ലീ​ലാ​മ​ണി​യു​ടെ ജീ​വി​തം ഹ​രി​ത​ക​ർ​മ സേ​ന​യു​ടെ പാ​ഠ​പു​സ്ത​കം
Monday, April 12, 2021 9:48 PM IST
തൊ​ടു​പു​ഴ: കു​ള​മാ​വ് സ്വ​ദേ​ശി​നി ലീ​ലാ​മ​ണി​യു​ടെ ജീ​വി​തം ഹ​രി​ത​ക​ർ​മ​സേ​ന​യ്ക്ക് പാ​ഠ​പു​സ്ത​ക​മാ​കു​ന്നു. അ​റ​ക്കു​ളം പ​ഞ്ചാ​യ​ത്തി​ലെ ആ​ക്രിവ്യാ​പാ​രി​യാ​ണ് ഹ​രി​ത​ക​ർ​മസേ​നാം​ഗ​മാ​യ കു​ള​മാ​വ് ഇ​ടീ​പ്പ​റ​ന്പി​ൽ ലീ​ലാ​മ​ണി(54).
ഓ​ട്ടോറി​ക്ഷ ഓ​ടി​ക്കാ​നു​ള്ള ലൈ​സ​ൻ​സു​ണ്ടെ​ങ്കി​ലും വാ​ഹ​നം വാ​ങ്ങാ​ൻ ക​ഴി​ഞ്ഞി​ട്ടി​ല്ല. എ​ങ്ങ​നെ​യെ​ങ്കി​ലും ഒ​രു വാ​ഹ​നം വാ​ങ്ങി വ്യാ​പാ​രം കൂടു​ത​ൽ മെ​ച്ച​പ്പെ​ടു​ത്ത​ണം, ക​യ​റി​ക്കി​ട​ക്കാ​ൻ വീ​ടു​ണ്ടാ​ക്ക​ണം... ഇ​തൊ​ക്കെ​യാ​ണ് ലീ​ലാ​മ​ണി​യു​ടെ സ്വ​പ്ന​ങ്ങ​ൾ. അ​തി​നാ​യി ത​ന്‍റെ ബാ​ഗി​ൽ എ​പ്പോ​ഴും ക​രു​തു​ന്ന​ത് 25 കി​ലോ ത്രാ​സ് മാ​ത്ര​മാ​ണ്. പി​ന്നെ ക​ഠി​നാ​ധ്വാ​നം ചെ​യ്യാ​നു​ള്ള ഒ​രു മ​ന​സും.​
അ​റ​ക്കു​ളം പ​ഞ്ചാ​യ​ത്തി​ലെ 12-ാം വാ​ർ​ഡി​ന്‍റെ ചു​മ​ത​ല​യാ​ണ് ലീ​ലാ​മ​ണി​ക്കു​ള്ള​ത്. ​വീ​ടു​ക​ളി​ൽനി​ന്നും സ്ഥാ​പ​ന​ങ്ങ​ളി​ൽ നി​ന്നും ആ​ക്രി​സാ​ധ​ന​ങ്ങ​ൾ വി​ല​യ്ക്കെ​ടു​ക്കു​ന്ന വ്യ​ക്തി​ഗ​ത കു​ടും​ബ​ശ്രീ സം​രം​ഭം ന​ട​ത്തു​ക​യാ​ണ് ഇ​വ​ർ.​
ഓ​രോ ഹ​രി​ത​ക​ർ​മ സേ​നാ യൂ​ണി​റ്റു​ം ക​ണ്‍​സോ​ർ​ഷ്യ​മാ​യി ര​ജി​സ്റ്റ​ർ ചെ​യ്ത് വ്യ​ക്തി​ഗ​ത​മാ​യോ കൂ​ട്ടു​ചേ​ർ​ന്നോ ബി​സി​ന​സ് സം​രം​ഭം തു​ട​ങ്ങ​ണ​മെ​ന്ന സ​ർ​ക്കാ​ർ നി​ർ​ദേ​ശ​മാ​ണ് ലീ​ലാ​മ​ണി​യു​ടെ ജീ​വി​ത​ത്തി​ൽ വ​ഴി​ത്തി​രി​വാ​യ​ത്. ത​യ്യ​ൽ അ​റി​യാ​വു​ന്ന​തി​നാ​ൽ ടെ​യ്‌ലറിം​ഗ് ഷോ​പ്പാ​ണ് ലീ​ലാ​മ​ണി സ്വ​പ്നം ക​ണ്ട​ത്. ഇ​തി​നാ​യി വാ​യ്പ ല​ഭ്യ​മാ​ക്കാ​ൻ ശ്ര​മി​ച്ചെ​ങ്കി​ലും ന​ട​ന്നി​ല്ല.​ ഈ നി​രാ​ശ​യി​ൽ ക​ഴി​യു​ന്ന​തി​നി​ടെ സ്വ​ന്തം വീ​ട് പൊ​ളി​ച്ച സാ​ധ​ന​ങ്ങ​ൾ ആ​ക്രി​ക്ക​ട​യി​ൽ വി​ൽ​ക്കാ​ൻ പോ​യി. അ​പ്പോ​ഴാ​ണ് വീ​ടു​ക​ളി​ൽ നി​ന്നും ആ​ക്രി ശേ​ഖ​രി​ച്ച് വി​ൽ​പ്പ​ന ന​ട​ത്തു​ക​യെ​ന്ന ആ​ശ​യം ഉ​ദി​ച്ച​ത്.
തു​ട​ർ​ന്ന് ഹ​രി​ത​ക​ർ​മ സേ​ന ശേ​ഖ​രി​ക്കാ​ത്ത സാ​ധ​ന​ങ്ങ​ളെ​ല്ലാം ഏ​റ്റെ​ടു​ക്കാ​ൻ അ​നു​മ​തി​യും ല​ഭി​ച്ചു. തൂ​ക്കം​നോ​ക്കാ​ൻ ത്രാ​സി​ല്ലാ​ത്ത​തി​നാ​ൽ ഉൗ​ഹ​വി​ല ന​ൽ​കി​യാ​യി​രു​ന്നു ആ​ദ്യം ബി​സി​ന​സ്. ഇ​ത് ആ​ളു​ക​ൾ​ക്ക് ബു​ദ്ധി​മു​ട്ടു​ണ്ടാ​ക്കു​ന്നു​വെ​ന്ന് മ​ന​സി​ലാ​ക്കി 860 രൂ​പ മു​ട​ക്കി ത്രാ​സ് വാ​ങ്ങി.​ അ​തോ​ടെ വ്യാ​പാ​രം പ​ച്ച​പി​ടി​ച്ചു.​ ആ​ദ്യം സം​ശ​യ​ത്തോ​ടെ വീ​ക്ഷി​ച്ച ആ​ളു​ക​ൾ ഇ​ട​പാ​ടു​ക​ളി​ലെ സ​ത്യ​സ​ന്ധ​ത ബോ​ധ്യ​പ്പെ​ട്ട​തോ​ടെ ലീ​ലാ​മ​ണി​യെ സ്നേ​ഹ​ത്തോ​ടെ അം​ഗീ​ക​രി​ച്ചു.
പേ​പ്പ​റു​ക​ളും ക​ളി​പ്പാ​ട്ട​ങ്ങ​ളും പാ​ട്ട, ത​കി​ട്, കേ​ടാ​യ ഗൃ​ഹോ​പ​ക​ര​ണ​ങ്ങ​ൾ തു​ട​ങ്ങി​യ പാ​ഴ് വ​സ്തു​ക്ക​ളുമെല്ലാം അ​വ​ർ ലീ​ലാ​മ​ണി​ക്കായി ക​രു​തി​വ​ച്ചു. ​
കു​ന്നും​മ​ല​യും ക​യ​റി ആ​ക്രി സാ​ധ​ന​ങ്ങ​ൾ ശേ​ഖ​രി​ച്ച് ചു​മ​ന്ന് റോ​ഡി​ലെ​ത്തി​ക്കു​ന്ന​തെ​ല്ലാം ത​നി​ച്ചാ​ണ്. പി​ന്നീ​ട് ഓ​ട്ടോ വി​ളി​ച്ച് ആ​ക്രിക്ക​ട​യി​ലെ​ത്തി​ക്കു​ന്നു. ആ​രേ​യും ആ​ശ്ര​യി​ക്കാ​തെ എ​ല്ലാ ചെ​ല​വു​ക​ളും ക​ഴി​ഞ്ഞ് 8,000 രൂ​പ​യോ​ളം പ്ര​തി​മാ​സം വ​രു​മാ​ന​മു​ണ്ടാ​ക്കാ​ൻ സാ​ധി​ക്കു​ന്നു​ണ്ടെ​ന്ന് ലീ​ലാ​മ​ണി പ​റ​ഞ്ഞു. ഈ ​ജോ​ലി ആ​രം​ഭി​ച്ചി​ട്ട് എ​ട്ടു​മാ​സ​ത്തോ​ള​മാ​യി.​
ബു​ദ്ധി​മു​ട്ടു​ള്ള ജോ​ലി​യാ​ണെ​ങ്കി​ലും അ​ഭി​മാ​ന​ത്തോ​ടെ ജീ​വി​ക്കാ​നു​ള്ള വ​രു​മാ​നം ല​ഭി​ക്കു​ന്നു​ണ്ടെ​ന്ന് ലീ​ലാ​മ​ണി പ​റ​ഞ്ഞു.