ADVERTISEMENT

ADVERTISEMENT

കേരള കോൺഗ്രസ്-എം മുണ്ടക്കയം മണ്ഡലം സമ്മേളനം

മുണ്ടക്കയം: കേരള കോൺഗ്രസ്-എം മുണ്ടക്കയം മണ്ഡലം സമ്മേളനം സെന്‍റ് മേരീസ് ഓഡിറ്റോറിയത്തിൽ നടത്തി. സംസ്ഥാന ജനൽ സെക്രട്ടറി അലക്സ് കോഴിമല സമ്മേളനം ഉദ്ഘാടനം ചെയ്തു. മണ്ഡലം പ്രസിഡന്‍റ് ചാർലി കോശി അധ്യക്ഷത വഹിച്ചു. മുതിർന്ന പാർട്ടി പ്രവർത്തകരെ സെബാസ്റ്റ്യൻ കുളത്തുങ്കൽ എംഎൽഎ ആദരിച്ചു.

ജില്ലാ സെക്രട്ടറി ജോണിക്കുട്ടി മഠത്തിനകം, നിയോജകമണ്ഡലം പ്രസിഡന്‍റ് സാജൻ കുന്നത്ത്, സംസ്ഥാന കമ്മിറ്റി അംഗങ്ങളായ തങ്കച്ചൻ കാരക്കാട്ട്, തോമസ് പാലുക്കുന്നേൽ, ജോസ് കലൂർ, ജോസ് നടുപറമ്പിൽ, വനിത കോൺഗ്രസ്-എം നിയോജകമണ്ഡലം പ്രസിഡന്‍റ് മോളി ദേവസ്യ വാഴപ്പനാടി എന്നിവർ പ്രസംഗിച്ചു.

ADVERTISEMENT

കാഞ്ഞിരപ്പള്ളിയെ വിറപ്പിച്ച് പേമാരിയും കാറ്റും

കാഞ്ഞിരപ്പള്ളി: ഞായറാഴ്ചയുണ്ടായ ശക്തമായ മഴയിലും കാറ്റിലും കാഞ്ഞിരപ്പള്ളി താലൂക്കിലെ വിവിധ മേഖലകളിൽ വ്യാപക നാശം. ചിറക്കടവ്, വാഴൂർ, ചെറുവള്ളി, മണിമല എന്നിവിടങ്ങളിലാണ് കൂടുതൽ നാശനഷ്ടമുണ്ടായത്. ചിറക്കടവ് പഞ്ചായത്തിന്‍റെ ആറ്, ഏഴ്, എട്ട് വാർഡുകളിലാണ് ഏറെ നഷ്ടം. മറ്റുപ്രദേശങ്ങളിൽ കൃഷിനാശമുണ്ട്. ആറാം വാർഡിൽ മാത്രം ഇരുപതോളം വീടുകൾക്കു നാശനഷ്ടമുണ്ടായതായി വാർഡംഗം ആർ. രാജേഷ് പറഞ്ഞു. ഞായറാഴ്ച ആയതുകൊണ്ടുതന്നെ കാറ്റ് ആഞ്ഞുവീശുന്ന സമയത്തു മിക്ക വീടുകളിലും ആളുകൾ ഉണ്ടായിരുന്നു. ഭാഗ്യംകൊണ്ടു മാത്രമാണ് ഇവർ പരിക്കേൽക്കാതെ രക്ഷപ്പെട്ടത്. വൻ മരങ്ങൾ വീടുകൾക്കു മുകളിലേക്കു കടപുഴകി വീണാണ് കൂടുതലും നാശനഷ്ടമുണ്ടായത്. പലരും സമീപ വീടുകളെ ആശ്രയിച്ചാണ് രാത്രി കഴിച്ചുകൂട്ടിയത്. മണക്കാട്ട് ദേവീക്ഷേത്രത്തിന്‍റെ മുകൾവശത്തായുള്ള താമസക്കാർക്കാണ് ഏറ്റവും കൂടുതൽ നാശനഷ്ടമുണ്ടായത്. ഇവിടെ താമസിക്കുന്ന മണക്കാട്ട് ചെറുകുന്നത്ത് ശശിധരൻ നായരുടെ വീടിനു മുകളിലേക്കു രണ്ടു മരങ്ങളാണ് കടപുഴകി വീണത്. മേൽക്കൂരകൾ പറന്നു പടിഞ്ഞാറേപറന്പിൽ സിബിയുടെ വീടിന്‍റെ മേൽക്കൂര കാറ്റിൽ പറന്നുപോയി. വീടിനും വീട്ടുപകരണങ്ങൾക്കും കേടുപാട് സംഭവിച്ചു. വീട്ടുകാർ അദ്ഭുതകരമായി രക്ഷപ്പെട്ടു. മുണ്ടുവേലികുന്നേൽ ബിജുവിന്‍റെ ആറ് ജാതി മരങ്ങൾ, 85 മൂട് കപ്പ, എട്ട് കൊക്കോ എന്നിവ കാറ്റിൽ നശിച്ചു. മുണ്ടുവേലികുന്നേൽ മിനിയുടെ വീടിന്‍റെ ഷീറ്റ് കാറ്റിൽ പറന്നുപോയി. പറപ്പള്ളിക്കുന്നേൽ പി.എൻ. സോജന്‍റെ വീടിന്‍റെ മട്ടുപ്പാവിലെ കൃഷിയുടെ മഴമറയും ജലസംഭരണിയും കാറ്റിൽ തകർന്നു. ഇദ്ദേഹം വാടകയ്ക്കു നൽകിയിരുന്ന വീടിന്‍റെ മുകളിൽ മരം വീണു തകർന്നു. പശുത്തൊഴുത്തും മരം വീണു തകർന്നു. മുട്ടത്ത് ചന്ദ്രശേഖരൻ നായരുടെ വീടും കിണറും മരം വീണു നശിച്ചു. പുത്തൻകളത്തിൽ പ്രതീഷ് കുമാറിന്‍റെ വീടിന്‍റെ മേൽക്കൂരയിലെ ഷീറ്റുകൾ കാറ്റിൽ പറന്നു പോയി. പൂവത്തുങ്കൽ വിദ്യാസാഗറിന്‍റെ വീടിനു മുകളിലേക്കു പുളിമരം വീണു. വലിയ പറപ്പള്ളിക്കുന്നേൽ ഷാജിയുടെ വീടിനു മുകളിലും മരം വീണു. ചെറുകുന്നത്ത് സി.പി. ശശിധരൻനായർ, ഈരൂരിക്കൽ ഫിലോമിന, മറ്റപ്പള്ളിൽ ബൈജു എന്നിവരുടെ വീടുകൾക്കും മരം വീണ് നാശമുണ്ടായി. വൻ കൃഷി നാശം അമ്പഴത്തിനാൽ എ.ആർ. പ്രസാദിന്‍റെ പറമ്പിലെ കപ്പ മുഴുവൻ കാറ്റിൽ നശിച്ചു. വട്ടക്കുഴി ഭാഗത്ത് കുന്നപ്പള്ളിൽ (തേക്കുംതോട്ടത്തിൽ) ദീപുവിന്‍റെ വീടിനു പുറകിൽ തോട്ടിലേക്ക് കയ്യാല ഇിഞ്ഞ് വീടിനു സുരക്ഷാ ഭീഷണിയായി. സമീപത്തുള്ള പള്ളിവാതുക്കൽപറമ്പിൽ രാജപ്പൻ പിള്ളയുടെയും എം.കെ. ഷാജിയുടെയും പുരയിടത്തിലെ ജാതിയും മറ്റു മരങ്ങളും നശിച്ചു. താവൂർ എം.ബി. മോഹനന്‍റെ വീടിനും കൃഷിക്കും നാശമുണ്ടായി. റോഡിന് കുറുകെ വൻമരങ്ങൾ കടപുഴകി വീണതോടെ ഗതാഗതവും തടസപ്പെട്ടു. നാട്ടുകാരും അഗ്നിരക്ഷാസേനാംഗങ്ങളും കെഎസ്ഇബി ജീവനക്കാരും സഹകരിച്ചാണ് മരങ്ങളും വൈദ്യുതിത്തൂണുകളും വൈദ്യുതിലൈനുകളും മാറ്റിയത്. ഇന്നലെ പകൽ മുഴുവൻ മരം മുറിച്ചുനീക്കലും വൈദ്യുതി പുനഃസ്ഥാപിക്കാനുള്ള ശ്രമങ്ങളുമായിരുന്നു. ഏറെ പ്രദേശത്തും ഇനിയും വൈദ്യുതി പുനഃസ്ഥാപിക്കാനുണ്ട്. പഞ്ചായത്തംഗങ്ങളായ കെ.ജി. രാജേഷ്, ശ്രീലത സന്തോഷ്, വില്ലേജ് ഓഫീസർ പ്രമോദ്, സ്‌പെഷൽ വില്ലേജ് ഓഫീസർ ഷൈൻമോൻ, വില്ലേജ് അസിസ്റ്റന്‍റ് ഇ.കെ. സാം തുടങ്ങിയവർ നാശമുണ്ടായ സ്ഥലങ്ങൾ സന്ദർശിച്ചു. തകർന്ന വീടുകളുടെ വിലനിർണയം പഞ്ചായത്ത് അധികൃതർ നിർണയിച്ചതിന് ശേഷം താലൂക്ക് ഓഫീസിലേക്കു കൈമാറും. പോസ്റ്റുകൾ വീണു വാഴൂർ പഞ്ചായത്തിൽ 10, 11 വാർഡുകളിലാണ് നാശനഷ്ടമുണ്ടായിരിക്കുന്നത്. പത്താം വാർഡ് ചാമംപതാൽ-ബ്ലോക്ക്പടി ഭാഗത്തെ വേങ്ങത്താനത്ത് പാപ്പച്ചൻ, വരിക്കമാക്കൽ തോമസ്, വെട്ടുവേലിൽ തോമസ്, തെക്കേപ്ലാത്തോട്ടം ജോയി, വെട്ടിത്താനം ജോൺ, തെക്കേപ്ലാത്തോട്ടം ടോണി എന്നിവരുടെ കുലച്ച വാഴയും കപ്പയും കാറ്റിൽ നശിച്ചു. 11-ാം വാർഡിൽ മാരാംകുന്ന് ഭാഗത്തെ കരിന്പനപുതുപറന്പിൽ ഇസ്മയിൽ റാവുത്തർ, ഇടയകുളത്ത് കുഞ്ഞുമോൾ തങ്കപ്പൻ എന്നിവരുടെ വീടുകളിലെ മേൽക്കൂര കാറ്റിൽ പറന്ന് നാശനഷ്ടങ്ങൾ ഉണ്ടായി. വരിക്കമാക്കൽ എം.ജെ. ജോസഫ്, ആന്‍റണി തോമസ് പഴയവീട്ടിൽ, ഉമ്മർ മാറുകാട്ട്, അബ്ദുൾ ഷുക്കൂർ വാലുപറന്പിൽ, അടച്ചിലമാക്കൽ ജോസ് തുടങ്ങി നിരവധി പേരുടെ കുലച്ച വാഴയും കപ്പയും റബർ, തേക്ക് മരങ്ങളും കാറ്റിൽ നശിച്ചു. ചാമംപതാൽ-കടയനിക്കാട് റോഡിൽ മാരാംകുന്ന് ഭാഗത്തു കൂറ്റൻ തേക്ക് മരം റോഡിലേക്കു വീണു ഗതാഗതം തടസപ്പെടുകയും വൈദ്യുതിബന്ധം തകരാറിലാകുകയും ചെയ്തു. ചെറുവള്ളി വില്ലേജിൽ അഞ്ചു വീടുകൾക്കും മണിമല വില്ലേജിൽ ഒരു വീടിനുമാണ് നാശമുണ്ടായത്.

കിണറ്റിലകപ്പെട്ട മൂർഖനെ പിടികൂടി

ഇളങ്ങുളം: എലിയുടെ പിന്നാലെ പാഞ്ഞ മൂർഖൻപാമ്പും എലിയും കിണറ്റിൽ വീണു. വനംവകുപ്പ് നിയോഗിച്ച സർപ്പ റസ്‌ക്യൂ ഫോഴ്‌സ് വോളന്‍റിയർ ഈരാറ്റുപേട്ട വെള്ളൂപ്പറമ്പിൽ നൗഷാദ് പാമ്പിനെ കരയ്‌ക്കെടുത്തു. ഇളങ്ങുളം മലാങ്കൽ പി.ആർ. പ്രസാദിന്‍റെ വീട്ടുമുറ്റത്തെ കിണറ്റിലാണ് പാമ്പ് ഞായറാഴ്ച വൈകുന്നേരം വീണത്. ചേരപ്പാമ്പാണെന്നാണ് കരുതിയത്. ഇന്നലെ രാവിലെ കിണർ തേകാൻ ആൾക്കാരെ നിയോഗിച്ചപ്പോൾ കിണറ്റിലുള്ളത് മൂർഖൻപാമ്പാണെന്ന് തിരിച്ചറിഞ്ഞു. അവർ കിണറ്റിലിറങ്ങാതെ വനംവകുപ്പ് അധികൃതരെ വിവരം അറിയിച്ചു. തുടർന്നാണ് സർപ്പ റസ്‌ക്യൂ ഫോഴ്‌സ് ടീമിന്‍റെ സംസ്ഥാന പ്രസിഡന്‍റുകൂടിയായ നൗഷാദ് സ്ഥലത്തെത്തി മൂർഖനെ കരയിലെത്തിച്ചത്. പാന്പിനെ വനംവകുപ്പ് അധികൃതർക്കു കൈമാറി.

പൈങ്ങന പാലത്തിന്‍റെ തൂണിൽ പടർന്നുപന്തലിച്ച് മരം

മുണ്ടക്കയം: പൈങ്ങന പാലത്തിന്‍റെ തൂണിൽ പടർന്നുപന്തലിച്ച് ഭീമൻ മരം. പാലത്തിന് ബലക്ഷയമാകുമോയെന്ന് ആശങ്ക. കൊട്ടാരക്കര-ദിണ്ടിഗൽ ദേശീയപാതയിൽ മുണ്ടക്കയം പൈങ്ങന പാലത്തിന്‍റെ തൂണുകളിലാണ് മരം വളർന്നുനിൽക്കുന്നത്. പാലത്തിന്‍റെ തൂണുകൾ പൂർണമായും മരത്തിന്‍റെ വേരുകൾ മൂടിയ നിലയിലാണ്. പാലത്തിന്‍റെ തൂണിന്‍റെ കൽക്കട്ടുകൾക്ക് ഇടയിലേക്ക് മരത്തിന്‍റെ വേര് വളർന്നിറങ്ങിയിരിക്കുന്നത് പാലത്തിന് ബലക്ഷയത്തിന് ഇടയാക്കുമോയെന്ന ആശങ്ക ഉയരുന്നുണ്ട്. പതിറ്റാണ്ടുകൾക്ക് മുമ്പ് ദേശീയപാതയിൽ നിർമിച്ച ഈ പാലത്തിന്‍റെ കൽക്കെട്ടിന്‍റെ അടിവശത്തിന് കാലപ്പഴക്കത്താൽ തകരാർ സംഭവിച്ചിട്ടുണ്ട്. ഇതോടൊപ്പം പാലത്തിന്‍റെ തൂണിൽ മരം കൂടി വളർന്നുനിൽക്കുന്നത് ബലക്ഷയത്തിന് ഇടയാക്കുമോയെന്ന ആശങ്കയാണ് ഉയരുന്നത്. പാലത്തിന്‍റെ തൂണിന്‍റെ താഴ്ഭാഗത്തുനിന്നു വളർന്നുനിൽക്കുന്ന മരം ദേശീയപാതയുടെ മുകൾ വരെ ഉയർന്നു നിൽക്കുകയാണ്. കൂടാതെ റോഡിൽ പാലത്തിന്‍റെ ഇരുവശവും കാടുമുടി കിടക്കുന്നത് കാൽനടയാത്രക്കാരെയും ദുരിതത്തിലാക്കുന്നുണ്ട്. അടിയന്തരമായി പാലത്തിന്‍റെ തൂണുകൾക്ക് ബലക്ഷയമാകും വിധം വളർന്നുനിൽക്കുന്ന മരം വെട്ടിമാറ്റി സുരക്ഷ ഉറപ്പാക്കണമെന്ന ആവശ്യമാണ് ഉയരുന്നത്.

പാലാ നഗരസഭയിലും മുണ്ടക്കയം ഗ്രാമപഞ്ചായത്തിലും വിജ്ഞാനകേരളം തൊഴില്‍മേള

കോട്ടയം: വിജ്ഞാനകേരളം പദ്ധതിയുടെ ഭാഗമായി പാലാ നഗരസഭയുടെയും മുണ്ടക്കയം പഞ്ചായത്തിന്‍റെയും നേതൃത്വത്തില്‍ ഇന്ന് തൊഴില്‍മേളകള്‍ സംഘടിപ്പിക്കും. കുടുംബശ്രീ ജില്ലാ മിഷനും നിര്‍മാണ്‍ ഓര്‍ഗനൈസേഷനും ചേര്‍ന്നാണ് പരിപാടികള്‍ സംഘടിപ്പിച്ചിരിക്കുന്നത്. രാവിലെ പത്തിന് പാലാ നഗരസഭാ ടൗണ്‍ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം നഗരസഭാ ചെയര്‍മാന്‍ തോമസ് പീറ്റര്‍ നിര്‍വഹിക്കും. തൊഴില്‍മേളയില്‍ ഇരുപതോളം പ്രമുഖ തൊഴിലുടമകള്‍ പങ്കെടുക്കും. മുണ്ടക്കയം സിഎസ്ഐ പാരിഷ് ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് നിര്‍വഹിക്കും. 25ലധികം തൊഴില്‍ദാതാക്കള്‍ പങ്കെടുക്കുന്ന മേളയില്‍ ഏകദേശം 500ലധികം ഒഴിവുകളാണുള്ളത്. ഉദ്യോഗാര്‍ഥികള്‍ രാവിലെ ഒമ്പതിനു തന്നെ രജിസ്‌ട്രേഷനായി എത്തിച്ചേരണമെന്ന് സംഘാടകര്‍ അറിയിച്ചു. ബയോഡേറ്റയും യോഗ്യതാ സര്‍ട്ടിഫിക്കറ്റ് പകര്‍പ്പുകളും സഹിതം എത്തണം.

കാർഷിക-ഭക്ഷ്യ ഉത്പന്നങ്ങൾക്ക് വിദേശവിപണിഒരുക്കും: ബ്ലോക്ക് പഞ്ചായത്ത്

കാഞ്ഞിരപ്പള്ളി: കാർഷിക ഭക്ഷ്യമേഖലയിലെ മൂല്യവർധിത ഉത്പന്നങ്ങൾക്ക് ന്യായവില ലഭ്യമാക്കി വിദേശ മാർക്കറ്റുകളിൽ എത്തിക്കാൻ ബ്ലോക്ക് പഞ്ചായത്തും താലൂക്ക് വ്യവസായ വകുപ്പും സംയുക്തമായി പദ്ധതികൾ തയാറാക്കുമെന്ന് ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ്. കാഞ്ഞിരപ്പള്ളി സെന്‍റ് ഡൊമിനിക്സ് കോളജിൽ നടന്ന എക്സ്പോർട്ട് വർക്ക്ഷോപ്പ് ഉദ്ഘാടനം ചെയ്ത് പ്രസംഗിക്കുകയായിരുന്നു അജിത രതീഷ്. ബ്ലോക്ക് പഞ്ചായത്ത് വൈസ് പ്രസിഡന്‍റ് ജോളി മടുക്കക്കുഴി അധ്യക്ഷത വഹിച്ചു. ജില്ലാ പഞ്ചായത്തംഗം ജെസി ഷാജൻ, ജില്ലാ വ്യവസായ ഓഫീസർ വി.ആർ. രാകേഷ്, കോളജ് പ്രിൻസിപ്പല്‍ ഡോ. സീമോൻ തോമസ്, താലൂക്ക് വ്യവസായ മേധാവി കെ.കെ. ഫൈസൽ, ലോറൻസ് മാത്യു തുടങ്ങിയവർ പ്രസംഗിച്ചു. ചെറുകിട, ഇടത്തരം സംരംഭകരുടെ ഉത്പന്നങ്ങൾ കയറ്റുമതി ചെയ്യുന്നതിനാവശ്യമായ തുടർനടപടികൾ വ്യവസായവകുപ്പ് ഏറ്റെടുക്കും. മികച്ച സംരംഭകരായ കല്ലൂർ ഇലക്‌ട്രോണിക്സ് എംഡി ജേക്കബ് കെ. ജേക്കബ്, ലോജിസ്റ്റിക്ക് കണ്‍സൾട്ടന്‍റ് ശങ്കർ ചന്ദ്രശേഖർ എന്നിവർ വിവിധ വിഷയങ്ങളിൽ ക്ലാസെടുത്തു. താലൂക്കിലെ പഴയതും പുതിയതുമായ നിരവധി സംരംഭകർ ശില്പശാലയിൽ പങ്കെടുത്തു.

യൂത്ത് കോൺഗ്രസ് മാർച്ചിൽ സംഘർഷം

ഏറ്റുമാനൂർ: ശബരിമല സ്വർണത്തട്ടിപ്പിന്‍റെ പശ്ചാത്തലത്തിൽ ദേവസ്വം മന്ത്രി വി.എൻ. വാസവൻ രാജി വയ്ക്കണമെന്നാവശ്യപ്പെട്ട് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ മന്ത്രിയുടെ ഓഫീസിലേക്ക് മാർച്ച് നടത്തി. നീണ്ടൂർ റോഡിൽ പോലീസ് മാർച്ച് തടഞ്ഞു. തുടർന്ന് സെൻട്രൽ ജംഗ്ഷനിലെത്തിയ പ്രവർത്തകർ എംസി റോഡ് ഉപരോധിച്ചു. അര മണിക്കൂറോളം ഗതാഗതം തടസപ്പെട്ടു. റോഡ് ഉപരോധത്തിന്‍റെ പേരിൽ 10 യൂത്ത് കോൺഗ്രസ് പ്രവർത്തകർക്കെതിരേ പോലീസ് കേസെടുത്തു. മഹാദേവ ക്ഷേത്രത്തിന്‍റെപടിഞ്ഞാറേ നടയിൽനിന്ന് ആരംഭിച്ച മാർച്ച് നീണ്ടൂർ റോഡിൽ ബാരിക്കേഡ് ഉപയോഗിച്ച് തടഞ്ഞതിനെ തുടർന്ന് ബാരിക്കേഡ് മാറ്റി മുന്നോട്ടു പോകാൻ പ്രവർത്തകർ ശ്രമിച്ചു. തുടർന്ന് സെൻട്രൽ ജംഗ്ഷനിൽ പ്രകടനമായെത്തിയ പ്രവർത്തകർ കുരിശുപള്ളിക്കു സമീപം എംസി റോഡ് ഉപരോധിച്ചു. അരമണിക്കൂറോളം ഗതാഗതം തടസപ്പെട്ടു. റോഡിൽ കിടന്ന പ്രവർത്തകരെ പോലീസ് ബലപ്രയോഗത്തിലൂടെയാണ് നീക്കം ചെയ്തത്. ഇതിനിടെ പോലീസുമായി നേരിയ തോതിൽ ഏറ്റുമുട്ടൽ ഉണ്ടായെങ്കിലും പോലീസ് സംയമനം പാലിച്ചതിനാൽ വലിയ സംഘർഷമുണ്ടായില്ല. റോഡ് ഉപരോധിച്ച യൂത്ത് കോൺഗ്രസ് പ്രവർത്തകരെ പോലീസ് നീക്കം ചെയ്തതോടെ മറ്റ് പ്രവർത്തകർ ടൗണിൽ പ്രകടനം നടത്തി. പോലീസ് സ്റ്റേഷനു സമീപം പോലീസ് പ്രകടനം തടഞ്ഞു. മാർച്ചിനെ തുടർന്നു നടത്തിയ സമ്മേളനം യൂത്ത് കോൺഗ്രസ് ദേശീയ ജനറൽ സെക്രട്ടറി ബിനു ചള്ളിയിൽ ഉദ്ഘാടനം ചെയ്തു. ജില്ലാ പ്രസിഡന്‍റ് ഗൗരിശങ്കർ അധ്യക്ഷത വഹിച്ചു. കോൺഗ്രസ് നേതാക്കളായ എം. മുരളി, ആനന്ദ് പഞ്ഞിക്കാരൻ, കെ.ജി. ഹരിദാസ്, യൂത്ത് കോൺഗ്രസ് നേതാക്കന്മാരായ റാഷ്മോൻ ഒട്ടാറ്റിൽ, വിഷ്ണു ചെമ്മുണ്ടവള്ളി, കെ. കൃഷ്ണകുമാർ, ചിഞ്ചു കുര്യൻ ജോയി, ജോർജ് പയസ്, നിസാമുദ്ദീൻ, ബിനീഷ് ബെന്നി തുടങ്ങിയവർ പ്രസംഗിച്ചു.

ജില്ലാ സ്‌കൂള്‍ കായികമേള നാളെ മുതല്‍

പാലാ: 23-ാമത് ജില്ലാ സ്‌കൂള്‍ കായികമേള 15,16,17 തീയതികളില്‍ പാലാ മുനിസിപ്പല്‍ സിന്തറ്റിക് ട്രാക്ക് സ്റ്റേഡിയത്തില്‍ നടത്തുമെന്ന് സംഘാടക സമിതി പത്രസമ്മേളനത്തില്‍ അറിയിച്ചു. കോട്ടയം ജില്ലയിലെ 13 സബ് ജില്ലകളില്‍നിന്നായി 3,800 ഓളം വിദ്യാര്‍ഥികള്‍ 97 ഇനങ്ങളില്‍ മത്സരിക്കും. 15ന് രാവിലെ മാര്‍ച്ച് പാസ്റ്റോടുകൂടി മത്സരങ്ങള്‍ ആരംഭിക്കും. ജില്ലാ ഉപവിദ്യാഭ്യാസ ഡയറക്ടര്‍ ഹണി ജെ. അലക്‌സാണ്ടര്‍ പതാക ഉയര്‍ത്തും. ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്യും. മാണി സി. കാപ്പന്‍ എംഎല്‍എ അധ്യക്ഷത വഹിക്കും. എംഎല്‍എമാരായ തിരുവഞ്ചൂര്‍ രാധാകൃഷ്ണന്‍, മോന്‍സ് ജോസഫ്, നഗരസഭാ ചെയര്‍മാന്‍ തോമസ് പീറ്റര്‍, വൈസ് ചെയര്‍പേഴ്‌സണ്‍ ബിജി ജോജോ, വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ജോസ് ചീരാംകുഴി, പ്രതിപക്ഷ നേതാവ് സതീശ് ചൊള്ളാനി, ഡിഇഒ പി. സത്യപാലന്‍, ജില്ലാ സ്‌പോര്‍ട്സ് കോ-ഓര്‍ഡിനേറ്റര്‍ ബിജു ആന്‍റണി, സെക്രട്ടറി സജിമോന്‍, എന്‍.വൈ. രാജേഷ്, കൗണ്‍സിലര്‍ വി.സി. പ്രിന്‍സ് എന്നിവര്‍ പ്രസംഗിക്കും.

ജില്ലാ കായികമേള പാലായിലെ പൊളിഞ്ഞ ട്രാക്കില്‍

ജില്ലാ കായികമേള 15 മുതല്‍ 17 വരെ നടക്കേണ്ട പാലാ സിന്തറ്റിക് ട്രാക്ക് തകര്‍ച്ചയിലാണ്. പാലാ നഗരസഭാ സ്റ്റേഡിയത്തിലെ സിന്തറ്റിക് ട്രാക്ക് നവീകരണം നാല് മാസം മുമ്പ് തുടങ്ങിയെങ്കിലും മഴ കാരണം മുടങ്ങി. സംസ്ഥാന ബജറ്റില്‍ അനുവദിച്ച ഏഴു കോടി രൂപ വിനിയോഗിച്ചാണ് നവീകരണം. തകര്‍ന്നു കിടക്കുന്ന സിന്തറ്റിക് ട്രാക്ക് നീക്കം ചെയ്തശേഷം പുതിയത് സ്ഥാപിക്കും. വെള്ളപ്പൊക്കവും അമിത ഉപയോഗവും മൂലമാണ് ട്രാക്ക് തകര്‍ന്നത്. നിര്‍മാണം നഗരസഭയുടെ നിര്‍ദേശപ്രകാരം മാറ്റി വയ്ക്കുകയായിരുന്നുവെന്ന് നഗരസഭാധ്യക്ഷന്‍ തോമസ് പീറ്റര്‍ പറഞ്ഞു. മഴക്കാലത്ത് നിര്‍മാണം നടത്തിയാല്‍ പ്രവൃത്തികള്‍ക്ക് കാലപ്പഴക്കം ലഭിക്കില്ല. ഡല്‍ഹി ആസ്ഥാനമായുള്ള കമ്പനിയാണ് കരാര്‍ ഏറ്റെടുത്തിരിക്കുന്നത്. അടങ്കല്‍ കണക്കാക്കുമ്പോള്‍ ജംപിംഗ്, ത്രോ ഇനങ്ങള്‍ നടക്കുന്നയിടം തുടങ്ങിയ ഭാഗങ്ങളിലെ സിന്തറ്റിക്ക് കണക്കിലെടുത്തിരുന്നില്ല. നിലവിലെ സാഹചര്യത്തില്‍ ഇത്തരം ഭാഗങ്ങളും നവീകരിക്കുന്നത് പരിഗണിക്കും.

സംരക്ഷിത വനമൊരുക്കി നാഗമ്പടം മൈതാനം

ട്രാക്കിലും ഗ്രൗണ്ടിലും മുട്ടോളം ഉയരത്തില്‍ കാട്, തകര്‍ന്ന ഗാലറി, മഴ പെയ്താല്‍ അണക്കെട്ടിന് സമാനം. കോട്ടയം നഗരത്തിനു നടുവില്‍ തകര്‍ച്ച നേരിടുകയാണ് നാഗമ്പടം നെഹ്‌റു സ്‌റ്റേഡിയം. കായിക മേഖലയ്ക്കു വലിയ സംഭാവന നല്കിയിരുന്നതും ഒട്ടേറെ താരങ്ങളെ വളര്‍ത്തിയതുമായ കളിക്കളത്തോടാണ് ഈ അവഗണന. നഗരസഭയുടെ ചുമതലയിലുള്ള സ്‌റ്റേഡിയം 1972 മുതല്‍ 1993 വരെ രഞ്ജി ട്രോഫി ക്രിക്കറ്റ് ഉള്‍പ്പെടെ മത്സരങ്ങള്‍ക്കും സംസ്ഥാന സ്‌കൂള്‍ കായികമേളകള്‍ക്കും വേദിയായിട്ടുണ്ട്. ഇളകിവീഴാറായ ഗാലറികള്‍, മഴ പെയ്താല്‍ വെള്ളക്കെട്ട്, വളര്‍ന്നു പന്തലിച്ച് കാട്, സാമൂഹ്യവിരുദ്ധ ശല്യം. ഇതാണ് ഇപ്പോഴത്തെ അവസ്ഥ. ഒന്‍പതേക്കര്‍ വിസ്തൃതിയിലാണ് സ്റ്റേഡിയം. ചുറ്റും 148 കടമുറികള്‍ ഏറെക്കുറെ എല്ലാം ഒഴിഞ്ഞു കിടക്കുകയാണ്. ഗാലറിയും കെട്ടിടത്തിലെ കടമുറികളും വിണ്ടുകീറി അപകട നിലയിലാണ്. വല്ലപ്പോഴും നഗരസഭയുടെ ശുചീകരണ വിഭാഗം കാട് വെട്ടിത്തെളിക്കാറുണ്ട്. നാളുകള്‍ക്കു മുമ്പു സാമൂഹിക വിരുദ്ധരുടെ ശല്യം ഒഴിവാക്കാനായി സൗരോര്‍ജ വിളക്കുകള്‍ സ്ഥാപിച്ചെങ്കിലും ബാറ്ററികള്‍ സഹിതം മോഷണം പോയി. സ്റ്റേഡിയം നവീകരിക്കാന്‍ നിരവധി പദ്ധതികള്‍ പ്രഖ്യാപിച്ചെങ്കിലും ഒന്നും ഫലം കണ്ടില്ല. സിന്തറ്റിക് ട്രാക്ക് ഒരുക്കി നവീകരിക്കുമെന്ന സര്‍ക്കാര്‍ വാഗ്ദാനവും നടപ്പായില്ല. നഗരസഭയുടെ സാമ്പത്തിക പരിമിതിയില്‍നിന്നു സ്റ്റേഡിയം നവീകരിക്കാന്‍ കഴിയാത്തതിനാല്‍ രാജ്യാന്തര നിലവാരത്തില്‍ പുതുക്കിപ്പണിയുന്നതിനു കേന്ദ്ര സംസ്ഥാന സര്‍ക്കാരുകള്‍ ഫണ്ട് അനുവദിക്കണമെന്നാണ് നഗരസഭയുടെ നിലപാട്. 1972ല്‍ സ്ഥാപിതമായ ഈ മൈതാനത്ത് 18,000 പേര്‍ക്ക് ഇരിപ്പിട സൗകര്യമുണ്ട്. ട്രെയിന്‍, ബസ് യാത്രാസൗകര്യം ഇത്രയുമുള്ള സ്റ്റേഡിയങ്ങള്‍ അധികമുണ്ടാകില്ല. ചിറക്കടവ് പഞ്ചായത്ത് മിനി സ്റ്റേഡിയം പൊന്‍കുന്നം ടൗണ്‍ഹാളിന് സമീപമുള്ള മിനി സ്റ്റേഡിയത്തില്‍ വിവിധ പന്തുകളികള്‍ നടക്കുന്നുണ്ടെങ്കിലും കാണികള്‍ക്ക് ഇരിക്കാനും നില്‍ക്കാനും ഇടമില്ലാത്ത അവസ്ഥയാണ്. സ്റ്റേഡിയം പരിസരം കാടുപിടിച്ച് ഇഴജന്തുക്കളുടെ താവളമായി മാറിയിരിക്കുകയാണ്. ചിറക്കടവ് പഞ്ചായത്തില്‍ ചേപ്പുംപാറയ്ക്കുസമീപം കളിക്കളത്തിനു സ്ഥലം കണ്ടെത്തിയെന്നും നിര്‍മാണപ്രവര്‍ത്തനും പുരോഗമിക്കുകയാണെന്നും ചിറക്കടവ് പഞ്ചായത്ത് പ്രസിഡന്‍റ് സി.ആര്‍. ശ്രീകുമാര്‍ പറഞ്ഞു. ചങ്ങനാശേരിയില്‍ ചങ്ങനാശേരി: നഗരസഭ ഇരുപതുവര്‍ഷംമുമ്പ് അന്താരാഷ്‌ട്ര സ്റ്റേഡിയത്തിനായി ളായിക്കാട്ട് എറ്റെടുത്ത സ്ഥലത്ത് ഒരു നിര്‍മാണവും നടന്നിട്ടില്ല. ചങ്ങനാശേരി ബൈപാസ് വന്നതോടെ സ്‌റ്റേഡിയം സ്ഥലം രണ്ടായി മുറിക്കപ്പെട്ടിരുന്നു. ഈ സ്ഥലം ഇപ്പോള്‍ കാടുപിടിച്ച നിലയിലാണ്. എന്നാല്‍ അഞ്ചുകോടി രൂപ മുടക്കി ചങ്ങനാശേരി മുനിസിപ്പല്‍ സ്റ്റേഡിയം ആധുനിക സൗകര്യങ്ങളോടെ നവീകരണം പൂര്‍ത്തിയായി വരികയാണ്. മാടപ്പള്ളി പഞ്ചായത്തിന്‍റെ 13-ാംവാര്‍ഡിലെ പങ്കിപ്പുറത്തുള്ള മൈതാനം നവീകരണവും അവസാന ഘട്ടത്തിലാണ്. മുണ്ടക്കയം സ്റ്റേഡിയം പണി പുരോഗമിക്കുന്നു മലയോര കായികപ്രേമികള്‍ക്ക് ആവേശം ഉണര്‍ത്തി ആധുനിക സൗകര്യങ്ങളോടെ മുണ്ടക്കയം പഞ്ചായത്ത് സ്റ്റേഡിയം നിര്‍മാണം പുരോഗമിക്കുന്നു. പുത്തന്‍ചന്ത മൈതാനം ഒന്നര കോടി രൂപ മുടക്കിയാണ് ഗാലറിയും സിന്തറ്റിക് ട്രാക്കും അടക്കം നവീകരിക്കുന്നത്. ക്രിക്കറ്റ്, ഫുട്‌ബോള്‍ ടര്‍ഫ് കോര്‍ട്ടിന് ഒപ്പം ഷട്ടില്‍ കോര്‍ട്ടും സജ്ജീകരിച്ചിട്ടുണ്ട്. ലൈറ്റിംഗ് ക്രമീകരണങ്ങളും ഒരുക്കുന്നുണ്ട്. നിര്‍മാണം വളരെ വേഗത്തില്‍ പൂര്‍ത്തിയാക്കാന്‍ കഴിയുമെന്ന് പഞ്ചായത്ത് പ്രസിഡന്‍റ് രേഖ ദാസ് പറഞ്ഞു.

വെള്ളം കെട്ടിയും കാടുകയറിയും പൊട്ടിപ്പൊളിഞ്ഞും നശിക്കുന്ന മൈതാനങ്ങളുടെ ദുരവസ്ഥ

കായികമേഖലയുടെ ഉന്നമനം ലക്ഷ്യമാക്കിയാണ് നഗരമധ്യത്തില്‍ കോടികള്‍ വിലവരുന്ന സ്ഥലം മൈതാനങ്ങളും സ്റ്റേഡിയങ്ങളുമായി പണിയുന്നത്. കായികലോകത്തിന് ഒട്ടേറെ രാജ്യാന്തര താരങ്ങളെ സമ്മാനിച്ച കോട്ടയം ജില്ലയിലെ ഒരു മൈതാനവും സ്‌റ്റേഡിയവും വേണ്ടവിധം സംരക്ഷിക്കപ്പെടുന്നില്ല. വെള്ളം കെട്ടിയും കാടുകയറിയും പൊട്ടിപ്പൊളിഞ്ഞും നശിക്കുന്ന മൈതാനങ്ങളുടെ ദുരവസ്ഥ ഇങ്ങനെ: ഇന്‍ഡോര്‍ സ്റ്റേഡിയത്തിനും അവഗണന മികച്ച നിലവാരത്തില്‍ പണിത നാഗമ്പടം ഇന്‍ഡോര്‍ സ്റ്റേഡിയം ചോര്‍ന്നൊലിക്കുകയാണ്. സ്‌പോര്‍ട്‌സ് കൗണ്‍സിലിന്‍റെ മേല്‍നോട്ടത്തിലാണ് സ്റ്റേഡിയം. മത്സരങ്ങള്‍ക്കിടെ മേല്‍ക്കൂര ചോര്‍ന്നൊലിക്കുന്നത് വലിയ ബുദ്ധിമുട്ടാണുണ്ടാക്കുന്നത്. വീണാലും പരിക്കേല്‍ക്കാത്ത വിധം മേപ്പിള്‍ തടി ഉപയോഗിച്ച് നിര്‍മിച്ച തറ നശിക്കാതിരിക്കാന്‍ നിലവില്‍ ടാര്‍പായ വിരിച്ചിരിക്കുകയാണ്. സ്‌റ്റേഡിയത്തിന്‍റെ താഴത്തെ നില നിലവില്‍ വാണിജ്യ കേന്ദ്രമായിരിക്കുന്നു. കളിക്കളമില്ലാതെ അതിരമ്പുഴ അതിരമ്പുഴ പഞ്ചായത്തിനു കളിക്കളമില്ല. അതിരമ്പുഴ സെന്‍റ് അലോഷ്യസ് സ്‌കൂള്‍ ഗ്രൗണ്ടിനെ (പള്ളി മൈതാനം) ആശ്രയിച്ചാണ് കളികളും പ്രഭാത നടത്തവും കായികപരിശീലനവും. സ്‌കൂള്‍ സമയവും പള്ളിയിലെ ആരാധനാ സമയവുമൊഴിവാക്കി ലഭിക്കുന്ന സമയം മാത്രമാണ് ലഭിക്കാറുള്ളത്. അതിരമ്പുഴ പഞ്ചായത്തിനു സ്വന്തമായി സ്റ്റേഡിയം വേണമെന്നത് ദീര്‍ഘകാലമായുള്ള ആവശ്യമാണ്. കാഞ്ഞിരപ്പള്ളി വോളി സ്റ്റേഡിയം കാടായി ഏഷ്യാഡ് താരങ്ങള്‍ ഉള്‍പ്പെടെ വോളിബോളിന്‍റെ ഈറ്റില്ലമായിരുന്നു കാഞ്ഞിരപ്പള്ളി. പേരെടുത്ത അന്‍പതോളം വോളി താരങ്ങളുടെ നാട്. വോളിബോളിന്‍റെ ഭാവി ലക്ഷ്യമാക്കി പേട്ട സ്‌കൂള്‍ പരിസരത്ത് നിര്‍മിച്ച വോളിബോള്‍ ഇന്‍ഡോര്‍ സ്റ്റേഡിയം തകര്‍ന്നിട്ട് 11 വര്‍ഷമായി. കാടുകയറിയ പരിസരം ഇഴജന്തുക്കളുടെ വിഹാരകേന്ദ്രമായി. ആന്‍റോ ആന്‍റണി എംപിയുടെ ഫണ്ടില്‍നിന്ന് 12 ലക്ഷം രൂപ ചെലവഴിച്ച് പണിത സ്റ്റേഡിയം 2014 ഫെബ്രുവരി 28 നാണ് നാടിന് സമര്‍പ്പിച്ചത്. 30 അടി ഉയരത്തിലും 28 മീറ്റര്‍ നീളത്തിലും 16 മീറ്റര്‍ വീതിയിലും പണിത സ്റ്റേഡിയം നാലു മാസം പിന്നിട്ടപ്പോള്‍ത്തന്നെ തകര്‍ന്നു. തൂണുകളുടെ നിര്‍മാണത്തിലെ അപാകതയായിരുന്നു കാരണം. പുതിയ വോളി കോര്‍ട്ട് കായികപ്രേമികളുടെ ആഗ്രഹമാണ്. മുന്‍ താരങ്ങുടെ നേതൃത്വത്തില്‍ വോളി ഫ്രണ്ട്‌സ് അസോസിയേഷന്‍ രൂപീകരിച്ചിട്ടുണ്ടെങ്കിലും പരിശീലനം നല്‍കാന്‍ സൗകര്യമില്ല.

മാർ സ്ലീവാ മെഡിസിറ്റിയിലേക്ക് ബസ് സര്‍വീസ്

പാലാ: മൂലമറ്റത്തുനിന്ന് ചേര്‍പ്പുങ്കല്‍ മാര്‍ സ്ലീവാ മെഡിസിറ്റിയിലേക്ക് കെഎസ്ആര്‍ടിസി ബസ് സര്‍വീസ് ആരംഭിച്ചു. ദിവസവും രാവിലെ 8.20ന് മൂലമറ്റത്തുനിന്നു മുട്ടം, നീലൂര്‍, കൊല്ലപ്പള്ളി, പാലാ വഴി മാര്‍ സ്ലീവാ മെഡിസിറ്റിയിലേക്ക് ബസ് പുറപ്പെടും. ഒന്‍പതിന് മുട്ടത്തും 9.50ന് പാലായിലും 10.10ന് മെഡിസിറ്റിയിലും ബസ് എത്തിച്ചേരും. തിരികെ 10.40ന് മെഡിസിറ്റിയില്‍നിന്നു പാലാ, മുട്ടം വഴി ബസ് തൊടുപുഴയിലേക്ക് പുറപ്പെടും. നിലവില്‍ ഒരു സര്‍വീസാണ് അനുവദിച്ചിരിക്കുന്നത്. ആദ്യ ദിനമായ ഇന്നലെ പാലായില്‍നിന്നു ബസില്‍ മാണി സി. കാപ്പന്‍ എംഎല്‍എ യാത്രക്കാരോടൊപ്പം മാര്‍ സ്ലീവാ മെഡിസിറ്റിയില്‍ എത്തിയപ്പോള്‍ ആശുപത്രി മാനേജിംഗ് ഡയറക്ടര്‍ മോണ്‍. ജോസഫ് കണിയോടിക്കലിന്‍റെ നേതൃത്വത്തില്‍ സ്വീകരണം നല്‍കി. യോഗത്തില്‍ മോണ്‍. ജോസഫ് കണിയോടിക്കല്‍ അധ്യക്ഷത വഹിച്ചു. ആശുപത്രി ഓപ്പറേഷന്‍സ്, ബ്രാന്‍ഡിംഗ് ആന്‍ഡ് ഹെല്‍ത്ത്‌ കെയര്‍ പ്രമോഷന്‍സ് ഡയറക്ടര്‍ ഫാ. ഗര്‍വാസീസ് ആനിത്തോട്ടത്തില്‍, പ്രോജക്‌ട്സ്, ഐടി, ലീഗല്‍ ആന്‍ഡ് ലെയ്‌സണ്‍ ഡയറക്ടര്‍ ഫാ. ജോസ് കീരഞ്ചിറ, എടിഒ അശോക് കുമാര്‍, മാര്‍ട്ടിന്‍ കോലടി, സന്തോഷ് കാവുകാട്ട് എന്നിവര്‍ പ്രസംഗിച്ചു.

പഞ്ചായത്തുകളിൽ വികസനസദസ്

പാലാ നഗരസഭയിൽ പാലാ: പാലാ നഗരസഭാ വികസനസദസ് നാളെ രാവിലെ പത്തു മുതല്‍ ഒന്നുവരെ മുനിസിപ്പല്‍ ടൗണ്‍ ഹാളില്‍ നടക്കും. ജോസ് കെ. മാണി എംപി ഉദ്ഘാടനം ചെയ്യും. മുനിസിപ്പല്‍ ചെയര്‍മാന്‍ തോമസ് പീറ്റര്‍ അധ്യക്ഷത വഹിക്കും. വികസനസദസിനു മുന്നോടിയായി ഇന്നു രാവിലെ ഒന്‍പതു മുതല്‍ എല്ലാ വിഭാഗത്തിലുംപെട്ട തൊഴിലന്വേഷകര്‍ക്കായി മുനിസിപ്പല്‍ ടൗണ്‍ഹാളില്‍ തൊഴില്‍മേള സംഘടിപ്പിക്കുമെന്നും കമ്പനികളും സ്ഥാപനങ്ങളും മേളയില്‍ പങ്കെടുത്ത് തൊഴിലവസരങ്ങള്‍ നല്‍കുന്നതാണെന്നും ചെയര്‍മാന്‍ അറിയിച്ചു. സൗജന്യ സ്‌പോട്ട് രജിസ്ട്രേഷന്‍ പ്രത്യേകം തയാറാക്കിയ കൗണ്ടറില്‍ ലഭ്യമാണ്. വാര്‍ത്താസമ്മേളനത്തില്‍ നഗരസഭാ ചെയര്‍മാന്‍ തോമസ് പീറ്റര്‍, വൈസ് ചെയര്‍പേഴ്‌സണ്‍ ബിജി ജോജോ, കൗണ്‍സിലര്‍മാരായ സാവിയോ കാവുകാട്ട്, ജോസ് ചീരാംകുഴി, ജോസിന്‍ ബിനോ, ബൈജു കൊല്ലംപറമ്പില്‍, ലീനാ സണ്ണി, ആന്‍റോ പടിഞ്ഞാറെക്കര എന്നിവര്‍ പങ്കെടുത്തു. പൂഞ്ഞാര്‍ തെക്കേക്കരയില്‍ പൂഞ്ഞാര്‍: പൂഞ്ഞാര്‍ തെക്കേക്കര പഞ്ചായത്തിലെ വികസനസദസ് ഇന്നു രാവിലെ 10.30ന് പഞ്ചായത്ത് ഓഡിറ്റോറിയത്തിൽ സെബാസ്റ്റ്യന്‍ കുളത്തുങ്കല്‍ എംഎല്‍എ ഉദ്ഘാടനം ചെയ്യും. പഞ്ചായത്ത് പ്രസിഡന്‍റ് ജോര്‍ജ് മാത്യു അത്യാലില്‍ അധ്യക്ഷത വഹിക്കും. ബ്ലോക്ക് പഞ്ചായത്തംഗം അക്ഷയ് ഹരി, പഞ്ചായത്ത് സെക്രട്ടറി റ്റിജി തോമസ്, വികസനസദസ് റിസോഴ്‌സ് പേഴ്‌സണ്‍ കെ.ആര്‍. സുരേഷ്, പഞ്ചായത്ത് വൈസ് പ്രസിഡന്‍റ് രാജമ്മ ഗോപിനാഥ്, ബ്ലോക്ക് പഞ്ചായത്തംഗം ബി. അജിത്കുമാര്‍, പഞ്ചായത്തംഗങ്ങളായ മിനിമോള്‍ ബിജു, അനില്‍കുമാര്‍ മഞ്ഞപ്ലാക്കല്‍, പി.യു. വര്‍ക്കി, റോജി തോമസ്, മേരി തോമസ്, സജിമോന്‍ കദളിക്കാട്ടില്‍, ആനിയമ്മ സണ്ണി, ബീന മധുമോന്‍, പി.ജി. ജനാര്‍ദന്‍, നിഷ സാനു, സജി സിബി, റെജി ഷാജി എന്നിവര്‍ പങ്കെടുക്കും. ഭരണങ്ങാനത്ത് ഭരണങ്ങാനം: ഭരണങ്ങാനം പഞ്ചായത്തിലെ വികസനസദസ് ഇന്നു രാവിലെ 11ന് പഞ്ചായത്ത് ഹാളിൽ ജില്ലാ പഞ്ചായത്തംഗം രാജേഷ് വാളിപ്ലാക്കല്‍ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്‍റ് ജെസി ജോര്‍ജ് അധ്യക്ഷത വഹിക്കും. പഞ്ചായത്ത് സെക്രട്ടറി റീന വര്‍ഗീസ്, ബ്ലോക്ക് പഞ്ചായത്ത് വൈസ് പ്രസിഡന്‍റ് ആനന്ദ് ചെറുവള്ളി, ബ്ലോക്ക് പഞ്ചായത്തംഗം ജോസ് ചെമ്പകശേരി, പഞ്ചായത്തംഗങ്ങളായ സുധാ ഷാജി, അനുമോള്‍ മാത്യു, ജെസി ജോസ്, ജോസുകുട്ടി മാത്യു അമ്പലമറ്റത്തില്‍ എന്നിവര്‍ പങ്കെടുക്കും. തിടനാട്ടിൽ തിടനാട്: തിടനാട് പഞ്ചായത്തിലെ വികസനസദസ് സെബാസ്റ്റ്യന്‍ കുളത്തുങ്കല്‍ എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് സ്‌കറിയ ജോസഫ് പൊട്ടനാനി അധ്യക്ഷത വഹിച്ചു. റിസോഴ്സ് പേഴ്സണ്‍ ജയകുമാര്‍, പഞ്ചായത്ത് സെക്രട്ടറി പി.പി. മണിയപ്പന്‍, പഞ്ചായത്ത് വൈസ് പ്രസിഡന്‍റ് ലീന ജോര്‍ജ്, ബ്ലോക്ക് പഞ്ചായത്തംഗങ്ങളായ മേഴ്സി മാത്യു, ജോസഫ് ജോര്‍ജ്, മിനി സാവിയോ, പഞ്ചായത്തംഗങ്ങളായ ഓമന രമേശ്, പ്രിയ ഷിജു, ജോസ് ജോസഫ്, ബെറ്റി ബെന്നി, ജോഷി ജോര്‍ജ്, സന്ധ്യ എസ്. നായര്‍, എ.സി. രമേശ്, ഷെറിന്‍ ജോസഫ്, മിനി ബിനോ, ലിസി തോമസ്, കെ.വി. സുരേഷ് കുമാര്‍, വിജി ജോര്‍ജ്, കുടുംബശ്രീ ചെയര്‍പേഴ്സണ്‍ ഓമന ശശി എന്നിവര്‍ പങ്കെടുത്തു.

മരങ്ങാട്ടുപിള്ളി സഹകരണബാങ്കിൽ 25 ശതമാനം ലാഭവിഹിതം

മരങ്ങാട്ടുപിള്ളി: 2024-25 സാമ്പത്തികവര്‍ഷം മരങ്ങാട്ടുപിള്ളി സഹകരണബാങ്ക് 104 ലക്ഷം രൂപ അറ്റലാഭം നേടിയതായും അംഗങ്ങള്‍ക്ക് 25 ശതമാനം ലാഭവിഹിതം നല്‍കുന്നതിന് പൊതുയോഗം തീരുമാനിച്ചതായും ബാങ്ക് പ്രസിഡന്‍റ് എം.എം. തോമസ് മേല്‍വെട്ടം അറിയിച്ചു. 46.79 ലക്ഷം രൂപ ബാങ്കിന്‍റെ ഭാവി പ്രവര്‍ത്തനങ്ങള്‍ക്ക് കരുതലായി നീക്കിവച്ചതിനു ശേഷമാണ് ബാങ്ക് ഈ ലാഭം കരസ്ഥമാക്കിയത്. കാര്‍ഷിക വിലത്തകര്‍ച്ചയും മറ്റു സാമ്പത്തിക പ്രതിസന്ധിയും മൂലം ക്ലേശമനുഭവിക്കുന്ന വായ്പ എടുത്ത അംഗങ്ങള്‍ക്ക് 2.05 കോടി രൂപ പലിശ ഇളവ് റിപ്പോര്‍ട്ട് വര്‍ഷം ബാങ്ക് നല്‍കി. നെല്‍കൃഷി, റബര്‍ റെയിന്‍ ഗാര്‍ഡിംഗ് തുടങ്ങിയവയ്ക്ക് പലിശരഹിതമായും പശു, കോഴി വളര്‍ത്തല്‍, പച്ചക്കറി കൃഷി, കുടുംബശ്രീ എന്നിവയ്ക്ക് കുറഞ്ഞ നിരക്കിലും വിദേശജോലി, ബിസിനസ്, കച്ചവടം, ഭൂസ്വത്ത് വാങ്ങല്‍, ഭവനനിര്‍മാണം, വിവാഹം, വിദ്യാഭ്യാസം, സ്വര്‍ണപ്പണയം, തൊഴില്‍പരമായ മറ്റു സംരംഭങ്ങള്‍, കാര്‍ഷിക അനുബന്ധ പ്രവര്‍ത്തനങ്ങള്‍, വാഹനം, വീട്ടുപകരണങ്ങള്‍ വാങ്ങല്‍ തുടങ്ങിയ ആവശ്യങ്ങള്‍ക്ക് മിതമായ നിരക്കിലും വായ്പ നല്‍കി വരുന്നു. ‌36.54 കോടി രൂപ വരവും 35.5 കോടി രൂപ ചെലവും 1.04 കോടി രൂപ ലാഭവും പ്രതീക്ഷിക്കുന്ന ബജറ്റ് പൊതുയോഗം അംഗീകരിച്ചതായി ഭരണസിമിതി അംഗങ്ങള്‍ പത്രസമ്മേളനത്തില്‍ പറഞ്ഞു. പ്രസിഡന്‍റ് എം.എം. തോമസ് മേല്‍വെട്ടം, വൈസ് പ്രസിഡന്‍റ് കെ.എസ്.അജികുമാര്‍, അംഗങ്ങളായ ജോജോ കെ. ജോസ്, കെ. ജോസ് തോമസ്, എ.ജെ. സിജോമോന്‍, എ. തുളസീദാസ്, മാത്യുക്കുട്ടി ജോര്‍ജ്, ജോണി ഏബ്രഹാം, നിര്‍മല ദിവാകരന്‍, ആന്‍സമ്മ സാബു, ജോജിന്‍ മാത്യു എന്നിവര്‍ പത്രസമ്മേളനത്തിൽ പങ്കെടുത്തു.

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന്

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന് കര്‍ഷകദിനമായി ആചരിക്കും. രാവിലെ ഒമ്പതിന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ക്രിസ്റ്റി പന്തലാനിക്കല്‍. 10.45ന് തീര്‍ഥാടനം - കര്‍ഷകവേദി, പിഎസ്ഡബ്ല്യുഎസ്, ഫ്രാന്‍സിസ്‌കന്‍ മൂന്നാംസഭ, വിന്‍സെന്‍റ് ഡി പോള്‍. 11ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. സെബാസ്റ്റ്യന്‍ മുതുപ്ലാക്കല്‍. ഉച്ചകഴിഞ്ഞ് 2.15ന് തീർഥാടനം - നീറന്താനം സെന്‍റ് തോമസ് ഇടവക. 2.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ഇമ്മാനുവല്‍ കൊട്ടാരത്തില്‍. വൈകുന്നേരം 4.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. കുര്യന്‍ മറ്റം.

നീതി കിട്ടാതെ പിന്നോട്ടില്ല; വയോധിക ദന്പതികളുടെ കുത്തിയിരിപ്പ് സമരം

പാലാ: കരം അടയ്ക്കുന്ന ഭൂമി അനധികൃതമായി മറ്റു ചിലർക്ക് ഉദ്യോഗസ്ഥർ പോക്കുവരവ് ചെയ്തു നൽകിയതിനെതിരേ വയോധിക ദന്പതികൾ നടത്തിയ സമരം മൂന്നാം ഘട്ടത്തിൽ. ബധിരനും മൂകനുമായ 78കാരനാണ് നീതിക്കുവേണ്ടി ഭാര്യക്കൊപ്പം താലൂക്ക് ഓഫീസ് പടിക്കൽ സമരം നടത്തിയത്. നീലൂര്‍ പൂവേലില്‍ ചാക്കോയും ഭാര്യ ഡെയ്സിയുമാണ് മൂന്നാം തവണയും പാലാ താലൂക്ക് ഓഫീസ് പടിക്കല്‍ സമരവുമായെത്തിയത്. അളന്നു തിരിച്ചില്ല സര്‍ക്കാര്‍ പറഞ്ഞ മുദ്രപത്ര ഫീസും രജിസ്ട്രേഷന്‍ ഫീസും ആധാരമെഴുത്ത് ഫീസും നല്‍കി രാമപുരം രജിസ്ട്രാര്‍ ഓഫീസ് മുഖേന ചാക്കോയുടെ പേരില്‍ രജിസ്റ്റര്‍ ചെയ്തു വാങ്ങി കരം കെട്ടിയിരുന്ന ഭൂമി സ്ഥാപിത താത്പര്യക്കാരായ ചിലര്‍ക്കു പോക്കുവരവ് ചെയ്തു നല്‍കിയെന്നാണ് ഇവരുടെ പരാതി. ജില്ലാ കളക്‌ടറുടെയും ഹൈക്കോടതിയുടെയും അനുകൂലമായ ഉത്തരവുകള്‍ ലഭിച്ചിട്ടും ഉദ്യോഗസ്ഥർ നടപ്പിലാക്കാത്തതിനെതിരേയാണ് പ്രതിഷേധം. ഉദ്യോഗസ്ഥ നടപടിക്കെതിരേ രണ്ടു മാസം മുമ്പു താലൂക്ക് ഓഫീസില്‍ രണ്ടാംഘട്ട സമരം നടത്തിയിരുന്നു. സ്ഥലം അളന്നുതിരിച്ചു പോക്കുവരവ് ചെയ്തു നല്‍കുമെന്ന അധികൃതരുടെ വാക്ക് വിശ്വസിച്ചാണ് അന്നു സമരം അവസാനിപ്പിച്ചത്. ഒരാഴ്ച കഴിഞ്ഞു ചാക്കോയുടെ പേരില്‍ പോക്കുവരവ് ചെയ്തു നല്‍കി കുടിശിക കൂട്ടി 15,822 രൂപ കരവും വാങ്ങിച്ചു. പക്ഷേ, സ്ഥലം അളന്നുതിരിച്ചു നല്‍കിയില്ലെന്നാണ് പരാതി. ഇതിനെതിരേയാണ് ചാക്കോയും ഭാര്യ ഡെയ്സിയും പാലാ പൗരാവകാശസമിതി പ്രസിഡന്‍റ് ജോയി കളരിക്കലിന്‍റെ നേതൃത്വത്തില്‍ ഇന്നലെ പാലാ താലൂക്ക് ഓഫീസ് പടിക്കല്‍ മൂന്നാംഘട്ട സമരം നടത്തിയത്. ഉടൻ പരിഹാരമെന്ന് ഉദ്യോഗസ്ഥർ വിവരമറിഞ്ഞ് മാണി സി. കാപ്പന്‍ എംഎല്‍എ താലൂക്ക് ഓഫീസ് പടിക്കല്‍ എത്തുകയും വയോധികദമ്പതികളോടു കാര്യങ്ങള്‍ അന്വേഷിച്ചറിയുകയും ചെയ്തു. മീനച്ചില്‍ ആര്‍ഡിഒ കെ.എം. ജോസുകുട്ടി, തഹസില്‍ദാര്‍ ലിറ്റിമോള്‍ തോമസ് എന്നിവരോടു പ്രശ്നം പരിഹരിക്കണമെന്നു നിര്‍ദേശിച്ചു. തുടര്‍ന്ന് 17ന് മുമ്പായി ഇവരുടെ പ്രശ്നങ്ങള്‍ പരിഹരിക്കുമെന്ന് ഉദ്യോഗസ്ഥര്‍ ഉറപ്പ് നല്‍കി.

കൃഷിഭവനുകൾ കൂടുതൽ സ്മാർട്ടാകും: മന്ത്രി പി. പ്രസാദ്

അകലക്കുന്നം: അകലക്കുന്നം സ്മാര്‍ട്ട് കൃഷിഭവന്‍റെ ഉദ്ഘാടനം മന്ത്രി പി. പ്രസാദ് നിര്‍വഹിച്ചു. ഡിജിറ്റല്‍ സംവിധാനങ്ങള്‍ പ്രയോജനപ്പെടുത്തി സേവനങ്ങള്‍ മികവുറ്റതാക്കുന്നതോടെ കൃഷിഭവനുകള്‍ കൂടുതല്‍ സ്മാര്‍ട്ടാകുമെന്ന് അദ്ദേഹം പറഞ്ഞു. പ്ലാന്‍റ് ഹെല്‍ത്ത് ക്ലിനിക്കിന്‍റെയും റബര്‍ ഗ്രോബാഗ് പച്ചക്കറി പദ്ധതിയുടെയും ലോഗോപ്രകാശനവും പ്രദര്‍ശനോദ്ഘാടനവും മന്ത്രി നിര്‍വഹിച്ചു. തൈവിതരണവും നടത്തി. പൂവത്തിളപ്പ് പഞ്ചായത്ത് കമ്യൂണിറ്റി ഹാളില്‍ നടന്ന ചടങ്ങിൽ പഞ്ചായത്ത് പ്രസിഡന്‍റ് സിന്ധു അനില്‍കുമാര്‍ അധ്യക്ഷത വഹിച്ചു. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി, പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായറുകുളം, ജില്ലാ പഞ്ചായത്തംഗം ജോസ്‌മോന്‍ മുണ്ടയ്ക്കല്‍, പഞ്ചായത്തംഗങ്ങളായ ശ്രീലത ജയന്‍, ജേക്കബ് തോമസ്, ജാന്‍സി ബാബു, ബ്ലോക്ക് പഞ്ചായത്തംഗം ജോബി ജോമി, അശോക് കുമാര്‍ പൂതമന, ബെന്നി വടക്കേടം, രാജശേഖരന്‍ നായര്‍, ടെസി രാജു, പഞ്ചായത്തംഗങ്ങളായ മാത്തുക്കുട്ടി ആന്‍റണി, സീമ പ്രകാശ്, സിജി സണ്ണി, ജോര്‍ജ് തോമസ്, ഷാന്‍റി ബാബു, കെ.കെ. രഘു, ജീനാ ജോയി തുടങ്ങിയവര്‍ പങ്കെടുത്തു.

പാലാ നഗരസഭയിലും മുണ്ടക്കയം പഞ്ചായത്തിലും വിജ്ഞാനകേരളം തൊഴില്‍മേള

കോട്ടയം: വിജ്ഞാനകേരളം പദ്ധതിയുടെ ഭാഗമായി പാലാ നഗരസഭയുടെയും മുണ്ടക്കയം പഞ്ചായത്തിന്‍റെയും നേതൃത്വത്തില്‍ ഇന്ന് തൊഴില്‍മേളകള്‍ സംഘടിപ്പിക്കും. കുടുംബശ്രീ ജില്ലാ മിഷനും നിര്‍മാണ്‍ ഓര്‍ഗനൈസേഷനും ചേര്‍ന്നാണ് പരിപാടികള്‍ സംഘടിപ്പിച്ചിരിക്കുന്നത്. രാവിലെ പത്തിന് പാലാ നഗരസഭാ ടൗണ്‍ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം നഗരസഭാ ചെയര്‍മാന്‍ തോമസ് പീറ്റര്‍ നിര്‍വഹിക്കും. തൊഴില്‍മേളയില്‍ ഇരുപതോളം പ്രമുഖ തൊഴിലുടമകള്‍ പങ്കെടുക്കും. മുണ്ടക്കയം സിഎസ്ഐ പാരിഷ് ഹാളില്‍ നടക്കുന്ന തൊഴില്‍മേളയുടെ ഉദ്ഘാടനം കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് നിര്‍വഹിക്കും. 25ലധികം തൊഴില്‍ദാതാക്കള്‍ പങ്കെടുക്കുന്ന മേളയില്‍ ഏകദേശം 500ലധികം ഒഴിവുകളാണുള്ളത്. ഉദ്യോഗാര്‍ഥികള്‍ രാവിലെ ഒമ്പതിനു തന്നെ രജിസ്‌ട്രേഷനായി എത്തിച്ചേരണമെന്ന് സംഘാടകര്‍ അറിയിച്ചു. ബയോഡേറ്റയും യോഗ്യതാ സര്‍ട്ടിഫിക്കറ്റ് പകര്‍പ്പുകളും സഹിതം എത്തണം.

ഭക്തിസാന്ദ്രമായി കുറവിലങ്ങാടിന്‍റെ കുഞ്ഞച്ചൻ തീർഥാടന യാത്ര

കുറവിലങ്ങാട്: നൂറുകണക്കായ ഇടവകാംഗങ്ങൾ പങ്കുചേർന്ന, വാഴ്ത്തപ്പെട്ട കുഞ്ഞച്ചന്‍റെ കബറിടത്തിങ്കലേക്കുള്ള തീർഥയാത്ര ഭക്തിസാന്ദ്രമായി. പതിറ്റാണ്ടുകൾക്കു മുമ്പ് കുറവിലങ്ങാട് മഹാ ഇടവക ജന്മം നൽകിയ രാമപുരത്തിന്‍റെ വിശ്വാസതീവ്രതയിൽ വിരിഞ്ഞ വാഴ്ത്തപ്പെട്ട കുഞ്ഞച്ചന്‍റെ സവിധത്തിലേക്കു തീക്ഷ്ണതയോടെ അവർ ഒഴുകിയെത്തി. മൂന്നാമത് രാമപുരം തീർഥാടനത്തിനാണ് കുറവിലങ്ങാട് നേതൃത്വം നൽകിയത്. പൊതുവാഹനങ്ങളിലും സ്വകാര്യ വാഹനങ്ങളിലുമായി ആയിരത്തോളം പേരാണ് രാമപുരം അമ്പല കവലയിലെത്തി പദയാത്രയായി കുഞ്ഞച്ചന്‍റെ സവിധത്തിലെത്തിയത്. മുത്തിയമ്മക്കൊടികളും കുടകളും സംവഹിച്ച പദയാത്ര മരിയഭക്തിയുടെ നേരനുഭവുമായി മാറി. പള്ളിയോഗാംഗങ്ങളും കുടുംബകൂട്ടായ്മാ ഭാരാവഹികളും നേതൃത്വം നൽകി. കുറവിലങ്ങാട്ടെ തീർഥാടക സംഘത്തെ രാമപുരം സെന്‍റ് അഗസ്റ്റിൻസ് ഫൊറോന വികാരി ഫാ. ബെർക്കുമാൻസ് കുന്നുംപുറം വാഴ്ത്തപ്പെട്ട കുഞ്ഞച്ചന്‍റെ തിരുസ്വരൂപം നൽകി സ്വീകരിച്ചു. കുടുംബകൂട്ടായ്മാ ജനറൽ ലീഡർ ബോബിച്ചൻ നിധീരി തിരുസ്വരൂപം ഏറ്റുവാങ്ങി. ആർച്ച്പ്രീസ്റ്റ് റവ.ഡോ. തോമസ് മേനാച്ചേരി വിശുദ്ധ കുർബാനയർപ്പിച്ചു സന്ദേശം നൽകി.

പള്‍സ് പോളിയോ പ്രതിരോധം: കുട്ടികള്‍ക്ക് തുള്ളിമരുന്നു നല്‍കി

ഏറ്റുമാനൂർ: പോളിയോ വൈറസ് നിർമാർജനം ലക്ഷ്യമിട്ടു നടത്തുന്ന പൾസ് പോളിയോ ഇമ്യൂണൈസേഷൻ പരിപാടിയുടെ ഭാഗമായി ജില്ലയിലെ അഞ്ചു വയസില്‍ താഴെയുള്ള കുട്ടികള്‍ക്ക് പോളിയോ പ്രതിരോധ തുള്ളിമരുന്നു നല്‍കി. ഏറ്റുമാനൂർ കുടുംബാരോഗ്യ കേന്ദ്രത്തിൽ നടന്ന ചടങ്ങില്‍ ഏറ്റുമാനൂർ നഗരസഭാധ്യക്ഷ ലൗലി ജോർജ് ജില്ലാതല ഉദ്ഘാടനം നിർവഹിച്ചു. നഗരസഭാംഗങ്ങളായ ബീന ഷാജി, രശ്മി ശ്യാം, ജില്ലാ മെഡിക്കൽ ഓഫീസർ ഡോ. എൻ. പ്രിയ, ആർസിഎച്ച് ജില്ലാ ഓഫീസർ ഡോ. ബി.കെ. പ്രസീദ, ആരോഗ്യകേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, ഏറ്റുമാനൂർ കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. ബബ്‌ലു റാഫേൽ, ഡിപിഎച്ച്എൻ ഇൻ-ചാർജ് ഓഫീസർ എം. നാൻസി, അഡീഷണൽ ഡിഎച്ച്എസ് ഡോ. പ്രസന്നകുമാരി, റവന്യു ജില്ലാ ഡയറക്ടർ അൻവർ മുഹമ്മദ്, ഡെപ്യൂട്ടി ജില്ലാ എജ്യുക്കേഷൻ ആൻഡ് മീഡിയ ഓഫീസർ ആർ. ദീപ, റോട്ടറി ക്ലബ് പ്രസിഡന്‍റ് സിറിയക് ലൂക്ക് എന്നിവർ പങ്കെടുത്തു. ബൂത്തുകളിൽ തുള്ളി മരുന്നു നൽകാൻ കഴിയാത്ത കുഞ്ഞുങ്ങൾക്ക് ഒക്‌ടോബർ 13, 14 തീയതികളിൽ വോളണ്ടിയർമാർ വീടുകളിലെത്തി തുള്ളി മരുന്നു നൽകും. അതിഥി തൊഴിലാളികളുടെ ക്യാമ്പുകൾ, വിനോദ സഞ്ചാരകേന്ദ്രങ്ങൾ എന്നിവിടങ്ങളിലെ മൊബൈൽ ബൂത്തുകളും 13,14 തീയതികളില്‍ പ്രവർത്തിക്കും.

മാര്‍ ജോസഫ് പവ്വത്തില്‍ മെമ്മോറിയല്‍ ട്രോഫി കുര്യനാട് സെന്‍റ് ആന്‍സ് എച്ച്എസ്എസിന്

കുറുമ്പനാടം: സെന്‍റ് പീറ്റേഴ്‌സ് ഹയര്‍ സെക്കന്‍ഡറി സ്‌കൂളിന്‍റെ രജത ജൂബിലി സ്മാരകമായി നടത്തിയ മൂന്നാമത് അഖില കേരള ഇന്‍റര്‍ ഹയര്‍ സെക്കന്‍ഡറി സ്‌കൂള്‍ പ്രസംഗ മത്സരത്തില്‍ കുര്യനാട് സെന്‍റ് ആന്‍സ് എച്ച്എസ്എസിലെ ആഷര്‍ ജോസഫ് ഒന്നാം സ്ഥാനം നേടി. ആഷറിന് മാര്‍ ജോസഫ് പവ്വത്തില്‍ മെമ്മോറിയല്‍ ട്രോഫിയും 5,000 രൂപ കാഷ് അവാര്‍ഡും സമ്മാനിച്ചു. രണ്ടാം സ്ഥാനത്തിന് അര്‍ഹയായ അതിരമ്പുഴ സെന്‍റ് അലോഷ്യസ് എച്ച്എസ്എസിലെ ഏബല്‍ ബിനോയ്ക്ക് ഫാ. ജോര്‍ജ് മുക്കാട്ടുകുന്നേല്‍ മെമ്മോറിയല്‍ ട്രോഫിയും 4,000 രൂപ കാഷ് അവാർഡും നൽകി. മൂന്നാം സ്ഥാനത്തിനുള്ള കെ. ജോര്‍ജ് കിഴക്കേക്കുറ്റ് മെമ്മോറിയല്‍ ട്രോഫിയും 3,000 രൂപ കാഷ് അവാര്‍ഡും നേടിയത് കുറുമ്പനാടം സെന്‍റ് പീറ്റേഴ്‌സ് ഹയര്‍ സെക്കന്‍ഡറി സ്‌കൂളിലെ നോയല്‍ മാത്യുവാണ്. നാലാം സ്ഥാനത്തിനുള്ള ജോസ് ഫിലിപ്പ് മേടയില്‍ മെമ്മോറിയല്‍ ട്രോഫിയും 2,000 രൂപയുടെ കാഷ് അവാര്‍ഡും മലകുന്നം എച്ച്എസ്എസിലെ അമൃത സന്തോഷ് കരസ്ഥമാക്കി. കുറുമ്പനാടം സെന്‍റ് പീറ്റേഴ്‌സ് എച്ച്എസ്എസിലെ അന്‍സു മരിയ സെബാസ്റ്റ്യന്‍ അഞ്ചാം സ്ഥാനത്തിനുള്ള സാബു ടി.കെ മെമ്മോറിയല്‍ ട്രോഫിയും 1,000 രൂപ കാഷ് പ്രൈസും നേടി. സമാപന സമ്മേളനത്തില്‍ വിജയികള്‍ക്കുള്ള സമ്മാനം മാടപ്പള്ളി പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ബാബു പാറയില്‍ വിതരണം ചെയ്തു. സ്‌കൂള്‍ അസിസ്റ്റന്‍റ് മാനേജര്‍ ഫാ. സെബാസ്റ്റ്യന്‍ കളത്തിപ്പറമ്പില്‍ അധ്യക്ഷത വഹിച്ചു. സ്‌കൂള്‍ പ്രിന്‍സിപ്പല്‍ ജയിംസ് കെ. മാളിയേക്കല്‍, പിടിഎ വൈസ് പ്രസിഡന്‍റ് ജോളി ജോസഫ്, വാര്‍ഡ്‌ മെംബര്‍ രമ്യ റോയ്, വിധികര്‍ത്താക്കളായ ഡോ. സണ്ണി സെബാസ്റ്റ്യന്‍, ഡോ. തെരേസ തോമസ്, ഡോ. നെവില്‍ തോമസ്, കണ്‍വീനര്‍ ജോണിയ ഗ്രേയ്‌സ് ജോസഫ്, എം.എസ്. അജേഷ്, ടെസിമോള്‍ ജോസഫ്, ഫിലിപ്‌സണ്‍ ജെ. മേടയില്‍ എന്നിവര്‍ പ്രസംഗിച്ചു.

പോലീസിനും ഫയര്‍ഫോഴ്‌സിനും ആദരവുമായി വിദ്യാര്‍ഥികൾ

ചങ്ങനാശേരി: മനുഷ്യന്‍റെ ജീവനും സ്വത്തിനും സംരക്ഷണം നല്‍കുന്ന പോലീസ്, ഫയര്‍ഫോഴ്‌സ് ഉദ്യോഗസ്ഥര്‍ക്ക് ആദരവുമായി ചങ്ങനാശേരി ഡോ. സക്കീര്‍ ഹുസൈന്‍ മെമ്മോറിയല്‍ ഭാരതീയ വിദ്യാ വിഹാര്‍ സിബിഎസ്ഇ സ്‌കൂളിലെ വിദ്യാര്‍ഥികള്‍. കുട്ടികളില്‍ നീതിബോധവും സഹജീവികളോടുള്ള സ്‌നേഹവും വര്‍ധിക്കുന്നതിന് സമൂഹത്തിനു സ്തുത്യര്‍ഹമായ സേവനം ചെയ്യുന്ന ഉദ്യോഗസ്ഥരെ പരിചയപ്പെടുന്നത് ഏറെ ഉത്തമമാണെന്ന് സ്‌കൂള്‍ പ്രിന്‍സിപ്പല്‍ ശരണ്യ ജി. നായര്‍ പറഞ്ഞു. ഉദ്യോഗസ്ഥർക്കു കുട്ടികള്‍ ആശംസാ കാര്‍ഡുകളും കേക്കുകളും നല്‍കി. കുട്ടികളുടെ ഈ പ്രവൃ‍ത്തി ഏറെ സന്തോഷം ഉളവാക്കുന്നുവെന്നും കുട്ടികള്‍ കൂടുതല്‍ കര്‍ത്തവ്യബോധമുള്ളവരായി വളരാന്‍ ഇത് അനിവാര്യമാണെന്നും ഉദ്യോഗസ്ഥര്‍ അഭിപ്രായപ്പെട്ടു.

അവകാശ സംരക്ഷണ യാത്രയ്ക്ക് 22ന് ചങ്ങനാശേരിയില്‍ വരവേല്‍പ്

ചങ്ങനാശേരി: കത്തോലിക്ക കോണ്‍ഗ്രസ് ഗ്ലോബല്‍ സമിതി നയിക്കുന്ന അവകാശ സംരക്ഷണ യാത്രയ്ക്കു 22ന് വൈകുന്നേരം അഞ്ചിന് ചങ്ങനാശേരിയില്‍ സ്വീകരണം നല്‍കാന്‍ സംഘാടക സമിതി തീരുമാനിച്ചു. കത്തീഡ്രല്‍ പള്ളിയില്‍ നടന്ന നേതൃസമ്മേളനം അതിരൂപത പാസ്റ്ററല്‍ കൗണ്‍സില്‍ സെക്രട്ടറി ഡോ. രേഖാ മാത്യൂസ് ഉദ്ഘാടനം നിര്‍വഹിച്ചു. അതിരൂപത വൈസ് പ്രസിഡന്‍റ് സി.ടി. തോമസ് അധ്യക്ഷത വഹിച്ചു. ഫൊറോന ഡയറക്ടര്‍ ഫാ. ലിബിന്‍ തുണ്ടുകളം ആമുഖ പ്രഭാഷണം നടത്തി. അതിരൂപത ജനറല്‍ സെക്രട്ടറി ബിനു ഡോമിനിക്, സംഘാടക സമിതി കണ്‍വീനര്‍ സൈബി അക്കര, ഫാ. നിഖില്‍ അറയ്ക്കത്തറ, രാജേഷ് ജോണ്‍, കെ.എസ്. ആന്‍റണി, ബാബു വള്ളപ്പുര, സെബാസ്റ്റ്യന്‍ പുല്ലുകാട്ടുകാലാ, കുഞ്ഞുമോന്‍ തൂമ്പൂങ്കല്‍, ലാലി ഇളപ്പുങ്കല്‍, ഔസേപ്പച്ചന്‍ ചെറുകാട്, സിനി പ്രിന്‍സ്, ലിസി പവ്വക്കര, കെ.പി. മാത്യൂ, ഷാജി മരങ്ങാട്ട്, ബേബിച്ചന്‍ പുത്തന്‍പറമ്പില്‍ എന്നിവര്‍ പ്രസംഗിച്ചു. പരിപാടികളുടെ വിജയത്തിനായി ഗ്ലോബല്‍ സെക്രട്ടറി ടോമിച്ചന്‍ അയ്യരുകുളങ്ങരയുടെ നേതൃത്വത്തില്‍ 101 അംഗ സ്വാഗതസംഘം രൂപീകരിച്ചു.

മാടപ്പള്ളി ബ്ലോക്ക് പഞ്ചായത്തില്‍ ഓട്ടിസം തെറാപ്പി സെന്‍ററും പാര്‍ക്കും ഇന്നു തുറക്കും

ചങ്ങനാശേരി: 18 വയസ് വരെയുള്ള ഭിന്നശേഷി വിഭാഗത്തില്‍പ്പെട്ടവര്‍ക്കും ഓട്ടിസം ബാധിച്ചവര്‍ക്കുമായി മാടപ്പള്ളി ബ്ലോക്ക് പഞ്ചായത്ത് 2024-25 ജനകീയ ആസൂത്രണ പദ്ധതിയില്‍ ഉള്‍പ്പെടുത്തി ആരംഭിക്കുന്ന സൗജന്യ ഭിന്നശേഷി തെറാപ്പി സെന്‍ററിന്‍റെയും ഓട്ടിസം പാര്‍ക്കിന്‍റെയും ഉദ്ഘാടനം ഇന്ന് രണ്ടിന് ചീഫ് വിപ്പ് ഡോ. എന്‍. ജയരാജ് നിർവഹിക്കും. ജോബ് മൈക്കിള്‍ എംഎല്‍എ അധ്യക്ഷത വഹിക്കും. തൃക്കൊടിത്താനം സെന്‍റ് സേവ്യേഴ്‌സ് ഫൊറോന പള്ളി വികാരി ഫാ. സെബാസ്റ്റ്യന്‍ പുന്നശേരി അനുഗ്രഹ പ്രഭാഷണം നടത്തും. ബ്ലോക്ക് പ്രസിഡന്‍റ് എന്‍. രാജു, വൈസ് പ്രസിഡന്‍റ് സുനിതാ സുരേഷ്, ജില്ലാ പഞ്ചായത്ത് സ്ഥിരംസമിതി അധ്യക്ഷ മഞ്ജു സുജിത്ത്, ജില്ലാ പഞ്ചായത്തംഗം സുധാ കുര്യന്‍, വിവിധ പഞ്ചായത്ത് പ്രസിഡന്‍റുമാരായ കെ.ഡി. മോഹനന്‍, മണിയമ്മ രാജപ്പന്‍, മോളി ജോസഫ്, ഗീതാ രാധാകൃഷ്ണന്‍, മിനി വിജയകുമാര്‍, ബ്ലോക്ക് പഞ്ചായത്തംഗങ്ങളായ ലൈസാമ്മ ആന്‍റണി, സബിതാ ചെറിയാന്‍, ടി. രഞ്ജിത്ത്, അലക്‌സാണ്ടര്‍ പ്രാക്കുഴി, മാത്തുക്കുട്ടി പ്ലാത്താനം, വര്‍ഗീസ് ആന്‍റണി, ബിന്ദു ജോസഫ്, സൈന തോമസ്, ബീനാ കുന്നത്ത്, ടീനാ മോള്‍ റോബി, വാര്‍ഡ് മെംബര്‍ വി.വി. വിനയകുമാര്‍ എന്നിവര്‍ പ്രസംഗിക്കും. രാവിലെ 10ന് ഭിന്നശേഷി കലാമേള ആരംഭിക്കും. ഉദ്ഘാടന സമ്മേളനത്തിനുശേഷം ഭിന്നശേഷി വിഭാഗത്തിലെ കുട്ടികള്‍ അവതരിപ്പിക്കുന്ന ഗാനമേളയും സമ്മാനദാനവും നടക്കും. ഓട്ടിസം തെറാപ്പി സെന്‍റര്‍ ബ്ലോക്ക് പഞ്ചായത്തിന്‍റെ നൂതന സംരംഭം മാടപ്പള്ളി ബ്ലോക്ക് പഞ്ചായത്തിന്‍റെ നേതൃത്വത്തില്‍ വനിതാ-ശിശു വകുപ്പിന്‍റെ കീഴില്‍ ബ്ലോക്ക് പഞ്ചായത്ത് കോമ്പൗണ്ടിലാണ് അത്യാധുനിക രീതിയിലുള്ള ഭിന്നശേഷി ഓട്ടിസം തെറാപ്പി സെന്‍റര്‍ ആരംഭിക്കുന്നത്. പരിചയസമ്പന്നരായ തെറാപ്പിസ്റ്റുകളെയും സഹായികളെയും നിയമിച്ചിട്ടുണ്ട്. വിവിധ തദ്ദേശ സ്വയംഭരണ സ്ഥാപനങ്ങളുടെ സഹായത്തോടെയാണ് സെന്‍റര്‍ പ്രവര്‍ത്തിക്കുക. സെന്‍ററിന്‍റെ നിര്‍വഹണ ചുമതല ബ്ലോക്ക് സിഡിപിഒയ്ക്കാണ്. സ്‌കൂട്ടര്‍ ബോര്‍ഡ്, സിപി വാക്കര്‍ ആന്‍ഡ് ഗേറ്റ് ട്രെയിനര്‍, വാക്കിംഗ് ആര്‍ച്ച്, ബോഡി സോക്ക്, കാറ്റർപില്ലര്‍ ടണല്‍, ആല്‍ഫബറ്റ് സിടി, ഐ-ഹാന്‍ഡ് കോര്‍-ഓഡിനേഷന്‍ കിറ്റ്, വുഡൻ എസെല്‍ ബോര്‍ഡ്, ബാരല്‍ റോള്‍, നോബ്ഡ് സിലിണ്ടര്‍ സെറ്റ്, വുഡന്‍ ബീന്‍ ടേബിള്‍ ആന്‍ഡ് റൗണ്ട് ടേബിള്‍ വിത്ത് അഡ്ജസ്റ്റബിള്‍ സ്റ്റീല്‍ ലെഗ്‌സ്, ഫോം ബ്ലോക്ക് സെറ്റ്, എഡിഎല്‍ ബോര്‍ഡ്, സിപി ചെയര്‍, സുപിനാറ്റര്‍ ആന്‍ഡ് പ്രോണേറ്റര്‍, മള്‍ട്ടി റോക്കര്‍ സെറ്റ്, ബൈലാറ്ററല്‍ ലാഡര്‍ മാഗ്‌നറ്റിക് പെഗ് ബോര്‍ഡ്, ടോം പോളിന്‍ ബിഗ്, ഹാന്‍ഡ് ഫംഗ്ഷന്‍ കമ്പയിന്‍ഡ് ട്രെയിനര്‍, വിഷ്വല്‍ ട്രക്കര്‍, ബാലന്‍സിംഗ് ബീം ആന്‍ഡ് ബോര്‍ഡ്, ഫുട്ട് പ്ലേസ്മെന്‍റ് ലാഡര്‍, സോര്‍ട്ടിംഗ് ബോര്‍ഡ്, ടില്‍റ്റ് ടേബിള്‍, ക്വാര്‍ട്ടര്‍ സെപ്‌സ് ടേബിള്‍, സ്റ്റാറ്റിക് സൈക്കിള്‍, ഫണ്ണി മിറര്‍, സെന്‍സറി ബോള്‍, സ്പീച്ച് മിറര്‍, ഡിജിറ്റല്‍ തെറാപ്പി എക്കോ സിസ്റ്റം അടക്കമുള്ള ലോകോത്തര നിലവാരമുള്ള ആധുനിക ഉപകരണങ്ങളാണ് തെറാപ്പി ഓട്ടിസം പാര്‍ക്കില്‍ സ്ഥാപിച്ചിട്ടുള്ളത്.

മഴയിലും, കാറ്റിലും നെടുംകുന്നത്ത് വ്യാപക നാശം

നെടുംകുന്നം: മഴയിലും കാറ്റിലും നെടുംകുന്നത്ത് വ്യാപക നാശം. നെടുംകുന്നം പഞ്ചായത്തിലെ വിവിധ പ്രദേശങ്ങളിൽ ഇന്നലെ ഉച്ചകഴിഞ്ഞ് രണ്ടരയോടെ ഉണ്ടായ ശക്തമായ മഴയിലും വീശിയടിച്ച കാറ്റിലും നെടുംകുന്നത്തും പരിസര പ്രദേശങ്ങളിലും വ്യാപകനാശ നഷ്ടംനേരിട്ടു. നിരവധി വീടുകളുടെ മേൽക്കൂര മരം വീണും കാറ്റിലും തകർന്നു. ഒന്നാം വാർഡിൽ പുതുപ്പള്ളി പടവ് പുരയിടത്തിൽ കുഞ്ഞുമോന്‍റെ വീട് പ്ലാവ് വീണ് ഭാഗികമായി തകർന്നു. തകടിയേൽ മാത്യുവിന്‍റെ പുരയിടത്തിൽ വിളവെടുക്കാറായ നിരവധി വാഴകളും, മരച്ചീനികളും നശിച്ചു. വെളിയംകുന്ന് എഴികാട് ഷിബുവിന്‍റെ വീടിന്‍റെ ആസ്ബസ്റ്റോസ് ഷീറ്റുകൾ കാറ്റിൽ പറന്നുപോയി. നെടുംകുന്നം അരണപ്പാറ കളരിക്കൽ ഹരിയുടെ അറ്റകുറ്റപ്പണികൾ നടത്തിക്കൊണ്ടിരുന്ന വീടിനു മുകളിൽ മരം വീണ് വീടു തകർന്നു. പത്തനാട് ചിറക്കുന്നേൽ ബിനുഭവനിൽ ബിനുമോന്‍റെ വീടിന്‍റെ അടുക്കള മരം വീണ് പൂർണമായി തകർന്നു. നെടുംകുന്നം-മൈലാടി റോഡിലും കുളങ്ങര റോഡിലും മരങ്ങൾ വീണ് ഗതാഗതം മണിക്കൂറോളം തടസപ്പെട്ടു. പാറക്കൽ-മാനങ്ങാടി, മാന്തുരുത്തി-നെടുംകുന്നം റോഡിലും കങ്ങഴ മുണ്ടത്താനത്തും മരങ്ങൾ കടപുഴകി വീണ് വൈദ്യുതി തടസപ്പെട്ടു. നിരവധി ഇടങ്ങളിൽ വാഴ, കപ്പ തുടങ്ങിയ കൃഷികൾക്ക് വ്യാപക നാശം സംഭവിച്ചു. ഇലയ്ക്കാട് റോഡരികിൽ സ്ഥാപിച്ചിരുന്ന പരസ്യബോർഡ് ഇളകിവീണു. നെടുംകുന്നം ഒന്നാം വാര്‍ഡില്‍ പുതുപ്പള്ളിപടവ് പുരയിടത്തില്‍ കുഞ്ഞുമോന്‍റെ വീട് പ്ലാവ് വീണു തകര്‍ന്നപ്പോള്‍.

ചെമ്പ് പഞ്ചായത്ത് വികസന സദസ് ഇന്ന്

ചെമ്പ്: ചെമ്പ് പഞ്ചായത്തിലെ വികസനസദസ് ഇന്ന് ഉച്ചകഴിഞ്ഞു രണ്ടിനു കാട്ടിക്കുന്ന് നാസ് ഓഡിറ്റോറിയത്തില്‍ സി.കെ. ആശ എംഎല്‍എ ഉദ്ഘാടനം ചെയ്യും. പഞ്ചായത്ത് പ്രസിഡന്‍റ് സുകന്യ സുകുമാരന്‍ അധ്യക്ഷത വഹിക്കും. പഞ്ചായത്ത് സെക്രട്ടറി എന്‍.അനൂപ്, ബ്ലോക്ക് പഞ്ചായത്ത് പ്രസിഡന്‍റ് ഇ. എസ് ബിജു, പഞ്ചായത്ത് വൈസ് പ്രസിഡന്‍റ് കെ.കെ. രമേശന്‍, പഞ്ചായത്തംഗങ്ങളായ ആശ ബാബു, ലത അനില്‍ കുമാര്‍, അമല്‍രാജ്, ജില്ലാ പഞ്ചായത്തംഗം പി.എസ് പുഷ്പമണി, ബ്ലോക്ക് പഞ്ചായത്തംഗങ്ങളായ ജസീലാ നവാസ്, എം.കെ ശീമോന്‍, പഞ്ചായത്തംഗങ്ങളായ നിഷ വിജു, സുനില്‍ മുണ്ടയ്ക്കല്‍, കെ.വി പ്രകാശന്‍, രമണി മോഹന്‍ദാസ്, റെജി മേച്ചേരി, രാഗിണി ഗോപി, ഉഷ പ്രസാദ്, ലയചന്ദ്രന്‍, രഞ്ജിനി ബാബു, വി.എ ശശി എന്നിവര്‍ പങ്കെടുക്കും.

ചെമ്പ്-വാലേൽപാലം നിർമാണം : സ്ഥലം ഏറ്റെടുക്കൽ നടപടികൾ പുരോഗമിക്കുന്നു

വൈക്കം: മൂവാറ്റുപുഴ ആറിനു കുറുകെ ചെമ്പ് - വാലേൽ ഭാഗങ്ങളെ ബന്ധിപ്പിച്ച് നിർമിക്കുന്നതിനു വിഭാവനം ചെയ്ത ചെമ്പ് - വാലേൽ പാലത്തിന്‍റെ നിർമാണത്തിനുമുന്നോടിയായി സമീപ റോഡിനു സ്ഥലം ഏറ്റെടുക്കുന്നതിനായി സ്ഥലത്തിന്‍റെ വില നിശ്ചയിച്ചു കളക്ടറുടെ അംഗീകാരത്തിനായി അധികൃതർ സമർപ്പിച്ചു. 24 സ്ഥല ഉടമകളിൽനിന്നായി 35 സെന്‍റ് സ്ഥലത്തോളമാണ് ഏറ്റെടുക്കേണ്ടത്.സ്ഥലം ഏറ്റെടുക്കാനായി 2,99,45,000 രൂപയാണ് അനുവദിച്ചിട്ടുള്ളത്. പാലത്തിനായി ആദ്യം തയാറാക്കിയ എസ്റ്റിമേറ്റും ഡിസൈനും സാങ്കേതിക പ്രശ്നങ്ങൾമൂലം മാറിയതിനെത്തുടർന്ന് പാലം നിർമാണത്തിന് പുതുക്കിയ എസ്റ്റിമേറ്റ് തുക 27 കോടി രൂപയാണ്. കിഫ്ബിയുടെ വിദഗ്ധ സംഘം 15ന് പദ്ധതി പ്രദേശശം സന്ദർശിച്ച് പരിശോധന നടത്തി റിപ്പോർട്ട് സമർപ്പിച്ചാൽ ഈ മാസാവസാനം നടക്കുന്ന ബോർഡ് മീറ്റിംഗിൽ അംഗീകാരം ലഭിക്കുമെന്നാണ് കരുതുന്നത്.രണ്ടു മാസത്തിനകം നടപടിക്രമങ്ങൾ പൂർത്തിയാക്കി സ്ഥലം ഉടമൾക്ക് തുക നൽകിക്കഴിഞ്ഞാൽ ടെണ്ടർ നടപടിയിലേക്ക് കടക്കാനാകുമെന്നാണ് കരുതുന്നത്. മൂവാറ്റുപുഴയാറിന്‍റെ കിഴിക്ക് പടിഞ്ഞാറ് കരകളിലായി സ്ഥിതിചെയ്യുന്ന ചെമ്പ് പഞ്ചായത്തിന്‍റെ ആസ്ഥാനം ബ്രഹ്മമംഗലത്താണ്. കൃഷിഭവൻ, കുടുംബാരോഗ്യകേന്ദ്രം , ആയുർവേദ ആശുപത്രി, ഹൈസ്കൂൾ, ലൈബ്രറി എന്നിവ ബ്രഹ‌്മമംഗലത്തും വില്ലേജ് ഓഫീസ്, മൃഗാശുപത്രി, വൈദ്യുതി ഓഫീസ്, എന്നിവ പുഴയുടെ പടിഞ്ഞാറേ കരയിലുള്ള ചെമ്പിലുമാണ്. വിഇഒ ഓഫീസ് ഇരുകരകളിലുമുണ്ട്. വിവിധാവശ്യങ്ങൾക്കായി ഈ ഓഫീസുകൾ സന്ദർശിക്കേണ്ടി വരുന്നവർക്ക് 13 കിലോമീറ്റർ ഇപ്പോൾ ചുറ്റിസഞ്ചരിക്കേണ്ടിവരുന്നു. മുറിഞ്ഞപുഴ-വാലേൽ പാലം യാഥാർഥ്യമായാൽ ചെമ്പ് പഞ്ചായത്തിലെ കിഴക്കൻമേഖലയിലേക്കുള്ള യാത്രാദൂരം മൂന്നര കിലോമീറ്ററായി കുറയും. നിലവിൽപ്രദേശവാസികൾ മറുകര കടക്കാൻ പഞ്ചായത്ത് കടത്തിനെയാണ് ആശ്രയിക്കുന്നത്. ഏതാനും വർഷം മുമ്പ് പുഴയുടെ അക്കരയിലേക്കുള്ള വീട്ടിലേക്ക് കടത്തുവള്ളത്തിൽ പോകാൻ ശ്രമിക്കുന്നതിനിടെ മത്സ്യത്തൊഴിലാളിയായ രാജു (46) പുഴയിൽ വീണ് മുങ്ങി മരിച്ചിരുന്നു. പാലം നിർമിക്കുന്നതോടെ വൈപ്പാടമ്മേൽ, കൃഷ്ണൻതുരുത്ത്, തുരുത്തുമ്മയുടെ കിഴക്കേഭാഗം തുടങ്ങിയ സ്ഥലങ്ങളിൽ താമസിക്കുന്ന നിർധന കുടുംബങ്ങളുടെ ജീവിതപിന്നോക്കാവസ്ഥയ്ക്കും മാറ്റമുണ്ടാകും.

മുളക്കുളം പ്രാഥമികാരോഗ്യ കേന്ദ്രത്തിന് രണ്ടുകോടി

പെരുവ: മുളക്കുളം പഞ്ചായത്തിലെ പ്രാഥമികാരോഗ്യകേന്ദ്രം ഫാമിലി ഹെല്‍ത്ത് സെന്‍ററായി ഉയര്‍ത്താന്‍ ദേശീയ ആരോഗ്യമിഷന്‍ രണ്ടു കോടി രൂപ അനുവദിച്ചതായും ഇതിനുള്ള പ്രാരംഭ പ്രവര്‍ത്തനങ്ങള്‍ തുടങ്ങിയതായും പഞ്ചായത്ത് പ്രസിഡന്‍റ് ടി.കെ. വാസുദേവന്‍ നായര്‍ അറിയിച്ചു. നിലവില്‍ ആശുപത്രി സ്ഥിതി ചെയ്യുന്ന സ്ഥലത്താണ് പുതിയ ആശുപത്രിക്കെട്ടിടം നിര്‍മിക്കുന്നത്. പ്രാഥമികാരോഗ്യകേന്ദ്രത്തില്‍ രാവിലെ മാത്രമാണ് ഡോക്ടറുടെ സേവനം ലഭ്യമായിട്ടുള്ളത്. എന്നാല്‍ ഫാമിലി ഹെല്‍ത്ത് സെന്‍ററായി ഉയര്‍ത്തിയാല്‍ ഉച്ചയ്ക്കു ശേഷവും ഒപി സേവനം നല്‍കുന്ന രീതിയില്‍ സേവനങ്ങള്‍ മെച്ചപ്പെടുത്താന്‍ സാധിക്കും. ഇപ്പോള്‍ ആശുപത്രി പ്രവര്‍ത്തിച്ചുകൊണ്ടിരിക്കുന്ന കെട്ടിടങ്ങള്‍ മാറ്റിയ ശേഷമായിരിക്കും പുതിയ കെട്ടിടം നിര്‍മിക്കുക. ഇതിനായി ആശുപത്രിയുടെ പ്രവര്‍ത്തനങ്ങള്‍ പെരുവ-പിറവം റോഡില്‍ ബോയ്സ് ഹൈസ്‌കൂളിന് എതിര്‍വശത്തുള്ള വിജി ഹെല്‍ത്ത് സെന്‍ററിലേക്ക് മാറ്റാനുള്ള ക്രമീകരണങ്ങള്‍ ഏര്‍പെടുത്തിയതായി പഞ്ചായത്ത് പ്രസിഡന്‍റ് അറിയിച്ചു. എന്‍എച്ച്ആര്‍എം ഫണ്ട് ഉപയോഗിച്ചാണ് കെട്ടിടം നിര്‍മിക്കുന്നത്. ഇതിന്‍റെ ഭാഗമായി കഴിഞ്ഞ ദിവസം ഉദ്യോഗസ്ഥര്‍ സ്ഥലം സന്ദര്‍ശിച്ചിരുന്നു. നിലവിലെ ആശുപത്രി മാറ്റി സ്ഥലം ക്രമീകരിച്ചുകൊടുത്താല്‍ ഒരു വര്‍ഷത്തിനകം നിര്‍മാണം പൂര്‍ത്തിയാക്കാമെന്ന് ഉദ്യോഗസ്ഥര്‍ അറിയിച്ചു. ഉദ്യോഗസ്ഥരോടൊപ്പം പഞ്ചായത്ത് പ്രസിഡന്‍റ് ടി.കെ. വാസുദേവന്‍ നായര്‍, വാര്‍ഡംഗം ശില്പാ ദാസ്, ഡോ. മാമ്മന്‍ പി. ചെറിയാന്‍, എന്‍എച്ച് എം എന്‍ജിനിയര്‍ ബി. സൂരജ്, ഡോ.എ.എം. പ്രശാന്ത് എന്നിവരുമുണ്ടായിരുന്നു.

ഹോട്ടല്‍ ആന്‍ഡ് റെസ്റ്ററന്‍റ് അസോസിയേഷൻ സമ്മേളനം

കോട്ടയം: കേരള ഹോട്ടല്‍ ആന്‍ഡ് റസ്റ്ററന്‍റ് അസോസിയേഷന്‍ കോട്ടയം യൂണിറ്റ് സമ്മേളനം മുന്‍സിപ്പല്‍ ചെയര്‍പേഴ്സണ്‍ ബിന്‍സി സെബാസ്റ്റ്യന്‍ ഉദ്ഘാടനം ചെയ്തു. യൂണിറ്റ് പ്രസിഡന്‍റ് മനോജ് കുമാര്‍ അധ്യക്ഷത വഹിച്ചു. ജില്ലാ പ്രസിഡന്‍റ് എന്‍. പ്രതീഷ് മുഖ്യപ്രഭാഷണം നടത്തി. ജില്ലാ സെക്രട്ടറി കെ.കെ. ഫിലിപ്പുകുട്ടി, ടി.സി. അന്‍സാരി, വേണുഗോപാലന്‍ നായര്‍, ബോബി തോമസ്, എ.എസ്. പ്രമി, ഗിരീഷ് മത്തായി, അനിയന്‍ ജേക്കബ്, കെ. സുകുമാര്‍, ബേബി തോമസ്, പി.എസ്. ശശിധരന്‍ തുടങ്ങിയവര്‍ പ്രസംഗിച്ചു. രക്ഷാധികാരിയായി ജി. രവീന്ദ്രന്‍ ആര്യാസ് ഗ്രാന്‍ഡ്, പ്രസിഡന്‍റായി എ.എസ്. പ്രേമി കരിമ്പുംകാല, സെക്രട്ടറിയായി ബിജു തോമസ് ലീ ബെസ്റ്റ്, ട്രഷററായി കെ. സുകുമാര്‍ ആനന്ദ് ഹോട്ടല്‍, വൈസ് പ്രസിഡന്‍റായി വി.ആര്‍. ജമാല്‍ മാഹി കഫെ, ജോയിന്‍റ് സെക്രട്ടറിയായി സജിത് കുമാര്‍ ധന്യ ഹോട്ടല്‍ എന്നിവര്‍ അടങ്ങിയ 13 അംഗ ഭരണസമിതിയെയും തെരഞ്ഞെടുത്തു.

പള്‍സ് പോളിയോ പ്രതിരോധം: കുട്ടികള്‍ക്ക് തുള്ളിമരുന്ന് നല്‍കി

ഏറ്റുമാനൂർ: പോളിയോ വൈറസ് നിർമാർജനം ലക്ഷ്യമിട്ടു നടത്തുന്ന പൾസ് പോളിയോ ഇമ്യൂണൈസേഷൻ പരിപാടിയുടെ ഭാഗമായി ജില്ലയിലെ അഞ്ചു വയസില്‍ താഴെയുള്ള കുട്ടികള്‍ക്ക് പോളിയോ പ്രതിരോധ തുള്ളിമരുന്നു നല്‍കി. ഏറ്റുമാനൂർ കുടുംബാരോഗ്യ കേന്ദ്രത്തിൽ നടന്ന ചടങ്ങില്‍ ഏറ്റുമാനൂർ നഗരസഭാധ്യക്ഷ ലൗലി ജോർജ് ജില്ലാതല ഉദ്ഘാടനം നിർവഹിച്ചു. നഗരസഭാംഗങ്ങളായ ബീന ഷാജി, രശ്മി ശ്യാം, ജില്ലാ മെഡിക്കൽ ഓഫീസർ ഡോ. എൻ. പ്രിയ, ആർസിഎച്ച് ജില്ലാ ഓഫീസർ ഡോ. ബി.കെ. പ്രസീദ, ആരോഗ്യകേരളം ജില്ലാ പ്രോഗ്രാം മാനേജർ ഡോ. വ്യാസ് സുകുമാരൻ, ഏറ്റുമാനൂർ കുടുംബാരോഗ്യ കേന്ദ്രം മെഡിക്കൽ ഓഫീസർ ഡോ. ബബ്‌ലു റാഫേൽ, ഡിപിഎച്ച്എൻ ഇൻ-ചാർജ് ഓഫീസർ എം. നാൻസി, അഡീഷണൽ ഡിഎച്ച്എസ് ഡോ. പ്രസന്നകുമാരി, റവന്യു ജില്ലാ ഡയറക്ടർ അൻവർ മുഹമ്മദ്, ഡെപ്യൂട്ടി ജില്ലാ എജ്യുക്കേഷൻ ആൻഡ് മീഡിയ ഓഫീസർ ആർ. ദീപ, റോട്ടറി ക്ലബ് പ്രസിഡന്‍റ് സിറിയക് ലൂക്ക് എന്നിവർ പങ്കെടുത്തു. ബൂത്തുകളിൽ തുള്ളി മരുന്നു നൽകാൻ കഴിയാത്ത കുഞ്ഞുങ്ങൾക്ക് ഒക്‌ടോബർ 13, 14 തീയതികളിൽ വോളണ്ടിയർമാർ വീടുകളിലെത്തി തുള്ളി മരുന്നു നൽകും. അതിഥി തൊഴിലാളികളുടെ ക്യാമ്പുകൾ, വിനോദ സഞ്ചാരകേന്ദ്രങ്ങൾ എന്നിവിടങ്ങളിലെ മൊബൈൽ ബൂത്തുകളും 13,14 തീയതികളില്‍ പ്രവർത്തിക്കും.

ശബരിമലയിലെ സ്വര്‍ണ കൊള്ളയ്ക്കു പിന്നിൽ ഖജനാവ് കൊള്ളയടിച്ചവര്‍: നാട്ടകം സുരേഷ്

കുറിച്ചി: കേരളത്തിന്‍റെ ഖജനാവ് കാലിയാക്കി ദുര്‍ഭരണം നടത്തിയവരുടെ നിയന്ത്രണത്തിലാണ് ശബരിമലയിലെ സ്വര്‍ണക്കൊള്ളയും നടന്നതെന്നു ഡിസിസി പ്രസിഡന്‍റ് നാട്ടകം സുരേഷ്. കെഎസ്എസ്പിഎ കുറിച്ചി മണ്ഡലം വാര്‍ഷിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. മണ്ഡലം രക്ഷാധികാരി ടി.പി. ജേക്കബ് അധ്യക്ഷനായിരുന്നു. ടി.എസ്. സലിം മുഖ്യപ്രസംഗം നടത്തി. ജില്ലാ പ്രസിഡന്‍റ് പി.കെ. മണിലാല്‍, പ്രസിഡന്‍റ് തോമസ് ഏബ്രഹാം, സെക്രട്ടറി പി.ജെ. ആന്‍റണി, ആര്‍. രാജഗോപാല്‍, അരുണ്‍ ബാബു, ഹര്‍ഷകുമാര്‍, പി.വി. സുരേന്ദ്രന്‍, ബി. മോഹനചന്ദ്രന്‍, എം.എസ്. അലിറാവുത്തര്‍, തോമസ് ഏബ്രഹാം എന്നിവര്‍ പ്രസംഗിച്ചു.

ഇൻഷ്വറൻസ് കമ്മീഷനിലെ ജിഎസ്ടി പിൻവലിക്കണം: എകെപിജിഐഎ

കോട്ടയം: ഇൻഷ്വറൻസ് ഏജന്‍റുമാരുടെ കമ്മീഷനിൽനിന്ന് ജിഎസ്ടി ഈടാക്കാനുള്ള തീരുമാനം പിൻവലിക്കണമെന്ന് ഓൾ കേരള പ്രൈവറ്റ് ജനറൽ ഇൻഷ്വറൻസ് ഏജൻസ് അസോസിയേഷൻ (എകെപിജിഐഎ) സംസ്ഥാന കമ്മിറ്റി ആവശ്യപ്പെട്ടു. ഇൻഷ്വറൻസ് പോളിസിയിൽ ആളെ ചേർക്കുന്നത് ഏറെ ശ്രമകരമായ ജോലിയാണ്. കമ്പനികളിൽ അടുത്തകാലത്തായി കമ്മീഷൻ വെട്ടിക്കുറക്കുന്ന സ്ഥിതിയുമുണ്ട്. തുച്ഛമായ കമ്മീഷൻ തുകയിൽനിന്ന് ജിഎസ്ടി ഈട‌ാക്കിയാൽ ലക്ഷക്കണക്കിന് ഏജന്‍റുമാരുടെ ജീവിതമാണു പ്രതിസന്ധിയിലാകുന്നത്. അന്യായമായ തീരുമാനം കമ്പനികൾ ഉടൻ പിൻവലിക്കണമെന്നും അല്ലാത്തപക്ഷം ശക്തമായ പ്രക്ഷോഭ പരിപാടികൾ ആരംഭിക്കുമെന്നും അസോസിയേഷൻ സംസ്ഥാന പ്രസിഡന്‍റ് റോയി ജോൺ, ജനറൽ സെക്രട്ടറി വിൻസന്‍റ് ഇഗ്നേഷ്യസ് എന്നിവർ പ്രസ്താവനയിൽ അറിയിച്ചു.

ഭക്തിസാന്ദ്രമായി അല്‍ഫോന്‍സാ തീര്‍ഥാടനം

ഭരണങ്ങാനം: പാലാ രൂപതാ മിഷന്‍ ലീഗ് സംഘടനയുടെ നേതൃത്വത്തില്‍ ഇന്നലെ ഭരണങ്ങാനത്തേയ്ക്കു നടത്തിയ അല്‍ഫോന്‍സാ തീര്‍ഥാടനം ഭക്തിസാന്ദ്രമായി. പാലാ രൂപതയുടെ വിവിധ ഇടവകകളില്‍നിന്നായി ആയിരക്കണക്കിന് കുഞ്ഞുമിഷനറിമാര്‍ അല്‍ഫോന്‍സാ തീര്‍ഥാടനത്തില്‍ പങ്കുചേര്‍ന്നു. രൂപതയിലെ 10, 11, 12 ക്ലാസുകളിലെ വിശ്വാസ പരിശീലനം നടത്തുന്ന കുട്ടികളാണ് തീര്‍ഥാടനം നടത്തിയത്. മിഷന്‍ ലീഗിന്‍റെ വിവിധ മേഖലകളുടെ നേതൃത്വത്തില്‍ രൂപതയിലെ എല്ലാ ഇടവകകളില്‍നിന്നുമുള്ള അംഗങ്ങള്‍ റാലിയില്‍ പങ്കുചേര്‍ന്നു. പാലാ ഭാഗത്തുനിന്നു വന്നവർ മേരിഗിരി ആശുപതിയുടെ സമീപത്തു നിന്നും അരുവിത്തുറ ഭാഗത്തുനിന്നും വന്നവർ വട്ടോളിക്കടവ് ഭാഗത്തും സമ്മേളിച്ചു റാലിയില്‍ പങ്കെടുത്തു. നാലു ബാച്ചുകളിലായി വിവിധ സമയങ്ങളിലാണ് അല്‍ഫോന്‍സാമ്മയുടെ കബറിടത്തില്‍ എത്തിച്ചേര്‍ന്നത്. റാലിയായി എത്തുന്ന കുട്ടികള്‍ക്കു പ്രത്യേകം വിശുദ്ധ കുര്‍ബാന ദേവാലയത്തില്‍ ക്രമീകരിച്ചിരുന്നു. രൂപത വികാരി ജനറല്‍മാരായ മോണ്‍. ജോസഫ് തടത്തില്‍, മോണ്‍. ജോസഫ് മലേപ്പറമ്പില്‍, മോണ്‍. സെബാസ്റ്റ്യന്‍ വേത്താനത്ത്, മോണ്‍. ജോസഫ് കണിയോടിക്കല്‍ എന്നിവര്‍ സന്ദേശം നല്‍കി. തീര്‍ഥാടന കേന്ദ്രം റെക്ടര്‍ റവ. ഡോ. അഗസ്റ്റിന്‍ പാലയ്ക്കാപറമ്പില്‍, റവ.ഡോ. ജോര്‍ജ് വര്‍ഗീസ് ഞാറക്കുന്നേല്‍, അഡ്മിനിസ്ട്രര്‍ ഫാ. മാത്യൂ കുറ്റിയാനിയ്ക്കല്‍, വൈസ് റെക്ടര്‍മാരായ ഫാ. ജോസഫ് അമ്പാട്ട്, ഫാ. ആന്‍റണി തോണക്കര, ബെന്നി മുത്തനാട്ട് തുടങ്ങിയവര്‍ നേതൃത്വം നല്‍കി. സഹനങ്ങളെ രക്ഷാകരമാക്കാന്‍ അല്‍ഫോന്‍സാമ്മ പഠിപ്പിക്കുന്നു: മാര്‍ മഠത്തിക്കണ്ടത്തില്‍ ഭരണങ്ങാനം: സഹനങ്ങളെ പഴിക്കാതെ രക്ഷാകരമാക്കാനും നിരാശയിലേയ്ക്കു വീഴാതെ ദൈവത്തിങ്കലേക്കു തിരിയാനും വിശുദ്ധ അല്‍ഫോന്‍സാമ്മയുടെ ജീവിതം നമ്മെ പഠിപ്പിക്കുന്നതായി കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. അല്‍ഫോന്‍സാമ്മയുടെ വിശുദ്ധപദവി പ്രഖ്യാപനത്തിന്‍റെ 17-ാം വാര്‍ഷികദിനമായിരുന്ന ഇന്നലെ കൃതജ്ഞതാദിനമായി ആചരിച്ച് കബറിട ദേവാലയത്തില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. അല്‍ഫോന്‍സാമ്മയുടെ മാതൃക നാം പിന്തുടരണം. നിരാശ ഇന്നത്തെ പ്രധാന പ്രശ്‌നമാണ്. നമ്മുടെ സഹനങ്ങളെ സന്തോഷത്തോടെ സ്വീകരിക്കണം. അനുദിന പ്രാര്‍ഥനയില്‍ സന്തോഷം കണ്ടെത്തിയവളാണ് അല്‍ഫോന്‍സാമ്മ. ജീവിത യാഥാര്‍ഥ്യങ്ങള്‍ അതിന്‍റെ പൂര്‍ണതയില്‍ ഏറ്റെടുത്തു ജീവിച്ച വിശുദ്ധയാണ് അല്‍ഫോന്‍സാമ്മയെന്നും വിശുദ്ധ ജീവിതങ്ങളാണ് സഭയുടെ ശക്തിയും മൂലധനവും എന്നും ബിഷപ് പറഞ്ഞു.

പള്ളിക്കത്തോട്ടിൽ വികസനസദസ് ഇന്ന്

പള്ളിക്കത്തോട്: പള്ളിക്കത്തോട്ടിലെ വികസനസദസ് ഇന്നു രാവിലെ 10.30ന് പഞ്ചായത്ത് കമ്മ്യൂണിറ്റി ഹാളില്‍ നിയമസഭാ ചീഫ് വിപ്പ് ഡോ. എന്‍. ജയരാജ് എംഎല്‍എ ഉദ്ഘാടനം ചെയ്യും. പഞ്ചായത്ത് പ്രസിഡന്‍റ് മഞ്ജു ബിജു അധ്യക്ഷത വഹിക്കും. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയ്, ആസൂത്രണസമിതി ഉപാധ്യക്ഷന്‍ അഡ്വ. ബി. അശോക്, പഞ്ചായത്ത് സെക്രട്ടറി മായ എം. നായര്‍, അക്കൗണ്ടന്‍റ് റാം മോഹന്‍, വൈസ് പ്രസിഡന്‍റ് കെ. കെ. വിപിനചന്ദ്രന്‍, ജില്ലാ പഞ്ചായത്തംഗം ടി. എന്‍. ഗിരീഷ്‌കുമാര്‍, പഞ്ചായത്തംഗങ്ങളായ എം. അശ്വതി, സനു ശങ്കര്‍ തുടങ്ങിയവര്‍ പങ്കെടുക്കും.

സര്‍ക്കാര്‍ ലക്ഷ്യമിടുന്നത് സമഗ്ര പുരോഗതി: മന്ത്രി വാസവന്‍

കോട്ടയം: കേരളത്തിന്‍റെ സമഗ്ര പുരോഗതി ലക്ഷ്യമിട്ടുള്ള പ്രവര്‍ത്തനങ്ങളാണ് സര്‍ക്കാര്‍ ആവിഷ്‌കരിച്ചു നടപ്പാക്കുന്നതെന്ന് മന്ത്രി വി.എന്‍. വാസവന്‍. അയ്മനം പഞ്ചായത്തിലെ വികസനസദസ് ഉദ്ഘാടനം ചെയ്യുകയായിരുന്നു അദ്ദേഹം. പള്‍സ് പോളിയോ വിതരണത്തിന്‍റെ ഉദ്ഘാടനവും മന്ത്രി നിര്‍വഹിച്ചു. പഞ്ചായത്ത് ഹാളില്‍ നടന്ന പരിപാടിയില്‍ പ്രസിഡന്‍റ് വിജി രാജേഷ് അധ്യക്ഷത വഹിച്ചു. പഞ്ചായത്ത് സെക്രട്ടറി മിനി തോമസ്, റിസോഴ്‌സ് പേഴ്‌സണ്‍ ബിലാല്‍ കെ. റാം, ഏറ്റുമാനൂര്‍ ബ്ലോക്ക് പഞ്ചായത്ത് പ്രസിഡന്‍് ആര്യ രാജന്‍, പഞ്ചായത്ത് വൈസ് പ്രസിഡന്‍റ് മനോജ് കരിമഠം, ബ്ലോക്ക് പഞ്ചായത്തംഗം കെ.കെ. ഷാജിമോന്‍, പഞ്ചായത്തംഗങ്ങളായ മിനി ബിജു, കെ.ആര്‍. ജഗദീശ്, ജില്ലാ പഞ്ചായത്തംഗം കെ.വി. ബിന്ദു, ബ്ലോക്ക് പഞ്ചായത്തംഗം രതീഷ് കെ. വാസു, പഞ്ചായത്തംഗങ്ങളായ കെ.എം. മേരിക്കുട്ടി, എസ്. രാധാകൃഷ്ണന്‍, ത്രേസ്യാമ്മ ചാക്കോ, സബിത പ്രേംജി, പി.വി. സുശീലന്‍, മിനി മനോജ്, ശോശാമ്മ എന്നിവര്‍ പങ്കെടുത്തു.

അർധരാത്രി കുളത്തിൽ കുളിക്കാനിറങ്ങിയ യുവാവ് മുങ്ങിമരിച്ചു

കോട്ടയം: സുഹൃത്തുക്കൾക്കൊപ്പം അർധരാത്രിക്കുശേഷം കുളത്തിൽ നീന്താനിറങ്ങിയ യുവാവ് മുങ്ങിമരിച്ചു. തിരുവഞ്ചൂർ മടുക്കാനിയിൽ പരേതനായ വിജയകുമാറിന്‍റെ മകൻ വൈശാഖ് (26) ആണ് മരിച്ചത്. കഴിഞ്ഞ രാത്രി 12ന് വൈശാഖും രണ്ടു സുഹൃത്തുക്കളും നരിമറ്റം ക്ഷേത്രത്തിനു സമീപത്തെ പാടത്ത് കുത്തിയ കുളത്തിൽ കുളിക്കാനിറങ്ങുകയായിരുന്നു. നീന്തുകയായിരുന്ന വൈശാഖിനെ ഇടയ്ക്കുവച്ച് വെള്ളത്തിൽ കാണാതായതോടെ സുഹൃത്തുക്കൾ ബഹളംവയ്ക്കുകയും നാട്ടുകാർ ഓടിക്കൂടുകയും ചെയ്തു. തുടർന്ന് ഇവർ വിവരമറിയിച്ചതനുസരിച്ച് അയർക്കുന്നം പോലീസും അഗ്നിരക്ഷാ സേനയും സ്ഥലത്തെത്തി. അഗ്നിരക്ഷാ സേന നടത്തിയ തെരച്ചിലിനൊടുവിൽ രാത്രി രണ്ടരയോടെ മൃതദേഹം കണ്ടെത്തി. സംഭവത്തിൽ കേസെടുത്ത പോലീസ് വൈശാഖിനൊപ്പമുണ്ടായിരുന്ന രണ്ടു യുവാക്കളെ അയർക്കുന്നം സ്‌റ്റേഷൻ ഹൗസ് ഓഫീസർ ഇൻസ്പെക്ടർ അനൂപ് ജോസിന്‍റെ നേതൃത്വത്തിൽ കസ്റ്റഡിയിലെടുത്തു. മൃതദേഹം പോസ്റ്റുമോർട്ടത്തിനുശേഷം സംസ്കരിച്ചു. അമ്മ: രമ. സഹോദരൻ: വിഷ്ണു.

വയോധിക പുഴയിൽ മരിച്ച നിലയിൽ

തലയോലപ്പറമ്പ്: കഴിഞ്ഞ ദിവസം കാണാതായ വയോധികയെ പുഴയിൽ മരിച്ചനിലയിൽ കണ്ടെത്തി.വടകര അംബേദ്കർ നഗറിലെ മറ്റത്തിൽ കുഞ്ഞുകുഞ്ഞിന്‍റെ ഭാര്യ തങ്കമ്മ(68)യുടെ മൃതദേഹമാണ് ഇന്നലെ വൈകുന്നേരം അഞ്ചിന് മറവൻതുരുത്ത് കാട്ടിത്തറ ഭാഗത്ത് കണ്ടെത്തിയത്. ഓർമക്കുറവുള്ള തങ്കമ്മ സ്രാങ്കുഴി ഭാഗത്തെ മൂത്ത മകളുടെ വീട്ടിലേക്ക് പോയി വൈകുന്നേരം മടങ്ങിവരുന്ന പതിവുണ്ടായിരുന്നു.പുഴയോര പ്രദേശമായ സ്രാങ്കുഴിയിലൂടെ നടന്നുപോയപ്പോൾ കാൽവഴുതി പുഴയിൽ വീണ് മുങ്ങിമരിച്ചതാണെന്നു കരുതുന്നു. രണ്ടു പെൺമക്കളിൽ ഇളയമകൾ ദീപയ്ക്കൊപ്പമാണ് തങ്കമ്മ താമസിച്ചിരുന്നത്. പത്തിന് രാവിലെ എട്ടിനു വീട്ടിൽ നിന്നുപോയ തങ്കമ്മ വൈകുന്നേരം തിരിച്ചുവന്നില്ല.പിറ്റേന്ന് ബന്ധുക്കൾ തലയോലപ്പറമ്പ് പോലീസിൽ പരാതി നൽകി അന്വേഷണം നടന്നുവരുന്നതിനിടയിലാണ് ഇന്നലെ വൈകുന്നേരം മൃതദേഹം പുഴയോരത്ത് കണ്ടെത്തിയത്. മൃതദേഹം വൈക്കം താലൂക്ക് ആശുപത്രി മോർച്ചറിയിൽ. തലയോലപ്പറമ്പ് പോലീസ് മേൽനടപടി സ്വീകരിച്ചു.

കോണത്താറ്റ് പാലം ഇന്നു തുറക്കും

കുമരകം ഭാഗത്തുനിന്നുള്ള വാഹനങ്ങളാണ് പാലത്തിലൂടെ കടത്തിവിടുക കുമരകം: വർഷങ്ങളായി കുമരകം നിവാസികൾ അനുഭവിച്ച യാത്രാ ക്ലേശത്തിന് ഇന്നു താത്കലികമായി പരിഹാരമാകുന്നു. ബസുകൾ ഉൾപ്പെടെയുള്ള വാഹനങ്ങൾ ഇന്ന് വൈകുന്നേരം മുതൽ പാലത്തിലൂടെ കടത്തിവിടും. വൺവേ ആയിട്ടായിരിക്കും ഗതാഗതം. കുമരകം ഭാഗത്തുനിന്നുള്ള വാഹനങ്ങളാണു പാലത്തിലൂടെ കടത്തിവിടുക. കോട്ടയത്തുനിന്നുള്ള വാഹനങ്ങൾ താത്കാലിക ബണ്ട് റോഡിലൂടെ ഗുരുമന്ദിരം റോഡ് വഴി സഞ്ചരിക്കണം. ഹോസ്പിറ്റൽ റോഡിലൂടെ കറങ്ങി പോകേണ്ടതില്ല. കോട്ടയം-വൈക്കം, കോട്ടയം-ചേർത്തല തുടങ്ങിയ റൂട്ടിൽ സർവീസ് നടത്തുന്ന ബസുകൾ ഇനി മുതൽ കുമരകത്ത് യാത്ര അവസാനിപ്പിക്കേണ്ടതില്ല. പാലത്തിന്‍റെ പ്രവേശനപാതയുടെ പകുതി ഭാഗത്തുകൂടി മാത്രമെ ഗതാഗതം ഇപ്പോൾ അനുവദിക്കു. കോട്ടയം ഭാഗത്തെ പ്രവേശനപാതയുടെ ഒരുവശത്തെ സംരക്ഷണ കൽഭിത്തിയുടെ ഒമ്പതു മീറ്റർ നീളം ഇനിയും പൂർത്തിയാക്കേണ്ടതുണ്ട്. ഇത് നിർമിച്ചശേഷം വീണ്ടും പാലത്തിലൂടെയുള്ള ഗതാഗതം നിരോധിച്ച് പ്രവേശനപാത ടാർ ചെയ്യും. തുടർന്നായിരിക്കും പാലത്തിന്‍റെ ഉദ്ഘാടനം. മഴ തുടരുന്നതാണ് നിർമാണത്തിനു തടസം സൃഷ്ടിക്കുന്നത്.

പ്രായം വെറും അക്കം; ജോസഫും വര്‍ക്കിയും തിരക്കിലാണ്

ജി.പി. വിനോദ് പാമ്പാടി: കണ്ടന്‍കാവ് പുത്തന്‍പുരയ്ക്കല്‍ വീട്ടിൽ ജോസഫ് തോമസ് എന്ന കുഞ്ഞച്ചനും അനുജന്‍ വര്‍ക്കി തോമസ് എന്ന കുഞ്ഞും ഒരുമിച്ചു കൃഷി തുടങ്ങിയിട്ട് അറുപതു വര്‍ഷത്തിലേറെയായി. എഴുപത്തിനാലിൽ എത്തിയ ജോസഫും എഴുപത്തിരണ്ടുകാരന്‍ തോമസും ഇപ്പോഴും കൃഷിയിടത്തില്‍ സജീവമാണ്. കപ്പയും ചേനയും ചേമ്പും കാച്ചിലും വാഴയുമൊക്കെയുള്ള വൈവിധ്യമാര്‍ന്ന ഒരു കൃഷിയിടം. വീട്ടിലേക്കു വേണ്ടതൊന്നും ചന്തയില്‍നിന്നു വാങ്ങാതെ അധ്വാനിച്ചു വിളയിക്കണമെന്നതാണ് ഇവരുടെ വിശ്വാസപ്രമാണം. കര്‍ഷകനായ വല്യപ്പന്‍ ഔസേപ്പ് ആയിരുന്നു ഇവരുടെ പ്രചോദനം. അധ്വാനിയായിരുന്ന വല്യപ്പനൊപ്പം ചെറുപ്രായത്തില്‍ ജോസഫും വര്‍ക്കിയും ചെറുകൈ സഹായവുമായി കൂടിയതാണ്. ആ കൃഷി പരിചയം ഇപ്പോഴും ഇവര്‍ക്കു കൈമുതലായുണ്ട്. കൃഷിയെ അറിഞ്ഞും അനുഭവിച്ചും മുന്നേറിയ ഇരുവര്‍ക്കും പറയാനുള്ളത് മണ്ണിന്‍റെ മണമുള്ള നല്ല ഓര്‍മകളാണ്; ബാല്യത്തില്‍ വല്യപ്പനൊപ്പം ചന്തയ്ക്കു പോയതും യാത്രയ്ക്കിടെ ആനിവേലിയിലെ ചായക്കടയില്‍നിന്ന് കടുംകാപ്പിയും പരിപ്പുവടയും ബോണ്ടയുമൊക്കെ കഴിച്ചതും. സ്‌നേഹനിധിയായ വല്യപ്പനെപ്പറ്റി പറയുമ്പോള്‍ കുഞ്ഞിന്‍റെ കണ്ണുകളില്‍ നനവ്. ഈറ വല്ലക്കുട്ടയില്‍ സാധനങ്ങളുമായി പാമ്പാടി ചന്തയിലേക്കാണ് നടപ്പ്. പാവക്ക, പയര്‍, ഇഞ്ചി, മുളക്, വഴുതനങ്ങ, കോവക്ക, മത്തങ്ങ, വഴുതന, വാഴക്കുല എന്നിവയൊക്കെ വല്ലത്തിലുണ്ടാകും. ഉണക്കക്കപ്പയായിരുന്നു മറ്റൊരു പ്രധാന ഇനം. വീട്ടില്‍നിന്ന് അഞ്ചു കിലോമീറ്റര്‍ അകലെയാണ് പാമ്പാടി ചന്ത. അക്കാലത്ത് രാത്രിയിലും ചന്തയുണ്ടായിരുന്നു. അത്തരത്തില്‍ രണ്ടുമൂന്നു രാത്രി ചന്തയില്‍ പോയതിന്‍റെ ഓര്‍മകളും മനസിലുണ്ട്. പില്‍ക്കാലത്ത് വെളുപ്പിന് നാലിന് മുതലായി ചന്ത. നല്ല ഏത്തക്കുലയ്ക്ക് അക്കാലത്ത് പത്തു രൂപ വരെ കിട്ടിയിട്ടുണ്ട്. അന്നത്തെ പത്തു രൂപയ്ക്ക് ഇന്നത്തെ പതിനായിരത്തിന്‍റെ മൂല്യമുള്ളതാണെന്നോര്‍ക്കണം. കോട്ടയം ചന്തയിലേക്ക് കാവുങ്കല്‍ പാപ്പച്ചന്‍റെ കാളവണ്ടിയിലും പിന്നീട് ബസിലും പോയതിന്‍റെ ഓര്‍മകളുമുണ്ട്. കോട്ടയം ചന്തയില്‍ വിറ്റാല്‍ വില രൊക്കം കിട്ടും. മറ്റിടങ്ങളില്‍ വില കിട്ടാന്‍ ഒരാഴ്ച താമസം വരും. ജോസഫിനും വര്‍ക്കിക്കും കൃഷി കൂടാതെ ആട്, പശു വളര്‍ത്തലുമുള്ളതുകൊണ്ട് ഇരുവര്‍ക്കും ഒരു മിനിറ്റ് വെറുതെ ഇരിക്കാന്‍ തോന്നില്ല. നട്ടുനനച്ച് വളര്‍ത്തിയ പച്ചക്കറികള്‍ ബന്ധുക്കള്‍ക്കും അയല്‍ക്കാര്‍ക്കും നല്കുന്നതു പതിവാണ്. വര്‍ക്കിക്ക് കൃഷിയില്‍ പിന്തുണയുമായി ഭാര്യ അന്നമ്മയും മക്കളായ ബിനോയി, ബിന്‍സി എന്നിവരുമുണ്ട്. ജോസഫിന് കൂരോപ്പട പഞ്ചായത്തിലെ മികച്ച കര്‍ഷകനുള്ള അവാര്‍ഡ് രണ്ടു തവണ കിട്ടിയിട്ടുണ്ട്. വേനൽക്കാലത്ത് മരോട്ടിപ്പുഴ തോട്ടില്‍നിന്ന് വെള്ളം ചുമലിലേറ്റി കൊണ്ടുവന്നു നന കൊടുക്കണമായിരുന്നു. പശുവും ആടുമൊക്കെയുള്ളതുകൊണ്ട് ചാണകവും ആട്ടിന്‍കാഷ്ഠവുമാണ് വളം. ജൈവവളംകൊണ്ട് മണ്ണിന് നല്ല ഫലക്കൂറും മോശമല്ലാത്ത വിളവുമുണ്ട്. കഴിവതും രാസവളം ഒഴിവാക്കാനാണ് ഇവര്‍ക്ക് താത്പര്യം. ഇരുവരുടേയും ദിനചര്യ ഈ പ്രായത്തിലും പുലര്‍ച്ചെ നാലിന് തുടങ്ങും. ദൈവാനുഗ്രഹം ആയുസിനും ആരോഗ്യത്തിനും ഐശ്വര്യത്തിനും വേണമെന്ന വിശ്വാസക്കാരായ ഇരുവരും പള്ളിയില്‍ പോക്കും വിശുദ്ധ കുര്‍ബാനയും മുടക്കാറില്ല.

ശബരി റെയില്‍വേയില്‍ നടപടിയില്ല, ചര്‍ച്ച മാത്രം

കോട്ടയം: ഉറപ്പുകളും ചര്‍ച്ചകളുമല്ലാതെ ശബരി റെയില്‍വേ നിര്‍മാണത്തിന് ആവശ്യമായ സ്ഥലം ഏറ്റെടുക്കുന്നതില്‍ നടപടിയില്ല. സംസ്ഥാന സര്‍ക്കാര്‍ നഷ്‌ടപരിഹാരം നല്‍കി സ്ഥലം ഏറ്റെടുത്തു കൊടുത്താല്‍ ശബരി പദ്ധതി മരവിപ്പിച്ച നടപടി റദ്ദാക്കി ഉടന്‍ പണി തുടങ്ങുമെന്നാണ് കേന്ദ്ര റെയില്‍വേ മന്ത്രാലയത്തിന്‍റെ നിലപാട്. ശബരി റെയില്‍വേ നിര്‍മാണത്തിനുള്ള സംസ്ഥാന വിഹിത ഫണ്ടിന് തടസമില്ലെന്നാണ് മുഖ്യമന്ത്രിയുടെ ഓഫീസ് പറയുന്നത്. എന്നാല്‍, എന്തുകൊണ്ട് വൈകുന്നു എന്നതില്‍ ഉത്തരമില്ല. സ്ഥലമെടുപ്പിന് കേന്ദ്ര സര്‍ക്കാരിന്‍റെ അടിസ്ഥാന സൗകര്യവികസനത്തിനുള്ള പലിശരഹിത ദീര്‍ഘകാല വായ്പാ പദ്ധതിയില്‍നിന്ന് ഫണ്ട് ലഭിക്കുന്നതിന് സംസ്ഥാന സര്‍ക്കാര്‍ അപേക്ഷ നല്‍കണമെന്നാവശ്യപ്പെട്ട് ശബരി റെയില്‍വേ ആക്‌ഷന്‍ കൗണ്‍സില്‍ ഭാരവാഹികള്‍ മുഖ്യമന്ത്രിയുടെ ചീഫ് പ്രിന്‍സിപ്പല്‍ സെക്രട്ടറിക്ക് നിവേദനം നല്‍കിയിട്ടുണ്ട്. സ്ഥലമെടുപ്പ് പ്രൊപ്പോസല്‍ ഇടുക്കി ജില്ലാ കളക്ടര്‍ നല്‍കിയിട്ടുണ്ടെന്നും എറണാകുളം ജില്ലയുടെ സ്ഥലമെടുപ്പ് പ്രൊപ്പോസല്‍ ലഭിച്ചാലുടന്‍ ഫണ്ട് അനുവദിക്കുമെന്നുമാണ് ചീഫ് പ്രിന്‍സിപ്പല്‍ സെക്രട്ടറി വ്യക്തമാക്കുന്നത്. 111 കിലോമീറ്റര്‍ അങ്കമാലി-ശബരി റെയില്‍വേ നിര്‍മാണത്തിന് നിലവില്‍ എട്ടു കിലോമിറ്റര്‍ സ്ഥലം മാത്രമാണ് ഏറ്റെടുത്ത് പാത നിര്‍മിച്ചത്. കാലടിയില്‍നിന്നു പിഴക് വരെ കല്ലിട്ടു തിരിച്ച സ്ഥലത്തിന് നഷ്ടപരിഹാരം നല്‍കണം. 3810 കോടിയുടെ പുതുക്കിയ എസ്റ്റിമേറ്റ് അംഗീകരിക്കാനാണ് ദക്ഷിണ റെയില്‍വേയുടെ ധനവിഭാഗം റെയില്‍വേ ബോര്‍ഡിനോട് നിര്‍ദേശിച്ചിരിക്കുന്നത്. കുന്നത്തുനാട് താലൂക്കില്‍ പെരുമ്പാവൂര്‍വരെ സാമൂഹികാഘാത പഠന റിപ്പോര്‍ട്ടില്‍ ഹിയറിംഗ് പൂര്‍ത്തിയായതിനാല്‍ നഷ്‌ടപരിഹാരം നല്‍കാനും തടസമില്ല. കാലടി-പെരുമ്പാവൂര്‍ പത്തു കിലോമീറ്ററില്‍ സ്ഥലം ഏറ്റെടുക്കലിന് 103 കോടി ആവശ്യമാണ്. കോതമംഗലം, മൂവാറ്റുപുഴ താലൂക്കുകളില്‍ 39 കിലോമീറ്റര്‍ സാമൂഹികാഘാത പഠനം നടത്തിയെങ്കിലും പബ്ലിക് ഹിയറിംഗ് നടത്തിയിട്ടില്ല. ഈ ഭാഗത്തു ഭൂമി ഏറ്റെടുക്കാന്‍ ഏകദേശം 410 കോടി രൂപ വേണം. എറണാകുളം ജില്ലയില്‍ ഭൂമി ഏറ്റെടുക്കല്‍ പൂര്‍ത്തിയാക്കാന്‍ 513 കോടി രൂപയാണ് കണക്കാക്കിയിട്ടുള്ളത്. ഇടുക്കി, കോട്ടയം ജില്ലകളില്‍ രാമപുരം (പിഴക്) സ്റ്റേഷന്‍ വരെ സാമൂഹിക ആഘാത പഠനം നടത്താനുണ്ട്. രാമപുരം സ്റ്റേഷന്‍ വരെ സ്ഥലമെടുപ്പിന് 150 കോടി രൂപയാണ് കണക്കാക്കിയിരിക്കുന്നത്. സര്‍വേക്കല്ല് സ്ഥാപിച്ച ഭൂമി വില്‍ക്കാനോ പണയപ്പെടുത്താനോ കഴിയാത്ത സ്ഥിതിയാണ്. അങ്കമാലി മുതല്‍ രാമപുരം വരെ 70 കിലോമീറ്റര്‍ നീളത്തിലാണ് സര്‍വേക്കല്ലുകളുള്ളത്. രാമപുരം മുതല്‍ എരുമേലി സ്റ്റേഷന്‍ വരെ ഏരിയല്‍ സര്‍വേ മാത്രമേ നടന്നിട്ടുള്ളു. കോട്ടയം ജില്ലയില്‍ രാമപുരം, ഭരണങ്ങാനം, ചെമ്മലമറ്റം, കാഞ്ഞിരപ്പള്ളി റോഡ്, എരുമേലി എന്നീ സ്റ്റേഷനുകളാണുള്ളത്.

കുഞ്ഞച്ചന്‍ പങ്കുവയ്ക്കലിന്‍റെ മനോഹാരിത പകര്‍ന്ന പുണ്യാത്മാവ്: മാര്‍ മുരിക്കന്‍

രാമപുരം: യേശു സാക്ഷ്യത്തിനായി പുതിയ പാത തുറന്നെടുത്ത് ദൈവസ്നേഹത്തിന്‍റെ പുത്തന്‍ വസന്തം പാര്‍ശ്വവത്കരിക്കപ്പെട്ടവരുടെ കുടിലുകളില്‍ വിരിയിക്കുകയും പങ്കുവയ്ക്കലിന്‍റെ മനോഹാരിത പകര്‍ന്നു നല്‍കുകയും ചെയ്ത വിശുദ്ധാന്മാവായിരുന്നു കുഞ്ഞച്ചനെന്ന് മാര്‍ ജേക്കബ് മുരിക്കന്‍. രാമപുരം സെന്‍റ്് അഗസ്റ്റ്യന്‍സ് ഫൊറോനാ പള്ളിയില്‍ വാഴ്ത്തപ്പെട്ട കുഞ്ഞച്ചന്‍റെ തിരുനാളിന്‍റെ കൊടിയേറ്റു ദിനമായ ഇന്നലെ വിശുദ്ധ കുര്‍ബാനയര്‍പ്പിച്ച് സന്ദേശം നല്‍കുകയായിരുന്നു അദ്ദേഹം. ദൈവസ്നേഹം ദരിദ്രരോടുള്ള സ്നേഹമായി പരിണമിപ്പിച്ച് നമ്മുടെ ആവശ്യങ്ങളേക്കാള്‍ മറ്റുള്ളവരുടെ ആവശ്യങ്ങള്‍ക്ക് പ്രാധാന്യം നല്‍കണമെന്നും അദ്ദേഹം പറഞ്ഞു. സെന്‍റ് അഗസ്റ്റ്യന്‍സ് സണ്‍ഡേസ്‌കൂളിന്‍റെയും കടനാട് സെന്‍റ് അഗസ്റ്റ്യന്‍സ് ഫൊറോന ഇടവകയുടെയും കുറവിലങ്ങാട് പള്ളിയുടെയും ഗുഡ് ഷെപ്പേര്‍ഡ് മൈനര്‍ സെമിനാരിയുടെയും ഡിസിഎംഎസ് രാമപുരം മേഖലയുടെയും നേതൃത്വത്തില്‍ കുഞ്ഞച്ചന്‍റെ കബറിടത്തിങ്കലേക്ക് തീര്‍ഥാടനവും നടന്നു. 16നാണ് പ്രധാന തിരുനാള്‍. അന്നേദിവസം രാവിലെ ഒന്പതുമുതല്‍ നേര്‍ച്ചവിതരണം ഉണ്ടായിരിക്കും. 10ന് ബിഷപ് മാര്‍ ജോസഫ് കല്ലറങ്ങാട്ട് തിരുനാൾ കുർബാനയർപ്പിച്ച് സന്ദേശം നൽകും. 11.45ന് ഡിസിഎംഎസ് പദയാത്ര. തുടര്‍ന്നു പ്രദക്ഷിണം.

സിപിഎം-ബിജെപി സംഘർഷം: പ്രതികളെ അറസ്റ്റ് ചെയ്തില്ല

ഏറ്റുമാനൂർ: ശനിയാഴ്ച മന്ത്രി വി.എൻ. വാസവന്‍റെ ഓഫീസിലേക്ക് മാർച്ച് നടത്തി മടങ്ങിയ ബിജെപി പ്രവർത്തകരെ ആക്രമിച്ച സിപിഎം പ്രവർത്തകരെ പോലീസ് അറസ്റ്റ് ചെയ്തില്ല. ശനിയാഴ്ച മൂന്നുമണിക്കു മുമ്പ് അറസ്റ്റ് ചെയ്യുമെന്ന് ബിജെപി നേതാക്കൾക്കു നൽകിയ ഉറപ്പിൽനിന്നാണ് പോലീസ് പിന്നോട്ടുപോയത്. സിപിഎം, ബിജെപി നേതാക്കളെ പോലീസ് ഇന്നു ചർച്ചയ്ക്കു വിളിച്ചിട്ടുണ്ട്. ഈ ചർച്ചയ്ക്കുശേഷം ഭാവി സമരപരിപാടികൾ തീരുമാനിക്കാനിരിക്കുകയാണ് ബിജെപി. ബിജെപി പ്രവർത്തകരെ സിപിഎമ്മുകാർ ആക്രമിച്ചതിനെത്തുടർന്ന് സംസ്ഥാന നേതാക്കന്മാരുടെ നേതൃത്വത്തിൽ ബിജെപി ഏറ്റുമാനൂർ ടൗണിൽ വഴി തടഞ്ഞിരുന്നു. വഴിതടയൽ അരമണിക്കൂറിലേറെ നീണ്ടപ്പോൾ കോട്ടയം ഡിവൈഎസ്പി വി.എസ്. അരുൺ ഏറ്റുമാനൂരിലെത്തി നേതാക്കളുമായി ചർച്ച നടത്തിയതിനെത്തുടർന്നാണ് വഴിതടയൽ അവസാനിപ്പിച്ചത്. ഉച്ചകഴിഞ്ഞ് മൂന്നു മണിക്കു മുമ്പായി പ്രതികളെ അറസ്റ്റ് ചെയ്യുമെന്നാണ് ഡിവൈഎസ്പി ഉറപ്പുനൽകിയിരുന്നത്. എന്നാൽ ഈ ഉറപ്പ് പാലിക്കപ്പെട്ടില്ല. ഇതേത്തുടർന്ന് ഇന്നലെ രാത്രി ബിജെപി പ്രവർത്തകർ ടൗണിൽ പ്രതിഷേധ പ്രകടനം നടത്തിയിരുന്നു. മന്ത്രി വി.എൻ. വാസവന്‍റെ പേഴ്സണൽ സ്റ്റാഫ് അംഗങ്ങൾ ഉൾപ്പെടെയുള്ളവരാണ് പ്രതികൾ. പോലീസുകാരുടെ ലാത്തി തട്ടിയെടുത്തുവരെ സിപിഎമ്മുകാർ ബിജെപിക്കാരെ മർദിച്ചു. 12 വയസുള്ള ഒരു പെൺകുട്ടിക്കും മർദനമേറ്റു. പെൺകുട്ടിയുടെ മൊഴി രേഖപ്പെടുത്തിയ പോലീസ് പോക്സോ നിയമപ്രകാരമാണ് കേസെടുത്തിരിക്കുന്നത്. ഇത്രയും ഗൗരവമുള്ള കേസായിട്ടു പോലും പ്രതികളെ അറസ്റ്റ് ചെയ്യാത്ത പോലീസിന്‍റെ നിലപാടിൽ പ്രതിഷേധം ഉയരുന്നുണ്ട്. മന്ത്രി വി.എൻ. വാസവൻ ഏറ്റുമാനൂരിലെ പൊതുപരിപാടികളിൽനിന്ന് ഇന്നലെ വിട്ടുനിന്നു. മന്ത്രിയുടെ സുരക്ഷ വർധിപ്പിച്ചിട്ടുണ്ട്. സിപിഎമ്മിൽ തർക്കം ശനിയാഴ്ച ബിജെപി പ്രവർത്തകരെ ആക്രമിച്ച സംഭവത്തിൽ സിപിഎമ്മിനുള്ളിൽ തർക്കം. ആക്രമണം ഒഴിവാക്കേണ്ടതായിരുന്നെന്ന് സിപിഎമ്മിലെ ഒരു വിഭാഗം പറയുന്നു. ഏരിയാ സെക്രട്ടറിയും ജില്ലാ കമ്മിറ്റി അംഗങ്ങളും ഉൾപ്പെടെ മുതിർന്ന നേതാക്കൾ നയിച്ച പ്രകടനത്തിൽ അവരുടെ സാന്നിധ്യത്തിൽ ആക്രമണം നടത്തിയവരെ നിയന്ത്രിക്കാൻ സാധിക്കാതിരുന്നത് വലിയ പിഴവായെന്ന് ഇവർ ആരോപിക്കുന്നു. ഏറ്റുമാനൂരിലെ രണ്ട് ജില്ലാ കമ്മിറ്റിയംഗങ്ങളുടെ നേതൃത്വത്തിൽ സിപിഎമ്മിലുള്ള ചേരിതിരിവും ഇന്നലത്തെ ആക്രമണത്തിന്‍റെ പരോക്ഷ കാരണമായി ഒരു വിഭാഗം ഉയർത്തിക്കാട്ടുന്നു. ആക്രമണം നടത്തിയ യുവാക്കൾ തടയാൻ ശ്രമിച്ച മുതിർന്ന നേതാവിനെ വകവച്ചില്ലെന്നും ഇവർ പറയുന്നു. യൂത്ത് കോൺഗ്രസ് മാർച്ച് ഇന്ന് ശബരിമലയിലെ സ്വർണത്തട്ടിപ്പിന്‍റെ പശ്ചാത്തലത്തിൽ ദേവസ്വം മന്ത്രിയും ദേവസ്വം ബോർഡ് പ്രസിഡന്‍റും രാജിവയ്ക്കണമെന്ന് ആവശ്യപ്പെട്ട് ദേവസ്വം മന്ത്രി വി.എൻ. വാസവന്‍റെ ഏറ്റുമാനൂരിലെ ഓഫീസിലേക്ക് ഇന്ന് യൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ മാർച്ച് നടത്തും. രാവിലെ 11ന് എംസി റോഡിൽ പടിഞ്ഞാറേനടയ്ക്കു സമീപത്തുനിന്ന് മാർച്ച് ആരംഭിക്കും. ശബരിമല സ്വർണപ്പാളി: എല്‍ഡിഎഫ് വിശദീകരണ യോഗം ഇന്ന് കോട്ടയം: ശബരിമല സ്വര്‍ണപ്പാളി വിഷയത്തില്‍ ഉള്‍പ്പെടെ നുണകള്‍ പ്രചരിപ്പിക്കുന്ന പ്രതിപക്ഷത്തിന്‍റെയും ബിജെപിയുടെയും നിലപാടിനെതിരേ എല്‍ഡിഎഫ് ജില്ലാ കമ്മിറ്റിയുടെ ആഭിമുഖ്യത്തില്‍ ഇന്നു വൈകുന്നേരം നാലിന് തിരുനക്കര ബസ്‌സ്റ്റാന്‍ഡ് ഗ്രൗണ്ടില്‍ വിശദീകരണ യോഗം സംഘടിപ്പിക്കും. എല്‍ഡിഎഫ് ജില്ലാ കണ്‍വീനര്‍ പ്രഫ. ലോപ്പസ് മാത്യുവിന്‍റെ അധ്യക്ഷതയില്‍ കൂടുന്ന യോഗം മന്ത്രി വി.എന്‍. വാസവന്‍ ഉദ്ഘാടനം ചെയ്യും. ചീഫ് വിപ്പ് ഡോ.എന്‍. ജയരാജ്, സിപിഐ സംസ്ഥാന എക്‌സിക്യൂട്ടീവ് കമ്മിറ്റിയംഗം സി. കെ. ശശിധരന്‍ തുടങ്ങി എല്‍ഡിഎഫിന്‍റെ പ്രമുഖ നേതാക്കള്‍ പ്രസംഗിക്കും.

വന്യജീവി നിയന്ത്രണ ബില്‍: പ്രതീക്ഷയോടെ മലയോരകര്‍ഷകര്‍

കോട്ടയം: വനം-വന്യജീവി നിയന്ത്രണ ബില്ല് സര്‍ക്കാര്‍ എങ്ങനെ തയാറാക്കി കേന്ദ്രത്തിന് നല്‍കും എന്നതല്ല വന്യജീവികളെ വനത്തിനുള്ളില്‍ നിറുത്താന്‍ നടപടിയുണ്ടാകുമോ എന്നതാണ് കര്‍ഷകരുടെ ചോദ്യം. വനയോരപ്രദേശങ്ങളില്‍ ആനയും കടുവയും പുലിയും പതിവായി നാട്ടിലേക്കിറങ്ങുന്നു. ജില്ലയിലും ജില്ലാതിര്‍ത്തിയിലുമായി അഞ്ചുപേരാണ് കഴിഞ്ഞ അഞ്ചുവര്‍ഷത്തിനിടെ കാട്ടാനയുടെയും കാട്ടുപോത്തിന്‍റെയും ആക്രമണത്തില്‍ കൊല്ലപ്പെട്ടത്. നാട്, നഗര ഭേദമെന്യേകാട്ടുപന്നിയും കുറുനരിയും കുരങ്ങും കേഴയും മയിലും നിറഞ്ഞിരിക്കുന്നു. മരണ കാരണമാകാവുന്ന പേ വിഷബാധ ഇളക്കിവിടുന്ന കുറുനരികളെ കൊന്നൊടുക്കാനും നിയമം വേണം. പെറ്റുപെരുകിയ കാട്ടുപന്നികളെയും കൊന്നൊടുക്കി കര്‍ഷകരെ രക്ഷിക്കണം. വിളനാശമുണ്ടാക്കുന്ന കുരങ്ങിനെയും മയിലിനെയും നാടുകടത്തണം. കര്‍ഷകര്‍ക്ക് വനഭൂമിയിൽ ഒരിഞ്ചുപോലും ആവശ്യമില്ല. എന്നാല്‍, ജില്ലയില്‍ വനം അതിരിടുന്ന പന്ത്രണ്ടു പഞ്ചായത്തുകളിലെയും ജനങ്ങളുടെ ദുരവസ്ഥയ്ക്കു പരിഹാരമുണ്ടാകണം. പത്തു വര്‍ഷത്തിനിടെ കാട്ടുപന്നിയും കുറുനരിയും ജനനിബിഡമായ ഗ്രാമങ്ങളില്‍ ഇത്രത്തോളം പെരുകിയ സാഹചര്യത്തില്‍ അടുത്ത പത്തുവര്‍ഷം കഴിഞ്ഞാല്‍ മനുഷ്യനു ജീവിതം പൊറുതി മുട്ടി വീടൊഴിഞ്ഞു പോകേണ്ട സ്ഥിതിയുണ്ടാകും. ജനവാസമേഖലകളിലോ കൃഷിസ്ഥലങ്ങളിലോ ഇറങ്ങുന്ന അക്രമകാരികളായ വന്യമൃഗങ്ങളെ വെടിവച്ച് കൊല്ലാനുള്ള അധികാരം ചീഫ് വൈല്‍ഡ് ലൈഫ് വാര്‍ഡനു നല്‍കുന്നതടക്കമുള്ള വ്യവസ്ഥകളാണ് സര്‍ക്കാര്‍ വന്യജീവി സംരക്ഷണ ബില്ലില്‍ ഉള്‍പ്പെടുത്തിയിരിക്കുന്നത്. പമ്പ, അഴുത വനമേഖലകളില്‍നിന്നു നൂറിലേറെ കാട്ടാനകളാണ് ജനവാസ കേന്ദ്രങ്ങളിലെത്തി ഏറെക്കാലമായി നാശം വിതയ്ക്കുന്നത്. കേന്ദ്ര നിയമത്തിലുള്ള ഭേദഗതി ആയതിനാല്‍ ബില്‍ ഗവര്‍ണര്‍ വഴി രാഷ്‌ട്രപതിക്ക് അയച്ച് അനുമതി ലഭിച്ചാല്‍ മാത്രമേ നിയമം പ്രാബല്യത്തില്‍ വരികയുള്ളൂ എന്നിരിക്കെ ബില്‍ പാസാകുമോ എന്നതിലും വ്യക്തതയില്ല. രാജ്യത്ത് ആദ്യമായാണ് ഒരു സംസ്ഥാനം ഇത്തരത്തില്‍ കേന്ദ്ര വന്യജീവി നിയമത്തില്‍ ഒരു ഭേദഗതി കൊണ്ടുവരുന്നത്. കാട്ടുപന്നി, നരി, മാന്‍ തുടങ്ങിയവയുടെ എണ്ണം വര്‍ധിച്ചാല്‍ ജനന നിയന്ത്രണം നടപ്പാക്കല്‍, മറ്റിടങ്ങളിലേക്കു നാടുകടത്തല്‍ എന്നിവയ്ക്കും ബില്ലില്‍ വ്യവസ്ഥയുണ്ട്. ഇങ്ങനെ ചെയ്യുന്നതിന് കേന്ദ്ര സര്‍ക്കാരിന്‍റെ അനുമതി ആവശ്യമില്ല. ഇത്തരം ജീവികളെ ക്ഷുദ്രജീവിയായി പ്രഖ്യാപിക്കാന്‍ നിലവില്‍ കേന്ദ്രത്തിനാണ് അധികാരം. ഈ അധികാരം സംസ്ഥാനത്തിനു നല്‍കുന്നതിനും ബില്ലില്‍ വ്യവസ്ഥ ചെയ്യുന്നു. ക്ഷുദ്രജീവിയായി പ്രഖ്യാപിച്ചാല്‍ അവയെ കൊല്ലാനും മാംസം കഴിക്കാനും ആര്‍ക്കും തടസമുണ്ടാകില്ല. കാട്ടുപന്നിയെ ക്ഷുദ്രജീവിയായി പ്രഖ്യാപിക്കാന്‍ നിയമസഭ പ്രമേയം വഴി കേന്ദ്ര സര്‍ക്കാരിനോടു പലതവണ ആവശ്യപ്പെട്ടെങ്കിലും അനുമതി നല്‍കിയിരുന്നില്ല.

മാര്‍ സെബാസ്റ്റ്യന്‍ വയലില്‍ വോളി: പൈക യൂണിറ്റ് ചാമ്പ്യന്മാര്‍

പാലാ: എസ്എംവൈഎം പാലാ രൂപതയുടെയും കടനാട് ഫൊറോനയുടെയും സംയുക്താഭിമുഖ്യത്തില്‍ നടത്തിയ മാര്‍ സെബാസ്റ്റ്യന്‍ വയലില്‍ മെമ്മോറിയല്‍ വോളിബോള്‍ ടൂര്‍ണമെന്‍റില്‍ എസ്എംവൈഎം പൈക യൂണിറ്റ് ചാമ്പ്യന്മാരായി. കടനാട് ഫൊറോന, അരുവിത്തുറ യൂണിറ്റ് ടീമുകൾ യഥാക്രമം രണ്ടും മൂന്നും സ്ഥാനങ്ങള്‍ കരസ്ഥമാക്കി. കൊല്ലപ്പള്ളി ഫ്‌ളഡ്‌ലിറ്റ് വോളിമ്പോള്‍ സ്റ്റേഡിയത്തില്‍ നടന്ന ടൂര്‍ണമെന്‍റ് കടനാട് പഞ്ചായത്ത് പ്രസിഡന്‍റ് ജിജി തമ്പി ഉദ്ഘാടനം ചെയ്തു. എസ്എംവൈഎം കടനാട് ഫൊറോന ഡയറക്‌ടര്‍ ഫാ. ജോസഫ് ആട്ടങ്ങാട്ടില്‍ ട്രോഫികള്‍ വിതരണം ചെയ്തു. എസ്എംവൈഎം രൂപത ഡയറക്ടര്‍ ഫാ. മാണി കൊഴുപ്പന്‍കുറ്റി, പ്രസിഡന്‍റ് അന്‍വിന്‍ സോണി ഓടച്ചുവട്ടില്‍, ജനറല്‍ സെക്രട്ടറി റോബിന്‍ ടി. ജോസ് താന്നിമല തുടങ്ങിയവര്‍ നേതൃത്വം നല്‍കി.

മേവട സുഭാഷ് ഗ്രന്ഥശാലയ്ക്ക് പുതിയ മന്ദിരം; 58 ലക്ഷം രൂപ അനുവദിച്ചു

പാലാ: പ്ലാറ്റിനം ജൂബിലി ആഘോഷിക്കുന്ന മേവട സുഭാഷ് ഗ്രന്ഥശാലയ്ക്ക് പുതിയ കെട്ടിടം നിര്‍മിക്കുന്നതിന് മാണി സി. കാപ്പന്‍ എംഎല്‍എയുടെ പ്രാദേശിക വികസന ഫണ്ടില്‍നിന്ന് 58 ലക്ഷം രൂപ അനുവദിച്ചു. പുതിയ മന്ദിരത്തിന്‍റെ നിര്‍മാണോദ്ഘാടനം മാണി സി. കാപ്പന്‍ എംഎല്‍എ നിര്‍വഹിച്ചു. ജില്ലാ ലൈബ്രറി കൗണ്‍സില്‍ പ്രസിഡന്‍റ് ബാബു കെ. ജോര്‍ജിന്‍റെ അധ്യക്ഷതയില്‍ നടന്ന സമ്മേളനത്തില്‍ ലൈബ്രറി പ്രസിഡന്‍റ് ആര്‍. വേണുഗോപാല്‍, പഞ്ചായത്ത് പ്രസിഡന്‍റ് ലീലാമ്മ ബിജു, ജില്ലാ പഞ്ചായത്തംഗം ജോസ്‌മോന്‍ മുണ്ടയ്ക്കല്‍, ബ്ലോക്ക് പഞ്ചായത്ത് മെംബർ‌ ജോസി ജോസഫ്, പഞ്ചായത്ത് മെംബർമാരായ മഞ്ജു ദിലീപ്, പി.സി. ജോസഫ്, സ്മിത വിനോദ്, ടി.സി. ശ്രീകുമാര്‍, പി.ടി. തോമസ് പുറ്റനാനിക്കല്‍ എന്നിവര്‍ പ്രസംഗിച്ചു.

ഇടപ്പാടിയിൽ വീണ്ടും ശുചിമുറി മാലിന്യം തള്ളി

പാലാ: പൊതുസ്ഥലത്ത് വീണ്ടും ശുചിമുറി മാലിന്യം തള്ളി സാമൂഹ്യവിരുദ്ധര്‍. ഇത്തവണ ഇടപ്പാടി ആനന്ദ ഷണ്മുഖസ്വാമി ക്ഷേത്രത്തിന് മുന്നിലാണ് മാലിന്യം തള്ളിയത്. പാലാ-ഈരാറ്റുപേട്ട റോഡിൽ കഴിഞ്ഞ ഒരു വര്‍ഷത്തിനിടെ മൂന്നാനിയില്‍ ആറു തവണയാണ് ശുചിമുറി മാലിന്യം റോഡരികില്‍ തള്ളിയത്. അഞ്ചു ദിവസം മുമ്പ് മൂന്നാനി ഗാന്ധി പ്രതിമയ്ക്കു സമീപം മാലിന്യം തള്ളിയിരുന്നു. മാലിന്യം തള്ളിയവര്‍ക്കെതിരേ നടപടി സ്വീകരിക്കാത്തതില്‍ കടുത്ത പ്രതിഷേധമാണ് ഉയര്‍ന്നത്. മഹാത്മാഗാന്ധി നാഷണല്‍ ഫൗണ്ടേഷന്‍റെ നേതൃത്വത്തില്‍ ഗാന്ധി സ്‌ക്വയറില്‍ പ്രതിഷേധ പരിപാടികള്‍ നടത്തിയിരുന്നു. ഇതിനിടെയാണ് കഴിഞ്ഞ ദിവസം രാത്രി ഇടപ്പാടി ആനന്ദ ഷണ്മുഖസ്വാമി ക്ഷേത്രത്തിന് മുന്‍വശം റോഡരികിലെ ഓടയിലേക്ക് ശുചിമുറി മാലിന്യം തള്ളിയത്. കടുത്ത ദുര്‍ഗന്ധമുയര്‍ന്നതിനെത്തുടര്‍ന്ന് പരിസരവാസികള്‍ നടത്തിയ പരിശോധനയിലാണ് ഓടയില്‍ മാലിന്യം തള്ളിയതായി കണ്ടെത്തിയത്. ഇതുസംബന്ധിച്ച് പാലാ പോലീസില്‍ പരാതി നല്‍കിയെന്ന് ഇടപ്പാടി ദേവസ്വം അധികൃതര്‍ പറഞ്ഞു. പാലാ-ഈരാറ്റുപേട്ട റോഡില്‍ മൂന്നാനി, ഇടപ്പാടി മേഖലകളില്‍ തുടര്‍ച്ചയായി ശുചിമുറി മാലിന്യം തള്ളിയിട്ടും കുറ്റക്കാരെ കണ്ടെത്താനോ നിയമനടപടി സ്വീകരിക്കാനോ ഇതേവരെ ബന്ധപ്പെട്ട അധികാരികള്‍ക്ക് കഴിഞ്ഞിട്ടില്ലെന്നുള്ളത് ഏറെ പ്രതിഷേധത്തിന് കാരണമാവുകയാണ്. ടാങ്കര്‍ ലോറിയിലെത്തിച്ച മാലിന്യമാണ് ഗാന്ധി സ്‌ക്വയറിന് സമീപം തള്ളിയതെന്ന് സിസിടിവി ദൃശ്യങ്ങളില്‍ വ്യക്തമായിരുന്നു. നിയമനടപടി സ്വീകരിക്കണം ഇടപ്പാടി ആനന്ദ ഷണ്മുഖക്ഷേത്രത്തിന് മുന്‍വശം ഹൈവേയുടെ ഓടയില്‍ മാലിന്യം തള്ളിയ സാമൂഹ്യവിരുദ്ധരെ എത്രയുംവേഗം കണ്ടെത്തി നിയമനടപടി സ്വീകരിക്കണമെന്ന് ഇടപ്പാടി ക്ഷേത്രം ദേവസ്വം ഭരണസമിതിയുടെ അടിയന്തര യോഗം ആവശ്യപ്പെട്ടു. പ്രസിഡന്‍റ് എം.എന്‍. ഷാജി മുകളേല്‍ അധ്യക്ഷത വഹിച്ചു. സെക്രട്ടറി സുരേഷ് ഇട്ടിക്കുന്നേല്‍, വൈസ് പ്രസിഡന്‍റ് സതീഷ് മണി, ദേവസ്വം മാനേജര്‍ കണ്ണന്‍ ഇടപ്പാടി തുടങ്ങിയവര്‍ പ്രസംഗിച്ചു.

ലഹരിവിരുദ്ധ പ്രവർത്തനങ്ങൾ കുടുംബങ്ങളിൽനിന്ന് തുടങ്ങണം

പൊൻകുന്നം: ലഹരിവിരുദ്ധ പ്രവർത്തനങ്ങൾ കുടുംബങ്ങളിൽനിന്ന് തുടങ്ങണമെന്ന് കോട്ടയം ജില്ലാ എക്സൈസ് ഡപ്യൂട്ടി കമ്മീഷണർ കെ.ആർ. അജയ്. പൊൻകുന്നം കർഷകസംഘത്തിന്‍റെ നേതൃത്വത്തിൽ പൊൻകുന്നം ഹോളിഫാമിലി പള്ളി പാരിഷ് ഹാളിൽ നടത്തിയ "ജീവനലഹരി' നാടകത്തിന്‍റെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു അദ്ദേഹം. ഫൊറോന വികാരി റവ.ഡോ. തോമസ് പൂവത്താനിക്കുന്നേൽ അധ്യക്ഷത വഹിച്ചു. കാഞ്ഞിരപ്പള്ളി രൂപത വികാരി ജനറാൾ റവ.ഡോ. സെബാസ്റ്റ്യൻ കൊല്ലംകുന്നേൽ അനുഗ്രഹപ്രഭാഷണവും മലനാട് ഡെവലപ്മെന്‍റ് സൊസൈറ്റിയുടെയും ഇൻഫാമിന്‍റെയും ജോയിന്‍റ് ഡയറക്ടറായ ഫാ. ആൽബിൻ പുൽത്തകിടി മുഖ്യപ്രഭാഷണവും നടത്തി. കാഞ്ഞിരപ്പള്ളി നിയോജകമണ്ഡലത്തിലെ മികച്ച കർഷകരും കലാകാരന്മാരുമായ 22 വ്യക്തികളെ ഉൾപ്പെടുത്തി ഫിലിം ക്രിട്ടിക്സ് അവാർഡ് ജേതാവായ റവ.ഡോ. റോയി കാരയ്ക്കാട്ട് കപ്പൂച്ചിൻ രചനയും സംവിധാനവും നിർവഹിച്ച ജീവനലഹരി എന്ന നൃത്ത, സംഗീത, സംഘ നാടകമാണ് അവതരപ്പിച്ചത്.

തിടനാട്, ഭരണങ്ങാനം പഞ്ചായത്തുകളിൽ വികസനസദസ്

തിടനാട്: തിടനാട് പഞ്ചായത്തിലെ വികസനസദസ് ഇന്നു രാവിലെ 10.30ന് സെബാസ്റ്റ്യന്‍ കുളത്തുങ്കല്‍ എംഎല്‍എ ഉദ്ഘാടനം ചെയ്യും. പഞ്ചായത്ത് ഹാളില്‍ നടക്കുന്ന പരിപാടിയില്‍ പഞ്ചായത്ത് പ്രസിഡന്‍റ് സ്‌കറിയ ജോസഫ് പൊട്ടനാനി അധ്യക്ഷത വഹിക്കും. റിസോഴ്‌സ് പേഴ്‌സണ്‍ ജയകുമാര്‍, പഞ്ചായത്ത് സെക്രട്ടറി പി.പി. മണിയപ്പന്‍, പഞ്ചായത്ത് വൈസ് പ്രസിഡന്‍റ് ലീന ജോര്‍ജ്, ബ്ലോക്ക് പഞ്ചായത്തംഗങ്ങളായ മേഴ്‌സി മാത്യു, ജോസഫ് ജോര്‍ജ്, മിനി സാവിയോ, പഞ്ചായത്തംഗങ്ങളായ ഓമന രമേശ്, പ്രിയ ഷിജു, ജോസ് ജോസഫ്, ബെറ്റി ബെന്നി, ജോഷി ജോര്‍ജ്, സന്ധ്യ എസ്. നായര്‍, എ.സി. രമേശ്, ഷെറിന്‍ ജോസഫ്, മിനി ബിനോ, ലിസി തോമസ്, കെ.വി. സുരേഷ് കുമാര്‍, വിജി ജോര്‍ജ്, കുടുംബശ്രീ ചെയര്‍പേഴ്‌സണ്‍ ഓമന ശശി എന്നിവര്‍ പങ്കെടുക്കും. ഭരണങ്ങാനം: ഭരണങ്ങാനം പഞ്ചായത്തിലെ വികസനസദസ് നാളെ രാവിലെ 11ന് പഞ്ചായത്ത് ഹാളില്‍ ജില്ലാ പഞ്ചായത്ത് മെംബര്‍ രാജേഷ് വാളിപ്ലാക്കല്‍ ഉദ്ഘാടനം ചെയ്യും. ബ്ലോക്ക് പഞ്ചായത്ത് പ്രസിഡന്‍റ് ജെസി ജോര്‍ജ് അധ്യക്ഷത വഹിക്കും. ബ്ലോക്ക് പഞ്ചായത്ത് വൈസ് പ്രസിഡന്‍റ് ആനന്ദ് ചെറുവള്ളില്‍, ബ്ലോക്ക് മെംബര്‍ ജോസ് ചെമ്പകശേരി, പഞ്ചായത്ത് മെംബര്‍മാരായ അനുമോള്‍ മാത്യു, ജോസുകുട്ടി അമ്പലമറ്റം, സുധ ഷാജി, ജെസി ജോസ് തുടങ്ങിയവര്‍ പ്രസംഗിക്കും. പഞ്ചായത്ത് സെക്രട്ടറി വികസനരേഖ അവതരിപ്പിക്കും.

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന്

വാഴ്ത്തപ്പെട്ട കുഞ്ഞച്ചന്‍റെ തിരുനാളില്‍ ഇന്ന് ദൈവവിളി പ്രാര്‍ഥനാദിനമായി ആചരിക്കും. രാവിലെ ഒമ്പതിന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജയിംസ് കുടിലില്‍. 10.45ന് തീര്‍ഥാടനം - രാമപുരം ഇടവക മാതൃ-പിതൃവേദി, ലീജിയന്‍ ഓഫ് മേരി സംഘടനകള്‍. 11ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - ഫാ. ജയിംസ് ചാവറപ്പുഴ. ഉച്ചകഴിഞ്ഞ് 2.15ന് തീർഥാടനം - കൊണ്ടാട് സെന്‍റ് സെബാസ്റ്റ്യന്‍സ് ഇടവക. 2.30ന് വിശുദ്ധ കുര്‍ബാന, സന്ദേശം, നെവേന, ലദീഞ്ഞ് - ഫാ. ജോസ് കുന്നപ്പള്ളില്‍. വൈകുന്നേരം 4.30ന് വിശുദ്ധ കുര്‍ബാന, സന്ദേശം, നൊവേന, ലദീഞ്ഞ് - റവ.ഡോ. ജോസഫ് മുത്തനാട്ട്.

ഡിസിഎംഎസ് തീര്‍ഥാടന വിളംബരജാഥ

പാലാ: വാഴ്ത്തപ്പെട്ട കുഞ്ഞച്ചന്‍റെ തിരുനാളിനോടനുബന്ധിച്ച് ഡിസിഎംഎസ് രൂപതാസമിതിയുടെ നേതൃത്വത്തില്‍ 16ന് രാമപുരത്തേക്കു നടത്തുന്ന തീര്‍ഥാടന പദയാത്രയ്ക്ക് മുന്നോടിയായി പാലാ രൂപതയുടെ എല്ലാ ഫൊറോനകളും കേന്ദ്രീകരിച്ച് വിളംബരജാഥ നടത്തും. ഇന്നും നാളെയുമായി നടത്തുന്ന തീര്‍ഥാടന വിളംബരജാഥ ബിഷപ് മാര്‍ ജോസഫ് കല്ലറങ്ങാട്ട് ഉദ്ഘാടനം ചെയ്യും. മോണ്‍. സെബാസ്റ്റ്യന്‍ വേത്താനത്ത്, രൂപത ഡയറക്ടര്‍ ഫാ. ജോസ് വടക്കേക്കുറ്റ്, അസി. ഡയറക്ടര്‍ ഫാ. മാണി കൊഴുപ്പന്‍കുറ്റി, രൂപത പ്രസിഡന്‍റ് ബിനോയ് ജോണ്‍, സെക്രട്ടറി ബിന്ദു ആന്‍റണി, രൂപത സമിതി അംഗങ്ങള്‍, സോണല്‍ കമ്മിറ്റി അംഗങ്ങള്‍ എന്നിവര്‍ ജാഥയ്ക്ക് നേതൃത്വം നല്‍കും. ദളിത് സഹോദരര്‍ക്കിടയില്‍ അവരുടെ ഉന്നമനത്തിനുവേണ്ടി അക്ഷീണം പ്രവര്‍ത്തിക്കുകയും അവരെ സമൂഹത്തിന്‍റെ മുഖ്യധാരയില്‍ എത്തിക്കാന്‍ തന്‍റെ ജീവിതം സമര്‍പ്പിക്കുകയും ചെയ്ത വാഴ്ത്തപ്പെട്ട തേവര്‍പറമ്പില്‍ കുഞ്ഞച്ചന്‍ ജീവിതസന്ദേശം പൊതുസമൂഹത്തിലേക്കു പകരുന്നതിന്‍റെ ഭാഗമായാണ് വിളംബരജാഥ നടത്തുന്നത്.

ഭക്തിസാന്ദ്രമായി അല്‍ഫോന്‍സ തീര്‍ഥാടനം

ഭരണങ്ങാനം: പാലാ രൂപത മിഷന്‍ ലീഗിന്‍റെ നേതൃത്വത്തില്‍ ഇന്നലെ ഭരണങ്ങാനത്തേക്കു നടത്തിയ അല്‍ഫോന്‍സ തീര്‍ഥാടനം ഭക്തിസാന്ദ്രമായി. പാലാ രൂപതയുടെ വിവിധ ഇടവകകളില്‍നിന്നായി ആയിരക്കണക്കിന് കുഞ്ഞുമിഷനറിമാര്‍ അല്‍ഫോന്‍സ തീര്‍ഥാടനത്തില്‍ പങ്കുചേര്‍ന്നു. രൂപതയിലെ 10, 11, 12 ക്ലാസുകളിലെ വിശ്വാസ പരിശീലനം നടത്തുന്ന കുട്ടികളാണ് തീര്‍ഥാടനം നടത്തിയത്. മിഷന്‍ ലീഗിന്‍റെ വിവിധ മേഖലകളുടെ നേതൃത്വത്തില്‍ രൂപതയിലെ എല്ലാ ഇടവകകളില്‍നിന്നുമുള്ള അംഗങ്ങള്‍ റാലിയില്‍ പങ്കുചേര്‍ന്നു. പാലാ ഭാഗത്തുനിന്നു വന്നവർ മേരിഗിരി ആശുപതിയുടെ സമീപത്തു നിന്നും അരുവിത്തുറ ഭാഗത്തുനിന്നും വന്നവർ വട്ടോളിക്കടവ് ഭാഗത്തും സമ്മേളിച്ചു റാലിയില്‍ പങ്കെടുത്തു. നാലു ബാച്ചുകളിലായി വിവിധ സമയങ്ങളിലാണ് അല്‍ഫോന്‍സാമ്മയുടെ കബറിടത്തില്‍ എത്തിച്ചേര്‍ന്നത്. റാലിയായി എത്തുന്ന കുട്ടികള്‍ക്കു പ്രത്യേകം വിശുദ്ധ കുര്‍ബാന ദേവാലയത്തില്‍ ക്രമീകരിച്ചിരുന്നു. രൂപത വികാരി ജനറാൾമാരായ മോണ്‍. ജോസഫ് തടത്തില്‍, മോണ്‍. ജോസഫ് മലേപ്പറമ്പില്‍, മോണ്‍. സെബാസ്റ്റ്യന്‍ വേത്താനത്ത്, മോണ്‍. ജോസഫ് കണിയോടിക്കല്‍ എന്നിവര്‍ സന്ദേശം നല്‍കി. തീര്‍ഥാടന കേന്ദ്രം റെക്‌ടര്‍ റവ. ഡോ. അഗസ്റ്റിന്‍ പാലയ്ക്കാപ്പറമ്പില്‍, റവ.ഡോ. ജോര്‍ജ് വര്‍ഗീസ് ഞാറക്കുന്നേല്‍, അഡ്മിനിസ്ട്രേറ്റര്‍ ഫാ. മാത്യു കുറ്റിയാനിക്കല്‍, വൈസ് റെക്‌ടര്‍മാരായ ഫാ. ജോസഫ് അമ്പാട്ട്, ഫാ. ആന്‍റണി തോണക്കര, ബെന്നി മുത്തനാട്ട് തുടങ്ങിയവര്‍ നേതൃത്വം നല്‍കി. സഹനങ്ങളെ രക്ഷാകരമാക്കാന്‍ അല്‍ഫോന്‍സാമ്മ പഠിപ്പിക്കുന്നു: മാര്‍ മഠത്തിക്കണ്ടത്തില്‍ ഭരണങ്ങാനം: സഹനങ്ങളെ പഴിക്കാതെ രക്ഷാകരമാക്കാനും നിരാശയിലേയ്ക്കു വീഴാതെ ദൈവത്തിങ്കലേക്കു തിരിയാനും വിശുദ്ധ അല്‍ഫോന്‍സാമ്മയുടെ ജീവിതം നമ്മെ പഠിപ്പിക്കുന്നതായി കോതമംഗലം ബിഷപ് മാര്‍ ജോര്‍ജ് മഠത്തിക്കണ്ടത്തില്‍. അല്‍ഫോന്‍സാമ്മയുടെ വിശുദ്ധപദവി പ്രഖ്യാപനത്തിന്‍റെ 17-ാം വാര്‍ഷികദിനമായിരുന്ന ഇന്നലെ കൃതജ്ഞതാദിനമായി ആചരിച്ച് കബറിട ദേവാലയത്തില്‍ വിശുദ്ധ കുര്‍ബാന അര്‍പ്പിച്ച് സന്ദേശം നല്‍കുകയായിരുന്നു ബിഷപ്. അല്‍ഫോന്‍സാമ്മയുടെ മാതൃക നാം പിന്തുടരണം. നിരാശ ഇന്നത്തെ പ്രധാന പ്രശ്‌നമാണ്. നമ്മുടെ സഹനങ്ങളെ സന്തോഷത്തോടെ സ്വീകരിക്കണം. അനുദിന പ്രാര്‍ഥനയില്‍ സന്തോഷം കണ്ടെത്തിയവളാണ് അല്‍ഫോന്‍സാമ്മ. ജീവിത യാഥാര്‍ഥ്യങ്ങള്‍ അതിന്‍റെ പൂര്‍ണതയില്‍ ഏറ്റെടുത്തു ജീവിച്ച വിശുദ്ധയാണ് അല്‍ഫോന്‍സാമ്മയെന്നും വിശുദ്ധ ജീവിതങ്ങളാണ് സഭയുടെ ശക്തിയും മൂലധനവും എന്നും ബിഷപ് പറഞ്ഞു.

എലിക്കുളം വികസന കോൺക്ലേവ്: കുടുംബസംഗമം നടത്തി

എലിക്കുളം: എലിക്കുളം പഞ്ചായത്ത് വികസന കോൺക്ലേവിന്‍റെ ഭാഗമായുള്ള ലൈഫ് കുടുംബസംഗമം ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്തു. പഞ്ചായത്ത് പ്രസിഡന്‍റ് ജിമ്മിച്ചൻ ഈറ്റത്തോട്ട് അധ്യക്ഷത വഹിച്ചു. വൈസ് പ്രസിഡന്‍റ് സൂര്യാമോൾ, സ്ഥിരം സമിതി അധ്യക്ഷന്മാരായ എസ്. ഷാജി, അഖിൽ അപ്പുക്കുട്ടൻ, പഞ്ചായത്തംഗങ്ങളായ സെൽവി വിത്സൻ, ദീപാ ശ്രീജേഷ്, ആശാമോൾ ജോസഫ്, പഞ്ചായത്ത് സെക്രട്ടറി മാർട്ടിൻ ജോർജ്, വില്ലേജ് എക്സ്റ്റൻഷൻ ഓഫീസർ വിപിൻലാൽ, അസിസ്റ്റന്‍റ് കൃഷി ഓഫീസർ എ.ജെ. അലക്സ് റോയ്, വി.വി. ഹരി വാളാച്ചിറയിൽ, ടോമിച്ചൻ ഈറ്റത്തോട്ട്, പി.എസ്. ഷെഹ്‌ന, തോമസുകുട്ടി വട്ടയ്ക്കാട്ട്, രാജൻ ആരംപുളിക്കൽ തുടങ്ങിയവർ പ്രസംഗിച്ചു.

കാറ്റിലും മഴയിലും നാശനഷ്ടം

പൊൻകുന്നം: ചിറക്കടവ്, പൊൻകുന്നം മേഖലയിൽ ഇന്നലെ ഉച്ചകഴിഞ്ഞ് വീശിയടിച്ച കാറ്റിലും മഴയിലും കനത്ത നാശം. പ്രദേശത്താകെ വൈദ്യുതി വിതരണം നിലച്ചു. വീടുകൾക്ക് നാശമുണ്ട്. ചിറക്കടവ് പടിയപ്പള്ളിൽ അമ്മുക്കുട്ടി രവീന്ദ്രന്‍റെ നിർമാണം പൂർത്തീകരിച്ച വീടിന്‍റെ മുകളിലേക്ക് മരം വീണ് ഭിത്തിയും മേൽക്കൂരയും തകർന്നു. ചിറക്കടവ് അമ്പലം ഭാഗത്ത് മരം വീണ് വൈദ്യുതി ലൈൻ പൊട്ടി. തെക്കേത്തുകവല മേഖലയിൽ മരങ്ങൾ വീണ് നാശമുണ്ട്.

പഴയ ആശുപത്രി കോമ്പൗണ്ട് ഇനി ഓപ്പണ്‍ ജിംനേഷ്യം

പൈക: പൈക സാമൂഹികാരോഗ്യ കേന്ദ്രത്തിന്‍റെ പഴയ ആശുപത്രി കോമ്പൗണ്ട് ഇനി ഓപ്പണ്‍ ജിംനേഷ്യമാകും. പാമ്പാടി ബ്ലോക്ക് പഞ്ചായത്തിലെ ചെങ്ങളം ഡിവിഷനു കീഴിലാണ് പദ്ധതി നടപ്പിലാക്കിയത്. ബ്ലോക്ക് പഞ്ചായത്തില്‍നിന്ന് 4,12,000 രൂപയാണ് അനുവദിച്ചത്. വ്യായാമത്തിന് ആവശ്യമായ വിവിധയിനം ഉപകരണങ്ങളും സാമഗ്രികളും ഇവിടെ സ്ഥാപിച്ചു. പ്രായഭേദമെന്യേ ആളുകള്‍ക്ക് ഇവിടെ വ്യായാമത്തിന് സൗകര്യമുണ്ട്. പദ്ധതിയുടെ ഉദ്ഘാടനം ജോസ് കെ. മാണി എംപി നിര്‍വഹിച്ചു. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി മണിയങ്ങാട്ട് അധ്യക്ഷത വഹിച്ചു.എലിക്കുളം പഞ്ചായത്ത് പ്രസിഡന്‍റ് ജിമ്മിച്ചന്‍ ഈറ്റത്തോട്ട്, ഖാദി ബോര്‍ഡംഗം സാജന്‍ തൊടുക, പഞ്ചായത്തംഗങ്ങള്‍ തുടങ്ങിയവര്‍ പ്രസംഗിച്ചു.

പള്ളിക്കത്തോട്ടിലും മണിമലയിലും വികസനസദസ് ഇന്ന്

പള്ളിക്കത്തോട്: പള്ളിക്കത്തോട് പഞ്ചായത്തിലെ വികസനസദസ് രാവിലെ 10.30ന് പഞ്ചായത്ത് കമ്യൂണിറ്റി ഹാളിൽ ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്യും. പഞ്ചായത്ത് പ്രസിഡന്‍റ് മഞ്ജു ബിജു അധ്യക്ഷത വഹിക്കും. പാമ്പാടി ബ്ലോക്ക് പഞ്ചായത്ത് പ്രസിഡന്‍റ് ബെറ്റി റോയി മുഖ്യപ്രഭാഷണം നിർവഹിക്കും. ആസൂത്രണസമിതി ഉപാധ്യക്ഷൻ അഡ്വ. ബി. അശോക് ഗ്രാമപഞ്ചായത്ത് പ്രോഗ്രസ് റിപ്പോർട്ട് പ്രകാശനം ചെയ്യും. പഞ്ചായത്ത് സെക്രട്ടറി മായ എം. നായർ പഞ്ചായത്തുതല വികസന പ്രവർത്തനങ്ങളുടെയും പാമ്പാടി പഞ്ചായത്ത് അക്കൗണ്ടന്‍റ് റാം മോഹൻ സംസ്ഥാന സർക്കാരിന്‍റെ വികസന പ്രവർത്തനങ്ങളുടെയും അവതരണം നടത്തും. തുടർന്ന് ഭാവിവികസനത്തെപ്പറ്റി തുറന്ന ചർച്ചയും സംഘടിപ്പിക്കും. പഞ്ചായത്ത് വൈസ് പ്രസിഡന്‍റ് കെ.കെ. വിപിനചന്ദ്രൻ, ജില്ലാ പഞ്ചായത്ത് മെംബർ ടി.എൻ. ഗിരീഷ്കുമാർ, ബ്ലോക്ക്-ഗ്രാമ പഞ്ചായത്ത് മെംബർമാർ എന്നിവർ പ്രസംഗിക്കും. മണിമല: മണിമല പഞ്ചായത്തിലെ വികസനസദസ് ഇന്നു രാവിലെ 10ന് കരിമ്പനക്കുളം എസ്എച്ച് പാരിഷ് ഹാളിൽ ചീഫ് വിപ്പ് ഡോ. എൻ. ജയരാജ് ഉദ്ഘാടനം ചെയ്യും. പഞ്ചായത്ത് പ്രസിഡന്‍റ് സിറിൽ തോമസ് അധ്യക്ഷത വഹിക്കും. കാഞ്ഞിരപ്പള്ളി ബ്ലോക്ക് പഞ്ചായത്ത് പ്രസിഡന്‍റ് അജിത രതീഷ് മുഖ്യപ്രഭാഷണവും ഗ്രാമപഞ്ചായത്ത് പ്രോഗ്രസ് റിപ്പോർട്ടിന്‍റെ പ്രകാശനവും നിർവഹിക്കും. സംസ്ഥാന സർക്കാരിന്‍റെ വികസന പ്രവർത്തനങ്ങൾ കാഞ്ഞിരപ്പള്ളി ബ്ലോക്ക് പഞ്ചായത്ത് സെക്രട്ടറി എസ്. സജീഷും ഗ്രാമപഞ്ചായത്തിന്‍റെ വികസന നേട്ടങ്ങൾ പഞ്ചായത്ത് സെക്രട്ടറി എം.എ. ജസിയ ബീവിയും അവതരിപ്പിക്കും. പഞ്ചായത്ത് വൈസ് പ്രസിഡന്‍റ് റോസമ്മ ജോൺ, ബ്ലോക്ക് പഞ്ചായത്ത് മെംബർ ജയശ്രീ ഗോപിദാസ്, ഗ്രാമപഞ്ചായത്ത് മെംബർമാരായ ജയിംസ് പി. സൈമൺ, പി.എസ്. ജമീല, മോളി മൈക്കിൾ, ജില്ലാ പഞ്ചായത്ത് അംഗങ്ങളായ ജെസി ഷാജൻ, ശുഭേഷ് സുധാകരൻ, ബ്ലോക്ക്-ഗ്രാമപഞ്ചായത്തംഗങ്ങൾ തുടങ്ങിയവർ പ്രസംഗിക്കും.

സഹകരണ മേഖലയെ തകർക്കുന്ന കേന്ദ്രനീക്കം ചെറുക്കണം

പൊൻകുന്നം: കേരളത്തിലെ സഹകരണ മേഖലയെ തകർക്കുന്ന കേന്ദ്രനീക്കം ചെറുക്കണമെന്ന്‌ കേരള കോ -ഓപ്പറേറ്റീവ് എംപ്ലോയീസ് യൂണിയൻ (സിഐടിയു) ജില്ലാ സമ്മേളനം പ്രമേയത്തിലൂടെ ആവശ്യപ്പെട്ടു. സിഐടിയു ജില്ലാ സെക്രട്ടറി കെ. അനിൽ കുമാർ സമ്മേളനം ഉദ്‌ഘാടനം ചെയ്തു. കെസിഇയു ജില്ലാ പ്രസിഡന്‍റ് പി.കെ. സുജിത്‌ കുമാർ അധ്യക്ഷത വഹിച്ചു. പൊൻകുന്നം ലീലാമഹൽ ഓഡിറ്റോറിയത്തിൽ നടന്ന സമ്മേളനത്തിനു തുടക്കംകുറിച്ച് ജില്ലാ പ്രസിഡന്‍റ് പതാക ഉയർത്തി. തുടർന്ന്‌ രക്തസാക്ഷി മണ്ഡപത്തിൽ പുഷ്‌പാർച്ചന നടന്നു. കെസിഇയു ജില്ലാ ജോയിന്‍റ് സെക്രട്ടറി എം.ആർ. രശ്‌മി, ജില്ലാ വൈസ്‌ പ്രസിഡന്‍റ് പി.എസ്‌. ജയകൃഷ്‌ണൻ, ജില്ലാ സെക്രട്ടറി കെ. പ്രശാന്ത്‌, ട്രഷറർ ടി.എൻ. ഗിരീഷ്‌ കുമാർ, സംസ്ഥാന പ്രസിഡന്‍റ് പി.എം. വാഹിദ, ചിറക്കടവ് പഞ്ചായത്ത്‌ പ്രസിഡന്‍റ് സി.ആർ. ശ്രീകുമാർ, സ്വാഗതസംഘം ചെയർമാൻ ഗിരീഷ്‌ എസ്‌. നായർ, കൺവീനർ എ.ജെ. ഗിരീഷ്‌ കുമാർ എന്നിവർ പ്രസംഗിച്ചു. ജില്ലാ ഭാരവാഹികളായി പി.കെ. സുജിത്‌ കുമാർ-പ്രസിഡന്‍റ്, ടി.എൻ. ഗിരീഷ്‌ കുമാർ-സെക്രട്ടറി, ശ്രീരേഖ എസ്‌. നായർ-ട്രഷറർ, പി.എസ്‌. ജയകുമാർ, പി.ജി. പ്രമോദ്‌ കുമാർ, ഗോപകുമാർ, കെ.എം. സുഭാഷ്‌, എം.ആർ. രശ്‌മി, സി.എസ്‌. വിനോദ്‌ കുമാർ, ജയമോൾ-വൈസ്‌ പ്രസിഡന്‍റുമാർ, പി.എസ്‌. ജയകൃഷ്‌ണൻ, ടി.ആർ. രവിചന്ദ്രൻ, കെ.എസ്‌. അമൃത്‌ ലാൽ, ആർ. രതീഷ്‌, എ.ജെ. ഗിരീഷ്‌ കുമാർ, ബിജു ആന്‍റണി, സോജ സുകുമാരൻ-ജോയിന്‍റ് സെക്രട്ടറിമാർ എന്നിവരെ തെരഞ്ഞെടുത്തു. 45 അംഗ ജില്ലാ കമ്മിറ്റിയെയും 21 അംഗ സംസ്ഥാന സമ്മേളന പ്രതിനിധികളെയും തെരഞ്ഞെടുത്തു.

മെഗാ എഡ്യു കാര്‍ണിവൽ സംഘടിപ്പിച്ചു

റാന്നി: പെരുവന്താനം സെന്‍റ് ആന്‍റണീസ് കോളജിന്‍റെ നേതൃത്വത്തിൽ മെഗാ എഡ്യു കാര്‍ണിവൽ സംഘടിപ്പിച്ചു. മുൻ എംഎൽഎ രാജു ഏബ്രഹാം ഉദ്ഘാടനം നിർവഹിച്ചു. സിനി ആർട്ടിസ്റ്റ് ഡയാന ഹമീദ്, പ്രജ്ഞാനാനന്ദ തീർഥപാദസ്വാമികൾ, റാന്നി പഴവങ്ങാടി പഞ്ചായത്ത് പ്രസിഡന്‍റ് റൂബി കോശി, മഹാത്മാഗാന്ധി യൂണിവേഴ്സിറ്റി സിൻഡിക്കേറ്റ് മെംബർ പി.ബി. സതീഷ് കുമാർ, ആനക്കല്ല് സെന്‍റ് ആന്‍റണീസ് പബ്ലിക് സ്കൂള്‍ പ്രിന്‍സിപ്പല്‍ ഫാ. ആന്‍റണി തോക്കനാട്ട്, ഓക്‌സിജൻ ഗ്രൂപ്പ് ഫൗണ്ടർ സിഇഒ ഷിജോ കെ. തോമസ്, അജയ് ഹാച്ചറീസ് സിഇഒ പി.വി. ജയന്‍ തുടങ്ങിയവർ പ്രസംഗിച്ചു. മെഗാ എഡ്യു കാര്‍ണിവലിൽ സെന്‍റ് ആന്‍റണീസ് കോളജിലെ എഐ, റോബോട്ടിക്സ്, ഫാഷൻ ഡിസൈനിംഗ്, ഹോട്ടൽ മാനേജ്മെന്‍റ്, സൈക്കോളജി, സിഎംഎ, എസിസിഎ സൈബർ സെക്യൂരിറ്റി വിഭാഗങ്ങളിലെ വിദ്യാർഥികൾ വിവിധ പരിപാടികൾ അവതരിപ്പിച്ചു. സമ്മേളനത്തിൽ പത്താം ക്ലാസിൽ എല്ലാ വിഷയങ്ങൾക്കും എ പ്ലസ് നേടിയ 361 വിദ്യാർഥികളെയും ഹയർ സെക്കൻഡറിയിലെ 712 വിദ്യാർഥികളെയും മെമന്‍റോ നൽകി ആദരിച്ചു. റവ. ഡോ. നിരപ്പേൽ ബിസിനസ് ഐക്കൺ ഓഫ് ദി ഇയർ അവാര്‍ഡ്‌ ഓക്സിജന്‍ സിഇഒ ഷിജോ കെ. തോമസിനും റവ. ഡോ. നിരപ്പേൽ എഡ്യൂക്കേഷണൽ ഐക്കൺ ഓഫ് ദി ഇയർ അവാര്‍ഡ്‌ ആനക്കല്ല് സെന്‍റ് ആന്‍റണീസ് പബ്ലിക് സ്കൂള്‍ പ്രിന്‍സിപ്പല്‍ ഫാ. ആന്‍റണി തോക്കനാട്ടിനും സമ്മാനിച്ചു. സ്പാഗോ ഇന്‍റർനാഷണൽ സിഇഒ ബെന്നി തോമസ് നേതൃത്വം നല്‍കിയ മോട്ടിവേഷണൽ ക്ലാസും ഡോ. ആന്‍റണി ജോസഫ്‌ കല്ലമ്പള്ളി നേതൃത്വം നൽകിയ കരിയർ ഗൈഡൻസ് ക്ലാസും നടന്നു.

തൃക്കൊടിത്താനം ഗവ. സ്‌കൂളില്‍ മള്‍ട്ടി പര്‍പ്പസ് ഹാള്‍ തുറന്നു

തൃക്കൊടിത്താനം: ഗവൺമെന്‍റ് ഹയര്‍ സെക്കന്‍ഡറി ഹൈടെക്ക് സ്‌കൂളില്‍ ജില്ലാ പഞ്ചായത്ത് ഡിവിഷന്‍ മെംബര്‍ മഞ്ജു സുജിത്തിന്‍റെ പ്രാദേശിക വികസന ഫണ്ട് ഒരു കോടി രൂപ ഉപയോഗിച്ച് നടപ്പിലാക്കിയ വിവിധ പദ്ധതികളുടെയും ജില്ലാ പഞ്ചായത്തിന്‍റെ നേതൃത്വത്തിൽ 1.40 കോടി മുടക്കി ജില്ലയിലെ വിവിധ സ്‌കൂളുകളില്‍ ആരംഭിച്ച സയന്‍സ് ലാബുകളുടെയും ഉദ്ഘാടനം തൃക്കൊടിത്താനം ഗവൺമെന്‍റ് ഹയര്‍ സെക്കന്‍ഡറി സ്‌കൂളില്‍ മന്ത്രി വി. ശിവന്‍കുട്ടി നിര്‍വഹിച്ചു. ജോബ് മൈക്കിള്‍ എംഎല്‍എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗര്‍ മുഖ്യപ്രഭാഷണം നടത്തി. വിദ്യഭ്യാസ ഉപഡയറക്ടര്‍ ഹണി ജി. അലക്‌സാണ്ടര്‍ പദ്ധതി വിശദീകരണം നടത്തി. ജില്ലാ പഞ്ചായത്തംഗം മഞ്ജു സുജിത്, മാടപ്പള്ളി ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു, തൃക്കൊടിത്താനം പഞ്ചായത്ത് പ്രസിഡന്‍റ് മോളി ജോസഫ്, ബ്ലോക്ക് പഞ്ചായത്ത് വൈസ് പ്രസിഡന്‍റ് സുനിതാ സുരേഷ്, സ്‌കൂള്‍ പിടിഎ പ്രസിഡന്‍റ് ബിനോയി ജോസഫ്, ബ്ലോക്ക് പഞ്ചായത്തംഗം ടി. രഞ്ജിത്ത്, സ്‌കൂള്‍ പൂര്‍വ വിദ്യാര്‍ഥി സംഘടനാ പ്രസിഡന്‍റ് വി.കെ. സുനില്‍ കുമാര്‍, ജില്ലാ വിദ്യാഭ്യാസ ഓഫീസര്‍ എം.ആര്‍. സുനിമോള്‍, ഉപജില്ലാ വിദ്യാഭ്യാസ ഓഫീസര്‍ കെ.എ. സുനിത എന്നിവര്‍ പ്രസംഗിച്ചു.

വിദ്യാര്‍ഥിനികളുടെ റോഡ് സുരക്ഷാ ബോധവത്കരണം പുതുമയായി

ചങ്ങനാശേരി: സെന്‍റ് ജോസഫ്‌സ് ഗേള്‍സ് ഹയര്‍ സെക്കന്‍ഡറി സ്‌കൂളിലെ ഗൈഡ്്സ് യൂണിറ്റിന്‍റെ ആഭിമുഖ്യത്തില്‍ ചങ്ങനാശേരി സെന്‍ട്രല്‍ ജംഗ്ഷനില്‍ റോഡ് സുരക്ഷാ ബോധവത്കരണ പരിപാടി നടത്തി. അപകടങ്ങളും മരണങ്ങളും ഒഴിവാക്കാന്‍ റോഡ് നിയമങ്ങളും ട്രാഫിക് നിയമങ്ങളും പാലിക്കണമെന്ന പ്ലക്കാര്‍ഡുകള്‍ പിടിച്ചാണ് വിദ്യാര്‍ഥിനികള്‍ അണിനിരന്നത്. പരിപാടികളുടെ ഉദ്ഘാടനം സെന്‍ട്രല്‍ ജംഗ്ഷനില്‍ പോലീസ് സബ് ഇന്‍സ്പെക്ടര്‍ രഞ്ജിത്ത് നിര്‍വഹിച്ചു. ട്രാഫിക് നിയമങ്ങള്‍ അടങ്ങിയ ലഘുലേഖകള്‍ വിതരണം ചെയ്തു. ട്രാഫിക് എഎസ്ഐമാരായ അനില്‍കുമാര്‍, സുരേഷ്, സ്‌കൂള്‍ പ്രിന്‍സിപ്പല്‍ സിസ്റ്റര്‍ ലില്ലി തെരേസ്, ഗൈഡ്സ് ക്യാപ്റ്റന്‍ ജിജി തോമസ്, ബിജു ബെനഡിക്ട് എന്നിവര്‍ നേതൃത്വം നല്‍കി.

ഷാഫി പറമ്പിലിനെ ആക്രമിച്ച സംഭവം: എംസി റോഡ് ഉപരോധിച്ച് കോണ്‍ഗ്രസ്

ചങ്ങനാശേരി: പേരാമ്പ്രയില്‍ കെപിസിസി വര്‍ക്കിംഗ് പ്രസിഡന്‍റ് ഷാഫി പറമ്പില്‍ എംപിയെ ആക്രമിച്ച സംഭവത്തില്‍ കോണ്‍ഗ്രസ് ചങ്ങനാശേരിയില്‍ പ്രതിഷേധം സംഘടിപ്പിച്ചു. പെരുന്ന ബസ്‌സ്റ്റാന്‍ഡില്‍നിന്നുമാരംഭിച്ച പ്രകടനം നഗരംചുറ്റി കെഎസ്ആര്‍ടിസി ബസ് സ്റ്റാന്‍ഡിനു സമീപം സമാപിച്ചു. തുടര്‍ന്ന് നേതാക്കളും പ്രവര്‍ത്തകരും അരമണിക്കൂറോളം എംസി റോഡ് ഉപരോധിച്ചു. റോഡ് ഉപരോധത്തിനിടെ പ്രവര്‍ത്തകര്‍ക്കിടയിലേക്ക് കെഎസ്ആര്‍ടിസി ബസ് ഇടിച്ചുകയറ്റാൻ ശ്രമിച്ചുവെന്നാരോപിച്ച് കോണ്‍ഗ്രസ് പ്രവര്‍ത്തകരും പോലീസും തമ്മില്‍ വാക്കേറ്റവും ഉന്തുംതള്ളുമുണ്ടായി. തുടര്‍ന്ന് പ്രവര്‍ത്തകരെ പോലീസ് അറസ്റ്റ് ചെയ്ത് നീക്കി. യൂത്ത് കോണ്‍ഗ്രസ് ജില്ലാ സെക്രട്ടറി സോബിച്ചന്‍ കണ്ണമ്പള്ളി, മഹിളാ കോണ്‍ഗ്രസ് ജില്ലാ പ്രസിഡന്‍റ് ബെറ്റി ടോജോ, നേതാക്കളായ എം.എ. സജാദ്, നിതീഷ് കോച്ചേരി, മനോജ് വര്‍ഗീസ്, ജൂബിന്‍ ജോണ്‍സണ്‍ എന്നിവരെ പോലീസ് അറസ്റ്റ് ചെയ്തു. ഇതേത്തുടർന്ന് ഡിസിസി നിര്‍വാഹക സമിതിയംഗം ആന്‍റണി കുന്നുംപുറത്തിന്‍റെ നേതൃത്വത്തില്‍ കോണ്‍ഗ്രസ് പ്രവര്‍ത്തകര്‍ പോലീസ് സ്റ്റേഷനിലേക്കു മാര്‍ച്ച് നടത്തുകയും ഡിവൈഎസ്പി കെ.പി. ടോംസണുമായി നടത്തിയ ചര്‍ച്ചയ്‌ക്കൊടുവില്‍ അറസ്റ്റ് ചെയ്തവരെ വിട്ടയയ്ക്കുകയും ചെയ്തു. വെസ്റ്റ് ബ്ലോക്ക് പ്രസിഡന്‍റ് ബാബു കോയിപ്പുറം അധ്യക്ഷത വഹിച്ചു. കെപിസിസി ജനറല്‍ സെക്രട്ടറി ജോസി സെബാസ്റ്റ്യന്‍ ഉദ്ഘാടനം ചെയ്തു. യൂത്ത് കോണ്‍ഗ്രസ് പ്രതിഷേധ സംഗമം ഇന്ന് പായിപ്പാട്: കെപിസിസി വര്‍ക്കിംഗ് പ്രസിഡന്‍റ് ഷാഫി പറമ്പില്‍ എംപിക്കും കോണ്‍ഗ്രസ് നേതാക്കന്മാര്‍ക്കും നേരേയുണ്ടായ പോലീസ് അതിക്രമത്തില്‍ പ്രതിഷേധിച്ച് യൂത്ത് കോണ്‍ഗ്രസ് പായിപ്പാട് മണ്ഡലം കമ്മിറ്റിയുടെ നേതൃത്വത്തില്‍ ഇന്ന് രാവിലെ 10ന് നാലുകോടി കവലയില്‍ പ്രതിഷേധ സംഗമം സംഘടിപ്പിക്കും. യൂത്ത് കോണ്‍ഗ്രസ് നിയോജകമണ്ഡലം പ്രസിഡന്‍റ് ഡെന്നീസ് ജോസഫ് ഉദ്ഘാടനം ചെയ്യും. മണ്ഡലം പ്രസിഡന്‍റ് ബിബിന്‍ തോമസ് അധ്യക്ഷത വഹിക്കും.

ജപമാല മഹാറാലി: കെഎസ്ആർടിസി യാത്രാസൗകര്യം

പൊൻകുന്നം: ആലപ്പുഴ കലവൂർ കൃപാസനത്തിൽനിന്ന് തുടങ്ങുന്ന ഒരുലക്ഷം പേരുടെ മഹാറാലിയിൽ പങ്കെടുക്കാൻ കെഎസ്ആർടിസി പൊൻകുന്നം യൂണിറ്റിൽനിന്ന് യാത്രാസൗകര്യം ഒരുക്കും. 25നു രാവിലെ ഏഴിനു മുന്പ് കൃപാസനത്തിൽ എത്തുംവിധം ബസുകൾ പുറപ്പെടും. കൃപാസനത്തിൽനിന്ന് പുറപ്പെടുന്ന ജപമാല മഹാറാലി ഉച്ചയ്ക്ക് 12ന് അർത്തുങ്കൽ ബസിലിക്കയിൽ എത്തും. മടക്കയാത്ര അർത്തുങ്കൽ പള്ളിയിൽനിന്നാണ്. പൊൻകുന്നത്തുനിന്ന് 430 രൂപയും മുണ്ടക്കയത്തുനിന്ന് 480 രൂപയുമാണ് നിരക്ക്. ബജറ്റ് ടൂറിസം സെൽ ഒരുക്കുന്ന യാത്രയിൽ പങ്കെടുക്കാൻ 9497888032 (പൊൻകുന്നം), 9447572927 (മുണ്ടക്കയം) എന്നീ ഫോൺ നമ്പരുകളിൽ ബന്ധപ്പെടണം.

കാറും ബുള്ളറ്റും കൂട്ടിയിടിച്ച് വൈദികനു പരിക്ക്

മണിമല: കാറും ബുള്ളറ്റ് ബൈക്കും കൂട്ടിയിടിച്ച് വൈദികനു പരിക്ക്. ബുള്ളറ്റിൽ യാത്ര ചെയ്തിരുന്ന മണിമല സെന്‍റ് ബേസിൽ ഇടവക വികാരി ഫാ. മാത്യു പുളിച്ചുമാക്കലിനെ പരിക്കുകളോടെ സ്വകാര്യ ആശുപത്രിയിൽ പ്രവേശിപ്പിച്ചു. ഇന്നലെ രാവിലെ 11.45 ഓടെ പുനലൂർ - മൂവാറ്റുപുഴ സംസ്ഥാനപാതയിൽ മണിമല പഞ്ചായത്ത് ഓഫീസിനു സമീപമായിരുന്നു അപകടം. ഇടിയുടെ ആഘാതത്തിൽ ബുള്ളറ്റിൽനിന്നു തെറിച്ചു കാറിന്‍റെ മുൻവശത്തേക്കു വീണ വൈദികന്‍റെ കാലിന് ഒടിവും കൈയ്ക്ക് പൊട്ടലും സംഭവിച്ചു. ഹെൽമറ്റ് ധരിച്ചിരുന്നതിനാൽ തലയ്ക്കേറ്റ പരിക്കു ഗുരുതരമല്ലെന്ന് ആശുപത്രി അധികൃതർ അറിയിച്ചു. സംഭവസ്ഥലത്തുണ്ടായിരുന്നവരാണ് വൈദികനെ ആശുപത്രിയിലെത്തിച്ചത്. അപകടത്തിൽപ്പെട്ട കാർ കൊല്ലം ആയൂരിൽ നിന്നുള്ളതായിരുന്നു. കാറിൽ യുവാവും ഭാര്യയും രണ്ടു കുട്ടികളും ഉണ്ടായിരുന്നുവെങ്കിലും ഇവർക്കു കാര്യമായ പരിക്കുകളില്ല.

മാടപ്പള്ളി ഗവ. എല്‍പി സ്‌കൂള്‍ പുതിയ കെട്ടിടം ഉദ്ഘാടനം ചെയ്തു

മാടപ്പള്ളി: ഗവൺമെന്‍റ് എല്‍പി സ്‌കൂളിനായി നിര്‍മിച്ച പുതിയ സ്‌കൂള്‍ കെട്ടിടം വിദ്യാഭ്യാസ മന്ത്രി വി. ശിവന്‍കുട്ടി നാടിനു സമര്‍പ്പിച്ചു. ജോബ് മൈക്കിള്‍ എംഎല്‍എ അധ്യക്ഷത വഹിച്ചു. മാടപ്പള്ളി ബ്ലോക്ക് പഞ്ചായത്ത് പ്രസിഡന്‍റ് എന്‍. രാജു, ജില്ലാ പഞ്ചായത്തംഗം മഞ്ജു സുജിത്ത്, പഞ്ചായത്ത് പ്രസിഡന്‍റ് മണിയമ്മ രാജപ്പന്‍, ബ്ലോക്ക് മെംബര്‍ ബിന്ദു ജോസഫ്, പഞ്ചായത്ത് വൈസ് പ്രസിഡന്‍റ് തങ്കമ്മ ശശിധരമേനോന്‍, പഞ്ചായത്തംഗങ്ങളായ പി.എ. ബിന്‍സണ്‍, ബാബു പാറയില്‍, വി.വി. വിനയകുമാര്‍, പിഡബ്ല്യുഡി എക്‌സിക്യൂട്ടീവ് എന്‍ജിനിയര്‍ ആര്‍. ദീപ, ജില്ലാ ഡയറ്റ് പ്രിന്‍സിപ്പല്‍ ജയ്‌സണ്‍ കെ. മാത്യു, ജില്ലാ പ്രോജക്ട് കോ-ഓര്‍ഡിനേറ്റര്‍ ബിനു ഏബ്രഹാം എന്നിവര്‍ പ്രസംഗിച്ചു.

ചങ്ങനാശേരി-കണ്ണൂര്‍ റൂട്ടില്‍ പ്രീമിയം സൂപ്പര്‍ ഫാസ്റ്റ് തുടങ്ങി

ചങ്ങനാശേരി: ചങ്ങനാശേരി-കണ്ണൂര്‍ റൂട്ടില്‍ പ്രീമിയം സൂപ്പര്‍ ഫാസ്റ്റ് സര്‍വീസുകളും തെങ്ങണ വഴി ഏറ്റുമാനൂരിന് പുതിയ സര്‍വീസും ആരംഭിച്ചു. കണ്ണൂര്‍ റൂട്ടില്‍ സര്‍വീസ് നടത്തിയിരുന്ന പഴക്കം ചെന്ന സൂപ്പര്‍ ഫാസ്റ്റ് ബസ് മാറ്റിയാണ് പുതിയ പ്രീമിയം സര്‍വീസ് ആരംഭിച്ചത്. തെങ്ങണ, പുതുപ്പള്ളി, മണര്‍കാട്, തിരുവഞ്ചൂര്‍, പേരൂര്‍ വഴിയാണ് ഏറ്റുമാനൂരിന് പുതിയ ഓർഡിനറി ബസ് സര്‍വീസ് തുടങ്ങിയത്. രാവിലെ എട്ടിന് ചങ്ങനാശേരിയില്‍നിന്നു പുറപ്പെടുന്ന ബസ് 9.15ന് ഏറ്റുമാനൂരെത്തും. അവിടെനിന്നും 9.30ന് ചങ്ങനാശേരിക്കു പുറപ്പെടുന്ന ബസ് 10.45ന് ചങ്ങനാശേരിയില്‍ എത്തും. വൈകുന്നേരം നാലിന് ചങ്ങനാശേരിയില്‍നിന്നു പുറപ്പെടുന്ന ബസ് 5.15ന് ഏറ്റുമാനൂരെത്തും. 5.30ന് തിരികെ ചങ്ങനാശേരിക്കു പുറപ്പെടും. ഈ റൂട്ടില്‍ മറ്റൊരു ഓര്‍ഡിനറി ബസു കൂടി സര്‍വീസ് നടത്തുന്നുണ്ട്. കണ്ണൂര്‍, ഏറ്റുമാനൂര്‍ ബസ് സര്‍വീസുകള്‍ ജോബ് മൈക്കിള്‍ എംഎല്‍എ ഫ്‌ളാഗ് ഓഫ് ചെയ്തു. നഗരസഭാ ചെയര്‍പേഴ്‌സണ്‍ കൃഷ്ണകുമാരി രാജശേഖരന്‍ അധ്യക്ഷത വഹിച്ചു. വാര്‍ഡ് കൗണ്‍സിലര്‍ ബീന ജോബി, എടിഒ അഭിലാഷ്, ജോയിച്ചന്‍ പീലിയാനിക്കല്‍, സാജു മഞ്ചേരിക്കളം എന്നിവര്‍ പ്രസംഗിച്ചു.

കിടങ്ങൂര്‍ ഡിവിഷനിലെ എല്ലാ അങ്കണവാടികളിലും സ്മാര്‍ട്ട് ടിവി

പാലാ: ജില്ലാ പഞ്ചായത്ത് കിടങ്ങൂര്‍ ഡിവിഷന്‍റെ പരിധിയിലുള്ള കിടങ്ങൂര്‍, മുത്തോലി, കൊഴുവനാല്‍, അകലക്കുന്നം, എലിക്കുളം, മീനച്ചില്‍ പഞ്ചായത്തുകളിലെ 58 പഞ്ചായത്തു വാര്‍ഡുകളിലായി ആകെയുള്ള 74 അങ്കണവാടികളില്‍ ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍ അനുവദിച്ച 10 ലക്ഷം രൂപ ഉപയോഗിച്ച് സ്മാര്‍ട്ട് ടി.വി. സ്ഥാപിച്ചു. 32 ഇഞ്ചിന്‍റെ എല്‍ഇഡി സ്മാര്‍ട്ട് ടിവിയാണ് എല്ലാ അങ്കണവാടികള്‍ക്കും നല്കിയത്. ളാലം ബ്ലോക്കിലെ കൊഴുവനാല്‍ പഞ്ചായത്തിലെ 16 അങ്കണവാടികളില്‍ സ്ഥാപിച്ച സ്മാര്‍ട്ട് ടി.വി.യുടെ സ്വിച്ച് ഓണ്‍ കര്‍മം 14ന് രാവിലെ 9.30ന് കൊഴുവനാല്‍ അങ്കണവാടിയിലും മുത്തോലി പഞ്ചായത്തിലെ 17 അങ്കണവാടികളില്‍ സ്ഥാപിച്ചിരിക്കുന്ന സ്മാര്‍ട്ട് ടിവിസ്വിച്ച് ഓണ്‍ കര്‍മം അന്നു രാവിലെ 11ന് കടപ്പാട്ടൂര്‍ അങ്കണവാടിയിലും മീനച്ചില്‍ പഞ്ചായത്തിലെ നാല് അങ്കണവാടികളില്‍ സ്ഥാപിച്ച സ്മാര്‍ട്ട് ടി.വി.യുടെ സിച്ച് ഓണ്‍കര്‍മം അന്നുച്ചയ്ക്ക് 12.15 ന് പൂവരണി പള്ളി അങ്കണവാടിയിലും നടത്തും. കിടങ്ങൂര്‍ പഞ്ചായത്തിലെ സ്മാര്‍ട്ട് ടിവിയുടെ സ്വിച്ച് ഓണ്‍ കര്‍മം അന്നുച്ചകഴിഞ്ഞ് 1.30ന് കുമ്മണ്ണൂര്‍ അങ്കണവാടിയില്‍ നടക്കും. അകലകുന്നം പഞ്ചായത്തിലെ സ്മാര്‍ട്ട് ടിവികളുടെ സ്വിച്ച് ഓണ്‍ കർമം 2.30ന് മുണ്ടന്‍കുന്ന് അങ്കണവാടിയിലും എലിക്കുളം പഞ്ചായത്തിലെ സ്മാര്‍ട്ട് ടിവികളുടെ സ്വിച്ച് ഓണ്‍ കര്‍മം ഉച്ചകഴിഞ്ഞ് 3.30ന് ഉരുളികുന്നം അങ്കണവാടിയിലും നടത്തും. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗറും ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കലും ഉദ്ഘാടനങ്ങൾ നിര്‍വഹിക്കും. വിവിധ പഞ്ചായത്തുകളിലെ യോഗങ്ങളില്‍ പഞ്ചായത്ത് പ്രസിഡന്‍റുമാരായ അഡ്വ.ഇ.എം. ബിനു, രഞ്ജിത്ത് ജി. മീനാഭവന്‍, ലീലാമ്മ ബിജു, ജിമ്മിച്ചന്‍ ഈറ്റത്തോട്ട്, സിന്ധു അനില്‍കുമാര്‍, സോജന്‍ തൊടുകയില്‍ എന്നിവര്‍ അധ്യക്ഷത വഹിക്കും.

പാലാ ഡിപ്പോയ്ക്ക് പുതിയ നാലു ബസുകള്‍

പാലാ: ട്രാന്‍സ്‌പോര്‍ട്ട് കോര്‍പറേഷന്‍ പുതുതായി വാങ്ങിയ നൂറു ബസുകളില്‍ നാലെണ്ണം പാലാ ഡിപ്പോയ്ക്കു ലഭിച്ചു. ടൂറിസ്റ്റ് കേന്ദ്രങ്ങളായ ഇലവീഴാപൂഞ്ചിറ, ഇല്ലിക്കല്‍കല്ല് എന്നിവിടങ്ങളിലേക്ക് ചെറിയ ബസുകള്‍ സര്‍വീസ് ആരംഭിക്കുന്നതിനും വകുപ്പുമന്ത്രിയുമായുള്ള കൂടിക്കാഴ്ചയില്‍ ധാരണയിലെത്തിയതായി മാണി സി. കാപ്പന്‍ എംഎല്‍എ അറിയിച്ചു. ഇന്നലെ കുടിയേറ്റ പ്രദേശമായ പാണത്തൂര്‍ക്ക് കെഎസ്ആര്‍ടിസി ബസ് ഓടിത്തുടങ്ങി. രാത്രി 11.30നാണ് പാലായില്‍നിന്നു സര്‍വീസ്. മധ്യകേരളത്തിലെ പ്രധാന ചികിത്സാകേന്ദ്രമായ ചേര്‍പ്പുങ്കല്‍ മെഡിസിറ്റിയിലേക്ക് ഹൈറേഞ്ച് ഭാഗത്തുനിന്നു വരുന്ന ആളുകള്‍ക്ക് പ്രയോജനപ്പെടുന്ന രീതിയില്‍ നാളെമുതല്‍ കട്ടപ്പന ഡിപ്പോയില്‍നിന്നും മൂലമറ്റം ഡിപ്പോയില്‍നിന്നും ബസുകള്‍ സര്‍വീസ് നീട്ടുന്നതിനും തീരുമാനമായിട്ടുണ്ട്. നാളെ രാവിലെ പത്തിന് മെഡിസിറ്റി ആശുപത്രി അധികൃതരുടെ സാന്നിധ്യത്തില്‍ ബസിന് സ്വീകരണം നല്‍കും.

കണ്ടെയ്നര്‍ ലോറി തകരാറിലായി; ഗതാഗതം തടസപ്പെട്ടു

കുറുപ്പന്തറ: ടൈലുമായെത്തിയ കണ്ടെയ്നര്‍ ലോറി നടുറോ ഡിൽ തകരാറിലായി. ഗതാഗതം തടസപ്പെട്ടു. ഇന്നലെ രാവിലെ 8.30ന് ഏറ്റുമാനൂര്‍-എറണാകുളം റോഡില്‍ മാഞ്ഞൂര്‍ ജംഗ്ഷനു സമീപമാണ് സംഭവം. എറണാകുളത്തുനിന്ന് ടൈലുമായെത്തിയ ലോറി മാഞ്ഞൂരിലെ സ്ഥാപനത്തിലേക്ക് കയറുന്നതിനിടെ നിയന്ത്രണംവിട്ട് പിന്നോട്ടുരുണ്ട് റോഡിനു കുറുകെ കിടന്നു. ഇതേത്തുടര്‍ന്ന് ഇരുവശത്തും ബസുകളടക്കമുള്ള വാഹനങ്ങള്‍ കടന്നുപോകാനാകാത്ത അവസ്ഥയായി. പിന്നീട് രണ്ട് ജെസിബി കൊണ്ടുവന്ന് കണ്ടെയ്നര്‍ ലോറി റോഡിരികിലേക്ക് തള്ളി മാറ്റിയശേഷം 10.30 ഓടെ ഗതാഗതം പുനഃസ്ഥാപിച്ചു. കടുത്തുരുത്തി പോലീസും നാട്ടുകാരും ചേര്‍ന്ന് കുറുപ്പന്തറ വഴിയും കോതനല്ലൂര്‍ വഴിയും വാഹനങ്ങള്‍ വഴിതിരിച്ചുവിട്ടാണ് ഗതാഗതക്കുരുക്കിന് പരിഹാരം കണ്ടത്.

കല്ലറയിൽ കാണാനേറെയുണ്ട്; അധികൃതർ കണ്ണുതുറന്നാൽ മതി

കടുത്തുരുത്തി: കല്ലറയിലെ ഗ്രാമീണജീവിതത്തിനും കാഴ്ചകള്‍ക്കും അനന്തമായ ടൂറിസം സാധ്യതകളുണ്ടായിട്ടും പ്രയോജനപ്പെടുത്തുന്നില്ലെന്ന് ആക്ഷേപം. മനോഹരമായ കാഴ്ചകള്‍ക്കും യാത്രകള്‍ക്കും പറ്റിയ നാടന്‍ ഗ്രാമമാണ് കല്ലറ പഞ്ചായത്ത്. ഉൾനാടൻ ടൂറിസത്തിനു വലിയ സാധ്യതയുള്ള പ്രദേശം. എന്നാൽ, ഇതിനു യോജിച്ച പദ്ധതികൾ തയാറാക്കാനോ പ്രയോജനപ്പെടുത്താനോ അധികൃതരോ സര്‍ക്കാര്‍ സംവിധാനങ്ങളോ ഇനിയും തയാറായിട്ടില്ല. കല്ലറയിൽ കാണാൻ തോടുകളും പുഴകളാലും അനുഗൃഹീതമാണ് കല്ലറ. കുമരകത്തേക്കും വേമ്പാനാട്ട് കായലിലേക്കും സമീപ പഞ്ചായത്തുകളിലേക്കും ജലമാർഗം സഞ്ചരിക്കാന്‍ കഴിയുന്ന പ്രദേശം. ഈ യാത്രയിലും മനോഹരദൃശ്യങ്ങളുണ്ട്. പാരമ്പര്യ കലാരൂപങ്ങളായ കളരിപ്പയറ്റ്, കഥകളി, ഭരതനാട്യം, മോഹിനിയാട്ടം എന്നിവ പഠിപ്പിക്കുന്ന കേന്ദ്രങ്ങള്‍, യോഗ സെന്‍ററുകള്‍, ആധുനിക നിലവാരത്തിലുള്ള മള്‍ട്ടിപ്ലക്സ് സിനിമാ തീയറ്റര്‍ എന്നിവയെല്ലാം ഇവിടെയുണ്ട്. മികച്ച ഭക്ഷണം ലഭ്യമാകുന്ന ഹോട്ടലുകളും നിരവധി. നാടൻ വിനോദങ്ങൾ 13 വാര്‍ഡുകളുള്ള പഞ്ചായത്തിലെ ഏറ്റവും മനോഹരമായ സ്ഥലമാണ് ഒന്ന്, രണ്ട് വാര്‍ഡുകളില്‍പ്പെടുന്ന മുണ്ടാര്‍. സര്‍പ്പക്കാവുകള്‍, ഓല മെടച്ചില്‍, തഴപ്പാ നെയ്ത്ത്, കയര്‍ പിരിക്കല്‍, കുട്ട നിര്‍മാണം, കളിമണ്‍പാത്ര നിര്‍മാണം, കള്ളുചെത്ത്, താറാവ്, മീന്‍ കൃഷി, നെല്‍പാടങ്ങള്‍, ആമ്പല്‍ വസന്തം, നാടന്‍ മത്സ്യബന്ധനം, ആലകള്‍ തുടങ്ങി എല്ലാവിധ തൊഴിലുകളും ചെയ്യുന്നവരുടെ നാട്. സ്ത്രീകളും പുരുഷന്മാര്‍ക്കൊപ്പംതന്നെ ജോലി ചെയ്തു വരുമാനം കണ്ടെത്തുന്നു. ദേശാടന പക്ഷികളെയടക്കം ഇവിടെ കാണാനാകും. കല്ലറ സെന്‍റ് തോമസ് പള്ളി (പഴയപള്ളി), കല്ലറ ശാരദാ ക്ഷേത്രം തുടങ്ങി പേരുകേട്ട ആരാധനാലയങ്ങളും ഇവിടെയുണ്ട്. കാര്‍ഷികരംഗം കൃഷിയാണ് പ്രധാന ഉപജീവന മാര്‍ഗം. 4,500 ഏക്കര്‍ പാടശേഖരത്തില്‍ വിരിപ്പ്, പുഞ്ച കൃഷികള്‍ ചെയ്യുന്ന സ്ഥലം. വിവിധയിനങ്ങളില്‍പെട്ടതും വ്യത്യസ്തവുമായ കൃഷിരീതികളാണ് ഇവിടുള്ളത്. ഫാം ടൂറിസത്തിന് ഏറ്റവും അനുയോജ്യമായ സ്ഥലം. ജലടൂറിസം ചെറുതോടുകളും പുഴകളും ജലസമൃദ്ധം. സ്വകാര്യ സംരഭകരുടെ ബോട്ടുകളും വള്ളങ്ങളുമാണ് ഗ്രാമീണ ഭംഗി ആസ്വദിക്കാന്‍ വരുന്നവര്‍ക്കായി നിലവില്‍ ആശ്രയം. കല്ലറയിലെ എഴുമാംകായലിലൂടെയും കെവി കനാലിലൂടെയും തോടുകളിലൂടെയും പ്രതിവര്‍ഷം വിദേശ ടൂറിസ്റ്റുകളടക്കം 30,000ൽ അധികം പേര്‍ ബോട്ടിലും തോണിയിലുമായി സവാരി നടത്തുന്നുണ്ടെന്നാണ് ടൂറിസം രംഗത്തെ സംരഭകര്‍ പറയുന്നത്. തോടുകളെല്ലാം പുല്ലും പായലും വളര്‍ന്നു നീരൊഴുക്ക് നിലച്ചു കിടക്കുന്നത് ഇതിനു ഭീഷണിയാണ്. പഞ്ചായത്തോ ഇറിഗേഷന്‍ വകുപ്പോ ഇടപെട്ട് തോടുകള്‍ ശുചീകരിക്കണം. ചെയ്യാവുന്നത് കല്ലറ-വെച്ചൂര്‍ റോഡിലുള്ള വഴിയോര വിശ്രമകേന്ദ്രം മാത്രമാണ് നിലവില്‍ പൊതുജനങ്ങള്‍ക്കു വന്നിരിക്കാന്‍ പറ്റിയ സ്ഥലമുള്ളത്. ടൂറിസം വകുപ്പ്, ഉത്തരവാദിത്ത ടൂറിസം മിഷൻ എന്നിവയുമായി ചേര്‍ന്നു പഞ്ചായത്ത് സമഗ്ര ടൂറിസം പാക്കേജ് നടപ്പാക്കിയാല്‍ വലിയ മാറ്റമുണ്ടാകും. മുണ്ടാറിലടക്കം റോഡ് മെച്ചപ്പെടുത്തണം. പ്രവാസികള്‍ കൂടുതലുള്ള പഞ്ചായത്തായതിനാല്‍ വെറുതെ കിടക്കുന്ന വീടുകള്‍ ഹോം സ്റ്റേകളാക്കാന്‍ പഞ്ചായത്ത് ഇടപെട്ടു ശ്രമിച്ചാല്‍ ടൂറിസത്തിൽ കുതിപ്പുണ്ടാകും.

ഹൈക്കോടതി വിധി സ്വാഗതം ചെയ്തു

കടുത്തുരുത്തി: മുനമ്പം ഭൂമി വഖഫ് അല്ലെന്നുള്ള ഹൈക്കോടതി ഡിവിഷന്‍ ബഞ്ച് വിധിയെ കടുത്തുരുത്തി സെന്‍റ് മേരീസ് ഫൊറോനാ താഴത്തുപള്ളി പിതൃവേദി യൂണിറ്റ് സ്വാഗതം ചെയ്തു. . യുണിറ്റ് പ്രസിഡന്‍റ് മനോജ് ജോസഫിന്‍റെ അധ്യക്ഷതയില്‍ ചേര്‍ന്ന യോഗം ഡയറക്ടര്‍ ഫാ.മാത്യു ചന്ദ്രന്‍കുന്നേല്‍ ഉദ്ഘാടനം ചെയ്തു. യൂണിറ്റ് ഭാരവാഹികളായി മനോജ് ജോസഫ്-പ്രസിഡന്‍റ്, ടോമി നിലപ്പന-സെക്രട്ടറി, റോയി മൂന്നുപടിക്കല്‍-വൈസ് പ്രസിഡന്‍റ്, റെജി നാലുപറമ്പില്‍-ജോയിന്‍റ് സെക്രട്ടറി, ടോമി നിരപ്പേല്‍-ട്രഷര്‍ എന്നിവരെ തെരെഞ്ഞെടുത്തു.

വീടിനു തീപിടിച്ചു

വൈക്കം: വീടിനു തീപിടിച്ചതിനെത്തുടർന്ന് ഒരു മുറി കത്തിനശിച്ചു. കോവിലകത്തുംകടവ് മാർക്കറ്റിനു സമീപത്തു താമസിക്കുന്ന കല്ലറയ്ക്കൽ അനിരുദ്ധന്‍റെ വീടിനാണ് ഇന്നലെ വൈകുന്നേരം ആറോടെ തീപിടിച്ചത്. വീട്ടിൽ ആരുമില്ലാതിരുന്നതിനാൽ ആളപായമുണ്ടായില്ല. അനിരുദ്ധനും മകനും ക്ഷേത്രത്തിൽ പോയ സമയം വീട്ടിലെ ഇലക്‌ട്രിക് ഉപകരണത്തിൽനിന്നു തീ പടരുകയായിരുന്നെന്നാണ് കരുതുന്നത്. നാട്ടുകാർ തീ അണയ്ക്കാൻ നോക്കിയിട്ട് കഴിയാതെ വന്നതോടെ ഫയർഫോഴ്സിൽ വിവരം അറിയിച്ചു. ഫയർഫോഴ്സ് എത്തിയാണ് തീയണച്ചത്. ഇരുനില വീട്ടിലെ മുകളിലത്തെ ഒരു മുറി പൂർണമായി കത്തിനശിച്ചു. ഭാര്യ വിദേശത്തായതിനാൽ അനിരുദ്ധനും മകനും മാത്രമാണ് വീട്ടിൽ താമസം.

അല്‍ഫോന്‍സാ തീര്‍ഥാടനം

ഭരണങ്ങാനം: അല്‍ഫോന്‍സാ ഷ്‌റൈനില്‍ വിശുദ്ധ അല്‍ഫോന്‍സാമ്മയുടെ വിശുദ്ധപദവി പ്രഖ്യാപനത്തിന്‍റെ 17-ാം വാര്‍ഷികാഘോഷത്തിന്‍റെ ഭാഗമായി ഇന്ന് കൃതജ്ഞതാദിനവും അല്‍ഫോന്‍സാ തീര്‍ഥാടനവും നടക്കും. ഇന്നു രാവിലെ 11.30ന് കോതമംഗലം രൂപതാധ്യക്ഷന്‍ മാര്‍ ജോര്‍ജ് മഠത്തിക്കണ്ടത്തില്‍ വിശുദ്ധ കുര്‍ബാന അര്‍പ്പിച്ചു സന്ദേശം നല്‍കും. പാലാ രൂപത മിഷന്‍ ലീഗിന്‍റെ നേതൃത്വത്തില്‍ രൂപതയിലെ വിശ്വാസപരിശീലനം 10, 11, 12 ക്ലാസുകളിലെ കുട്ടികള്‍ ഇന്ന് അല്‍ഫോന്‍സാ തീര്‍ഥാടനം നടത്തും. പാലാ ഭാഗത്തുനിന്നു വരുന്നവര്‍ മേരിഗിരി ആശുപത്രി യുടെ സമീപത്തും അരുവിത്തുറ ഭാഗത്തുനിന്നു വരുന്നവര്‍ വട്ടോളിക്കടവ് ഭാഗത്തും സമ്മേളിച്ച് റാലിയില്‍ പങ്കെടുക്കും. ആദ്യ ബാച്ച് രാവിലെ പത്തിന് അല്‍ഫോന്‍സാമ്മയുടെ കബറിടത്തിങ്കലെത്തും. തുടര്‍ന്ന് ഇടവക ദേവാലയത്തില്‍ വിശുദ്ധ കുര്‍ബാന. രണ്ടാമത്തെ ബാച്ച് 11.45നും മൂന്നാമത്തെ ബാച്ച് ഉച്ചകഴിഞ്ഞ് 1.30നും നാലാമത്തെ ബാച്ച് ഉച്ചകഴിത്ത് രണ്ടിനും കബറിടത്തിങ്കല്‍ എത്തിച്ചേരും.

കയാക്കിംഗ് ആൻഡ് കനോയിംഗ് ചാന്പ്യൻഷിപ്പ്: കുമരകം സ്വദേശിക്ക് നാലു മെഡലുകൾ

കുമരകം: ആലപ്പുഴ പുന്നമട സായിയിൽ നടക്കുന്ന ദേശീയ കയാക്കിംഗ് ആൻഡ് കനോയിംഗ് ചാമ്പ്യൻഷിപ്പിൽ കുമരകം സ്വദേശിക്ക് നാലു മെഡലുകൾ. കുമരകം സ്വദേശി അപ്പു രാജേഷാണ് വിവിധ വിഭാഗങ്ങളിലായി ഒരു സ്വർണവും മൂന്ന് വെള്ളിയുമുൾപ്പെടെ നാലു മെഡലുകൾ കരസ്ഥമാക്കിയത്. കുമരകം മണലേൽപ്പറമ്പിൽ രാജേഷിന്‍റെയും മനിജയുടെയും മകനാണ് അപ്പു.

അമ്മയെ മകൻ ആക്രമിക്കുന്നത് തടയാൻ ശ്രമിച്ച എസ്ഐക്ക് മകന്‍റെ ആക്രമണത്തിൽ പരിക്ക്

തലയോലപ്പറമ്പ്: അമ്മ യെ ആക്രമിക്കാൻ ശ്രമിച്ച മകനെ തടഞ്ഞ പോലീസ് ഉദ്യോഗസ്ഥന് മകന്‍റെ ആക്രമണത്തിൽ പരിക്കേറ്റു.തലയോലപ്പറമ്പ് വടകര വലിയവീട്ടിൽ തങ്കമ്മ(80)യെ ആക്രമിക്കാൻ ശ്രമിച്ച മകൻ മുരുക(54)നെ തടയാൻ ശ്രമിച്ചതലയോലപ്പറമ്പ് സ്റ്റേഷനിലെ എസ്ഐ പി.പി.സുദർശനാണ് മുരുകന്‍റെ ചവിട്ടേറ്റ് വലതുകൈത്തണ്ടയ്ക്ക് പരിക്കേറ്റത്. തലയോലപ്പറമ്പ് പൊതിയിലെ സ്വകാര്യ ആശുപത്രിയിൽ പ്രവേശിപ്പിച്ച സുദർശന്‍റെ കൈയിലെ അസ്ഥിയ്ക്ക് പൊട്ടലുള്ളതായി എക്സറേയിൽ കണ്ടെത്തി.പരിക്ക് ഭേദമായില്ലെങ്കിൽ ശസ്ത്രക്രിയവേണ്ടിവരുമെന്ന് ആശുപത്രി അധികൃതർ പറഞ്ഞു. വെള്ളിയാഴ്ച വൈകുന്നേരം 4.30ന് മകൻ മുരുകൻ ക്രൂരമായി മർദിക്കുന്നെന്ന് തങ്കമ്മ പോലീസ് കൺട്രോൾ റൂമിൽ വിളിച്ചറിയിച്ചു. ഉടൻ എസ്ഐ പി.പി. സുദർശനൻ എഎസ് ഐ രാജേഷുമായി ബൈക്കിൽ വടകരയിൽ എത്തി. പോലീസിനെ കണ്ടതോടെ മുരുകൻ അസഭ്യം പറഞ്ഞ് എസ്ഐ സുദർശനന്‍റെ യൂണിഫോമിലെ വലതുവശത്തെ ഫ്ളാപ്പ് വലിച്ചുകീറി. എസ്ഐ മുരുകന്‍റെ കൈ തട്ടിമാറ്റുന്നതിനിടെ പ്രതി വലതുകാൽ ഉയർത്തി എസ്ഐ യെ ചവിട്ടിവീഴ്ത്തി. പിന്നീട് കൂടുതൽ പോലീസ് എത്തി പ്രതിയെ അറസ്റ്റ് ചെയ്യുകയായിരുന്നു.കോടതിയിൽ ഹാജരാക്കിയ മുരുകനെ റിമാൻഡ് ചെയ്തു.

കിടങ്ങൂര്‍ ഡിവിഷനിലെ എല്ലാ അങ്കണവാടികളിലും സ്മാര്‍ട്ട് ടിവി

പാലാ: ജില്ലാ പഞ്ചായത്ത് കിടങ്ങൂര്‍ ഡിവിഷന്‍റെ പരിധിയിലുള്ള കിടങ്ങൂര്‍, മുത്തോലി, കൊഴുവനാല്‍, അകലക്കുന്നം, എലിക്കുളം, മീനച്ചില്‍ പഞ്ചായത്തുകളിലെ 58 പഞ്ചായത്തു വാര്‍ഡുകളിലായി ആകെയുള്ള 74 അങ്കണവാടികളില്‍ ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍ അനുവദിച്ച 10 ലക്ഷം രൂപ ഉപയോഗിച്ച് സ്മാര്‍ട്ട് ടി.വി. സ്ഥാപിച്ചു. 32 ഇഞ്ചിന്‍റെ എല്‍ഇഡി സ്മാര്‍ട്ട് ടിവിയാണ് എല്ലാ അങ്കണവാടികള്‍ക്കും നല്കിയത്. ളാലം ബ്ലോക്കിലെ കൊഴുവനാല്‍ പഞ്ചായത്തിലെ 16 അങ്കണവാടികളില്‍ സ്ഥാപിച്ച സ്മാര്‍ട്ട് ടി.വി.യുടെ സ്വിച്ച് ഓണ്‍ കര്‍മം 14ന് രാവിലെ 9.30ന് കൊഴുവനാല്‍ അങ്കണവാടിയിലും മുത്തോലി പഞ്ചായത്തിലെ 17 അങ്കണവാടികളില്‍ സ്ഥാപിച്ചിരിക്കുന്ന സ്മാര്‍ട്ട് ടിവിസ്വിച്ച് ഓണ്‍ കര്‍മം അന്നു രാവിലെ 11ന് കടപ്പാട്ടൂര്‍ അങ്കണവാടിയിലും മീനച്ചില്‍ പഞ്ചായത്തിലെ നാല് അങ്കണവാടികളില്‍ സ്ഥാപിച്ച സ്മാര്‍ട്ട് ടി.വി.യുടെ സിച്ച് ഓണ്‍കര്‍മം അന്നുച്ചയ്ക്ക് 12.15 ന് പൂവരണി പള്ളി അങ്കണവാടിയിലും നടത്തും. കിടങ്ങൂര്‍ പഞ്ചായത്തിലെ സ്മാര്‍ട്ട് ടിവിയുടെ സ്വിച്ച് ഓണ്‍ കര്‍മം അന്നുച്ചകഴിഞ്ഞ് 1.30ന് കുമ്മണ്ണൂര്‍ അങ്കണവാടിയില്‍ നടക്കും. അകലക്കുന്നം പഞ്ചായത്തിലെ സ്മാര്‍ട്ട് ടിവികളുടെ സ്വിച്ച് ഓണ്‍ കർമം 2.30ന് മുണ്ടന്‍കുന്ന് അങ്കണവാടിയിലും എലിക്കുളം പഞ്ചായത്തിലെ സ്മാര്‍ട്ട് ടിവികളുടെ സ്വിച്ച് ഓണ്‍ കര്‍മം ഉച്ചകഴിഞ്ഞ് 3.30ന് ഉരുളികുന്നം അങ്കണവാടിയിലും നടത്തും. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗറും ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കലും ഉദ്ഘാടനങ്ങൾ നിര്‍വഹിക്കും. വിവിധ പഞ്ചായത്തുകളിലെ യോഗങ്ങളില്‍ പഞ്ചായത്ത് പ്രസിഡന്‍റുമാരായ അഡ്വ.ഇ.എം. ബിനു, രഞ്ജിത്ത് ജി. മീനാഭവന്‍, ലീലാമ്മ ബിജു, ജിമ്മിച്ചന്‍ ഈറ്റത്തോട്ട്, സിന്ധു അനില്‍കുമാര്‍, സോജന്‍ തൊടുകയില്‍ എന്നിവര്‍ അധ്യക്ഷത വഹിക്കും.

ചങ്ങനാശേരി-കണ്ണൂര്‍ റൂട്ടില്‍ പ്രീമിയം സൂപ്പര്‍ ഫാസ്റ്റ് സർവീസ്

തെങ്ങണവഴി ഏറ്റുമാനൂരിന് പുതിയ ബസ് ചങ്ങനാശേരി: ചങ്ങനാശേരി-കണ്ണൂര്‍ റൂട്ടില്‍ പ്രീമിയം സൂപ്പര്‍ ഫാസ്റ്റ് സര്‍വീസുകളും തെങ്ങണ വഴി ഏറ്റുമാനൂരിന് പുതിയ സര്‍വീസും ആരംഭിച്ചു. കണ്ണൂര്‍ റൂട്ടില്‍ സര്‍വീസ് നടത്തിയിരുന്ന പഴക്കം ചെന്ന സൂപ്പര്‍ ഫാസ്റ്റ് ബസ് മാറ്റിയാണ് പുതിയ പ്രീമിയം സര്‍വീസ് ആരംഭിച്ചത്. തെങ്ങണ, പുതുപ്പള്ളി, മണര്‍കാട്, തിരുവഞ്ചൂര്‍, പേരൂര്‍ വഴിയാണ് ഏറ്റുമാനൂരിന് പുതിയ ഓർഡിനറി ബസ് സര്‍വീസ് തുടങ്ങിയത്. രാവിലെ എട്ടിന് ചങ്ങനാശേരിയില്‍നിന്നു പുറപ്പെടുന്ന ബസ് 9.15ന് ഏറ്റുമാനൂരെത്തും. അവിടെനിന്നും 9.30ന് ചങ്ങനാശേരിക്കു പുറപ്പെടുന്ന ബസ് 10.45ന് ചങ്ങനാശേരിയില്‍ എത്തും. വൈകുന്നേരം നാലിന് ചങ്ങനാശേരിയില്‍നിന്നു പുറപ്പെടുന്ന ബസ് 5.15ന് ഏറ്റുമാനൂരെത്തും. 5.30ന് തിരികെ ചങ്ങനാശേരിക്കു പുറപ്പെടും. ഈ റൂട്ടില്‍ മറ്റൊരു ഓര്‍ഡിനറി ബസു കൂടി സര്‍വീസ് നടത്തുന്നുണ്ട്. കണ്ണൂര്‍, ഏറ്റുമാനൂര്‍ ബസ് സര്‍വീസുകള്‍ ജോബ് മൈക്കിള്‍ എംഎല്‍എ ഫ്‌ളാഗ് ഓഫ് ചെയ്തു. നഗരസഭാ ചെയര്‍പേഴ്‌സണ്‍ കൃഷ്ണകുമാരി രാജശേഖരന്‍ അധ്യക്ഷത വഹിച്ചു. വാര്‍ഡ് കൗണ്‍സിലര്‍ ബീന ജോബി, എടിഒ അഭിലാഷ്, ജോയിച്ചന്‍ പീലിയാനിക്കല്‍, സാജു മഞ്ചേരിക്കളം എന്നിവര്‍ പ്രസംഗിച്ചു.

പേരാമ്പ്ര അതിക്രമം: യൂത്ത് കോൺഗ്രസ് പ്രതിഷേധം

കോട്ടയം: ഷാഫി പറമ്പില്‍ എംപി, കോഴിക്കോട് ഡിസിസി അധ്യക്ഷന്‍ അടക്കമുള്ള നേതാക്കള്‍ക്കെതിരേ പേരാമ്പ്രയില്‍ ഉണ്ടായ അതിക്രമത്തില്‍ പ്രതിഷേധിച്ചു കോട്ടയം ടൗണില്‍ പ്രതിഷേധ പ്രകടനവും റോഡ് ഉപരോധവും നടത്തി. യൂത്ത് കോണ്‍ഗ്രസ് ജില്ലാ പ്രസിഡന്‍റ് ഗൗരീശങ്കര്‍, വിഷ്ണു ചെമ്മണ്ടവള്ളി, രാഷ്മോന്‍ ഒറ്റട്ടില്‍, ബബുലു എന്നിവരെ അറസ്റ്റ് ചെയ്തു. പ്രതിഷേധ യോഗത്തില്‍ യൂത്ത് കോണ്‍ഗ്രസ് ജില്ലാ പ്രസിഡന്‍റ് ഗൗരി ശങ്കര്‍ അധ്യക്ഷത വഹിച്ചു. പ്രതിഷേധ സമരം കെപിസിസി ജനറല്‍ സെക്രട്ടറി കുഞ്ഞ് ഇല്ലമ്പള്ളി ഉദ്ഘാടനം ചെയ്തു. കോണ്‍ഗ്രസ് നേതാക്കള്‍ ജോബിന്‍ ജേക്കബ്, കെ.കെ. ഷാജി, സിബി ജോണ്‍, ടോം കോര, കെ.എന്‍. നൈസാം, സെബാസ്റ്റ്യന്‍ ജോയ്, എം.കെ. ഷമീര്‍, യൂത്ത് കോണ്‍ഗ്രസ് സംസ്ഥാന ജനറല്‍ സെക്രട്ടറി ജോര്‍ജ് പയസ് എന്നിവര്‍ പ്രസംഗിച്ചു. പുതുപ്പള്ളിയിൽ പ്രതിഷേധം പുതുപ്പള്ളി: ഷാഫി പറമ്പിലിനെ മർദിച്ചതിൽ പുതുപ്പള്ളിയിൽ വൻ പ്രതിഷേധം. ബ്ലോക്ക്‌ കോൺഗ്രസ്‌ കമ്മിറ്റിയുടെ നേതൃത്വത്തിൽ ടൗൺ ചുറ്റി നടത്തിയ പ്രകടനത്തിനുശേഷം ബ്ലോക്ക്‌ പ്രസിഡന്‍റ് കെ.ബി. ഗിരീശന്‍റെ അധ്യക്ഷതയിൽ പുതുപ്പള്ളി കവലയിൽ ചേർന്ന യോഗം ഡിസിസി സെക്രട്ടറി സാബു പുതുപറമ്പിൽ ഉദ്ഘാടനം ചെയ്തു. ഡിസിസി സെക്രട്ടറി ജെജി പാലയ്ക്കലോടി, അഡ്വ. സിജു കെ. ഐസക്ക്, അനിയൻ മാത്യു, മാത്തച്ചൻ പാമ്പാടി, തോമസ് ചെറിയാൻ, ലത മോഹനൻ, സാം കെ. വർക്കി, ബീന കുന്നത്ത് എന്നിവർ പ്രസംഗിച്ചു.

ബേക്കർ സ്കൂളിൽ ഇന്ന് വനിതാരവം

കോട്ടയം: സിഎസ്‌ഐ മധ്യകേരള മഹായിടവക സ്ത്രീജനസഖ്യം നോര്‍ത്ത് സോണ്‍ വനിതാരവം ഇന്നു ബേക്കര്‍ സ്‌കൂള്‍ മൈതാനത്ത് നടക്കും. ഉച്ചകഴിഞ്ഞു രണ്ടിനു ചാണ്ടി ഉമ്മന്‍ എംഎല്‍എ ഉദ്ഘാടനം ചെയ്യും. സ്ത്രീജനസഖ്യം പ്രസിഡന്‍റ് ഡോ. ജെസി സാറാ കോശി അധ്യക്ഷത വഹിക്കും. ബിഷപ് ഡോ. മലയില്‍ സാബു കോശി ചെറിയാന്‍ അനുഗ്രഹപ്രഭാഷണം നടത്തും. വ്യത്യസ്ത രുചികളോടുകൂടിയ നാടന്‍ ഭക്ഷണ സാധനങ്ങളുടെ വിപണനവും കലാവിരുന്നും വനിതാരവത്തോടനുബന്ധിച്ച് നടക്കും. 1.30നു സിഎംഎസ് കോളജില്‍നിന്നു സ്ത്രീകളുടെ ബൈക്ക് റാലി ആരംഭിക്കും. റവ. അനൂപ് ജോര്‍ജ് ജോസഫ്, റവ. ചെറിയാന്‍ തോമസ്, റവ. ജേക്കബ് ജോണ്‍സണ്‍, റവ. നെല്‍സണ്‍ ചാക്കോ, ഡോ. സാലി ജേക്കബ്, ഗ്രേസ് നിഷാ നൈനാന്‍ എന്നിവര്‍ പ്രസംഗിക്കും.

സമുദായ ശക്തീകരണ വര്‍ഷത്തിന് ചങ്ങനാശേരി അതിരൂപതയില്‍ തുടക്കം

ചങ്ങനാശേരി: സീറോമലബാര്‍ സഭ പ്രഖ്യാപിച്ചിരിക്കുന്ന സമുദായ ശക്തീകരണ വര്‍ഷത്തിന്ചങ്ങനാശേരി അതിരൂപതയില്‍ തുടക്കമായി. ആര്‍ച്ച്ബിഷപ് മാര്‍ തോമസ് തറയില്‍ ഉദ്ഘാടനം ചെയ്തു. അല്മായര്‍ സഭയുടെയും പൊതുസമൂഹത്തിന്‍റെയും നേതൃത്വത്തിലേക്ക് കടന്നുവരണമെന്നും സഭ, സമുദായം, വിശ്വാസം എന്നിവയുടെ പ്രഘോഷകരായി സമുദായാംഗങ്ങള്‍ മാറണമെന്നും ആര്‍ച്ച്ബിഷപ് ഉദ്‌ബോധിപ്പിച്ചു. അതിരൂപതയുടെ 16-ാമത് പാസ്റ്ററല്‍ കൗണ്‍സിലിന്‍റെ പൊതുയോഗത്തിലാണ് സമുദായ ശക്തീകരണ വര്‍ഷത്തിന്‍റെ പ്രാരംഭഘട്ട പ്രവര്‍ത്തന പരിപാടികളുടെ അതിരൂപതാതല ഉദ്ഘാടനം നിര്‍വഹിച്ചത്. മുനമ്പം വിഷയത്തിലുള്ള ഹൈക്കോടതിയുടെ വിധി സന്തോഷകരവും സ്വാഗതാര്‍ഹവുമാണ്. സംസ്ഥാന സര്‍ക്കാര്‍ ഇതിനെ എങ്ങനെ ഏറ്റെടുക്കുന്നുവെന്നത് വളരെ പ്രധാനമാണ്. എയ്ഡഡ് മേഖലയിലെ അധ്യാപക നിയമനവുമായി ബന്ധപ്പെട്ട വിഷയങ്ങള്‍ എത്രയും പെട്ടെന്ന് പരിഹരിക്കണമെന്നും മാര്‍ തോമസ് തറയില്‍ കൂട്ടിച്ചേര്‍ത്തു. അതിരൂപത വികാരി ജനറാള്‍മാരായ മോണ്‍. ആന്‍റണി എത്തയ്ക്കാട്ട്, മോണ്‍. മാത്യു ചങ്ങങ്കരി, മോണ്‍. സ്‌കറിയ കന്യാകോണില്‍, പാസ്റ്ററല്‍ കൗണ്‍സില്‍ സെക്രട്ടറി ഡോ. രേഖ മാത്യൂസ്, ജോയിന്‍റ് സെക്രട്ടറി പ്രഫ. പി.വി. ജെറോം എന്നിവര്‍ പ്രസംഗിച്ചു. ഫാ. ജോസഫ് കൊല്ലാറ, ഡോ. കുരുവിള ജോസഫ്, ഫാ. ആന്‍റണി മൂലയില്‍ എന്നിവര്‍ വിവിധ വിഷയങ്ങളില്‍ ക്ലാസുകള്‍ നയിച്ചു. സിബിച്ചന്‍ ജോര്‍ജ്, ജോസഫ് കെ. നെല്ലുവേലി, ജിനോദ് ഏബ്രഹാം എന്നിവര്‍ വിവിധ വിഷയങ്ങളില്‍ പ്രമേയങ്ങള്‍ അവതരിപ്പിച്ചു. ജോബ് മൈക്കിള്‍ എംഎല്‍എ സന്നിഹിതനായിരുന്നു. പാസ്റ്ററല്‍ കൗണ്‍സില്‍ അംഗമായിരുന്ന പ്രിന്‍സ് ലൂക്കോസിനെ അഡ്വ. ലിതിന്‍ ജോസഫ് അനുസ്മരിച്ചു.

മെഡി. കോളജിൽ ബന്ധുക്കൾ എത്താതെ ആറു മൃതദേഹങ്ങൾ

നിരവധി കേസുകൾക്ക് തുന്പുണ്ടാക്കിയ പോസ്റ്റ്മോർട്ടം ടേബിൾ ഗാന്ധിനഗർ: കോട്ടയം മെഡിക്കൽ കോളജ് മോർച്ചയിൽ ബന്ധുക്കൾ എത്താതെ സൂക്ഷിച്ചിരിക്കുന്നത് ആറു മൃതദേഹങ്ങൾ. ഇതിൽ മൂന്നു മൃതദേഹം എറണാകുളം ജനറൽ ആശുപത്രിയിൽനിന്നു വന്ന രോഗികളുടേതാണ്. ഒരെണ്ണം പെരുമ്പാവൂർ പോലീസ് സ്റ്റേഷൻ പരിധിയിലുള്ള ആളുടേതും. 18 കാബിനുകൾ അടങ്ങിയതാണ് കോട്ടയം മെഡിക്കൽ കോളജിലെ മോർച്ചറി. കോട്ടയം, ഇടുക്കി, പത്തനംതിട്ട, എറണാകുളം തുടങ്ങി വിവിധ ജില്ലകളിലെ പല കേസുകൾക്കും തുമ്പുണ്ടാക്കിയത് മെഡിക്കൽ കോളജിലെ ഫോറൻസിക് വിഭാഗത്തിലെ ഡോക്ടർമാരുടെ മികവാണ്. ഫോറൻസിക് വിഭാഗത്തോടു ചേർന്നാണ് ആശുപത്രിയിലെ മോർച്ചറിയും പ്രവർത്തിക്കുന്നത്. മധ്യകേരളത്തിലെ വിവിധ ജില്ലകളിലെ പോലീസിനു തലവേദനയായ മരണങ്ങൾക്കു കാരണം കണ്ടെത്താൻ മിക്കപ്പോഴും തുണയാകുന്നതു കോട്ടയം മെഡിക്കൽ കോളജിൽ നടക്കുന്ന പോസ്റ്റ്മോർട്ടങ്ങളാണ്. എല്ലാ ദിവസവും രാവിലെ ഒമ്പതു മുതൽ നാലുവരെയാണ് പോസ്റ്റ്മോർട്ടം നടക്കുന്നത്. അടിയന്തര ഘട്ടത്തിൽ നാലിനു ശേഷവും പോസ്റ്റ്മോർട്ടം നടത്തും. അവധി ദിവസങ്ങളിൽ രാവിലെ 10 മുതൽ വൈകുന്നേരം നാലു വരെയും ഫോറൻസിക് വിഭാഗം പ്രവർത്തിക്കും. പോലീസിന്‍റെയോ എക്സിക്യൂട്ടിവ് മജിസ്ട്രേറ്റിന്‍റെയോ നിർദേശ പത്രം ലഭിക്കുന്ന മുറയ്ക്കെ പോസ്റ്റ് മോർട്ടം നടക്കൂ. എന്നാൽ, പോസ്റ്റ്‌മോർട്ടം നടപടികൾക്കു യാതൊരു ശിപാർശയും ആവശ്യമില്ലെന്ന് ഡോക്ടർമാർ പറയുന്നു. സൗജന്യമായാണ് പോസ്റ്റ്മോർട്ടം. മതപരമായ ചടങ്ങുകളൊന്നും മോർച്ചറി പരിസരത്ത് അനുവദിക്കില്ല. മൃതദേഹങ്ങൾ കൂടുതലാണെങ്കിൽ പോസ്റ്റ്മോർട്ടത്തിന്‍റെ എണ്ണം വർധിക്കും. പോസ്റ്റ്മോർട്ടം ഇല്ലാത്ത അപൂർവം ദിവസങ്ങളുമുണ്ട്.

ബിജെപി പ്രവർത്തകർക്കു നേരേ സിപിഎം ആക്രമണം; ഏറ്റുമാനൂരിൽ സംഘർഷം

ഏറ്റുമാനൂർ: ദേവസ്വംമന്ത്രി വി.എൻ. വാസവന്‍റെ ഓഫീസിലേക്ക് മാർച്ച് നടത്തി മടങ്ങിയ ബിജെപി പ്രവർത്തകർക്കു നേരേ സിപിഎം ആക്രമണം. എട്ടു ബിജെപി പ്രവർത്തകർക്കും പ്രായപൂർത്തിയാകാത്ത പെൺകുട്ടിക്കും പരിക്ക്. ഇതേത്തുടർന്ന് നഗരത്തിൽ സംഘർഷമുണ്ടായി. ബിജെപി പ്രവർത്തകർ അരമണിക്കൂറിലേറെ റോഡ് ഉപരോധിച്ചു. ബിജെപി പ്രാദേശിക നേതാക്കളായ സരുൺ അപ്പുക്കുട്ടൻ, പി.പി. വിജേഷ്, മുകേഷ്, പി.പി. ജോഷി, ടി.ആർ. രാജേഷ്, സനീഷ് ഗോപി, ആർ. രാജേഷ്, വാകത്താനം സ്വദേശിനി നികിത, നികിതയുടെ 12 വയസുകാരി മകൾ എന്നിവർക്കാണ് പരിക്കേറ്റത്. മാർച്ച് അവസാനിപ്പിച്ച് ബിജെപി പ്രവർത്തകർ പിരിഞ്ഞതിനു തൊട്ടു പിന്നാലെ സിപിഎം പ്രവർത്തകർ ഏരിയ കമ്മിറ്റി ഓഫീസിൽനിന്ന് ആരംഭിച്ച പ്രകടനമാണ് പ്രകോപനം സൃഷ്ടിച്ചത്. റോഡരികിൽ പോസ്റ്റുകളിൽ കെട്ടിയിരുന്ന ബിജെപിയുടെ കൊടികൾ റോഡിലേക്ക് പറിച്ചെറിഞ്ഞാണ് പ്രകടനം നീങ്ങിയത്. ജില്ലാ കമ്മിറ്റി അംഗം കെ.എൻ. വേണുഗോപാൽ, ഏരിയ സെക്രട്ടറി ബാബു ജോർജ് തുടങ്ങിയവരുടെ നേതൃത്വത്തിലായിരുന്നു പ്രകടനം. പ്രകടനം സെൻട്രൽ ജംഗ്ഷനിൽ പോലീസ് സ്റ്റേഷനു മുന്നിൽ എത്തിയപ്പൾ ഓട്ടോറിക്ഷ സ്റ്റാൻഡിൽ നിൽക്കുകയായിരുന്ന ബിജെപി പ്രവർത്തകരെ സിപിഎം പ്രവർത്തകർ പാഞ്ഞുചെന്ന് മർദിക്കുകയായിരുന്നു. 12 വയസുകാരി പെൺകുട്ടിയെ ഓട്ടോറിക്ഷക്ക് ഉള്ളിലേക്ക് ചവിട്ടി വീഴ്ത്തുകയും മർദിക്കുകയും ചെയ്തു. പാലാ റോഡിലൂടെ പേരൂർ കവലവരെ പോയ പ്രകടനം തിരിച്ചെത്തുമ്പോൾ മർദനമേറ്റവർ കടയിൽ നാരങ്ങാ വെള്ളം കുടിച്ചു നിൽക്കുകയായിരുന്നു. ഇവരെ സിപിഎം പ്രവർത്തകർ വീണ്ടും കൂട്ടമായെത്തി വീണ്ടും ആക്രമിച്ചു. മന്ത്രി വി.എൻ. വാസവന്‍റെ പേഴ്സണൽ സ്റ്റാഫ് അംഗങ്ങൾ ഉൾപ്പെടെയാണ് മർദിച്ചതെന്ന് ബിജെപി നേതാക്കൾ ആരോപിച്ചു. വിവരമറിഞ്ഞ് സെൻട്രൽ ജംഗ്ഷനിൽ തിരികെയെത്തിയ ബിജെപി പ്രവർത്തകർ വൻ പ്രതിഷേധമുയർത്തി. പ്രവർത്തകർ സെൻട്രൽ ജംഗ്ഷനിൽ റോഡ് ഉപരോധിച്ചതോടെ നഗരം പൂർണമായി സ്തംഭിച്ചു. കോട്ടയം ഡിവൈഎസ്പി വി.എസ്. അരുൺ സ്ഥലത്തെത്തി നേതാക്കളുമായി നടത്തിയ ചർച്ചയിൽ പ്രതികളായ സിപിഎം പ്രവർത്തകരെ അറസ്റ്റ് ചെയ്യാമെന്ന് ഉറപ്പു നൽകിയതോടെയാണ് ഒത്തുതീർപ്പിനു വഴങ്ങിയത്. കണ്ടാൽ അറിയാവുന്ന ആറ് സിപിഎം പ്രവർത്തകർക്കെതിരേയാണ് കേസെടുത്തത്. പ്രായപൂർത്തിയാകാത്ത പെൺകുട്ടിയെ മർദിച്ച സാഹചര്യത്തിൽ പോക്സോ നിയമപ്രകാരവും കേസെടുത്തിട്ടുണ്ട്. ബിജെപി സംസഥാന ജനറൽ സെക്രട്ടറി അനൂപ് ആന്‍റണി, വൈസ് പ്രസിഡന്‍റ് ഷോൺ ജോർജ്, സെക്രട്ടറി സി. കൃഷ്ണകുമാർ, ജില്ലാ പ്രസിഡന്‍റ് ലിജിൻ ലാൽ തുടങ്ങിയവരുടെ സമയോചിതമായ ഇടപെടലിലാണ് വൻ സംഘർഷം ഒഴിവായത്. എന്നാൽ പോലീസ് ഉറപ്പു നൽകിയതനുസരിച്ച് പ്രതികളെ അറസ്റ്റ് ചെയ്തില്ല. ഇതിൽ പ്രതിഷേധിച്ച് രാത്രിയിൽ ബിജെപി പ്രവർത്തകർ ടൗണിൽ പ്രകടനം നടത്തി. രാവിലെ നിലയുറപ്പിച്ച വൻ പോലീസ് സംഘം രാത്രിയും ഏറ്റുമാനൂരിൽ തുടരുകയാണ്. മാർച്ചിലെ വൻ പങ്കാളിത്തം: ഭീതിയിൽ സിപിഎം ആക്രമണമെന്ന് ലിജിൻ ലാൽ ഏറ്റുമാനൂർ: ദേവസ്വം മന്ത്രി വി.എൻ. വാസവന്‍റെ ഓഫീസിലേക്ക് ബിജെപി നടത്തിയ മാർച്ചിൽ അയ്യപ്പസംഗമത്തെക്കാൾ ജനപങ്കാളിത്തമുണ്ടായത് സിപിഎമ്മിനെ ഭീതിയിലാഴ്ത്തിയെന്നും ഇതിൽ വിറളിപൂണ്ടാണ് സിപിഎം ബിജെപി പ്രവർത്തകർക്കെതിരേ ആക്രമണം നടത്തിയതെന്നും ബിജെപി ജില്ലാ പ്രസിഡന്‍റ് ലിജിൻ ലാൽ. മാർച്ചിനു ശേഷം മടങ്ങിയ സ്ത്രീകൾ അടക്കമുള്ള ബിജെപി പ്രവർത്തകരെ സിപിഎം പ്രവർത്തകർ ലക്ഷ്യമിട്ട് ആക്രമിക്കുകയായിരുന്നു. ദേവസ്വം ക്ഷേത്രങ്ങളിലെ സ്വർണക്കൊള്ള ഉൾപ്പെടെയുള്ള അഴിമതികൾ പുറത്തുവരുമെന്ന ഭീതിയാണ് സിപിഎം ആക്രമണങ്ങൾക്കു പിന്നിലെന്നും ലിജിൻലാൽ പറഞ്ഞു.

ശബരിമലയിലെ സ്വർണത്തട്ടിപ്പ് : മന്ത്രി വി.എൻ. വാസവന്‍റെ ഓഫീസിലേക്ക് ബിജെപി മാർച്ച് നടത്തി

ഏറ്റുമാനൂർ: ശബരിമലയിലെ സ്വർണത്തട്ടിപ്പിൽ പ്രതിഷേധിച്ചും ദേവസ്വം മന്ത്രിയും ദേവസ്വം ബോർഡ് പ്രസിഡന്‍റും രാജിവയ്ക്കണമെന്ന് ആവശ്യപ്പെട്ടും ബിജെപി പ്രവർത്തകർ ദേവസ്വം മന്ത്രി വി.എൻ. വാസവന്‍റെ ഏറ്റുമാനൂരിലെ ഓഫീസിലേക്ക് മാർച്ച് നടത്തി. എംസി റോഡിൽ തവളക്കുഴി ജംഗ്ഷനു സമീപത്തുനിന്നാണ് മാർച്ച് ആരംഭിച്ചത്. നീണ്ടൂർ റോഡിൽ ക്രിസ്തുരാജ പള്ളിക്കു സമീപം ബാരിക്കേഡ് സ്ഥാപിച്ച് പോലീസ് മാർച്ച് തടഞ്ഞു. ബാരിക്കേഡ് മറികടന്ന് മുന്നോട്ടു പോകാൻ ശ്രമിച്ച പ്രവർത്തകർക്കു നേരേ പോലീസ് പലതവണ ജലപീരങ്കി പ്രയോഗിച്ചു. പ്രവർത്തകർ റോഡിൽ കുത്തിയിരുന്നു പ്രതിഷേധിച്ചു. തുടർന്നു നടത്തിയ പ്രതിഷേധ സമ്മേളനം ബിജെപി സംസ്ഥാന ജനറൽ സെക്രട്ടറി അനൂപ് ആന്‍റണി ഉദ്ഘാടനം ചെയ്തു. വിശ്വാസവഞ്ചന നടത്തി അയ്യപ്പഭക്തർ അടക്കമുള്ളവരെ വഞ്ചിച്ച ദേവസ്വം മന്ത്രിയും സർക്കാരും കാട്ടുകള്ളന്മാരാണെന്ന് അദ്ദേഹം പറഞ്ഞു. ശബരിമലയിലെ സ്വർണത്തട്ടിപ്പുമായി ബന്ധപ്പെട്ട് കേന്ദ്ര ഏജൻസി സമഗ്രമായ അന്വേഷണം നടത്തണമെന്ന് അനൂപ് ആന്‍റണി ആവശ്യപ്പെട്ടു. ബിജെപി ജില്ലാ പ്രസിഡന്‍റ് ലിജിൻ ലാൽ അധ്യക്ഷത വഹിച്ചു. ഏറ്റുമാനൂർ മഹാദേവക്ഷേത്രത്തിലെ ഏഴരപ്പൊന്നാന അടക്കമുള്ള അമൂല്യനിധികളുടെ കണക്കെടുപ്പ് നടത്തണമെന്നും വിശ്വാസികളെ കൊള്ളയടിക്കുന്ന സർക്കാരിന് അധികാരത്തിൽ തുടരാൻ അവകാശമില്ലെന്നും അദ്ദേഹം പറഞ്ഞു. ബിജെപി സംസ്ഥാന വൈസ് പ്രസിഡന്‍റ് സി. കൃഷ്ണകുമാർ, സെക്രട്ടറി അശോകൻ കുളനട, ഡോ. ശ്രീജിത്ത്, അശ്വന്ത് മാമലശേരി തുടങ്ങിയവർ പ്രസംഗിച്ചു. തുടർന്ന് പ്രവർത്തകർ സമരം അവസാനിപ്പിച്ച് മടങ്ങി. നീണ്ടൂർ റോഡിൽ കണ്ണാർമുകളിനു സമീപവും ബാരിക്കേഡ് സ്ഥാപിച്ച് ഗതാഗതം തടഞ്ഞിരുന്നു. പ്രവർത്തകർ പൂർണമായി പിരിഞ്ഞ ശേഷമാണ് നീണ്ടൂർ റോഡിൽ ഗതാഗതം പുനഃസ്ഥാപിച്ചത്. ബാരിക്കേഡ് മറികടന്ന് ബിജെപി പ്രവർത്തകർ എത്തിയാൽ പ്രതിരോധിക്കാൻ മന്ത്രിയുടെ ഓഫീസിനു സമീപവും തൊട്ടടുത്തുള്ള പാർട്ടി ഓഫീസിലും സിപിഎം, ഡിവൈഎഫ്ഐ പ്രവർത്തകർ ഒത്തുകൂടിയിരുന്നു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]