്‍ ആംബ്ല ജിന്‍സണ്‍ (17) എന്നിവര്‍ക്കാണ് പരിക്കേറ്റത്. ഒരാളെ വൈക്കത്തെ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. മൊബൈല്‍ ഫോണില്‍ സംസാരിച്ചുകൊണ്ട് ഓടിച്ചു പോവുകയായിരുന്ന ഇരുചക്രവാഹനത്തില്‍ ഇടിക്കാതിരിക്കാന്‍ വെട്ടിക്കുന്നതിനിടെ നിയന്ത്രണം വിട്ട് റോഡരികിലെ മതിലില്‍ ഇടിക്കുകയായിരുന്നുവെന്നാണ് ബസ് ഡ്രൈവര്‍ പറഞ്ഞത്. ബസിലുണ്ടായിരുന്ന അധ്യാപകര്‍ തന്നെയാണ് പരിക്കേറ്റവരെ ആശുപത്രിയിലെത്തിച്ചത്.

വാഴ്ത്തപ്പെട്ട കുഞ്ഞച്ചന്‍ തീര്‍ഥാടന വിളംബര ജാഥയ്ക്ക് കടുത്തുരുത്തിയില്‍ സ്വീകരണം നല്‍കി

കടുത്തുരുത്തി: ഡിസിഎംഎസിന്‍റെ നേതൃത്വത്തില്‍ നടത്തിയ വാഴ്ത്തപ്പെട്ട തേവർപറമ്പില്‍ കുഞ്ഞച്ചന്‍ തീര്‍ഥാടന വിളംബര ജാഥയ്ക്കു കടുത്തുരുത്തിയില്‍ സ്വീകരണം നല്‍കി. സെന്‍റ് മേരീസ് ഫൊറോനാ താഴത്തുപള്ളിയൂടെ നേതൃത്വത്തില്‍ നല്‍കിയ സ്വീകരണ സമ്മേളനം ഫൊറോനാ വികാരി ഫാ. മാത്യു ചന്ദ്രൻകുന്നേൽ ഉദ്ഘാടനം ചെയ്തു. പാലാ രൂപത വികാരി ജനറാള്‍ ഫാ. സെബാസ്റ്റ്യന്‍ വേത്താനത്ത്, എസ്എംവൈഎം രൂപതാ ഡയറക്ടര്‍ ഫാ. മാണി കൊഴുപ്പന്‍കുറ്റി എന്നിവര്‍ പ്രസംഗിച്ചു. താഴത്തുപള്ളി സഹവികാരി ഫാ. ഏബ്രഹാം പെരിയപ്പുറം, കടുത്തുരുത്തി അഡറേഷന്‍ കോണ്‍വെന്‍റ് മദര്‍ സുപ്പീരിയര്‍ സിസ്റ്റര്‍ ടിന്‍സാ എസ്എബിഎസ്, കൈക്കാരന്‍ ബേബിച്ചന്‍ നിലപ്പനക്കൊല്ലി, മാതൃവേദി ഫൊറോനാ പ്രസിഡന്‍റ് ലീന പട്ടേരില്‍, പീറ്റര്‍ കണ്ണംവേലില്‍, വിവിധ സംഘടനാ ഭാരവാഹികള്‍, ഇടവകാംഗങ്ങള്‍ എന്നിവരുടെ നേതൃത്വത്തിലാണ് സ്വീകരണമൊരുക്കിയത്.

19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മാഞ്ഞൂര്‍ പട്ടികജാതി സംവരണം: ചാമക്കാല (14). സ്ത്രീ സംവരണം: ഇരവിമംഗലം (2), കാഞ്ഞിരത്താനം (4), സ്ലീവാപുരം (5), ഓമല്ലൂര്‍ (6), നമ്പ്യാകുളം (8), കോതനല്ലൂര്‍ ടൗണ്‍ (9), കോതനല്ലൂര്‍ (10), മാഞ്ഞൂര്‍ (11), റെയില്‍വേ സ്റ്റേഷന്‍ (12), മാഞ്ഞൂര്‍ സെന്‍ട്രല്‍ (13).

കുറുപ്പന്തറ സെന്‍റ് തോമസ് ക്‌നാനായ കത്തോലിക്കാ പള്ളിയില്‍ തിരുനാൾ

കടുത്തുരുത്തി: കുറുപ്പന്തറ സെന്‍റ് തോമസ് ക്‌നാനായ കത്തോലിക്കാ പള്ളിയില്‍ പ്ലാറ്റിനം ജൂബിലി ഉദ്ഘാടനവും വിശുദ്ധ യൂദാതദ്ദേവൂസിന്‍റെ നൊവേന തിരുനാളും 17 മുതല്‍ 26 വരെ ആഘോഷിക്കും. വിശുദ്ധ തോമാശ്ലീഹായുടെ നാമദേയത്തില്‍ 1951 ഒക്‌ടോബറില്‍ സ്ഥാപിതമായ കുറുപ്പന്തറ സെന്‍റ് തോമസ് പള്ളി 75-ാം വര്‍ഷത്തിലേക്ക് കടക്കുകയാണ്. ഇടവക നാമധാരി വിശുദ്ധ തോമാശ്ലീഹയ്‌ക്കൊപ്പംതന്നെ പ്രാധാന്യത്തോടെയാണ് പള്ളിയില്‍ ക്രിസ്തു ശിഷ്യനായ വിശുദ്ധ യൂദാതദ്ദേവൂസിന്‍റെ തിരുനാളും നൊവേനയും ആഘോഷിക്കുന്നത്. 17, 18 തീയതികളില്‍ രാവിലെ ആറിന് ജപമാല, തുടര്‍ന്ന് പതാക ഉയര്‍ത്തല്‍, ലദീഞ്ഞ്, വിശുദ്ധ കുര്‍ബാന. വൈകുന്നേരം ആറിന് വിശുദ്ധ കുര്‍ബാനയും നൊവേനയും ഉണ്ടായിരിക്കും. 19ന് വൈകുന്നേരം നാലിന് ജപമാല, ലദീഞ്ഞ്, പൊന്തിഫിക്കല്‍ കുര്‍ബാന, നെവേന - മാര്‍. ജോസഫ് പണ്ടാരശേരില്‍ കാര്‍മികത്വം വഹിക്കും. പരിഷ്‌കരിച്ച സെമിത്തേരി വെഞ്ചിരിപ്പും സ്‌കൂള്‍ ഹാള്‍ വെഞ്ചിരിപ്പും നടക്കും. തുടർന്ന് ഉദ്ഘാടന സമ്മേളനം, 7.30ന് സ്‌നേഹവിരുന്ന്. 20 മുതൽ 25 വരെ തീയതികളില്‍ രാവിലെ ആറിന് ജപമാല, ലദീഞ്ഞ്, വിശുദ്ധ കുര്‍ബാന, നൊവേന. വൈകുന്നേരം ആറിന് വിശുദ്ധ കുര്‍ബാന, നെവേന എന്നിവ ഉണ്ടായിരിക്കും. പ്രധാന തിരുനാള്‍ ദിനമായ 26ന് രാവിലെ 6.30ന് ജപമാല, ലദീഞ്ഞ്, വിശുദ്ധ കുര്‍ബാന, പത്തിന് തിരുനാള്‍ കുര്‍ബാന - ഫാ. ലൂക്ക് കരിമ്പില്‍, സന്ദേശം - ഫാ. റോണി വെച്ചൂപ്പറമ്പില്‍. തുടര്‍ന്ന് പ്രദക്ഷിണം, വിശുദ്ധ കുര്‍ബാനയുടെ ആശീര്‍വാദം. തിരുനാളിനുള്ള ഒരുക്കം‍ പൂര്‍ത്തിയായതായി വികാരി ഫാ. ജേക്കബ് മുല്ലൂര്‍, കൈക്കാരന്മാരായ ലൂക്കാസ് മേച്ചേരില്‍, റോയി ചെമ്പകത്തടത്തില്‍ എന്നിവര്‍ അറിയിച്ചു.

വിടവാങ്ങിയത് ഇരട്ടസംഗമത്തിന് തുടക്കം കുറിച്ച വൈദികൻ

ബിജു ഇത്തിത്തറ കടുത്തുരുത്തി: കോതനല്ലൂര്‍ കന്തീശങ്ങളുടെ പള്ളിയില്‍ ഇരട്ടസംഗമത്തിനു തുടക്കം കുറിച്ച ഫാ.ജോസഫ് പുത്തന്‍പുര വിടവാങ്ങൽ നാടിനു നൊന്പരം പകർന്നു. വികാരിയായിരിക്കേ 2007ലാണ് കോതനല്ലൂരിൽ ഇരട്ടസംഗമത്തിനു തുടക്കമിട്ടത്. പിന്നീട് നൂറുകണക്കിന് ഇരട്ടകള്‍ വര്‍ഷം തോറും പങ്കെടുക്കുന്ന, ആയിരക്കണക്കിനു വിശ്വാസികൾ ഒഴുകിയെത്തുന്ന മഹാസംഗമമായി ഇതു മാറി. വേറിട്ട ആശയം കോതനല്ലൂര്‍ കന്തീശങ്ങളുടെ പള്ളിയുടെ പ്രസിദ്ധി അന്യനാടുകളിലേക്കു പോലും വ്യാപിക്കുന്നതിനും ഇരട്ടകളുടെ സംഗമം വഴിയൊരുക്കി. ഇരട്ടവൈദികരായ ഫാ.റോയി കണ്ണഞ്ചിറ സിഎംഐ, ഫാ.റോബി കണ്ണഞ്ചിറ സിഎംഐ എന്നിവരില്‍ ഫാ. റോയി കണ്ണഞ്ചിറ ഇടവകയില്‍ എത്തിയപ്പോഴാണ് പുത്തന്‍പുരയച്ചന്‍ തന്‍റെ മനസില്‍ തോന്നിയ ഇരട്ടസംഗമം എന്ന ആശയം ഇടവകയില്‍ തുടങ്ങുന്നതിനെക്കുറിച്ചു സംസാരിക്കുന്നത്. റോയിയച്ചന്‍ പരിപൂര്‍ണ വാഗ്ദാനം ചെയ്തു. താനും ഇരട്ട സഹോദരന്‍ ഫാ. റോബിയും സംഗമത്തില്‍ എത്താമെന്ന് ഉറപ്പും നൽകി. ഇതോടെ പുത്തന്‍പുരയച്ചന്‍ ആ വര്‍ഷംതന്നെ സംഗമത്തിന് ആരംഭം കുറിച്ചു. പള്ളിയിൽനിന്നു സ്ഥലം മാറിപ്പോയ ശേഷവും ഏല്ലാ വര്‍ഷവും പുത്തന്‍പുരയച്ചനും ഇരട്ടസംഗമത്തില്‍ പങ്കെടുക്കാനെത്തുമായിരുന്നു. രോഗബാധിതനായി ചികിത്സയില്‍ കഴിഞ്ഞിരുന്നതിനാല്‍ ഈ വര്‍ഷത്തെ സംഗമത്തില്‍ അച്ചന് പങ്കെടുക്കാനായില്ല. 2005 ഫെബ്രുവരിയിലാണ് അദ്ദേഹം കോതനല്ലൂര്‍ പള്ളിയിൽ ചുമതലയേൽക്കുന്നത്. ഇതേവര്‍ഷം ജൂണില്‍ ഇടവക ഫൊറോനയായി ഉയര്‍ത്തപ്പെട്ടു. 2010 വരെ അദ്ദേഹം അവിടെ സേവനം തുടര്‍ന്നു. നല്ലോർമ കോതനല്ലൂര്‍ പള്ളി നിര്‍മിച്ചതിന്‍റെ 1,200 വര്‍ഷങ്ങള്‍ പൂര്‍ത്തിയായതിന്‍റെ ഒരു വര്‍ഷം നീളുന്ന ജൂബിലിയാഘോഷങ്ങളുടെ ഉദ്ഘാടനം ഈ മാസം 26ന് ബിഷപ് മാര്‍ ജോസഫ് കല്ലറങ്ങാട്ട് ഉദ്ഘാടനം ചെയ്യാനിരിക്കെയാണ് ഇടവകാംഗങ്ങളെല്ലാം ഒരു പോലെ സ്‌നേഹിക്കുന്ന, ഏവരുടെയും മനസില്‍ മായാതെ നില്‍ക്കുന്ന പുത്തന്‍പുരയച്ചന്‍ ദൈവസന്നിധിയിലേക്കു യാത്രയാകുന്നത്. രോഗബാധിതനായതിനെത്തുടര്‍ന്ന് ചേര്‍പ്പുങ്കല്‍ മെഡിസിറ്റിയോടു ചേര്‍ന്നുള്ള പ്രീസ്റ്റ് ഹോമിലായിരുന്നു താമസിച്ചിരുന്നത്. സ്നേഹവും ആത്മീയ ചൈതന്യവും നിറഞ്ഞ സാന്നിധ്യമായിരുന്നു അച്ചനെന്ന് ഇടവകാംഗങ്ങൾ ഒാർമിക്കുന്നു.

കോവിലകത്തുംകടവ് മത്സ്യമാർക്കറ്റിലെ സംസ്കരണ കേന്ദ്രത്തിൽ മോഷണം

വൈക്കം: കോവിലകത്തുംകടവ് മത്സ്യമാർക്കറ്റിലെ ഉപയോഗശൂന്യമായ ആധുനിക മത്സ്യവിപണന സംസ്കരണ കേന്ദ്രത്തിൽ ലക്ഷങ്ങളുടെ മോഷണം. ഒന്നരക്കോടിയോളം മുടക്കി തീരദേശ വികസന കോർപറേഷൻ നിർമിച്ച കേന്ദ്രത്തിലെ ഉപയോഗിക്കാതെ കിടന്ന ആധുനിക ഉപകരണ ഭാഗങ്ങളും മോട്ടോറുകളുമാണ് മോഷണം പോയത്. 10 വർഷം മുമ്പ് നിർമിച്ച ആധുനിക മത്സ്യവിപണന സംസ്കരണ കേന്ദ്രം ഉദ്ഘാടനം നടത്തിയെങ്കിലും തീരദേശ പരിപാലന നിയമത്തിന്‍റെ പരിധിയിൽ വരുന്നതിനാൽ കെട്ടിടത്തിന് നഗരസഭ നമ്പറിട്ട് നൽകിയില്ല. ഒന്നരക്കോടി രൂപ മുടക്കി തീരദേശ വികസന കോർപറേഷൻ നിർമിച്ച കേന്ദ്രത്തിലെ മത്സ്യം സംസ്കരിക്കുന്നതിനായുള്ള ഉപയോഗിക്കാതെ കിടന്ന ആധുനിക ഉപകരണ ഭാഗങ്ങളും മോട്ടോറുകളുമാണ് മോഷണം പോയത്. ലക്ഷങ്ങളുടെ മോഷണം നടന്നിട്ടും നഗരസഭ കഴിഞ്ഞ ദിവസമാണ് ഇക്കാര്യം അറിഞ്ഞത്. കെട്ടിടത്തിന്‍റെ ഒരു ഭാഗം വാടകയ്ക്കെടുത്തവർ തുറന്നുനോക്കിയപ്പോഴാണ് മോട്ടറുകളടക്കം അപഹരിക്കപ്പെട്ടതറിഞ്ഞത്. ഇവർ പരാതിയുമായി എത്തിയപ്പോൾ മാത്രമാണ് മോഷണം നടന്നത് നഗരസഭാ അധികൃതർ അറിഞ്ഞത്. മാനദണ്ഡം പാലിക്കാതെയും ആസൂത്രണമില്ലാതെയുമാണ് മത്സ്യമാർക്കറ്റിൽ ആധുനിക മത്സ്യ വിപണന സംസ്കരണ കേന്ദ്രം നിർമിച്ചത്. പത്ത് വർഷമായി കെട്ടിടം വെറുതെ കിടക്കുകയാണ്. കെട്ടിട ഭാഗങ്ങൾ തകർത്താണ് ലക്ഷങ്ങളുടെ മോഷണം നടന്നത്. എന്നാൽ, കെട്ടിടത്തിനുള്ളിൽനിന്ന് എന്തൊക്കെയാണ് മോഷണം പോയതെന്ന് നഗരസഭാ അധികൃതർക്ക് അറിയില്ല. ഫ്രീസറിന്‍റെയും സംസ്കരണ ഉപകരണങ്ങളുടെയും ഭാഗങ്ങളുമാണ് ആദ്യപരിശോധനയിൽ മോഷണം പോയതായി കണ്ടെത്തിയത്. കെട്ടിടത്തോടുചേർന്ന ട്രീറ്റ്മെന്‍റ് പ്ലാന്‍റിലെയും അടുത്തിടെ സ്ഥാപിച്ച ശുചിമുറിയുടെയുടക്കം മൂന്ന് മോട്ടോറുകളും കാണാനില്ല. ലക്ഷങ്ങളുടെ സാധനസാമഗ്രികൾ കടത്തിയതിനു പുറമേ കെട്ടിടത്തിന്‍റെ ജനൽ ഗ്രില്ലുകളും സീലീംഗുമടക്കം തകർത്ത നിലയിലാണ്. ഇന്നലെ വൈകുന്നേരം നഗരസഭാ അധികൃതരുടെ നേതൃത്വത്തിൽ ഉദ്യോഗസ്ഥർ പരിശോധന നടത്തി. എന്നാൽ മോട്ടോറുകൾ മോഷണംപോയ സംഭവത്തിൽ പോലീസിൽ പരാതി നൽകിയിട്ടും യാതൊരു നടപടിയുമുണ്ടായില്ലെന്നാണ് നഗരസഭാ അധികൃതർ ആരോപിച്ചു. കൂടുതൽ സാധനങ്ങൾ മോഷണം പോയതോടെ ലക്ഷങ്ങളുടെ മോഷണം കാണിച്ച് ഇനി പുതിയ പരാതികൂടി പോലീസിൽ നൽകാനാണ് നഗരസഭയുടെ തീരുമാനം.

വയോജനങ്ങൾക്ക് തണലായി മണർകാട് പഞ്ചായത്ത്

മണർകാട്: പഞ്ചായത്തിന്‍റെ വയോജന ക്ഷേമപദ്ധതിയായ തണലിന്‍റെ ഭാഗമായി വയോജനങ്ങൾക്കു മെഡിക്കൽ സഹായ ഉപകരണങ്ങളുടെ വിതരണം നടത്തി. പഞ്ചായത്ത് പ്രസിഡന്‍റ് കെ.സി. ബിജു ഉദ്ഘാടനം ചെയ്തു. മെഡിക്കൽ ക്യാമ്പിൽ പങ്കെടുത്ത വയോജനങ്ങൾക്ക് ഹിയറിംഗ് എയ്ഡ്, വീൽ ചെയർ, വോക്കർ, കമോഡ് വീൽചെയർ തുടങ്ങിയവ സൗജന്യമായി വിതരണം ചെയ്തു. വൈസ് പ്രസിഡന്‍റ് ജെസി ജോൺ അധ്യക്ഷയായി. പഞ്ചായത്ത് അംഗങ്ങൾ രജിതാ അനീഷ്, ജിജി മണർകാട്, ബിനു രാജു, സുരേഖ പി.ബി., ജോളി ഏബ്രഹാം തുടങ്ങിയവർ പ്രസംഗിച്ചു.

ജോസഫ് കൊട്ടാരം വിദ്യാഭ്യാസ അവാർഡ് സമ്മാനിച്ചു

അതിരമ്പുഴ: മുതിർന്ന മാധ്യമപ്രവർത്തകനും പുറയാറ്റിടം കുടുംബയോഗം രക്ഷാധികാരിയുമായിരുന്ന ജോസഫ് കൊട്ടാരത്തിന്‍റെ സ്മരണാർഥം ഏർപ്പെടുത്തിയ വിദ്യാഭ്യാസ അവാർഡ് സമ്മാനിച്ചു. ഡിജോ റോയിസ് പൊന്നാകുഴി, മാക്സ് ടി. ടോം ആലഞ്ചേരി എന്നിവർ അവാർഡ് ഏറ്റുവാങ്ങി. കുടുംബയോഗം പ്രസിഡന്‍റ് പി.ജെ. ജോർജ് പാറശേരി അധ്യക്ഷത വഹിച്ചു. രക്ഷാധികാരിയും അതിരമ്പുഴ സഹകരണ ബാങ്ക് പ്രസിഡന്‍റുമായ കെ.പി. ദേവസ്യ അവാർഡ് ദാനം നിർവഹിച്ചു. അഡ്വ. ജയിംസ്കുട്ടി ഓണംകുളം, ജോസ് ഇടവഴിക്കൽ, രാജു കളരിക്കൽ, ജൂലി മോഹൻ ആലഞ്ചേരി, ജോയി തുമ്പശേരിൽ, ജോർജ് സെബാസ്റ്റ്യൻ ആലഞ്ചേരി, ജോൺസൺ പറേക്കാട്ടിൽ കിഴക്കേൽ, ടി.ഡി. ജയിംസ് തോട്ടപ്പള്ളി എന്നിവർ പ്രസംഗിച്ചു.

അനധികൃത സംഘടനയുടെ പേരിൽ പണപ്പിരിവ്; കർശന നടപടി സ്വീകരിക്കുമെന്ന് പ്രവാസി കമ്മീഷൻ

കോട്ടയം: പെൻഷൻ വാഗ്ദാനം ചെയ്തു പ്രവാസികളിൽനിന്നു വ്യാപക പണപ്പിരവു നടത്തിയ അനധികൃത സംഘടനയ്ക്കെതിരേ കർശന നടപടിക്ക് ശിപാർശ ചെയ്യുമെന്ന് സംസ്ഥാന പ്രവാസി കമ്മീഷൻ അറിയിച്ചു. കോട്ടയം ആസ്ഥാനമായുള്ള പ്രവാസി മലയാളി വെൽഫെയർ അസോസിയേഷൻ ഇന്ത്യ അംഗത്വ ഫീസ്, അംശദായം എന്നീയിനങ്ങളിലാണ് പണം വാങ്ങിയത്. ഇരുപത്തയ്യായിരത്തോളം പേർ അംഗത്വമെടുത്തതായാണ് കമ്മീഷന് ലഭിച്ച വിവരം. ഇവർക്ക് അംഗത്വ കാർഡ് നൽകുകയും ചെയ്തു. ഈ സംഘടനയ്ക്ക് നോർക്കയുടെയോ നോർക്ക റൂട്ട്‌സിന്‍റെയോ അംഗീകാരമില്ലെന്ന് കമ്മീഷൻ ചെയർപേഴ്സൺ ജസ്റ്റീസ് സോഫി തോമസ് പറഞ്ഞു. ഇന്നലെ കളക്‌ടറേറ്റിൽ നടന്ന പ്രവാസി കമ്മീഷൻ അദാലത്തിൽ ഈ സംഘടനയ്ക്കെതിരായ പരാതികളും പരിഗണിച്ചിരുന്നു. ഇതു സംബന്ധിച്ച വിശദാംശങ്ങൾ പരാതിക്കാരോട് കമ്മീഷൻ ചോദിക്കുന്നതിനിടെ മറ്റ് ആവശ്യങ്ങളുമായി അദാലത്തിലെത്തിയ നിരവധി പേർ ഈ സംഘടനയ്ക്ക് പണം നൽകിയതായി വെളിപ്പെടുത്തി. സംഘടനയ്ക്കെതിരെ നിയമ നടപടികൾ സ്വീകരിക്കുന്നതിന് കമ്മീഷൻ നിർദേശം നൽകുമെന്ന് കമ്മീഷൻ ചെയർപേഴ്സൺ വ്യക്തമാക്കി. പ്രവാസികളുടെ ക്ഷേമത്തിനെന്ന പേരിൽ തട്ടിപ്പു നടത്തുന്നവരുടെ കെണിയിൽ വീഴുന്നവരുടെ പരാതികൾ വർധിച്ചുവരികയാണ്. അംഗീകൃതമല്ലാത്ത സംഘടനകൾക്കെതിരേ ജാഗ്രത വേണം. ഇത്തരം തട്ടിപ്പുകൾ ആവർത്തിക്കാതിരിക്കാൻ കമ്മീഷൻ മുൻകൈ എടുത്ത് പ്രചാരണം നടത്തും. പ്രവാസികൾക്ക് നിയമസഹായം ലഭ്യമാക്കുകയും ചെയ്യും. അദാലത്തിൽ ആകെ 126 പരാതികൾ പരിഗണിച്ചു. പുതിയതായി ലഭിച്ച 74 പരാതികളും ഇതിൽ ഉൾപ്പെടുന്നു. കമ്മീഷൻ അംഗങ്ങളായ പി.എം. ജാബിർ, ഡോ. മാത്യൂസ് കെ. ലൂക്കോസ്, എം.എം. നഈം, ജോസഫ് ദേവസ്യ പൊന്മാങ്കൽ, സെക്രട്ടറി ആർ. ജയറാം കുമാർ എന്നിവരും സിറ്റിംഗിൽ പങ്കെടുത്തു.

മാലിന്യം തള്ളൽ വ്യാപകമായി

അകലക്കുന്നം: പഞ്ചായത്തിലെ മൂഴൂർ ഭാഗത്തു മാലിന്യനിക്ഷേപം വ്യാപകമായി. ഇവിടെ തള്ളുന്ന മാലിന്യം തെരുവുനായ്ക്കൾ വലിച്ചു സമീപത്തെ പൊയ്കത്തോട്ടിൽ ഇടുന്നത് മൂലം തോട്ടിലെ ജലവും മലിനപ്പെടുന്നു. പ്രദേശത്തെ ജനങ്ങൾ കുളിക്കുന്നതിനും വസ്ത്രം അലക്കുന്നതിനും തോടിനെയാണ് ആശ്രയിക്കുന്നത്. മാലിന്യ തള്ളുന്നവർക്കെതിരേ കർശന നടപടി സ്വീകരിക്കണമെന്നും പ്രദേശത്തു സിസിടിവി കാമറ സ്ഥാപിക്കാൻ അധികൃതർ തയാറാകണമെന്ന് നാട്ടുകാർ ആവശ്യപ്പെട്ടു.

വിശുദ്ധ അമ്പത്തിയൊന്നിന്മേല്‍ കുര്‍ബാന: പന്തലിനു കാൽ നാട്ടി

മണര്‍കാട്: ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവയുടെ ഒന്നാം ശ്രാദ്ധപ്പെരുന്നാളിനോടനുബന്ധിച്ചു നവംബര്‍ ഒന്നിന് മണര്‍കാട് വിശുദ്ധ മര്‍ത്തമറിയം യാക്കോബായ സുറിയാനി കത്തീഡ്രലില്‍ നടത്തുന്ന വിശുദ്ധ അമ്പത്തിയൊന്നിന്മേല്‍ കുര്‍ബാനയ്ക്കുള്ള താത്കാലിക പന്തലിന്‍റെ കാല്‍നാട്ട് കര്‍മം നടത്തി. ശ്രേഷ്ഠ ബസേലിയോസ് ജോസഫ് കാതോലിക്ക ബാവായുടെ മുഖ്യകാര്‍മികത്വത്തില്‍ നടത്തുന്ന വിശുദ്ധ അമ്പത്തിയൊന്നിന്മേല്‍ കുര്‍ബാനയ്ക്കുവേണ്ടി തയാറാക്കുന്നത് വിദേശമോഡല്‍ പന്തലാണ്. പന്തലിന്‍റെ കാല്‍നാട്ട് കര്‍മം കത്തീഡ്രല്‍ സഹവികാരിമാരായ റവ. കുര്യാക്കോസ് കോര്‍ എപ്പിസ്‌കോപ്പ കിഴക്കേടത്ത്, റവ.ജെ. മാത്യു കോര്‍ എപ്പിസ്‌കോപ്പ മണവത്ത്, ഫാ. കുറിയാക്കോസ് കാലായില്‍, ഫാ. ഗീവര്‍ഗീസ് നടുമുറിയില്‍, ഫാ. കുര്യന്‍ മാത്യു വടക്കേപ്പറമ്പില്‍, ഫാ. ലിറ്റു ജേക്കബ് തണ്ടാശേരിയില്‍, ഫാ. സനോജ് കരോട്ടെക്കുറ്റ് എന്നിവരുടെ കാര്‍മികത്വത്തില്‍ നടന്നു. ട്രസ്റ്റിമാരായ സുരേഷ് കെ. ഏബ്രഹാം, ബെന്നി ടി. ചെറിയാന്‍, ജോര്‍ജ് സഖറിയ, സെക്രട്ടറി പി.എ. ചെറിയാന്‍ തുടങ്ങിയവര്‍ പങ്കെടുത്തു.

ഗവേഷണ സഹകരണത്തിന് ധാരണാപത്രം

അതിരമ്പുഴ: സംസ്ഥാനത്തുനിന്നുള്ള ഏക യുജിസി കാറ്റഗറി-1 യൂണിവേഴ്‌സിറ്റിയായ എംജി യൂണിവേഴ്‌സിറ്റിയും മുംബൈ യുജിസി കാറ്റഗറി-1 യൂണിവേഴ്‌സിറ്റിയായ ഇന്‍സ്റ്റിറ്റ്യൂട്ട് ഓഫ് കെമിക്കല്‍ ടെക്‌നോളജിയും (ഐസിടി) തമ്മില്‍ ഗവേഷണ സഹകരണത്തിനുള്ള ധാരണാപത്രം ഒപ്പുവച്ചു. മുംബൈ ഐസിടി ആസ്ഥാനത്ത് വൈസ് ചാന്‍സലര്‍ പ്രഫ. അനിരുദ്ര ബാലചന്ദ്ര പണ്ഡിറ്റിന്‍റെ ഓഫീസിലാണ് ധാരണാപത്രം കൈമാറിയത്. എംജി യൂണിവേഴ്‌സിറ്റിയെ പ്രതിനിധീകരിച്ച് സ്‌കൂള്‍ ഓഫ് ബയോ സയന്‍സിലെ പ്രഫ.ഡോ. ഇ.കെ. രാധാകൃഷ്ണനും എബിന്‍ ജോണ്‍ വര്‍ഗീസും പങ്കെടുത്തു. ഐസിറ്റിയില്‍നിന്നും ഡോ. മനീഷ് യാദവും പങ്കുചേര്‍ന്നു. ബയോ എനര്‍ജി മേഖലയിലെ മാലിന്യങ്ങളുടെ സംസ്‌കരണം, ഇവയില്‍നിന്നുമുള്ള മൂല്യവര്‍ധിത ഉത്പന്നങ്ങളുടെ നിര്‍മാണം, കുളവാഴകളുടെ സംസ്‌കരണം, വ്യാവസായിക ആവശ്യമനുസരിച്ചുള്ള യന്ത്രോപകരണങ്ങളുടെ വികസനം, ഗവേഷക വിദ്യാര്‍ഥികള്‍ക്ക് ഐസിടിയുമായി സഹകരിച്ച് സാങ്കേതികവിദ്യകള്‍ വികസിപ്പിക്കുന്നതിനുള്ള അവസരം എന്നിവ സംബന്ധിച്ചും ധാരണയായി.

ഗാന്ധിനഗർ ഹൗസിംഗ് സ്കീം അസോ. പ്രവർത്തനങ്ങൾ മാതൃകാപരം: മന്ത്രി

ഗാന്ധിനഗർ: ഗാന്ധിനഗർ ഹൗസിംഗ് സ്കീം അസോസിയേഷൻ ഓഫ് റെസിഡന്‍റ്സിന്‍റെ പ്രവർത്തനങ്ങൾ മാതൃകാപരമെന്ന് മന്ത്രി വി.എൻ. വാസവൻ. അസോസിയേഷന്‍റെ ആഭിമുഖ്യത്തിൽ നടന്ന കുടുംബസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മികച്ച പ്രവർത്തനങ്ങൾക്ക് കോട്ടയം മുനിസിപ്പാലിറ്റിയുടെ ആദരം ഏറ്റുവാങ്ങിയ അസോസിയേഷൻ ഭാരവാഹികളെ മന്ത്രി അഭിനന്ദിച്ചു. അതിരമ്പുഴ പഞ്ചായത്ത്‌ പ്രസിഡന്‍റ് ജോസ് അമ്പലക്കുളം അധ്യക്ഷത വഹിച്ചു. ഫ്രാൻസിസ് ജോർജ് എംപി മുഖ്യപ്രഭാഷണം നടത്തി. തിരുവഞ്ചൂർ രാധാകൃഷ്ണൻ എംഎൽഎ, മുനിസിപ്പൽ ചെയർപേഴ്സൺ ബിൻസി സെബാസ്റ്റ്യൻ, ജില്ലാ പഞ്ചായത്തംഗം പ്രഫ.ഡോ. റോസമ്മ സോണി, മുനിസിപ്പൽ കൗൺസിലർ സാബു മാത്യു, പഞ്ചായത്തംഗം ജയിംസ് തോമസ്, അസോസിയേഷൻ പ്രസിഡന്‍റ് ബേബിച്ചൻ തടത്തേൽ, സെക്രട്ടറി എസ്. അനിൽകുമാർ, ഭാരവാഹികളായ അഗസ്റ്റിൻ കെ. ചാലിൽ, റോബിൻ പേണ്ടാനത്ത്, എം.വൈ. കുഞ്ഞുമോൻ, രാജഗോപാൽ പൈ, ഡോ. കെ.ജെ. നിസി, സി.എം. വത്സലകുമാരി, ബിനു ഫിലിപ്പ്, ശാന്താകുമാരി എന്നിവർ പ്രസംഗിച്ചു. ഏറ്റുമാനൂർ പോൾസ് ഫോറിൻ ലാംഗ്വേജ് അക്കാഡമി ഡയറക്ടർ വി.കെ. ഷേർലി, മാന്നാനം വൈസ്മെൻ ക്ലബ് വൈസ് മെനെറ്റ്സ് പ്രസിഡന്‍റ് മിനി എം. മാത്യു സമാജ്‌വാദി പാർട്ടി ലോഹ്യ വാഹിനി ദേശീയ സെക്രട്ടറി ജോജി ജോൺ, ഏറ്റുമാനൂർ സ്വാമീസ് ഡ്രൈവിംഗ് സ്കൂൾ പ്രൊപ്രൈറ്റർ ജി. ജഗദീഷ്, മെഡിക്കൽ കോളജ് റൗണ്ടാനയിൽ സൗന്ദര്യവത്കരണം നടത്തുന്ന ജോർജുകുട്ടി ആന്‍റണി, ബിഎഡ് സോഷ്യൽ സയൻസിൽ എംജി യൂണിവേഴ്സിറ്റിയിൽനിന്നും ഒന്നാം റാങ്ക് കരസ്ഥമാക്കിയ അനുപമ മോനച്ചൻ, ബിടെക് കപ്യൂട്ടർ സയൻസിൽ ഉന്നത വിജയം നേടിയ ഹൃദ്യ എസ്. അനിൽ, ഓൾ കേരള കരാട്ടെ മത്സരത്തിൽ സ്വർണ മെഡൽ കരസ്ഥമാക്കിയ നിയ ഷാഹിൻ ഷൗക്കത്ത്, റോളർ സ്കേറ്റിംഗിൽ കോട്ടയം ജില്ലാതലത്തിൽ ഗോൾഡ് മെഡൽ നേടിയ വരദ് ലാൽ വിജയ്, എസ്എസ്എൽസി പരീക്ഷയിൽ ഫുൾ എപ്ലസ് നേടിയ റിച്ചാർഡ് തോമസിനെയും കൂടാതെ ജനപ്രതിനിധികളെയും മെമന്‍റോ നൽകി മന്ത്രി ആദരിച്ചു. തുടർന്ന് വിവിധ മത്സരങ്ങളും സമ്മാനദാനവും കലാപരിപാടികളും നടന്നു.

പാമ്പാടി ടൗണില്‍ കാല്‍നടക്കാര്‍ക്ക് പുല്ലുവില

പാമ്പാടി: ദേശീയപാതയില്‍ ഏറെ തിരക്കുള്ള പാമ്പാടി ടൗണിലൂടെ കാല്‍നടയാത്രക്കാര്‍ നടക്കുന്നത് ജീവന്‍ പണയംവച്ച്. പാമ്പാടിയിലെ പ്രധാന വ്യാപാരസ്ഥാപനങ്ങളും സര്‍ക്കാര്‍ സ്ഥാപനങ്ങളും സ്‌കൂളുകളുമുള്ള എംജിഎം സ്‌കൂള്‍ ജംഗ്ഷന്‍ മുതല്‍ കാളച്ചന്ത വരെയുള്ള ഭാഗത്താണ് കാല്‍നടയാത്രക്കാര്‍ ഏറെ ബുദ്ധിമുട്ടനുഭവിക്കുന്നത്. വ്യാപാരസ്ഥാപനങ്ങളില്‍ ഉള്‍പ്പെടെ വരുന്ന വാഹനങ്ങള്‍ റോഡിന്‍റെ ഇരുവശവും പാര്‍ക്ക് ചെയ്യുന്നതോടെ കാല്‍നടയാത്രക്കാര്‍ റോഡില്‍ കയറി നടക്കേണ്ടി വരും. നിരവധി സ്‌കൂള്‍കുട്ടികള്‍ ദിവസേന യാത്രചെയ്യുന്ന ഈ ഭാഗത്ത് അപകടസാധ്യത വളരെ കൂടുതലാണ്. ബസ്‌ സ്റ്റാന്‍ഡിന്‍റെ ഇരുവശങ്ങളിലും ഓട്ടോ സ്റ്റാന്‍ഡും കൂടിയായതോടെ സ്റ്റാന്‍ഡില്‍ ബസിറങ്ങുന്നവര്‍ക്ക് റോഡിലേക്ക് പ്രവേശിക്കാനും ബുദ്ധിമുട്ടുണ്ട്. നല്ല തിരക്കുള്ള രാവിലെയും വൈകുന്നേരങ്ങളിലും റോഡിനിരുവശവും വാഹനങ്ങളുടെ നീണ്ടനിരയാണ്. നോ പാര്‍ക്കിംഗ് ഏരിയയില്‍ ഉള്‍പ്പെടെ വാഹനങ്ങള്‍ പാര്‍ക്കുചെയ്യുന്നു. മഴ പെയ്താല്‍ മലിനജലത്തില്‍കൂടി വേണം നടക്കാന്‍. വേണ്ടത് നടപ്പാത ഉണ്ടാക്കുവാനുള്ള നടപടികള്‍ അധികൃതരുടെ ഭാഗത്തുനിന്നുണ്ടാകണം. ബസ് സ്റ്റാന്‍ഡിനിരുവശവുമുള്ള ഓട്ടോ സ്റ്റാന്‍ഡുകൾ പുനഃക്രമീകരിക്കണം. വ്യാപാരസ്ഥാപനങ്ങളിലും സര്‍ക്കാര്‍ ഓഫീസുകളിലും എത്തുന്ന വാഹനങ്ങള്‍ക്ക് പാര്‍ക്കിംഗിനുള്ള സൗകര്യം കണ്ടെത്തണം.

എയ്ഡഡ് സ്‌കൂള്‍ അധ്യാപക നിയമനം : സർക്കാർ ഇടപെടലിൽ സന്തോഷമെന്ന് യൂഹാനോന്‍ മാര്‍ ദീയസ്‌കോറസ്

കോട്ടയം: എയ്ഡഡ് സ്‌കൂള്‍ അധ്യാപകനിയമന പ്രശ്‌നത്തില്‍ സംസ്ഥാന സര്‍ക്കാര്‍ യാഥാര്‍ഥ്യബോധത്തോടെ ഇടപെടാന്‍ തയാറായതില്‍ സന്തോഷമുണ്ടെന്ന് മലങ്കര ഓര്‍ത്തഡോക്‌സ് സഭാ മാധ്യമവിഭാഗം തലവന്‍ യൂഹാനോന്‍ മാര്‍ ദീയസ്‌കോറസ് മെത്രാപ്പോലീത്ത. സര്‍ക്കാരിന്‍റെ നിലപാട് ആയിരക്കണക്കിന് അധ്യാപകര്‍ക്കും അവരുടെ കുടുംബങ്ങള്‍ക്കും പ്രതീക്ഷ പകരുന്നതാണ്. എന്‍എസ്എസ് മാനേജ്‌മെന്‍റിന് അനുകൂലമായി ലഭിച്ച സുപ്രീംകോടതി വിധിയുടെ പ്രയോജനം തങ്ങള്‍ക്കും ലഭിക്കണമെന്ന ന്യായമായ ആവശ്യമാണു ക്രിസ്ത്യന്‍ മാനേജ്‌മെന്‍റുകള്‍ പ്രകടിപ്പിച്ചിരുന്നത്. പിടിവാശിയല്ല, ക്രിയാത്മകമായ ഇടപെടലാണ് ഈ വിഷയത്തില്‍ ഉണ്ടാകേണ്ടിയിരുന്നത്. വൈകിയാണെങ്കിലും മാനേജ്‌മെന്‍റുകളുടെ ആവശ്യം അംഗീകരിക്കാന്‍ സര്‍ക്കാര്‍ തയാറായതില്‍ നന്ദിയുണ്ടെന്നും മെത്രാപ്പോലീത്ത കൂട്ടിച്ചേര്‍ത്തു.

വൈക്കം ക്ഷേത്രത്തിലും സ്വർണം നഷ്ടപ്പെട്ടു

വൈക്കം: മഹാദേവ ക്ഷേത്രത്തിൽ വഴിപാട് ഇനങ്ങളിലായി ലഭിച്ച സ്വർണത്തിൽനിന്ന് 255.830 ഗ്രാം സ്വർണം നഷ്‌ടപ്പെട്ടതായി ഓഡിറ്റ് റിപ്പോർട്ട്. സംസ്ഥാന ഓഡിറ്റ് വകുപ്പിൽ തിരുവിതാംകൂർ ദേവസ്വം ബോർഡിനായുള്ള വിഭാഗമാണ് സ്വർണം കാണാതായ വിവരം കണ്ടെത്തിയത്. തിരുവാഭരണം രജിസ്‌റ്ററിൽ രേഖപ്പെടുത്തിയിരിക്കുന്ന പ്രകാരം 199 ഉരുപ്പടികളിലായി മാത്രം 3247.900 ഗ്രാം സ്വർണം ഉണ്ടായിരിക്കണം. എന്നാൽ വൈക്കം ക്ഷേത്രത്തിലെ സ്ട്രോംഗ് റൂമിൽ 199 സ്വർണ ഉരുപ്പടികൾ അടങ്ങിയ ഒരു പൊതിയും പിന്നെ വെള്ളി ഇനങ്ങളുടെ മറ്റൊരു പൊതിയും ഉണ്ടായിരുന്നു. ആ രണ്ട് പൊതികളിലുമായി ആകെ 2992.070 ഗ്രാം തൂക്കം ഉണ്ടെന്നാണ് പൊതിയിൽ എഴുതിയിരുന്നത്. ഇതിൽ 255.830 ഗ്രാം സ്വർണം കാണാനില്ലെന്നാണ് ഓഡിറ്റ് റിപ്പോർട്ട്. 2020-21ലെ ഓഡിറ്റ് റിപ്പോർട്ട് കഴിഞ്ഞ വർഷം നവംബറിൽ ഹൈക്കോടതിയിൽ സമർപ്പിച്ചു. അതുവരെ ഇക്കാര്യത്തിലുള്ള വിശദീകരണം ദേവസ്വം ബോർഡ് നൽകിയില്ലെന്നും ഓഡിറ്റ് റിപ്പോർട്ടിൽ പറയുന്നു.

പുതിയ കോഴ്സുകൾ വഴി തൊഴിലവസരങ്ങൾ സൃഷ്ടിക്കുക ലക്ഷ്യം: മന്ത്രി വാസവൻ

തിരുവല്ല: കേരളത്തെ ലോകത്തിന്‍റെ നെറുകയിൽ എത്തിക്കുവാൻ കലാലയങ്ങൾ നൽകുന്ന സംഭാവനകൾ വലുതാണെന്ന് മന്ത്രി വി.എൻ. വാസവൻ. തിരുവല്ല മാർ അത്താനാസിയോസ് കോളജ് ഫോർ അഡ്വാൻസ് സ്റ്റഡീസിന്‍റെ (മാക്ഫാസ്റ്റ്) രജത ജൂബിലി ആഘോഷം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഗുരു-ശിഷ്യബന്ധം സൂക്ഷിക്കുന്ന ഉദാത്തമായ മാതൃകാ കലാലയമാണ് മാക് ഫാസ്റ്റ്. വിദ്യാഭ്യാസ സ്ഥാപനങ്ങളുടെ നിലവാരം കാത്തുസൂക്ഷിച്ച്, സമയബന്ധിതമായി മുന്നോട്ടു പോകുന്പോഴാണ് ഒരു കലാലയം എല്ലാ അർഥത്തിലും ശോഭിക്കുന്നതെന്ന് മന്ത്രി അഭിപ്രായപ്പെട്ടു. അധ്യാപകരും വിദ്യാർഥികളും മാനേജ്മെന്‍റും കൂടിച്ചേരുന്നതിനൊപ്പം സർക്കാർ സംവിധാനങ്ങളുംകൂടി സഹകരിച്ചെങ്കിൽ മാത്രമേ കലാലയം പൂർണതയിലെത്തൂ. ഉന്നത വിദ്യാഭ്യാസ മേഖലയിൽ മികച്ച കാഴ്ചപ്പാടുകളോടെയാണ് സർക്കാർ പുതിയ പദ്ധതികൾ ആവിഷ്കരിക്കുന്നത്. വൈവിധ്യങ്ങളായ പുതിയ കോഴ്സുകൾ ആരംഭിക്കും. ഇതോടെ പുതിയ തൊഴിൽ അവസരങ്ങൾ സൃഷ്ടിക്കുകയാണ് ലക്ഷ്യമെന്നും മന്ത്രി പറഞ്ഞു. പുതിയ പടവുകളിലേക്ക് മാക് ഫാസ്റ്റ് അസാധാരണമായ ഒരു നിശ്ചയദാർഢ്യത്തിന്‍റെ ഉദാത്ത മാതൃകയാണെന്ന് സമ്മേളനത്തിൽ അധ്യക്ഷത വഹിച്ച കർദിനാൾ മാർ ബസേലിയോസ് ക്ലീമിസ് കാതോലിക്ക ബാവ അഭിപ്രായപ്പെട്ടു. കാലത്തിന് അപ്പുറത്തേക്ക് ദൃഷ്ടി പായിച്ച വ്യക്തിത്വങ്ങളുടെ സംഭാവനയാണ് ഈ കലാലയം. കോളജിന് സ്വയംഭരണ പദവി ലഭ്യമായതോടെ ഒരു പുതിയ ഭാവത്തിലേക്കും രൂപത്തിലേക്കുമുള്ള അടുത്ത പടവുകളിലേക്കു പ്രവേശിക്കാൻ കഴിയുമെന്നും ബാവ പറഞ്ഞു. എംജി സർവകലാശാലാ വൈസ് ചാൻസലർ ഡോ. സി.ടി. അരവിന്ദ് കുമാർ മാക്ഫാസ്റ്റിന്‍റെ സ്വയംഭരണ പദവി പ്രഖ്യാപനം നടത്തി. തിരുവല്ല ആർച്ച്ബിഷപ് ഡോ. തോമസ് മാർ കൂറിലോസ്, മുൻ മന്ത്രി രമേശ് ചെന്നിത്തല, ആന്‍റോ ആന്‍റണി എംപി, തിരുവല്ല നഗരസഭാ ചെയർപേഴ്സൺ അനു ജോർജ്, എംജി സർവകലാശാലാ സിൻഡിക്കറ്റ് അംഗം റെജി സക്കറിയ, സംസ്ഥാന ഹയർ എഡ്യൂക്കേഷൻ കൗൺസിൽ ജനറൽ സെക്രട്ടറി ഡോ. രാജൻ വർഗീസ്, നഗരസഭാ കൗൺസിലർ ഫിലിപ്പ് ജോർജ്, മാക്ഫാസ്റ്റ് പ്രിൻസിപ്പൽ ഡോ. ചെറിയാൻ കെ. വർഗീസ്, മാനേജർ ഫാ. ഈപ്പൻ പുത്തൻപറമ്പിൽ തുടങ്ങിയവർ പ്രസംഗിച്ചു.

ജില്ലാ കായികമേള : പാലായിൽ ഇന്ന് ട്രാക്ക് ഉണരും

കോട്ടയം: പുതിയ ദൂരവും ഉയരവും വേഗവും തേടി ജില്ലയിലെ കൗമാരപ്രതിഭകള്‍ ഇന്ന് പാലായിലെ ട്രാക്കിലിറങ്ങും. 23-ാമത് ജില്ലാ സ്‌കൂള്‍ കായികമേളയ്ക്ക് പാലാ മുനിസിപ്പല്‍ സിന്തറ്റിക് ട്രാക്ക് സ്റ്റേഡിയത്തില്‍ തുടക്കമാകും. 13 സബ് ജില്ലകളില്‍നിന്നായി 3,800 കായികതാരങ്ങള്‍ 97 ഇനങ്ങളിലായി മത്സരിക്കും. ആദ്യ ദിനമായ ഇന്ന് 33 ഫൈനലുകള്‍ നടക്കും. 3,000 മീറ്റര്‍, ഹൈജംപ്, ലോംഗ്ജംപ്, 100 മീറ്റര്‍, ഹാമര്‍ ത്രോ, 400 മീറ്റര്‍ റിലേ മത്സരങ്ങള്‍ നടക്കും. പൊട്ടിപ്പൊളിഞ്ഞ സിന്തറ്റിക് ട്രാക്കില്‍ താരങ്ങളുടെ പ്രകടനം എത്രത്തോളം ഉയരുമെന്ന് ആശങ്കയുമുണ്ട്. മത്സരത്തിനു മുമ്പ് സിന്തറ്റിക് ട്രാക്കിന്‍റെ നവീകരണം പൂര്‍ത്തിയാകുമെന്നായിരുന്നു പ്രതീക്ഷയെങ്കിലും പ്രതികൂല കാലാവസ്ഥയില്‍ പണികള്‍ ആരംഭിക്കാന്‍ പോലും സാധിച്ചിട്ടില്ല. രാവിലെ മാര്‍ച്ച് പാസ്റ്റോടുകൂടി മത്സരങ്ങള്‍ ആരംഭിക്കും. ജില്ലാ ഉപവിദ്യാഭ്യാസ ഡയറക്ടര്‍ ഹണി ജെ. അലക്സാണ്ടര്‍ പതാക ഉയര്‍ത്തും. ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്യും. മാണി സി. കാപ്പന്‍ എംഎല്‍എ അധ്യക്ഷത വഹിക്കും. കഴിഞ്ഞ വര്‍ഷം പൂഞ്ഞാര്‍ എസ്എംവി സ്‌കൂളിന്‍റെ പോയിന്‍റില്‍ ഈരാറ്റുപേട്ട ഉപജില്ലയ്ക്കായിരുന്നു ചാമ്പ്യന്‍ഷിപ്പ്. ഇത്തവണ ഈരാറ്റുപേട്ട ഉപജില്ലയ്ക്ക് ശക്തമായ വെല്ലുവിളിയുമായി പാലാ ഉപജില്ല രംഗത്തുണ്ട്. പാലാ സെന്‍റ് തോമസ്, സെന്‍റ് മേരീസ്, ഭരണങ്ങാനം സ്‌കൂളുകളുടെ പിന്‍ബലത്തിലാണ് പാലായുടെ വെല്ലുവിളി, കുറുമ്പനാടം സെന്‍റ് പീറ്റേഴ്‌സ്, കോരുത്തോട് സികെഎം സ്‌കൂളുകളും ശക്തമായ മത്സരം കാഴ്ചവയ്ക്കാനായിട്ടാണ് എത്തുന്നത്. 17നു വൈകുന്നേരം നടക്കുന്ന സമാപന സമ്മേളനത്തില്‍ മന്ത്രി വി.എന്‍. വാസവന്‍ വിജയികള്‍ക്ക് സമ്മാനം നല്‍കും. ഇത്തവണ കായികതാരങ്ങള്‍ക്കും ഭക്ഷണം നല്‍കും പാലാ: ജില്ലാ സ്‌കൂള്‍ കായികമേളയില്‍ മത്സരിക്കുന്ന കുട്ടികള്‍ക്ക് ഇത്തവണ ഉച്ചഭക്ഷണം നല്‍കും. ഇന്നുമുതല്‍ വെള്ളിയാഴ്ച വരെ പാലാ നഗരസഭാ സിന്തറ്റിക് ട്രാക്ക് സ്റ്റേഡിയത്തിലാണ് കായികമേള നടക്കുന്നത്. അധ്യാപക സംഘടനയായ കെഎസ്ടിഎ ആണ് ഭക്ഷണത്തിന്‍റെ ചെലവ് വഹിക്കുന്നത്. ജില്ലയില്‍ ആദ്യമാണ് ജില്ലാ സ്‌കൂള്‍ കായികമേളയില്‍ കായികതാരങ്ങള്‍ക്ക് ഭക്ഷണം നല്‍കുന്നത്. സാധാരണ ഒഫീഷല്‍സിന് മാത്രമാണ് മേളയില്‍ ഭക്ഷണം നല്‍കിവന്നിരുന്നത്.

കോട്ടയം, ഇടുക്കി ജില്ലകളിലായി 21 പേരുടെ ജീവന്‍ കവര്‍ന്ന ഉരുള്‍പൊട്ടലിലും മഹാപ്രളയത്തിനും നാളെ നാലുവര്‍ഷം

മുണ്ടക്കയം: 2021 ഒക്‌ടോബര്‍ 16. ഓര്‍മയില്‍ കണ്ണീരും കറുപ്പും പതിയുന്ന ദിവസം. കോട്ടയം, ഇടുക്കി ജില്ലകളിലായി 21 പേരുടെ ജീവന്‍ കവര്‍ന്ന ഉരുള്‍പൊട്ടലിലും മഹാപ്രളയത്തിനും നാളെ നാലുവര്‍ഷം തികയുന്നു. ആ ശനിയാഴ്ച രാവിലെ എട്ടു മുതല്‍ കലിതുള്ളി പെയ്ത മഴയില്‍ കൊടുങ്ങ, ഇളംകാട്-വാഗമണ്‍ റോഡ്, പ്ലാപ്പള്ളി, മുക്കുളം പ്രദേശങ്ങളില്‍ ഒന്നിനു പുറകെ ഒന്നായി പതിനൊന്നിടത്ത് ഉരുള്‍പൊട്ടി. ഇരുള്‍ പരന്ന പകലില്‍ അയല്‍വാസികള്‍ക്ക് എന്തു സംഭവിച്ചു എന്നന്വേഷിക്കാന്‍ പോലുമാകാത്ത പെയ്ത്തായിരുന്നു. പുല്ലകയാറിന്‍റെയും മണിമലയാറിന്‍റെയും ചരിത്രത്തിലെ ഏറ്റവും വലിയ പ്രളയത്തിനാണ് രാവിലെ പതിനൊന്നു മുതല്‍ പ്ലാപ്പള്ളി, കൊക്കയാര്‍, കൂട്ടിക്കല്‍ പ്രദേശങ്ങളിലെ ഉരുള്‍പൊട്ടൽ വഴിയൊരുക്കിയത്. റോഡുകള്‍ ഒലിച്ചപോയും മല പോലെ മണ്ണും ചെളിയും മരങ്ങളും അടിഞ്ഞുകൂടിയും രക്ഷാപ്രവര്‍ത്തനം ദുഃസഹമായി. ഒപ്പം വൈദ്യുതിബന്ധവും നഷ്ടപ്പെട്ടു. വീടുകൾ മുങ്ങി മണിമലയാറിന്‍റെ തീരങ്ങളില്‍ 90 കിലോമീറ്റര്‍ ദൂരത്തില്‍ ആയിരക്കണക്കിനു വീടുകള്‍ വെള്ളത്തിലായി വീട്ടുപകരണങ്ങള്‍ നശിച്ചു. വീടുകളില്‍ ചെളിനിറഞ്ഞു. ദുരിതം പെയ്‌തൊഴിയാത്ത മലയോരഗ്രാമങ്ങളില്‍നിന്നു ദുരന്തത്തിനു പിന്നാലെ ഇരുന്നൂറിലധികം കുടുംബങ്ങള്‍ പലായനം ചെയ്തു. പലരും കൂട്ടിക്കല്‍ പ്രദേശങ്ങളില്‍ സുരക്ഷിതമായ മേഖലയില്‍ സ്ഥലം വാങ്ങി വീടുവച്ചു. പ്ലാപ്പള്ളി കാവാലിയില്‍ ഒരു കുടുംബത്തിലെ മൂന്നു കുട്ടികള്‍ ഉള്‍പ്പെടെ ആറു പേര്‍ക്കാണ് ജീവന്‍ നഷ്ടമായത്. ഇളംകാട്ടിലും കൊക്കയാറിലുമായി നിരവധി ജീവനുകളെ പ്രളയം കവര്‍ന്നു. മലയിടിച്ചിലിലും പ്രളയത്തിലും 135 വീടുകള്‍ പൂര്‍ണമായും 106 വീടുകള്‍ ഭാഗികമായും നശിച്ചു. ഇതില്‍ 74 പേര്‍ക്ക് വീടും സ്ഥലവും 41 പേര്‍ക്ക് വീടും പൂര്‍ണമായി നഷ്ടപ്പെട്ടു. വീടും സ്ഥലവും നഷ്ടപ്പെട്ട 60 പേര്‍ക്ക് ആറു ലക്ഷം രൂപ വീതവും വീട് മാത്രം നഷ്ടപ്പെട്ടവര്‍ക്ക് ഒരു ലക്ഷം രൂപ വീതവും നല്‍കി. തകർന്ന പാലങ്ങൾ ഏന്തയാര്‍ പാലം, പൂവഞ്ചി തൂക്കുപാലം, കൊക്കയാര്‍ പാലം, വെംബ്ലി കമ്യൂണിറ്റി ഹാള്‍ പാലം, നൂറേക്കര്‍ പാലം, തെരുവുപാറ പാലം, ഏന്തയാര്‍-മലയിഞ്ചി പാലം, കുപ്പയക്കുഴി പാലം, വെട്ടിക്കാനം നടപ്പാലം എന്നിവയെല്ലാം തകര്‍ന്നു. മുക്കുളം, വടക്കേമല, നാരകംപുഴ, കൊക്കയാര്‍, കുറ്റിപ്ലാങ്ങാട്, മേലോരം, എന്തയാര്‍, പൂവഞ്ചി എന്നിവിടങ്ങളില്‍ റോഡുകള്‍ ഒലിച്ചുപോയി. സർക്കാരും സന്നദ്ധസംഘടനകളും ഇരുന്നൂറോളം വീടുകള്‍ പണിതു നല്‍കി. പാലങ്ങളും റോഡുകളും ഏറെയും പുനര്‍നിര്‍മിച്ചു. വീടുകള്‍ തകര്‍ന്ന ഒട്ടേറെ കുടുംബങ്ങള്‍ രണ്ടു മാസത്തോളം ദുരിതാശ്വസ ക്യാന്പിലായിരുന്നു. മാക്കൊച്ചി, വടക്കേമല, മുക്കുളം, അഴങ്ങാട് എന്നിവിടങ്ങളിലെ 180 കുടുംബങ്ങള്‍ ഇപ്പോഴും ഉരുള്‍പൊട്ടല്‍ ഭീഷണിലാണ്. മുക്കുളം, പൂവഞ്ചി, വെംബ്ലി അഴങ്ങാട്, മേലോരം, കൊക്കയാര്‍, കുറ്റിപ്ലാങ്ങാട്, വെബ്ലി, നാരകംപുഴ, കനകപുരം ഗ്രാമങ്ങള്‍ ആഘാതത്തില്‍നിന്നു കരകയറിയിട്ടില്ല. 400 ഹെക്ടര്‍ സ്ഥലത്തെ കൃഷി ദുരന്തത്തില്‍ നശിച്ചു.

കൊഴുവനാൽ-ചൂരക്കൽ റോഡ് നിർമാണം തുടങ്ങി

കൊഴുവനാൽ: ഏറെക്കാലത്തെ കാത്തിരിപ്പിനു ശേഷം കൊഴുവനാൽ-ചൂരക്കൽ കിഴക്കേകുറ്റ് റോഡ് നിർമാണത്തിനു തുടക്കം. നിരവധി കുടുംബങ്ങളുടെ യാത്രാദുരിതത്തിന് ഇതോടെ പരിഹാരമാകും. ജില്ലാ പഞ്ചായത്തംഗം ജോസ്മോൻ മുണ്ടയ്ക്കലിന്‍റെ പ്രാദേശിക വികസന ഫണ്ടിൽനിന്ന് അനുവദിച്ച തുക വിനിയോഗിച്ചാണ് കൊഴുവനാൽ പഞ്ചായത്ത് 11-ാം വാർഡിലെ റോഡ് നിർമിക്കുന്നത്. റോഡ് വിഷയം ജില്ലാ പഞ്ചായത്ത്‌ അംഗത്തിന്‍റെ ശ്രദ്ധയിൽ കൊണ്ടുവന്ന പഞ്ചായത്ത്‌ അംഗം ‌പി.സി. ജോസഫിനെ ചടങ്ങിൽ അനുമോദിച്ചു.

ഈരാറ്റുപേട്ട ടൗണിൽ വഴിയോര കച്ചവടവും ഫുട്പാത്ത് പാർക്കിംഗും

ഈരാറ്റുപേട്ട: നഗരസഭാ പരിധിയിൽ ടൗണിലെ വഴിയോര കച്ചവടവും ഫുട്പാത്ത് പാർക്കിംഗും കാൽനടയാത്രക്കാർക്ക് ദുരിതമാകുന്നു. പ്രൈവറ്റ് ബസ് സ്റ്റാൻഡ് മുതൽ തെക്കേക്കര ചേന്നാട് കവല വരെയും സെൻട്രൽ ജംഗ്ഷനിൽ കടുവാമൂഴി വരെയും വഴിയോര കച്ചവടം തകൃതിയായി നടക്കുകയാണ്. ഉന്തുവണ്ടികളിലുള്ള കച്ചവടം ടൗണിൽ നിരോധിച്ചിട്ടെണ്ടന്നു നഗരസഭാ അധികൃതർ പറയുമ്പോഴും ദിനംപ്രതി കച്ചവടക്കാരുടെ എണ്ണം വർധിക്കുകയാണ്. അരുവിത്തുറ പള്ളി, ചേന്നാട് കവല, സെൻട്രൽ ജംഗഷനു സമീപം എന്നിവിടങ്ങളിലാണ് ഫുട്പാത്ത് കൈയേറി കച്ചവടം. ഫുട്പാത്ത് കൈയേറി വാഹന പാർക്കിംഗ് സാധാരണ സംഭവമാണ്. സിറ്റി ടവറിനു മുന്പിലെ ഫുട്പാത്തിൽ ഒരേസമയം നാലും അഞ്ചും കാറുകളാണ് പാർക്ക് ചെയ്യുന്നത്. ഇവിടെ ഫുട്പാത്തിൽ കാർ പാർക്ക് ചെയ്യുന്നതിനാൽ കാൽനടയാത്രക്കാരും വിദ്യാർഥികളും റോഡിലൂടെ സഞ്ചരിക്കേണ്ട അവസ്ഥയാണ്. റോഡ് വീതി കൂട്ടി ആധുനിക രീതിയിൽ ടാറിംഗ് നടത്തിയതിന്‍റെ പ്രയോജനം ലഭിക്കുന്നില്ലെന്നെ പരാതി ഉയരുകയാണ്.

നഗരം നിറഞ്ഞ് നായപ്പട; ഇറങ്ങാൻ പേടിച്ച് ജനം

പാലാ: തെരുവുനായശല്യം അതിരൂക്ഷമായതോടെ പൊറുതിമുട്ടി ജനം. എട്ടും പത്തും നായ്ക്കള്‍ കൂട്ടമായാണ് പാലാ നഗരത്തിലൂടെ അലഞ്ഞുതിരിയുന്നത്. സ്‌കൂളുകളും ആരാധനാലങ്ങളും മാത്രമല്ല വ്യാപാരസ്ഥാപനങ്ങളും മറ്റു സ്ഥാപനങ്ങളും ആശുപത്രികളും വരെ ഇവയുടെ വിഹാരകേന്ദ്രമായി മാറി. പാലാ മുനസിപ്പല്‍ ഓഫീസ് സ്ഥിതി ചെയ്യുന്ന കോംപ്ലക്സിലും തെരുവുനായശല്യം കടുത്തു. ഈ കെട്ടിട സമുച്ചയത്തിന്‍റെ ഒന്നാം നിലയിലേക്കും രണ്ടാം നിലയിലേക്കും കയറിപ്പോകുന്ന ഗോവണിപ്പടികള്‍ വരെ തെരുവുനായ്ക്കള്‍ കൈയടക്കിയിരിക്കുകയാണ്. ഇവിടെയാണ് തെരുവുനായ്ക്കളുടെ പ്രധാന വിശ്രമതാവളം. ഇടപാടുകാർ മടിക്കുന്നു വിവിധ ആവശ്യങ്ങള്‍ക്കായി നഗരസഭാ കോംപ്ലക്സിലെ സ്ഥാപനങ്ങളില്‍ എത്തുന്നവര്‍ ഭയത്തോടെയാണ് മുകള്‍ നിലകളിലേക്കു കയറിപ്പോകുന്നത്. ഇവിടെ ആളുകളെ തെരുവുനായ്ക്കള്‍ ആക്രമിച്ച സംഭവങ്ങളും ഉണ്ടായിട്ടുണ്ട്. കഴിഞ്ഞ ദിവസം യുവാവിനു തെരുവുനായയുടെ കടിയേറ്റു. ഈ കോംപ്ലക്‌സിലെ സ്ഥാപന ഉടമകള്‍ പലതവണ അധികൃതര്‍ക്കു പരാതി നല്‍കിയെങ്കിലും ഒരു നടപടിയുമില്ല. തെരുവുനായ്ക്കളെ നിയന്ത്രിക്കാൻ യാതൊരു നീക്കവും ഉണ്ടാകുന്നില്ല. ഇടപാടുകാർ തെരുവുനായ്ക്കളെ പേടിച്ച് ഇവിടത്തെ വ്യാപാര സ്ഥാപനങ്ങളില്‍ വരാന്‍ മടിക്കുകയാണെന്നും വ്യാപാരികളും സ്ഥാപന ഉടമകളും പറയുന്നു.

ഉഴവൂര്‌, ളാലം ബ്ലോക്കുകളിലെ പഞ്ചായത്തുകളിൽ സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്‌ടര്‍ ചേതന്‍ കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മുത്തോലി പട്ടികജാതി സംവരണം: അള്ളുങ്കല്‍ക്കുന്ന് (3). സ്ത്രീ സംവരണം: പടിഞ്ഞാറ്റിന്‍കര (1), കടപ്പാട്ടൂര്‍ (6), വെള്ളിയേപ്പള്ളി (7), മീനച്ചില്‍ (8), പന്തത്തല (9), മുത്തോലി (10), മുത്തോലി സൗത്ത് (11). കടനാട് പട്ടികജാതി സംവരണം: മേരിലാൻഡ് (5). സ്ത്രീ സംവരണം: നീലൂര്‍ (3), എലിവാലി (7), വാളികുളം (9), കൊല്ലപ്പളളി (10), ഐങ്കൊമ്പ് (11), കടനാട് (12), കാവുംകണ്ടം (13), വല്യാത്ത് (14). കരൂര്‍ പട്ടികജാതി സ്ത്രീ സംവരണം: ചെറുകര (12). പട്ടികജാതി സംവരണം: അന്തീനാട് വെസ്റ്റ് (6). സ്ത്രീ സംവരണം: കുടക്കച്ചിറ ഈസ്റ്റ് (1), പയപ്പാര്‍ (4), പോണാട് (8), വള്ളിച്ചിറ ഈസ്റ്റ് (10), വള്ളിച്ചിറ വെസ്റ്റ് (11), വലവൂര്‍ ഈസ്റ്റ് (15), വലവൂര്‍ വെസ്റ്റ് (16), കുടക്കച്ചിറ വെസ്റ്റ് (17). മീനച്ചിൽ പട്ടികജാതി സംവരണം: വിലങ്ങുപാറ (3). സ്ത്രീ സംവരണം: കിഴപറയാര്‍ (2), ഇടമറ്റം (4), ചാത്തന്‍കുളം (6), പൈക (8), പൂവരണി (9), കൊച്ചുകൊട്ടാരം (11), പാലാക്കാട് (12). കൊഴുവനാല്‍ പട്ടികജാതി സംവരണം: മൂലേത്തുണ്ടി (7). സ്ത്രീ സംവരണം: ചേര്‍പ്പുങ്കല്‍ (1), മേവട ഈസ്റ്റ് (3), മോനിപ്പള്ളി (4), മേവിട (5), തോടനാല്‍ ഈസ്റ്റ് (8), കൊഴുവനാല്‍ ടൗണ്‍ (12), കെഴുവംകുളം വെസ്റ്റ് (14). ഭരണങ്ങാനം പട്ടികജാതി സംവരണം: ഉള്ളനാട് (2). സ്ത്രീ സംവരണം: വേഴങ്ങാനം (6), ചൂണ്ടച്ചേരി (7), ഭരണങ്ങാനം വെസ്റ്റ് (9), ഇടപ്പാടി (10), അരീപ്പാറ (11), പാമ്പൂരാംപാറ (12), ഇളംന്തോട്ടം (13). വെളിയന്നൂര്‍ പട്ടികജാതി സംവരണം: അരീക്കര (10). സ്ത്രീ സംവരണം: കാഞ്ഞിരമല (1), പന്നപ്പുറം (2), വെളിയന്നൂര്‍ (3), ചൂഴികുന്നുമല (4), താമരക്കാട് (5), കീരിപ്പേല്‍മല (9), വന്ദേമാതരം (11). കുറവിലങ്ങാട് പട്ടികജാതി സംവരണം: കളത്തൂര്‍ (10). സ്ത്രീ സംവരണം: ജയ്ഗിരി (1), ക്ലാരറ്റ് ഭവന്‍ (7), കാളികാവ് (8), നസ്രത്ത് ഹില്‍ (11), പകലോമറ്റം (12), പള്ളിയമ്പ് (13), തോട്ടുവ (14), കാളിയാര്‍തോട്ടം (15). ഉഴവൂര്‍ പട്ടികജാതി സംവരണം: പുല്‍പ്പാറ (7). സ്ത്രീ സംവരണം: ആച്ചിക്കല്‍ (1), കുടുക്കപ്പാറ (2), അരീക്കര (4), നെടുമ്പാറ (5), ഉഴവൂര്‍ ടൗണ്‍ (8), ചേറ്റുകുളം (11), മോനിപ്പള്ളി ടൗണ്‍ (14). രാമപുരം പട്ടികജാതി സംവരണം: ജിവി സ്‌കൂള്‍ വാര്‍ഡ് (8). സ്ത്രീ സംവരണം: മേതിരി (1), കിഴതിരി (3), മുല്ലമറ്റം (4), രാമപുരം ബസാര്‍ (5), മരങ്ങാട് (6), ടൗണ്‍ ഈസ്റ്റ് വാര്‍ഡ് (7), ചിറകണ്ടം (11), വെള്ളിലാപ്പിള്ളി (14), പാലവേലി (15), ചേറ്റുകുളം (17) കടപ്ലാമറ്റം പട്ടികജാതി സ്ത്രീ സംവരണം: കിഴക്കേ മാറിയിടം (6). പട്ടികജാതി സംവരണം: നെച്ചിമറ്റം (1). സ്ത്രീ സംവരണം: ഇലയ്ക്കാട് (2), കുണുക്കുംപാറ (3), മാറിയിടം (8), എല്‍പി സ്‌കൂള്‍ വാര്‍ഡ് (10), വയലാ ടൗണ്‍ (13), നെല്ലിക്കുന്ന് (14). മരങ്ങാട്ടുപിള്ളി പട്ടികജാതി സംവരണം: ആലയ്ക്കാപ്പിള്ളി (8). സ്ത്രീ സംവരണം: കുറിച്ചിത്താനം ഈസ്റ്റ് (3), നെല്ലിത്താനത്തുമല (4), ഇരുമുഖം (5), മരങ്ങാട്ടുപള്ളി ടൗണ്‍ (9), മണ്ണയ്ക്കനാട് (11), വലിയപാറ (12), വളകുളി (14), പാവയ്ക്കല്‍ (15). കാണക്കാരി പട്ടികജാതി സംവരണം: വട്ടുകുളം (4). സ്ത്രീ സംവരണം: വെമ്പള്ളി (2), പട്ടിത്താനം (8), ആശുപത്രിപ്പടി (9), ചിറക്കുളം (10), കാണക്കാരി ഗവൺമെന്‍റ് സ്‌കൂൾ (11), കല്ലമ്പാറ (14), കദളിക്കവല (15), ചാത്തമല (16), കാണക്കാരി (17). മാഞ്ഞൂർ പട്ടികജാതി സംവരണം: ചാമക്കാല (14). സ്ത്രീ സംവരണം: ഇരവിമംഗലം (2), കാഞ്ഞിരത്താനം (4), സ്ലീവാപുരം (5), ഓമല്ലൂർ (6), നമ്പ്യാകുളം (8), കോതനല്ലൂർ ടൗൺ (9), കോതനല്ലൂർ (10), മാഞ്ഞൂർ (11), റെയിൽവേ സ്റ്റേഷൻ (12), മാഞ്ഞൂർ സെൻട്രൽ (13). സംവരണ വാര്‍ഡുകള്‍: ഇന്നത്തെ നറുക്കെടുപ്പ് കോട്ടയം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ ഈരാറ്റുപേട്ട, പാമ്പാടി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ വാര്‍ഡുകളുടെ സംവരണക്രമം നിശ്ചയിക്കുന്നതിനുള്ള നറുക്കെടുപ്പ് ഇന്നു നടക്കും. കളക്‌ടറേറ്റിലെ വിപഞ്ചിക ഹാളില്‍ രാവിലെ പത്തു മുതലാണ് നറുക്കെടുപ്പ്.

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന്

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന് കുട്ടികളുടെ ദിനമായി ആചരിക്കും. രാവിലെ ഒമ്പതിന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജോണ്‍ മണാങ്കല്‍. 10.30ന് കരിസ്മാറ്റിക് പ്രേഷിത സംഗമം. 11ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - റവ. ഡോ. ജോസഫ് അരിമറ്റം. ഉച്ചകഴിഞ്ഞ് 2.15ന് തീര്‍ഥാടനം - സെന്‍റ് മര്‍ത്താസ് കോണ്‍ഗ്രിഗേഷന്‍. 2.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജോസ് തറപ്പേല്‍. വൈകുന്നേരം 4.15ന് തിരുസ്വരൂപ പ്രതിഷ്ഠ. 4.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - മോണ്‍. സെബാസ്റ്റ്യന്‍ വേത്താനത്ത്. രാത്രി ആറിന് പുറത്ത് നമസ്‌കാരം - ഫാ. മാത്യു വെണ്ണായിപ്പള്ളില്‍. 6.30ന് പ്രദക്ഷിണം.

പാർശ്വവത്കരിക്കപ്പെട്ടവരെ മുഖ്യധാരയിലെത്തിക്കണം: മോൺ. സെബാസ്റ്റ്യൻ വേത്താനത്ത്

കുറവിലങ്ങാട്: പാർശ്വവത്കരിക്കപ്പെട്ടവരുടെ പക്ഷംചേർന്ന് അവരെ മുഖ്യധാരയിലെത്തിക്കണമെന്ന് പാലാ രൂപത വികാരി ജനറാൾ മോൺ. സെബാസ്റ്റ്യൻ വേത്താനത്ത്. വാഴ്ത്തപ്പെട്ട കുഞ്ഞച്ചൻ തീർഥാടനത്തോടനുബന്ധിച്ച് പാലാ രൂപത ഡിസിഎംഎസ് കമ്മിറ്റി നടത്തിയ വാഹന വിളംബര റാലിക്ക് കുറവിലങ്ങാട്ട് നൽകിയ സ്വീകരണത്തിൽ സന്ദേശം നൽകുകയായിരുന്നു അദ്ദേഹം. നൂറുകണക്കിനാളുകൾ ചേർന്ന് റാലിയെ വരവേറ്റു. രൂപത അസി. ഡയറക്ടർ ഫാ. മാണി കൊഴുപ്പൻകുറ്റി, രൂപത പ്രസിഡന്‍റ് ബിനോയി ജോൺ, മേഖലാ ഡയറക്ടർ ഫാ. തോമസ് താന്നിമലയിൽ, ഭാരവാഹികളായ സി.ഒ. വർക്കി, പെണ്ണമ്മ ചിരട്ടോലിക്കൽ തുടങ്ങിയവർ പ്രസംഗിച്ചു.

കാഞ്ഞിരപ്പള്ളി ഉപജില്ലാ സ്കൂൾ ശാസ്ത്രോത്സവം: സെന്‍റ് ഡൊമിനിക്സ് എച്ച്എസ്എസ് ഓവറോൾ ജേതാക്കൾ

കാഞ്ഞിരപ്പള്ളി: ഉപജില്ലാ സ്കൂൾ ശാസ്ത്രോത്സവത്തിൽ സെന്‍റ് ഡൊമിനിക്സ് ഹയർ സെക്കൻഡറി സ്കൂൾ ഓവറോൾ ചാമ്പ്യന്മാരായി. ബെസ്റ്റ് സ്കൂൾ വർക്ക് എക്സ്പീരിയൻസ് ഫെയർ, ബെസ്റ്റ് സ്കൂൾ സോഷ്യൽ സയൻസ് ഫെയർ, ബെസ്റ്റ് സ്കൂൾ മാത്‌സ് ഫെയർ, ബെസ്റ്റ് സ്കൂൾ എച്ച്എസ്എസ് വർക്ക് എക്സ്പീരിയൻസ്, ബെസ്റ്റ് സ്കൂൾ എച്ച്എസ്എസ് സോഷ്യൽ സയൻസ് ഫെയർ, ബെസ്റ്റ് സ്കൂൾ എച്ച്എസ്എസ് മാത്‌സ് ഫെയർ, ബെസ്റ്റ് സ്കൂൾ എച്ച്എസ്എസ് സയൻസ് ഫെയർ തുടങ്ങിയ വിഭാഗങ്ങളിൽ ഒന്നാം സ്ഥാനം നേടി. കൂടാതെ സയൻസ് ഫെയർ, ഐടി ഫെയർ, എച്ച്എസ് വർക്ക് എക്സ്പീരിയൻസ്, എച്ച്എസ് മാത്‌സ് ഫെയർ എന്നീ വിഭാഗങ്ങളിൽ റണ്ണറപ്പുമായി. ഹെഡ്മാസ്റ്റർ പി.ജെ. തോമസ്, പ്രിൻസിപ്പൽ മേഴ്സി ജോൺ, അധ്യാപകർ എന്നിവരുടെ നേതൃത്വത്തിലാണ് വിദ്യാർഥികൾ അഭിമാനകരമായ നേട്ടം കൈവരിച്ചത്.

പൊടിമറ്റം ബൈബിള്‍ കണ്‍വന്‍ഷൻ‌: ഒരുക്കങ്ങൾ തുടങ്ങി

കാഞ്ഞിരപ്പള്ളി: പൊടിമറ്റം സെന്‍റ് ജോസഫ്‌സ് മൗണ്ട് ധ്യാനകേന്ദ്രത്തില്‍ നടക്കുന്ന 35-ാമത് പൊടിമറ്റം ബൈബിള്‍ കണ്‍വന്‍ഷനുള്ള ഒരുക്കങ്ങള്‍ തുടങ്ങി. നവംബര്‍ 27 മുതല്‍ 30 വരെ വൈകുന്നേരം നാലുമുതല്‍ ഒന്പതുവരെ നടത്തുന്ന കണ്‍വന്‍ഷന്‍ കോഴിക്കോട് ഹോളി സ്പിരിറ്റ് മിനിസ്ട്രിയിലെ ഫാ. അലോഷ്യസ് കുളങ്ങര നയിക്കും. ഇടവക വികാരിയും ധ്യാനകേന്ദ്രം ഡയറക്ടറുമായ ഫാ. സജി പൂവത്തുകാടിന്‍റെ അധ്യക്ഷയില്‍ ചേര്‍ന്ന യോഗത്തില്‍ വിവിധ കമ്മിറ്റികളെ തെരഞ്ഞെടുത്ത് പ്രവര്‍ത്തനം ആരംഭിച്ചു. രാജു കൊണ്ടൂമല, ജ്യോതിഷ് ജോസഫ് എന്നിവരെ കണ്‍വീനര്‍മാരായും ജോസ് നെല്ലിമല, ജോര്‍ജ് അരീക്കാട്ടില്‍, ബിനോയ് കണ്ണംകുളം, കുര്യന്‍ നെല്ലിമല, സാബു തൈപ്പറമ്പില്‍, ഷാജി ചെമ്മുഴിക്കാട്, മാത്യു വാഴേപ്പറമ്പില്‍, ബാബു ബംഗ്ലാവുപറമ്പില്‍, ജെയ്‌സ് ആനിക്കല്‍, ബേബി പാറാംതോട്ടില്‍, ജോസ് ആനിക്കല്‍, ജോസ് കുളമറ്റം, മര്‍ക്കോസ് പത്താശേരി, മരിയ ജോസഫ് കുന്നപ്പള്ളി, സാറാമ്മ ജോസ് ആനിക്കല്‍, ഷീനാ ജസ്റ്റിന്‍ ചന്ദ്രൂപ്പറമ്പില്‍ തുടങ്ങിയവര്‍ വിവിധ സബ് കമ്മിറ്റി കണ്‍വീനറുമായ 101 അംഗ കമ്മിറ്റിയെ തെരഞ്ഞെടുത്തു. പാരിഷ് കൗണ്‍സില്‍ സെക്രട്ടറി ജയിംസ് പറപ്പള്ളില്‍, സാമ്പത്തിക സമിതി സെക്രട്ടറി ബെന്നി പാമ്പാടിയില്‍ എന്നിവര്‍ പ്രസംഗിച്ചു.

മാങ്ങാപ്പാറയിലെ പാറമട ഇനി അനങ്ങാപ്പാറയല്ല!

പാറത്തോട്: പ്രകൃതിദുരന്ത സാധ്യതകളേറെയുള്ള ചിറ്റടി മാങ്ങാപ്പാറയില്‍ പാറമടയുടെ പ്രവര്‍ത്തനം പുനരാരംഭിക്കാനുള്ള നീക്കം ഉപേക്ഷിക്കണമെന്ന് നാട്ടുകാര്‍. ഇതു സംബന്ധിച്ചു നിര്‍മലാരാം വെല്‍ഫെയര്‍ അസോസിയേഷന്‍ പഞ്ചായത്തിന് പരാതി നല്‍കി. 60 ഡിഗ്രിയിലധികം ചെരിവുള്ള പ്രദേശത്തു കനത്ത മഴയുണ്ടായാല്‍ പ്രകൃതിദുരന്ത സാധ്യതകളുമേറെയാണ്. മുന്പും ഇവിടെ കനത്ത മഴയില്‍ ഉരുള്‍പൊട്ടലും മണ്ണിടിച്ചിലുമുണ്ടായിട്ടുണ്ട്. തോടും മുണ്ടമറ്റം കുടിവെള്ള പദ്ധതിയുടെ കുടിവെള്ള സ്രോതസും ഈ പാറമടയ്ക്ക് 45 മീറ്ററോളം ദൂരത്തിലാണ് സ്ഥിതി ചെയ്യുന്നത്. ആശങ്കയിൽ നാട്ടുകാർ 2024 ഓഗസ്റ്റ് 16ന് പാറമട പ്രവര്‍ത്തിച്ചിരുന്നതിനു മുകള്‍ഭാഗത്ത് ഉരുള്‍പൊട്ടലുണ്ടായതിനെത്തുടര്‍ന്നാണ് പാറമടയുടെ പ്രവര്‍ത്തനം നിര്‍ത്തലാക്കിയത്. എന്നാല്‍, പാറമട വീണ്ടും തുടങ്ങാനുള്ള നീക്കം പുനരാരംഭിച്ചതോടെയാണ് നാട്ടുകാര്‍ രംഗത്തെത്തിയത്. പാറമടയിലെ വാഹനങ്ങള്‍ ഓടേണ്ടതു പ്രദേശത്തെ വീതി കുറഞ്ഞ റോഡിലൂടെയാണ്. പാറമടയെ സംബന്ധിക്കുന്ന പല നിയമങ്ങളും കാറ്റില്‍പറത്തിയാണ് വീണ്ടും പ്രവര്‍ത്തനം തുടങ്ങാന്‍ ശ്രമം നടക്കുന്നതെന്നു പ്രദേശവാസികള്‍ ആരോപിക്കുന്നു. പ്രകൃതി ദുരന്തസാഹചര്യം നിലനില്‍ക്കുന്ന പ്രദേശമാണിതെന്നും പാറമടയുടെ പ്രവര്‍ത്തനം പ്രകൃതി ദുരന്തങ്ങള്‍ക്കു വഴിവയ്ക്കുമെന്നുമാണ് നാട്ടുകാരുടെ ആശങ്ക. കഴിഞ്ഞ മാര്‍ച്ചില്‍ ജില്ലാ ദുരന്തനിവാരണ അഥോറിറ്റി പ്രദേശത്ത് ഉരുള്‍പൊട്ടല്‍ പ്രതിരോധ തയാറെടുപ്പുകള്‍ക്കായി മോക്ഡ്രില്ലും നടത്തിയിരുന്നു. പാറമടയ്ക്കെതിരേ നിലവില്‍ നല്‍കിയിരിക്കുന്ന സ്റ്റോപ്പ് മെമ്മോ പിന്‍വലിക്കരുതെന്നാണ് നാട്ടുകാരുടെ ആവശ്യമെന്ന് അസോസിയേഷന്‍ പ്രസിഡന്‍റ് ജോസി ജോസ് പറഞ്ഞു.

പരിശ്രമങ്ങൾ വിഫലം; പ്രശാന്ത് യാത്രയായി

മുണ്ടക്കയം: നാടൊന്നാകെ കൈകോർത്ത് വൃക്ക മാറ്റിവച്ച യുവാവ് മരണപ്പെട്ടു. പുലിക്കുന്ന് വട്ടക്കാവിൽ കുട്ടി-മോളി ദമ്പതികളുടെ മകൻ വി.കെ. പ്രശാന്ത് (39) ആണ് ഇന്നലെ കോട്ടയം മെഡിക്കൽ കോളജിൽ മരിച്ചത്. രണ്ടു വർഷം മുമ്പാണ് പ്രശാന്തിന് വൃക്കരോഗം പിടിപ്പെട്ടത്. പിന്നീട് നാടൊന്നാകെ കൈകോർത്ത് 12 ലക്ഷത്തോളം രൂപ മുടക്കി വൃക്ക മാറ്റിവച്ചു. കുറച്ചു നാളുകളായി കുട്ടിക്കാനത്തെ സ്വകാര്യ ഹോട്ടലിൽ ജോലി ചെയ്തു വരിയായിരുന്നു. ശ്വാസതടസമുണ്ടാവുകയും ന്യുമോണിയ ബാധിക്കുകയും വാൽവിന് തകരാർ സംഭവിക്കുകയുമായിരുന്നു. ഇതിനിടെ രണ്ടാമത്തെ വൃക്കയും പ്രവർത്തനരഹിതമായി. പാലായിലെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽ കോളജിലും ചികിത്സ തേടിയെങ്കിലും മരണം സംഭവിച്ചു. സംസ്കാരം ഇന്ന് ഉച്ചകഴിഞ്ഞ് രണ്ടിന് വീട്ടുവളപ്പിൽ നടക്കും. ഭാര്യ ദേവൂട്ടി മണ്ണടിശാല താന്നിക്കൽ പുരയിടത്തിൽ കുടുംബാംഗം. മക്കൾ: ആദിനാഥ്, നിള, വൈദവ്.

മലയോരത്തിന്‍റെ ആദ്യകാല കായികതാരം വിടവാങ്ങി

പറത്താനം: മലയോര മേഖലയിലെ ആദ്യകാല കായികതാരം പറത്താനം മടിയ്ക്കയാങ്കൽ എം.സി. സെബാസ്റ്റ്യൻ (ഷാജി-59) വിടവാങ്ങി. 1985-90 കാലഘട്ടങ്ങളിൽ ഏഷ്യൻ ഗെയിംസ്, സാഫ് ഗെയിംസ് എന്നിവയിൽ പങ്കെടുത്ത് മെഡൽ നേട്ടം കൈവരിച്ചു. ലോംഗ്ജംപിൽ ടി.സി. യോഹന്നാന്‍റെ റിക്കാർഡ് ഭേദിച്ച് എം.സി. സെബാസ്റ്റ്യൻ നാഷണൽ ചാമ്പ്യനായി. കൂട്ടിക്കൽ സെന്‍റ ജോർജ് ഹൈസ്കൂളിലായിരുന്നു പ്രാഥമിക വിദ്യാഭ്യാസം. പിന്നീട് റെയിൽവേയിൽ ജോലി ചെയ്തിരുന്ന എം.സി. സെബാസ്റ്റ്യൻ ശാരീരിക ബുദ്ധിമുട്ടുകളെത്തുടർന്ന് നാല് വർഷങ്ങൾ മുമ്പ് വിആർഎസ് എടുത്തിരുന്നു. സംസ്കാരം ശനിയാഴ്ച നടക്കും.

നൂതന പഴവർഗവിളകൾ: പഠന പരിപാടി സംഘടിപ്പിച്ചു

എലിക്കുളം: കൃഷിഭവൻ അഗ്രികൾച്ചറൽ ടെക്നോളജി മാനേജ്മെന്‍റ് ഏജൻസിയുമായി സഹകരിച്ച് "നൂതന പഴവർഗവിളകൾ അറിയേണ്ടവ' എന്ന വിഷയത്തിൽ കാർഷിക പഠന പരിപാടി സംഘടിപ്പിച്ചു. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി ഉദ്ഘാടനം ചെയ്തു. എലിക്കുളം പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ എസ്. ഷാജി അധ്യക്ഷത വഹിച്ചു. എലിക്കുളം കൃഷി ഓഫീസർ കെ. പ്രവീൺ, അസിസ്റ്റന്‍റ് കൃഷി ഓഫീസർ എ.ജെ. അലക്സ് റോയ്, ആത്മ-ബിടിഎം ഡയാന സക്കറിയ, സലേഷ് ആന്‍റണി പുതുവയലിൽ, ടോമു ജോസ് ചൂനാട്ട് തുടങ്ങിയവർ പ്രസംഗിച്ചു. കാഞ്ഞിരപ്പള്ളി ഹോം ഗ്രോൺ അഗ്രി ബയോടെക്കിലെ ഫാക്കൽട്ടി വി.സി. സെബാസ്റ്റ്യൻ പഠനപരിപാടികൾക്ക് നേതൃത്വം നൽകി.

ബിഎസ്എൻഎൽ ഓഫീസിന്‍റെ മതിൽക്കെട്ട് ഇടിഞ്ഞുവീണു

എരുമേലി: നെടുനീളത്തിൽ വിണ്ടുകീറി പിളർന്ന് ചെരിഞ്ഞ നിലയിൽ അപകടത്തിലായ എരുമേലി ബിഎസ്എൻഎൽ ഓഫീസിന്‍റെ മതിൽക്കെട്ടിന്‍റെ ഏതാനും ഭാഗം ഇടിഞ്ഞു വീണു. ബാക്കി ഭാഗം ഉടനെ ഇടിഞ്ഞു വീഴുന്ന നിലയിൽ. എരുമേലി പഞ്ചായത്ത്‌ ഓഫീസിനടുത്ത് റോഡരികിലാണ് എപ്പോൾ വേണമെങ്കിലും പൊളിഞ്ഞുവീഴുന്ന നിലയിൽ ഉയരത്തിലുള്ള ചുറ്റുമതിലുള്ളത്. റോഡിലേക്ക് ചെരിഞ്ഞ നിലയിലാണ് 20 അടിയോളം ഉയരമുള്ള മതിൽ. കാലപ്പഴക്കം മൂലം പല ഭാഗത്തും വിള്ളലുകൾ പ്രകടമാണ്. മതിലിനോട് ചേർന്നുള്ള തൂണ് മതിലിൽനിന്നു വേർപെട്ട നിലയിലാണ്. കനത്ത മഴ തുടരുന്ന സാഹചര്യമായതിനാൽ ഏത് സമയത്തും മതിൽ റോഡിലേക്ക് ഇടിഞ്ഞു വീഴാം. അപകട സാഹചര്യം അറിയിച്ചിട്ടും ബിഎസ്എൻഎൽ അധികൃതർ അറിഞ്ഞ ഭാവം പോലും നടിക്കുന്നില്ലെന്ന് ഡിവൈഎഫ്ഐ മേഖലാ കമ്മിറ്റി ഭാരവാഹികൾ പറയുന്നു. യാത്രക്കാരും വാഹനങ്ങളും നിറയുന്ന റോഡിൽ മതിൽ ഇടിഞ്ഞു വീണാൽ അപകടമുണ്ടാകുമെന്നതിനാൽ അടിയന്തര നടപടികൾ ബിഎസ്എൻഎൽ അധികൃതർ സ്വീകരിക്കണമെന്ന് ഡിവൈഎഫ്ഐ മേഖലാ കമ്മിറ്റി ആവശ്യപ്പെട്ടു.

പള്ളിപ്പടിപാലം അപകടാവസ്ഥയിൽ; പുനർനിർമിക്കണമെന്ന ആവശ്യം ശക്തം

കോരുത്തോട്: ദിവസേന നൂറുകണക്കിന് വാഹനങ്ങൾ കടന്നുപോകുന്ന മുണ്ടക്കയം -കോരുത്തോട് റോഡിൽ പള്ളിപ്പടിക്ക് സമീപത്തെ പാലം അപകടാവസ്ഥയിൽ. 1971ൽ നിർമിച്ച പാലത്തിന്‍റെ അടിവശത്ത് കോൺക്രീറ്റിംഗ് തകർന്ന് കമ്പികൾ തെളിഞ്ഞ നിലയിലാണ്. വാഹനഗതാഗതം പരിമിതമായ കാലത്ത് നിർമിച്ച പാലത്തിന് വീതി തീർത്തും കുറവാണ്. കൂടാതെ പള്ളിപ്പടി പാലത്തിന്‍റെ തൂണുകളുടെ കൽക്കെട്ടുകൾക്കും ബലക്ഷയം സംഭവിച്ചിട്ടുണ്ട്. മുൻ വർഷങ്ങളിലുണ്ടായ അതിശക്തമായ മഴയും മണ്ണിടിച്ചിലും തോട്ടിലെ ജലനിരപ്പ് ഉയർത്തുകയും പാലത്തിന് ബലക്ഷയം സംഭവിക്കുകയും ചെയ്തതായി നാട്ടുകാർ പറയുന്നു. ശബരിമല സീസൺ ആരംഭിക്കുന്നതോടെ ഇതുവഴി അന്യസംസ്ഥാനങ്ങളിൽനിന്ന് ഉൾപ്പെടെ നൂറുകണക്കിന് വാഹനങ്ങൾ ദിനംപ്രതി കടന്നുവരും. അടിയന്തരമായി അധികാരികൾ ഇടപെട്ട് ഇവിടെ പുതിയ പാലം നിർമിക്കണമെന്നാണ് നാട്ടുകാരുടെ ആവശ്യം.

അരുവിത്തുറ കോളജിൽ സെമിനാറും ബോട്ടണി അസോസിയേഷൻ ഉദ്ഘാടനവും

അരുവിത്തുറ: സെന്‍റ് ജോർജ് കോളജിൽ ബോട്ടണി അസോസിയേഷൻ ഉദ്ഘാടനവും "ഔഷധ സസ്യ ഗവേഷണത്തെ ആധുനിക സ്റ്റാർട്ടപ്പ് മോഡലുകളുമായി ബന്ധിപ്പിച്ചുള്ള സ്വയം സംരംഭങ്ങൾ' എന്ന വിഷയത്തിൽ പ്രഭാഷണവും സംഘടിപ്പിച്ചു. നമ്മുടെ ജീവിത രീതികളിലുണ്ടായ മാറ്റങ്ങളാണ് ഇന്നത്തെ വർധിച്ചു വരുന്ന ജീവിത ശൈലി രോഗങ്ങളുടെ കാരണമെന്ന് പൈക ദയ ഹെർബൽ ഹെൽത്ത് പാർമസ്യൂട്ടിക്കൽസ് ഡയറക്‌ടർ ഡോ. സ്വീറ്റി ജോസ് പറഞ്ഞു. പ്രകൃതിദത്ത ഉത്പന്നങ്ങളിൽ അധിഷ്ഠിതമായ ഒരു ജീവിതശൈലി സ്വായത്തമാകുന്നത് മാത്രമാണ് ഇതിനു പരിഹാരമെന്നും സ്വീറ്റി ജോസ് കൂട്ടിച്ചേർത്തു. കേന്ദ്ര സർക്കാരിന്‍റെ ആയുഷ് മന്ത്രാലയത്തിന്‍റെ പിന്തുണയോടെ വിവിധ ആയുർവേദ അറിവുകളെ ആധുനിക ശാസ്ത്ര ഗവേഷണ രീതികളുമായി സമന്വയിപ്പിച്ചു ഗവേഷണം നടത്തുന്ന സ്റ്റാർട്ടപ്പുകൾക്കു ഇന്ന് വളരെ സാധ്യതകൾ ഉണ്ടെന്നും അവർ പറഞ്ഞു. കോളജിലെ ബോട്ടണി അസോസിയേഷന്‍റെ ഉദ്ഘാടനവും ഡോ. സ്വീറ്റി ജോസ് നിർവഹിച്ചു. കോളജ് പ്രിൻസിപ്പൾ പ്രഫ.ഡോ. സിബി ജോസഫ് അധ്യക്ഷത വഹിച്ച ചടങ്ങിൽ വൈസ് പ്രിൻസിപ്പൾ ഡോ. ജിലു ആനി ജോൺ, ബോട്ടണി വിഭാഗം മേധാവി ജോബി ജോസഫ് തുടങ്ങിയവർ സംസാരിച്ചു.

മെഡിക്കൽ കോളജ് ജിവിഎച്ച്എസ്എസിലെ മൈതാന പരിസരം കാടുകയറിയ നിലയിൽ

ഗാന്ധിനഗർ: മെഡിക്കൽ കോളജ് ഗവ. വോക്കേഷണൽ ഹയർ സെക്കൻഡറി സ്കൂളിലെ മൈതാനത്തിന്‍റെ പരിസരം കാടുപിടിച്ചു കിടക്കുന്നത് വിദ്യാർഥികൾക്കു ഭീഷണിയാകുന്നു. മൈതാനത്ത് ഫുട്ബോളടക്കം കളിച്ചുകൊണ്ടിരിക്കുമ്പോൾ ബോൾ ദിശ തെറ്റി കാട്ടിലേക്ക് പോകാറുണ്ട്. ഇതെടുക്കാൻ കുട്ടികൾ ഇഴജന്തുക്കളെയടക്കം ഭയന്നാണ് കാട്ടിൽ കയറുന്നത്. കാട്ടിൽനിന്ന് ഇഴജന്തുക്കൾ മൈതാനത്തേക്കിറങ്ങി വരാറുമുണ്ടെന്നും പറയുന്നു. അടുത്തിടെ മനുഷ്യതലയോട്ടിയും അസ്ഥികളും കണ്ടെത്തിയത് ഈ സ്കൂൾ മൈതാനത്തിനു സമീപത്തെ കാട്ടിൽ നിന്നാണ്. മൈതാനത്ത് ഫുട്ബോൾ കളിക്കവെ ബോൾ കാട്ടിലേക്ക് പോയതിനെത്തുടർന്ന് അതെടുക്കാൻ പോയവരാണ് തലയോട്ടിയും അസ്ഥികളും കണ്ടത്. പ്ലസ് ടു വരെയുള്ള സ്കൂളാണിത്. നൂറുകണക്കിന് വിദ്യാർഥികളാണ് ഇവിടെ പഠിക്കുന്നത്. നല്ല ശതമാനം കുട്ടികളും കലാ-കായിക മത്സരത്തിൽ പങ്കെടുക്കുന്നവരാണ്. മൈതാനത്തിന്‍റെ ഒരു ഭാഗത്തെ മതിൽ ഇടിഞ്ഞനിലയിലാണ്. ഇതേത്തുടർന്ന് രാത്രികാലങ്ങളിൽ സാമൂഹ്യവിരുദ്ധർ സ്കൂൾ വരാന്ത കൈയടക്കുന്നതായി അയൽവാസികൾ പറയുന്നു. കുട്ടികൾക്ക് ഭീഷണിയായി മൈതാനത്തിനു ചുറ്റും വളർന്നുനിന്നിരുന്ന വന്മരങ്ങളിൾ കുറെ അടുത്തിടെ വെട്ടിമാറ്റിയിരുന്നു. എങ്കിലും മൈതാന പരിസരം ഇപ്പോഴും കാടുപിടിച്ചുകിടക്കുകയാണ്. സമീപത്തു കാടുമൂടിക്കിടക്കുന്ന വെയ്റ്റിംഗ് ഷെഡ് അലഞ്ഞു തിരിയുന്നവരുടെ കേന്ദ്രമാണ്. ഇതിന്‍റെ പിന്നിലാണ് വലിയ കാടുള്ളത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]