ADVERTISEMENT

ADVERTISEMENT

അഭിരുചികൾക്കനുസൃതമായ സോഫ്റ്റ്‌വെയർ പഠനം: അരുവിത്തുറ കോളജിൽ സെമിനാർ

അരുവിത്തുറ: സെന്‍റ് ജോർജ് കോളജ് സെൽഫ് ഫിനാൻസ് ബിസിഎ വിഭാഗത്തിന്‍റെ ആഭിമുഖ്യത്തിൽ അഭിരുചികൾക്കനുസരിച്ച് സോഫ്റ്റ്‌വെയർ പഠനം എന്ന വിഷയത്തിൽ സെമിനാർ സംഘടിപ്പിച്ചു.

സെമിനാറിന്‍റെ ഉദ്ഘാടനം ചൂണ്ടച്ചേരി സെന്‍റ് ജോസഫ് എൻജിനിയറിംഗ് കോളജ് സോഫ്റ്റ്‌വെയർ വിഭാഗം മേധാവി ഡോ. രാഹുൽ ഷാജൻ നിർവഹിച്ചു.

തങ്ങളുടെ അഭിരുചികൾക്ക് അനുസൃതമായ സോഫ്റ്റ്‌വെയറുകൾ നിർമിക്കുമ്പോഴാണ് സോഫ്റ്റ്‌വെയർ പഠനം കൂടുതൽ ആസ്വാദ്യകരമാകുന്നതെന്ന് അദ്ദേഹം പറഞ്ഞു.

കോളജ് പ്രിൻസിപ്പൾ പ്രഫ.ഡോ. സിബി ജോസഫ് അധ്യക്ഷത വഹിച്ച ചടങ്ങിൽ സെൽഫ് ഫിനാൻസ് ബിസിഎ വിഭാഗം മേധാവി ബിൻസി മൈക്കിൾ, അസോസിയേഷൻ കോഓർഡിനേറ്റർ നീരജ സെബാസ്റ്റ്യൻ, അസോസിയേഷൻ പ്രസിഡന്‍റ് തോബിത്ത് ചാർലി തുടങ്ങിയവർ സംസാരിച്ചു.

ADVERTISEMENT

കാറും ബൈക്കും കൂട്ടിയിടിച്ച് ബൈക്ക് യാത്രികൻ മരിച്ചു

ചങ്ങനാശേരി: കാറും ബൈക്കും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രക്കാരനായ യുവാവ് മരിച്ചു. മല്ലപ്പള്ളി വായ്പൂര് വേങ്ങമഠത്തിൽ കള്ളിപ്പാറ സുരേഷിന്‍റെ മകൻ ആദിത്യൻ (19) ആണ് മരിച്ചത്. തൃക്കൊടിത്താനം കുന്നുംപുറത്തിന് സമീപം മാടത്തെരുവി ഭാഗത്തായിരുന്നു അപകടം. ബൈക്കിൽ കൂടെയുണ്ടായിരുന്ന സമീർ പരിക്കുകളോടെ രക്ഷപ്പെട്ടു. മല്ലപ്പള്ളി ഭാഗത്തുനിന്ന് തൃക്കൊടിത്താനത്തെ ജോലി സ്ഥലത്തേക്ക് വരുമ്പോഴായിരുന്നു അപകടം. മല്ലപ്പള്ളി ഭാഗത്തേക്ക് പോകുകയായിരുന്നു കാറും യുവാക്കൾ സഞ്ചരിച്ചിരുന്ന ബൈക്കും തമ്മിൽ കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു. മറ്റൊരു സ്കൂട്ടറും അപകടത്തിൽപെട്ടു. ഇതിലെ യാത്രക്കാരനായ തൃക്കൊടിത്താനം കാലായിൽ ഷാജിയെ പരിക്കുകളോടെ ആശുപത്രിയിൽ പ്രവേശിപ്പിച്ചു. ആദിത്യന്‍റെ സംസ്കാരം പിന്നീട്. അമ്മ: അമ്പിളി. സഹോദരി: ചിത്തിര.

കാറ്റിലും മഴയിലും നെടുംകുന്നം മേഖലയിൽ ലക്ഷങ്ങളുടെ നഷ്ടം

നെടുംകുന്നം: ശക്തമായി തുടരുന്ന തുലാവർഷത്തിൽ നെടുംകുന്നം മേഖലയിൽ വീടുകൾ തകർന്നും കൃഷിനശിച്ചും വൈദ്യുതി പോസ്റ്റുകൾ നിലംപതിച്ചും ലക്ഷങ്ങളുടെ നഷ്ടം. ശക്തമായ കാറ്റിലും മഴയിലും നെടുംകുന്നത്ത് 30ഉം കങ്ങഴയിൽ 10ഉം വീടുകളും തകർന്നു. കഴിഞ്ഞ ദിവസത്തെ കാറ്റിൽ നെടുംകുന്നം ഇടമുറിയിൽ കെ.ജെ. ജോണിന്‍റെ വീടിനു മുകളിൽ മരം വീണു മേൽക്കൂര തകർന്നു. കങ്ങഴ പാറയ്ക്കൽ പൊന്നമ്മയുടെ വീടിന്‍റെ മേൽക്കൂര കാറ്റിൽ തകർന്നു. പൊങ്ങൻപാറയിൽ അനീഷിന്‍റെ വീടിനു മുകളിൽ മരംവീണ് മേൽക്കൂര തകർന്നു. കങ്ങഴ പടലുങ്കൽ കാരുവാക്കൽ വിജയന്‍റെ വീടിനു മുകളിൽ മരം വീണ് മേൽക്കൂര ഭാഗികമായി നശിച്ചു. നിരവധി ഇടങ്ങളിൽ തേക്ക്, ആഞ്ഞിലി, പ്ലാവ്, റബർ തുടങ്ങിയ മരങ്ങൾ കടപുഴകി വീണ് വൈദ്യുത പോസ്റ്റുകളും ലൈനും നശിച്ചു. നാട്ടുകാരും കെഎസ്ഇബിയും അഗ്നിരക്ഷാസേനയും ചേർന്നാണ് മരങ്ങൾ വെട്ടിമാറ്റുന്നത്. കെഎസ്ഇബി കറുകച്ചാൽ, ഇടയിരിക്കപ്പുഴ സെക്‌ഷനുകൾക്ക് 60 ലക്ഷം രൂപയുടെ നാശനഷ്ടം സംഭവിച്ചതായി കണക്കാക്കുന്നു. ഇടയിരിക്കപ്പുഴയിൽ 50 ലക്ഷം രൂപയുടെയും കറുകച്ചാൽ സെക്‌ഷൻ പരിധിയിൽ 10 ലക്ഷം രൂപയുടെയും നഷ്ടമാണ് ഉണ്ടായത്. കറുകച്ചാൽ സെക്‌ഷൻ പരിധിയിൽ 32 ഇടത്ത് മരം വീണ് വൈദ്യുതി കമ്പികൾ പൊട്ടിവീണു. എട്ട് എൽടി വൈദ്യുതി പോസ്റ്റുകൾ ഒടിഞ്ഞു. ഇടയിരിക്കപ്പുഴ സെക‌്ഷനിൽ 15 എൽടി വൈദ്യുതപോസ്റ്റുകളും, അഞ്ച് എച്ച്ടി വൈദ്യുതി പോസ്റ്റുകളും തകർന്നു. കങ്ങഴ, കോവേലി, ആര്യാട്ടുകുഴി, ചാരംപറമ്പ്, അഞ്ചാനി, ഇടയിരിക്കപ്പുഴ, പത്തനാട് എന്നിവിടങ്ങളിലും വെള്ളാവൂർ പഞ്ചായത്തിലെ വിവിധ പ്രദേശങ്ങളിലും ഉൾപ്പെടെ 200ലധികം സ്ഥലങ്ങളിലാണ് മരങ്ങൾ വീണ് വൈദ്യുത കമ്പികൾ തകർന്നത്. നിരവധി കർഷരുടെ റബർ, കപ്പ, വാഴ, തുടങ്ങിയവ നശിച്ചു. നെടുംകുന്നം പഞ്ചായത്തിലെ വിവിധ ഭാഗങ്ങളിൽ ആയിരത്തോളം ഏത്തവാഴകളും നൂറിലേറെ റബർമരങ്ങളും നശിച്ചു. നെടുംകുന്നം വീരന്മല തങ്കച്ചന്‍റെ വാഴക്കൃഷിയും പുതുപ്പള്ളിപ്പടവ് തൊട്ടിക്കൽ അജിയുടെ കപ്പയും ഏത്തവാഴകളും കാറ്റിൽ നശിച്ചു.

പതിനേഴുകാരി പ്രസവിച്ചു; അമ്മ സംഭവം ഒളിപ്പിക്കാൻ ശ്രമിച്ചെന്ന് നാട്ടുകാര്‍

ചിങ്ങവനം: കടുവാക്കുളത്ത് പതിനേഴുകാരി പ്രസവിച്ചു. ഗര്‍ഭിണിയാണെന്ന വിവരം മറച്ചുവച്ച അമ്മയ്‌ക്കെതിരേ ആരോപണവുമായി നാട്ടുകാര്‍ രംഗത്തെത്തി. ഇന്നലെ രാവിലെ വിവരമന്വേഷിച്ചു ചാന്നാനിക്കാട് ഹെല്‍ത്ത് സെന്‍ററിലെ നഴ്സുമാരും വാര്‍ഡ് മെംബറുംകൂടി വീട്ടിലെത്തിയപ്പോള്‍ പെണ്‍കുട്ടിയെ ഉടന്‍ ആശുപത്രിയില്‍ പ്രവേശിപ്പിക്കേണ്ട സ്ഥിതിയിലായിരുന്നു. ആംബുലന്‍സ് വിളിച്ചു വരുത്തി ജില്ലാ ആശുപത്രിയില്‍ പ്രവശിപ്പിക്കുകയും താമസിയാതെ ആണ്‍കുട്ടിക്കു ജന്മം നല്‍കുകയുമായിരുന്നു. നേരത്തെ നാട്ടുകാര്‍ വിവരം ധരിപ്പിച്ചതനുസരിച്ചു വാര്‍ഡ് മെംബര്‍ ഹെല്‍ത്ത് സെന്‍ററില്‍ ഡോക്ടറെ അറിയിച്ചിരുന്നു. തുടര്‍ന്നാണ് ഇന്നലെ രാവിലെ വിവരമന്വേഷിക്കാനായെത്തിയത്. പെണ്‍കുട്ടി ഗര്‍ഭിണിയാണെന്ന കാര്യം അമ്മ മറച്ചുവച്ചിരിക്കുകയായിരുന്നുവെന്നാണ് നാട്ടുകാരുടെ ആരോപണം. കിഡ്‌നി സംബന്ധമായ അസുഖം മൂലമാണ് വയർവീര്‍ത്തിരിക്കുന്നതെന്നാണ് ആരോഗ്യ പ്രവര്‍ത്തകരോടു പറഞ്ഞിരുന്നത്. തുടര്‍ന്ന് സ്‌കാന്‍ ചെയ്ത റിപ്പോര്‍ട്ടും ഇവര്‍ കാണിച്ചിരുന്നു. ഈ റിപ്പോര്‍ട്ട് ഡോക്‌ടറെ കാണിച്ചപ്പോഴാണ് പൂര്‍ണ ഗര്‍ഭിണിയാണെന്ന വിവരം ആരോഗ്യപ്രവര്‍ത്തകര്‍ അറിയുന്നത്. പെണ്‍കുട്ടിയുടെ പെരുമാറ്റത്തിലുള്ള അസ്വാഭാവികതയാണ് ഉടന്‍ ആശുപത്രിയില്‍ എത്തിക്കാന്‍ പ്രേരണയായത്. ഈസ്റ്റ് പോലീസിൽ അറിയിച്ചിട്ടുണ്ട്. പെൺകുട്ടിയുടെ മൊഴി രേഖപ്പെടുത്തിയ ശേഷം കൂടുതൽ നടപടികളിലേക്കു കടക്കുമെന്നു പോലീസ് അറിയിച്ചു.

ചങ്ങനാശേരി ഉപജില്ലാ കായികമേള: കുറുമ്പനാടം സെന്‍റ് പീറ്റേഴ്‌സ് ജേതാക്കള്‍

ചങ്ങനാശേരി: ചങ്ങനാശേരി ഉപജില്ലാ കായികമേളയില്‍ കുറുമ്പനാടം സെന്‍റ് പീറ്റേഴ്‌സ് ഹയര്‍ സെക്കന്‍ഡറി സ്‌കൂള്‍ 365 പോയിന്‍റ് നേടി ഓവറോള്‍ ചാമ്പ്യന്മാരായി. 77 പോയിന്‍റുമായി ചങ്ങനാശേരി എസ്ബി ഹയര്‍ സെക്കന്‍ഡറി സ്‌കൂള്‍ രണ്ടാംസ്ഥാനവും 72 പോയിന്‍റുമായി സെന്‍റ് ആന്‍സ് ഹൈസ്‌കൂള്‍ മൂന്നാം സ്ഥാനവും കരസ്ഥമാക്കി. സബ്ജൂണിയര്‍ ആണ്‍കുട്ടികള്‍ വിഭാഗത്തില്‍ ഏബല്‍ വര്‍ഗീസ് ബെന്നി, സബ് ജൂണിയര്‍ പെണ്‍കുട്ടികള്‍ ദിയ ആന്‍ തോമസ്, റൊസാന്‍ മേരി ടാല്‍സീനോ, ജൂണിയര്‍ ബോയ്‌സ് എഡ്‌വിന്‍ വര്‍ക്കി പ്രിന്‍സ്, ജൂണിയര്‍ ഗേള്‍സ് ആന്‍മേരി ജോസഫ്, സീനിയര്‍ ഗേള്‍സ് ബെസിമോള്‍ മാത്യു (എല്ലാവരും കുറുമ്പനാടം സെന്‍റ് പീറ്റേഴ്‌സ് സ്‌കൂള്‍) വ്യക്തിഗത ചാമ്പ്യന്മാരായി. സീനിയര്‍ ആണ്‍കുട്ടികളുടെ വിഭാഗത്തില്‍ പി.എ. അഭിജിത്ത് (ജെഎംഎച്ച്എസ്എസ് വാകത്താനം) വ്യക്തിഗത ചാമ്പ്യനായി. സമാപന സമ്മേളനം ജില്ലാ സ്‌പോര്‍ട്‌സ് ഓര്‍ഗനൈസര്‍ ബിജു ആന്‍റണി ഉദ്ഘാടനം ചെയ്തു. സബ്ജില്ലാ സെക്രട്ടറി സെബിന്‍ മാത്യു പ്രസംഗിച്ചു.

വിശുദ്ധ കാര്‍ലോ അക്കുത്തിസിന്‍റെ തിരുശേഷിപ്പ് ചങ്ങനാശേരിയിൽ

ചങ്ങനാശേരി: സാമൂഹ്യ മാധ്യമങ്ങളും സൈബര്‍ ലോകവും സുവിശേഷപ്രഘോഷണത്തിനുള്ള മാര്‍ഗമാക്കി മാറ്റിയ വിശുദ്ധ കാര്‍ലോ അക്കുത്തിസിന്‍റെ തിരുശേഷിപ്പ് ചങ്ങനാശേരി ആര്‍ച്ച്ബിഷപ്‌സ് ഹൗസിലെത്തിച്ചു. ഇറ്റലിയിലെ ഒര്‍വിയത്തോ രൂപതയുടെ ചാന്‍സലറും ഔര്‍ ലേഡി ഓഫ് ലൈറ്റ് കമ്യൂണിറ്റിയുടെ ജനറല്‍ കൗണ്‍സിലറുമായ ഫാ. ജറി കെല്ലിയില്‍നിന്ന് ആര്‍ച്ച്ബിഷപ് മാര്‍ തോമസ് തറയില്‍ ഏറ്റുവാങ്ങി. മുഖ്യവികാരി ജനറാള്‍ മോണ്‍. ആന്‍റണി എത്തയ്ക്കാട്ട്, മീഡിയ വില്ലേജ് എക്‌സിക്യൂട്ടീവ് ഡയറക്ടര്‍ ഫാ. ജോഫി പുതുപ്പറമ്പില്‍, റോമില്‍നിന്നുമെത്തിയ പ്രതിനിധികള്‍ എന്നിവരുടെ സാന്നിധ്യത്തിലായിരുന്നു തിരുശേഷിപ്പ് കൈമാറിയത്. അതിരൂപതയുടെ മാധ്യമപ്രേഷിത വിഭാഗമായ മീഡിയ വില്ലേജില്‍ നവംബര്‍ 16ന് മീഡിയ വില്ലേജിന്‍റെ നേതൃത്വത്തില്‍ യുവദീപ്തി-എസ്‌വൈഎമ്മിന്‍റെ സഹകരണത്തോടെ പരമാവധി യുവജനങ്ങളെ പങ്കെടുപ്പിച്ച് ആഘോഷമായ പ്രതിഷ്ഠ നടത്താനാണ് പദ്ധതിയിട്ടിരിക്കുന്നതെന്ന് അതിരൂപതാ കേന്ദ്രം അറിയിച്ചു.

എസ്ബി കോളജ് കുട്ടനാട് പഠന-ഗവേഷണ കേന്ദ്രത്തില്‍ 22ന് ഏകദിന പരിശീലനം

ചങ്ങനാശേരി: എസ്ബി കോളജിലെ കുട്ടനാട് പഠന-ഗവേഷണ കേന്ദ്രത്തില്‍ 22ന് ഏകദിന പരിശീലനം നടക്കും. കാര്‍ഷിക അടിസ്ഥാനസൗകര്യ വികസന നിധിയില്‍നിന്നുള്ള സഹായത്തോടുകൂടി വ്യക്തികള്‍ക്കും കര്‍ഷക കൂട്ടായ്മകള്‍ക്കും 40% മുതല്‍ 80% വരെ സബ്‌സിഡിയോടു കൂടിയും ബാക്കി വായ്പയ്ക്ക് ഫലത്തില്‍ 4% മാത്രം പലിശയോടും രണ്ടു കോടി രൂപ വരെ ലഭിക്കുന്ന പദ്ധതികള്‍ പ്രയോജനപ്പെടുത്താനുള്ള പരിശീലനമാണ് പ്ലാന്‍ ചെയ്തിരിക്കുന്നത്. ഒരു മികച്ച സംരംഭകനാകാന്‍ ആഗ്രഹിക്കുന്നുവെങ്കില്‍ പങ്കെടുക്കാം. കുട്ടനാട് കേന്ദ്രമായി ആരംഭിക്കുന്ന ഫാര്‍മര്‍ പ്രൊഡ്യൂസേഴ്‌സ് ഓര്‍ഗനൈസേഷനുകളില്‍ അംഗമാകാന്‍ ആഗ്രഹിക്കുന്നവര്‍ക്കും പകെടുക്കാം. മികച്ച വ്യക്തിഗത സംരംഭകരെയും കര്‍ഷക കൂട്ടായ്മകളെയും പരിചയപ്പെടുത്തും. കുമരകം കൃഷിവിജ്ഞാന്‍ കേന്ദ്ര ഹെഡ് ഡോ. ജി. ജയലക്ഷ്മിയാണ് പരിശീലനം നയിക്കുന്നത്. നബാര്‍ഡ്, നാബ് കോണ്‍, ലീഡ് ബാങ്ക് തുടങ്ങിയവയുടെ പ്രതിനിധികള്‍ വായ്പാ പദ്ധതി, തെരഞ്ഞെടുക്കാവുന്ന ഇനങ്ങള്‍, പ്രോജക്ട് റിപ്പോര്‍ട്ട് തയാറാക്കല്‍, മാനേജീരിയല്‍ സ്‌കില്‍സ് വിപണന തന്ത്രങ്ങള്‍ തുടങ്ങിയവയെക്കുറിച്ച് ക്ലാസുകള്‍ നയിക്കും. ഡോ. റൂബിന്‍ ഫിലിപ്പ്, പ്രോജക്ട് കോ-ഓര്‍ഡിനേറ്റര്‍, ഫോണ്‍: 8547829482

19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മാടപ്പള്ളി ബ്ലോക്കിലെ പഞ്ചായത്തുകൾ വാഴപ്പള്ളി പട്ടികജാതി സംവരണം: പറാല്‍ (22). സ്ത്രീ സംവരണം: മുളയ്ക്കാംതുരുത്തി (1), പുന്നമൂട് (4), പുതുച്ചിറക്കുഴി (8), ഏനാച്ചിറ (9), ലിസ്യു (10), ചീരഞ്ചിറ (11), പുതുച്ചിറ (12), ഐഇ നഗര്‍ (14), കടമാന്‍ചിറ (15), വലിയകുളം (16), പുത്തന്‍കുളങ്ങര (20). പായിപ്പാട് പട്ടികജാതി സ്ത്രീ സംവരണം: ഹോമിയോ ഹോസ്പിറ്റല്‍ (5). പട്ടികജാതി സംവരണം: മച്ചിപ്പള്ളി (8) സ്ത്രീ സംവരണം: അംബേദ്കര്‍ (1), വേഷ്ണാല്‍ (2), നാലുകോടി (3), പിഎച്ച്‌സി (4), സിഎംഎസ് എല്‍പിഎസ് (7), ബൈബിള്‍ കോളജ് (10), മാര്‍ക്കറ്റ് (12), പൂവം (17). മാടപ്പള്ളി പട്ടികജാതി സ്ത്രീ സംവരണം: പങ്കിപ്പുറം (13), കല്ലുവെട്ടം (16). പട്ടികജാതി സംവരണം: കണിച്ചുകുളം (6) സ്ത്രീ സംവരണം: ചൂരനോലി (5), ഇല്ലിമൂട് (8), മാമ്മൂട് (9), വെങ്കോട്ട (12), കരിക്കണ്ടം (14), ചിറക്കുഴി (15), മാടപ്പള്ളി (17), തലക്കുളം (19), തെങ്ങണ (20). തൃക്കൊടിത്താനം പട്ടികജാതി സ്ത്രീ സംവരണം: ചേരിക്കല്‍ (2). പട്ടികജാതി സംവരണം: ആശുപത്രി വാര്‍ഡ് (16) സ്ത്രീ സംവരണം: കൊടിനാട്ടുകുന്ന് (5), കോട്ടമുറി (11), ചെമ്പുംപുറം (12), അമരപുരം തെക്ക് (14), ചാഞ്ഞോടി (15), കിളിമല (18), ഓഫീസ് വാര്‍ഡ് (19), ആരമല (20), മുക്കാട്ടുപടി (21), കൊട്ടശേരി (22) വാകത്താനം പട്ടികജാതി സംവരണം: ഞാലിയാകുഴി (4). സ്ത്രീ സംവരണം: കൊടൂരാര്‍വാലി (2), കാടമുറി (3), അമ്പലക്കവല (8), ഇരവുചിറ (10), മുടിത്താനം (12), ഉണ്ണാമറ്റം (14), പാണ്ടന്‍ചിറ (15), കാരക്കാട്ടുകുന്ന് (16), നാലുന്നാക്കല്‍ (17), പുത്തന്‍ചന്ത (18), ജറുസലേം മൗണ്ട് (19).

നിയമസഭയില്‍ സബ്മിഷന്‍ : വേണം, ചങ്ങനാശേരിയില്‍ അഡീഷണല്‍ ഒന്നാം ക്ലാസ് മജിസ്‌ട്രേറ്റ് കോടതി

ബെന്നി ചിറയിൽ ചങ്ങനാശേരി: ചങ്ങനാശേരിയില്‍ അഡീഷണലായി ഒന്നാം ക്ലാസ് മജിസ്‌ട്രേറ്റ് കോടതി ആരംഭിക്കണമെന്ന് ജോബ് മൈക്കിള്‍ എംഎല്‍എ നിയമസഭയില്‍ സബ്മിഷനിലൂടെ ആവശ്യപ്പെട്ടു. കോട്ടയം ജില്ലയിലെ പ്രധാന നഗരമായ ചങ്ങനാശേരിയില്‍ നൂറുവര്‍ഷത്തിലധികം പഴക്കമുള്ള ഒരു മുന്‍സിഫ് കോടതിയും മജിസ്‌ട്രേറ്റ് കോടതിയും അഡീഷണല്‍ സെഷൻസ് ഫാസ്റ്റ് ട്രാക്ക് (പോക്‌സോ) കോടതിയുമാണ് നിലവിലുള്ളത്. രണ്ടു പുതിയ കോടതികള്‍കൂടി സ്ഥാപിക്കുവാന്‍ പര്യാപ്തമായ ആധുനിക സൗകര്യങ്ങളോടു കൂടിയ കോര്‍ട്ട് കോംപ്ലക്‌സ് ചങ്ങനാശേരിയിലുണ്ട്. 2016 ലെ മുന്‍ഗണനാ ലിസ്റ്റില്‍ ചങ്ങനാശേരിക്ക് അഡീഷണല്‍ മജിസ്‌ട്രേറ്റ് കോടതിക്ക് അനുമതി ലഭിച്ചിരുന്നുവെങ്കിലും അതു ഫലപ്രാപ്തിയില്‍ എത്തിയില്ല. ചങ്ങനാശേരി മജിസ്‌ട്രേറ്റ് കോടതിയുടെ അധികാരപരിധി നിലനിര്‍ത്തുന്നതിനും കേസുകളുടെ അതിവേഗ തീര്‍പ്പിനും പൊതുജനങ്ങളുടെ സൗകര്യം പരിഗണിച്ചും ഒരു അഡീഷണല്‍ മജിസ്‌ട്രേറ്റ് കോടതി ചങ്ങനാശേരിയില്‍ അത്യന്താപേക്ഷിതമാണ്. 106 ദിവസം നീണ്ടുനിന്ന അഭിഭാഷക, ക്ലാര്‍ക്ക് സമരം കറുകച്ചാല്‍ പോലീസ് സ്റ്റേഷന്‍ പരിധി കാഞ്ഞിരപ്പള്ളി കോടതിയിലേക്കു മാറ്റിയത് പുനഃപരിശോധിച്ച് ചങ്ങനാശേരി മജിസ്‌ട്രേറ്റ് കോടതി അധികാരപരിധിയില്‍ നിലനിര്‍ത്തണമെന്നാവശ്യപ്പെട്ട് കറുകച്ചാല്‍, കങ്ങഴ, നെടുംകുന്നം പഞ്ചായത്തു ഭരണസമിതികള്‍ ഐകകണ്‌ഠ്യേന പ്രമേയം പാസാക്കി സര്‍ക്കാരിനും ഹൈക്കോടതിക്കും സമര്‍പ്പിച്ചിരുന്നു. ഈ വിഷയം ഉന്നയിച്ച് ചങ്ങനാശേരിയിലെ അഭിഭാഷകരും ക്ലാര്‍ക്കുമാരും 106 ദിവസം തുടര്‍ച്ചയായി സമരം ചെയ്തിരുന്നു. പുതിയ കോടതി വന്നാല്‍ കറുകച്ചാല്‍ പോലീസ് പരിധി ചങ്ങനാശേരിയില്‍ തിരികെയെത്തും ചങ്ങനാശേരി മജിസ്‌ട്രേറ്റ് കോടതിയുടെ അധികാരപരിധിയില്‍ നിലനിന്നിരുന്ന കറുകച്ചാല്‍ പോലീസ് സ്റ്റേഷന്‍ കാഞ്ഞിരപ്പള്ളി മജിസ്‌ട്രേറ്റ് കോടതിയുടെ അധികാരപരിധിയിലേക്ക് മാറ്റിയതു സംബന്ധിച്ച് പൊതുജനങ്ങള്‍ക്കിടയില്‍ വന്‍ പ്രതിഷേധം ഉയര്‍ന്നിരുന്നു. വാകത്താനം, ചിങ്ങവനം, കറുകച്ചാല്‍ പോലീസ് സ്റ്റേഷനുകള്‍ ഉള്‍പ്പെടുത്തി ചങ്ങനാശേരിയില്‍ ഒരു അഡീഷണല്‍ മജിസ്‌ട്രേറ്റ് കോടതി സ്ഥാപിക്കണമെന്നാണ് നിയമസഭയില്‍ ആവശ്യപ്പെട്ടത്. അനുഭാവപൂര്‍വം ഈ വിഷയം പരിഗണിക്കാമെന്ന് മുഖ്യമന്ത്രി നിയമസഭയില്‍ ഉറപ്പു നല്‍കി. അഡീഷണല്‍ കോടതി ആരംഭിക്കുന്നതോടെ ചങ്ങനാശേരിയില്‍നിന്നു വിട്ടുപോയ കറുകച്ചാല്‍ പോലീസ് സ്റ്റേഷന്‍ പരിധി തിരികെ ലഭിക്കും. ജോബ് മൈക്കിള്‍ എംഎല്‍എ കെട്ടിക്കിടക്കുന്ന കേസുകള്‍ വേഗത്തില്‍ തീര്‍പ്പാക്കാനാകും ചങ്ങനാശേരിയില്‍ മജിസ്‌ട്രേറ്റ് കോടതിയിലെ കേസുകളുടെ ബാഹുല്യം മൂലമാണ് കറുകച്ചാല്‍ പോലീസ് പരിധിയിലെ കേസുകള്‍ കാഞ്ഞിരപ്പള്ളി മജിസ്‌ട്രേറ്റ് കോടതിയിലേക്ക് നീക്കിയത്. അഡീഷണലായി ഒന്നാം ക്ലാസ് മജിസ്‌ട്രേറ്റ് കോടതി അനുവദിച്ചാല്‍ കേസുകളുടെ ബാഹുല്യം കുറക്കാനാകും. അഡ്വ.കെ. മാധവന്‍പിള്ള പ്രസിഡന്‍റ് ചങ്ങനാശേരി ബാര്‍ അസോ. കുടുംബക്കോടതികൂടിചങ്ങനാശേരിയിൽ വേണം ചങ്ങനാശേരിയില്‍ ഒരു കുടുംബക്കോടതികൂടി ആവശ്യമാണ്. കുടുംബക്കോടതി സംബന്ധിച്ച ചങ്ങനാശേരിയിലെ കേസുകള്‍ ഏറ്റുമാനൂര്‍ കുടുംബക്കോടതിയിലാണ് കൈകാര്യം ചെയ്യുന്നത്. കേസ് അവധി ദിവസങ്ങളില്‍ ചങ്ങനാശേരി താലൂക്കിലെ ആളുകള്‍ക്ക് ഏറ്റുമാനൂരില്‍ പോകേണ്ടിവരുന്നത് ബുദ്ധിമുട്ടാണ്. ഈ സാഹചര്യത്തില്‍ കുടുംബക്കോടതി ചങ്ങനാശേരിയില്‍ അത്യാവശ്യമാണ്. പോക്‌സോ കോടതിയിലെ ജഡ്ജിക്ക് അധികാരം നല്‍കിയാല്‍ എംഎസിടി കേസുകള്‍കൂടി കൈകാര്യം ചെയ്യാനാകും. അഡ്വ. റോയി തോമസ് മുതിര്‍ന്ന അഭിഭാഷകന്‍ കറുകച്ചാല്‍ പോലീസ് പരിധി കാഞ്ഞിരപ്പള്ളിയിലേക്കു മാറ്റിയത് ദുരിതമായി കറുകച്ചാല്‍, നെടുംകുന്നം, കങ്ങഴ പഞ്ചായത്തുകളിലെ കേസുകള്‍ കറുകച്ചാല്‍ പോലീസ് സ്റ്റേഷന്‍ അധികാരപരിധിക്കുള്ളിലാണ്. ചങ്ങനാശേരി കോടതിയുടെ രൂപീകരണകാലം മുതല്‍ ചങ്ങനാശേരി താലൂക്ക് പ്രദേശം പൂര്‍ണമായും ചങ്ങനാശേരി മുനിസിഫ് കോടതി പരിധിക്കുള്ളിലാണ്. പോക്‌സോ ഫാസ്റ്റ് ട്രാക്ക് കോടതിയും കറുകച്ചാല്‍ പോലീസ് സ്റ്റേഷന്‍ വരെ ഉള്‍പ്പെടുന്ന ഡിവൈഎസ്പി ഓഫീസും താലൂക്കിലെ 12 സര്‍ക്കാര്‍ ഓഫീസുകളും ചങ്ങനാശേരിയിലാണ് പ്രവര്‍ത്തിക്കുന്നത്. കറുകച്ചാല്‍ പോലീസ് പരിധി കാഞ്ഞിരപ്പള്ളി കോടതിയിലേക്കു മാറ്റിയതുമൂലം കഴിഞ്ഞ മാര്‍ച്ച് 19 മുതല്‍ ആളുകള്‍ ദുരിതത്തിലാണ്. അഡ്വ.സി.കെ. ജോസഫ്, മുന്‍ പ്രസിഡന്‍റ് ചങ്ങനാശേരി ബാര്‍ അസോ. മുൻ പ്രസിഡന്‍റ്് കങ്ങഴ പഞ്ചായത്ത്

റോഡുപണി തുടങ്ങിയില്ല; പഞ്ചായത്ത് ഓഫീസ് ഉപരോധിച്ചു

തലയാഴം: അംഗപരിമിതരായ ദമ്പതികളുടെ വീട്ടിലേക്ക് തൊഴിലുറപ്പിൽപ്പെടുത്തി വഴി നിർമിക്കുന്നതുമായി ബന്ധപ്പെട്ട് ദമ്പതികളിൽനിന്ന് 20,000 രൂപ മുൻകൂട്ടി വാങ്ങിയിട്ടും റോഡുപണി ആരംഭിക്കാത്തതിനെച്ചൊല്ലി പഞ്ചായത്തിൽ നടന്ന തർക്കം സംഘർഷത്തിന്‍റെ വക്കോളമെത്തി. പഞ്ചായത്തിലെ തോട്ടകം അമ്പാനപ്പള്ളി കാട്ടുതറ രമേശനും ഭാര്യ കുഞ്ഞുമണിക്കും കരിയാറിന്‍റെ തീരത്തുള്ള വീട്ടിലേക്കു വഴിയൊരുക്കാനാണ് പദ്ധതി വിഭാവനം ചെയ്തത്. വീൽചെയറിൽ സഞ്ചരിക്കുന്ന രമേശനും കാഴ്ചപരിമിതിയുള്ള കുഞ്ഞുമണിയും 20,000 രൂപ മുൻകൂറായി നൽകിയിട്ടും പണി തുടങ്ങാത്തത് സമൂഹമാധ്യമങ്ങളിൽ ചർച്ചയായിരുന്നു. ഇന്നലെ വൈകുന്നേരം സിപിഐ, എഐവൈഎഫ് പ്രവർത്തകർ ഇക്കാര്യം പഞ്ചായത്തിലെത്തി പ്രസിഡന്‍റിനോടും അംഗങ്ങളോടും ചോദിച്ചതാണ് സംഘർഷത്തിനിടയാക്കിയത്. സിപിഐ പ്രവർത്തകർ പഞ്ചായത്ത് ഓഫീസ് ഉപരോധിച്ചു. പോലീസ് എത്തിയാണ് രംഗം ശാന്തമാക്കിയത്. തുടർന്ന് നടന്ന ചർച്ചയിൽ 17-ന് റോഡുപണി ആരംഭിക്കാമെന്ന് ധാരണയായി.

അക്കരപ്പാടം പാലം നാടിന് സമർപ്പിച്ചു

ഉദയനാപുരം: സംസ്ഥാന സര്‍ക്കാര്‍ കിഫ്ബിവഴി 16.89 കോടി രൂപ ചെലവഴിച്ചു നിര്‍മിച്ച വൈക്കം അക്കരപ്പാടം പാലം പൊതുമരാമത്ത് -ടൂറിസം വകുപ്പ് മന്ത്രി പി.എ. മുഹമ്മദ് റിയാസ് നാടിന് സമര്‍പ്പിച്ചു. അഞ്ചുവര്‍ഷം കൊണ്ടു നൂറ് പാലങ്ങള്‍ തീർക്കാൻ സര്‍ക്കാർ ലക്ഷ്യമിട്ടതെങ്കിലും 150 പാലങ്ങളുടെ നിര്‍മാണം പൂര്‍ത്തിയാക്കാൻ കഴിഞ്ഞതായി ഓൺലൈനായി പാലത്തിന്‍റെ ഉദ്ഘാടനം നിർവഹിച്ച് മന്ത്രി പറഞ്ഞു. പാലത്തിനു സമീപം നടന്ന ഉദ്ഘാടന സമ്മേളനം പ്രദേശവാസികളുടെ വൻപങ്കാളിത്തത്താൽ ഉത്സവ സാന്ദ്രമായി. സി.കെ. ആശ എംഎല്‍എഅധ്യക്ഷത വഹിച്ചു. കെ. ഫ്രാന്‍സിസ് ജോര്‍ജ് എംപി, വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്ദവല്ലി, ബ്ലോക്ക് പഞ്ചായത്ത് വൈസ് പ്രസിഡന്‍റ് പി.ആര്‍. സലില, പഞ്ചായത്ത് വൈസ്പ്രസിഡന്‍റ് സി.പി.അനൂപ്, കെആര്‍എഫ്പി എക്‌സിക്യൂട്ടീവ് എന്‍ജിനിയര്‍ സി.ബി. സുഭാഷ്കുമാര്‍, ജില്ലാ പഞ്ചായത്തംഗം പി.എസ്. പുഷ്പമണി, ബ്ലോക്ക് പഞ്ചായത്തംഗം ഗോപിനാഥന്‍ കുന്നത്ത്, പഞ്ചായതത്ത് അംഗങ്ങളായ ഗിരിജ പുഷ്‌കരന്‍, ടി. പ്രസാദ്, ടി.പി. രാജലക്ഷ്മി, പാലം നിര്‍മാണ കമ്മിറ്റി പ്രസിഡന്‍റ് അക്കരപ്പാടം ശശി, പാലം നിര്‍മാണ കമ്മിറ്റി സെക്രട്ടറി എ.പി. നന്ദകുമാര്‍, രാഷ്ട്രീയ പാര്‍ട്ടി പ്രതിനിധികളായ പി. ശശിധരന്‍, അഡ്വ. കെ.പി. ശിവജി തുടങ്ങിയവര്‍ പങ്കെടുത്തു.

ബസ് മതിലിലിടിച്ച് വിദ്യാര്‍ഥികള്‍ക്കു പരിക്ക്

കടുത്തുരുത്തി: സ്വകാര്യ ബസ് നിയന്ത്രണംവിട്ട് മതിലിലിടിച്ചു നിരവധി വിദ്യാര്‍ഥികള്‍ക്ക് പരിക്ക്. പരിക്കേറ്റ വിദ്യാര്‍ഥികളെ കടുത്തുരുത്തി സഹകരണ ആശുപത്രിയില്‍ പ്രവേശിപ്പിച്ചു. കടുത്തുരുത്തി ബ്ലോക്ക് ജംഗ്ഷന് സമീപം ഇന്നലെ രാവിലെ ഒമ്പതോടെയാണ് അപകടം. ഞീഴൂര്‍ മാവേലില്‍തടത്തില്‍ എം.പി. ലിബിയ (33), കടുത്തുരുത്തി സെന്‍റ് മൈക്കിള്‍സ് സ്‌കൂളിലെ വിദ്യാര്‍ഥികളായ കെഎസ് പുരം നിരപ്പേല്‍ ജോയല്‍ ജോസ് (17), കീഴൂര്‍ താന്നിച്ചുവട്ടില്‍ ബിജോമോന്‍ സജീവന്‍ (15), വെള്ളൂര്‍ തച്ചകുഴിയില്‍ ഗോപികമോള്‍ (16), ഞീഴൂര്‍ മാലോലായില്‍ അലന്‍ ബിജു (15), മേവെള്ളൂര്‍ കോനേത്തുവമ്പേല്‍ ആംബ്ല ജിന്‍സണ്‍ (17) എന്നിവര്‍ക്കാണ് പരിക്കേറ്റത്. ഒരാളെ വൈക്കത്തെ ആശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല. മൊബൈല്‍ ഫോണില്‍ സംസാരിച്ചുകൊണ്ട് ഓടിച്ചു പോവുകയായിരുന്ന ഇരുചക്രവാഹനത്തില്‍ ഇടിക്കാതിരിക്കാന്‍ വെട്ടിക്കുന്നതിനിടെ നിയന്ത്രണം വിട്ട് റോഡരികിലെ മതിലില്‍ ഇടിക്കുകയായിരുന്നുവെന്നാണ് ബസ് ഡ്രൈവര്‍ പറഞ്ഞത്. ബസിലുണ്ടായിരുന്ന അധ്യാപകര്‍ തന്നെയാണ് പരിക്കേറ്റവരെ ആശുപത്രിയിലെത്തിച്ചത്.

വാഴ്ത്തപ്പെട്ട കുഞ്ഞച്ചന്‍ തീര്‍ഥാടന വിളംബര ജാഥയ്ക്ക് കടുത്തുരുത്തിയില്‍ സ്വീകരണം നല്‍കി

കടുത്തുരുത്തി: ഡിസിഎംഎസിന്‍റെ നേതൃത്വത്തില്‍ നടത്തിയ വാഴ്ത്തപ്പെട്ട തേവർപറമ്പില്‍ കുഞ്ഞച്ചന്‍ തീര്‍ഥാടന വിളംബര ജാഥയ്ക്കു കടുത്തുരുത്തിയില്‍ സ്വീകരണം നല്‍കി. സെന്‍റ് മേരീസ് ഫൊറോനാ താഴത്തുപള്ളിയൂടെ നേതൃത്വത്തില്‍ നല്‍കിയ സ്വീകരണ സമ്മേളനം ഫൊറോനാ വികാരി ഫാ. മാത്യു ചന്ദ്രൻകുന്നേൽ ഉദ്ഘാടനം ചെയ്തു. പാലാ രൂപത വികാരി ജനറാള്‍ ഫാ. സെബാസ്റ്റ്യന്‍ വേത്താനത്ത്, എസ്എംവൈഎം രൂപതാ ഡയറക്ടര്‍ ഫാ. മാണി കൊഴുപ്പന്‍കുറ്റി എന്നിവര്‍ പ്രസംഗിച്ചു. താഴത്തുപള്ളി സഹവികാരി ഫാ. ഏബ്രഹാം പെരിയപ്പുറം, കടുത്തുരുത്തി അഡറേഷന്‍ കോണ്‍വെന്‍റ് മദര്‍ സുപ്പീരിയര്‍ സിസ്റ്റര്‍ ടിന്‍സാ എസ്എബിഎസ്, കൈക്കാരന്‍ ബേബിച്ചന്‍ നിലപ്പനക്കൊല്ലി, മാതൃവേദി ഫൊറോനാ പ്രസിഡന്‍റ് ലീന പട്ടേരില്‍, പീറ്റര്‍ കണ്ണംവേലില്‍, വിവിധ സംഘടനാ ഭാരവാഹികള്‍, ഇടവകാംഗങ്ങള്‍ എന്നിവരുടെ നേതൃത്വത്തിലാണ് സ്വീകരണമൊരുക്കിയത്.

19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മാഞ്ഞൂര്‍ പട്ടികജാതി സംവരണം: ചാമക്കാല (14). സ്ത്രീ സംവരണം: ഇരവിമംഗലം (2), കാഞ്ഞിരത്താനം (4), സ്ലീവാപുരം (5), ഓമല്ലൂര്‍ (6), നമ്പ്യാകുളം (8), കോതനല്ലൂര്‍ ടൗണ്‍ (9), കോതനല്ലൂര്‍ (10), മാഞ്ഞൂര്‍ (11), റെയില്‍വേ സ്റ്റേഷന്‍ (12), മാഞ്ഞൂര്‍ സെന്‍ട്രല്‍ (13).

കുറുപ്പന്തറ സെന്‍റ് തോമസ് ക്‌നാനായ കത്തോലിക്കാ പള്ളിയില്‍ തിരുനാൾ

കടുത്തുരുത്തി: കുറുപ്പന്തറ സെന്‍റ് തോമസ് ക്‌നാനായ കത്തോലിക്കാ പള്ളിയില്‍ പ്ലാറ്റിനം ജൂബിലി ഉദ്ഘാടനവും വിശുദ്ധ യൂദാതദ്ദേവൂസിന്‍റെ നൊവേന തിരുനാളും 17 മുതല്‍ 26 വരെ ആഘോഷിക്കും. വിശുദ്ധ തോമാശ്ലീഹായുടെ നാമദേയത്തില്‍ 1951 ഒക്‌ടോബറില്‍ സ്ഥാപിതമായ കുറുപ്പന്തറ സെന്‍റ് തോമസ് പള്ളി 75-ാം വര്‍ഷത്തിലേക്ക് കടക്കുകയാണ്. ഇടവക നാമധാരി വിശുദ്ധ തോമാശ്ലീഹയ്‌ക്കൊപ്പംതന്നെ പ്രാധാന്യത്തോടെയാണ് പള്ളിയില്‍ ക്രിസ്തു ശിഷ്യനായ വിശുദ്ധ യൂദാതദ്ദേവൂസിന്‍റെ തിരുനാളും നൊവേനയും ആഘോഷിക്കുന്നത്. 17, 18 തീയതികളില്‍ രാവിലെ ആറിന് ജപമാല, തുടര്‍ന്ന് പതാക ഉയര്‍ത്തല്‍, ലദീഞ്ഞ്, വിശുദ്ധ കുര്‍ബാന. വൈകുന്നേരം ആറിന് വിശുദ്ധ കുര്‍ബാനയും നൊവേനയും ഉണ്ടായിരിക്കും. 19ന് വൈകുന്നേരം നാലിന് ജപമാല, ലദീഞ്ഞ്, പൊന്തിഫിക്കല്‍ കുര്‍ബാന, നെവേന - മാര്‍. ജോസഫ് പണ്ടാരശേരില്‍ കാര്‍മികത്വം വഹിക്കും. പരിഷ്‌കരിച്ച സെമിത്തേരി വെഞ്ചിരിപ്പും സ്‌കൂള്‍ ഹാള്‍ വെഞ്ചിരിപ്പും നടക്കും. തുടർന്ന് ഉദ്ഘാടന സമ്മേളനം, 7.30ന് സ്‌നേഹവിരുന്ന്. 20 മുതൽ 25 വരെ തീയതികളില്‍ രാവിലെ ആറിന് ജപമാല, ലദീഞ്ഞ്, വിശുദ്ധ കുര്‍ബാന, നൊവേന. വൈകുന്നേരം ആറിന് വിശുദ്ധ കുര്‍ബാന, നെവേന എന്നിവ ഉണ്ടായിരിക്കും. പ്രധാന തിരുനാള്‍ ദിനമായ 26ന് രാവിലെ 6.30ന് ജപമാല, ലദീഞ്ഞ്, വിശുദ്ധ കുര്‍ബാന, പത്തിന് തിരുനാള്‍ കുര്‍ബാന - ഫാ. ലൂക്ക് കരിമ്പില്‍, സന്ദേശം - ഫാ. റോണി വെച്ചൂപ്പറമ്പില്‍. തുടര്‍ന്ന് പ്രദക്ഷിണം, വിശുദ്ധ കുര്‍ബാനയുടെ ആശീര്‍വാദം. തിരുനാളിനുള്ള ഒരുക്കം‍ പൂര്‍ത്തിയായതായി വികാരി ഫാ. ജേക്കബ് മുല്ലൂര്‍, കൈക്കാരന്മാരായ ലൂക്കാസ് മേച്ചേരില്‍, റോയി ചെമ്പകത്തടത്തില്‍ എന്നിവര്‍ അറിയിച്ചു.

വിടവാങ്ങിയത് ഇരട്ടസംഗമത്തിന് തുടക്കം കുറിച്ച വൈദികൻ

ബിജു ഇത്തിത്തറ കടുത്തുരുത്തി: കോതനല്ലൂര്‍ കന്തീശങ്ങളുടെ പള്ളിയില്‍ ഇരട്ടസംഗമത്തിനു തുടക്കം കുറിച്ച ഫാ.ജോസഫ് പുത്തന്‍പുര വിടവാങ്ങൽ നാടിനു നൊന്പരം പകർന്നു. വികാരിയായിരിക്കേ 2007ലാണ് കോതനല്ലൂരിൽ ഇരട്ടസംഗമത്തിനു തുടക്കമിട്ടത്. പിന്നീട് നൂറുകണക്കിന് ഇരട്ടകള്‍ വര്‍ഷം തോറും പങ്കെടുക്കുന്ന, ആയിരക്കണക്കിനു വിശ്വാസികൾ ഒഴുകിയെത്തുന്ന മഹാസംഗമമായി ഇതു മാറി. വേറിട്ട ആശയം കോതനല്ലൂര്‍ കന്തീശങ്ങളുടെ പള്ളിയുടെ പ്രസിദ്ധി അന്യനാടുകളിലേക്കു പോലും വ്യാപിക്കുന്നതിനും ഇരട്ടകളുടെ സംഗമം വഴിയൊരുക്കി. ഇരട്ടവൈദികരായ ഫാ.റോയി കണ്ണഞ്ചിറ സിഎംഐ, ഫാ.റോബി കണ്ണഞ്ചിറ സിഎംഐ എന്നിവരില്‍ ഫാ. റോയി കണ്ണഞ്ചിറ ഇടവകയില്‍ എത്തിയപ്പോഴാണ് പുത്തന്‍പുരയച്ചന്‍ തന്‍റെ മനസില്‍ തോന്നിയ ഇരട്ടസംഗമം എന്ന ആശയം ഇടവകയില്‍ തുടങ്ങുന്നതിനെക്കുറിച്ചു സംസാരിക്കുന്നത്. റോയിയച്ചന്‍ പരിപൂര്‍ണ വാഗ്ദാനം ചെയ്തു. താനും ഇരട്ട സഹോദരന്‍ ഫാ. റോബിയും സംഗമത്തില്‍ എത്താമെന്ന് ഉറപ്പും നൽകി. ഇതോടെ പുത്തന്‍പുരയച്ചന്‍ ആ വര്‍ഷംതന്നെ സംഗമത്തിന് ആരംഭം കുറിച്ചു. പള്ളിയിൽനിന്നു സ്ഥലം മാറിപ്പോയ ശേഷവും ഏല്ലാ വര്‍ഷവും പുത്തന്‍പുരയച്ചനും ഇരട്ടസംഗമത്തില്‍ പങ്കെടുക്കാനെത്തുമായിരുന്നു. രോഗബാധിതനായി ചികിത്സയില്‍ കഴിഞ്ഞിരുന്നതിനാല്‍ ഈ വര്‍ഷത്തെ സംഗമത്തില്‍ അച്ചന് പങ്കെടുക്കാനായില്ല. 2005 ഫെബ്രുവരിയിലാണ് അദ്ദേഹം കോതനല്ലൂര്‍ പള്ളിയിൽ ചുമതലയേൽക്കുന്നത്. ഇതേവര്‍ഷം ജൂണില്‍ ഇടവക ഫൊറോനയായി ഉയര്‍ത്തപ്പെട്ടു. 2010 വരെ അദ്ദേഹം അവിടെ സേവനം തുടര്‍ന്നു. നല്ലോർമ കോതനല്ലൂര്‍ പള്ളി നിര്‍മിച്ചതിന്‍റെ 1,200 വര്‍ഷങ്ങള്‍ പൂര്‍ത്തിയായതിന്‍റെ ഒരു വര്‍ഷം നീളുന്ന ജൂബിലിയാഘോഷങ്ങളുടെ ഉദ്ഘാടനം ഈ മാസം 26ന് ബിഷപ് മാര്‍ ജോസഫ് കല്ലറങ്ങാട്ട് ഉദ്ഘാടനം ചെയ്യാനിരിക്കെയാണ് ഇടവകാംഗങ്ങളെല്ലാം ഒരു പോലെ സ്‌നേഹിക്കുന്ന, ഏവരുടെയും മനസില്‍ മായാതെ നില്‍ക്കുന്ന പുത്തന്‍പുരയച്ചന്‍ ദൈവസന്നിധിയിലേക്കു യാത്രയാകുന്നത്. രോഗബാധിതനായതിനെത്തുടര്‍ന്ന് ചേര്‍പ്പുങ്കല്‍ മെഡിസിറ്റിയോടു ചേര്‍ന്നുള്ള പ്രീസ്റ്റ് ഹോമിലായിരുന്നു താമസിച്ചിരുന്നത്. സ്നേഹവും ആത്മീയ ചൈതന്യവും നിറഞ്ഞ സാന്നിധ്യമായിരുന്നു അച്ചനെന്ന് ഇടവകാംഗങ്ങൾ ഒാർമിക്കുന്നു.

കോവിലകത്തുംകടവ് മത്സ്യമാർക്കറ്റിലെ സംസ്കരണ കേന്ദ്രത്തിൽ മോഷണം

വൈക്കം: കോവിലകത്തുംകടവ് മത്സ്യമാർക്കറ്റിലെ ഉപയോഗശൂന്യമായ ആധുനിക മത്സ്യവിപണന സംസ്കരണ കേന്ദ്രത്തിൽ ലക്ഷങ്ങളുടെ മോഷണം. ഒന്നരക്കോടിയോളം മുടക്കി തീരദേശ വികസന കോർപറേഷൻ നിർമിച്ച കേന്ദ്രത്തിലെ ഉപയോഗിക്കാതെ കിടന്ന ആധുനിക ഉപകരണ ഭാഗങ്ങളും മോട്ടോറുകളുമാണ് മോഷണം പോയത്. 10 വർഷം മുമ്പ് നിർമിച്ച ആധുനിക മത്സ്യവിപണന സംസ്കരണ കേന്ദ്രം ഉദ്ഘാടനം നടത്തിയെങ്കിലും തീരദേശ പരിപാലന നിയമത്തിന്‍റെ പരിധിയിൽ വരുന്നതിനാൽ കെട്ടിടത്തിന് നഗരസഭ നമ്പറിട്ട് നൽകിയില്ല. ഒന്നരക്കോടി രൂപ മുടക്കി തീരദേശ വികസന കോർപറേഷൻ നിർമിച്ച കേന്ദ്രത്തിലെ മത്സ്യം സംസ്കരിക്കുന്നതിനായുള്ള ഉപയോഗിക്കാതെ കിടന്ന ആധുനിക ഉപകരണ ഭാഗങ്ങളും മോട്ടോറുകളുമാണ് മോഷണം പോയത്. ലക്ഷങ്ങളുടെ മോഷണം നടന്നിട്ടും നഗരസഭ കഴിഞ്ഞ ദിവസമാണ് ഇക്കാര്യം അറിഞ്ഞത്. കെട്ടിടത്തിന്‍റെ ഒരു ഭാഗം വാടകയ്ക്കെടുത്തവർ തുറന്നുനോക്കിയപ്പോഴാണ് മോട്ടറുകളടക്കം അപഹരിക്കപ്പെട്ടതറിഞ്ഞത്. ഇവർ പരാതിയുമായി എത്തിയപ്പോൾ മാത്രമാണ് മോഷണം നടന്നത് നഗരസഭാ അധികൃതർ അറിഞ്ഞത്. മാനദണ്ഡം പാലിക്കാതെയും ആസൂത്രണമില്ലാതെയുമാണ് മത്സ്യമാർക്കറ്റിൽ ആധുനിക മത്സ്യ വിപണന സംസ്കരണ കേന്ദ്രം നിർമിച്ചത്. പത്ത് വർഷമായി കെട്ടിടം വെറുതെ കിടക്കുകയാണ്. കെട്ടിട ഭാഗങ്ങൾ തകർത്താണ് ലക്ഷങ്ങളുടെ മോഷണം നടന്നത്. എന്നാൽ, കെട്ടിടത്തിനുള്ളിൽനിന്ന് എന്തൊക്കെയാണ് മോഷണം പോയതെന്ന് നഗരസഭാ അധികൃതർക്ക് അറിയില്ല. ഫ്രീസറിന്‍റെയും സംസ്കരണ ഉപകരണങ്ങളുടെയും ഭാഗങ്ങളുമാണ് ആദ്യപരിശോധനയിൽ മോഷണം പോയതായി കണ്ടെത്തിയത്. കെട്ടിടത്തോടുചേർന്ന ട്രീറ്റ്മെന്‍റ് പ്ലാന്‍റിലെയും അടുത്തിടെ സ്ഥാപിച്ച ശുചിമുറിയുടെയുടക്കം മൂന്ന് മോട്ടോറുകളും കാണാനില്ല. ലക്ഷങ്ങളുടെ സാധനസാമഗ്രികൾ കടത്തിയതിനു പുറമേ കെട്ടിടത്തിന്‍റെ ജനൽ ഗ്രില്ലുകളും സീലീംഗുമടക്കം തകർത്ത നിലയിലാണ്. ഇന്നലെ വൈകുന്നേരം നഗരസഭാ അധികൃതരുടെ നേതൃത്വത്തിൽ ഉദ്യോഗസ്ഥർ പരിശോധന നടത്തി. എന്നാൽ മോട്ടോറുകൾ മോഷണംപോയ സംഭവത്തിൽ പോലീസിൽ പരാതി നൽകിയിട്ടും യാതൊരു നടപടിയുമുണ്ടായില്ലെന്നാണ് നഗരസഭാ അധികൃതർ ആരോപിച്ചു. കൂടുതൽ സാധനങ്ങൾ മോഷണം പോയതോടെ ലക്ഷങ്ങളുടെ മോഷണം കാണിച്ച് ഇനി പുതിയ പരാതികൂടി പോലീസിൽ നൽകാനാണ് നഗരസഭയുടെ തീരുമാനം.

വയോജനങ്ങൾക്ക് തണലായി മണർകാട് പഞ്ചായത്ത്

മണർകാട്: പഞ്ചായത്തിന്‍റെ വയോജന ക്ഷേമപദ്ധതിയായ തണലിന്‍റെ ഭാഗമായി വയോജനങ്ങൾക്കു മെഡിക്കൽ സഹായ ഉപകരണങ്ങളുടെ വിതരണം നടത്തി. പഞ്ചായത്ത് പ്രസിഡന്‍റ് കെ.സി. ബിജു ഉദ്ഘാടനം ചെയ്തു. മെഡിക്കൽ ക്യാമ്പിൽ പങ്കെടുത്ത വയോജനങ്ങൾക്ക് ഹിയറിംഗ് എയ്ഡ്, വീൽ ചെയർ, വോക്കർ, കമോഡ് വീൽചെയർ തുടങ്ങിയവ സൗജന്യമായി വിതരണം ചെയ്തു. വൈസ് പ്രസിഡന്‍റ് ജെസി ജോൺ അധ്യക്ഷയായി. പഞ്ചായത്ത് അംഗങ്ങൾ രജിതാ അനീഷ്, ജിജി മണർകാട്, ബിനു രാജു, സുരേഖ പി.ബി., ജോളി ഏബ്രഹാം തുടങ്ങിയവർ പ്രസംഗിച്ചു.

ജോസഫ് കൊട്ടാരം വിദ്യാഭ്യാസ അവാർഡ് സമ്മാനിച്ചു

അതിരമ്പുഴ: മുതിർന്ന മാധ്യമപ്രവർത്തകനും പുറയാറ്റിടം കുടുംബയോഗം രക്ഷാധികാരിയുമായിരുന്ന ജോസഫ് കൊട്ടാരത്തിന്‍റെ സ്മരണാർഥം ഏർപ്പെടുത്തിയ വിദ്യാഭ്യാസ അവാർഡ് സമ്മാനിച്ചു. ഡിജോ റോയിസ് പൊന്നാകുഴി, മാക്സ് ടി. ടോം ആലഞ്ചേരി എന്നിവർ അവാർഡ് ഏറ്റുവാങ്ങി. കുടുംബയോഗം പ്രസിഡന്‍റ് പി.ജെ. ജോർജ് പാറശേരി അധ്യക്ഷത വഹിച്ചു. രക്ഷാധികാരിയും അതിരമ്പുഴ സഹകരണ ബാങ്ക് പ്രസിഡന്‍റുമായ കെ.പി. ദേവസ്യ അവാർഡ് ദാനം നിർവഹിച്ചു. അഡ്വ. ജയിംസ്കുട്ടി ഓണംകുളം, ജോസ് ഇടവഴിക്കൽ, രാജു കളരിക്കൽ, ജൂലി മോഹൻ ആലഞ്ചേരി, ജോയി തുമ്പശേരിൽ, ജോർജ് സെബാസ്റ്റ്യൻ ആലഞ്ചേരി, ജോൺസൺ പറേക്കാട്ടിൽ കിഴക്കേൽ, ടി.ഡി. ജയിംസ് തോട്ടപ്പള്ളി എന്നിവർ പ്രസംഗിച്ചു.

അനധികൃത സംഘടനയുടെ പേരിൽ പണപ്പിരിവ്; കർശന നടപടി സ്വീകരിക്കുമെന്ന് പ്രവാസി കമ്മീഷൻ

കോട്ടയം: പെൻഷൻ വാഗ്ദാനം ചെയ്തു പ്രവാസികളിൽനിന്നു വ്യാപക പണപ്പിരവു നടത്തിയ അനധികൃത സംഘടനയ്ക്കെതിരേ കർശന നടപടിക്ക് ശിപാർശ ചെയ്യുമെന്ന് സംസ്ഥാന പ്രവാസി കമ്മീഷൻ അറിയിച്ചു. കോട്ടയം ആസ്ഥാനമായുള്ള പ്രവാസി മലയാളി വെൽഫെയർ അസോസിയേഷൻ ഇന്ത്യ അംഗത്വ ഫീസ്, അംശദായം എന്നീയിനങ്ങളിലാണ് പണം വാങ്ങിയത്. ഇരുപത്തയ്യായിരത്തോളം പേർ അംഗത്വമെടുത്തതായാണ് കമ്മീഷന് ലഭിച്ച വിവരം. ഇവർക്ക് അംഗത്വ കാർഡ് നൽകുകയും ചെയ്തു. ഈ സംഘടനയ്ക്ക് നോർക്കയുടെയോ നോർക്ക റൂട്ട്‌സിന്‍റെയോ അംഗീകാരമില്ലെന്ന് കമ്മീഷൻ ചെയർപേഴ്സൺ ജസ്റ്റീസ് സോഫി തോമസ് പറഞ്ഞു. ഇന്നലെ കളക്‌ടറേറ്റിൽ നടന്ന പ്രവാസി കമ്മീഷൻ അദാലത്തിൽ ഈ സംഘടനയ്ക്കെതിരായ പരാതികളും പരിഗണിച്ചിരുന്നു. ഇതു സംബന്ധിച്ച വിശദാംശങ്ങൾ പരാതിക്കാരോട് കമ്മീഷൻ ചോദിക്കുന്നതിനിടെ മറ്റ് ആവശ്യങ്ങളുമായി അദാലത്തിലെത്തിയ നിരവധി പേർ ഈ സംഘടനയ്ക്ക് പണം നൽകിയതായി വെളിപ്പെടുത്തി. സംഘടനയ്ക്കെതിരെ നിയമ നടപടികൾ സ്വീകരിക്കുന്നതിന് കമ്മീഷൻ നിർദേശം നൽകുമെന്ന് കമ്മീഷൻ ചെയർപേഴ്സൺ വ്യക്തമാക്കി. പ്രവാസികളുടെ ക്ഷേമത്തിനെന്ന പേരിൽ തട്ടിപ്പു നടത്തുന്നവരുടെ കെണിയിൽ വീഴുന്നവരുടെ പരാതികൾ വർധിച്ചുവരികയാണ്. അംഗീകൃതമല്ലാത്ത സംഘടനകൾക്കെതിരേ ജാഗ്രത വേണം. ഇത്തരം തട്ടിപ്പുകൾ ആവർത്തിക്കാതിരിക്കാൻ കമ്മീഷൻ മുൻകൈ എടുത്ത് പ്രചാരണം നടത്തും. പ്രവാസികൾക്ക് നിയമസഹായം ലഭ്യമാക്കുകയും ചെയ്യും. അദാലത്തിൽ ആകെ 126 പരാതികൾ പരിഗണിച്ചു. പുതിയതായി ലഭിച്ച 74 പരാതികളും ഇതിൽ ഉൾപ്പെടുന്നു. കമ്മീഷൻ അംഗങ്ങളായ പി.എം. ജാബിർ, ഡോ. മാത്യൂസ് കെ. ലൂക്കോസ്, എം.എം. നഈം, ജോസഫ് ദേവസ്യ പൊന്മാങ്കൽ, സെക്രട്ടറി ആർ. ജയറാം കുമാർ എന്നിവരും സിറ്റിംഗിൽ പങ്കെടുത്തു.

മാലിന്യം തള്ളൽ വ്യാപകമായി

അകലക്കുന്നം: പഞ്ചായത്തിലെ മൂഴൂർ ഭാഗത്തു മാലിന്യനിക്ഷേപം വ്യാപകമായി. ഇവിടെ തള്ളുന്ന മാലിന്യം തെരുവുനായ്ക്കൾ വലിച്ചു സമീപത്തെ പൊയ്കത്തോട്ടിൽ ഇടുന്നത് മൂലം തോട്ടിലെ ജലവും മലിനപ്പെടുന്നു. പ്രദേശത്തെ ജനങ്ങൾ കുളിക്കുന്നതിനും വസ്ത്രം അലക്കുന്നതിനും തോടിനെയാണ് ആശ്രയിക്കുന്നത്. മാലിന്യ തള്ളുന്നവർക്കെതിരേ കർശന നടപടി സ്വീകരിക്കണമെന്നും പ്രദേശത്തു സിസിടിവി കാമറ സ്ഥാപിക്കാൻ അധികൃതർ തയാറാകണമെന്ന് നാട്ടുകാർ ആവശ്യപ്പെട്ടു.

വിശുദ്ധ അമ്പത്തിയൊന്നിന്മേല്‍ കുര്‍ബാന: പന്തലിനു കാൽ നാട്ടി

മണര്‍കാട്: ശ്രേഷ്ഠ ബസേലിയോസ് തോമസ് പ്രഥമന്‍ കാതോലിക്ക ബാവയുടെ ഒന്നാം ശ്രാദ്ധപ്പെരുന്നാളിനോടനുബന്ധിച്ചു നവംബര്‍ ഒന്നിന് മണര്‍കാട് വിശുദ്ധ മര്‍ത്തമറിയം യാക്കോബായ സുറിയാനി കത്തീഡ്രലില്‍ നടത്തുന്ന വിശുദ്ധ അമ്പത്തിയൊന്നിന്മേല്‍ കുര്‍ബാനയ്ക്കുള്ള താത്കാലിക പന്തലിന്‍റെ കാല്‍നാട്ട് കര്‍മം നടത്തി. ശ്രേഷ്ഠ ബസേലിയോസ് ജോസഫ് കാതോലിക്ക ബാവായുടെ മുഖ്യകാര്‍മികത്വത്തില്‍ നടത്തുന്ന വിശുദ്ധ അമ്പത്തിയൊന്നിന്മേല്‍ കുര്‍ബാനയ്ക്കുവേണ്ടി തയാറാക്കുന്നത് വിദേശമോഡല്‍ പന്തലാണ്. പന്തലിന്‍റെ കാല്‍നാട്ട് കര്‍മം കത്തീഡ്രല്‍ സഹവികാരിമാരായ റവ. കുര്യാക്കോസ് കോര്‍ എപ്പിസ്‌കോപ്പ കിഴക്കേടത്ത്, റവ.ജെ. മാത്യു കോര്‍ എപ്പിസ്‌കോപ്പ മണവത്ത്, ഫാ. കുറിയാക്കോസ് കാലായില്‍, ഫാ. ഗീവര്‍ഗീസ് നടുമുറിയില്‍, ഫാ. കുര്യന്‍ മാത്യു വടക്കേപ്പറമ്പില്‍, ഫാ. ലിറ്റു ജേക്കബ് തണ്ടാശേരിയില്‍, ഫാ. സനോജ് കരോട്ടെക്കുറ്റ് എന്നിവരുടെ കാര്‍മികത്വത്തില്‍ നടന്നു. ട്രസ്റ്റിമാരായ സുരേഷ് കെ. ഏബ്രഹാം, ബെന്നി ടി. ചെറിയാന്‍, ജോര്‍ജ് സഖറിയ, സെക്രട്ടറി പി.എ. ചെറിയാന്‍ തുടങ്ങിയവര്‍ പങ്കെടുത്തു.

ഗവേഷണ സഹകരണത്തിന് ധാരണാപത്രം

അതിരമ്പുഴ: സംസ്ഥാനത്തുനിന്നുള്ള ഏക യുജിസി കാറ്റഗറി-1 യൂണിവേഴ്‌സിറ്റിയായ എംജി യൂണിവേഴ്‌സിറ്റിയും മുംബൈ യുജിസി കാറ്റഗറി-1 യൂണിവേഴ്‌സിറ്റിയായ ഇന്‍സ്റ്റിറ്റ്യൂട്ട് ഓഫ് കെമിക്കല്‍ ടെക്‌നോളജിയും (ഐസിടി) തമ്മില്‍ ഗവേഷണ സഹകരണത്തിനുള്ള ധാരണാപത്രം ഒപ്പുവച്ചു. മുംബൈ ഐസിടി ആസ്ഥാനത്ത് വൈസ് ചാന്‍സലര്‍ പ്രഫ. അനിരുദ്ര ബാലചന്ദ്ര പണ്ഡിറ്റിന്‍റെ ഓഫീസിലാണ് ധാരണാപത്രം കൈമാറിയത്. എംജി യൂണിവേഴ്‌സിറ്റിയെ പ്രതിനിധീകരിച്ച് സ്‌കൂള്‍ ഓഫ് ബയോ സയന്‍സിലെ പ്രഫ.ഡോ. ഇ.കെ. രാധാകൃഷ്ണനും എബിന്‍ ജോണ്‍ വര്‍ഗീസും പങ്കെടുത്തു. ഐസിറ്റിയില്‍നിന്നും ഡോ. മനീഷ് യാദവും പങ്കുചേര്‍ന്നു. ബയോ എനര്‍ജി മേഖലയിലെ മാലിന്യങ്ങളുടെ സംസ്‌കരണം, ഇവയില്‍നിന്നുമുള്ള മൂല്യവര്‍ധിത ഉത്പന്നങ്ങളുടെ നിര്‍മാണം, കുളവാഴകളുടെ സംസ്‌കരണം, വ്യാവസായിക ആവശ്യമനുസരിച്ചുള്ള യന്ത്രോപകരണങ്ങളുടെ വികസനം, ഗവേഷക വിദ്യാര്‍ഥികള്‍ക്ക് ഐസിടിയുമായി സഹകരിച്ച് സാങ്കേതികവിദ്യകള്‍ വികസിപ്പിക്കുന്നതിനുള്ള അവസരം എന്നിവ സംബന്ധിച്ചും ധാരണയായി.

ഗാന്ധിനഗർ ഹൗസിംഗ് സ്കീം അസോ. പ്രവർത്തനങ്ങൾ മാതൃകാപരം: മന്ത്രി

ഗാന്ധിനഗർ: ഗാന്ധിനഗർ ഹൗസിംഗ് സ്കീം അസോസിയേഷൻ ഓഫ് റെസിഡന്‍റ്സിന്‍റെ പ്രവർത്തനങ്ങൾ മാതൃകാപരമെന്ന് മന്ത്രി വി.എൻ. വാസവൻ. അസോസിയേഷന്‍റെ ആഭിമുഖ്യത്തിൽ നടന്ന കുടുംബസംഗമം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മികച്ച പ്രവർത്തനങ്ങൾക്ക് കോട്ടയം മുനിസിപ്പാലിറ്റിയുടെ ആദരം ഏറ്റുവാങ്ങിയ അസോസിയേഷൻ ഭാരവാഹികളെ മന്ത്രി അഭിനന്ദിച്ചു. അതിരമ്പുഴ പഞ്ചായത്ത്‌ പ്രസിഡന്‍റ് ജോസ് അമ്പലക്കുളം അധ്യക്ഷത വഹിച്ചു. ഫ്രാൻസിസ് ജോർജ് എംപി മുഖ്യപ്രഭാഷണം നടത്തി. തിരുവഞ്ചൂർ രാധാകൃഷ്ണൻ എംഎൽഎ, മുനിസിപ്പൽ ചെയർപേഴ്സൺ ബിൻസി സെബാസ്റ്റ്യൻ, ജില്ലാ പഞ്ചായത്തംഗം പ്രഫ.ഡോ. റോസമ്മ സോണി, മുനിസിപ്പൽ കൗൺസിലർ സാബു മാത്യു, പഞ്ചായത്തംഗം ജയിംസ് തോമസ്, അസോസിയേഷൻ പ്രസിഡന്‍റ് ബേബിച്ചൻ തടത്തേൽ, സെക്രട്ടറി എസ്. അനിൽകുമാർ, ഭാരവാഹികളായ അഗസ്റ്റിൻ കെ. ചാലിൽ, റോബിൻ പേണ്ടാനത്ത്, എം.വൈ. കുഞ്ഞുമോൻ, രാജഗോപാൽ പൈ, ഡോ. കെ.ജെ. നിസി, സി.എം. വത്സലകുമാരി, ബിനു ഫിലിപ്പ്, ശാന്താകുമാരി എന്നിവർ പ്രസംഗിച്ചു. ഏറ്റുമാനൂർ പോൾസ് ഫോറിൻ ലാംഗ്വേജ് അക്കാഡമി ഡയറക്ടർ വി.കെ. ഷേർലി, മാന്നാനം വൈസ്മെൻ ക്ലബ് വൈസ് മെനെറ്റ്സ് പ്രസിഡന്‍റ് മിനി എം. മാത്യു സമാജ്‌വാദി പാർട്ടി ലോഹ്യ വാഹിനി ദേശീയ സെക്രട്ടറി ജോജി ജോൺ, ഏറ്റുമാനൂർ സ്വാമീസ് ഡ്രൈവിംഗ് സ്കൂൾ പ്രൊപ്രൈറ്റർ ജി. ജഗദീഷ്, മെഡിക്കൽ കോളജ് റൗണ്ടാനയിൽ സൗന്ദര്യവത്കരണം നടത്തുന്ന ജോർജുകുട്ടി ആന്‍റണി, ബിഎഡ് സോഷ്യൽ സയൻസിൽ എംജി യൂണിവേഴ്സിറ്റിയിൽനിന്നും ഒന്നാം റാങ്ക് കരസ്ഥമാക്കിയ അനുപമ മോനച്ചൻ, ബിടെക് കപ്യൂട്ടർ സയൻസിൽ ഉന്നത വിജയം നേടിയ ഹൃദ്യ എസ്. അനിൽ, ഓൾ കേരള കരാട്ടെ മത്സരത്തിൽ സ്വർണ മെഡൽ കരസ്ഥമാക്കിയ നിയ ഷാഹിൻ ഷൗക്കത്ത്, റോളർ സ്കേറ്റിംഗിൽ കോട്ടയം ജില്ലാതലത്തിൽ ഗോൾഡ് മെഡൽ നേടിയ വരദ് ലാൽ വിജയ്, എസ്എസ്എൽസി പരീക്ഷയിൽ ഫുൾ എപ്ലസ് നേടിയ റിച്ചാർഡ് തോമസിനെയും കൂടാതെ ജനപ്രതിനിധികളെയും മെമന്‍റോ നൽകി മന്ത്രി ആദരിച്ചു. തുടർന്ന് വിവിധ മത്സരങ്ങളും സമ്മാനദാനവും കലാപരിപാടികളും നടന്നു.

പാമ്പാടി ടൗണില്‍ കാല്‍നടക്കാര്‍ക്ക് പുല്ലുവില

പാമ്പാടി: ദേശീയപാതയില്‍ ഏറെ തിരക്കുള്ള പാമ്പാടി ടൗണിലൂടെ കാല്‍നടയാത്രക്കാര്‍ നടക്കുന്നത് ജീവന്‍ പണയംവച്ച്. പാമ്പാടിയിലെ പ്രധാന വ്യാപാരസ്ഥാപനങ്ങളും സര്‍ക്കാര്‍ സ്ഥാപനങ്ങളും സ്‌കൂളുകളുമുള്ള എംജിഎം സ്‌കൂള്‍ ജംഗ്ഷന്‍ മുതല്‍ കാളച്ചന്ത വരെയുള്ള ഭാഗത്താണ് കാല്‍നടയാത്രക്കാര്‍ ഏറെ ബുദ്ധിമുട്ടനുഭവിക്കുന്നത്. വ്യാപാരസ്ഥാപനങ്ങളില്‍ ഉള്‍പ്പെടെ വരുന്ന വാഹനങ്ങള്‍ റോഡിന്‍റെ ഇരുവശവും പാര്‍ക്ക് ചെയ്യുന്നതോടെ കാല്‍നടയാത്രക്കാര്‍ റോഡില്‍ കയറി നടക്കേണ്ടി വരും. നിരവധി സ്‌കൂള്‍കുട്ടികള്‍ ദിവസേന യാത്രചെയ്യുന്ന ഈ ഭാഗത്ത് അപകടസാധ്യത വളരെ കൂടുതലാണ്. ബസ്‌ സ്റ്റാന്‍ഡിന്‍റെ ഇരുവശങ്ങളിലും ഓട്ടോ സ്റ്റാന്‍ഡും കൂടിയായതോടെ സ്റ്റാന്‍ഡില്‍ ബസിറങ്ങുന്നവര്‍ക്ക് റോഡിലേക്ക് പ്രവേശിക്കാനും ബുദ്ധിമുട്ടുണ്ട്. നല്ല തിരക്കുള്ള രാവിലെയും വൈകുന്നേരങ്ങളിലും റോഡിനിരുവശവും വാഹനങ്ങളുടെ നീണ്ടനിരയാണ്. നോ പാര്‍ക്കിംഗ് ഏരിയയില്‍ ഉള്‍പ്പെടെ വാഹനങ്ങള്‍ പാര്‍ക്കുചെയ്യുന്നു. മഴ പെയ്താല്‍ മലിനജലത്തില്‍കൂടി വേണം നടക്കാന്‍. വേണ്ടത് നടപ്പാത ഉണ്ടാക്കുവാനുള്ള നടപടികള്‍ അധികൃതരുടെ ഭാഗത്തുനിന്നുണ്ടാകണം. ബസ് സ്റ്റാന്‍ഡിനിരുവശവുമുള്ള ഓട്ടോ സ്റ്റാന്‍ഡുകൾ പുനഃക്രമീകരിക്കണം. വ്യാപാരസ്ഥാപനങ്ങളിലും സര്‍ക്കാര്‍ ഓഫീസുകളിലും എത്തുന്ന വാഹനങ്ങള്‍ക്ക് പാര്‍ക്കിംഗിനുള്ള സൗകര്യം കണ്ടെത്തണം.

എയ്ഡഡ് സ്‌കൂള്‍ അധ്യാപക നിയമനം : സർക്കാർ ഇടപെടലിൽ സന്തോഷമെന്ന് യൂഹാനോന്‍ മാര്‍ ദീയസ്‌കോറസ്

കോട്ടയം: എയ്ഡഡ് സ്‌കൂള്‍ അധ്യാപകനിയമന പ്രശ്‌നത്തില്‍ സംസ്ഥാന സര്‍ക്കാര്‍ യാഥാര്‍ഥ്യബോധത്തോടെ ഇടപെടാന്‍ തയാറായതില്‍ സന്തോഷമുണ്ടെന്ന് മലങ്കര ഓര്‍ത്തഡോക്‌സ് സഭാ മാധ്യമവിഭാഗം തലവന്‍ യൂഹാനോന്‍ മാര്‍ ദീയസ്‌കോറസ് മെത്രാപ്പോലീത്ത. സര്‍ക്കാരിന്‍റെ നിലപാട് ആയിരക്കണക്കിന് അധ്യാപകര്‍ക്കും അവരുടെ കുടുംബങ്ങള്‍ക്കും പ്രതീക്ഷ പകരുന്നതാണ്. എന്‍എസ്എസ് മാനേജ്‌മെന്‍റിന് അനുകൂലമായി ലഭിച്ച സുപ്രീംകോടതി വിധിയുടെ പ്രയോജനം തങ്ങള്‍ക്കും ലഭിക്കണമെന്ന ന്യായമായ ആവശ്യമാണു ക്രിസ്ത്യന്‍ മാനേജ്‌മെന്‍റുകള്‍ പ്രകടിപ്പിച്ചിരുന്നത്. പിടിവാശിയല്ല, ക്രിയാത്മകമായ ഇടപെടലാണ് ഈ വിഷയത്തില്‍ ഉണ്ടാകേണ്ടിയിരുന്നത്. വൈകിയാണെങ്കിലും മാനേജ്‌മെന്‍റുകളുടെ ആവശ്യം അംഗീകരിക്കാന്‍ സര്‍ക്കാര്‍ തയാറായതില്‍ നന്ദിയുണ്ടെന്നും മെത്രാപ്പോലീത്ത കൂട്ടിച്ചേര്‍ത്തു.

വൈക്കം ക്ഷേത്രത്തിലും സ്വർണം നഷ്ടപ്പെട്ടു

വൈക്കം: മഹാദേവ ക്ഷേത്രത്തിൽ വഴിപാട് ഇനങ്ങളിലായി ലഭിച്ച സ്വർണത്തിൽനിന്ന് 255.830 ഗ്രാം സ്വർണം നഷ്‌ടപ്പെട്ടതായി ഓഡിറ്റ് റിപ്പോർട്ട്. സംസ്ഥാന ഓഡിറ്റ് വകുപ്പിൽ തിരുവിതാംകൂർ ദേവസ്വം ബോർഡിനായുള്ള വിഭാഗമാണ് സ്വർണം കാണാതായ വിവരം കണ്ടെത്തിയത്. തിരുവാഭരണം രജിസ്‌റ്ററിൽ രേഖപ്പെടുത്തിയിരിക്കുന്ന പ്രകാരം 199 ഉരുപ്പടികളിലായി മാത്രം 3247.900 ഗ്രാം സ്വർണം ഉണ്ടായിരിക്കണം. എന്നാൽ വൈക്കം ക്ഷേത്രത്തിലെ സ്ട്രോംഗ് റൂമിൽ 199 സ്വർണ ഉരുപ്പടികൾ അടങ്ങിയ ഒരു പൊതിയും പിന്നെ വെള്ളി ഇനങ്ങളുടെ മറ്റൊരു പൊതിയും ഉണ്ടായിരുന്നു. ആ രണ്ട് പൊതികളിലുമായി ആകെ 2992.070 ഗ്രാം തൂക്കം ഉണ്ടെന്നാണ് പൊതിയിൽ എഴുതിയിരുന്നത്. ഇതിൽ 255.830 ഗ്രാം സ്വർണം കാണാനില്ലെന്നാണ് ഓഡിറ്റ് റിപ്പോർട്ട്. 2020-21ലെ ഓഡിറ്റ് റിപ്പോർട്ട് കഴിഞ്ഞ വർഷം നവംബറിൽ ഹൈക്കോടതിയിൽ സമർപ്പിച്ചു. അതുവരെ ഇക്കാര്യത്തിലുള്ള വിശദീകരണം ദേവസ്വം ബോർഡ് നൽകിയില്ലെന്നും ഓഡിറ്റ് റിപ്പോർട്ടിൽ പറയുന്നു.

പുതിയ കോഴ്സുകൾ വഴി തൊഴിലവസരങ്ങൾ സൃഷ്ടിക്കുക ലക്ഷ്യം: മന്ത്രി വാസവൻ

തിരുവല്ല: കേരളത്തെ ലോകത്തിന്‍റെ നെറുകയിൽ എത്തിക്കുവാൻ കലാലയങ്ങൾ നൽകുന്ന സംഭാവനകൾ വലുതാണെന്ന് മന്ത്രി വി.എൻ. വാസവൻ. തിരുവല്ല മാർ അത്താനാസിയോസ് കോളജ് ഫോർ അഡ്വാൻസ് സ്റ്റഡീസിന്‍റെ (മാക്ഫാസ്റ്റ്) രജത ജൂബിലി ആഘോഷം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഗുരു-ശിഷ്യബന്ധം സൂക്ഷിക്കുന്ന ഉദാത്തമായ മാതൃകാ കലാലയമാണ് മാക് ഫാസ്റ്റ്. വിദ്യാഭ്യാസ സ്ഥാപനങ്ങളുടെ നിലവാരം കാത്തുസൂക്ഷിച്ച്, സമയബന്ധിതമായി മുന്നോട്ടു പോകുന്പോഴാണ് ഒരു കലാലയം എല്ലാ അർഥത്തിലും ശോഭിക്കുന്നതെന്ന് മന്ത്രി അഭിപ്രായപ്പെട്ടു. അധ്യാപകരും വിദ്യാർഥികളും മാനേജ്മെന്‍റും കൂടിച്ചേരുന്നതിനൊപ്പം സർക്കാർ സംവിധാനങ്ങളുംകൂടി സഹകരിച്ചെങ്കിൽ മാത്രമേ കലാലയം പൂർണതയിലെത്തൂ. ഉന്നത വിദ്യാഭ്യാസ മേഖലയിൽ മികച്ച കാഴ്ചപ്പാടുകളോടെയാണ് സർക്കാർ പുതിയ പദ്ധതികൾ ആവിഷ്കരിക്കുന്നത്. വൈവിധ്യങ്ങളായ പുതിയ കോഴ്സുകൾ ആരംഭിക്കും. ഇതോടെ പുതിയ തൊഴിൽ അവസരങ്ങൾ സൃഷ്ടിക്കുകയാണ് ലക്ഷ്യമെന്നും മന്ത്രി പറഞ്ഞു. പുതിയ പടവുകളിലേക്ക് മാക് ഫാസ്റ്റ് അസാധാരണമായ ഒരു നിശ്ചയദാർഢ്യത്തിന്‍റെ ഉദാത്ത മാതൃകയാണെന്ന് സമ്മേളനത്തിൽ അധ്യക്ഷത വഹിച്ച കർദിനാൾ മാർ ബസേലിയോസ് ക്ലീമിസ് കാതോലിക്ക ബാവ അഭിപ്രായപ്പെട്ടു. കാലത്തിന് അപ്പുറത്തേക്ക് ദൃഷ്ടി പായിച്ച വ്യക്തിത്വങ്ങളുടെ സംഭാവനയാണ് ഈ കലാലയം. കോളജിന് സ്വയംഭരണ പദവി ലഭ്യമായതോടെ ഒരു പുതിയ ഭാവത്തിലേക്കും രൂപത്തിലേക്കുമുള്ള അടുത്ത പടവുകളിലേക്കു പ്രവേശിക്കാൻ കഴിയുമെന്നും ബാവ പറഞ്ഞു. എംജി സർവകലാശാലാ വൈസ് ചാൻസലർ ഡോ. സി.ടി. അരവിന്ദ് കുമാർ മാക്ഫാസ്റ്റിന്‍റെ സ്വയംഭരണ പദവി പ്രഖ്യാപനം നടത്തി. തിരുവല്ല ആർച്ച്ബിഷപ് ഡോ. തോമസ് മാർ കൂറിലോസ്, മുൻ മന്ത്രി രമേശ് ചെന്നിത്തല, ആന്‍റോ ആന്‍റണി എംപി, തിരുവല്ല നഗരസഭാ ചെയർപേഴ്സൺ അനു ജോർജ്, എംജി സർവകലാശാലാ സിൻഡിക്കറ്റ് അംഗം റെജി സക്കറിയ, സംസ്ഥാന ഹയർ എഡ്യൂക്കേഷൻ കൗൺസിൽ ജനറൽ സെക്രട്ടറി ഡോ. രാജൻ വർഗീസ്, നഗരസഭാ കൗൺസിലർ ഫിലിപ്പ് ജോർജ്, മാക്ഫാസ്റ്റ് പ്രിൻസിപ്പൽ ഡോ. ചെറിയാൻ കെ. വർഗീസ്, മാനേജർ ഫാ. ഈപ്പൻ പുത്തൻപറമ്പിൽ തുടങ്ങിയവർ പ്രസംഗിച്ചു.

ജില്ലാ കായികമേള : പാലായിൽ ഇന്ന് ട്രാക്ക് ഉണരും

കോട്ടയം: പുതിയ ദൂരവും ഉയരവും വേഗവും തേടി ജില്ലയിലെ കൗമാരപ്രതിഭകള്‍ ഇന്ന് പാലായിലെ ട്രാക്കിലിറങ്ങും. 23-ാമത് ജില്ലാ സ്‌കൂള്‍ കായികമേളയ്ക്ക് പാലാ മുനിസിപ്പല്‍ സിന്തറ്റിക് ട്രാക്ക് സ്റ്റേഡിയത്തില്‍ തുടക്കമാകും. 13 സബ് ജില്ലകളില്‍നിന്നായി 3,800 കായികതാരങ്ങള്‍ 97 ഇനങ്ങളിലായി മത്സരിക്കും. ആദ്യ ദിനമായ ഇന്ന് 33 ഫൈനലുകള്‍ നടക്കും. 3,000 മീറ്റര്‍, ഹൈജംപ്, ലോംഗ്ജംപ്, 100 മീറ്റര്‍, ഹാമര്‍ ത്രോ, 400 മീറ്റര്‍ റിലേ മത്സരങ്ങള്‍ നടക്കും. പൊട്ടിപ്പൊളിഞ്ഞ സിന്തറ്റിക് ട്രാക്കില്‍ താരങ്ങളുടെ പ്രകടനം എത്രത്തോളം ഉയരുമെന്ന് ആശങ്കയുമുണ്ട്. മത്സരത്തിനു മുമ്പ് സിന്തറ്റിക് ട്രാക്കിന്‍റെ നവീകരണം പൂര്‍ത്തിയാകുമെന്നായിരുന്നു പ്രതീക്ഷയെങ്കിലും പ്രതികൂല കാലാവസ്ഥയില്‍ പണികള്‍ ആരംഭിക്കാന്‍ പോലും സാധിച്ചിട്ടില്ല. രാവിലെ മാര്‍ച്ച് പാസ്റ്റോടുകൂടി മത്സരങ്ങള്‍ ആരംഭിക്കും. ജില്ലാ ഉപവിദ്യാഭ്യാസ ഡയറക്ടര്‍ ഹണി ജെ. അലക്സാണ്ടര്‍ പതാക ഉയര്‍ത്തും. ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്യും. മാണി സി. കാപ്പന്‍ എംഎല്‍എ അധ്യക്ഷത വഹിക്കും. കഴിഞ്ഞ വര്‍ഷം പൂഞ്ഞാര്‍ എസ്എംവി സ്‌കൂളിന്‍റെ പോയിന്‍റില്‍ ഈരാറ്റുപേട്ട ഉപജില്ലയ്ക്കായിരുന്നു ചാമ്പ്യന്‍ഷിപ്പ്. ഇത്തവണ ഈരാറ്റുപേട്ട ഉപജില്ലയ്ക്ക് ശക്തമായ വെല്ലുവിളിയുമായി പാലാ ഉപജില്ല രംഗത്തുണ്ട്. പാലാ സെന്‍റ് തോമസ്, സെന്‍റ് മേരീസ്, ഭരണങ്ങാനം സ്‌കൂളുകളുടെ പിന്‍ബലത്തിലാണ് പാലായുടെ വെല്ലുവിളി, കുറുമ്പനാടം സെന്‍റ് പീറ്റേഴ്‌സ്, കോരുത്തോട് സികെഎം സ്‌കൂളുകളും ശക്തമായ മത്സരം കാഴ്ചവയ്ക്കാനായിട്ടാണ് എത്തുന്നത്. 17നു വൈകുന്നേരം നടക്കുന്ന സമാപന സമ്മേളനത്തില്‍ മന്ത്രി വി.എന്‍. വാസവന്‍ വിജയികള്‍ക്ക് സമ്മാനം നല്‍കും. ഇത്തവണ കായികതാരങ്ങള്‍ക്കും ഭക്ഷണം നല്‍കും പാലാ: ജില്ലാ സ്‌കൂള്‍ കായികമേളയില്‍ മത്സരിക്കുന്ന കുട്ടികള്‍ക്ക് ഇത്തവണ ഉച്ചഭക്ഷണം നല്‍കും. ഇന്നുമുതല്‍ വെള്ളിയാഴ്ച വരെ പാലാ നഗരസഭാ സിന്തറ്റിക് ട്രാക്ക് സ്റ്റേഡിയത്തിലാണ് കായികമേള നടക്കുന്നത്. അധ്യാപക സംഘടനയായ കെഎസ്ടിഎ ആണ് ഭക്ഷണത്തിന്‍റെ ചെലവ് വഹിക്കുന്നത്. ജില്ലയില്‍ ആദ്യമാണ് ജില്ലാ സ്‌കൂള്‍ കായികമേളയില്‍ കായികതാരങ്ങള്‍ക്ക് ഭക്ഷണം നല്‍കുന്നത്. സാധാരണ ഒഫീഷല്‍സിന് മാത്രമാണ് മേളയില്‍ ഭക്ഷണം നല്‍കിവന്നിരുന്നത്.

കോട്ടയം, ഇടുക്കി ജില്ലകളിലായി 21 പേരുടെ ജീവന്‍ കവര്‍ന്ന ഉരുള്‍പൊട്ടലിലും മഹാപ്രളയത്തിനും നാളെ നാലുവര്‍ഷം

മുണ്ടക്കയം: 2021 ഒക്‌ടോബര്‍ 16. ഓര്‍മയില്‍ കണ്ണീരും കറുപ്പും പതിയുന്ന ദിവസം. കോട്ടയം, ഇടുക്കി ജില്ലകളിലായി 21 പേരുടെ ജീവന്‍ കവര്‍ന്ന ഉരുള്‍പൊട്ടലിലും മഹാപ്രളയത്തിനും നാളെ നാലുവര്‍ഷം തികയുന്നു. ആ ശനിയാഴ്ച രാവിലെ എട്ടു മുതല്‍ കലിതുള്ളി പെയ്ത മഴയില്‍ കൊടുങ്ങ, ഇളംകാട്-വാഗമണ്‍ റോഡ്, പ്ലാപ്പള്ളി, മുക്കുളം പ്രദേശങ്ങളില്‍ ഒന്നിനു പുറകെ ഒന്നായി പതിനൊന്നിടത്ത് ഉരുള്‍പൊട്ടി. ഇരുള്‍ പരന്ന പകലില്‍ അയല്‍വാസികള്‍ക്ക് എന്തു സംഭവിച്ചു എന്നന്വേഷിക്കാന്‍ പോലുമാകാത്ത പെയ്ത്തായിരുന്നു. പുല്ലകയാറിന്‍റെയും മണിമലയാറിന്‍റെയും ചരിത്രത്തിലെ ഏറ്റവും വലിയ പ്രളയത്തിനാണ് രാവിലെ പതിനൊന്നു മുതല്‍ പ്ലാപ്പള്ളി, കൊക്കയാര്‍, കൂട്ടിക്കല്‍ പ്രദേശങ്ങളിലെ ഉരുള്‍പൊട്ടൽ വഴിയൊരുക്കിയത്. റോഡുകള്‍ ഒലിച്ചപോയും മല പോലെ മണ്ണും ചെളിയും മരങ്ങളും അടിഞ്ഞുകൂടിയും രക്ഷാപ്രവര്‍ത്തനം ദുഃസഹമായി. ഒപ്പം വൈദ്യുതിബന്ധവും നഷ്ടപ്പെട്ടു. വീടുകൾ മുങ്ങി മണിമലയാറിന്‍റെ തീരങ്ങളില്‍ 90 കിലോമീറ്റര്‍ ദൂരത്തില്‍ ആയിരക്കണക്കിനു വീടുകള്‍ വെള്ളത്തിലായി വീട്ടുപകരണങ്ങള്‍ നശിച്ചു. വീടുകളില്‍ ചെളിനിറഞ്ഞു. ദുരിതം പെയ്‌തൊഴിയാത്ത മലയോരഗ്രാമങ്ങളില്‍നിന്നു ദുരന്തത്തിനു പിന്നാലെ ഇരുന്നൂറിലധികം കുടുംബങ്ങള്‍ പലായനം ചെയ്തു. പലരും കൂട്ടിക്കല്‍ പ്രദേശങ്ങളില്‍ സുരക്ഷിതമായ മേഖലയില്‍ സ്ഥലം വാങ്ങി വീടുവച്ചു. പ്ലാപ്പള്ളി കാവാലിയില്‍ ഒരു കുടുംബത്തിലെ മൂന്നു കുട്ടികള്‍ ഉള്‍പ്പെടെ ആറു പേര്‍ക്കാണ് ജീവന്‍ നഷ്ടമായത്. ഇളംകാട്ടിലും കൊക്കയാറിലുമായി നിരവധി ജീവനുകളെ പ്രളയം കവര്‍ന്നു. മലയിടിച്ചിലിലും പ്രളയത്തിലും 135 വീടുകള്‍ പൂര്‍ണമായും 106 വീടുകള്‍ ഭാഗികമായും നശിച്ചു. ഇതില്‍ 74 പേര്‍ക്ക് വീടും സ്ഥലവും 41 പേര്‍ക്ക് വീടും പൂര്‍ണമായി നഷ്ടപ്പെട്ടു. വീടും സ്ഥലവും നഷ്ടപ്പെട്ട 60 പേര്‍ക്ക് ആറു ലക്ഷം രൂപ വീതവും വീട് മാത്രം നഷ്ടപ്പെട്ടവര്‍ക്ക് ഒരു ലക്ഷം രൂപ വീതവും നല്‍കി. തകർന്ന പാലങ്ങൾ ഏന്തയാര്‍ പാലം, പൂവഞ്ചി തൂക്കുപാലം, കൊക്കയാര്‍ പാലം, വെംബ്ലി കമ്യൂണിറ്റി ഹാള്‍ പാലം, നൂറേക്കര്‍ പാലം, തെരുവുപാറ പാലം, ഏന്തയാര്‍-മലയിഞ്ചി പാലം, കുപ്പയക്കുഴി പാലം, വെട്ടിക്കാനം നടപ്പാലം എന്നിവയെല്ലാം തകര്‍ന്നു. മുക്കുളം, വടക്കേമല, നാരകംപുഴ, കൊക്കയാര്‍, കുറ്റിപ്ലാങ്ങാട്, മേലോരം, എന്തയാര്‍, പൂവഞ്ചി എന്നിവിടങ്ങളില്‍ റോഡുകള്‍ ഒലിച്ചുപോയി. സർക്കാരും സന്നദ്ധസംഘടനകളും ഇരുന്നൂറോളം വീടുകള്‍ പണിതു നല്‍കി. പാലങ്ങളും റോഡുകളും ഏറെയും പുനര്‍നിര്‍മിച്ചു. വീടുകള്‍ തകര്‍ന്ന ഒട്ടേറെ കുടുംബങ്ങള്‍ രണ്ടു മാസത്തോളം ദുരിതാശ്വസ ക്യാന്പിലായിരുന്നു. മാക്കൊച്ചി, വടക്കേമല, മുക്കുളം, അഴങ്ങാട് എന്നിവിടങ്ങളിലെ 180 കുടുംബങ്ങള്‍ ഇപ്പോഴും ഉരുള്‍പൊട്ടല്‍ ഭീഷണിലാണ്. മുക്കുളം, പൂവഞ്ചി, വെംബ്ലി അഴങ്ങാട്, മേലോരം, കൊക്കയാര്‍, കുറ്റിപ്ലാങ്ങാട്, വെബ്ലി, നാരകംപുഴ, കനകപുരം ഗ്രാമങ്ങള്‍ ആഘാതത്തില്‍നിന്നു കരകയറിയിട്ടില്ല. 400 ഹെക്ടര്‍ സ്ഥലത്തെ കൃഷി ദുരന്തത്തില്‍ നശിച്ചു.

കൊഴുവനാൽ-ചൂരക്കൽ റോഡ് നിർമാണം തുടങ്ങി

കൊഴുവനാൽ: ഏറെക്കാലത്തെ കാത്തിരിപ്പിനു ശേഷം കൊഴുവനാൽ-ചൂരക്കൽ കിഴക്കേകുറ്റ് റോഡ് നിർമാണത്തിനു തുടക്കം. നിരവധി കുടുംബങ്ങളുടെ യാത്രാദുരിതത്തിന് ഇതോടെ പരിഹാരമാകും. ജില്ലാ പഞ്ചായത്തംഗം ജോസ്മോൻ മുണ്ടയ്ക്കലിന്‍റെ പ്രാദേശിക വികസന ഫണ്ടിൽനിന്ന് അനുവദിച്ച തുക വിനിയോഗിച്ചാണ് കൊഴുവനാൽ പഞ്ചായത്ത് 11-ാം വാർഡിലെ റോഡ് നിർമിക്കുന്നത്. റോഡ് വിഷയം ജില്ലാ പഞ്ചായത്ത്‌ അംഗത്തിന്‍റെ ശ്രദ്ധയിൽ കൊണ്ടുവന്ന പഞ്ചായത്ത്‌ അംഗം ‌പി.സി. ജോസഫിനെ ചടങ്ങിൽ അനുമോദിച്ചു.

ഈരാറ്റുപേട്ട ടൗണിൽ വഴിയോര കച്ചവടവും ഫുട്പാത്ത് പാർക്കിംഗും

ഈരാറ്റുപേട്ട: നഗരസഭാ പരിധിയിൽ ടൗണിലെ വഴിയോര കച്ചവടവും ഫുട്പാത്ത് പാർക്കിംഗും കാൽനടയാത്രക്കാർക്ക് ദുരിതമാകുന്നു. പ്രൈവറ്റ് ബസ് സ്റ്റാൻഡ് മുതൽ തെക്കേക്കര ചേന്നാട് കവല വരെയും സെൻട്രൽ ജംഗ്ഷനിൽ കടുവാമൂഴി വരെയും വഴിയോര കച്ചവടം തകൃതിയായി നടക്കുകയാണ്. ഉന്തുവണ്ടികളിലുള്ള കച്ചവടം ടൗണിൽ നിരോധിച്ചിട്ടെണ്ടന്നു നഗരസഭാ അധികൃതർ പറയുമ്പോഴും ദിനംപ്രതി കച്ചവടക്കാരുടെ എണ്ണം വർധിക്കുകയാണ്. അരുവിത്തുറ പള്ളി, ചേന്നാട് കവല, സെൻട്രൽ ജംഗഷനു സമീപം എന്നിവിടങ്ങളിലാണ് ഫുട്പാത്ത് കൈയേറി കച്ചവടം. ഫുട്പാത്ത് കൈയേറി വാഹന പാർക്കിംഗ് സാധാരണ സംഭവമാണ്. സിറ്റി ടവറിനു മുന്പിലെ ഫുട്പാത്തിൽ ഒരേസമയം നാലും അഞ്ചും കാറുകളാണ് പാർക്ക് ചെയ്യുന്നത്. ഇവിടെ ഫുട്പാത്തിൽ കാർ പാർക്ക് ചെയ്യുന്നതിനാൽ കാൽനടയാത്രക്കാരും വിദ്യാർഥികളും റോഡിലൂടെ സഞ്ചരിക്കേണ്ട അവസ്ഥയാണ്. റോഡ് വീതി കൂട്ടി ആധുനിക രീതിയിൽ ടാറിംഗ് നടത്തിയതിന്‍റെ പ്രയോജനം ലഭിക്കുന്നില്ലെന്നെ പരാതി ഉയരുകയാണ്.

നഗരം നിറഞ്ഞ് നായപ്പട; ഇറങ്ങാൻ പേടിച്ച് ജനം

പാലാ: തെരുവുനായശല്യം അതിരൂക്ഷമായതോടെ പൊറുതിമുട്ടി ജനം. എട്ടും പത്തും നായ്ക്കള്‍ കൂട്ടമായാണ് പാലാ നഗരത്തിലൂടെ അലഞ്ഞുതിരിയുന്നത്. സ്‌കൂളുകളും ആരാധനാലങ്ങളും മാത്രമല്ല വ്യാപാരസ്ഥാപനങ്ങളും മറ്റു സ്ഥാപനങ്ങളും ആശുപത്രികളും വരെ ഇവയുടെ വിഹാരകേന്ദ്രമായി മാറി. പാലാ മുനസിപ്പല്‍ ഓഫീസ് സ്ഥിതി ചെയ്യുന്ന കോംപ്ലക്സിലും തെരുവുനായശല്യം കടുത്തു. ഈ കെട്ടിട സമുച്ചയത്തിന്‍റെ ഒന്നാം നിലയിലേക്കും രണ്ടാം നിലയിലേക്കും കയറിപ്പോകുന്ന ഗോവണിപ്പടികള്‍ വരെ തെരുവുനായ്ക്കള്‍ കൈയടക്കിയിരിക്കുകയാണ്. ഇവിടെയാണ് തെരുവുനായ്ക്കളുടെ പ്രധാന വിശ്രമതാവളം. ഇടപാടുകാർ മടിക്കുന്നു വിവിധ ആവശ്യങ്ങള്‍ക്കായി നഗരസഭാ കോംപ്ലക്സിലെ സ്ഥാപനങ്ങളില്‍ എത്തുന്നവര്‍ ഭയത്തോടെയാണ് മുകള്‍ നിലകളിലേക്കു കയറിപ്പോകുന്നത്. ഇവിടെ ആളുകളെ തെരുവുനായ്ക്കള്‍ ആക്രമിച്ച സംഭവങ്ങളും ഉണ്ടായിട്ടുണ്ട്. കഴിഞ്ഞ ദിവസം യുവാവിനു തെരുവുനായയുടെ കടിയേറ്റു. ഈ കോംപ്ലക്‌സിലെ സ്ഥാപന ഉടമകള്‍ പലതവണ അധികൃതര്‍ക്കു പരാതി നല്‍കിയെങ്കിലും ഒരു നടപടിയുമില്ല. തെരുവുനായ്ക്കളെ നിയന്ത്രിക്കാൻ യാതൊരു നീക്കവും ഉണ്ടാകുന്നില്ല. ഇടപാടുകാർ തെരുവുനായ്ക്കളെ പേടിച്ച് ഇവിടത്തെ വ്യാപാര സ്ഥാപനങ്ങളില്‍ വരാന്‍ മടിക്കുകയാണെന്നും വ്യാപാരികളും സ്ഥാപന ഉടമകളും പറയുന്നു.

ഉഴവൂര്‌, ളാലം ബ്ലോക്കുകളിലെ പഞ്ചായത്തുകളിൽ സംവരണ വാര്‍ഡുകള്‍ നിശ്ചയിച്ചു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ 19 പഞ്ചായത്തുകളില്‍കൂടി സംവരണ വാര്‍ഡുകള്‍ നിശ്ചയിച്ചു. ഉഴവൂര്‍, ളാലം, മാടപ്പള്ളി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ സംവരണ വാര്‍ഡുകളുടെ നറുക്കെടുപ്പാണ് ജില്ലാ കളക്‌ടര്‍ ചേതന്‍ കുമാര്‍ മീണയുടെ നേതൃത്വത്തില്‍ നടന്നത്. ഇതോടെ ജില്ലയിലെ 37 പഞ്ചായത്തുകളില്‍ സംവരണ വാര്‍ഡ് നിര്‍ണയം പൂര്‍ത്തിയായി. മുത്തോലി പട്ടികജാതി സംവരണം: അള്ളുങ്കല്‍ക്കുന്ന് (3). സ്ത്രീ സംവരണം: പടിഞ്ഞാറ്റിന്‍കര (1), കടപ്പാട്ടൂര്‍ (6), വെള്ളിയേപ്പള്ളി (7), മീനച്ചില്‍ (8), പന്തത്തല (9), മുത്തോലി (10), മുത്തോലി സൗത്ത് (11). കടനാട് പട്ടികജാതി സംവരണം: മേരിലാൻഡ് (5). സ്ത്രീ സംവരണം: നീലൂര്‍ (3), എലിവാലി (7), വാളികുളം (9), കൊല്ലപ്പളളി (10), ഐങ്കൊമ്പ് (11), കടനാട് (12), കാവുംകണ്ടം (13), വല്യാത്ത് (14). കരൂര്‍ പട്ടികജാതി സ്ത്രീ സംവരണം: ചെറുകര (12). പട്ടികജാതി സംവരണം: അന്തീനാട് വെസ്റ്റ് (6). സ്ത്രീ സംവരണം: കുടക്കച്ചിറ ഈസ്റ്റ് (1), പയപ്പാര്‍ (4), പോണാട് (8), വള്ളിച്ചിറ ഈസ്റ്റ് (10), വള്ളിച്ചിറ വെസ്റ്റ് (11), വലവൂര്‍ ഈസ്റ്റ് (15), വലവൂര്‍ വെസ്റ്റ് (16), കുടക്കച്ചിറ വെസ്റ്റ് (17). മീനച്ചിൽ പട്ടികജാതി സംവരണം: വിലങ്ങുപാറ (3). സ്ത്രീ സംവരണം: കിഴപറയാര്‍ (2), ഇടമറ്റം (4), ചാത്തന്‍കുളം (6), പൈക (8), പൂവരണി (9), കൊച്ചുകൊട്ടാരം (11), പാലാക്കാട് (12). കൊഴുവനാല്‍ പട്ടികജാതി സംവരണം: മൂലേത്തുണ്ടി (7). സ്ത്രീ സംവരണം: ചേര്‍പ്പുങ്കല്‍ (1), മേവട ഈസ്റ്റ് (3), മോനിപ്പള്ളി (4), മേവിട (5), തോടനാല്‍ ഈസ്റ്റ് (8), കൊഴുവനാല്‍ ടൗണ്‍ (12), കെഴുവംകുളം വെസ്റ്റ് (14). ഭരണങ്ങാനം പട്ടികജാതി സംവരണം: ഉള്ളനാട് (2). സ്ത്രീ സംവരണം: വേഴങ്ങാനം (6), ചൂണ്ടച്ചേരി (7), ഭരണങ്ങാനം വെസ്റ്റ് (9), ഇടപ്പാടി (10), അരീപ്പാറ (11), പാമ്പൂരാംപാറ (12), ഇളംന്തോട്ടം (13). വെളിയന്നൂര്‍ പട്ടികജാതി സംവരണം: അരീക്കര (10). സ്ത്രീ സംവരണം: കാഞ്ഞിരമല (1), പന്നപ്പുറം (2), വെളിയന്നൂര്‍ (3), ചൂഴികുന്നുമല (4), താമരക്കാട് (5), കീരിപ്പേല്‍മല (9), വന്ദേമാതരം (11). കുറവിലങ്ങാട് പട്ടികജാതി സംവരണം: കളത്തൂര്‍ (10). സ്ത്രീ സംവരണം: ജയ്ഗിരി (1), ക്ലാരറ്റ് ഭവന്‍ (7), കാളികാവ് (8), നസ്രത്ത് ഹില്‍ (11), പകലോമറ്റം (12), പള്ളിയമ്പ് (13), തോട്ടുവ (14), കാളിയാര്‍തോട്ടം (15). ഉഴവൂര്‍ പട്ടികജാതി സംവരണം: പുല്‍പ്പാറ (7). സ്ത്രീ സംവരണം: ആച്ചിക്കല്‍ (1), കുടുക്കപ്പാറ (2), അരീക്കര (4), നെടുമ്പാറ (5), ഉഴവൂര്‍ ടൗണ്‍ (8), ചേറ്റുകുളം (11), മോനിപ്പള്ളി ടൗണ്‍ (14). രാമപുരം പട്ടികജാതി സംവരണം: ജിവി സ്‌കൂള്‍ വാര്‍ഡ് (8). സ്ത്രീ സംവരണം: മേതിരി (1), കിഴതിരി (3), മുല്ലമറ്റം (4), രാമപുരം ബസാര്‍ (5), മരങ്ങാട് (6), ടൗണ്‍ ഈസ്റ്റ് വാര്‍ഡ് (7), ചിറകണ്ടം (11), വെള്ളിലാപ്പിള്ളി (14), പാലവേലി (15), ചേറ്റുകുളം (17) കടപ്ലാമറ്റം പട്ടികജാതി സ്ത്രീ സംവരണം: കിഴക്കേ മാറിയിടം (6). പട്ടികജാതി സംവരണം: നെച്ചിമറ്റം (1). സ്ത്രീ സംവരണം: ഇലയ്ക്കാട് (2), കുണുക്കുംപാറ (3), മാറിയിടം (8), എല്‍പി സ്‌കൂള്‍ വാര്‍ഡ് (10), വയലാ ടൗണ്‍ (13), നെല്ലിക്കുന്ന് (14). മരങ്ങാട്ടുപിള്ളി പട്ടികജാതി സംവരണം: ആലയ്ക്കാപ്പിള്ളി (8). സ്ത്രീ സംവരണം: കുറിച്ചിത്താനം ഈസ്റ്റ് (3), നെല്ലിത്താനത്തുമല (4), ഇരുമുഖം (5), മരങ്ങാട്ടുപള്ളി ടൗണ്‍ (9), മണ്ണയ്ക്കനാട് (11), വലിയപാറ (12), വളകുളി (14), പാവയ്ക്കല്‍ (15). കാണക്കാരി പട്ടികജാതി സംവരണം: വട്ടുകുളം (4). സ്ത്രീ സംവരണം: വെമ്പള്ളി (2), പട്ടിത്താനം (8), ആശുപത്രിപ്പടി (9), ചിറക്കുളം (10), കാണക്കാരി ഗവൺമെന്‍റ് സ്‌കൂൾ (11), കല്ലമ്പാറ (14), കദളിക്കവല (15), ചാത്തമല (16), കാണക്കാരി (17). മാഞ്ഞൂർ പട്ടികജാതി സംവരണം: ചാമക്കാല (14). സ്ത്രീ സംവരണം: ഇരവിമംഗലം (2), കാഞ്ഞിരത്താനം (4), സ്ലീവാപുരം (5), ഓമല്ലൂർ (6), നമ്പ്യാകുളം (8), കോതനല്ലൂർ ടൗൺ (9), കോതനല്ലൂർ (10), മാഞ്ഞൂർ (11), റെയിൽവേ സ്റ്റേഷൻ (12), മാഞ്ഞൂർ സെൻട്രൽ (13). സംവരണ വാര്‍ഡുകള്‍: ഇന്നത്തെ നറുക്കെടുപ്പ് കോട്ടയം: തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പില്‍ ഈരാറ്റുപേട്ട, പാമ്പാടി ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ വാര്‍ഡുകളുടെ സംവരണക്രമം നിശ്ചയിക്കുന്നതിനുള്ള നറുക്കെടുപ്പ് ഇന്നു നടക്കും. കളക്‌ടറേറ്റിലെ വിപഞ്ചിക ഹാളില്‍ രാവിലെ പത്തു മുതലാണ് നറുക്കെടുപ്പ്.

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന്

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന് കുട്ടികളുടെ ദിനമായി ആചരിക്കും. രാവിലെ ഒമ്പതിന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജോണ്‍ മണാങ്കല്‍. 10.30ന് കരിസ്മാറ്റിക് പ്രേഷിത സംഗമം. 11ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - റവ. ഡോ. ജോസഫ് അരിമറ്റം. ഉച്ചകഴിഞ്ഞ് 2.15ന് തീര്‍ഥാടനം - സെന്‍റ് മര്‍ത്താസ് കോണ്‍ഗ്രിഗേഷന്‍. 2.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജോസ് തറപ്പേല്‍. വൈകുന്നേരം 4.15ന് തിരുസ്വരൂപ പ്രതിഷ്ഠ. 4.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - മോണ്‍. സെബാസ്റ്റ്യന്‍ വേത്താനത്ത്. രാത്രി ആറിന് പുറത്ത് നമസ്‌കാരം - ഫാ. മാത്യു വെണ്ണായിപ്പള്ളില്‍. 6.30ന് പ്രദക്ഷിണം.

പാർശ്വവത്കരിക്കപ്പെട്ടവരെ മുഖ്യധാരയിലെത്തിക്കണം: മോൺ. സെബാസ്റ്റ്യൻ വേത്താനത്ത്

കുറവിലങ്ങാട്: പാർശ്വവത്കരിക്കപ്പെട്ടവരുടെ പക്ഷംചേർന്ന് അവരെ മുഖ്യധാരയിലെത്തിക്കണമെന്ന് പാലാ രൂപത വികാരി ജനറാൾ മോൺ. സെബാസ്റ്റ്യൻ വേത്താനത്ത്. വാഴ്ത്തപ്പെട്ട കുഞ്ഞച്ചൻ തീർഥാടനത്തോടനുബന്ധിച്ച് പാലാ രൂപത ഡിസിഎംഎസ് കമ്മിറ്റി നടത്തിയ വാഹന വിളംബര റാലിക്ക് കുറവിലങ്ങാട്ട് നൽകിയ സ്വീകരണത്തിൽ സന്ദേശം നൽകുകയായിരുന്നു അദ്ദേഹം. നൂറുകണക്കിനാളുകൾ ചേർന്ന് റാലിയെ വരവേറ്റു. രൂപത അസി. ഡയറക്ടർ ഫാ. മാണി കൊഴുപ്പൻകുറ്റി, രൂപത പ്രസിഡന്‍റ് ബിനോയി ജോൺ, മേഖലാ ഡയറക്ടർ ഫാ. തോമസ് താന്നിമലയിൽ, ഭാരവാഹികളായ സി.ഒ. വർക്കി, പെണ്ണമ്മ ചിരട്ടോലിക്കൽ തുടങ്ങിയവർ പ്രസംഗിച്ചു.

കാഞ്ഞിരപ്പള്ളി ഉപജില്ലാ സ്കൂൾ ശാസ്ത്രോത്സവം: സെന്‍റ് ഡൊമിനിക്സ് എച്ച്എസ്എസ് ഓവറോൾ ജേതാക്കൾ

കാഞ്ഞിരപ്പള്ളി: ഉപജില്ലാ സ്കൂൾ ശാസ്ത്രോത്സവത്തിൽ സെന്‍റ് ഡൊമിനിക്സ് ഹയർ സെക്കൻഡറി സ്കൂൾ ഓവറോൾ ചാമ്പ്യന്മാരായി. ബെസ്റ്റ് സ്കൂൾ വർക്ക് എക്സ്പീരിയൻസ് ഫെയർ, ബെസ്റ്റ് സ്കൂൾ സോഷ്യൽ സയൻസ് ഫെയർ, ബെസ്റ്റ് സ്കൂൾ മാത്‌സ് ഫെയർ, ബെസ്റ്റ് സ്കൂൾ എച്ച്എസ്എസ് വർക്ക് എക്സ്പീരിയൻസ്, ബെസ്റ്റ് സ്കൂൾ എച്ച്എസ്എസ് സോഷ്യൽ സയൻസ് ഫെയർ, ബെസ്റ്റ് സ്കൂൾ എച്ച്എസ്എസ് മാത്‌സ് ഫെയർ, ബെസ്റ്റ് സ്കൂൾ എച്ച്എസ്എസ് സയൻസ് ഫെയർ തുടങ്ങിയ വിഭാഗങ്ങളിൽ ഒന്നാം സ്ഥാനം നേടി. കൂടാതെ സയൻസ് ഫെയർ, ഐടി ഫെയർ, എച്ച്എസ് വർക്ക് എക്സ്പീരിയൻസ്, എച്ച്എസ് മാത്‌സ് ഫെയർ എന്നീ വിഭാഗങ്ങളിൽ റണ്ണറപ്പുമായി. ഹെഡ്മാസ്റ്റർ പി.ജെ. തോമസ്, പ്രിൻസിപ്പൽ മേഴ്സി ജോൺ, അധ്യാപകർ എന്നിവരുടെ നേതൃത്വത്തിലാണ് വിദ്യാർഥികൾ അഭിമാനകരമായ നേട്ടം കൈവരിച്ചത്.

പൊടിമറ്റം ബൈബിള്‍ കണ്‍വന്‍ഷൻ‌: ഒരുക്കങ്ങൾ തുടങ്ങി

കാഞ്ഞിരപ്പള്ളി: പൊടിമറ്റം സെന്‍റ് ജോസഫ്‌സ് മൗണ്ട് ധ്യാനകേന്ദ്രത്തില്‍ നടക്കുന്ന 35-ാമത് പൊടിമറ്റം ബൈബിള്‍ കണ്‍വന്‍ഷനുള്ള ഒരുക്കങ്ങള്‍ തുടങ്ങി. നവംബര്‍ 27 മുതല്‍ 30 വരെ വൈകുന്നേരം നാലുമുതല്‍ ഒന്പതുവരെ നടത്തുന്ന കണ്‍വന്‍ഷന്‍ കോഴിക്കോട് ഹോളി സ്പിരിറ്റ് മിനിസ്ട്രിയിലെ ഫാ. അലോഷ്യസ് കുളങ്ങര നയിക്കും. ഇടവക വികാരിയും ധ്യാനകേന്ദ്രം ഡയറക്ടറുമായ ഫാ. സജി പൂവത്തുകാടിന്‍റെ അധ്യക്ഷയില്‍ ചേര്‍ന്ന യോഗത്തില്‍ വിവിധ കമ്മിറ്റികളെ തെരഞ്ഞെടുത്ത് പ്രവര്‍ത്തനം ആരംഭിച്ചു. രാജു കൊണ്ടൂമല, ജ്യോതിഷ് ജോസഫ് എന്നിവരെ കണ്‍വീനര്‍മാരായും ജോസ് നെല്ലിമല, ജോര്‍ജ് അരീക്കാട്ടില്‍, ബിനോയ് കണ്ണംകുളം, കുര്യന്‍ നെല്ലിമല, സാബു തൈപ്പറമ്പില്‍, ഷാജി ചെമ്മുഴിക്കാട്, മാത്യു വാഴേപ്പറമ്പില്‍, ബാബു ബംഗ്ലാവുപറമ്പില്‍, ജെയ്‌സ് ആനിക്കല്‍, ബേബി പാറാംതോട്ടില്‍, ജോസ് ആനിക്കല്‍, ജോസ് കുളമറ്റം, മര്‍ക്കോസ് പത്താശേരി, മരിയ ജോസഫ് കുന്നപ്പള്ളി, സാറാമ്മ ജോസ് ആനിക്കല്‍, ഷീനാ ജസ്റ്റിന്‍ ചന്ദ്രൂപ്പറമ്പില്‍ തുടങ്ങിയവര്‍ വിവിധ സബ് കമ്മിറ്റി കണ്‍വീനറുമായ 101 അംഗ കമ്മിറ്റിയെ തെരഞ്ഞെടുത്തു. പാരിഷ് കൗണ്‍സില്‍ സെക്രട്ടറി ജയിംസ് പറപ്പള്ളില്‍, സാമ്പത്തിക സമിതി സെക്രട്ടറി ബെന്നി പാമ്പാടിയില്‍ എന്നിവര്‍ പ്രസംഗിച്ചു.

മാങ്ങാപ്പാറയിലെ പാറമട ഇനി അനങ്ങാപ്പാറയല്ല!

പാറത്തോട്: പ്രകൃതിദുരന്ത സാധ്യതകളേറെയുള്ള ചിറ്റടി മാങ്ങാപ്പാറയില്‍ പാറമടയുടെ പ്രവര്‍ത്തനം പുനരാരംഭിക്കാനുള്ള നീക്കം ഉപേക്ഷിക്കണമെന്ന് നാട്ടുകാര്‍. ഇതു സംബന്ധിച്ചു നിര്‍മലാരാം വെല്‍ഫെയര്‍ അസോസിയേഷന്‍ പഞ്ചായത്തിന് പരാതി നല്‍കി. 60 ഡിഗ്രിയിലധികം ചെരിവുള്ള പ്രദേശത്തു കനത്ത മഴയുണ്ടായാല്‍ പ്രകൃതിദുരന്ത സാധ്യതകളുമേറെയാണ്. മുന്പും ഇവിടെ കനത്ത മഴയില്‍ ഉരുള്‍പൊട്ടലും മണ്ണിടിച്ചിലുമുണ്ടായിട്ടുണ്ട്. തോടും മുണ്ടമറ്റം കുടിവെള്ള പദ്ധതിയുടെ കുടിവെള്ള സ്രോതസും ഈ പാറമടയ്ക്ക് 45 മീറ്ററോളം ദൂരത്തിലാണ് സ്ഥിതി ചെയ്യുന്നത്. ആശങ്കയിൽ നാട്ടുകാർ 2024 ഓഗസ്റ്റ് 16ന് പാറമട പ്രവര്‍ത്തിച്ചിരുന്നതിനു മുകള്‍ഭാഗത്ത് ഉരുള്‍പൊട്ടലുണ്ടായതിനെത്തുടര്‍ന്നാണ് പാറമടയുടെ പ്രവര്‍ത്തനം നിര്‍ത്തലാക്കിയത്. എന്നാല്‍, പാറമട വീണ്ടും തുടങ്ങാനുള്ള നീക്കം പുനരാരംഭിച്ചതോടെയാണ് നാട്ടുകാര്‍ രംഗത്തെത്തിയത്. പാറമടയിലെ വാഹനങ്ങള്‍ ഓടേണ്ടതു പ്രദേശത്തെ വീതി കുറഞ്ഞ റോഡിലൂടെയാണ്. പാറമടയെ സംബന്ധിക്കുന്ന പല നിയമങ്ങളും കാറ്റില്‍പറത്തിയാണ് വീണ്ടും പ്രവര്‍ത്തനം തുടങ്ങാന്‍ ശ്രമം നടക്കുന്നതെന്നു പ്രദേശവാസികള്‍ ആരോപിക്കുന്നു. പ്രകൃതി ദുരന്തസാഹചര്യം നിലനില്‍ക്കുന്ന പ്രദേശമാണിതെന്നും പാറമടയുടെ പ്രവര്‍ത്തനം പ്രകൃതി ദുരന്തങ്ങള്‍ക്കു വഴിവയ്ക്കുമെന്നുമാണ് നാട്ടുകാരുടെ ആശങ്ക. കഴിഞ്ഞ മാര്‍ച്ചില്‍ ജില്ലാ ദുരന്തനിവാരണ അഥോറിറ്റി പ്രദേശത്ത് ഉരുള്‍പൊട്ടല്‍ പ്രതിരോധ തയാറെടുപ്പുകള്‍ക്കായി മോക്ഡ്രില്ലും നടത്തിയിരുന്നു. പാറമടയ്ക്കെതിരേ നിലവില്‍ നല്‍കിയിരിക്കുന്ന സ്റ്റോപ്പ് മെമ്മോ പിന്‍വലിക്കരുതെന്നാണ് നാട്ടുകാരുടെ ആവശ്യമെന്ന് അസോസിയേഷന്‍ പ്രസിഡന്‍റ് ജോസി ജോസ് പറഞ്ഞു.

പരിശ്രമങ്ങൾ വിഫലം; പ്രശാന്ത് യാത്രയായി

മുണ്ടക്കയം: നാടൊന്നാകെ കൈകോർത്ത് വൃക്ക മാറ്റിവച്ച യുവാവ് മരണപ്പെട്ടു. പുലിക്കുന്ന് വട്ടക്കാവിൽ കുട്ടി-മോളി ദമ്പതികളുടെ മകൻ വി.കെ. പ്രശാന്ത് (39) ആണ് ഇന്നലെ കോട്ടയം മെഡിക്കൽ കോളജിൽ മരിച്ചത്. രണ്ടു വർഷം മുമ്പാണ് പ്രശാന്തിന് വൃക്കരോഗം പിടിപ്പെട്ടത്. പിന്നീട് നാടൊന്നാകെ കൈകോർത്ത് 12 ലക്ഷത്തോളം രൂപ മുടക്കി വൃക്ക മാറ്റിവച്ചു. കുറച്ചു നാളുകളായി കുട്ടിക്കാനത്തെ സ്വകാര്യ ഹോട്ടലിൽ ജോലി ചെയ്തു വരിയായിരുന്നു. ശ്വാസതടസമുണ്ടാവുകയും ന്യുമോണിയ ബാധിക്കുകയും വാൽവിന് തകരാർ സംഭവിക്കുകയുമായിരുന്നു. ഇതിനിടെ രണ്ടാമത്തെ വൃക്കയും പ്രവർത്തനരഹിതമായി. പാലായിലെ സ്വകാര്യ ആശുപത്രിയിലും തുടർന്ന് കോട്ടയം മെഡിക്കൽ കോളജിലും ചികിത്സ തേടിയെങ്കിലും മരണം സംഭവിച്ചു. സംസ്കാരം ഇന്ന് ഉച്ചകഴിഞ്ഞ് രണ്ടിന് വീട്ടുവളപ്പിൽ നടക്കും. ഭാര്യ ദേവൂട്ടി മണ്ണടിശാല താന്നിക്കൽ പുരയിടത്തിൽ കുടുംബാംഗം. മക്കൾ: ആദിനാഥ്, നിള, വൈദവ്.

മലയോരത്തിന്‍റെ ആദ്യകാല കായികതാരം വിടവാങ്ങി

പറത്താനം: മലയോര മേഖലയിലെ ആദ്യകാല കായികതാരം പറത്താനം മടിയ്ക്കയാങ്കൽ എം.സി. സെബാസ്റ്റ്യൻ (ഷാജി-59) വിടവാങ്ങി. 1985-90 കാലഘട്ടങ്ങളിൽ ഏഷ്യൻ ഗെയിംസ്, സാഫ് ഗെയിംസ് എന്നിവയിൽ പങ്കെടുത്ത് മെഡൽ നേട്ടം കൈവരിച്ചു. ലോംഗ്ജംപിൽ ടി.സി. യോഹന്നാന്‍റെ റിക്കാർഡ് ഭേദിച്ച് എം.സി. സെബാസ്റ്റ്യൻ നാഷണൽ ചാമ്പ്യനായി. കൂട്ടിക്കൽ സെന്‍റ ജോർജ് ഹൈസ്കൂളിലായിരുന്നു പ്രാഥമിക വിദ്യാഭ്യാസം. പിന്നീട് റെയിൽവേയിൽ ജോലി ചെയ്തിരുന്ന എം.സി. സെബാസ്റ്റ്യൻ ശാരീരിക ബുദ്ധിമുട്ടുകളെത്തുടർന്ന് നാല് വർഷങ്ങൾ മുമ്പ് വിആർഎസ് എടുത്തിരുന്നു. സംസ്കാരം ശനിയാഴ്ച നടക്കും.

നൂതന പഴവർഗവിളകൾ: പഠന പരിപാടി സംഘടിപ്പിച്ചു

എലിക്കുളം: കൃഷിഭവൻ അഗ്രികൾച്ചറൽ ടെക്നോളജി മാനേജ്മെന്‍റ് ഏജൻസിയുമായി സഹകരിച്ച് "നൂതന പഴവർഗവിളകൾ അറിയേണ്ടവ' എന്ന വിഷയത്തിൽ കാർഷിക പഠന പരിപാടി സംഘടിപ്പിച്ചു. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി ഉദ്ഘാടനം ചെയ്തു. എലിക്കുളം പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ എസ്. ഷാജി അധ്യക്ഷത വഹിച്ചു. എലിക്കുളം കൃഷി ഓഫീസർ കെ. പ്രവീൺ, അസിസ്റ്റന്‍റ് കൃഷി ഓഫീസർ എ.ജെ. അലക്സ് റോയ്, ആത്മ-ബിടിഎം ഡയാന സക്കറിയ, സലേഷ് ആന്‍റണി പുതുവയലിൽ, ടോമു ജോസ് ചൂനാട്ട് തുടങ്ങിയവർ പ്രസംഗിച്ചു. കാഞ്ഞിരപ്പള്ളി ഹോം ഗ്രോൺ അഗ്രി ബയോടെക്കിലെ ഫാക്കൽട്ടി വി.സി. സെബാസ്റ്റ്യൻ പഠനപരിപാടികൾക്ക് നേതൃത്വം നൽകി.

ബിഎസ്എൻഎൽ ഓഫീസിന്‍റെ മതിൽക്കെട്ട് ഇടിഞ്ഞുവീണു

എരുമേലി: നെടുനീളത്തിൽ വിണ്ടുകീറി പിളർന്ന് ചെരിഞ്ഞ നിലയിൽ അപകടത്തിലായ എരുമേലി ബിഎസ്എൻഎൽ ഓഫീസിന്‍റെ മതിൽക്കെട്ടിന്‍റെ ഏതാനും ഭാഗം ഇടിഞ്ഞു വീണു. ബാക്കി ഭാഗം ഉടനെ ഇടിഞ്ഞു വീഴുന്ന നിലയിൽ. എരുമേലി പഞ്ചായത്ത്‌ ഓഫീസിനടുത്ത് റോഡരികിലാണ് എപ്പോൾ വേണമെങ്കിലും പൊളിഞ്ഞുവീഴുന്ന നിലയിൽ ഉയരത്തിലുള്ള ചുറ്റുമതിലുള്ളത്. റോഡിലേക്ക് ചെരിഞ്ഞ നിലയിലാണ് 20 അടിയോളം ഉയരമുള്ള മതിൽ. കാലപ്പഴക്കം മൂലം പല ഭാഗത്തും വിള്ളലുകൾ പ്രകടമാണ്. മതിലിനോട് ചേർന്നുള്ള തൂണ് മതിലിൽനിന്നു വേർപെട്ട നിലയിലാണ്. കനത്ത മഴ തുടരുന്ന സാഹചര്യമായതിനാൽ ഏത് സമയത്തും മതിൽ റോഡിലേക്ക് ഇടിഞ്ഞു വീഴാം. അപകട സാഹചര്യം അറിയിച്ചിട്ടും ബിഎസ്എൻഎൽ അധികൃതർ അറിഞ്ഞ ഭാവം പോലും നടിക്കുന്നില്ലെന്ന് ഡിവൈഎഫ്ഐ മേഖലാ കമ്മിറ്റി ഭാരവാഹികൾ പറയുന്നു. യാത്രക്കാരും വാഹനങ്ങളും നിറയുന്ന റോഡിൽ മതിൽ ഇടിഞ്ഞു വീണാൽ അപകടമുണ്ടാകുമെന്നതിനാൽ അടിയന്തര നടപടികൾ ബിഎസ്എൻഎൽ അധികൃതർ സ്വീകരിക്കണമെന്ന് ഡിവൈഎഫ്ഐ മേഖലാ കമ്മിറ്റി ആവശ്യപ്പെട്ടു.

പള്ളിപ്പടിപാലം അപകടാവസ്ഥയിൽ; പുനർനിർമിക്കണമെന്ന ആവശ്യം ശക്തം

കോരുത്തോട്: ദിവസേന നൂറുകണക്കിന് വാഹനങ്ങൾ കടന്നുപോകുന്ന മുണ്ടക്കയം -കോരുത്തോട് റോഡിൽ പള്ളിപ്പടിക്ക് സമീപത്തെ പാലം അപകടാവസ്ഥയിൽ. 1971ൽ നിർമിച്ച പാലത്തിന്‍റെ അടിവശത്ത് കോൺക്രീറ്റിംഗ് തകർന്ന് കമ്പികൾ തെളിഞ്ഞ നിലയിലാണ്. വാഹനഗതാഗതം പരിമിതമായ കാലത്ത് നിർമിച്ച പാലത്തിന് വീതി തീർത്തും കുറവാണ്. കൂടാതെ പള്ളിപ്പടി പാലത്തിന്‍റെ തൂണുകളുടെ കൽക്കെട്ടുകൾക്കും ബലക്ഷയം സംഭവിച്ചിട്ടുണ്ട്. മുൻ വർഷങ്ങളിലുണ്ടായ അതിശക്തമായ മഴയും മണ്ണിടിച്ചിലും തോട്ടിലെ ജലനിരപ്പ് ഉയർത്തുകയും പാലത്തിന് ബലക്ഷയം സംഭവിക്കുകയും ചെയ്തതായി നാട്ടുകാർ പറയുന്നു. ശബരിമല സീസൺ ആരംഭിക്കുന്നതോടെ ഇതുവഴി അന്യസംസ്ഥാനങ്ങളിൽനിന്ന് ഉൾപ്പെടെ നൂറുകണക്കിന് വാഹനങ്ങൾ ദിനംപ്രതി കടന്നുവരും. അടിയന്തരമായി അധികാരികൾ ഇടപെട്ട് ഇവിടെ പുതിയ പാലം നിർമിക്കണമെന്നാണ് നാട്ടുകാരുടെ ആവശ്യം.

അരുവിത്തുറ കോളജിൽ സെമിനാറും ബോട്ടണി അസോസിയേഷൻ ഉദ്ഘാടനവും

അരുവിത്തുറ: സെന്‍റ് ജോർജ് കോളജിൽ ബോട്ടണി അസോസിയേഷൻ ഉദ്ഘാടനവും "ഔഷധ സസ്യ ഗവേഷണത്തെ ആധുനിക സ്റ്റാർട്ടപ്പ് മോഡലുകളുമായി ബന്ധിപ്പിച്ചുള്ള സ്വയം സംരംഭങ്ങൾ' എന്ന വിഷയത്തിൽ പ്രഭാഷണവും സംഘടിപ്പിച്ചു. നമ്മുടെ ജീവിത രീതികളിലുണ്ടായ മാറ്റങ്ങളാണ് ഇന്നത്തെ വർധിച്ചു വരുന്ന ജീവിത ശൈലി രോഗങ്ങളുടെ കാരണമെന്ന് പൈക ദയ ഹെർബൽ ഹെൽത്ത് പാർമസ്യൂട്ടിക്കൽസ് ഡയറക്‌ടർ ഡോ. സ്വീറ്റി ജോസ് പറഞ്ഞു. പ്രകൃതിദത്ത ഉത്പന്നങ്ങളിൽ അധിഷ്ഠിതമായ ഒരു ജീവിതശൈലി സ്വായത്തമാകുന്നത് മാത്രമാണ് ഇതിനു പരിഹാരമെന്നും സ്വീറ്റി ജോസ് കൂട്ടിച്ചേർത്തു. കേന്ദ്ര സർക്കാരിന്‍റെ ആയുഷ് മന്ത്രാലയത്തിന്‍റെ പിന്തുണയോടെ വിവിധ ആയുർവേദ അറിവുകളെ ആധുനിക ശാസ്ത്ര ഗവേഷണ രീതികളുമായി സമന്വയിപ്പിച്ചു ഗവേഷണം നടത്തുന്ന സ്റ്റാർട്ടപ്പുകൾക്കു ഇന്ന് വളരെ സാധ്യതകൾ ഉണ്ടെന്നും അവർ പറഞ്ഞു. കോളജിലെ ബോട്ടണി അസോസിയേഷന്‍റെ ഉദ്ഘാടനവും ഡോ. സ്വീറ്റി ജോസ് നിർവഹിച്ചു. കോളജ് പ്രിൻസിപ്പൾ പ്രഫ.ഡോ. സിബി ജോസഫ് അധ്യക്ഷത വഹിച്ച ചടങ്ങിൽ വൈസ് പ്രിൻസിപ്പൾ ഡോ. ജിലു ആനി ജോൺ, ബോട്ടണി വിഭാഗം മേധാവി ജോബി ജോസഫ് തുടങ്ങിയവർ സംസാരിച്ചു.

മെഡിക്കൽ കോളജ് ജിവിഎച്ച്എസ്എസിലെ മൈതാന പരിസരം കാടുകയറിയ നിലയിൽ

ഗാന്ധിനഗർ: മെഡിക്കൽ കോളജ് ഗവ. വോക്കേഷണൽ ഹയർ സെക്കൻഡറി സ്കൂളിലെ മൈതാനത്തിന്‍റെ പരിസരം കാടുപിടിച്ചു കിടക്കുന്നത് വിദ്യാർഥികൾക്കു ഭീഷണിയാകുന്നു. മൈതാനത്ത് ഫുട്ബോളടക്കം കളിച്ചുകൊണ്ടിരിക്കുമ്പോൾ ബോൾ ദിശ തെറ്റി കാട്ടിലേക്ക് പോകാറുണ്ട്. ഇതെടുക്കാൻ കുട്ടികൾ ഇഴജന്തുക്കളെയടക്കം ഭയന്നാണ് കാട്ടിൽ കയറുന്നത്. കാട്ടിൽനിന്ന് ഇഴജന്തുക്കൾ മൈതാനത്തേക്കിറങ്ങി വരാറുമുണ്ടെന്നും പറയുന്നു. അടുത്തിടെ മനുഷ്യതലയോട്ടിയും അസ്ഥികളും കണ്ടെത്തിയത് ഈ സ്കൂൾ മൈതാനത്തിനു സമീപത്തെ കാട്ടിൽ നിന്നാണ്. മൈതാനത്ത് ഫുട്ബോൾ കളിക്കവെ ബോൾ കാട്ടിലേക്ക് പോയതിനെത്തുടർന്ന് അതെടുക്കാൻ പോയവരാണ് തലയോട്ടിയും അസ്ഥികളും കണ്ടത്. പ്ലസ് ടു വരെയുള്ള സ്കൂളാണിത്. നൂറുകണക്കിന് വിദ്യാർഥികളാണ് ഇവിടെ പഠിക്കുന്നത്. നല്ല ശതമാനം കുട്ടികളും കലാ-കായിക മത്സരത്തിൽ പങ്കെടുക്കുന്നവരാണ്. മൈതാനത്തിന്‍റെ ഒരു ഭാഗത്തെ മതിൽ ഇടിഞ്ഞനിലയിലാണ്. ഇതേത്തുടർന്ന് രാത്രികാലങ്ങളിൽ സാമൂഹ്യവിരുദ്ധർ സ്കൂൾ വരാന്ത കൈയടക്കുന്നതായി അയൽവാസികൾ പറയുന്നു. കുട്ടികൾക്ക് ഭീഷണിയായി മൈതാനത്തിനു ചുറ്റും വളർന്നുനിന്നിരുന്ന വന്മരങ്ങളിൾ കുറെ അടുത്തിടെ വെട്ടിമാറ്റിയിരുന്നു. എങ്കിലും മൈതാന പരിസരം ഇപ്പോഴും കാടുപിടിച്ചുകിടക്കുകയാണ്. സമീപത്തു കാടുമൂടിക്കിടക്കുന്ന വെയ്റ്റിംഗ് ഷെഡ് അലഞ്ഞു തിരിയുന്നവരുടെ കേന്ദ്രമാണ്. ഇതിന്‍റെ പിന്നിലാണ് വലിയ കാടുള്ളത്.

ഇന്‍റര്‍നാഷണല്‍ ഹാന്‍ഡ് റൈറ്റിംഗ്, മെഗാ ക്വിസ് മത്സരങ്ങൾ

പാമ്പാടി: വിമലാംബിക സീനിയര്‍ സെക്കന്‍ഡറി സ്‌കൂളില്‍ ഐസക് മാര്‍ യൂഹന്നാന്‍ മെമ്മോറിയല്‍ ഇന്‍റര്‍ നാഷണല്‍ ഹാന്‍ഡ് റൈറ്റിംഗ് മത്സരവും മാര്‍ ഇവാനിയോസ് മെമ്മോറിയല്‍ മെഗാ ക്വിസ് മത്സരവും സംഘടിപ്പിച്ചു. മത്സരങ്ങളുടെ ഉദ്ഘാടനം തിരുവല്ല അതിരൂപത ചാന്‍സലര്‍ റവ.ഡോ. ജോസ് മണ്ണൂര്‍ കിഴക്കേതില്‍ നിര്‍വഹിച്ചു. തിരുവല്ല ആര്‍ച്ച് ബിഷപ് തോമസ് മാര്‍ കൂറിലോസ് സമ്മാനദാനവും അനുഗ്രഹപ്രഭാഷണവും നിര്‍വഹിച്ചു. തിരുവല്ല അതിരൂപതാ എഡ്യൂക്കേഷണല്‍ ഏജന്‍സി സെക്രട്ടറി റവ. ഡോ. ബൈജു പുത്തന്‍പുരക്കല്‍, ഫാ. തോമസ് നാലെന്നടിയില്‍, ഫാ. സാം ഒറ്റക്കല്ലുങ്കല്‍, സ്‌കൂള്‍ മാനേജര്‍ റവ ഡോ. പ്രദീപ് വാഴത്തറമലയില്‍, മാലം മൗണ്ട് മേരി പബ്ലിക് സ്‌കൂള്‍ പ്രിന്‍സിപ്പൽ എ.ഡി. ഷൈല, പ്രിന്‍സിപ്പൽ റൂബി ബെന്നി, പിടിഎ പ്രതിനിധി ഗിരീഷ്, വിഷ്ണുപ്രിയ ഗിരീഷ് എന്നിവര്‍ പ്രസംഗിച്ചു. ഹിന്ദി, മലയാളം, ഇംഗ്ലീഷ് ഭാഷകളില്‍ നടത്തിയ ഹാന്‍ഡ് റൈറ്റിംഗ് മത്സരത്തിലും മെഗാ ക്വിസ് മത്സരത്തിലും വിവിധ സ്‌കൂളുകളില്‍ നിന്നായി ഒന്നു മുതല്‍ 10 വരെയുള്ള ക്ലാസുകളിലെ കുട്ടികള്‍ പങ്കെടുത്തു.

അകലക്കുന്നം സ്മാര്‍ട്ട് കൃഷിഭവന്‍ സമർപ്പിച്ചു

അകലക്കുന്നം: അകലക്കുന്നം സ്മാര്‍ട്ട് കൃഷിഭവന്‍റെ ഉദ്ഘാടനം മന്ത്രി പി. പ്രസാദ് നിര്‍വഹിച്ചു. ഡിജിറ്റല്‍ സംവിധാനങ്ങള്‍ പ്രയോജനപ്പെടുത്തി സേവനങ്ങള്‍ മികവുറ്റതാക്കുന്നതോടെ കൃഷിഭവനുകള്‍ കൂടുതല്‍ സ്മാര്‍ട്ടാകുമെന്ന് അദ്ദേഹം പറഞ്ഞു. പ്ലാന്‍റ് ഹെല്‍ത്ത് ക്ലിനിക്കിന്‍റെയും റബര്‍ ഗ്രോബാഗ് പച്ചക്കറി പദ്ധതിയുടെയും ലോഗോപ്രകാശനവും പ്രദര്‍ശനോദ്ഘാടനവും മന്ത്രി നിര്‍വഹിച്ചു. തൈവിതരണവും നടത്തി. പൂവത്തിളപ്പ് പഞ്ചായത്ത് കമ്യൂണിറ്റി ഹാളില്‍ നടന്ന ചടങ്ങിൽ പഞ്ചായത്ത് പ്രസിഡന്‍റ് സിന്ധു അനില്‍കുമാര്‍ അധ്യക്ഷത വഹിച്ചു. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി, പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായറുകുളം, ജില്ലാ പഞ്ചായത്തംഗം ജോസ്‌മോന്‍ മുണ്ടയ്ക്കല്‍, പഞ്ചായത്തംഗങ്ങളായ ശ്രീലത ജയന്‍, ജേക്കബ് തോമസ്, ജാന്‍സി ബാബു, ബ്ലോക്ക് പഞ്ചായത്തംഗം ജോബി ജോമി, അശോക് കുമാര്‍ പൂതമന, ബെന്നി വടക്കേടം, രാജശേഖരന്‍ നായര്‍, ടെസി രാജു, പഞ്ചായത്തംഗങ്ങളായ മാത്തുക്കുട്ടി ആന്‍റണി, സീമ പ്രകാശ്, സിജി സണ്ണി, ജോര്‍ജ് തോമസ്, ഷാന്‍റി ബാബു, കെ.കെ. രഘു, ജീനാ ജോയി തുടങ്ങിയവര്‍ പങ്കെടുത്തു.

മണർകാട് ബൈപാസിൽ കാറുകളുടെ കൂട്ടയിടി

ഏറ്റുമാനൂര്‍: പട്ടിത്താനം-മണര്‍കാട് ബൈപാസ് റോഡില്‍ കാറുകള്‍ കൂട്ടിയിടിച്ച് അപകടം. ഞായറാഴ്ച രാത്രി കോണിക്കല്‍ ജംഗ്ഷനു സമീപമായിരുന്നു സംഭവം. അപകടത്തില്‍ ആര്‍ക്കും പരിക്കില്ല. കോണിക്കല്‍ ജംഗ്ഷനുസമീപം ബൈപാസ് റോഡില്‍ പ്രവര്‍ത്തിക്കുന്ന ഹോട്ടലില്‍നിന്നു ഭക്ഷണം കഴിച്ചശേഷം വീട്ടിലേക്കു മടങ്ങുകയായിരുന്ന കുന്നത്തുപറമ്പില്‍ ആകാശ് പ്രദീപിന്‍റെ ഹ്യുണ്ടായ് കാറിന്‍റെ പിന്നിൽ പേരൂര്‍ ഭാഗത്തുനിന്നെത്തിയ അക്ഷരം വീട്ടില്‍ അഖില്‍ ജയകുമാറിന്‍റെ സ്‌കോഡ റാപ്പിഡ് കാര്‍ ഇടിക്കുകയായിരുന്നു. ഇടിയുടെ ആഘാതത്തില്‍ എതിര്‍ദിശയിലേക്കു തെന്നിമാറിയ അഖിലിന്‍റെ കാറിനു പിന്നില്‍ ഏറ്റുമാനൂരിൽനിന്ന് കണ്ടംചിറയിലേക്കു പോകുകയായിരുന്ന വെള്ളാപ്പള്ളി മറ്റത്തില്‍ ജേക്കബ് മാത്യുവിന്‍റെ കാറും ഇടിച്ചു. ഏറ്റുമാനൂര്‍ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. ബൈപാസ് റോഡില്‍ നിരവധി അപകടങ്ങളാണുണ്ടാകുന്നത്. ശരിയായ ദിശാ ബോര്‍ഡുകളുടെ അഭാവവും ആവശ്യത്തിനു തെരുവുവിളക്കുകള്‍ ഇല്ലാത്തതും അപകടങ്ങള്‍ വര്‍ധിക്കാന്‍ കാരണമായതായി നാട്ടുകാര്‍ ചൂണ്ടിക്കാട്ടുന്നു.

കോണത്താറ്റു പാലത്തിലൂടെ വാഹനങ്ങൾ ഓടിത്തുടങ്ങി

കുമരകം: കോണത്താറ്റു പാലത്തിലൂടെ വാഹനങ്ങൾ ഓടിത്തുടങ്ങി. ഇന്നലെ ഉച്ചയ്ക്ക് ഒന്നിനാണ് വാഹനഗതാഗതം ആരംഭിച്ചത്. മന്ത്രി വി.എൻ. വാസവന്‍റെ കേരള സ്റ്റേറ്റ് 12-ാം നമ്പർ കാറാണ് പാലത്തിലൂടെ ആദ്യം കടന്നുപോയത്. കുമരകം ഭാഗത്തുനിന്നു കോട്ടയം ഭാഗത്തേക്കുള്ള വാഹനങ്ങളാണ് പാലത്തിലൂടെ കടത്തിവിടുക. കോട്ടയത്തുനിന്നു കുമരകത്തേക്കുള്ള വാഹനങ്ങൾ താത്കാലിക റോഡിലൂടെ ഗുരുമന്ദിരം വഴി വേണം സഞ്ചരിക്കാൻ. പ്രവേശന പാതയുടെ ഒരു വശം മാത്രമാണ് ഗതാഗത യോഗ്യമാക്കിയിരിക്കുന്നത്. ബാക്കി ഭാഗം മണ്ണിട്ട് ഉയർത്തണമെങ്കിൽ മഴ മാറണം. കുമരകം ആറ്റാമംഗലം പള്ളിക്ക് എതിർവശത്തും ബസ് ബേയിലുമാണ് ബസുകൾ നിർത്തുക. ചന്തക്കവലയിലെ കാത്തിരിപ്പു കേന്ദ്രത്തിൽ തത്കാലം ബസുകൾക്ക് സ്റ്റോപ്പില്ല. ആറ്റാമംഗലം പള്ളിയുടെ സമീപത്തെ കരിങ്കൽക്കെട്ട് പൂർത്തിയാക്കാനാണ് ഇപ്പോൾ പാലത്തിലൂടെ വാഹനങ്ങൾ കടത്തിവിടുന്നത്. ബസ് സർവീസുകൾ പഴയതുപോലെ പുനരാരംഭിച്ചത് യാത്രക്കാർക്ക് ഏറെ ആശ്വസമായി. മന്ത്രി വി.എൻ. വാസവൻ, പഞ്ചായത്ത് പ്രസിഡന്‍റ് ധന്യാ സാബു, ജില്ലാ പഞ്ചായത്തംഗം കെ.വി. ബിന്ദു, പഞ്ചായത്ത് വൈസ് പ്രസിഡന്‍റ് ആർഷാ ബൈജു, അസിസ്റ്റന്‍റ് എക്സിക്യൂട്ടീവ് എൻജിനിയർ ജോഷിൻ കെ. മൂലക്കാട്ട്, അസിസ്റ്റന്‍റ് എൻജിനിയർ ജസ്റ്റീനാ ജോർജ്, എക്സിക്യൂട്ടീവ് എൻജിനിയർ സുഭാഷ് കുമാർ, കോൺട്രാക്ടർ അലക്സ് പെരുമാലി എന്നിവരുടെ നേതൃത്വത്തിലാണ് വാഹനങ്ങൾ പാലത്തിലൂടെ കടത്തിവിട്ടത്.

പോലീസ് ചമഞ്ഞ് പണം തട്ടിയ യുവാവ് പിടിയിൽ

ഗാന്ധിനഗർ: പോലീസ് ഉദ്യോഗസ്ഥനാണെന്ന് പറഞ്ഞു കുട്ടിക്ക് ചികിത്സാ സഹായമായി 15,000 രൂപ വ്യവസായിയുടെ ഫോണിൽ വിളിച്ച് ഗൂഗിൾ പേ മുഖാന്തിരം തട്ടിയെടുത്ത കേസിലെ പ്രതിയെ ഗാന്ധിനഗർ പോലീസ് പിടികൂടി. തിരുവനന്തപുരം കിളിയൂർ, വെള്ളറട സ്വദേശിയായ എറണാകുളം കാലടിയിൽ താമസിക്കുന്ന വിനീത് കുമാർ (35) എന്നയാളെയാണ് ഗാന്ധിനഗർ പോലീസ് സ്റ്റേഷൻ എസ്എച്ച്ഒ ശ്രീജിത്ത് ടി. യുടെ നേതൃത്വത്തിൽ എസ്ഐ ജയപ്രകാശ്, സുശീലൻ പി.ആർ., എസ്‌സിപിഒ രഞ്ജിത്ത്, സിപിഒ അനൂപ് സുനു ഗോപി എന്നിവരടങ്ങുന്ന പോലീസ് സംഘമാണ് അറസ്റ്റ് ചെയ്തത്. മേൽനടപടികൾക്കുശേഷം ഇയാളെ കോടതിയിൽ ഹാജരാക്കും. ഇയാൾ ഇതേതരത്തിൽ പോലീസ് ആണെന്ന് തെറ്റിധരിപ്പിച്ച് കേരളത്തിലെ പല സ്ഥലങ്ങളിലും സമാനമായ തട്ടിപ്പുകൾ നടത്തിയതായി അറിവായിട്ടുണ്ട്. ഈ സംഭവങ്ങളിലും കൂടുതൽ അന്വേഷണം നടത്തിവരികയാണ്.

ശരത് എല്‍ദോ ഫിലിപ്പ് സംസ്ഥാന കരാട്ടെ ടീം കോച്ച്

കോട്ടയം: 2026ല്‍ ജപ്പാനില്‍ നടക്കുന്ന ഏഷ്യന്‍ ഗെയിംസിനുള്ള ദേശീയ കരാട്ടെ ടീമിനെ തെരഞ്ഞെടുക്കുന്നതിനു ഷില്ലോംഗില്‍ സ്‌പോര്‍ട്‌സ് അഥോറിറ്റി ഓഫ് ഇന്ത്യ നടത്തുന്ന സെലക്‌ഷന്‍ ട്രയല്‍സിനുള്ള 12 അംഗ സംസ്ഥാന കരാട്ടെ ടീമിന്‍റെ കോച്ചായി ശരത് എല്‍ദോ ഫിലിപ്പിനെ നിയമിച്ചു. എംജി യൂണിവേഴ്‌സിറ്റി കരാട്ടെ ടീം കോച്ച്, സംസ്ഥാന കരാട്ടെ ടീം കോച്ച് എന്നീ നിലയില്‍ പ്രവര്‍ത്തിച്ചിട്ടുണ്ട്. നിരവധി താരങ്ങളെ ദേശീയ ചാമ്പ്യന്‍ഷിപ്പിലും ഓള്‍ ഇന്ത്യ ഇന്‍റര്‍ യൂണിവേഴ്‌സിറ്റി തലത്തിലും സമ്മാനാര്‍ഹരാക്കിയിട്ടുണ്ട്. കോട്ടയം ജില്ലാ കോടതിയില്‍ അഭിഭാഷകനാണ്.

പോലീസ് സ്റ്റേഷന്‍ മാര്‍ച്ചും റോഡ് തടയല്‍ സമരവും

കടുത്തുരുത്തി: ഷാഫി പറമ്പില്‍ എംപിക്കു നേരേയുണ്ടായ പോലീസ് ആക്രമണത്തില്‍ പ്രതിഷേധിച്ച് യൂത്ത് കോണ്‍ഗ്രസ് കടുത്തുരുത്തി നിയോജക മണ്ഡലം കമ്മിറ്റിയുടെ നേതൃത്വത്തില്‍ കടുത്തുരുത്തി പോലീസ് സ്റ്റേഷന്‍ മാര്‍ച്ചും റോഡ് തടയല്‍ സമരവും നടത്തി. ഡിസിസി പ്രസിഡന്‍റ് നാട്ടകം സുരേഷ് ഉദ്ഘാടനം ചെയ്തു. നിയോജക മണ്ഡലം പ്രസിഡന്‍റ് ജിത്തു കരിമാടം അധ്യക്ഷത വഹിച്ചു. സംസ്ഥാന ജനറല്‍ സെക്രട്ടറി സുബിന്‍ മാത്യു മുഖ്യപ്രഭാഷണം നടത്തി. കോണ്‍ഗ്രസ് ബ്ലോക്ക് പ്രസിഡന്‍റ് ജയിംസ് പുല്ലാപ്പള്ളി, സിജോ ജോസഫ്, ചെറിയാന്‍ കെ. ജോസ്, എം.കെ. സാംബുജി, ശരത് ശശി തുടങ്ങിയവര്‍ നേതൃത്വം നല്‍കി. സമരക്കാര്‍ പിരിഞ്ഞു പോകുന്നതിനിടെ യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി സുബിന്‍ മാത്യു, കോണ്‍ഗ്രസ് ബ്ലോക്ക് പ്രസിഡന്‍റ് ജയിംസ് പുല്ലാപ്പള്ളി എന്നിവരുടെ നേതൃത്വത്തില്‍ പ്രവര്‍ത്തകര്‍ കോട്ടയം-എറണാകുളം റോഡില്‍ കുത്തിയിരുന്നു. ഇതോടെ വാഹനഗതാഗതം തടസപ്പെട്ടു. ഇവരെ പോലീസ് നീക്കം ചെയ്യാന്‍ ശ്രമിച്ചത് ഡിസിസി പ്രസിഡന്‍റ് നാട്ടകം സുരേഷിന്‍റെ നേതൃത്വത്തില്‍ തടഞ്ഞു. തുടര്‍ന്ന് പ്രവര്‍ത്തകര്‍ റോഡില്‍ കിടന്നു പ്രതിഷേധിച്ചു. ഇവരെ പോലീസ് അറസ്റ്റ് ചെയ്തു നീക്കി.

മാഞ്ഞൂര്‍ പഞ്ചായത്തില്‍ വികസന സദസ്

കുറുപ്പന്തറ: മാഞ്ഞൂര്‍ പഞ്ചായത്തിലെ വികസനസദസ് ജില്ലാ പഞ്ചായത്തംഗം ജോസ് പുത്തന്‍കാലാ ഉദ്ഘാടനം ചെയ്തു. പഞ്ചായത്ത് കമ്യൂണിറ്റി ഹാളില്‍ നടക്കുന്ന യോഗത്തില്‍ പഞ്ചായത്ത് പ്രസിഡന്‍റ് കോമളവല്ലി രവീന്ദ്രന്‍ അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡന്‍റ് രാജു ജോണ്‍ ചിറ്റേത്ത്, ജില്ലാ പഞ്ചായത്തംഗം നിര്‍മലാ ജിമ്മി എന്നിവര്‍ മുഖ്യപ്രഭാഷണം നടത്തി. പഞ്ചായത്തിന്‍റെ വികസന നേട്ടങ്ങള്‍ പഞ്ചായത്ത് സെക്രട്ടറി പി.എച്ച്. ഷീജാബീവി അവതരിപ്പിച്ചു. തുടര്‍ന്ന് ഭാവിവികസന നേട്ടങ്ങളെക്കുറിച്ച് ചര്‍ച്ച നടന്നു. പഞ്ചായത്ത് വൈസ് പ്രസിഡന്‍റ് ബിജു കൊണ്ടുക്കാലാ, പഞ്ചായത്തംഗങ്ങളായ പ്രത്യുഷ സുര, ആന്‍സി സിബി, മഞ്ചു അനില്‍, സാലിമോള്‍ ജോസഫ്, മിനി സാബു, ആനിയമ്മ ജോസഫ്, എത്സമ്മ ബിജു, അസിസ്റ്റന്‍റ് സെക്രട്ടറി എസ്. രതീഷ് തുടങ്ങിയവര്‍ പങ്കെടുത്തു.

സ്നേഹത്തിന്‍റെ വീൽചെയർ നൽകി അമേരിക്കൻ മലയാളി

വൈക്കം: പിതാവിന്‍റെ ഓർമദിനത്തിൽ അംഗപരിമിതർക്ക് വീൽചെയർ സമ്മാനിച്ച് അമേരിക്കൻ മലയാളിയും കുടുംബവും. വൈക്കം സ്വദേശിയായ സാജുമോൻ മത്തായിയും ഭാര്യഷീബയുമാണ് വൈക്കം നിയോജകമണ്ഡലത്തിൽ താമസിക്കുന്ന പത്ത് അംഗപരിമിതർക്ക് വീൽചെയർ വിതരണം ചെയ്തത്. വൈക്കം സീതാറാം ഓഡിറ്റോറിയത്തിൽ നടന്ന യോഗം സി.കെ. ആശ എംഎൽഎ ഉദ്ഘാടനം ചെയ്തു. 45 വർഷമായി അമേരിക്കയിലുള്ള സാജുമോൻ മത്തായി കോവിഡുകാലത്തടക്കം നിരവധി സഹായവുമായി ജന്മനാടിനെ ചേർത്തുപിടിച്ചിരുന്നു. വൈക്കത്തെ തദ്ദേശ സ്വയംഭരണ സ്ഥാപനങ്ങളിലെ ആശാപ്രവർത്തകരെ സി.കെ. ആശ എംഎൽഎ ഉപഹാരം നൽകി ആദരിച്ചു. ജില്ലാ പഞ്ചായത്ത് അംഗം പി.എസ്. പുഷ്പമണിയുടെ അധ്യക്ഷതയിൽ നടന്ന യോഗത്തിൽ വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, ജില്ലാ പഞ്ചായത്ത് അംഗം ഹൈമി ബോബി, ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്ദവല്ലി , മറവൻതുരുത്ത് പഞ്ചായത്ത് പ്രസിഡന്‍റ് പി. പ്രീതി, ചെമ്പ് പഞ്ചായത്ത് പ്രസിഡന്‍റ് സുകന്യ സുകുമാരൻ, ടിവിപുരം പഞ്ചായത്ത് പ്രസിഡന്‍റ് ശ്രീജി ഷാജി, വൈക്കം നഗരസഭാ കൗൺസിലർ അശോകൻ വെള്ളവേലി, ജോൺ വി. ജോസഫ്, ഫാ. പോൾ തോട്ടക്കാട് എന്നിവർ പ്രസംഗിച്ചു.

വയോജന വിശ്രമകേന്ദ്രം നാടിനു സമർപ്പിച്ചു

തലയാഴം: തലയാഴം പഞ്ചായത്ത് ഒൻപതാം വാർഡിൽ ജില്ലാ പഞ്ചായത്തിന്‍റെ വാർഷിക പദ്ധതിയിൽ ഉൾപ്പെടുത്തി 39 ലക്ഷം രൂപ വിനിയോഗിച്ച് നിർമിച്ച വയോജന വിശ്രമകേന്ദ്രം നാടിനു സമർപ്പിച്ചു. സി.കെ. ആശ എംഎൽഎയുടെ അധ്യക്ഷതയിൽ നടന്ന യോഗത്തിൽ വയോജന വിശ്രമ കേന്ദ്രത്തിന്‍റെ ഉദ്ഘാടനം കൃഷി വകുപ്പ് മന്ത്രി പി. പ്രസാദ് നിർവഹിച്ചു. ജീവിതത്തിലെ തിരക്കുകൾക്കിടയിൽ വീടുകളിൽ തനിച്ചാകുന്ന വയോജനങ്ങൾക്ക് തങ്ങളുടെ സുഖദുഃഖങ്ങൾ പങ്കുവയ്ക്കാൻ ഉതകുന്നതും ആഹ്ലാദം പകരുന്നതുമായ ഇടങ്ങളായി വയോജന വിശ്രമകേന്ദ്രങ്ങളെ മാറ്റണമെന്നും മന്ത്രി ഉദ്ഘാടന പ്രസംഗത്തിൽ അഭിപ്രായപ്പെട്ടു. തലയാഴം പഞ്ചായത്ത് പ്രസിഡന്‍റ് രമേഷ് പി. ദാസ് താക്കോൽ ഏറ്റുവാങ്ങി. ജില്ലാ പഞ്ചായത്തംഗം പി.എസ്. പുഷ്പമണി, മുൻ ജില്ലാ പഞ്ചായത്ത് അംഗം പി. സുഗതൻ, പഞ്ചായത്ത് വൈസ് പ്രസിഡന്‍റ് ജെൽസി സോണി, ബ്ലോക്ക് പഞ്ചായത്ത് അംഗം സുജാത മധു, പഞ്ചായത്ത് അംഗങ്ങളായ ബി.എൽ. സെബാസ്റ്റ്യൻ, കൊച്ചുറാണി ബേബി, ടി. മധു, കെ. ബിനിമോൻ, എസ്. ദേവരാജൻ , കെ.വി. ഉദയപ്പൻ, സിനി സലി, ഷീജ ഹരിദാസ്, വി. പോപ്പി, രാജേന്ദ്രൻനായർ, വി. ലക്ഷ്മണൻ, വി.എം. ഷാജി, ടി.കെ. സുമേഷ്, ബിജു പറപ്പള്ളി, പഞ്ചായത്ത് സെക്രട്ടറി ഇൻ-ചാർജ് ജി. മഞ്ജു തുടങ്ങിയവർ സംബന്ധിച്ചു.

അടിസ്ഥാന വർഗത്തെകൂടിയും സർക്കാർ ചേർത്തുപിടിക്കുന്നു: മന്ത്രി ഒ.ആർ. കേളു

തലയോലപ്പറമ്പ്: പൊതുസമൂഹത്തോടൊപ്പം അടിസ്ഥാന വർഗത്തെക്കൂടി സർക്കാർ ചേർത്തുപിടിക്കുന്നെന്ന് മന്ത്രി ഒ.ആർ. കേളു. മറവൻതുരുത്ത് പഞ്ചായത്ത് നാലാം വാർഡിൽ ഐഎച്ച്ഡിപി നഗറിൽ ഒരു കോടി രൂപയുടെ അംബേദ്കർഗ്രാമം പൂർത്തീകരിച്ച് നാടിനു സമർപ്പിക്കുകയായിരുന്നു പട്ടികജാതി- പട്ടികവർഗ -പിന്നോക്ക വികസനവകുപ്പുമന്ത്രി ഒ ആർ കേളു. സി.കെ .ആശ എംഎൽഎ അധ്യക്ഷത വഹിച്ചു. പഞ്ചായത്ത് പ്രസിഡന്‍റ് പി. പ്രീതി, ജില്ലാ പട്ടികജാതി വികസന ഓഫീസർ സാജു ജേക്കബ്, ജില്ലാ പഞ്ചായത്ത് അംഗം പി.എസ്. പുഷ്പമണി, ബ്ലോക്ക് പഞ്ചായത്തംഗം രേഷ്മ പ്രവീൺ, പഞ്ചായത്ത് അംഗങ്ങളായ വി.ടി. പ്രതാപൻ, പോൾ തോമസ്,സീമ ബിനു, ബിന്ദു പ്രദീപ് തുടങ്ങിയവർ പ്രസംഗിച്ചു.

ജീവിതം സ്മാർട്ടാകാൻ കൃഷിയും ജീവിതവും കൈകോർക്കണം: മന്ത്രി പി. പ്രസാദ്

വൈക്കം: കർഷകന് സ്മാർട്ടായ സേവനം ലഭിക്കുമ്പോൾ മാത്രമേ സ്മാർട്ട് കൃഷിഭവനെന്ന പ്രയോഗം സാർഥകമാകൂവെന്ന് കൃഷി വകുപ്പ് മന്ത്രി പി. പ്രസാദ്. വൈക്കം ടിവി പുരം ചെമ്മനത്തുകരയിൽ സ്മാർട്ട് കൃഷിഭവൻ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സി.കെ. ആശ എംഎൽഎ അധ്യക്ഷത വഹിച്ചു. പഞ്ചായത്ത് അനുവദിച്ച ആറു സെന്‍റ് സ്ഥലത്ത് രണ്ടു നിലകളിലാണ് സ്മാർട്ട് കൃഷിഭവൻ നിർമിച്ചത്. വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, ജില്ലാ പഞ്ചായത്ത് അംഗം ഹൈമി ബോബി, ടിവിപുരം പഞ്ചായത്ത് പ്രസിഡന്‍റ് ശ്രീജി ഷാജി, വൈസ് പ്രസിഡന്‍റ് വി.കെ. ശ്രീകുമാർ, ബ്ലോക്ക് പഞ്ചായത്ത് അംഗം എം.കെ. റാണിമോൾ, പഞ്ചായത്ത് അംഗങ്ങളായ എ.കെ. അഖിൽ, ആനിയമ്മ അശോകൻ തുടങ്ങിയവർ പങ്കെടുത്തു.

തദ്ദേശ തെരഞ്ഞെടുപ്പ്: സംവരണ വാര്‍ഡുകള്‍ നറുക്കെടുത്തു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ തദ്ദേശ സ്ഥാപനങ്ങളിലെ നിയോജകമണ്ഡലങ്ങളുടെയും വാര്‍ഡുകളുടെയും സംവരണക്രമം നിശ്ചയിക്കുന്നതിനുള്ള നറുക്കെടുപ്പ് നടത്തി. ജില്ലാ തെരഞ്ഞെുടുപ്പ് ഓഫീസറായ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ കളക്ടറേറ്റിലായിരുന്നു നറുക്കെടുപ്പ്. വൈക്കം, കടുത്തുരുത്തി, ഏറ്റുമാനൂര്‍ ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ നറുക്കെടുപ്പാണ് ഇന്നലെ നടന്നത്. സ്ത്രീ, പട്ടികജാതി സ്ത്രീ, പട്ടികവര്‍ഗ സ്ത്രീ, പട്ടികജാതി, പട്ടികവര്‍ഗ സംവരണസീറ്റുകളാണ് നറുക്കെടുപ്പിലൂടെ നിര്‍ണയിച്ചത്. മറ്റു പഞ്ചായത്തുകളിലെ നറുക്കെടുപ്പ് വരുംദിവസങ്ങളില്‍ നടക്കും. കല്ലറ പട്ടികജാതി സ്ത്രീ സംവരണം: കുരിശുപള്ളി (7), ഗ്രാമ പഞ്ചായത്ത് (14). പട്ടികജാതി സംവരണം: മുല്ലമംഗലം (5). സ്ത്രീ സംവരണം: മുണ്ടാര്‍ (1), മാണിക്യവിലാസം ഹയര്‍ സെക്കന്‍ഡറി സ്‌കൂള്‍ (2), കല്ലറ ചന്ത (9), കല്ലറ പഴയപള്ളി (12), വെല്‍ഫെയര്‍ സ്‌കൂള്‍ (13). ഞീഴൂര്‍ പട്ടികജാതി സംവരണം: ശാന്തിപുരം (1). സ്ത്രീ സംവരണം: വടക്കേനിരപ്പ് (5), വാക്കാട് (6), കാട്ടാമ്പാക്ക് (8), ചായംമാക്ക് (9), തോട്ടക്കുറ്റി (10), പിഎച്ച്‌സി (11), തിരുവാമ്പാടി (12), ഞീഴൂര്‍ വെസ്റ്റ് (14). കടുത്തുരുത്തി പട്ടികജാതി സ്ത്രീ സംവരണം: ഗവണ്‍മെന്‍റ് ഹൈസ്‌കൂള്‍ (2), കെഎസ് പുരം (3). പട്ടികജാതി സംവരണം: മങ്ങാട് (4). സ്ത്രീ സംവരണം: മാന്നാര്‍ (1), പറമ്പ്രം (8), മുട്ടുചിറ വെസ്റ്റ് (10), ആദിത്യപുരം (12), ഗവണ്‍മെന്‍റ് ഐടിഐ (13), ആയാംകുടി (17), ആപ്പുഴ (18), പോളിടെക്നിക്ക് (20) മുളക്കുളം പട്ടികജാതി സ്ത്രീ സംവരണം: വടുകുന്നപ്പുഴ (2). പട്ടികജാതി സംവരണം: പൂഴിക്കോല്‍ നോര്‍ത്ത് (13). സ്ത്രീ സംവരണം: മുളക്കുളം (1), അവര്‍മ്മ (4), അറുനൂറ്റിമംഗലം (9), കീഴൂര്‍ സൗത്ത് (10), പൂഴിക്കോല്‍ സൗത്ത് (12), മൂര്‍ക്കാട്ടുപടി (15), കാരിക്കോട് സൗത്ത് (16), മനയ്ക്കപ്പടി (18). ഉദയനാപുരം പട്ടികജാതി സ്ത്രീ സംവരണം: വാഴമന (9), വല്യാറ (17). പട്ടികജാതി സംവരണം: വല്ലകം (11) സ്ത്രീ സംവരണം: അക്കരപ്പാടം (1), നാനാടം (3), ഇരുമ്പൂഴിക്കര (4), കണത്താലി (10), പരുത്തുമുടി (12), ഉദയനാപുരം (13), ആലുംചുവട് (15). വെച്ചൂര്‍ പട്ടികജതി സ്ത്രീ സംവരണം: പട്ടത്താനം (8). പട്ടികജാതി സംവരണം: മുച്ചൂര്‍ക്കാവ് (4). സ്ത്രീ സംവരണം: പൂങ്കാവ് (1), തോട്ടാപ്പള്ളി (3), മറ്റം (5), നഗരിന്ന (10), വെച്ചൂര്‍ പള്ളി (11), ബണ്ട്റോഡ് (12). ടിവി പുരം പട്ടികജാതി സംവരണം: തൃണയംകുടം (11). സ്ത്രീ സംവരണം: പള്ളിപ്പുറത്തുശേരി (1), ചേരിക്കല്‍ (4), ചെമ്മനത്തുകര തെക്ക് (5), മൂത്തേടത്തുകാവ് (9), കണ്ണുകെട്ടുശേരി (12), സരസ്വതി ഭാഗം (13), മറ്റപ്പള്ളി (14), മണ്ണത്താനം (15). ചെമ്പ് പട്ടികജാതി സ്ത്രീ സംവരണം: പനയ്ക്കല്‍ (2). പട്ടികജാതി സംവരണം: തുരുത്തുമ്മ (10). സ്ത്രീ സംവരണം: ഏലിയമ്മേല്‍ (3), കല്ലുകുത്താംകടവ് (5), പാറപ്പുറം (8), ചെമ്പ് പോസ്റ്റോഫീസ് (11), വേമ്പനാട് (13), വിജയോദയം (14), മുറിഞ്ഞപുഴ (15). തലയാഴം പട്ടികജാതി സ്ത്രീ സംവരണം: മാടപ്പള്ളി പടിഞ്ഞാറ് (12). പട്ടികജാതി സംവരണം: അമ്പാനപ്പള്ളി (16). സ്ത്രീ സംവരണം: തോട്ടകം (2), കൂവ്വം (4), ഉല്ലല (6), കണ്ടംതുരുത്ത് (8), തൃപ്പക്കുടം (10), കരിയാര്‍ (14), ഇട ഉല്ലല (15). മറവന്‍തുരുത്ത് പട്ടികജാതി സ്ത്രീ സംവരണം: പഞ്ഞിപ്പാലം (4). പട്ടികജാതി സംവരണം: തരുത്തുമ്മ (3). സ്ത്രീ സംവരണം: തറവട്ടം (1), മറവന്‍തുരുത്ത് (5), ചുങ്കം (6), ചിറേക്കടവ് (8), കൂട്ടുമ്മേല്‍ (11), കുലശേഖരമംഗലം (12), വാഴേകാട് (15). വെള്ളൂര്‍ പട്ടികജാതി സ്ത്രീ സംവരണം: വൈക്കോല്‍പ്പടി (3), നീര്‍പ്പാറ (15). പട്ടികജാതി സംവരണം: തട്ടാവേലി (13). സ്ത്രീ സംവരണം: വെള്ളൂര്‍ (4), വെള്ളൂര്‍ സൗത്ത് (5), കെപിപിഎല്‍ (6), വട്ടിക്കാട്ടുമുക്ക് (11), കരിപ്പള്ളി മല (14), വടകര (16), വരിക്കാംകുന്ന് (17). തലയോലപ്പറമ്പ് പട്ടികജാതി സ്ത്രീ സംവരണം: തലപ്പാറ (8). പട്ടികജാതി സംവരണം: കോരിക്കല്‍ പഴമ്പട്ടി (14). സ്ത്രീ സംവരണം: അടിയം (3), ഉമ്മാംകുന്ന് (4), വെട്ടിക്കാട്ടുമുക്ക് (5), ഡിബി കോളജ് (6), പള്ളിക്കവല (11), തലയോലപ്പറമ്പ് ടൗണ്‍ (12), തേവലക്കാട് (15), ചക്കാല (16).

അക്കരപ്പാടം പാലം ഉദ്ഘാടനം ഇന്ന്

ഉദയനാപുരം: സംസ്ഥാന സർക്കാർ കിഫ്ബിവഴി 16.89 കോടി രൂപ ചെലവഴിച്ചു നിർമിച്ച വൈക്കം-അക്കരപ്പാടം പാലം ഇന്നു 4.30ന് പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് നാടിന് സമർപ്പിക്കും. പാലത്തിനുസമീപം നടക്കുന്ന ഉദ്ഘാടന സമ്മേളനത്തിൽ സി.കെ. ആശ എംഎൽഎ അധ്യക്ഷത വഹിക്കും. 150 മീറ്റർ നീളത്തിലും 11 മീറ്റർ വീതിയിലുമാണ് പാലം നിർമിച്ചിരിക്കുന്നത്. 30 മീറ്റർ നീളമുള്ള അഞ്ച് സ്പാനുകളുള്ള പാലത്തിന്‍റെ ഇരുകരകളിലും 45 മീറ്റർ നീളത്തിലുളള സമീപറോഡുകളും നിർമിച്ചിട്ടുണ്ട്. സമീപ റോഡുകളുടെ നിർമാണത്തിനായി 29.77 സെന്‍റ് സ്ഥലം ഏറ്റെടുത്തിരുന്നു. യോഗത്തിൽ കെ. ഫ്രാൻസിസ് ജോർജ് എംപി, വൈക്കം ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, ഉദയനാപുരം പഞ്ചായത്ത് പ്രസിഡന്‍റ് പി.കെ. ആനന്ദവല്ലി, ബ്ലോക്ക് പഞ്ചായത്ത് വൈസ് പ്രസിഡന്‍റ് പി.ആർ. സലില, പഞ്ചായത്ത് വൈസ്പ്രസിഡന്‍റ് സി.പി. അനൂപ്, കെആർഎഫ്പി എക്സിക്യൂട്ടീവ് എൻജിനിയർ സി.ബി. സുഭാഷ് കുമാർ, ജില്ലാ പഞ്ചായത്തംഗം പി.എസ്. പുഷ്പമണി, ബ്ലോക്ക് പഞ്ചായത്തംഗങ്ങളായ ഗോപിനാഥൻ കുന്നത്ത്, ഒ.എം. ഉദയപ്പൻ, പഞ്ചായത്ത് അംഗങ്ങളായ ഗിരിജ പുഷ്‌കരൻ, ടി. പ്രസാദ്, ടി.പി. രാജലക്ഷ്മി, പാലം നിർമാണ കമ്മിറ്റി പ്രസിഡന്‍റ് അക്കരപ്പാടം ശശി, പാലം നിർമാണ കമ്മിറ്റി സെക്രട്ടറി എ.പി. നന്ദകുമാർ, രാഷ്‌ട്രീയ പാർട്ടി പ്രതിനിധികളായ പി. ശശിധരൻ, സാബു പി. മണലൊടി, കെ.പി. ശിവജി, ലൂക്ക് മാത്യു, സുബൈർ പുളിന്തുരുത്തി, പി. അമ്മിണിക്കുട്ടൻ, സിറിയക്, എം.കെ. രവീന്ദ്രൻ, റഷീദ്, രാജു, ബി. ശശിധരൻ, കെ.എസ്. മാഹിൻ, പോൾസൺ ജോസഫ് എന്നിവർ പങ്കെടുക്കും.

രുചിക്കൂട്ടൊരുക്കി കു‌ട്ടിക്കൂട്ടം

തലയോലപ്പറമ്പ്: ലോക ഭക്ഷ്യദിനാചരണത്തോടനുബന്ധിച്ച് തലയോലപ്പറമ്പ് സെന്‍റ് ജോർജ് സ്കൂളിൽ കുട്ടികളുടെ നേതൃത്വത്തിൽ ഭക്ഷ്യമേള നടത്തി. സ്കൂളിലെ ഒന്നു മുതൽ പത്തുവരെ ക്ലാസുകളിലെ കുട്ടികളും അധ്യാപകരും രക്ഷാകർത്താക്കളും ചേർന്ന് വീടുകളിൽ പാകപ്പെടുത്തിയ ഭക്ഷണപാനീയങ്ങളും ലൈവായി തയാറാക്കിയ വിവിധതരം ദോശകൾ, ജ്യുസുകൾ എന്നിവയുടെ പ്രദർശവുംവില്പനയുമാണ് സംഘടിപ്പിച്ചത്. ഇതുവഴി സമാഹരിച്ച തുക വിവിധ നൈപുണ്യ വികസന പരിപാടികൾക്കായി വിനിയോഗിക്കും. സ്കൂൾ മാനേജർ റവ. ഡോ. ബെന്നി ജോൺ മാരാംപറമ്പിൽ ഭക്ഷ്യമേള ഉദ്ഘാടനം ചെയ്തു. പിടിഎ പ്രസിഡന്‍റ് സാബു ജോസഫ് ആദ്യം വില്പന നടത്തി. ഹെഡ്‌മിസ്ട്രസ് ആഷ വി. ജോസഫ്, അസിസ്റ്റന്‍റ് മാനേജർ ഫാ. ആൽജോ കളപ്പുരയ്ക്കൽ, കൈക്കാരന്മാരായ റിൻസൻ ചാക്കോ, കെ.ടി. തങ്കച്ചൻ, രമ്യ ജോർജ്, ജെസി ജോർജ്, പി. റോയ് എന്നിവർ സംബന്ധിച്ചു.

മറവൻതുരുത്ത് പഞ്ചായത്ത് വികസനസദസ് ഇന്ന്

മറവൻതുരുത്ത്: മറവൻതുരുത്ത് പഞ്ചായത്തിലെ വികസനസദസ് ഇന്നു രാവിലെ 10.30ന് മറവൻതുരുത്ത് എസ്എൻഡിപി യോഗം ശാഖാ ഹാളിൽ നടക്കും. പഞ്ചായത്ത് പ്രസിഡന്‍റ് പി. പ്രീതയുടെ അധ്യക്ഷതയിൽ നടക്കുന്ന വികസനസദസ് സി.കെ. ആശ എംഎൽഎ ഉദ്ഘാടനം ചെയ്യും. പഞ്ചായത്ത് സെക്രട്ടറി കെ.വി. ചന്ദ്രിക വികസന റിപ്പോർട്ട് അവതരിപ്പിക്കും. ബ്ലോക്ക് പഞ്ചായത്ത് പ്രസിഡന്‍റ് എസ്. ബിജു, പഞ്ചായത്ത് വൈസ് പ്രസിഡന്‍റ് വി.ടി. പ്രതാപൻ, ബ്ലോക്ക് പഞ്ചായത്ത് വൈസ് പ്രസിഡന്‍റ് പി.ആർ. സലില, ജില്ലാ പഞ്ചായത്ത് അംഗം പി.എസ്. പുഷ്പമണി, ബ്ലോക്ക് പഞ്ചായത്ത് അംഗം രേഷ്മ പ്രവീൺ, പഞ്ചായത്ത് അംഗങ്ങളായ കെ.ബി. രമ, ബി. ഷിജു, സീമ ബിനു, സി. സുരേഷ്കുമാർ, പി.കെ. മല്ലിക, പ്രമീള രമണ, അസിസ്റ്റന്‍റ് സെക്രട്ടറി ടി.ബി. സനീഷ് കുമാർ തുടങ്ങിയവർ പങ്കെടുക്കും.

തദ്ദേശ തെരഞ്ഞെടുപ്പ്: സംവരണ വാര്‍ഡുകള്‍ നറുക്കെടുത്തു

കോട്ടയം: തദ്ദേശ സ്വയംഭരണ തെരഞ്ഞെടുപ്പിനായി ജില്ലയിലെ തദ്ദേശ സ്ഥാപനങ്ങളിലെ നിയോജകമണ്ഡലങ്ങളുടെയും വാര്‍ഡുകളുടെയും സംവരണക്രമം നിശ്ചയിക്കുന്നതിനുള്ള നറുക്കെടുപ്പ് നടത്തി. ജില്ലാ തെരഞ്ഞെുടുപ്പ് ഓഫീസറായ ജില്ലാ കളക്ടര്‍ ചേതന്‍കുമാര്‍ മീണയുടെ നേതൃത്വത്തില്‍ കളക്ടറേറ്റിലായിരുന്നു നറുക്കെടുപ്പ്. വൈക്കം, കടുത്തുരുത്തി, ഏറ്റുമാനൂര്‍ ബ്ലോക്കുകളില്‍ ഉള്‍പ്പെടുന്ന പഞ്ചായത്തുകളിലെ നറുക്കെടുപ്പാണ് ഇന്നലെ നടന്നത്. സ്ത്രീ, പട്ടികജാതി സ്ത്രീ, പട്ടികവര്‍ഗ സ്ത്രീ, പട്ടികജാതി, പട്ടികവര്‍ഗം സംവരണ സീറ്റുകളാണ് നറുക്കെടുപ്പിലൂടെ നിര്‍ണയിച്ചത്. മറ്റു പഞ്ചായത്തുകളിലെ നറുക്കെടുപ്പ് വരുംദിവസങ്ങളില്‍ നടക്കും. കുമരകം പഞ്ചായത്ത് പട്ടികജാതി സംവരണം: അട്ടിപ്പീടിക (8). സ്ത്രീ സംവരണം: കവണാറ്റിന്‍കര (1), ആപ്പിത്തറ (4), കൊല്ലകേരി (5), ഇടവട്ടം (6), നസ്രേത്ത് (9), ബസാര്‍ (10), എസ്ബിഐ (13), ചെപ്പന്നൂര്‍ കരി (16). അയ്മനം പഞ്ചായത്ത് പട്ടികജാതി സംവരണം: ഒളശ എച്ച്എസ് (18). സ്ത്രീ സംവരണം: കരീമഠം (1), കല്ലുങ്കത്ര (3), ജയന്തി (5), ഇരവീശ്വരം (6), അയ്മനം (11), കൊമ്പനാല്‍ (12), ഇളങ്കാവ് (14), കല്ലുമട (15), കുഴിത്താര്‍ (16), അമ്പലക്കടവ് (20), ചീപ്പുങ്കല്‍ (21). തിരുവാര്‍പ്പ് പഞ്ചായത്ത് പട്ടികജാതി സംവരണം: കിളിരൂര്‍ കുന്നുപുറം (12). സ്ത്രീ സംവരണം: മോര്‍ക്കാട് (1), ചെങ്ങളം കുന്നുംപുറം (2), ചെങ്ങളത്തുകാവ് (3), തൊണ്ടമ്പ്രാല്‍ (5), പഞ്ചായത്ത് സെന്‍ട്രല്‍ (10), അറുനൂറ്റിമംഗലം (11), മീഞ്ചിറ (14), പാകത്തുശേരി (15), ചെങ്ങളം വായനശാല (18), ചെങ്ങളം കേളക്കേരി (19). ആര്‍പ്പൂക്കര പഞ്ചായത്ത് പട്ടികജാതി സംവരണം: ചൂരക്കാവ് (3). സ്ത്രീ സംവരണം: പിണഞ്ചിറക്കുഴി (4), വില്ലൂന്നി (5), തൊണ്ണംകുഴി (6), പഞ്ചായത്ത് വാര്‍ഡ് (7), നേരെകടവ് (8), മെഡിക്കല്‍ കോളജ് (10), അങ്ങാടി (11), കരിപ്പ (13), നാലുതോട് (16). നീണ്ടൂര്‍ പഞ്ചായത്ത് പട്ടികജാതി സംവരണം: പ്രാവട്ടം (14). സ്ത്രീ സംവരണം: എസ്‌കെവി സൗത്ത് (5), ഓണംതുരുത്ത് (6), കൈപ്പുഴ ഹോസ്പിറ്റല്‍ (8), കൈപ്പുഴ പോസ്റ്റ്ഓഫീസ് (9), മേക്കാവ് (10), ശാസ്താങ്കല്‍ (11), കുട്ടാമ്പുറം (12), പാലത്തുരുത്ത് (13). അതിരമ്പുഴ പഞ്ചായത്ത് പട്ടികജാതി സംവരണം: വേലംകുളം (21). സ്ത്രീ സംവരണം: വേദഗിരി (1), ഐടിഐ (3), ചെത്തിത്തോട് (4), റെയിൽവേ സ്റ്റേഷന്‍ (6), ടൗണ്‍ (10), യൂണിവേഴ്സിറ്റി (11), അടിച്ചിറ (14), കന്നുകുളം (15), കൊട്ടാരം (17), ഐസിഎച്ച് (18), മാന്നാനം (19), ശ്രീകണ്ഠമംഗലം (24).

മാടപ്പള്ളിയിൽ കാട്ടുപന്നികള്‍ കൃഷികള്‍ തൂത്തെറിയുന്നു; ഷൂട്ടറെ നിയോഗിക്കാതെ പഞ്ചായത്ത്

ബെന്നി ചിറയില്‍ മാടപ്പള്ളി: കാട്ടുപന്നികള്‍ കൂട്ടത്തോടെ എത്തുന്നു. മാടപ്പള്ളി പഞ്ചായത്തിലെ മുണ്ടുകുഴി, മാന്നില, പാലമറ്റം, മുതലപ്ര ഭാഗങ്ങളിലെ കൃഷികള്‍ തൂത്തെറിയുന്നു. വാഴ, കപ്പ തുടങ്ങിയ കൃഷികളാണ് പന്നികള്‍ പിഴുതെറിയുന്നത്. കാടുപിടിച്ചുകിടക്കുന്ന പ്രദേശങ്ങളിലാണ് പന്നികള്‍ എത്തുന്നത്. മാടപ്പള്ളി പഞ്ചായത്ത് 12-ാംവാര്‍ഡിലെ മുണ്ടുകുഴി ഭാഗത്ത് കഴിഞ്ഞദിവസങ്ങളില്‍ കാട്ടുപന്നികള്‍ കൂട്ടത്തോടെയെത്തി ഇഞ്ചിക്കാലായില്‍ മാത്യു ജോര്‍ജ്-പുഷ്പമ്മ എന്നിവരുടെ 18 സെന്‍റ് കൃഷിയിടത്തിലെ വാഴയും കപ്പയും കുത്തിപ്പറിച്ച് നിലംപരിശാക്കി. സമീപസ്ഥലങ്ങളിലെ കര്‍ഷകരുടെ കൃഷിയിടങ്ങളും പന്നികള്‍ നിലം പരിശാക്കുകയാണ്. ഇതോടെ കര്‍ഷകര്‍ വലിയ സാമ്പത്തിക നഷ്ടത്തിലും മനോവിഷമത്തിലുമാണ്. മാന്നില, ചൂരനോലി ഭാഗത്ത് കാടുപിടിച്ചുകിടന്ന പ്രദേശത്ത് ഒരു വര്‍ഷം മുമ്പ് കാട്ടുപന്നികളെത്തി കൃഷികള്‍ നശിപ്പിച്ചതിനെത്തുടര്‍ന്ന് കാട് വെട്ടിത്തെളിച്ചു. ഇതോടെ പന്നികളുടെ ശല്യം ഒഴിവായി. കാട്ടുപന്നികളെ തുരത്തി സ്വസ്ഥമായി കൃഷി ചെയ്യാന്‍ പഞ്ചായത്ത് അവസരമൊരുക്കണമെന്നാണ് മാടപ്പള്ളിയിലെ കര്‍ഷകരുടെ ആവശ്യം. കാട്ടുപന്നി ശല്യത്തിനെതിരേ നാളെ രാവിലെ മാടപ്പള്ളി പഞ്ചായത്ത് പടിക്കല്‍ വികസനസമിതിയുടെ നേതൃത്വത്തില്‍ സമരം സംഘടിപ്പിച്ചിട്ടുണ്ട്. പന്നികളുടെ രൂക്ഷശല്യം തുടങ്ങിയിട്ട് രണ്ടു വര്‍ഷം മാടപ്പള്ളി മുണ്ടുകുഴി ഭാഗത്ത് കാട്ടുപന്നി ശല്യം തുടങ്ങിയിട്ട് രണ്ടുവര്‍ഷത്തോളമായി. പന്നിശല്യം ആയിരക്കണക്കിനു രൂപയുടെ നഷ്ടമാണു വരുത്തിയത്. സ്വന്തമായുള്ള 32 സെന്‍റിലും പാട്ടത്തിനെടുത്ത ഒന്നര ഏക്കറിലുമാണ് കൃഷി ചെയ്യുന്നത്. കഴിഞ്ഞ മുപ്പതോളം വര്‍ഷമായി കൃഷിയിലൂടെയാണ് കുടുംബത്തിന്‍റെ ഉപജീവനം. ഈ അവസ്ഥയാണെങ്കില്‍ കൃഷി ഉപേക്ഷിക്കേണ്ടിവരും. വിഷയം കൃഷിവകുപ്പിലും പഞ്ചായത്തിലും അറിയിച്ചിട്ടുണ്ട്. പുഷ്പമ്മ മാത്യു ഇഞ്ചിക്കാലായില്‍(കാട്ടുപന്നി കൃഷി നശിപ്പിച്ച സ്ഥലം ഉടമ) കൃഷി നിര്‍ത്തിവച്ചു മുണ്ടുകുഴി ഭാഗത്ത് കഴിഞ്ഞ മുപ്പത്തഞ്ച് വര്‍ഷത്തിലേറെയായി വാഴ, കപ്പ, പയര്‍ കൃഷി ചെയ്തുവരുന്നു. കൃഷിമാത്രം ഉപജീവനം. കാട്ടുപന്നികള്‍ വിളകള്‍ തകര്‍ത്തതോടെ ഒന്നരവര്‍ഷമായി കൃഷികള്‍ വേണ്ടെന്നു വച്ചു. നാട്ടിലെ മറ്റു പല കര്‍ഷകരും കൃഷി ഉപേക്ഷിച്ചിട്ടുണ്ട്. എ.പി. ബാബു കിളിച്ചുമല (മുണ്ടുകുഴി) കര്‍ഷകരുടെ പരാതി ഭരണസമിതി പരിഗണിക്കുന്നില്ല കാട്ടുപന്നിശല്യം സംബന്ധിച്ച് പഞ്ചായത്തംഗങ്ങളും കര്‍ഷകരും ഉന്നയിക്കുന്ന പരാതികള്‍ പഞ്ചായത്ത് ഭരണസമിതി പരിഗണിക്കുന്നില്ല. അംഗീകൃത ഷൂട്ടറെ കിട്ടാനില്ലെന്നാണ് ഭരണസമിതിയുടെ വാദം. കാട്ടുപന്നികളെ തുരത്താന്‍ ഭരണസമിതി നടപടികള്‍ സ്വീകരിച്ചില്ലെങ്കില്‍ ജനകീയസമരം സംഘടിപ്പിക്കും. ജിന്‍സണ്‍ മാത്യു കോണ്‍ഗ്രസ് പഞ്ചായത്തംഗം മാടപ്പള്ളി പഞ്ചായത്ത് ഗ്രാമപഞ്ചായത്തിനോട് സഹകരിക്കാന്‍ തയാര്‍ 1996 മുതല്‍ ലൈസന്‍സോടെ തോക്ക് ഉപയോഗിക്കുന്ന ആളാണ്. കാട്ടുപന്നിശല്യം കര്‍ഷകര്‍ക്കു ദുരിതമായ സാഹചര്യത്തില്‍ പന്നിയെ തുരത്താന്‍ അടിയന്തര സാഹചര്യങ്ങളില്‍ പഞ്ചായത്തിനോടു സഹകരിച്ചു പ്രവര്‍ത്തിക്കാന്‍ തയാറാണ്. മാടപ്പള്ളി പഞ്ചായത്ത് ഓഫീസിനു സമീപം കുര്യച്ചന്‍പടിയിലാണ് വീട്. ബിലു പി.ആര്‍.പുത്തന്‍പീടികയില്‍ തോക്ക് ലൈസന്‍സി വിഷയം ഗൗരവമായി പഞ്ചായത്ത് കമ്മിറ്റിയില്‍ ഉന്നയിക്കും കാട്ടുപന്നി ശല്യം വ്യാപകമായ മാടപ്പള്ളി 12-ാം വാര്‍ഡിലെ ജനപ്രതിനിധിയാണ്. വിഷയം പഞ്ചായത്ത് കമ്മിറ്റിയില്‍ ഗൗരവപൂര്‍വം ഉന്നയിച്ച് ജനങ്ങളുടെ പ്രതിസന്ധിക്ക് പരിഹാരം കാണും. ബാബു പാറയില്‍ മാടപ്പള്ളി പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ വിഷയം ഉന്നയിച്ച് നാളെമുതല്‍ സമരം കാട്ടുപന്നി ശല്യത്തിനെതിരേ നടപടി സ്വീകരിക്കണമെന്നാവശ്യപ്പെട്ട് നാളെ രാവിലെ പത്തിന് മാടപ്പള്ളി പഞ്ചായത്ത് ഓഫീസിനു മുമ്പില്‍ ധര്‍ണ നടത്തും. നടപടി സ്വീകരിക്കാത്ത പക്ഷം കര്‍ഷകരെ ഉള്‍പ്പെടുത്തി വിപുലമായ സമരം പ്രഖ്യാപിക്കും. ബാബു കുട്ടന്‍ചിറ ചെയര്‍മാന്‍, മാടപ്പള്ളി വികസനസമിതി ലൈസന്‍സുള്ള ഷൂട്ടര്‍ വന്നാല്‍ പന്നിയെ വെടിവയ്ക്കാന്‍ അനുമതി നല്‍കും ലൈസന്‍സുള്ള ഷൂട്ടര്‍ വന്നാല്‍ പന്നിയെ വെടിവയ്ക്കാന്‍ അനുമതി നല്‍കും. പന്നിയെ വെടിവച്ച് കൊന്നശേഷം സര്‍ക്കാർ മാനദണ്ഡമനുസരിച്ച് മറവു ചെയ്യണം. പന്നിയെ കൊന്ന് മറവു ചെയ്‌തെന്ന വാര്‍ഡ്‌ മെംബറുടെ സാക്ഷ്യപത്രവും ചെലവ് തുകയ്ക്കുള്ള വൗച്ചറും പഞ്ചായത്ത് ഓഫീസില്‍ നല്‍കിയാല്‍ തുക ലഭിക്കും. മണിയമ്മ രാജപ്പന്‍മാടപ്പള്ളി പഞ്ചായത്ത് പ്രസിഡന്‍റ്

ശീതകാല പച്ചക്കറി കൃഷിയില്‍ ഒന്പതാം വര്‍ഷവും സെന്‍റ് ആന്‍റണീസ് സ്‌കൂള്‍

കുറുമ്പനാടം: സെന്‍റ് ആന്‍റണീസ് എല്‍പി സ്‌കൂളില്‍ തുടര്‍ച്ചയായി ഒന്പതാം വര്‍ഷവും ശീതകാല പച്ചക്കറികൃഷി. സ്‌കൂള്‍ അസിസ്റ്റന്‍റ് മാനേജര്‍ ഫാ. സെബാസ്റ്റ്യന്‍ കളത്തിപ്പറമ്പില്‍ പച്ചക്കറി കൃഷിക്ക് തുടക്കംകുറിച്ചു. ഹെഡ്മാസ്റ്റര്‍ ബിനു ജോയിയുടെ നേതൃത്വത്തില്‍ അധ്യാപകരെല്ലാവരും വളരെ ഉത്സാഹത്തോടെ കുട്ടികളോടൊപ്പം കൃഷിപ്പണികളില്‍ സജീവമാണ്. സ്‌കൂള്‍ ഫാര്‍മേഴ്സ് ക്ലബ്ബിനാണ് കൃഷിയുടെ മേല്‍നോട്ടം. സംസ്ഥാന തലത്തില്‍ ശ്രദ്ധ പിടിച്ചുപറ്റി മുന്‍വര്‍ഷങ്ങളില്‍ നിരവധി അവാര്‍ഡുകള്‍ നേടുകയും ചെയ്ത സ്‌കൂള്‍വളപ്പിലെ കൃഷികള്‍ കാണുവാനും മറ്റും നിരവധിയാളുകള്‍ സ്‌കൂളില്‍ എത്തിച്ചേരാറുണ്ട്. കുറുമ്പനാടം സെന്‍റ് ആന്‍റണീസ് എല്‍പി സ്‌കൂളില്‍ ശീതകാല പച്ചക്കറികൃഷി സ്‌കൂള്‍ അസിസ്റ്റന്‍റ് മാനേജര്‍ ഫാ. സെബാസ്റ്റ്യന്‍ കളത്തിപ്പറമ്പില്‍ ഉദ്ഘാടനം ചെയ്യുന്നു.

പുളിങ്കുന്ന് സെന്‍റ് തെരേസാസ് കുരിശുപള്ളിയുടെ കൂദാശ നാളെ

പുളിങ്കുന്ന്: സെന്‍റ് തെരേസാസ് കുരിശുപള്ളിയുടെ കൂദാശ നാളെ 2.30ന് ചങ്ങനാശേരി ആര്‍ച്ച്ബിഷപ് മാര്‍ തോമസ് തറയില്‍ നിര്‍വഹിക്കും. 1902 ല്‍ വിശുദ്ധ അമ്മത്രേസ്യായുടെ നാമത്തില്‍ നിര്‍മിച്ച പുരാതന ദേവാലയത്തിന്‍റെ സ്ഥാനത്ത് പുനര്‍നിര്‍മിച്ച ദേവാലയമാണ് കൂദാശ ചെയ്യുന്നത്. അതിരൂപത വൈസ് ചാന്‍സിലര്‍ റവ.ഡോ. ജോര്‍ജ് പുതുമനമൂഴിയില്‍, പുളിങ്കുന്ന് സെന്‍റ് സെബാസ്റ്റ്യന്‍സ് സിഎംഐ ആശ്രമ പ്രിയോര്‍ ഫാ. ജോസ് കോനാട്ട് സിഎംഐ എന്നിവര്‍ സഹകാര്‍മികരായിരിക്കും. തുടര്‍ന്നു നടക്കുന്ന പൊതുസമ്മേളനത്തില്‍ വികാരി റവ.ഡോ. ടോം പുത്തന്‍കളം അധ്യക്ഷത വഹിക്കും. ആര്‍ച്ച്ബിഷപ് മാര്‍ തോമസ് തറയില്‍ ഉദ്ഘാടനം ചെയ്യും. ചട ങ്ങിൽ വിശിഷ്ട വ്യക്തികളെ ആദരിക്കും. തുടര്‍ന്ന് 4.30നു വിശുദ്ധ കുര്‍ബാന, ഇടവകയില്‍ ശുശ്രൂഷ ചെയ്ത മുന്‍ വൈദികരുടെയും ഇടവകാംഗങ്ങളായ വൈദികരുടെയും കാര്‍മികത്വത്തില്‍ നടത്തും. കുരിശുപള്ളിയുടെ ചരിത്രം തൊഴില്‍ അന്വേഷിച്ചും കാര്‍ഷിക സാധ്യതകള്‍ തെരഞ്ഞും ഈ പ്രദേശത്തുവന്ന് താമസിച്ചവര്‍ ഏറെപ്പേര്‍ ആറ്റില്‍നിന്നും കായലുകളില്‍നിന്നും കക്കാ ശേഖരിച്ച് നീറ്റി കുമ്മായമാക്കി മാറ്റി ഉപജീവനമാര്‍ഗം കണ്ടെത്തിയതായും ആ ജീവിതവൃത്തിയിലേക്ക് പിന്നീട് അനേകം പേര്‍ കടന്നുവന്നതുമായ വായ്‌മൊഴി ചരിത്രം ഇന്ന് മുതിര്‍ന്ന ആളുകളുടെ നാവിന്‍തുമ്പില്‍ നിറഞ്ഞുനിൽക്കുന്നു. കക്കാ കഴുകുക, ചൂളവണ്ടി കറക്കുക, വിറകു കീറുക തുടങ്ങി അനവധി ജോലികള്‍ ചെയ്ത് ജീവിച്ചിരുന്ന ഈ ഭാഗത്തുള്ളവർ ചൂളക്കോട് വാസികള്‍ എന്നാണ് അറിയപ്പെട്ടിരുന്നത്. ഇവര്‍ക്ക് ഒരു പ്രാര്‍ഥനാലയം വേണമെന്ന ആഗ്രഹം സുമനസുകളുടെ ഔദാര്യത്തിലൂടെ പന്പയാറ്റിൻ തീരത്ത് ആദ്യം ഒരു വണക്കമാസപ്പുരയായിത്തീര്‍ന്നു. പനമ്പും ഓലയും ചൂളക്കുമ്മായവുമൊക്കെ ചേര്‍ത്ത് ചൂളക്കോട്ടുകാര്‍ പരിശുദ്ധ ദൈവമാതാവിന്‍റെ പേരില്‍ ഒരു കുഞ്ഞുപ്രാര്‍ഥനാലയം തീര്‍ത്തു. 1902ല്‍ ചങ്ങനാശേരി വികാരിയാത്തിന്‍റെ വികാരി അപ്പസ്‌തോലിക്കയായിരുന്ന ഭാഗ്യസ്മരണാര്‍ഹനായ മാര്‍ മാത്യു മാക്കില്‍ പിതാവിന്‍റെ കാലത്താണ് വിശുദ്ധ അമ്മത്രേസ്യായുടെ പ്രതിഷ്ഠയോടുകൂടിയ ആദ്യ ദേവാലയം നിര്‍മിക്കപ്പെടുന്നത്. എന്തുകൊണ്ട് അമ്മത്രേസ്യായുടെ പേരില്‍ പള്ളി അറിയപ്പെട്ടു എന്നതിന് പഴമക്കാര്‍ നല്കുന്ന വ്യാഖ്യാനം മറ്റൊന്നാണ്. കാവാലം പള്ളിയിലെ വിശുദ്ധ അമ്മത്രേസ്യായുടെ മാധ്യസ്ഥശക്തിയുടെ കീര്‍ത്തി സമീപ പ്രദേശങ്ങളിലും ശക്തമായി വ്യാപിച്ചതും വിശുദ്ധയുടെ നാമത്തില്‍ ഒരു ഭക്തസമൂഹം രൂപപ്പെട്ടതുമാണ് ഇതിനു കാരണമായി കണക്കാക്കുന്നത്. ആവിലായിലെ ഈ വിശുദ്ധയുടെ മൂന്ന് ആത്മീയ ഭാവങ്ങള്‍ ഉള്‍ക്കൊള്ളുന്ന മൂന്നു രൂപങ്ങളാണ് പള്ളിയില്‍ കാലാകാലങ്ങളായി സൂക്ഷിച്ചു പോരുന്നത്.

ചങ്ങനാശേരി ഏരിയാ കമ്മിറ്റിയില്‍നിന്ന് രണ്ട് യുവനേതാക്കളുടെ രാജി

ചങ്ങനാശേരി: സിപിഎമ്മിലെ അവഗണനയിലും പാര്‍ട്ടി നേതൃത്വത്തിന്‍റെ സംഘടനാവിരുദ്ധ നിലപാടിലും പ്രതിഷേധിച്ച് ചങ്ങനാശേരി ഏരിയാ കമ്മിറ്റിയില്‍നിന്ന് രണ്ടു യുവനേതാക്കള്‍ രാജിയിലേക്ക്. ഏരിയാ കമ്മിറ്റിയംഗവും മാടപ്പള്ളി ലോക്കല്‍ സെക്രട്ടറിയും മാടപ്പള്ളി പഞ്ചായത്ത് വികസന സ്റ്റാന്‍ഡിംഗ് കമ്മിറ്റി ചെയര്‍മാനുമായ പി.എ. ബിന്‍സണ്‍, ഡിവൈഎഫ്‌ഐ ചങ്ങനാശേരി ബ്ലോക്ക് സെക്രട്ടറിയും ഏരിയ കമ്മിറ്റിയംഗവുമായ ജസ്റ്റിന്‍ ജോസഫ് എന്നിവരാണ് പാര്‍ട്ടിയിലെ പടനീക്കത്തില്‍ പ്രതിഷേധിച്ച് രാജി സന്നദ്ധത അറിയിച്ചത്. ഇതുസംബന്ധിച്ച് ഇരുവരും ചങ്ങനാശേരി ഏരിയാ സെക്രട്ടറി കെ.ഡി. സുഗതന് കത്തു നല്‍കിയിട്ടുണ്ട്. ഇക്കഴിഞ്ഞ മൂന്നിന് തെങ്ങണയിലുള്ള മാടപ്പള്ളി സിപിഎം മണ്ഡലം കമ്മിറ്റി ഓഫീസില്‍ ചേര്‍ന്ന യോഗത്തില്‍ പങ്കെടുത്ത ഏരിയാ സെക്രട്ടറി കെ.ഡി. സുഗതന്‍ ലോക്കല്‍ സെക്രട്ടറി പി.എ. ബിന്‍സനെതിരേ പരാമര്‍ശങ്ങള്‍ നടത്തിയതായി സൂചനകളുണ്ട്. ഇതേത്തുടര്‍ന്ന് കഴിഞ്ഞയാഴ്ചയാണ് പി.എ. ബിന്‍സണും ജസ്റ്റിന്‍ ജോസഫും പാർട്ടിയുടെ ഔദ്യോഗിക ചുമതലകളില്‍നിന്നും ഒഴിവാക്കണമെന്നാവശ്യപ്പെട്ട് കത്ത് ഏരിയാ സെക്രട്ടറിക്ക് കൈമാറിയത്. കഴിഞ്ഞ പഞ്ചായത്ത് തെരഞ്ഞെടുപ്പില്‍ മാടപ്പള്ളി പഞ്ചായത്തിന്‍റെ 16-ാം വാര്‍ഡില്‍ കന്നിയംഗത്തില്‍ ബിജെപി, കോണ്‍ഗ്രസ് അംഗങ്ങളെ തോല്‍പ്പിച്ചാണ് ബിന്‍സണ്‍ വിജയിച്ചത്. എന്നാല്‍, ചങ്ങനാശേരി ഏരിയാ കമ്മിറ്റിയംഗവും യുവനേതാവുമായ ബിന്‍സനെ ഒഴിവാക്കി ചങ്ങനാശേരിയിലെ സിപിഎം നേതൃത്വം മറ്റൊരു ഏരിയാ കമ്മിറ്റിയംഗമായ മണിയമ്മ രാജപ്പന് അഞ്ചുവര്‍ഷവും പ്രസിഡന്‍റ് സ്ഥാനം നല്‍കുകയായിരുന്നു. ബിന്‍സന് വികസന സ്റ്റാന്‍ഡിംഗ് കമ്മിറ്റി ചെയര്‍മാന്‍ സ്ഥാനംകൊണ്ട് തൃപ്തിയടയേണ്ടിവന്നു. കഴിഞ്ഞ ഒക്‌ടോബറില്‍ അന്നത്തെ ലോക്കല്‍ സെക്രട്ടറി അവധിയെടുത്ത സാഹചര്യത്തില്‍ ബിന്‍സണ് ലോക്കല്‍ സെക്രട്ടറിയുടെ ചുമതല ലഭിച്ചു. തുടര്‍ന്നു നടന്ന തെരഞ്ഞെടുപ്പില്‍ ലോക്കല്‍ സെക്രട്ടറി സ്ഥാനവും ഏരിയ കമ്മിറ്റിയംഗത്വവും പി.എ. ബിന്‍സണിനു ലഭിച്ചു. ഇതേച്ചൊല്ലി മാടപ്പള്ളിയിലെ സിപിഎമ്മില്‍ ഉടലെടുത്ത തര്‍ക്കങ്ങളാണ് ലോക്കല്‍ സെക്രട്ടറി പി.എ. ബിന്‍സണും ഡിവൈഎഫ്ഐ ചങ്ങനാശേരി ബ്ലോക്ക് സെക്രട്ടറിയും ഏരിയാ കമ്മിറ്റിയംഗവുമായ ജസ്റ്റിന്‍ ജോസഫ് എന്നിവര്‍ പാര്‍ട്ടിയുമായി ഇടയാന്‍ കാരണമായത്. ഇരുവരും പാര്‍ട്ടി വിടുമെന്ന സൂചനകളാണ് പുറത്തു വരുന്നത്.

മാടപ്പള്ളി ബ്ലോക്ക് പഞ്ചായത്തില്‍ ഭിന്നശേഷി-ഓട്ടിസം തെറാപ്പി സെന്‍റര്‍ തുറന്നു

ചങ്ങനാശേരി: 18 വയസുവരെയുള്ള ഭിന്നശേഷി വിഭാഗത്തില്‍പ്പെട്ടവര്‍ക്കും ഓട്ടിസം ബാധിച്ചവര്‍ക്കുമായി മാടപ്പള്ളി ബ്ലോക്ക് പഞ്ചായത്ത് ആരംംഭിച്ച സൗജന്യ ഭിന്നശേഷി തെറാപ്പി സെന്‍ററും ഓട്ടിസം പാര്‍ക്കും തുറന്നു. സര്‍ക്കാര്‍ ചീഫ് വിപ്പ് ഡോ. എന്‍ ജയരാജ് ഉദ്ഘാടനം ചെയ്തു. ജോബ് മൈക്കിള്‍ എംഎല്‍എ അധ്യക്ഷത വഹിച്ചു. തൃക്കൊടിത്താനം സെന്‍റ് സേവ്യേഴ്‌സ് ഫൊറോന പള്ളി വികാരി ഫാ. സെബാസ്റ്റ്യന്‍ പുന്നശേരി അനുഗ്രഹ പ്രഭാഷണം നടത്തി. ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു, ബ്ലോക്ക് വൈസ് പ്രസിഡന്‍റ് സുനിതാ സുരേഷ്, ജില്ലാ പഞ്ചായത്തംഗങ്ങളായ മഞ്ജു സുജിത്ത്, സുധാ കുര്യന്‍, പഞ്ചായത്ത് പ്രസിഡന്‍റുമാരായ മോളി ജോസഫ്, ഗീതാ രാധാകൃഷ്ണന്‍, ബ്ലോക്ക് പഞ്ചായത്തംഗങ്ങളായ ലൈസാമ്മ ആന്‍റണി, സബിതാ ചെറിയാന്‍, ടി. രഞ്ജിത്, അലക്‌സാണ്ടര്‍ പ്രാക്കുഴി, മാത്തുക്കുട്ടി പ്ലാത്താനം, വര്‍ഗീസ് ആന്‍റണി, ബിന്ദു ജോസഫ്, സൈന തോമസ്, ബീനാ കുന്നത്ത്, ടീനാമോള്‍ റോബി, ബ്ലോക്ക് സെക്രട്ടറി കെ. വിനോദ് എന്നിവര്‍ പ്രസംഗിച്ചു. സമ്മാനദാനത്തിനും സമാപന സമ്മേളനത്തിനും ശേഷം ഭിന്നശേഷി കലാകാരന്മാര്‍ അവതരിപ്പിച്ച ഗാനമേളയും നടന്നു. സൗജന്യ ഓട്ടിസം തെറാപ്പി സെന്‍റര്‍ ജില്ലയില്‍ ആദ്യം തദ്ദേശ സ്വയംഭരണ സ്ഥാപനത്തിന്‍റെ നേതൃത്വത്തില്‍ ജില്ലയില്‍ ആദ്യത്തേതും സംസ്ഥാനത്ത് രണ്ടാമത്തേതുമാണ് മാടപ്പള്ളി ബ്ലോക്ക് പഞ്ചായത്തിന്‍റെ നേതൃത്വത്തില്‍ വനിതാ-ശിശു വകുപ്പിന്‍റെ കീഴില്‍ ബ്ലോക്ക് പഞ്ചായത്ത് കോമ്പൗണ്ടില്‍ അത്യാധുനിക രീതിയില്‍ ആരംഭിച്ച ഭിന്നശേഷി ഓട്ടിസം തെറാപ്പി സെന്‍റര്‍. ചികിത്സ പൂര്‍ണമായും സൗജന്യമാണ്. അഞ്ചു പഞ്ചായത്തുകളിലെ ഭിന്നശേഷി ഓട്ടിസം ബാധിച്ചവരെ സമൂഹത്തിന്‍റെ മുഖ്യധാരയില്‍ എത്തിക്കുന്നതിനായാണ് ബ്ലോക്ക് പഞ്ചായത്തിന്‍റെ നേതൃത്വത്തില്‍ അത്യാധുനിക സജ്ജീകരണങ്ങളോടെ ബ്ലോക്ക് ഓഫീസിനോട് ചേര്‍ന്ന് ആറു മുറികളിലായി തെറാപ്പി സെന്‍ററും ഓട്ടിസം പാര്‍ക്കും ആരംഭിച്ചത്. പരിചയസമ്പന്നരായ തെറാപ്പിസ്റ്റുകളെയും സഹായികളെയും ഇവിടെ നിയമിച്ചിട്ടുണ്ട്.

ഓട്ടത്തിനിടെ കാറിനു തീപിടിച്ചു

ചങ്ങനാശേരി: ഓട്ടത്തിനിടയില്‍ കാറിനു തീപിടിച്ചു. ഇന്നലെ രാവിലെ 9.30ന് ചങ്ങനാശേരി റെയില്‍വേ പാലത്തിനു സമീപം ഗുഡ്‌ഷെഡ് റോഡിലായിരുന്നു അപകടം. ചങ്ങനാശേരി സ്വദേശി മുഹമ്മദ് ഫയാസും കുടുംബവുമാണ് കാറിലുണ്ടായിരുന്നത്. ഓട്ടത്തിനിടെ പുക ഉയരുന്നത് കണ്ടു കാറിലുണ്ടായിരുന്നവര്‍ പുറത്തിറങ്ങിയതിനാല്‍ അപകടം ഒഴിവായി. മുന്‍ഭാഗത്താണ് തീ ഉയര്‍ന്നത്. ചങ്ങനാശേരി ഫയര്‍ഫോഴ്‌സ് എത്തിയാണ് തീയണച്ചത്. ഫയര്‍ഫോഴ്‌സ് സ്റ്റേഷന്‍ ഓഫീസര്‍ അനൂപ് രവീന്ദ്രന്‍, സീനിയര്‍ ഫയര്‍ ആന്‍ഡ് റെസ്‌ക്യു ഓഫീസര്‍ ഗണേഷ് കുമാര്‍, മുഹമ്മദ് സാലിഹ്, ബെന്നി, അതുല്‍ദേവ്, അഭിലാഷ് ശേഖര്‍, പ്രവീണ്‍, സിബിച്ചന്‍ എന്നിവര്‍ നേതൃത്വം നല്‍കി.

മാടപ്പള്ളി പഞ്ചായത്തിലെ സംവരണ വാര്‍ഡുകള്‍ ഇന്നറിയാം

ചങ്ങനാശേരി: മാടപ്പള്ളി പഞ്ചായത്തിലെ സംവരണ വാര്‍ഡുകളുടെ നറുക്കെടുപ്പ് ഇന്നു നടക്കും. കളക്‌ടറേറ്റ് കോണ്‍ഫറന്‍സ് ഹാളില്‍ രാവിലെ പത്തിനാണ് നറുക്കെടുപ്പ്. നിലവില്‍ 20 വാര്‍ഡുകളാണ് ഈ പഞ്ചായത്തിലുള്ളത്. പുതിയ വാര്‍ഡ് വിഭജനപ്രകാരം രണ്ടു വാര്‍ഡുകള്‍ കൂടിയപ്പോള്‍ 22 വാര്‍ഡുകളായി. 13, 16 വാര്‍ഡുകള്‍ വിഭജിച്ച് 14 കരിക്കണ്ടം വാര്‍ഡും നിലവിലുള്ള 19, 20 വാര്‍ഡുകള്‍ വിഭജിച്ച് 21 വട്ടച്ചാല്‍പ്പടിയുമാണ് രൂപംകൊണ്ടത്. 14-ാം വാര്‍ഡിലെ അറുപതോളം വീടുകള്‍ നിലവിലെ 16ലേക്കു കൂട്ടിച്ചേര്‍ത്തിട്ടുണ്ട്. ഓരോ വാര്‍ഡിലും മത്സരിക്കാന്‍ ആഗ്രഹിക്കുന്നവര്‍ നെഞ്ചിടിപ്പോടെയാണ് നറുക്കെടുപ്പ് കാത്തിരിക്കുന്നത്. കഴിഞ്ഞ പത്തുവര്‍ഷമായി പഞ്ചായത്ത് പ്രസിഡന്‍റ് സ്ഥാനം അലങ്കരിക്കുന്നത് വനിതകളാണ്.

ഓണ്‍ലൈന്‍ വ്യാപാരം: വ്യാപാരി-വ്യവസായി സമിതി പ്രതിഷേധം ഇന്ന്

ചങ്ങനാശേരി: ഓണ്‍ലൈന്‍ വ്യാപാര കമ്പനികളെ അമിതമായി പ്രോത്സാഹിപ്പിക്കുന്ന കേന്ദ്രസര്‍ക്കാര്‍ നയത്തിനെതിരേ ഇത്തരം സ്ഥാപനങ്ങള്‍ ഏറ്റവും കൂടുതലുള്ള ചങ്ങനാശേരിയില്‍ കേന്ദ്രസര്‍ക്കാര്‍ സ്ഥാപനമായ ഹെഡ് പോസ്റ്റ് ഓഫീസിനു മുന്നിലേക്ക് വ്യാപാരി വ്യവസായി സമിതി ജില്ലാ കമ്മിറ്റിയുടെ നേതൃത്വത്തില്‍ ഇന്നു രാവിലെ പത്തിനു പ്രതിഷേധ മാര്‍ച്ചും ധര്‍ണയും നടത്തും. സിപിഎം ഏരിയാ സെക്രട്ടറി കെ.ഡി. സുഗതന്‍ ഉദ്ഘാടനം ചെയ്യും. വ്യാപാരി വ്യവസായി സമിതി സംസ്ഥാന സെക്രട്ടറി ഇ.എസ്. ബിജു മുഖ്യപ്രഭാഷണം നടത്തും. മാര്‍ച്ചും ധര്‍ണയും വിജയിപ്പിക്കാന്‍ മുഴുവന്‍ വ്യാപാരികളും രംഗത്തിറങ്ങണമെന്ന് സമിതി ജില്ലാ സെക്രട്ടറി ജോജി ജോസഫ് അറിയിച്ചു.

സസ്‌പെന്‍ഷനിലായവരെ തിരിച്ചെടുത്തത് ഭരണാനുകൂല സംഘടനയുടെ പിൻബലത്തിലെന്ന്

കോട്ടയം: വ്യാജ യോഗ്യതാ സര്‍ട്ടിഫിക്കറ്റ് ഹാജരാക്കി പ്രൊമോഷന്‍ തരപ്പെടുത്തി സസ്‌പെന്‍ഷനിലായ രണ്ട് വ്യവസായ വാണിജ്യ വകുപ്പ് ജീവനക്കാരെ തിരിച്ചെടുത്തു. വ്യാജ യോഗ്യതാ സര്‍ട്ടിഫിക്കറ്റ് ഹാജരാക്കിയാണ് ഡെപ്യൂട്ടി ഡയറക്ടര്‍, അസിസ്റ്റന്‍റ് ഡയറക്ടര്‍ സ്ഥാനക്കയറ്റം ലഭിച്ചതെന്ന പരാതിയുടെ അടിസ്ഥാനത്തില്‍ ഇവരെ സസ്‌പെന്‍ഡ് ചെയ്തിരുന്നു. എന്നാൽ, മറ്റൊരു കേസിലെ വിധി ചൂണ്ടിക്കാട്ടി സര്‍വീസില്‍ തിരികെയെത്താന്‍ ഇവർക്ക് സഹായമായത് ഭരണാനുകൂല സംഘടനയുടെ പിന്‍ബലമാണെന്ന് എന്‍ജിഒ അസോസിയേഷനും ഗസറ്റഡ് ഓഫീസേഴ്‌സ് യൂണിയനും ആരോപിച്ചു. സ്ഥാനക്കയറ്റം ലഭിച്ചവര്‍ക്കെതിരായ പരാതി അന്വേഷിച്ചു നടപടിയെടുക്കാന്‍ സര്‍ക്കാര്‍ ഉന്നത ഉദ്യോഗസ്ഥയെ ചുമതലപ്പെടുത്തിയിരുന്നു. എന്നാൽ ഭരണാനുകൂല സംഘടനയുടെയും സര്‍ക്കാരിന്‍റെയും ഒത്താശയോടെ സമയബന്ധിതമായി സസ്‌പെന്‍ഷന്‍ കാലത്തെ നടപടികള്‍ പൂര്‍ത്തീകരിക്കാതെയും ചാര്‍ജ് മെമ്മോ നല്‍കാതെയും ഉദ്യോഗസ്ഥര്‍ക്ക് കോടതിയില്‍ പോകാനും സുപ്രീംകോടതിയുടെ വിധി ചൂണ്ടിക്കാട്ടി കേരള അഡ്മിനിസ്‌ട്രേറ്റീവ് ട്രിബ്യൂണലില്‍നിന്ന് അനുകൂല വിധി സമ്പാദിക്കുന്നതിനുള്ള അവസരമൊരുക്കി. ഈ കാലയളവില്‍ ഒന്നുംതന്നെ വ്യാജരേഖ ചമച്ച ഉദ്യോഗസ്ഥര്‍ക്കെതിരേ ക്രിമിനല്‍ നടപടി പ്രകാരമുള്ള പോലീസ് കേസ് രജിസ്റ്റര്‍ ചെയ്യുന്നതിനോ വിജിലന്‍സില്‍ പരാതി കൊടുക്കുന്നതിനോ വകുപ്പ് അധ്യക്ഷനോ സര്‍ക്കാരോ ശ്രമിച്ചിട്ടില്ല. സര്‍ക്കാരും ഇടതുസംഘടനകളും തമ്മിലുള്ള ഒളിച്ചുകളി അവസാനിപ്പിച്ച് കുറ്റകാര്‍ക്കെതിരേ കര്‍ശന നടപടി സ്വീകരിക്കണമെന്നാവശ്യപ്പെട്ട് എന്‍ജിഒ അസോസിയേഷനും ഗസറ്റഡ് ഓഫീസേഴ്‌സ് യൂണിയനും കോട്ടയം ജില്ലാ വ്യവസായ കേന്ദ്രത്തില്‍ നടത്തിയ പ്രതിഷേധ ധര്‍ണ എന്‍ജിഒ അസോസിയേഷന്‍ സംസ്ഥാന ട്രഷറര്‍ വി.പി. ബോബിന്‍ ഉദ്ഘാടനം ചെയ്തു. എന്‍ജിഒ അസോസിയേഷന്‍ ജില്ലാ പ്രസിഡന്‍റ് സതീഷ് ജോര്‍ജ് അധ്യക്ഷത വഹിച്ചു. എന്‍. അരുണ്‍ കുമാര്‍, സോജോ തോമസ്, അഷറഫ് പറപ്പള്ളി, അര്‍ത്തിയില്‍ സമീര്‍, കണ്ണന്‍ ആന്‍ഡ്രൂസ്, എച്ച്. നിസാം, പി.എസ്. ഷാജിമോന്‍, ടി.കെ. അജയന്‍, ത്രേസ്യാമ്മ മാത്യു, ജോഷി മാത്യു, എന്‍.എസ്. സന്തോഷ് എന്നിവര്‍ പ്രസംഗിച്ചു.

നാട്ടുരുചിയുടെ സ്വാദ് നുണഞ്ഞ് ബിസിഎം കോളജ്

കോട്ടയം: നാടന്‍ ഭക്ഷ്യവിഭവങ്ങള്‍ തയാറാക്കി പ്രദര്‍ശനത്തിനെത്തിച്ചു ബിസിഎം കോളജിലെ വിദ്യാര്‍ഥികളും അധ്യാപക, അനധ്യാപക സംഘം. തരിവട്ട്, സ്‌പൈസി അവല്‍ ലെഡു, ചക്കപ്പായസം, റാഗി സേമിയ പുട്ട്, അവീല്‍ കൊഴുക്കട്ട, പുളിയില അട തുടങ്ങിയ വിഭവങ്ങള്‍ പഴമയുടെ ആരോഗ്യകരമായ സ്വാദ് നാവിലെത്തിച്ചു. ലോകഭക്ഷ്യദിനത്തോടനുബന്ധിച്ചു കോളജിലെ സെന്‍റര്‍ ഫോര്‍ ഇന്ത്യന്‍ നോളഡ്ജ് സിസ്റ്റംസ്, ഭൂമിത്രസേന ക്ലബ്, എന്‍ഇപി സെല്‍ എന്നിവയുടെ ആഭിമുഖ്യത്തിലാണ് പ്രദര്‍ശനം സംഘടിപ്പിച്ചത്. സീനാ ടോണി ജോസ് ഉദ്ഘാടനം ചെയ്തു. കോളജ് പ്രിന്‍സിപ്പൽ ഡോ. കെ.വി. തോമസ് അധ്യക്ഷത വഹിച്ചു. കോളജ് മാനേജര്‍ ഫാ. ഏബ്രഹാം പറമ്പേട്ട്, ഫാ. ബൈജു മാത്യു, ഡോ. നവീന ജെ. നരിതൂക്കില്‍, പ്രിയാ തോമസ്, അനില്‍ സ്റ്റീഫന്‍, ഡോ. എലിസബത്ത് ജോണി, മജീഷ് ഇമ്മാനുവല്‍, ലൂക്ക് ലിയോണ്‍ കുര്യന്‍, ലക്ഷ്മി നയന, എ. അനശ്വര എന്നിവര്‍ പ്രസംഗിച്ചു. കോളജ് ബര്‍സാര്‍ ഫാ. ഫില്‍മോന്‍ കളത്ര വിജയികള്‍ക്ക് സമ്മാനങ്ങള്‍ വിതരണം ചെയ്തു.

പ്രൗഡ് കേരള ട്രസ്റ്റ് വാക്കത്തൺ

കോട്ടയം: ലഹരി ഉപഭോഗത്തിനെതിരേ പ്രൗഡ് കേരള ട്രസ്റ്റിന്‍റെ നേതൃത്വത്തില്‍ വാക്കത്തണ്‍ സംഘടിപ്പിക്കുന്നു. കേരളത്തിലെ എല്ലാ ജില്ലകളിലും വോക്ക് എഗെനസ്റ്റ് ഡ്രഗ് എന്ന പേരില്‍ വാക്കത്തോണ്‍ നടത്തുന്നതിന്‍റെ ഭാഗമായി 16ന് രാവിലെ 6.30ന് കോട്ടയം കളക്‌‌ടറേറ്റ് പടിക്കല്‍നിന്നാരംഭിച്ച് കെ.കെ. റോഡു വഴി ഗാന്ധി പ്രതിമയ്ക്ക് മുന്നില്‍ സമാപിക്കും. ചീഫ് പേട്രണ്‍ രമേശ് ചെന്നിത്തല എംഎല്‍എ നേതൃത്വം നല്‍കും. സമൂഹത്തിലെ വിവിധ മേഖലകളിലെ പ്രമുഖര്‍ പങ്കെടുക്കും. ഗാന്ധി സ്‌ക്വയറില്‍ ലഹരിവിരുദ്ധ സന്ദേശവും പ്രതിജ്ഞയും നടക്കുമെന്ന് സ്വാഗതസംഘം രക്ഷാധികാരി ഫ്രാന്‍സിസ് ജോർജ് എംപി, ചെയര്‍മാന്‍ തിരുവഞ്ചൂര്‍ രാധാകൃഷ്ണന്‍ എംഎല്‍എ, ജനറല്‍ കണ്‍വീനര്‍ ഡിസിസി പ്രസിഡന്‍റ് നാട്ടകം സുരേഷ് എന്നിവര്‍ അറിയിച്ചു.

സെന്‍റ് ജോസഫ് ഓര്‍ത്തഡോക്‌സ് ഫെലോഷിപ്പ് പ്രവർത്തനോദ്ഘാടനം നാളെ

പുതുപ്പള്ളി: മലങ്കര ഓര്‍ത്തഡോക്‌സ് സഭയിലെ 60 വയസിനു മുകളില്‍ പ്രായമുള്ളവരുടെ കരുതലിനായി രൂപം നല്‍കിയ സെന്‍റ് ജോസഫ് ഓര്‍ത്തഡോക്‌സ് ഫെലോഷിപ്പിന്‍റെ അഖില മലങ്കര പ്രവര്‍ത്തനോദ്ഘാടനം നാളെ നടക്കും. പുതുപ്പള്ളി സെന്‍റ് ജോര്‍ജ് ഓര്‍ത്തഡോക്‌സ് വലിയ പള്ളിയില്‍ നടക്കുന്ന ചടങ്ങ് സഭാധ്യക്ഷന്‍ ബസേലിയോസ് മാര്‍ത്തോമ്മാ മാത്യൂസ് തൃതീയന്‍ കാതോലിക്കാ ബാവാ ഉദ്ഘാടനം ചെയ്യും. മാര്‍ത്തോമ്മാ സഭാധ്യക്ഷന്‍ ഡോ. തിയഡോഷ്യസ് മാര്‍ത്തോമ്മാ മെത്രാപ്പോലീത്താ മുഖ്യാതിഥിയാകും. എസ്‌ജെഒഎഫ് പ്രസിഡന്‍റ് ഗീവര്‍ഗീസ് മാര്‍ പക്കോമിയോസ് അധ്യക്ഷത വഹിക്കും. ഡോ. തോമസ് മാര്‍ അത്താനാസിയോസ് മെത്രാപ്പോലീത്താ പദ്ധതികളുടെ ഉദ്ഘാടനം നിര്‍വഹിക്കും. കുറിയാക്കോസ് മാര്‍ ക്ലീമിസ് അനുഗ്രഹപ്രഭാഷണം നടത്തും. ഡോ. യൂഹാനോന്‍ മാര്‍ ദീയസ്‌കോറോസ് മെത്രാപ്പോലീത്താ, വൈദിക ട്രസ്റ്റി റവ.ഡോ. തോമസ് വര്‍ഗീസ് അമയില്‍, അല്മായ ട്രസ്റ്റി റോണി വര്‍ഗീസ് ഏബ്രഹാം, സഭ സെക്രട്ടറി ബിജു ഉമ്മന്‍, പുതുപ്പള്ളി പള്ളി വികാരി ഫാ. ആന്‍ഡ്രൂസ് ടി. ജോണ്‍, എസ്‌ജെഒഎഫ് കോട്ടയം ഭദ്രാസന വൈസ്പ്രസിഡന്‍റ് ഫാ. വര്‍ഗീസ് ജേക്കബ് എന്നിവര്‍ പ്രസംഗിക്കും.

കാഞ്ഞിരപ്പള്ളിയെ വിറപ്പിച്ച് പേമാരിയും കാറ്റും

കാഞ്ഞിരപ്പള്ളി: ഞായറാഴ്ചയുണ്ടായ ശക്തമായ മഴയിലും കാറ്റിലും കാഞ്ഞിരപ്പള്ളി താലൂക്കിലെ വിവിധ മേഖലകളിൽ വ്യാപക നാശം. ചിറക്കടവ്, വാഴൂർ, ചെറുവള്ളി, മണിമല എന്നിവിടങ്ങളിലാണ് കൂടുതൽ നാശനഷ്ടമുണ്ടായത്. ചിറക്കടവ് പഞ്ചായത്തിന്‍റെ ആറ്, ഏഴ്, എട്ട് വാർഡുകളിലാണ് ഏറെ നഷ്ടം. മറ്റുപ്രദേശങ്ങളിൽ കൃഷിനാശമുണ്ട്. ആറാം വാർഡിൽ മാത്രം ഇരുപതോളം വീടുകൾക്കു നാശനഷ്ടമുണ്ടായതായി വാർഡംഗം ആർ. രാജേഷ് പറഞ്ഞു. ഞായറാഴ്ച ആയതുകൊണ്ടുതന്നെ കാറ്റ് ആഞ്ഞുവീശുന്ന സമയത്തു മിക്ക വീടുകളിലും ആളുകൾ ഉണ്ടായിരുന്നു. ഭാഗ്യംകൊണ്ടു മാത്രമാണ് ഇവർ പരിക്കേൽക്കാതെ രക്ഷപ്പെട്ടത്. വൻ മരങ്ങൾ വീടുകൾക്കു മുകളിലേക്കു കടപുഴകി വീണാണ് കൂടുതലും നാശനഷ്ടമുണ്ടായത്. പലരും സമീപ വീടുകളെ ആശ്രയിച്ചാണ് രാത്രി കഴിച്ചുകൂട്ടിയത്. മണക്കാട്ട് ദേവീക്ഷേത്രത്തിന്‍റെ മുകൾവശത്തായുള്ള താമസക്കാർക്കാണ് ഏറ്റവും കൂടുതൽ നാശനഷ്ടമുണ്ടായത്. ഇവിടെ താമസിക്കുന്ന മണക്കാട്ട് ചെറുകുന്നത്ത് ശശിധരൻ നായരുടെ വീടിനു മുകളിലേക്കു രണ്ടു മരങ്ങളാണ് കടപുഴകി വീണത്. മേൽക്കൂരകൾ പറന്നു പടിഞ്ഞാറേപറന്പിൽ സിബിയുടെ വീടിന്‍റെ മേൽക്കൂര കാറ്റിൽ പറന്നുപോയി. വീടിനും വീട്ടുപകരണങ്ങൾക്കും കേടുപാട് സംഭവിച്ചു. വീട്ടുകാർ അദ്ഭുതകരമായി രക്ഷപ്പെട്ടു. മുണ്ടുവേലികുന്നേൽ ബിജുവിന്‍റെ ആറ് ജാതി മരങ്ങൾ, 85 മൂട് കപ്പ, എട്ട് കൊക്കോ എന്നിവ കാറ്റിൽ നശിച്ചു. മുണ്ടുവേലികുന്നേൽ മിനിയുടെ വീടിന്‍റെ ഷീറ്റ് കാറ്റിൽ പറന്നുപോയി. പറപ്പള്ളിക്കുന്നേൽ പി.എൻ. സോജന്‍റെ വീടിന്‍റെ മട്ടുപ്പാവിലെ കൃഷിയുടെ മഴമറയും ജലസംഭരണിയും കാറ്റിൽ തകർന്നു. ഇദ്ദേഹം വാടകയ്ക്കു നൽകിയിരുന്ന വീടിന്‍റെ മുകളിൽ മരം വീണു തകർന്നു. പശുത്തൊഴുത്തും മരം വീണു തകർന്നു. മുട്ടത്ത് ചന്ദ്രശേഖരൻ നായരുടെ വീടും കിണറും മരം വീണു നശിച്ചു. പുത്തൻകളത്തിൽ പ്രതീഷ് കുമാറിന്‍റെ വീടിന്‍റെ മേൽക്കൂരയിലെ ഷീറ്റുകൾ കാറ്റിൽ പറന്നു പോയി. പൂവത്തുങ്കൽ വിദ്യാസാഗറിന്‍റെ വീടിനു മുകളിലേക്കു പുളിമരം വീണു. വലിയ പറപ്പള്ളിക്കുന്നേൽ ഷാജിയുടെ വീടിനു മുകളിലും മരം വീണു. ചെറുകുന്നത്ത് സി.പി. ശശിധരൻനായർ, ഈരൂരിക്കൽ ഫിലോമിന, മറ്റപ്പള്ളിൽ ബൈജു എന്നിവരുടെ വീടുകൾക്കും മരം വീണ് നാശമുണ്ടായി. വൻ കൃഷി നാശം അമ്പഴത്തിനാൽ എ.ആർ. പ്രസാദിന്‍റെ പറമ്പിലെ കപ്പ മുഴുവൻ കാറ്റിൽ നശിച്ചു. വട്ടക്കുഴി ഭാഗത്ത് കുന്നപ്പള്ളിൽ (തേക്കുംതോട്ടത്തിൽ) ദീപുവിന്‍റെ വീടിനു പുറകിൽ തോട്ടിലേക്ക് കയ്യാല ഇിഞ്ഞ് വീടിനു സുരക്ഷാ ഭീഷണിയായി. സമീപത്തുള്ള പള്ളിവാതുക്കൽപറമ്പിൽ രാജപ്പൻ പിള്ളയുടെയും എം.കെ. ഷാജിയുടെയും പുരയിടത്തിലെ ജാതിയും മറ്റു മരങ്ങളും നശിച്ചു. താവൂർ എം.ബി. മോഹനന്‍റെ വീടിനും കൃഷിക്കും നാശമുണ്ടായി. റോഡിന് കുറുകെ വൻമരങ്ങൾ കടപുഴകി വീണതോടെ ഗതാഗതവും തടസപ്പെട്ടു. നാട്ടുകാരും അഗ്നിരക്ഷാസേനാംഗങ്ങളും കെഎസ്ഇബി ജീവനക്കാരും സഹകരിച്ചാണ് മരങ്ങളും വൈദ്യുതിത്തൂണുകളും വൈദ്യുതിലൈനുകളും മാറ്റിയത്. ഇന്നലെ പകൽ മുഴുവൻ മരം മുറിച്ചുനീക്കലും വൈദ്യുതി പുനഃസ്ഥാപിക്കാനുള്ള ശ്രമങ്ങളുമായിരുന്നു. ഏറെ പ്രദേശത്തും ഇനിയും വൈദ്യുതി പുനഃസ്ഥാപിക്കാനുണ്ട്. പഞ്ചായത്തംഗങ്ങളായ കെ.ജി. രാജേഷ്, ശ്രീലത സന്തോഷ്, വില്ലേജ് ഓഫീസർ പ്രമോദ്, സ്‌പെഷൽ വില്ലേജ് ഓഫീസർ ഷൈൻമോൻ, വില്ലേജ് അസിസ്റ്റന്‍റ് ഇ.കെ. സാം തുടങ്ങിയവർ നാശമുണ്ടായ സ്ഥലങ്ങൾ സന്ദർശിച്ചു. തകർന്ന വീടുകളുടെ വിലനിർണയം പഞ്ചായത്ത് അധികൃതർ നിർണയിച്ചതിന് ശേഷം താലൂക്ക് ഓഫീസിലേക്കു കൈമാറും. പോസ്റ്റുകൾ വീണു വാഴൂർ പഞ്ചായത്തിൽ 10, 11 വാർഡുകളിലാണ് നാശനഷ്ടമുണ്ടായിരിക്കുന്നത്. പത്താം വാർഡ് ചാമംപതാൽ-ബ്ലോക്ക്പടി ഭാഗത്തെ വേങ്ങത്താനത്ത് പാപ്പച്ചൻ, വരിക്കമാക്കൽ തോമസ്, വെട്ടുവേലിൽ തോമസ്, തെക്കേപ്ലാത്തോട്ടം ജോയി, വെട്ടിത്താനം ജോൺ, തെക്കേപ്ലാത്തോട്ടം ടോണി എന്നിവരുടെ കുലച്ച വാഴയും കപ്പയും കാറ്റിൽ നശിച്ചു. 11-ാം വാർഡിൽ മാരാംകുന്ന് ഭാഗത്തെ കരിന്പനപുതുപറന്പിൽ ഇസ്മയിൽ റാവുത്തർ, ഇടയകുളത്ത് കുഞ്ഞുമോൾ തങ്കപ്പൻ എന്നിവരുടെ വീടുകളിലെ മേൽക്കൂര കാറ്റിൽ പറന്ന് നാശനഷ്ടങ്ങൾ ഉണ്ടായി. വരിക്കമാക്കൽ എം.ജെ. ജോസഫ്, ആന്‍റണി തോമസ് പഴയവീട്ടിൽ, ഉമ്മർ മാറുകാട്ട്, അബ്ദുൾ ഷുക്കൂർ വാലുപറന്പിൽ, അടച്ചിലമാക്കൽ ജോസ് തുടങ്ങി നിരവധി പേരുടെ കുലച്ച വാഴയും കപ്പയും റബർ, തേക്ക് മരങ്ങളും കാറ്റിൽ നശിച്ചു. ചാമംപതാൽ-കടയനിക്കാട് റോഡിൽ മാരാംകുന്ന് ഭാഗത്തു കൂറ്റൻ തേക്ക് മരം റോഡിലേക്കു വീണു ഗതാഗതം തടസപ്പെടുകയും വൈദ്യുതിബന്ധം തകരാറിലാകുകയും ചെയ്തു. ചെറുവള്ളി വില്ലേജിൽ അഞ്ചു വീടുകൾക്കും മണിമല വില്ലേജിൽ ഒരു വീടിനുമാണ് നാശമുണ്ടായത്.

കിണറ്റിലകപ്പെട്ട മൂർഖനെ പിടികൂടി

ഇളങ്ങുളം: എലിയുടെ പിന്നാലെ പാഞ്ഞ മൂർഖൻപാമ്പും എലിയും കിണറ്റിൽ വീണു. വനംവകുപ്പ് നിയോഗിച്ച സർപ്പ റസ്‌ക്യൂ ഫോഴ്‌സ് വോളന്‍റിയർ ഈരാറ്റുപേട്ട വെള്ളൂപ്പറമ്പിൽ നൗഷാദ് പാമ്പിനെ കരയ്‌ക്കെടുത്തു. ഇളങ്ങുളം മലാങ്കൽ പി.ആർ. പ്രസാദിന്‍റെ വീട്ടുമുറ്റത്തെ കിണറ്റിലാണ് പാമ്പ് ഞായറാഴ്ച വൈകുന്നേരം വീണത്. ചേരപ്പാമ്പാണെന്നാണ് കരുതിയത്. ഇന്നലെ രാവിലെ കിണർ തേകാൻ ആൾക്കാരെ നിയോഗിച്ചപ്പോൾ കിണറ്റിലുള്ളത് മൂർഖൻപാമ്പാണെന്ന് തിരിച്ചറിഞ്ഞു. അവർ കിണറ്റിലിറങ്ങാതെ വനംവകുപ്പ് അധികൃതരെ വിവരം അറിയിച്ചു. തുടർന്നാണ് സർപ്പ റസ്‌ക്യൂ ഫോഴ്‌സ് ടീമിന്‍റെ സംസ്ഥാന പ്രസിഡന്‍റുകൂടിയായ നൗഷാദ് സ്ഥലത്തെത്തി മൂർഖനെ കരയിലെത്തിച്ചത്. പാന്പിനെ വനംവകുപ്പ് അധികൃതർക്കു കൈമാറി.

പൈങ്ങന പാലത്തിന്‍റെ തൂണിൽ പടർന്നുപന്തലിച്ച് മരം

മുണ്ടക്കയം: പൈങ്ങന പാലത്തിന്‍റെ തൂണിൽ പടർന്നുപന്തലിച്ച് ഭീമൻ മരം. പാലത്തിന് ബലക്ഷയമാകുമോയെന്ന് ആശങ്ക. കൊട്ടാരക്കര-ദിണ്ടിഗൽ ദേശീയപാതയിൽ മുണ്ടക്കയം പൈങ്ങന പാലത്തിന്‍റെ തൂണുകളിലാണ് മരം വളർന്നുനിൽക്കുന്നത്. പാലത്തിന്‍റെ തൂണുകൾ പൂർണമായും മരത്തിന്‍റെ വേരുകൾ മൂടിയ നിലയിലാണ്. പാലത്തിന്‍റെ തൂണിന്‍റെ കൽക്കട്ടുകൾക്ക് ഇടയിലേക്ക് മരത്തിന്‍റെ വേര് വളർന്നിറങ്ങിയിരിക്കുന്നത് പാലത്തിന് ബലക്ഷയത്തിന് ഇടയാക്കുമോയെന്ന ആശങ്ക ഉയരുന്നുണ്ട്. പതിറ്റാണ്ടുകൾക്ക് മുമ്പ് ദേശീയപാതയിൽ നിർമിച്ച ഈ പാലത്തിന്‍റെ കൽക്കെട്ടിന്‍റെ അടിവശത്തിന് കാലപ്പഴക്കത്താൽ തകരാർ സംഭവിച്ചിട്ടുണ്ട്. ഇതോടൊപ്പം പാലത്തിന്‍റെ തൂണിൽ മരം കൂടി വളർന്നുനിൽക്കുന്നത് ബലക്ഷയത്തിന് ഇടയാക്കുമോയെന്ന ആശങ്കയാണ് ഉയരുന്നത്. പാലത്തിന്‍റെ തൂണിന്‍റെ താഴ്ഭാഗത്തുനിന്നു വളർന്നുനിൽക്കുന്ന മരം ദേശീയപാതയുടെ മുകൾ വരെ ഉയർന്നു നിൽക്കുകയാണ്. കൂടാതെ റോഡിൽ പാലത്തിന്‍റെ ഇരുവശവും കാടുമുടി കിടക്കുന്നത് കാൽനടയാത്രക്കാരെയും ദുരിതത്തിലാക്കുന്നുണ്ട്. അടിയന്തരമായി പാലത്തിന്‍റെ തൂണുകൾക്ക് ബലക്ഷയമാകും വിധം വളർന്നുനിൽക്കുന്ന മരം വെട്ടിമാറ്റി സുരക്ഷ ഉറപ്പാക്കണമെന്ന ആവശ്യമാണ് ഉയരുന്നത്.

കേരള കോൺഗ്രസ്-എം മുണ്ടക്കയം മണ്ഡലം സമ്മേളനം

മുണ്ടക്കയം: കേരള കോൺഗ്രസ്-എം മുണ്ടക്കയം മണ്ഡലം സമ്മേളനം സെന്‍റ് മേരീസ് ഓഡിറ്റോറിയത്തിൽ നടത്തി. സംസ്ഥാന ജനൽ സെക്രട്ടറി അലക്സ് കോഴിമല സമ്മേളനം ഉദ്ഘാടനം ചെയ്തു. മണ്ഡലം പ്രസിഡന്‍റ് ചാർലി കോശി അധ്യക്ഷത വഹിച്ചു. മുതിർന്ന പാർട്ടി പ്രവർത്തകരെ സെബാസ്റ്റ്യൻ കുളത്തുങ്കൽ എംഎൽഎ ആദരിച്ചു. ജില്ലാ സെക്രട്ടറി ജോണിക്കുട്ടി മഠത്തിനകം, നിയോജകമണ്ഡലം പ്രസിഡന്‍റ് സാജൻ കുന്നത്ത്, സംസ്ഥാന കമ്മിറ്റി അംഗങ്ങളായ തങ്കച്ചൻ കാരക്കാട്ട്, തോമസ് പാലുക്കുന്നേൽ, ജോസ് കലൂർ, ജോസ് നടുപറമ്പിൽ, വനിത കോൺഗ്രസ്-എം നിയോജകമണ്ഡലം പ്രസിഡന്‍റ് മോളി ദേവസ്യ വാഴപ്പനാടി എന്നിവർ പ്രസംഗിച്ചു.

പാലാ നഗരസഭയിലും മുണ്ടക്കയം ഗ്രാമപഞ്ചായത്തിലും വിജ്ഞാനകേരളം തൊഴില്‍മേള

കോട്ടയം: വിജ്ഞാനകേരളം പദ്ധതിയുടെ ഭാഗമായി പാലാ നഗരസഭയുടെയും മുണ്ടക്കയം പഞ്ചായത്തിന്‍റെയും നേതൃത്വത്തില്‍ ഇന്ന് തൊഴില്‍മേളകള്‍ സംഘടിപ്പിക്കും. കുടുംബശ്രീ ജില്ലാ മിഷനും നിര്‍മാണ്‍ ഓര്‍ഗനൈസേഷനും ചേര്‍ന്നാണ് പരിപാടികള്‍ സംഘടിപ്പിച്ചിരിക്കുന്നത്. രാവിലെ പത്തിന് പാലാ നഗരസഭാ ടൗണ്‍ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം നഗരസഭാ ചെയര്‍മാന്‍ തോമസ് പീറ്റര്‍ നിര്‍വഹിക്കും. തൊഴില്‍മേളയില്‍ ഇരുപതോളം പ്രമുഖ തൊഴിലുടമകള്‍ പങ്കെടുക്കും. മുണ്ടക്കയം സിഎസ്ഐ പാരിഷ് ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് നിര്‍വഹിക്കും. 25ലധികം തൊഴില്‍ദാതാക്കള്‍ പങ്കെടുക്കുന്ന മേളയില്‍ ഏകദേശം 500ലധികം ഒഴിവുകളാണുള്ളത്. ഉദ്യോഗാര്‍ഥികള്‍ രാവിലെ ഒമ്പതിനു തന്നെ രജിസ്‌ട്രേഷനായി എത്തിച്ചേരണമെന്ന് സംഘാടകര്‍ അറിയിച്ചു. ബയോഡേറ്റയും യോഗ്യതാ സര്‍ട്ടിഫിക്കറ്റ് പകര്‍പ്പുകളും സഹിതം എത്തണം.

കാർഷിക-ഭക്ഷ്യ ഉത്പന്നങ്ങൾക്ക് വിദേശവിപണിഒരുക്കും: ബ്ലോക്ക് പഞ്ചായത്ത്

കാഞ്ഞിരപ്പള്ളി: കാർഷിക ഭക്ഷ്യമേഖലയിലെ മൂല്യവർധിത ഉത്പന്നങ്ങൾക്ക് ന്യായവില ലഭ്യമാക്കി വിദേശ മാർക്കറ്റുകളിൽ എത്തിക്കാൻ ബ്ലോക്ക് പഞ്ചായത്തും താലൂക്ക് വ്യവസായ വകുപ്പും സംയുക്തമായി പദ്ധതികൾ തയാറാക്കുമെന്ന് ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ്. കാഞ്ഞിരപ്പള്ളി സെന്‍റ് ഡൊമിനിക്സ് കോളജിൽ നടന്ന എക്സ്പോർട്ട് വർക്ക്ഷോപ്പ് ഉദ്ഘാടനം ചെയ്ത് പ്രസംഗിക്കുകയായിരുന്നു അജിത രതീഷ്. ബ്ലോക്ക് പഞ്ചായത്ത് വൈസ് പ്രസിഡന്‍റ് ജോളി മടുക്കക്കുഴി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി ഷാജൻ, ജില്ലാ വ്യവസായ ഓഫീസർ വി.ആർ. രാകേഷ്, കോളജ് പ്രിൻസിപ്പല്‍ ഡോ. സീമോൻ തോമസ്, താലൂക്ക് വ്യവസായ മേധാവി കെ.കെ. ഫൈസൽ, ലോറൻസ് മാത്യു തുടങ്ങിയവർ പ്രസംഗിച്ചു. ചെറുകിട, ഇടത്തരം സംരംഭകരുടെ ഉത്പന്നങ്ങൾ കയറ്റുമതി ചെയ്യുന്നതിനാവശ്യമായ തുടർനടപടികൾ വ്യവസായവകുപ്പ് ഏറ്റെടുക്കും. മികച്ച സംരംഭകരായ കല്ലൂർ ഇലക്‌ട്രോണിക്സ് എംഡി ജേക്കബ് കെ. ജേക്കബ്, ലോജിസ്റ്റിക്ക് കണ്‍സൾട്ടന്‍റ് ശങ്കർ ചന്ദ്രശേഖർ എന്നിവർ വിവിധ വിഷയങ്ങളിൽ ക്ലാസെടുത്തു. താലൂക്കിലെ പഴയതും പുതിയതുമായ നിരവധി സംരംഭകർ ശില്പശാലയിൽ പങ്കെടുത്തു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]