തൊ​ണ്ടിെമു​ത​ലാ​യ വാ​ഹ​ന​ങ്ങ​ളു​ടെ സം​ര​ക്ഷ​ണം പോ​ലീ​സി​നു ത​ല​വേ​ദ​ന
Friday, March 5, 2021 10:04 PM IST
തൊ​ടു​പു​ഴ: വി​വി​ധ കേ​സു​ക​ളി​ൽ​പ്പെ​ട്ട് പി​ടി​യി​ലാ​കു​ന്ന വാ​ഹ​ന​ങ്ങ​ളു​ടെ സൂ​ക്ഷി​പ്പ് പോ​ലീ​സി​നു ത​ല​വേ​ദ​ന​യാ​കു​ന്നു. പ​ല പോ​ലീ​സ് സ്റ്റേ​ഷ​നു​ക​ളി​ലും പ​രി​മി​ത​മാ​യ സൗ​ക​ര്യ​ങ്ങ​ളി​ലാ​ണ് വാ​ഹ​ന​ങ്ങ​ൾ സൂ​ക്ഷി​ക്കു​ന്ന​ത്. കൂ​ടു​ത​ൽ വാ​ഹ​ന​ങ്ങ​ളും മ​ഴ​യും വെ​യി​ലു​മേ​റ്റ് ന​ശി​ക്കു​ന്ന നി​ല​യി​ലാ​ണ്.

എ​ന്നാ​ൽ വി​വി​ധ ക്രൈം ​കേ​സു​ക​ളി​ൽ പി​ടി​യി​ലാ​കു​ന്ന വാ​ഹ​ന​ങ്ങ​ൾ സം​ര​ക്ഷി​ക്കേ​ണ്ട ഉ​ത്ത​ര​വാ​ദി​ത്വം പോ​ലീ​സി​നാ​യ​തി​നാ​ൽ കാ​ല​ഹ​ര​ണ​പ്പെ​ടു​ന്ന​തു വ​രെ ഇ​വ പോ​ലീ​സ് സ്റ്റേ​ഷ​ൻ വ​ള​പ്പി​ൽ സൂ​ക്ഷി​ക്ക​ണം.

തൊ​ടു​പു​ഴ പോ​ലീ​സ് സ്റ്റേ​ഷ​ൻ വ​ള​പ്പി​ൽ സൂ​ക്ഷി​ച്ചി​രു​ന്ന ഒ​ൻ​പ​ത് ബൈ​ക്കു​ക​ൾ വ്യാ​ഴാ​ഴ്ച തീ ​പ​ട​ർ​ന്ന് ക​ത്തി ന​ശി​ച്ചി​രു​ന്നു. വാ​ഹ​ന​ങ്ങ​ൾ പോ​ലീ​സ് സ്റ്റേ​ഷ​ൻ വ​ള​പ്പി​ൽ ത​ന്നെ ഹെ​ൽ​ത്ത് ക്ല​ബി​നു സ​മീ​പ​മാ​ണ് സൂ​ക്ഷി​ച്ചി​രു​ന്ന​ത്.

ഇ​തി​നു സ​മീ​പം മാ​ലി​ന്യ​ങ്ങ​ൾ ക​ത്തി​ച്ച​പ്പോ​ൾ ഇ​തി​ൽ നി​ന്നും തീ ​പ​ട​ർ​ന്നു പി​ടി​ക്കു​ക​യാ​യി​രു​ന്നു. ഫ​യ​ർ​ഫോ​ഴ്സ ഉ​ട​ൻ ത​ന്നെ സ്ഥ​ല​ത്തെ​ത്തി തീ​യ​ണ​ച്ച​തി​നാ​ൽ കൂ​ടു​ത​ൽ വാ​ഹ​ന​ങ്ങ​ൾ ക​ത്തി​ന​ശി​ക്കു​ന്ന​ത് ത​ട​യാ​നാ​യി.

ഓ​രോ പോ​ലീ​സ് സ്റ്റേ​ഷ​ൻ വ​ള​പ്പി​ലും ചെ​റു​തും വ​ലു​തു​മാ​യ ഒ​ട്ടേ​റെ വാ​ഹ​ന​ങ്ങ​ളാ​ണ് സൂ​ക്ഷി​ക്കേ​ണ്ടി വ​രു​ന്ന​ത്. കോ​ട​തി ഉ​ത്ത​ര​വു​ണ്ടാ​കു​ന്ന​തു വ​രെ ഇ​വ ക​സ്റ്റ​ഡി​യി​ൽ സൂ​ക്ഷി​ക്കേ​ണ്ടി വ​രു​മെ​ന്ന് പോ​ലീ​സ് പ​റ​യു​ന്നു. പോ​ലീ​സ് സ്റ്റേ​ഷ​ൻ വ​ള​പ്പി​ൽ സൂ​ക്ഷി​ക്കു​ന്ന വാ​ഹ​ന​ങ്ങ​ളു​ടെ എ​ണ്ണം പെ​രു​കി​യ​തോ​ടെ അ​പ​ക​ട​ങ്ങ​ൾ പോ​ലെ ക്രൈം ​കേ​സു​ക​ളി​ൽ ഉ​ൾ​പ്പെ​ടാ​ത്ത​തും ഉ​ട​മ​സ്ഥ​ർ ഏ​റ്റെ​ടു​ക്കാ​ത്ത​തു​മാ​യ വാ​ഹ​ന​ങ്ങ​ൾ നീ​ക്കം ചെ​യ്യാ​ൻ സം​സ്ഥാ​ന പോ​ലീ​സ് മേ​ധാ​വി നി​ർ​ദേ​ശി​ച്ചി​രു​ന്നു.

എ​ന്നാ​ൽ ഇ​തു കൊ​ണ്ടും സ്റ്റേ​ഷ​ൻ വ​ള​പ്പി​ലെ വാ​ഹ​ന​ങ്ങ​ളു​ടെ എ​ണ്ണ​ത്തി​ൽ കാ​ര്യ​മാ​യ കു​റ​വു വ​രു​ത്താ​നാ​യി​ല്ല. ല​ഹ​രി​ക​ട​ത്തും മ​ണ​ൽ​ക​ട​ത്തും മ​റ്റും കൂ​ടു​ത​ലാ​യു​ള്ള മേ​ഖ​ല​ക​ളി​ലെ സ്റ്റേ​ഷ​നു​ക​ളി​ലാ​ണ് വാ​ഹ​ന​ങ്ങ​ളു​ടെ എ​ണ്ണം കൂ​ടു​ത​ൽ.

കൂ​ടാ​തെ അ​തി​ർ​ത്തി മേ​ഖ​ല​ക​ളി​ലെ പോ​ലീ​സ് സ്റ്റേ​ഷ​നു​ക​ളി​ലും അ​ന​ധി​കൃ​ത ഇ​ട​പാ​ടു​ക​ൾ ന​ട​ത്തി പി​ടി​യി​ലാ​കു​ന്ന വാ​ഹ​ന​ങ്ങ​ളു​ടെ എ​ണ്ണം കൂ​ടു​ത​ലാ​ണ്.

ഇ​വ​യൊ​ക്കെ ന​ശി​ച്ചു പോ​കാ​തെ സൂ​ക്ഷി​ക്ക​ണം. തീ ​പി​ടി​ത്ത​മോ വെ​ള്ള​പ്പൊ​ക്ക​മോ ഉ​ണ്ടാ​യാ​ൽ പോ​ലും തൊ​ണ്ടി​മു​ത​ലാ​യ വാ​ഹ​ന​ങ്ങ​ൾ ന​ശി​ക്കാ​തെ സം​ര​ക്ഷി​ക്ക​ണം.

എ​ന്നാ​ൽ ഇ​തി​നാ​വ​ശ്യ​മാ​യ സ്ഥ​ല സൗ​ക​ര്യം പ​ല പോ​ലീ​സ് സ്റ്റേ​ഷ​നു​ക​ളി​ലും ഇ​ല്ലെ​ന്നാ​ണ് ഉ​ദ്യോ​ഗ​സ്ഥ​രു​ടെ ആ​ക്ഷേ​പം.