മ​ണി​മ​ല: മാ​ർ​ക്ക​റ്റി​ൽ പ്ലാ​സ്റ്റി​ക് മാ​ലി​ന്യം കൂ​ട്ടി​യി​ട്ടി​രി​ക്കു​ന്ന​തു​മൂ​ലം സ​മീ​പ​വാ​സി​ക​ൾ ദു​രി​ത​ത്തി​ൽ. താ​ത്കാ​ലി​ക സം​വി​ധാ​നം എ​ന്ന രീ​തി​യി​ലാ​ണ് മാ​ർ​ക്ക​റ്റി​ൽ പ്ലാ​സ്റ്റി​ക് നി​ക്ഷേ​പം ആ​രം​ഭി​ച്ച​ത്.
ര​ണ്ടു വ​ർ​ഷ​മാ​യി​ട്ടും പു​തി​യ സ്ഥ​ലം ക​ണ്ടെ​ത്തു​ന്ന​തി​നോ എം​സി​എ​ഫ് സ്ഥാ​പി​ക്കു​ന്ന​തി​നോ പ​ഞ്ചാ​യ​ത്ത് ഭ​ര​ണ​സ​മി​തി​ക്ക് സാ​ധി​ച്ചി​ട്ടി​ല്ല.

ജ​ന​ങ്ങ​ൾ തി​ങ്ങി​പ്പാ​ർ​ക്കു​ന്ന​തും ടൗ​ണി​നോ​ട് ചേ​ർ​ന്നു​കി​ട​ക്കു​ന്ന​തു​മാ​യ സ്ഥ​ല​ത്ത് മാ​ലി​ന്യം കൂ​ട്ടി​യി​ട്ടി​രി​ക്കു​ന്ന​തു മൂ​ലം ഇ​ഴ​ജ​ന്തു​ക്ക​ളു​ടെ ശ​ല്യം രൂ​ക്ഷ​മാ​ണ്. മ​ണി​മ​ല മാ​ർ​ക്ക​റ്റ് ജം​ഗ്ഷ​നോ​ട് ചേ​ർ​ന്നു​ള്ള മൂ​ല്യ​മു​ള്ള, വി​ക​സ​ന സാ​ധ്യ​ത​യു​ള്ള സ്ഥ​ലം പാ​ഴ്‌വസ്തു​ക്ക​ളു​ടെ സംഭരണ കേ​ന്ദ്ര​മാ​ക്കി മാ​റ്റു​ന്ന​തി​ൽ പ്ര​തി​ഷേ​ധം ശ​ക്ത​മാ​ണ്. പ്ലാ​സ്റ്റി​ക് ശേ​ഖ​ര​ണം ന​ട​ത്തു​ന്ന​തി​ന് പു​റ​മ്പോ​ക്ക് ഉ​പ​യോ​ഗി​ക്കു​ക​യോ സ്ഥ​ലം വാ​ങ്ങു​ക​യോ വാ​ട​ക​യ്ക്ക് സ്ഥ​ലം എ​ടു​ക്കു​ക​യോ ചെ​യ്യാ​ൻ സ​ർ​ക്കാ​ർ നി​ർ​ദേ​ശ​മു​ണ്ട്.

ജ​ന​ങ്ങ​ൾ​ക്ക് ബു​ദ്ധി​മു​ട്ടി​ല്ലാ​ത്ത മ​റ്റൊ​രു സ്ഥ​ല​ത്തേ​ക്ക് പ്ലാ​സ്റ്റി​ക് ശേ​ഖ​രം മാ​റ്റ​ണ​മെ​ന്ന് യു​ഡി​എ​ഫ് മ​ണി​മ​ല മ​ണ്ഡ​ലം ക​മ്മി​റ്റി ആ​വ​ശ്യ​പ്പെ​ട്ടു. ക​ഴി​ഞ്ഞ സാ​മ്പ​ത്തി​ക​വ​ർ​ഷം അ​നു​വ​ദി​ച്ച പ​ദ്ധ​തി വി​ഹി​ത​ത്തി​ൽ പ​കു​തി​യോ​ളം തു​ക ചെ​ല​വ​ഴി​ക്കാ​ത്ത പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ കെ​ടു​കാ​ര്യ​സ്ഥ​ത​യി​ലും യു​ഡി​എ​ഫ് പ്ര​തി​ഷേ​ധി​ച്ചു. വി​വി​ധ ആ​വ​ശ്യ​ങ്ങ​ൾ ഉ​ന്ന​യി​ച്ച് 21ന് ​രാ​വി​ലെ 10ന് ​യു​ഡി​എ​ഫ് മ​ണ്ഡ​ലം ക​മ്മി​റ്റി​യു​ടെ നേ​തൃ​ത്വ​ത്തി​ൽ പ​ഞ്ചാ​യ​ത്ത് ഓ​ഫീ​സ് പ​ടി​ക്ക​ൽ ധ​ർ​ണ ന​ട​ത്തും.