ജെസ്ന തിരോധാനം ; നേരറിയാൻ വീണ്ടും സിബിഐ
Friday, May 10, 2024 11:39 PM IST
കോ​ട്ട​യം: ജെ​സ്‌​ന മ​രി​യ തി​രോ​ധാ​ന​ത്തി​ല്‍ തു​ട​ര​ന്വേ​ഷ​ണ​ത്തി​ന് സി​ബി​ഐ വീ​ണ്ടും എ​ത്തു​ന്നു. എ​രു​മേ​ലി​ക്കും മു​ണ്ട​ക്ക​യ​ത്തി​നും ഇ​ട​യി​ലാ​യി​രി​ക്കും ടീം ​നി​ര്‍ണാ​യ​ക​മാ​യ സം​ശ​യ​ങ്ങ​ള്‍ നി​വാ​ര​ണം വ​രു​ത്തു​ക. ജെ​സ്‌​ന​യ്ക്ക് എ​ന്തു സം​ഭ​വി​ച്ചു എ​ന്ന​തി​ല്‍ വ്യ​ക്ത​മാ​യ ഉ​ത്ത​ര​മാ​ണ് സി​ബി​ഐ ക​ണ്ടെ​ത്തേ​ണ്ട​ത്.

കേ​ര​ളം ഏ​റെ ച​ര്‍ച്ച ചെ​യ്ത കേ​സി​ല്‍ പു​ന​ര​ന്വേ​ഷ​ണ​ത്തി​ന് തി​രു​വ​ന​ന്ത​പു​രം സി​ജെ​എം കോ​ട​തി നി​ര്‍ബ​ന്ധി​ത​മാ​വു​ക​യാ​യി​രു​ന്നു. ആ​ദ്യ അ​ന്വേ​ഷ​ണ​പ​രി​ധി​യി​ല്‍ വ​രാ​ത്ത ഒ​ട്ടേ​റെ വി​വ​ര​ങ്ങ​ള്‍ പി​താ​വ് ജ​യിം​സ് ജോ​സ​ഫ് ന​ല്‍കി​യ ഹ​ര്‍ജി​യി​ല്‍ വ്യ​ക്ത​മാ​ക്കി​യി​രി​ക്കു​ന്നു. സി​ബി​ഐ​യു​ടെ ആ​ദ്യ അ​ന്വേ​ഷ​ണ​ത്തി​ല്‍ വീ​ഴ്ച​​യു​ണ്ടാ​യെ​ന്നാ​ണ് കോ​ട​തി നി​രീ​ക്ഷി​ക്കു​ന്ന​ത്. ജെ​സ്‌​ന​യു​ടെ സ​ഹ​പാ​ഠി​യാ​യ ആ​ണ്‍സു​ഹൃ​ത്ത്, ഏ​താ​നും സ​ഹ​പാ​ഠി​ക​ള്‍, കാ​ഞ്ഞി​ര​പ്പ​ള്ളി​യി​ലെ ഒ​രു സ്വ​കാ​ര്യ ആ​ശു​പ​ത്രി​യി​ലെ ഡോ​ക്ട​ര്‍, പി​താ​വ് ജെ​യിം​സ്, അ​യ​ല്‍വാ​സി​ക​ള്‍ എ​ന്നി​വ​രി​ല്‍ മാ​ത്ര​മാ​യി അ​ന്വേ​ഷ​ണം ചു​രു​ങ്ങി. കാ​ണാ​താ​യ വേ​ള​യി​ല്‍ ജെ​സ്‌​ന​യു​ടെ മാ​ന​സി​ക ആ​രോ​ഗ്യ സാ​ഹ​ച​ര്യം, ഫോ​ണ്‍ സം​ഭാ​ഷ​ണ​ങ്ങ​ള്‍, മെ​സേ​ജു​ക​ള്‍, അ​വ​സാ​ന മാ​സ​ത്തെ യാ​ത്ര​ക​ള്‍, മു​ഴു​വ​ന്‍ സ​ഹ​പാ​ഠി​ക​ളെ​യും അ​ധ്യാ​പ​ക​രെ​യും ഉ​ള്‍പ്പെ​ടു​ത്തി​യ വി​വ​ര​ശേ​ഖ​ര​ണം തു​ട​ങ്ങി​യ​വ​യി​ല്‍ ജാ​ഗ്ര​ത പു​ല​ര്‍ത്തി​യി​ല്ല.

വീ​ട്ടു​കാ​രും സ​ഹ​പാ​ഠി​ക​ളും അ​റി​യാ​ത്ത ബ​ന്ധം, പ്രാ​ര്‍ഥ​നാ​സ​ഹാ​യ​ത്തി​നു ന​ട​ത്തി​യ യാ​ത്ര​ക​ള്‍, കോ​ള​ജി​ലേ​ക്ക് പോ​കാ​തെ പ്രാ​ര്‍ഥ​നാ കേ​ന്ദ്ര​ത്തി​ലേ​ക്ക് പോ​യ​ത്, മ​റ്റാ​രും അ​റി​യാ​ത്ത സൗ​ഹൃ​ദം, ചി​ല ഫോ​ട്ടോ​ക​ള്‍ തു​ട​ങ്ങി​യ വി​വ​ര​ങ്ങ​ളാ​ണ് കോ​ട​തി​ക്കു മു​ന്നി​ല്‍ സൂ​ച​ന​ക​ളാ​യി ന​ല്‍കി​യി​രി​ക്കു​ന്ന​ത്. ഇ​തി​ന് പി​ന്നാ​ലെ​യാ​ണ് ജ​യിം​സ് സ്വ​കാ​ര്യ​മാ​യി അ​ന്വേ​ഷ​ണം ന​ട​ത്തി തെ​ളി​വു​ക​ള്‍ ക​ണ്ടെ​ത്തി​യ​ത്.

മ​ക​ള്‍ക്ക് അ​ജ്ഞാ​ത സു​ഹൃ​ത്തു​ണ്ടെ​ന്നും തി​രോ​ധാ​ന​ത്തി​ന് ശേ​ഷം ര​ക്ത​ക്ക​റ പു​ര​ണ്ട ഒ​രു വ​സ്ത്രം ല​ഭി​ച്ചി​രു​ന്നു​വെ​ന്നും ജെ​സ്ന ഗ​ര്‍ഭി​ണി​യാ​യി​രു​ന്നു എ​ന്നും അ​വ​ള്‍ ജീ​വി​ച്ചി​രി​പ്പി​ല്ലെ​ന്നും അ​ഭി​ഭാ​ഷ​ക​ന്‍ സി​ജെ​എം കോ​ട​തി​യെ ധ​രി​പ്പി​ച്ചി​രു​ന്നു. അ​മ്മ​യി​ല്ലാ​ത്ത ഒ​രു മ​ക​ളെ കാ​ണാ​താ​യ പി​താ​വി​ന്‍റെ ദു​ഃഖ​വും ഈ ​കേ​സി​ല്‍ കാ​ല​ങ്ങ​ളാ​യു​ള്ള വേ​ട്ട​യാ​ട​ലു​ക​ളും കോ​ട​തി പ​രി​ഗ​ണ​ന​യ്‌​ക്കെ​ടു​ത്തു. കേ​സി​ന് വ​ഴി​ത്തി​രി​വു​ണ്ടാ​ക്കാ​ന്‍ പ്രാ​പ്ത​മാ​ണ് ജ​യിം​സ് ന​ല്‍കി​യ തെ​ളി​വു​ക​ളെ​ന്നും കോ​ട​തി നി​രീ​ക്ഷി​ക്കു​ന്നു. സി​ബി​ഐ സ​മ​ര്‍പ്പി​ച്ച ഒ​ന്നാം ഘ​ട്ട കേ​സ് ഡ​യ​റി​യും ജെ​സ്ന​യു​ടെ പി​താ​വ് മു​ദ്ര​വ​ച്ച ക​വ​റി​ല്‍ സ​മ​ര്‍പ്പി​ച്ച ആ​വ​ശ്യ​ങ്ങ​ളും തെ​ളി​വു​ക​ളും പ​രി​ശോ​ധി​ച്ചി​രു​ന്നു. 2018 മാ​ര്‍ച്ച് 22നാ​ണ് കാ​ഞ്ഞി​ര​പ്പ​ള്ളി സെ​ന്‍റ് ഡൊ​മി​നി​ക്‌​സ് കോ​ള​ജി​ലെ ര​ണ്ടം​വ​ര്‍ഷ ബി​കോം വി​ദ്യാ​ര്‍ഥി​നി ജെ​സ്‌​ന മ​രി​യ ജെ​യിം​സി​നെ കാ​ണാ​താ​യ​ത്. സി​ബി​ഐ​യു​ടെ തി​രു​വ​ന​ന്ത​പു​രം യൂ​ണി​റ്റാ​ണ് കേ​സ് അ​ന്വേ​ഷി​ക്കു​ന്ന​ത്.

ആ​ശ്വാ​സ​മു​ണ്ട്: ജെസ്നയുടെ
പി​താ​വ് ജയിം​സ് ജോ​സ​ഫ്

കോ​ട്ട​യം: മ​ക​ള്‍ക്ക് എ​ന്താ​ണ് സം​ഭ​വി​ച്ച​ത് എ​ന്ന​റി​യാ​ന്‍ സി​ജെ​എം കോ​ട​തി സി​ബി​ഐ​യോ​ട് തു​ട​ര​ന്വേ​ഷ​ണം ആ​വ​ശ്യ​പ്പെ​ട്ട​തി​ല്‍ ആ​ശ്വാ​സം തോ​ന്നു​ന്ന​താ​യി പി​താ​വ് ജ​യിം​സ് ജോ​സ​ഫ്.

നി​ര്‍ണാ​യ​ക​മാ​കാ​വു​ന്ന പ​ല വി​വ​ര​ങ്ങ​ളും പു​റ​ത്തു പ​റ​യാ​നു​ണ്ട്. അ​തെ​ല്ലാം സി​ബി​ഐ എ​സ്പി​യോ​ട് നേ​രി​ട്ട് വെ​ളി​പ്പെ​ടു​ത്തും. ഏ​റ്റ​വും ഉ​ന്ന​ത ഉ​ദ്യോ​ഗ​സ്ഥ​രോ​ടു മാ​ത്ര​മേ ര​ഹ​സ്യ​സ്വ​ഭാ​വ​മു​ള്ള അ​ക്കാ​ര്യ​ങ്ങ​ള്‍ തു​റ​ന്നു പ​റ​യാ​നാ​കൂ. അ​തി​ന് സാ​ഹ​ച​ര്യ​മു​ണ്ടാ​കു​മെ​ന്ന് ക​രു​തു​ന്നു. കൂ​ടു​ത​ല്‍ പു​റ​ത്തു പ​റ​ഞ്ഞാ​ല്‍ അ​ത് അ​ന്വേ​ഷ​ണ​ത്തെ ബാ​ധി​ക്കും. കോ​ട​തി​യി​ല്‍നി​ന്ന് നീ​തി ല​ഭി​ച്ച സാ​ഹ​ച​ര്യ​ത്തി​ല്‍ വീ​ഴ്ച​യി​ല്ലാ​ത്ത അ​ന്വേ​ഷ​ണം സി​ബി​ഐ ന​ട​ത്ത​ട്ടെ. അ​വ​രോ​ട് പൂ​ര്‍ണ​മാ​യി സ​ഹ​ക​രി​ക്കു​മെ​ന്നും ജയിം​സ് കൂ​ട്ടി​ച്ചേ​ര്‍ത്തു.

Copyright @ 2022 , Rashtra Deepika Ltd.